Psalms
BOEK VYF
(Psalm 107-150)
107 Dank Jehovah, want hy is goed.+
Sy lojale liefde duur vir ewig.+
2 Só moet dié sê wat deur Jehovah teruggekoop* is,
dié wat hy uit die hand* van die vyand teruggeëis het,+
3 wat hy uit die lande bymekaargemaak het,+
uit die ooste en die weste,*
uit die noorde en die suide.+
4 Hulle het in die wildernis rondgedwaal, in die woestyn.
Hulle het nie ’n pad gevind na ’n stad waar hulle kon woon nie.
5 Hulle was honger en dors,
en hulle was heeltemal uitgeput.
6 Hulle het tot Jehovah bly roep toe hulle in die nood was,+
en hy het hulle gered uit hulle moeilike situasie.+
10 Party het in die diepste donkerte gewoon,
gevangenes wat swaarkry en in ysterboeie is.
11 Want hulle het in opstand gekom teen die woord van God.
Hulle het geen respek gehad vir die raad van die Allerhoogste nie.+
12 Daarom het hy hulle harte verneder deur hulle te laat ly.+
Hulle het gestruikel, en daar was niemand om hulle te help nie.
13 Hulle het tot Jehovah om hulp geroep toe hulle in die nood was,
en hy het hulle gered uit hulle moeilike situasie.
18 Hulle het hulle eetlus heeltemal verloor.*
Hulle het by die poorte van die dood omgedraai.
19 Hulle het tot Jehovah om hulp geroep toe hulle in die nood was,
en hy het hulle gered uit hulle moeilike situasie.
21 Laat mense Jehovah dank vir sy lojale liefde
en vir sy wonderlike werke ter wille van mense.
23 Dié wat met skepe op die see vaar,
wat handel dryf op die uitgestrekte water,+
24 het die werke van Jehovah gesien,
en sy wonderlike werke in die dieptes.+
26 Hulle styg op na die hemel.
Hulle duik af na die dieptes.
Hulle moed smelt weg as gevolg van die rampspoed wat kom.
28 Dan roep hulle tot Jehovah wanneer hulle in die nood is,+
en hy red hulle uit hulle moeilike situasie.
30 Hulle word bly wanneer dit tot rus kom.
Hy lei hulle na die hawe waarheen hulle wil gaan.
32 Laat hulle hom in die gemeente van die volk verheerlik,+
en laat hulle hom in die vergadering* van die ouermanne loof.
33 Hy verander riviere in ’n woestyn,
en waterfonteine in dorre grond,+
34 vrugbare land in ’n onvrugbare land+
as gevolg van die goddeloosheid van dié wat daarin woon.
38 Hy seën hulle, en hulle word baie meer.
Hy laat nie toe dat hulle beeste minder word nie.+
39 Maar hulle word weer min en word verneder
as gevolg van onderdrukking, rampspoed en hartseer.