Zabbuli

119 Balina essanyu abo abataliiko kya kunenyezebwa* mu bulamu bwabwe,

Abatambulira mu mateeka ga Yakuwa.+

2 Balina essanyu abo abakolera ku ebyo by’atujjukiza,+

Abo abamunoonya n’omutima gwabwe gwonna.+

3 Tebakola bitali bya butuukirivu;

Batambulira mu makubo ge.+

4 Walagira nti

Ebiragiro byo birina okugobererwa n’obwegendereza.+

5 Singa nno nsigala nga ndi munywevu*+

Nsobole okukwata amateeka go!

6 Awo mba sijja kuswala+

Nga ndowoozezza ku biragiro byo byonna.

 7 Nja kukutendereza n’omutima omugolokofu

Bwe nnaategeera ennamula yo ey’obutuukirivu.

11 Bye wayogera mbitereka mu mutima gwange+

Nneme okwonoona mu maaso go.+

12 Otenderezebwe, Ai Yakuwa;

Njigiriza amateeka go.

13 Nnangirira n’akamwa kange

Ebiragiro byonna bye wayogera.

14 By’otujjukiza mbisanyukira+

Okusinga ebintu ebirala byonna eby’omuwendo.+

15 Nja kufumiitiriza ku* biragiro byo,+

Era amaaso gange sijja kugaggya ku makubo go.+

17 Laga omuweereza wo ekisa,

Nsobole okusigala nga ndi mulamu nkwate ekigambo kyo.+

18 Zibula amaaso gange nsobole okulaba obulungi

Ebintu eby’ekitalo ebiri mu mateeka go.

20 Nzenna mpeddewo olw’okuyaayanira

Ennamula yo buli kiseera.

21 Onenya abeetulinkiriza,

Abo abaakolimirwa abawaba ne bava ku biragiro byo.+

22 Nzigyaako okunyoomebwa awamu n’okuyisibwamu amaaso,

Kubanga nkoledde ku ebyo by’otujjukiza.

23 Abakungu ne bwe batuula awamu ne banjogerako ebibi,

Omuweereza wo afumiitiriza ku mateeka go.*

24 Njagala nnyo by’otujjukiza;+

Bye bimpabula.+

26 Nnakutegeeza amakubo gange, n’onnyanukula;

Njigiriza amateeka go.+

27 Nnyamba ntegeere amakulu g’ebiragiro byo,*

Nsobole okufumiitiriza ku* bintu eby’ekitalo bye wakola.+

29 Nnyamba nneme kutambulira mu bulimba,+

Ndaga ekisa onjigirize amateeka go.

32 Nja kugondera ebiragiro byo,

Kubanga obiwa ekifo mu mutima gwange.

33 Ai Yakuwa, njigiriza+ okutambulira mu mateeka go,

Nja kugagoberera okutuukira ddala ku nkomerero.+

34 Mpa okutegeera,

Nsobole okugondera amateeka go,

Era ngakwate n’omutima gwange gwonna.

35 Nnuŋŋamya ntambulire mu kkubo ly’ebiragiro byo+

Kubanga mu byo mwe nsanyukira.

36 Omutima gwange gwagazise ebyo by’otujjukiza,

Mu kifo ky’okwagala okwefunira amagoba.+

37 Wunjula amaaso gange galeme kutunuulira bitagasa;+

Nkuumira mu kkubo lyo nga ndi mulamu.

38 Tuukiriza kye wasuubiza* omuweereza wo,

Osobole okutiibwa.

39 Ggyawo obuswavu obunneeraliikiriza ennyo,

Kubanga ennamula yo nnungi.+

41 Ndaga okwagala kwo okutajjulukuka, Ai Yakuwa,+

Ndaga obulokozi nga bwe wasuubiza,*+

42 Ndyoke nnyanukule oyo anvuma,

Kubanga ntadde obwesige bwange mu kigambo kyo.

43 Toggya kigambo kya mazima mu kamwa kange,

Kubanga essuubi lyange nditadde mu* nnamula yo.

44 Nja kukwatanga amateeka go buli kiseera,

Emirembe n’emirembe.+

45 Nja kutambulira mu kifo omutali kabi,*+

Kubanga nnoonya ebiragiro byo.

46 Nja kwogeranga ku by’otujjukiza mu maaso ga bakabaka,

Era sijja kukwatibwa nsonyi.+

47 Nsanyukira ebiragiro byo,

Mazima mbyagala nnyo.+

48 Nja kusaba nga mpanise emikono gyange, olw’okuba njagala nnyo ebiragiro byo,+

Era nja kufumiitiriza ku* mateeka go.+

49 Jjukira ekigambo kye wagamba* omuweereza wo,

Ky’oyitiramu okumpa essuubi.

50 Ekyo kye kimbudaabuda mu kubonaabona kwange,+

Kubanga ekigambo kyo kinkuumye nga ndi mulamu.

51 Abeetulinkiriza bannyooma nnyo,

Naye siva ku mateeka go.+

52 Nzijukira ennamula yo ey’edda,+ Ai Yakuwa,

Era mbudaabudibwa olw’ennamula eyo.+

53 Ababi abava ku mateeka go,

Bannyiiza nnyo.+

54 Amateeka go ge nnyimba

Buli we mbeera.*

55 Nzijukira erinnya lyo ekiro, Ai Yakuwa,+

Nsobole okukwata amateeka go.

56 Bwe ntyo bwe nkola bulijjo

Kubanga nkwata ebiragiro byo.

57 Yakuwa gwe mugabo gwange;+

Nneeyamye okugondera ebigambo byo.+

58 Nkwegayirira* n’omutima gwange gwonna;+

Ndaga ekisa+ nga bwe wasuubiza.*

59 Nneekenneenyezza amakubo gange,

Nsobole okuddamu okugoberera by’otujjukiza.+

60 Nnyanguwa, era sironzalonza

Kukwata biragiro byo.+

61 Emiguwa gy’ababi ginneezingirira,

Naye seerabira mateeka go.+

62 Ekiro mu ttumbi nzuukuka okukwebaza+

Olw’ennamula yo ey’obutuukirivu.

63 Ndi mukwano gw’abo bonna abakutya,

N’abo abakwata ebiragiro byo.+

65 Omuweereza wo omukoledde ebirungi

Nga bwe wagamba, Ai Yakuwa.

66 Njigiriza mbe n’amagezi n’okumanya,+

Kubanga ntadde obwesige bwange mu biragiro byo.

67 Nga sinnatandika kubonaabona nnawabanga,*

Naye kaakano ŋŋondera ekigambo kyo.+

69 Abeetulinkiriza banjogerako eby’obulimba bingi,

Naye nkwata ebiragiro byo n’omutima gwange gwonna.

70 Omutima gwabwe gwaguba,+

Naye nze njagala nnyo amateeka go.+

71 Kirungi okuba nti mbonyeebonye+

Ne nsobola okutegeera amateeka go.

72 Amateeka ge walangirira malungi,+

Gansingira enkumi n’enkumi za sekeri za zzaabu ne ffeeza.+

Mpa okutegeera,

Nsobole okuyiga ebiragiro byo.+

74 Abo abakutya bandaba ne basanyuka,

Kubanga ekigambo kyo lye ssuubi lyange.*+

75 Ai Yakuwa, nkimanyi nti ennamula yo ya butuukirivu,+

Era nti onkangavudde olw’okuba oli mwesigwa.+

76 Okwagala kwo okutajjulukuka+ ka kumbudeebude

Nga bwe wasuubiza* omuweereza wo.

77 Nsaasira nsobole okusigala nga ndi mulamu,+

Kubanga njagala nnyo amateeka go.+

78 Abeetulinkiriza ka baswale,

Kubanga bankola ebintu ebibi awatali nsonga.

79 Abakutya ka bakomewo gye ndi,

Abo abamanyi by’otujjukiza.

80 Omutima gwange ka guleme kubaako kya kunenyezebwa mu kukwata amateeka go,+

Nneme kuswala.+

81 Njagala nnyo obulokozi obuva gy’oli,+

Kubanga ekigambo kyo lye ssuubi lyange.*

82 Amaaso gange gakooye nga nnindirira ekigambo kyo;+

Nneebuuza nti: “Onoombudaabuda ddi?”+

83 Nninga ensawo ey’eddiba ekalidde mu mukka,

Naye seerabira mateeka go.+

85 Abeetulinkiriza bansimira obunnya,

Abo abatakwata mateeka go.

87 Kaabula kata bansaanyeewo ku nsi,

Naye saava ku biragiro byo.

88 Nkuuma nga ndi mulamu olw’okuba olina okwagala okutajjulukuka,

Nsobole okukolera ku ebyo by’otujjukiza bye wayogera.

89 Ai Yakuwa, ekigambo kyo kijja kunywerera mu ggulu+

Emirembe n’emirembe.

91 Byonna* weebiri n’okutuusa leero, olw’ebiragiro byo,

Kubanga byonna bikuweereza.

92 Singa nnali saagala nnyo mateeka go,

Nnandibadde nnafiira mu kubonaabona kwange.+

93 Siryerabira biragiro byo,

Kubanga okuyitira mu byo, onkuumye nga ndi mulamu.+

94 Nze ndi wuwo; ndokola,+

Kubanga nnoonyezza ebiragiro byo.+

95 Ababi bannindiridde okunsaanyaawo,

Naye nze nzisaayo omwoyo ku ebyo by’otujjukiza.

96 Nkirabye nti ebintu byonna ebituukiridde biriko ekkomo,

Naye ebiragiro byo tebiriiko kkomo.*

98 Ebiragiro byo bingeziwaza okusinga abalabe bange,+

Kubanga biri wamu nange emirembe n’emirembe.

99 Ntegeera okusinga abayigiriza bange bonna,+

Kubanga nfumiitiriza ku* ebyo by’otujjukiza.

100 Nneeyisa mu ngeri ey’amagezi okusinga abasajja abakadde,

Kubanga nkwata ebiragiro byo.

101 Sikkiriza kutambulira mu kkubo lyonna ebbi,+

Nsobole okukolera ku kigambo kyo.

102 Siva ku nnamula yo,

Kubanga onjigirizza.

103 Akamwa kange nga kawoomerwa nnyo ebigambo byo,

N’okusinga bwe kawoomerwa omubisi gw’enjuki!+

105 Ekigambo kyo ye ttaala emulisiza ebigere byange,

Kye kitangaala ekimulisa ekkubo lyange.+

106 Ndayidde ekirayiro, era nja kukituukiriza,

Okukoleranga ku nnamula yo ey’obutuukirivu.

108 Ai Yakuwa, siima ebiweebwayo eby’okutendereza bye mpaayo kyeyagalire,*+

Era njigiriza ennamula yo.+

109 Obulamu bwange buba mu kabi buli kiseera,

Naye seerabidde mateeka go.+

110 Ababi banteze omutego

Naye siwabye kuva ku biragiro byo.+

111 By’otujjukiza mbitwala okuba obusika bwange obw’olubeerera,

Kubanga bye bisanyusa omutima gwange.+

112 Mmaliridde okukwata amateeka go

Okutuukira ddala ku lisembayo, ekiseera kyonna.

113 Nkyawa abo abatakola bintu na mutima gwabwe gwonna,*+

Naye njagala amateeka go.+

114 Ggwe gwe nneewogomamu era ggwe ngabo yange,+

Kubanga ekigambo kyo lye ssuubi lyange.*+

115 Temujja we ndi mmwe abantu ababi,+

Nsobole okukwata ebiragiro bya Katonda wange.

116 Mpanirira nga bwe wasuubiza,*+

Nsobole okusigala nga ndi mulamu;

Essuubi lyange tolireka kunviirako kuswala.+

117 Mpanirira nsobole okulokolebwa;+

Olwo ndyoke nzisenga ebirowoozo byange byonna ku mateeka go.+

118 Weesamba abo bonna abava ku mateeka go,+

Kubanga balimba era bakuusa.

120 Omubiri gwange gukankana olw’okukutya;

Ntya ennamula yo.

123 Amaaso gange gakooye nga galindirira obulokozi bwo+

Ne bye wasuubiza eby’obutuukirivu.*+

124 Omuweereza wo mulage okwagala okutajjulukuka,+

Era njigiriza amateeka go.+

125 Ndi muweereza wo; mpa okutegeera,+

Nsobole okumanya by’otujjukiza.

126 Ekiseera kituuse obeeko ky’okolawo,+ Ai Yakuwa,

Kubanga bamenye amateeka go.

127 Mazima ddala njagala ebiragiro byo

Okusinga zzaabu, okusinga zzaabu omulungi.*+

128 N’olwekyo buli kiragiro ekiva gy’oli nkitwala nti kituufu;+

Nkyawa amakubo gonna amakyamu.+

130 Ebigambo byo bwe bibikkulwa biwa ekitangaala,+

Biwa amagezi abo abatalina bumanyirivu.+

131 Njasamya akamwa kange ne mpejjawejja,

Olw’okuyaayaanira ebiragiro byo.+

132 Kyuka gye ndi ondage ekisa,+

Nga bw’okola eri abo abaagala erinnya lyo.+

133 Luŋŋamya ebigere byange ng’okozesa ekigambo kyo;

Ka waleme kubaawo kintu kibi kyonna kinfuga.+

134 Nnunula mu mukono gw’abo abambonyaabonya,

Nkwate ebiragiro byo.

135 Laga omuweereza wo ekisa,+

Era onjigirize amateeka go.

136 Amaaso gange gakulukusa amaziga

Olw’okuba abantu tebakwata mateeka go.+

137 Oli mutuukirivu, Ai Yakuwa,+

Era by’osalawo bya bwenkanya.+

138 By’otujjukiza bya butuukirivu,

Era byesigikira ddala.

139 Okwagala okungi kwe nnina gy’oli kummalawo,+

Kubanga abalabe bange beerabidde ebigambo byo.

140 Ebigambo byo birongoofu nnyo,+

Era omuweereza wo abyagala.+

141 Sirina bwe ndi era nnyoomebwa;+

Kyokka seerabidde biragiro byo.

142 Obutuukirivu bwo bwa mirembe na mirembe,+

Era amateeka go ge mazima.+

143 Ne bwe mba mu nnaku oba mu buzibu,

Nsigala njagala nnyo ebiragiro byo.

147 Nzuukuka nga tebunnakya* ne nkukoowoola onnyambe,+

Kubanga ebigambo byo lye ssuubi lyange.*

148 Amaaso gange gazibula ng’ebisisimuka by’ekiro tebinnatandika,

Nsobole okufumiitiriza ku* kigambo kyo.+

150 Abo abakola ebikolwa ebikwasa ensonyi* basembera;

Beesambye amateeka go.

151 Ondi kumpi, Ai Yakuwa,+

Era ebiragiro byo byonna ge mazima.+

152 Ebyo by’otujjukiza nnabitegeera dda nnyo,

Era ne mmanya nti wabiteekawo bibe bya mirembe na mirembe.+

153 Tunuulira okubonaabona kwange onnunule,+

Kubanga seerabidde mateeka go.

154 Mpolereza era nnunula;+

Nkuuma nga ndi mulamu nga bwe wasuubiza.*

155 Obulokozi buli wala nnyo n’ababi,

Kubanga tebanoonyezza mateeka go.+

157 Abo abanjigganya n’abalabe bange bangi,+

Kyokka sivudde ku ebyo by’otujjukiza.

158 Ab’enkwe mbatunuuliza bukyayi,

Kubanga tebakolera ku kigambo kyo.+

160 Amazima gwe mulamwa gw’ekigambo kyo,+

Era ennamula yo ey’obutuukirivu ya mirembe na mirembe.

161 Abakungu banjigganya awatali nsonga,+

Naye ebigambo byo mbissaamu ekitiibwa.+

162 Nsanyukira nnyo by’oyogera+

Ng’omuntu afuna eby’obugagga.

163 Nkyawa obulimba—sibwagalira ddala+—

Njagala amateeka go.+

164 Nkutendereza emirundi musanvu buli lunaku

Olw’ennamula yo ey’obutuukirivu.

165 Abo abaagala amateeka go baba n’emirembe mingi;+

Tewali kiyinza kubeesittaza.

166 Essuubi lyange liri mu bikolwa byo eby’obulokozi, Ai Yakuwa,

Era nkwata ebiragiro byo.

167 Nkolera ku ebyo by’otujjukiza,

Era mbyagala nnyo.+

168 Nkolera ku biragiro byo ne ku ebyo by’otujjukiza,

Olw’okuba omanyi byonna bye nkola.+

171 Emimwa gyange ka gikutenderezenga bulijjo,+

Kubanga onjigiriza amateeka go.

172 Olulimi lwange ka luyimbe ku kigambo kyo,+

Kubanga ebiragiro byo byonna bya butuukirivu.

173 Omukono gwo ka gube mwetegefu okunnyamba,+

Kubanga nsalawo okugondera ebiragiro byo.+

174 Njaayaanira obulokozi bwo, Ai Yakuwa,

Era njagala nnyo amateeka go.+

175 Nkuuma nga ndi mulamu nsobole okukutendereza;+

Ennamula yo k’ennyambe.

176 Mpabye, nninga endiga eyabula.+ Noonya omuweereza wo,

Kubanga seerabidde biragiro byo.+