Psalms

92 Dit is goed om Jehovah te dank+

En om u naam met melodieë te besing, o Allerhoogste;+

 2 Om in die oggend u liefderyke goedhartigheid te verkondig+

En u getrouheid in die nagte,+

 3 Op ’n tiensnarige instrument en op die luit,+

Deur weerklinkende musiek op die harp.+

 4 Want u het my vreugde gegee, o Jehovah, weens u dade;

Weens die werke van u hande roep ek met vreugde uit.+

 5 Hoe groot is u werke, o Jehovah!+

Baie diep is u gedagtes.+

 6 Geen redelose mens kan dit ken nie,+

En geen sot kan dit verstaan nie.+

 7 Wanneer die goddeloses uitspruit soos die plante+

En almal wat skadelike dinge beoefen, bloei,

Is dit sodat hulle vir ewig verdelg kan word.+

 9 Want kyk! u vyande, o Jehovah,+

Want kyk! u vyande sal vergaan;+

Almal wat skadelike dinge beoefen, sal van mekaar geskei word.+

10 Maar u sal my horing verhef soos dié van ’n wilde bul;+

Ek sal my met vars olie bevogtig.+

11 En my oog sal op my vyande neersien;+

My ore sal hoor van dié wat teen my opstaan, die kwaaddoeners.

12 Die regverdige sal bloei soos ’n palmboom;+

Soos ’n seder op die Liʹbanon sal hy groot word.+

13 Dié wat in die huis van Jehovah geplant is,+

In die voorhowe van ons God,+ hulle sal bloei.

14 Hulle sal nog in die grysheid bly floreer,+

Vet en vars sal hulle bly,+

15 Om te verkondig dat Jehovah reg is.+

Hy is my Rots,+ in wie daar geen onregverdigheid is nie.+