14 Mosali ea bohlale e le kannete o haha ntlo ea hae+
Empa oa leoatla o e heletsa ka matsoho a hae.
2 Motho ea litsela li lokileng o hlompha Jehova
Empa ea litsela li khopo o hloile Molimo.
3 Lipuo tsa boikhohomoso tsa leoatla li tšoana le molamu
Empa lipuo tsa ba bohlale li tla ba sireletsa.
4 Moo ho se nang likhomo sejelo se hloekile
Empa matla a poho a etsa hore ho be le lijo tse ngata.
5 Paki e tšepahalang e ke ke ea bua leshano
Empa paki ea bohata e bua leshano feela.+
6 Motho ea ikhohomosang o batla bohlale empa ha a bo fumane
Empa tsebo e itlela habonolo ho motho ea nang le kutloisiso.+
7 Suthela hole le motho ea hlokang kelello
Hobane u ke ke oa fumana tsebo ho eena.+
8 Ka lebaka la bohlale, motho ea nang le temoho o tseba moo a eang
Empa leoatla le thetsoa ke ho hloka kelello ha lona.+
9 Maoatla a tšeha liphoso tsa ’ona+
Empa ba lokileng ba ikemiselitse ho boelana.
10 Motho o tseba bohloko ba pelo ea hae
Ebile ha ho ea ka utloisisang thabo e ka pelong ea motho.
11 Ntlo ea batho ba khopo e tla felisoa+
Empa ntlo ea ba lokileng e tla atleha.
12 Ho na le tsela e bonahalang eka e lokile ho motho+
Empa qetellong e lebisa lefung.+
13 Leha motho a ntse a tšeha, e ka ’na eaba pelo ea hae e bohloko.
Le thabo e ka fetoha masoabi.
14 Ea pelo e mpe o tla kotula litholoana tsa litsela tsa hae+
Empa motho ea lokileng o tla fumana moputso oa mesebetsi ea hae.+
15 Ea se nang tsebo o lumela lentsoe le leng le le leng
Empa ea bohlale o nahana ka mohato o mong le o mong oa hae.+
16 Ea bohlale o hlokolosi ’me o furalla bobe
Empa ea se nang kelello ha a tsotelle ebile o itšepa ho tlola.
17 Ea potlakelang ho halefa o etsa lintho ka booatla+
Empa motho ea nahanang lintho hantle o hlouoe.
18 Lefa la ba se nang tsebo e tla ba bothoto
Empa ba bohlale ba roesoa korone ea tsebo.+
19 Batho ba sa lokang ba tla lokela ho inamela ba lokileng,
Ba khopo ba iname likeiting tsa ea lokileng.
20 Mofutsana o hlouoe le ke baahisani ba hae+
Empa metsoalle ea morui e mengata.+
21 Ea nyatsang moahisani oa hae o etsa sebe
Empa mang kapa mang ea qenehelang mofutsana oa thaba.+
22 Ba rerang bobe ba tla lahleha
Empa ba ikemiselitseng ho etsa hantle ba tla ratoa le ho tšeptjoa.+
23 Motho o rua molemo ha a sebetsa ka thata
Empa ho bua feela ho baka bofutsana.+
24 Korone ea ba bohlale ke leruo la bona
Empa bothoto ba ba se nang kelello bo tsoala bothoto bo fetang.+
25 Paki ea ’nete e pholosa bophelo ba batho
Empa e leshano e bua leshano feela.
26 Motho ea hlomphang Jehova o mo tšepa kahohle+
Ebile bana ba motho eo ba tla fumana setšabelo.+
27 Ho hlompha Jehova ke seliba sa bophelo,
Ho etsa joalo ho qobisa motho maraba a lefu.
28 Morena o khaba ka sechaba se sengata+
Empa ’musi ea se nang bafo o oele.
29 Motho ea liehang ho halefa o na le temoho+
Empa ea felang pelo o bontša bothoto ba hae.+
30 Pelo e nang le khotso e phelisa ’mele oa motho
Empa mona o bolisa masapo.+
31 Ea qhekellang mofutsana o rohaka ’Mopi oa hae+
Empa ea hauhelang ea futsanehileng o tlotlisa ’Mopi.+
32 Ea khopo o tla lihuoa ke bokhopo ba hae
Empa ea lokileng o tla sireletsoa ka lebaka la botšepehi ba hae.+
33 Motho ea nang le kutloisiso ha a ithorise ka bohlale ba hae+
Empa ea se nang kelello o lula a ithorisa ka tsebo ea hae.
34 Sechaba se lokileng sea phahamisoa+
Empa sebe ke ntho e soabisang ho batho.
35 Morena o khahlisoa ke mohlanka ea bontšang hore o na le temoho+
Empa o halefisoa ke ea itšoarang ka mokhoa o hlabisang lihlong.+