Mapisarema

143 Haiwa Jehovha, inzwai munyengetero wangu;+

Teererai kuteterera kwangu.+

Ndipindurei nokutendeka mukururama kwenyu.+

 2 Musatonga mushumiri wenyu;+

Nokuti hapana munhu mupenyu angava akarurama pamberi penyu.+

 3 Nokuti muvengi akatevera mweya wangu;+

Akapwanyira upenyu hwangu pasi.+

Akaita kuti ndigare munzvimbo dzine rima sevaya vakafa kare kare.+

 4 Simba+ rangu rinopera mukati mangu;

Mwoyo wangu wakarukutika mukati mangu.+

 5 Ndakayeuka mazuva ekare kare;+

Ndakafungisisa mabasa enyu ose;+

Ndakaramba ndichifunga nezvebasa remaoko enyu ndiine chido.+

 6 Ndakatambanudzira maoko angu kwamuri;+

Kwamuri mweya wangu wakaita senyika yafa nenyota.+ Sera.

 7 Haiwa, kurumidzai, ndipindurei, haiwa Jehovha.+

Simba rangu rapera.+

Musandivanzira chiso chenyu,+

Nokuti ndingafanana nevaya vanoburukira mugomba.+

 8 Itai kuti ndinzwe mutsa wenyu worudo mangwanani,+

Nokuti ndinovimba nemi.+

Ndizivisei nzira yandinofanira kufamba nayo,+

Nokuti ndakasimudzira mweya wangu kwamuri.+

 9 Ndinunurei pavavengi vangu, haiwa Jehovha.+

Ndakatovanda nemi.+

10 Ndidzidzisei kuita kuda kwenyu,+

Nokuti ndimi Mwari wangu.+

Mudzimu wenyu wakanaka;+

Ngaunditungamirire munyika yokururama.+

11 Ndichengetedzei ndiri mupenyu,+ haiwa Jehovha, nokuda kwezita renyu.+

Budisai mweya wangu mukutambudzika+ nokururama kwenyu.+

12 Mumutsa wenyu worudo, itai kuti vavengi vangu vanyarare;+

Paradzai vose vaya vanovenga mweya wangu,+

Nokuti ndiri mushumiri wenyu.+