Sáàmù

43 Ṣe ìdájọ́ mi, Ọlọ́run,+

Gbèjà mi+ níwájú orílẹ̀-èdè aláìṣòótọ́.

Gbà mí lọ́wọ́ ẹlẹ́tàn àti aláìṣòdodo.

2 Nítorí pé ìwọ ni Ọlọ́run mi, odi ààbò mi.+

Kí nìdí tí o fi ta mí nù?

Kí nìdí tí mo fi ń rìn kiri nínú ìbànújẹ́ nítorí pé ọ̀tá mi ń ni mí lára?+

3 Rán ìmọ́lẹ̀ rẹ àti òtítọ́ rẹ jáde.+

Kí wọ́n máa darí mi;+

Kí wọ́n ṣamọ̀nà mi sí òkè mímọ́ rẹ àti sí àgọ́ ìjọsìn rẹ títóbi.+

4 Nígbà náà, màá wá síbi pẹpẹ Ọlọ́run,+

Sọ́dọ̀ Ọlọ́run, tí ó jẹ́ ayọ̀ ńlá mi.

Màá sì fi háàpù yìn ọ́,+ ìwọ Ọlọ́run, Ọlọ́run mi.

5 Kí nìdí tí ìrẹ̀wẹ̀sì fi bá ẹ̀mí* mi?

Kí nìdí tí ìdààmú fi bá ọkàn mi?

Dúró de Ọlọ́run,+

Nítorí mo ṣì máa yìn ín torí òun ni Olùgbàlà mi Atóbilọ́lá àti Ọlọ́run mi.+