UHagayi
2 Ngenyanga yesikhombisa, ngosuku luka-21 lwenyanga, izwi likaJehova lafika ngoHagayi + umprofethi, lithi, 2 “Ngicela ubuze uZerubhabhele + indodana kaSheyalitiyeli, umbusi wakwaJuda, + noJoshuwa + indodana kaJehozadaki + umpristi ophakeme, nabo bonke abanye abantu, uthi: 3 ‘Ubani osele phakathi kwenu owabona le ndlu* enkazimulweni yayo yakudala? + Ibukeka kanjani manje? Ayilona yini ubala uma iqhathaniswa nayo?’ +
4 “ ‘Kodwa manje yiba nesibindi, Zerubhabhele,’ kusho uJehova, ‘yiba nesibindi, Joshuwa ndodana kaJehozadaki, mpristi ophakeme.’
“ ‘Yibani nesibindi, nonke nina bantu bezwe,’ + kusho uJehova, ‘nisebenze.’
“ ‘Ngoba nginani,’ + kusho uJehova wamabutho. 5 ‘Khumbulani lokho enganithembisa kona lapho niphuma eGibhithe, + umoya wami unani. *+ Ningesabi.’ ” +
6 “Ngoba yilokhu uJehova wamabutho akushoyo, ‘Maduzane ngizophinde ngizamazamise amazulu nomhlaba nolwandle nezwe elomile.’ +
7 “ ‘Ngizozamazamisa zonke izizwe, izinto eziyigugu* zazo zonke izizwe zizongena kule ndlu; + ngizoyigcwalisa ngenkazimulo,’ + kusho uJehova wamabutho.
8 “ ‘Isiliva ngelami, negolide ngelami,’ kusho uJehova wamabutho.
9 “ ‘Izoba nkulu inkazimulo yale ndlu yakamuva kunaleyo yangaphambili,’ + kusho uJehova wamabutho.
“ ‘Ngizoletha ukuthula kule ndawo,’ + kusho uJehova wamabutho.”
10 Ngosuku luka-24 lwenyanga ka-9, ngonyaka wesibili kaDariyu, izwi likaJehova lafika kuHagayi + umprofethi, lathi: 11 “Yilokhu uJehova wamabutho akushoyo, ‘Ngicela ubuze abapristi ngokuqondene nomthetho, + uthi: 12 “Uma umuntu ephethe inyama engcwele ngomphetho wengubo yakhe, bese ingubo yakhe ithinta isinkwa noma isitshulu noma iwayini noma amafutha nanoma iluphi uhlobo lokudla, ingabe kuyoba ngcwele?” ’ ”
Abapristi baphendula bathi: “Cha!”
13 UHagayi wabe esethi: “Uma umuntu ongcolile ngenxa yokuthinta isidumbu* ethinta noma yini kulezi zinto, ingabe iyoba engcolile?” +
Abapristi baphendula bathi: “Iyoba engcolile.”
14 Ngakho uHagayi wathi: “ ‘Banjalo-ke laba bantu, sinjalo lesi sizwe phambi kwami,’ kusho uJehova, ‘unjalo wonke umsebenzi wezandla zaso; noma yini esiyiletha lapho ingcolile.’
15 “ ‘Kodwa manje, ngiyanicela, cabangisisani ngalokhu* kusukela kulolu suku kuqhubeke: Ngaphambi kokuba kubekwe itshe phezu kwetshe ethempelini likaJehova, + 16 kwakunjani? Lapho umuntu efika enqwabeni yokudla okusanhlamvu elindele ukuthola amasaka angu-20, kwakunayishumi kuphela; lapho umuntu efika emgodini wesikhamo ezokha izimbiza ezingu-50 emkhombeni wewayini, kwakukhona ezingu-20 kuphela; + 17 nganishaya—wonke umsebenzi wezandla zenu—ngokuhangulwa ukushisa nangesikhunta + nangesichotho, kodwa akukho noyedwa kini owaphendukela kimi,’ kusho uJehova.
18 “ ‘Ngiyanicela, cabangisisani ngalokhu* kusukela kulolu suku kuqhubeke, kusukela ngosuku luka-24 lwenyanga ka-9, kusukela ngosuku esabekwa ngalo isisekelo sethempeli likaJehova; + cabangisisani ngalokhu: 19 Isikhona yini imbewu enqolobaneni? *+ Isihlahla samagilebhisi, esomkhiwane, esamahalananda* nesomnqumo—azikatheli zithelo, angithi? Kusukela kulolu suku ngizoletha isibusiso.’ ” +
20 Izwi likaJehova lafika okwesibili kuHagayi ngosuku luka-24 lwenyanga, + lathi: 21 “Yithi kuZerubhabhele umbusi wakwaJuda, ‘Ngizozamazamisa amazulu nomhlaba. + 22 Ngizogumbuqela isihlalo sobukhosi semibuso ngiqede amandla emibuso yezizwe; + ngizogumbuqela inqola nabagibeli bayo, amahhashi azofa nabagibeli bawo bazobulalana ngenkemba.’ ” +
23 “ ‘Ngalolo suku,’ kusho uJehova wamabutho, ‘ngiyokuthatha nceku yami, Zerubhabhele + ndodana kaSheyalitiyeli,’ + kusho uJehova, ‘ngiyokwenza ube njengendandatho ewuphawu, ngoba nguwe engikukhethile,’ kusho uJehova wamabutho.”