Obadia
Ona ke molaetsa o tsoang ho Jehova ’Musi oa Lintho Tsohle oo Obadia a o bolelang mabapi le Edomo:+
“Re utloile tlaleho e tsoang ho Jehova,
Moromuoa o rometsoe har’a lichaba o re:
‘Emang, re itokisetseng ho loantša Edomo.’”+
2 “Ke u entse ea se nang thuso har’a lichaba.
Li u nyatsa haholo.+
3 Boikhohomoso ba hao bo u thetsitse,+
Uena ea balehelang* lefikeng,
Ea lulang holimo lithabeng, u ntse u re ka pelong,
‘Ke mang ea tla ntiha?’
4 Le haeba u ka lula holimo* joaloka ntsu
Kapa oa hahela har’a linaleli,
Ke tla u theola hona moo,” ke Jehova ea chong.
5 “Haeba masholu a ka tla ho uena, le linokoane tsa tla bosiu,
(U ne u tla felisoa)*
Na li ne li ke ke tsa utsoa lintho tseo li li batlang feela?
Kapa haeba batho ba kotulang morara ba ka tla ho uena,
Na ba ne ba ke ke ba siea o mong?+
6 Uena Esau, lintho tsohle tsa hao li fumanoe.
Maruo ’ohle a hao ao u a patileng a nkiloe.
7 Ba u tebetse naheng ea habo bona.
Bohle ba entseng tumellano le uena ba u thetsitse.
Banna ba entseng khotso le uena ba u hlotse.
Ba jang bohobe le uena ba tla u chehela leraba
Empa u ke ke oa lemoha.
8 Letsatsing leo,” ke Jehova ea chong,
“Ke tla timetsa ba bohlale ba tsoang Edomo+
Le ba nang le temoho ba tsoang lithabeng tsa Esau.
9 Bahlabani ba hao ba tla tšoha,+ uena Temane+
Hobane e mong le e mong ea lithabeng tsa Esau o tla bolaoa.+
11 Letsatsing leo u neng u emeletse ka thoko,
Mohla ba lireng* ba isang masole a Jakobo botlamuoeng,+
Ha ba lireng ba kena motseng* oa hae ’me ba arolelana maruo a Jerusalema ka lotho,+
U ne u le har’a bona.
12 U ne u sa lokela ho thabela ho bona litsietsi tsa ngoan’eno letsatsing la tlokotsi ea hae,+
U ne u sa lokela ho thabela batho ba Juda letsatsing la ho timela ha bona+
Ebile u ne u sa lokela ho ba soma letsatsing la mahlomola a bona.
13 U ne u sa lokela ho kena motseng oa batho ba ka mohla ba neng ba oeloa ke koluoa,+
U ne u sa lokela ho thabela ho bona tlokotsi ea hae mohla a neng a hlaheloa ke koluoa.
U ne u sa lokela ho inkela maruo a hae letsatsing la koluoa ea hae.+
14 U ne u sa lokela ho ema mateanong a litsela ho lalla ba phonyohileng ba hae e le hore u ba bolaee.+
U ne u sa lokela ho nehelana ka bona ho lira tsa hae letsatsing la mahlomola.+
15 Etsoe letsatsi la hore Jehova a ahlole lichaba tsohle le haufi.+
Ho tla etsoa ho uena joalokaha u entse ho eena.+
U tla tšoaroa ka tsela eo u tšoereng ba bang ka eona.
16 Tsela eo le noeleng veine ka eona holim’a thaba ea ka e halalelang,
Ke tsela eo ka eona lichaba tsohle li tla ’ne li noe khalefo ea ka.+
Li tla noa khalefo ea ka le ho e menyeletsa.
Li tla nyamela joalokaha eka ha li e-s’o ka li e-ba teng.
17 Empa ba phonyohileng ba tla lula Thabeng ea Sione,+
E tla halalela+
’Me ba ntlo ea Jakobo ba tla lata thepa ea bona.+
18 Ba ntlo ea Jakobo e tla ba mollo,
Ba ntlo ea Josefa e be lelakabe,
Ba ntlo ea Esau bona ba be joaloka litlhaka.
Ba tla ba chesa ’me ba ba felise.
Ha ho motho ho ba ntlo ea Esau ea tla phonyoha+
Hobane Jehova o chulo.
Ba tla nka naha ea Efraime le naha ea Samaria,+
Benjamine eena a nke Gileade.
20 Ha e le baphaphathehi ba tsoang totomeng ena+
E leng Baiseraele, ba tla nka naha ea Bakanana ho ea fihla Sarepta.+
Baphaphathehi ba Jerusalema ba neng ba le Sefarade ba tla nka metse ea Negebe.+