യശയ്യ
11 യിശ്ശായിയുടെ+ കുറ്റിയിൽനിന്ന്‌ ഒരു മുള+ പൊട്ടിക്കിളിർക്കും,
യിശ്ശായിയുടെ വേരുകളിൽനിന്നുള്ള ഒരു ചില്ല+ ഫലം കായ്‌ക്കും.
2 യഹോവയുടെ ആത്മാവ്‌ അവന്റെ മേൽ വസിക്കും,+
ജ്ഞാനത്തിന്റെയും+ ഗ്രാഹ്യത്തിന്റെയും ആത്മാവ്‌,
ഉപദേശത്തിന്റെയും ശക്തിയുടെയും ആത്മാവ്‌,+
അറിവിന്റെയും യഹോവഭയത്തിന്റെയും ആത്മാവ്‌.
3 യഹോവയെ ഭയപ്പെടുന്നതിൽ+ അവൻ ആനന്ദിക്കും.
കണ്ണുകൊണ്ട്‌ കാണുന്നതനുസരിച്ച്‌ അവൻ വിധി കല്‌പിക്കില്ല,
ചെവികൊണ്ട്‌ കേൾക്കുന്നതനുസരിച്ച്‌ ശാസിക്കുകയുമില്ല.+
തന്റെ വായിൽനിന്നുള്ള വടികൊണ്ട്‌ അവൻ ഭൂമിയെ അടിക്കും,+
അധരത്തിൽനിന്നുള്ള ശ്വാസത്താൽ അവൻ ദുഷ്ടന്മാരെ സംഹരിക്കും.+
6 ചെന്നായും കുഞ്ഞാടും ഒരുമിച്ച്‌ കഴിയും,+
പുള്ളിപ്പുലി കോലാട്ടിൻകുട്ടിയുടെകൂടെ കിടക്കും,
പശുക്കിടാവും സിംഹവും* കൊഴുത്ത മൃഗവും ഒരുമിച്ച്‌ കഴിയും;*+
ഒരു കൊച്ചുകുട്ടി അവയെ കൊണ്ടുനടക്കും.
7 പശുവും കരടിയും ഒന്നിച്ച്‌ മേയും,
അവയുടെ കുഞ്ഞുങ്ങൾ ഒരുമിച്ച്‌ കിടക്കും.
സിംഹം കാളയെന്നപോലെ വയ്‌ക്കോൽ തിന്നും.+
8 മുല കുടിക്കുന്ന കുഞ്ഞ്‌ മൂർഖന്റെ പൊത്തിന്‌ അരികെ കളിക്കും,
മുലകുടി മാറിയ കുട്ടി വിഷപ്പാമ്പിന്റെ മാളത്തിൽ കൈയിടും.
9 അവ* എന്റെ വിശുദ്ധപർവതത്തിൽ ഒരിടത്തും ഒരു നാശവും വരുത്തില്ല,
ഒരു ദ്രോഹവും ചെയ്യില്ല.+
കാരണം, സമുദ്രത്തിൽ വെള്ളം നിറഞ്ഞിരിക്കുന്നതുപോലെ
ഭൂമി മുഴുവൻ യഹോവയുടെ പരിജ്ഞാനം നിറഞ്ഞിരിക്കും.+
10 അന്നാളിൽ യിശ്ശായിയുടെ വേരു+ ജനങ്ങൾക്ക്‌ ഒരു അടയാളമായി* നിൽക്കും.+
11 അസീറിയയിലും+ ഈജിപ്‌തിലും+ പത്രോസിലും+ കൂശിലും+ ഏലാമിലും+ ശിനാരിലും* ഹമാത്തിലും കടലിലെ ദ്വീപുകളിലും+ ശേഷിക്കുന്ന സ്വന്തം ജനത്തെ വിളിച്ചുകൂട്ടാനായി അന്നാളിൽ യഹോവ രണ്ടാം തവണയും കൈ നീട്ടും. 12 ദൈവം ജനതകൾക്കുവേണ്ടി ഒരു അടയാളം ഉയർത്തുകയും ഇസ്രായേലിൽനിന്ന്‌ ചിതറിപ്പോയവരെ കൂട്ടിച്ചേർക്കുകയും ചെയ്യും.+ യഹൂദയിൽനിന്ന്‌ ചിതറിപ്പോയവരെ ഭൂമിയുടെ നാലു കോണിൽനിന്നും ഒരുമിച്ചുചേർക്കും.+
എഫ്രയീം യഹൂദയോട്‌ അസൂയപ്പെടുകയോ
യഹൂദ എഫ്രയീമിനോടു ശത്രുത കാണിക്കുകയോ ഇല്ല.+
14 അവർ പടിഞ്ഞാറ്‌ ഫെലിസ്‌ത്യരുടെ മലഞ്ചെരിവുകളിൽ* പറന്നിറങ്ങും,
അവർ ഒന്നിച്ച്‌ ചെന്ന്‌ കിഴക്കുള്ളവരുടെ സമ്പത്തു കൊള്ളയടിക്കും.
തന്റെ നിശ്വാസത്തിന്റെ ചൂടുകൊണ്ട്‌ അതിന്റെ ഏഴു കൈവഴികളെ അടിക്കും,*
ചെരിപ്പ്‌ ഊരാതെ ജനം അതിനു കുറുകെ നടക്കാൻ ഇടയാക്കും.