Mapisarema

9 Haiwa Jehovha, ndichakurumbidzai nemwoyo wangu wese;

Ndichataura nezvemabasa enyu ese anoshamisa.+

 2 Ndichakufarirai nekukupembererai nemufaro;

Ndichaimba ndichirumbidza zita renyu, haiwa imi Wekumusorosoro.+

 3 Vavengi vangu pavanodzokera shure,+

Vachagumburwa voparara pamberi penyu.

 4 Nekuti munomiririra kururama kwangu;

Munogara pachigaro chenyu cheumambo muchitonga nekururama.+

 5 Makatuka marudzi,+ mukaparadza vakaipa,

Muchidzima zita ravo nariini nariini.

 6 Muvengi aparadzwa zvachose;

Makadzura maguta avo,

Uye hapana achataura nezvavo.+

 7 Asi Jehovha ari pachigaro chake cheumambo nekusingaperi;+

Akasimbisa chigaro chake cheumambo paanotongera zvakarurama.+

 8 Achatonga nyika yese* mukururama;+

Achapa marudzi mitongo yakarurama.+

 9 Jehovha achava nzvimbo yekupotera* kumunhu akadzvinyirirwa,+

Nzvimbo yekupotera munguva dzekutambudzika.+

10 Vaya vanoziva zita renyu vachavimba nemi;+

Hamuzosiyi vaya vari kukutsvagai, haiwa Jehovha.+

11 Imbai muchirumbidza Jehovha, ari kugara muZiyoni;

Itai kuti mabasa ake azivikanwe pakati pemarudzi.+

12 Nekuti uya anotsiva ropa ravo anovayeuka;+

Haazombokanganwi kuchema kwevanotambudzika.+

13 Ndinzwireiwo nyasha Jehovha; onai kutambudzika kwangu kunokonzerwa nevaya vanondivenga,

Imi munondisimudza pamagedhi erufu,+

14 Kuti ndizivise mabasa enyu anorumbidzwa mumagedhi emwanasikana weZiyoni,+

Uye kuti ndifarire mabasa enyu ekuponesa.+

15 Marudzi anyura mugomba raakachera;

Tsoka dzavo dzabatwa mumambure avakavanza.+

17 Vakaipa vachadzokera shure vakananga kuGuva.*

Ndiko kuchaenda marudzi ese anokanganwa Mwari.

18 Asi varombo havazombokanganwiki;+

Uye tariro yevanyoro haizomboparari.+

20 Arovei nekutya, haiwa Jehovha,+

Itai kuti marudzi azive kuti anongova vanhuwo zvavo. (Sera)