Yesaya

 2 Mi dziƒowo, misee, eye anyigba, ƒu to anyi,+

Elabena Yehowa gblɔ be:

“Menyi viwo wotsi,+

Ke wodze aglã ɖe ŋunye.+

 3 Nyitsu nyaa eƒlela,

Eye tedzi nyaa eƒe aƒetɔ ƒe lãnuɖunu;

Ke Israel ya menyam o,*+

Nye dukɔ mewɔa gɔmesese ŋu dɔ o.”

 4 Baba na dukɔ wɔnuvɔ̃,+

Dukɔ si ƒe vodada kpe,

Dzidzime si wɔa vɔ̃, vi gblẽkuwo!

Wogblẽ Yehowa ɖi;+

Womede bubu Israel ƒe Kɔkɔetɔ la ŋu o;

Wotrɔ megbe dee.

Ta blibo la katã dze dɔ,

Eye dzi blibo la le dɔ lém.+

Negbe abi kple dodro kpakple abi yeye sɔŋ;

—Womeklɔ wo o,* womebla wo o, eye womeɖo ami wo ne woabɔbɔ hã o.+

 8 Zion vinyɔnu la tsi anyi abe agbadɔ le waingble me ene,

Abe agblexɔ le aŋanyigble me ene,

Abe du si woɖe to ɖo ene.+

 9 Ne ɖe aʋakɔwo ƒe Yehowa* mekpɔtɔ ame ʋɛ aɖewo ɖi na mí o la,

Anye ne míezu abe Sodom ene,

Anye ne míeɖi Gomora.+

Miaƒe agbowo+ ƒe numevɔsawo kple lã damiwo ƒe ami+ ti kɔ nam,

Nyitsuiwo+ kple alẽtsuiwo kpakple gbɔ̃tsuwo+ ƒe ʋu+ medzea ŋunye o.

12 Ne mieva be yewoado ɖe ŋkunyeme la,+

Ame kae bia tso mia si

Be mianɔ afɔ ƒom nye xɔxɔnuwo?+

Mieɖua dzinu yeye+ kple sabat,+ eye miewɔa takpekpewo+

—Gake nyemate ŋu ado dzi atsɔ miaƒe akunyawɔwɔ+ kple miaƒe takpekpe tɔxɛwo o.

Wozu agba nam;

Wo tsɔtsɔ tim.

15 Ne mieke miaƒe abɔwo me la,

Maɣla ŋkume ɖe mi.+

Ne mieli kɔ gbedodoɖawo gleglegle hã la,+

Nyemele wo se ge o;+

Elabena ʋu yɔ asi me na mi.+

16 Mile tsi; mikɔ mia ɖokuiwo ŋu;+

Miɖe miaƒe nu vɔ̃ɖi wɔwɔwo ɖa le ŋkunyeme;

Midzudzɔ nu baɖa wɔwɔ.+

17 Misrɔ̃ nu nyui wɔwɔ; midi dzɔdzɔenyenye yome mɔ,+

Miɖɔ ame si tea ame ɖe anyi la ɖo,

Miʋli tsyɔ̃eviwo ta,

Eye mixɔ ahosiwo ƒe nya ɖe akɔ.”+

Ne miaƒe nu vɔ̃wo biã helĩhelĩ hã la,

Woafu abe sno ene;+

Ne wobiã abe nyagadzĩ ene hã la,

Woazu abe alẽfu ene.

19 Ne mielɔ̃ heɖo to la,

Ekema miaɖu anyigba la dzi nu nyuiwo.+

20 Ke ne miegbe hedze aglã la,

Ekema yi aɖu mi,+

Elabena Yehowa ƒe nue gblɔe.”

Tsã la, nya dzɔdzɔe yɔe fũu;+

Eye dzɔdzɔenyenye nɔ eme,+

Ke azɔ la, amewulawoe xɔ aƒe ɖe eme.+

22 Wò klosalo va zu gamĩ,+

Eye wotɔ tsi wò aha.*

Wometsoa afia dzɔdzɔe na tsyɔ̃eviwo o,

Eye womekpɔa ahosiwo ƒe nya gbɔ hã o.+

24 Eya ta ale Aƒetɔ vavã la, aʋakɔwo ƒe Yehowa,

Israel ƒe Ŋusẽtɔ la gblɔe nye esi:

“Kpɔ ɖa! Maɖe nye ketɔwo ɖa le ɖokuinye ŋu,

Eye mabia hlɔ̃ nye futɔwo.+

25 Matrɔ nye asi ɖe ŋuwò,

Malólo wò gamĩ abe adzalẽɖaɖi wotsɔ lóloe ene,

Eye maɖe wò ɖinuwo katã ɖa.+

26 Magaɖo ʋɔnudrɔ̃lawo na wò abe tsã ene,

Kple adaŋudelawo na wò abe le gɔmedzedzea me ene.+

27 Woatsɔ ʋɔnu dzɔdzɔe dɔdrɔ̃ aɖe Zion,+

Eye woatsɔ dzɔdzɔenyenye aɖe eƒe ame siwo trɔ gbɔ la.

28 Woagbã aglãdzelawo kple nu vɔ̃ wɔlawo le ɣeyiɣi ɖeka me,+

Eye ame siwo gblẽ Yehowa ɖi la nu ayi.+

29 Elabena ŋu akpe wo le ati gã siwo ŋu miekpɔa dzidzɔ ɖo la ŋu,+

Eye miaƒe mo atsi dãa le abɔ* siwo mietia la ta.+

30 Elabena miazu abe ati gã si ƒe aŋgbawo le yɔyrɔm ene,+

Abe abɔ si mekpɔ tsi o ene.

31 Ame sesẽ la azu abe ɖetifu ene,

Eye eƒe dɔwɔwɔ azu dzoxi;

Wo kple eve la siaa ayi dzo me le ɣeyiɣi ɖeka me,

Eye ame aɖeke mate ŋu atsii o.”