Psalms

 2 Besing die heerlikheid van sy naam met melodieë.+

Verheerlik sy lof.+

 3 Sê vir God: “Hoe vreesinboesemend is u werke!+

Weens die oorvloed van u sterkte sal u vyande kruipend na u toe kom.+

 4 Al die mense van die aarde sal hulle voor u neerbuig,+

En hulle sal u met melodieë besing, hulle sal u naam met melodieë besing.”+ Sela.

 5 KOM en aanskou die dade van God.+

Die wyse waarop hy met die mensekinders handel, is vreesinboesemend.+

 6 Hy het die see in droë land verander;+

Deur die rivier het hulle te voet getrek.+

Daar het ons ons in hom begin verbly.+

 7 Hy heers tot onbepaalde tyd deur sy mag.+

Sy oë let op die nasies.+

Wat die hardkoppiges betref, laat hulle hulle nie verhef nie.+ Sela.

 8 Loof ons God, o volke,+

En laat hoor die stem van lof aan hom.+

 9 Hy plaas ons siel in die lewe,+

En hy het nie toegelaat dat ons voet wankel nie.+

10 Want u het ons ondersoek, o God;+

U het ons gelouter soos ’n mens silwer louter.+

11 U het ons in ’n vangnet gebring;+

U het druk op ons heupe geplaas.

12 U het die sterflike mens oor ons kop laat ry;+

Ons het deur vuur en deur water gekom,+

En u het ons uitgelei na verligting.+

13 Ek sal met heelbrandoffers in u huis ingaan;+

Ek sal aan u my geloftes betaal+

14 Wat my lippe geuiter+

En my mond gespreek het toe ek in groot nood verkeer het.+

15 Heelbrandoffers van vetgemaakte diere sal ek aan u bring,+

Saam met die offerrook van ramme.

Ek sal ’n bul saam met bokramme bring.+ Sela.

16 Kom, luister, almal wat God vrees, en ek sal vertel+

Wat hy vir my siel gedoen het.+

17 Hom het ek met my mond aangeroep,+

En daar was lofprysing met my tong.+

18 As ek iets skadeliks in my hart beoog het,

Sal Jehovah my nie hoor nie.+

19 Waarlik, God het gehoor;+

Hy het aandag geskenk aan die stem van my gebed.+

20 Mag God geloof word, wat my gebed nie afgewys het nie,

En ook sy liefderyke goedhartigheid nie van my afgewend het nie.+