2 රාජාවලිය

23 පසුව යොෂියා රජ, යූදා සහ යෙරුසලමෙහි විසූ වැඩිමහල්ලන් සියලුදෙනාව කැඳෙව්වේය.+ 2 ඉන්පසු රජ, යූදාහි සියලු පුරුෂයන්ද යෙරුසලමේ සියලු වැසියන්ද සමඟ යෙහෝවා දෙවිගේ ගෘහයට ගියේය. ලොකු කුඩා සියලුදෙනා+ ඇතුළු පූජකයෝද+ අනාගතවක්තෘවරුද එතැනට ගියෝය. එහිදී රජ, යෙහෝවා දෙවිගේ ගෘහයේ තිබී සම්බ වූ+ ගිවිසුම සඳහන්+ වී තිබෙන ලියවිල්ල+ ඔවුන්ට ඇසෙන්න කියෙව්වේය.+ 3 එය කියවූ පසු කුලුන ළඟ සිටගෙන සිටි රජ,+ යෙහෝවා දෙවි සමඟ ගිවිසුමක් ඇති කරගත්තේය.+ ලියවිල්ලෙහි සඳහන් ගිවිසුමට එකඟව+ ජීවත් වෙමින්+ දෙවිගේ ආඥා,+ සිහිගැන්වීම්*+ සහ නියෝග+ මුළු හදවතින්ම+ පිළිපදින බවට රජ පොරොන්දු විය. එමෙන්ම යෙහෝවා දෙවි කියන දේට එකඟව ජීවත් වීමට වෙහෙස මහන්සිය නොබලා+ කටයුතු කරන බවටත් ඔහු පොරොන්දු විය. එතැන සිටි සියලුදෙනා ඒ ගිවිසුමට එකඟ වුණෝය.+

4 එවිට රජතුමා, බාල් නමස්කාරය සඳහාත්+ කුලුනට නමස්කාර කිරීම සඳහාත්+ ආකාශ වස්තූන්වලට නමස්කාර කිරීම සඳහාත්+ සාදා තිබූ සියලු භාණ්ඩ යෙහෝවා දෙවිගේ ගෘහයෙන් පිටතට ගෙනෙන ලෙස උත්තම පූජක හිල්කියාටද+ අනිකුත් පූජකයන්ටද දොරටු පාලකයන්ටද+ කීවේය. ඉන්පසු ඔහු ඒ සියල්ල යෙරුසලමෙන් පිටත පිහිටි කිද්‍රොන් නිම්නයට+ ගෙන ගොස් පුලුස්සා දැමුවේය. පසුව ඒවායේ අළු බෙතෙල් නගරයට+ ගෙන ගොස් වීසි කළේය. 5 යූදාහි රජවරුන් විසින් යූදා නුවරවල සහ යෙරුසලම අවට තිබූ පූජනීය ස්ථානවල සුවඳ දුම් ඔප්පු කිරීම සඳහා පත් කර සිටි පූජකයන්ව රජතුමා ඔවුන්ගේ තනතුරුවලින් පන්නා දැමුවේය. බාල්ට,+ හිරු සහ සඳුට, රාශි චක්‍රයට හා ග්‍රහ තාරකාවලට+ සුවඳ දුම් ඔප්පු කළ පූජකයන්වත් ඔහු පන්නා දැමුවේය. 6 යෙහෝවා දෙවිගේ ගෘහයට ගෙනැවිත් තිබූ පිළිකුල් කුලුන,+ යෙරුසලමෙන් පිටත පිහිටි කිද්‍රොන් නිම්නයට ගෙන ගොස් පුලුස්සා+ කුඩු කර දැමුවේය. එහි අළු සාමාන්‍ය ජනයාව තැන්පත් කරන ස්ථානයට වීසි කර දැමුවේය.+ 7 එමෙන්ම ඔහු, යෙහෝවා දෙවිගේ ගෘහය තුළ සමලිංගික සේවනයේ යෙදුණු පිරිමින්+ සාදාගෙන සිටි නිවාසද කඩා දැමුවේය. බොරු නමස්කාරය සඳහා ඉදි කර තිබූ කුලුනුවලට ස්ත්‍රීන් කූඩාරම් මැසුවේ එම නිවෙස්වල සිටය.

8 පසුව ඔහු ගෙබා සිට+ බෙයර්-ෂෙබා දක්වා+ වූ යූදාහි පිහිටි සෑම නගරයකම තිබූ පූජනීය ස්ථානවල සුවඳ දුම් ඔප්පු කිරීමට නොහැකි වන ලෙස ඒ නගරවල සිටි සියලු පූජකයන්ව පන්නා දැමුවේය. යෙරුසලමේ දොරටුවෙන් ඇතුල් වූ විට වම් පැත්තට වෙන්න නගරාධිපති වූ යොෂුවාගේ නිවස පිහිටා තිබිණ. ඒ නිවසට යන දොරටුව අසල පූජනීය ස්ථානයක් සාදා තිබුණේය. රජ එම පූජනීය ස්ථානයද කඩා දැමුවේය. 9 එම පූජනීය ස්ථාන ඉදිරියේ සේවය කළ පූජකයෝ+ යෙරුසලමේ පිහිටි යෙහෝවා දෙවිගේ පූජාසනය හා සම්බන්ධ සේවාවල යෙදුණේ නැත. නමුත් ඔවුහු සෙසු පූජකයන්* සමඟ මුහුන් නොදැමූ රොටි කෑවෝය.+ 10 හින්නොම් පුත්‍රයන්ගේ නිම්නයේ+ පිහිටි තෝෆෙත් නමැති ස්ථානයේදී+ කාලයක සිට ජනයා තම දරුවන්ව ගින්නෙන් දවා මෝලෙක්ට+ පූජා කළෝය. තවදුරටත් එසේ කිරීමට නොහැකි වන සේ+ ඔහු එම ස්ථානය නමස්කාරය සඳහා නුසුදුසු තත්වයකට පත් කළේය. 11 යෙහෝවා දෙවිගේ ගෘහයේ කුලුනු පෙළ අසල පිහිටි කෑම ශාලාවලින් එකක්+ රජමාලිගාවේ නාතන්-මෙලෙක් නමැති නිලධාරියාට වෙන් කර තිබිණ. කලින් සිටි යූදාහි රජවරු හිරු දෙවිට කැප කළ අශ්වයන්ව ඒ ශාලාව හරහා දේවමාලිගාවට ගෙනාවෝය. රජ එය තහනම් කර, හිරු දෙවිට+ කැප කර තිබූ අශ්ව රථද ගින්නෙන් දවා දැමීය. 12 යූදාහි රජවරුන් ආහස් රජුගේ උඩුමහල් කාමරයේ පියස්ස මත පූජාසන සාදා තිබිණ.+ රජතුමා මේ පූජාසනද යෙහෝවා දෙවිගේ ගෘහයේ තිබූ මළු දෙකෙහි මනස්සේ රජු ගොඩනැඟූ පූජාසනද+ කඩා කුඩු කර, කිද්‍රොන් නිම්නයට ඒවායේ කුඩු වීසි කළේය. 13 යෙරුසලමට ඉදිරියෙන්+ සීදොන් ජාතිකයන්ගේ පිළිකුල්සහගත දේවතාවිය වූ අෂ්ටොරෙත්ටත්+ මෝවබ් ජාතිකයන්ගේ පිළිකුල්සහගත දෙවි වූ කෙමොෂ්ටත්+ අම්මොන් පුත්‍රයන්ගේ පිළිකුල්සහගත දෙවි වූ මිල්කොම්ටත්+ ඊශ්‍රායෙල් පාලනය කළ සලමොන් රජ+ පූජනීය ස්ථාන ගොඩනඟා තිබුණේය. එම පූජනීය ස්ථාන පිහිටා තිබුණේ විනාශය නමින් හැඳින්වූ කන්දට* දකුණු පැත්තෙනි. ඒ පූජනීය ස්ථාන සියල්ල යොෂියා රජ විනාශ කර දැමුවේය. 14 ඔහු බොරු නමස්කාරය සඳහා තිබූ කණු කුඩු කර,+ කුලුනු කඩා දැමුවේය. ඒවා තිබුණු තැන් මිනී ඇටවලින් පුරවා දැමුවේය. 15 මීට කලින් ඊශ්‍රායෙල්වරුන්ව පාපයට පෙලඹවූ+ නෙබාත්ගේ පුත් යෙරොබොවම් රජු බොරු නමස්කාරය සඳහා බෙතෙල්හි සාදා තිබූ පූජනීය ස්ථානයද+ පූජාසනයද+ කඩා දැමුවේය. රජ ඒ පූජනීය ස්ථානයට ගිනි තබා, කුඩු කර දැමුවේය. බොරු නමස්කාරය සඳහා එහි තිබූ කුලුනු ඔහු දවා දැමුවේය.

16 යොෂියා රජ ඒ කන්ද මත තිබූ සොහොන් ගෙවල් දැක, ඒවායේ තිබුණු ඇටකටු ගෙන්වාගෙන ඒ ඇටකටු පූජාසනය මත තබා පුලුස්සා දැමුවේය.+ ඔහු එසේ කළේ ඒ පූජාසනය නමස්කාරය සඳහා නුසුදුසු තත්වයකට පත් කරන පිණිසය. මෙසේ යෙහෝවා දෙවි අනාගතවක්තෘ මාර්ගයෙන් ප්‍රකාශ කළ+ වචනය ඉටු විය.+ 17 රජ, “අර තිබෙන සොහොන් කොත කාගේද” කියා ඇසුවේය. නුවරේ වැසියෝ ඔහුට මෙසේ පැවසුවෝය. “ඒ, යූදා දේශයේ සිට පැමිණි සැබෑ දෙවිගේ අනාගතවක්තෘව+ තැන්පත් කළ ස්ථානයයි.+ ඔබ දැන් බෙතෙල්හි පූජාසනයට+ කළ මේ සියලු දේ ගැන ඔහු අනාවැකියක් පළ කර තිබුණා.” 18 එවිට රජ මෙසේ කීවේය. “ඔහුගේ සොහොන් ගෙට කිසිවක් කරන්න එපා.+ ඔහුගේ ඇටකටුවලට අත තබන්න කිසිවෙකුටවත් ඉඩ දෙන්න එපා.” එබැවින් ඔවුහු ඔහුගේ ඇටකටුවලට අත නොතැබූහ. සමාරියෙන් පැමිණි අනාගතවක්තෘවරයාගේ ඇටකටුවලටද ඔවුහු කිසිවක් නොකළෝය.+

19 කලින් සිටි ඊශ්‍රායෙල්හි රජවරු,+ දෙවි ඉදිරියේ පිළිකුලක් වූ+ පූජනීය ස්ථාන+ සමාරියේ නුවරවල+ සාදා තිබුණෝය. යොෂියා රජ ඒ සෑම පූජනීය ස්ථානයක්ම ඉවත් කර, බෙතෙල්හි තිබූ පූජනීය ස්ථානවලට කළ දේම ඒවාටද කළේය.+ 20 එමෙන්ම ඔහු ඒ පූජනීය ස්ථානවල සේවය කරමින් සිටි පූජකයන්ව ඒ පූජාසන මතම මරා දැමුවේය.+ ඔහු මිනී ඇට ගෙන ඒ පූජාසන මත පිලිස්සුවේය.+ ඉන්පසු ඔහු නැවත යෙරුසලමට ගියේය.

21 යොෂියා රජ මුළු ජනතාවට මෙසේ අණ කළේය. “ගිවිසුම සඳහන් වී තිබෙන ලියවිල්ලට අනුව+ ඔබේ දෙවි වන යෙහෝවාට ගෞරව කරන පිණිස පාස්කු උත්සවය පවත්වන්න.”+ 22 ඊශ්‍රායෙල්හි සිටි විනිශ්චයකරුවන්ගේ කාලයේදීවත්+ ඊශ්‍රායෙල් පාලනය කළ රජවරුන්ගේ කාලයේදීවත් යූදා දේශය පාලනය කළ රජවරුන්ගේ කාලයේදීවත්+ මෙවැනි පාස්කු උත්සවයක් පවත්වා නොතිබිණ. 23 නමුත් යොෂියා රජුගේ පාලන සමයේ දහඅටවන අවුරුද්දේදී යෙහෝවා දෙවිට ගෞරව කරන පිණිස එම පාස්කු උත්සවය යෙරුසලමේදී පවත්වන ලදි.+

24 යොෂියා රජ යූදා දේශයේ හා යෙරුසලමේ සිටි මායාකාරයන්+ සහ ශාස්ත්‍ර කියන්නන්වද+ එහි තිබූ ටෙරෆිම් රූප+ සහ අනිකුත් පිළිකුල් රූප+ ඇතුළු අන් සියලු පිළිකුල් දේද+ විනාශ කළේය. යොෂියා රජු මෙසේ කළේ යෙහෝවා දෙවිගේ ගෘහයේදී පූජක හිල්කියාට සම්බ වූ+ නීතිය ඇතුළත් ලියවිල්ලෙහි+ සඳහන් වචන පිළිපදින පිණිසය.+ 25 ඔහුට කලින් හා පසුව පාලනය කළ රජවරුන් අතරේ ඔහුට සමාන රජ කෙනෙක් සිටියේ නැත.+ මන්ද යොෂියා රජ යෙහෝවා දෙවි වෙතට හැරී මෝසෙස්ගේ නීතියේ ලියා තිබූ සියල්ලට අනුව මුළු හදවතින්ම දෙවිට නමස්කාර කළේය.+ ඔහු දෙවිගේ නීති රැකීමට මුළු ශක්තියම යෙදෙව්වේය.

26 එහෙත් මනස්සේගේ පෙලඹවීම මත යූදාහි වැසියන් කළ දුෂ්ට ක්‍රියා නිසා+ ඇවුළුණු යෙහෝවා දෙවිගේ උදහස+ නිවී ගොස් තිබුණේ නැත. 27 යෙහෝවා දෙවි ඔවුන් ගැන මෙසේ කීවේය. “මාගේ අනුමැතිය ඉවත් කර මා ඊශ්‍රායෙල්වරුන්ව දේශයෙන් පන්නා දැමූ ලෙසම+ යූදාහි වැසියන්වද+ මම පන්නා දමන්නෙමි.+ මා තෝරාගත් මේ යෙරුසලම් නගරයද, ‘මාගේ නාමය මෙහි දිගටම පවතිනු ඇත’+ කියා මා පැවසූ මේ ගෘහයද මම ප්‍රතික්ෂේප කරන්නෙමි.”

28 යොෂියා රජුගේ ජීවිතයේ අනිකුත් සිදුවීම් ගැනද ඔහු කළ දේවල් ගැනද යූදාහි රජවරුන්ගේ ඉතිහාසය වාර්තා කර ඇති ලියවිල්ලෙහි සඳහන් කර තිබේ.+ 29 ඒ කාලයේදී ඊජිප්තුවේ රජු වූ නෙකෝ නමින් හැඳින්වූ පාරාවෝ+ ඇසිරියාවේ රජුට උපකාර කිරීම සඳහා යුප්‍රටීස් ගඟ+ බලා පිටත්ව ආ විට යොෂියා රජ ඔහුට විරුද්ධව සටනට ගියේය.+ එවිට පාරාවෝ, යොෂියා රජුව මෙගිද්දෝහිදී+ මරා දැමුවේය.+ 30 රජුගේ සේවකයෝ ඔහුගේ ශරීරය අශ්ව රථයකින් මෙගිද්දෝහි සිට යෙරුසලමට ගෙනැවිත්+ ඔහුගේම සොහොන් ගෙයි තැන්පත් කළෝය. පසුව දේශයේ වැසියෝ යොෂියාගේ පුත් යෙහෝයහාෂ්ව+ රජු ලෙස අභිෂේක කළෝය.

31 යෙහෝයහාෂ්+ රජකමට පත් වන විට ඔහුගේ වයස අවුරුදු විසිතුනකි. ඔහු යෙරුසලමේ සිට මාස තුනක් පාලනය කළේය. ඔහුගේ මව ලිබ්නා නගරයෙහි වැසියෙකු වූ යෙරෙමියාගේ දියණිය වූ හමුතල්ය.+ 32 ඔහුද ඔහුගේ මුතුන්මිත්තන් මෙන් යෙහෝවා දෙවි පිළිකුල් කළ දේවල් කළේය.+ 33 නෙකෝ නමින් හැඳින්වූ පාරාවෝ,+ යෙහෝයහාෂ්ව යූදාහි රජකමෙන් ඉවත් කර, හමාත් දේශයේ රිබ්ලා නගරයෙහි+ ඔහුව සිර කර තබා,+ යූදා දේශයෙන් රිදී තලෙන්ත සියයකුත්+ රන් තලෙන්තයකුත්+ බද්දක් ලෙස අය කළේය.+ 34 පසුව පාරාවෝ, යොෂියා රජු වෙනුවට යොෂියාගේ පුත් එලියාකීම්ව+ රජකමට පත් කර, ඔහුගේ නම යෙහෝයාකිම් ලෙස වෙනස් කළේය. පාරාවෝ, යෙහෝයහාෂ්ව ඊජිප්තුවට ගෙන ගියේය. යෙහෝයහාෂ් මිය ගියේ ඊජිප්තුවේදීය.+ 35 පාරාවෝ පැනවූ බද්ද ලෙස යෙහෝයාකිම් රන්ද රිදීද+ ඔහුට ගෙව්වේය. ඔහු එය ගෙවීම සඳහා දේශයේ වැසියන්ගෙන් බදු අය කළේය.+ එක් එක් කෙනා තම ඉඩමෙන් ලබාගත් ආදායමට අනුව දේශයේ වැසියන්ගෙන් බද්දක්+ අය කර එම රන් රිදී පාරාවෝට දුන්නේය.

36 යෙහෝයාකිම්+ රජකමට පත් වන විට ඔහුගේ වයස අවුරුදු විසිපහකි. ඔහු යෙරුසලමේ සිට අවුරුදු එකොළහක් පාලනය කළේය.+ ඔහුගේ මව රූමාහි වැසියෙකු වූ පෙදායාගේ දියණිය වූ ෂෙබිදාය. 37 නමුත් ඔහුද තම මුතුන්මිත්තන් කළාක් මෙන්+ යෙහෝවා දෙවි පිළිකුල් කළ දේවල් කළේය.+