യശയ്യ
“പേടിക്കേണ്ടാ, ഞാൻ നിന്നെ വീണ്ടെടുത്തിരിക്കുന്നു.+
ഞാൻ നിന്നെ പേരെടുത്ത്‌ വിളിച്ചിരിക്കുന്നു.
നീ എന്റേതാണ്‌.
2 നീ വെള്ളത്തിലൂടെ പോകുമ്പോൾ ഞാൻ കൂടെയുണ്ടാകും,+
നദികളിലൂടെ സഞ്ചരിക്കുമ്പോൾ അവ നിന്നെ മുക്കിക്കളയില്ല.+
തീയിലൂടെ നടക്കുമ്പോൾ നിനക്കു പൊള്ളലേൽക്കില്ല,
അഗ്നിജ്വാലകളേറ്റ്‌ നീ വാടിപ്പോകില്ല.
3 നിന്റെ ദൈവമായ യഹോവയാണു ഞാൻ,
ഇസ്രായേലിന്റെ പരിശുദ്ധൻ! നിന്റെ രക്ഷകൻ!
നിന്റെ മോചനവിലയായി ഞാൻ ഈജിപ്‌തിനെ നൽകിയിരിക്കുന്നു,
നിനക്കു പകരം എത്യോപ്യയെയും സെബയെയും കൊടുത്തിരിക്കുന്നു.
4 കാരണം, നീ എനിക്കു വളരെ വിലപ്പെട്ടവനാണ്‌,+
ഞാൻ നിന്നെ ആദരിക്കുന്നു, നിന്നെ സ്‌നേഹിക്കുന്നു.+
അതുകൊണ്ട്‌, ഞാൻ നിനക്കു പകരം ജനതകളെ കൊടുക്കും,
നിന്റെ ജീവനുവേണ്ടി ജനസമൂഹങ്ങളെ നൽകും.
5 പേടിക്കേണ്ടാ, ഞാൻ നിന്റെകൂടെയുണ്ട്‌.+
6 ‘അവരെ വിട്ടുതരുക!’+ എന്നു ഞാൻ വടക്കിനോട്‌ ആവശ്യപ്പെടും,
‘അവരെ പിടിച്ചുവെക്കരുത്‌!’ എന്നു തെക്കിനോടു കല്‌പിക്കും.
‘ദൂരെനിന്ന്‌ എന്റെ പുത്രന്മാരെയും ഭൂമിയുടെ അതിരുകളിൽനിന്ന്‌ എന്റെ പുത്രിമാരെയും കൊണ്ടുവരുക,+
7 എന്റെ നാമത്തിൽ അറിയപ്പെടുന്ന എല്ലാവരെയും+
എന്റെ മഹത്ത്വത്തിനായി ഞാൻ സൃഷ്ടിച്ചവരെയും
ഞാൻ രൂപം കൊടുത്തവരെയും ഞാൻ നിർമിച്ചവരെയും കൊണ്ടുവരുക.’+
അവരിൽ ആർക്കാണ്‌ ഇതു പറയാനാകുക?
ആദ്യത്തെ സംഭവങ്ങളെക്കുറിച്ച്‌* നമ്മളെ അറിയിക്കാൻ അവർക്കാകുമോ?+
തങ്ങളുടെ ഭാഗം ശരിയെന്നു തെളിയിക്കാൻ അവർ സാക്ഷികളെ ഹാജരാക്കട്ടെ,
അല്ലെങ്കിൽ അവർ കേട്ടിട്ട്‌, ‘ഇതാണു സത്യം!’ എന്നു പറയട്ടെ.”+
10 “നിങ്ങൾ എന്റെ സാക്ഷികൾ”+ എന്ന്‌ യഹോവ പ്രഖ്യാപിക്കുന്നു.
“അതെ, ഞാൻ തിരഞ്ഞെടുത്ത എന്റെ ദാസൻ!+
എന്നെ അറിഞ്ഞ്‌ എന്നിൽ വിശ്വസിക്കേണ്ടതിനും
ഞാൻ മാറ്റമില്ലാത്തവനെന്നു മനസ്സിലാക്കേണ്ടതിനും ഞാൻ തിരഞ്ഞെടുത്തിരിക്കുന്നവർ!+
എനിക്കു മുമ്പ്‌ ഒരു ദൈവം ഉണ്ടായിരുന്നില്ല,
എനിക്കു ശേഷം ആരും ഉണ്ടായിട്ടുമില്ല.+
11 ഞാൻ—ഞാൻ യഹോവയാണ്‌,+ ഞാനല്ലാതെ ഒരു രക്ഷകനുമില്ല.”+
12 “നിങ്ങൾക്കിടയിൽ മറ്റു ദൈവങ്ങളൊന്നുമില്ലാതിരുന്ന കാലത്ത്‌+
ഞാനാണു പ്രഖ്യാപിക്കുകയും രക്ഷിക്കുകയും അറിയിക്കുകയും ചെയ്‌തത്‌.
അതുകൊണ്ട്‌, നിങ്ങൾ എന്റെ സാക്ഷികൾ” എന്ന്‌ യഹോവ പ്രഖ്യാപിക്കുന്നു; “ഞാനാണു ദൈവം,+
13 ഞാൻ മാറ്റമില്ലാത്തവനാണ്‌;+
എന്റെ കൈയിൽനിന്ന്‌ എന്തെങ്കിലും പിടിച്ചുപറിക്കാൻ ആർക്കുമാകില്ല.+
എന്റെ പ്രവൃത്തികൾ തടയാൻ ആർക്കു കഴിയും?”+
14 നിങ്ങളുടെ വീണ്ടെടുപ്പുകാരനും+ ഇസ്രായേലിന്റെ പരിശുദ്ധനും+ ആയ യഹോവ പറയുന്നു:
“നിങ്ങൾക്കുവേണ്ടി ഞാൻ അവരെ ബാബിലോണിലേക്ക്‌ അയയ്‌ക്കും;
അവർ അതിന്റെ കവാടങ്ങളുടെ ഓടാമ്പലുകൾ തകർത്തുകളയും,+
കപ്പലുകളിലുള്ള കൽദയരെയും തകർക്കും; അവർ അതിദുഃഖത്തോടെ നിലവിളിക്കും.+
15 നിങ്ങളുടെ പരിശുദ്ധനും+ നിങ്ങളുടെ രാജാവും+ ഇസ്രായേലിന്റെ സ്രഷ്ടാവും+ ആയ യഹോവയാണു ഞാൻ.”
16 കടലിനു നടുവിലൂടെ വഴി ഉണ്ടാക്കുകയും
കുതിച്ചൊഴുകുന്ന നദികളിലൂടെ പാത ഒരുക്കുകയും+ ചെയ്യുന്ന
യഹോവ പറയുന്നു,
17 യുദ്ധരഥങ്ങളെയും പടക്കുതിരകളെയും
വീരയോദ്ധാക്കളടങ്ങിയ സൈന്യത്തെയും വിളിച്ചുവരുത്തുന്ന+ ദൈവം ഇങ്ങനെ പറയുന്നു:
“അവർ വീണുകിടക്കും, പിന്നെ എഴുന്നേൽക്കില്ല.+
തിരി കെടുത്തിക്കളയുംപോലെ അവരെ ഇല്ലാതാക്കും.”
18 “പഴയ കാര്യങ്ങളെക്കുറിച്ച്‌ ഓർക്കേണ്ടാ,
പണ്ടത്തെ കാര്യങ്ങളെക്കുറിച്ച്‌ ചിന്തിച്ചിരിക്കുകയും വേണ്ടാ.
നിങ്ങൾ അത്‌ അറിയുകതന്നെ ചെയ്യും.
20 കാട്ടുമൃഗങ്ങൾ എന്നെ ആദരിക്കും,
കുറുനരികളും ഒട്ടകപ്പക്ഷികളും എന്നെ മാനിക്കും.
കാരണം, ഞാൻ മരുപ്രദേശത്ത്‌ വെള്ളവും
മരുഭൂമിയിൽ നദികളും നൽകുന്നു;+
ഞാൻ തിരഞ്ഞെടുത്ത എന്റെ ജനത്തിനു+ കുടിക്കാൻ,
21 എന്റെ സ്‌തുതി ഘോഷിക്കാനായി ഞാൻ രൂപം കൊടുത്ത ജനത്തിനു+ കുടിക്കാൻ,
ഞാൻ വെള്ളം കൊടുക്കുന്നു.
22 എന്നാൽ യാക്കോബേ,+ നിനക്ക്‌ എന്നെ മടുത്തു.
അതുകൊണ്ട്‌ ഇസ്രായേലേ,+ നീ എന്നെ വിളിച്ചപേക്ഷിച്ചില്ല,
23 ആടുകളെ കൊണ്ടുവന്ന്‌ നീ എനിക്കു സമ്പൂർണദഹനയാഗങ്ങൾ അർപ്പിച്ചില്ല,
ബലികൾ അർപ്പിച്ച്‌ നീ എന്നെ മഹത്ത്വപ്പെടുത്തിയില്ല.
എനിക്കു കാഴ്‌ച കൊണ്ടുവരാൻ ഞാൻ നിന്നെ നിർബന്ധിച്ചോ?
കുന്തിരിക്കം പുകയ്‌ക്കാൻ+ ആവശ്യപ്പെട്ട്‌ ഞാൻ നിന്നെ ബുദ്ധിമുട്ടിച്ചോ?
24 നീ പണം മുടക്കി എനിക്കായി ഇഞ്ചിപ്പുല്ല്‌* വാങ്ങിയില്ല,
നിന്റെ ബലിമൃഗങ്ങളുടെ കൊഴുപ്പുകൊണ്ട്‌ നീ എന്നെ തൃപ്‌തിപ്പെടുത്തിയില്ല.+
പകരം, നിന്റെ പാപങ്ങൾകൊണ്ട്‌ നീ എന്നെ ഭാരപ്പെടുത്തി,
നിന്റെ തെറ്റുകൾകൊണ്ട്‌ എന്നെ മടുപ്പിച്ചു.+
25 എന്റെ പേരിനെപ്രതി നിങ്ങളുടെ ലംഘനങ്ങൾ*+ മായ്‌ച്ചുകളയുന്നവൻ ഞാനാണ്‌,
നിങ്ങളുടെ പാപങ്ങൾ ഞാൻ ഓർക്കില്ല.+
26 വരൂ, നമുക്കു തമ്മിൽ വാദിക്കാം.
എന്നെ ഓർമിപ്പിക്കുക; നിന്റെ ഭാഗം ശരിയെന്നു തെളിയിക്കുന്ന എന്തെങ്കിലുമുണ്ടെങ്കിൽ പറയുക.