Salamo

 2 Ianao no mahalala ahy, na mipetraka aho na mitsangana.+

Fantarinao avy eny lavitra eny ny eritreritro.+

 3 Voarefinao ny dia alehako sy ny toerana itsotsorako.+

Ary hainao tsara ny lalako rehetra.+

 4 Fa mbola tsy manonona teny akory ny lelako,+

Dia efa fantatrao sahady ny tiako holazaina, Jehovah ô!+

 5 Manao fahirano ahy avy ao andamosiko sy avy eo anoloako ianao,

Ary apetrakao eo amiko ny tananao.

 6 Mampiaiky volana ahy izany fahalalanao izany,+

Sady avo loatra ka tsy takatro.+

 7 Aiza no hialako amin’ny fanahinao?+

Ary aiza no handosirako tsy ho eo anatrehanao?+

 8 Fa raha miakatra eny amin’ny lanitra aho, dia eny ianao.+

Ary raha mamelatra ny fandrianako ao amin’ny Fasana* aho, dia any koa ianao.+

 9 Ary raha maka ny elatry+ ny maraina aho,

Mba honina any amin’ny ranomasina faran’izay lavitra,+

10 Dia mbola mitarika ahy ny tananao+ na any aza,

Ary mihazona ahy koa ny tananao ankavanana.+

11 Raha hoy aho: “Handrakotra ahy tampoka tokoa ny haizina!”,+

Dia ho lasa hazavana manodidina ahy ny alina.+

12 Na ny haizina aza tsy maizina loatra aminao.+

Fa hamirapiratra toy ny antoandro ny alina,+

Ka hoatran’ny hazavana ihany ny haizina.+

13 Fa ianao no nahary ny voako.+

Notakonanao tao an-kibon’i Neny aho.+

14 Hidera anao aho, satria mahagaga sy mahatalanjona ny fomba nanaovanao ahy.+

Mahatalanjona ny asanao.+

Ary tena fantatro tsara izany.+

15 Tsy niafina taminao ny taolako,+

Tamin’izaho noforoninao tao amin’ny miafina,+

Sy notenominao tao amin’ny faritra lalina indrindra+ amin’ny tany.

16 Nahita ahy ny masonao na dia mbola vao niforona aza aho.+

Ary voasoratra tao amin’ny bokinao ny faritra rehetra amin’izay ho vatako

Sy ny andro hiforonan’ireny,+

Nefa mbola tsy nisy akory ireny, na iray aza.

17 Koa tena sarobidy amiko ny hevitrao!+

Andriamanitra ô, tena be dia be tokoa ny isan’ireny!+

18 Raha andramako isaina ireny, dia betsaka lavitra noho ny fasika.+

Mifoha aho, ary mbola eo aminao ihany.+

19 Haringanao anie ny ratsy fanahy, Andriamanitra ô!+

Dia hiala amiko tokoa ny olona meloka ho nandatsa-dra.+

20 Milaza izay saim-pantany+ momba anao izy ireny.

Manao tsinontsinona ny anaranao+ ireny fahavalonao+ ireny.

21 Jehovah ô, tsy hankahala an’izay mankahala mafy anao ve aho? +

Tsy haharikoriko ahy ve izay mikomy aminao?+

22 Halako dia halako tokoa ireny,+

Ary lasa tena fahavaloko.+

23 Diniho amin’ny an-tsipiriany aho, Andriamanitra ô, ary fantaro ny foko.+

Diniho aho, ka fantaro ny zavatra mampanahy+ ahy.

24 Ary jereo sao misy lalana mampahory+ ato anatiko,

Dia tariho ho amin’ny lalan’ny+ mandrakizay aho.