Isaayyaas
43 Yaa Yaaqoob, Uumaan kee,
Yaa Israaʼel, Yihowaan inni si tolche+ akkana jedha:
“Ani waanan si fureef,+ hin sodaatin.
Ani maqaa keetiin si waameera.
Ati kan koo ti.
2 Ati yommuu bishaan keessa ceetu ani sii wajjin nan taʼa.+
Yommuu lageen keessa ceetus isaan si hin liqimsan.+
Ati yommuu ibidda keessa darbitu hin gubattu,
Laboobni isaas si hin waxalu.
3 Sababiin isaas, ani Waaqni kee Yihowaan,
Inni Qulqulluun kan Israaʼel, Fayyisaa kee ti.
Ani Gibxii furii godhee siif kenneera,
Itoophiyaa fi Seebaas bakka kee kenneera.
Kanaafuu, ani namoota bakka kee,
Sabootas bakka lubbuu keetii nan kenna.
5 Ani sii wajjin waanan jiruuf, hin sodaatin.+
Sanyii kee baha irraa nan fida,
Dhiha irraas walitti isin nan qaba.+
6 Ani kaabaan, ‘Isaan gadhiisi!’ nan jedha.+
Kibbaanis akkana nan jedha: ‘Isaan hin qabatin.
Ilmaan koo fagoo irraa, ijoollee durbaa koos andaara lafaa irraa fidi;+
7 Hundi isaanii iyyuu maqaa kootiin kan waamaman,+
Warran ulfina kootiif uume,
Warran tolchee fi warran uume dha.’+
8 Namoota utuma ija qabanii jaamaa taʼan,
Utuma gurra qabaniis duudaa taʼan gad baasi.+
9 Saboonni hundi bakka tokkotti haa sassaabaman,
Namoonnis walitti haa qabaman.+
Isaan gidduudhaa kana dubbachuu kan dandaʼu eenyu?
Yookiin isaan wantoota jalqabaa* nu dhageessisuu ni dandaʼuu?+
Sirrii taʼuu isaanii mirkaneessuuf dhugaa baatota isaanii haa dhiheeffatan
Yookiin dhagaʼanii, ‘Kun dhugaa dha!’ haa jedhan.”+
10 Yihowaan akkana jedha: “Isin dhugaa baatota koo ti,+
Eeyyee, tajaajilaa koo isan filadhe dha;+
Kunis, isin akka beektanii fi akka natti amantaniif,*
Ani isuma taʼuu koos akka hubattaniifi.+
Ana dura Waaqni hin tolfamne,
Ana boodas hin jiru.+
11 Ani, ani Yihowaa dha,+ ana malee fayyisaan hin jiru.”+
12 “Ani isa yeroo waaqni ormaa isin gidduu hin turretti+
Wanta raawwatamu labse, isa isin oolchee fi wanta kana beeksise sana dha.
Kanaafuu, isin dhugaa baatota koo ti” jedha Yihowaan, “Ani Waaqa dha.+
13 Kana malees, ani yeroo hundumaa isuma sana;+
Harka koo keessaa wanta tokko illee fudhachuu kan dandaʼu hin jiru.+
Tarkaanfii ani fudhadhu eenyutu hambisuu dandaʼa?”+
14 Yihowaan inni isin furu,+ Inni Qulqulluun kan Israaʼel+ akkana jedha:
“Ani isiniif jedhee raayyaa waraanaa tokko gara Baabilonitti nan erga, danqaraawwan karra hundumaas nan diiga,+
Kaladoonnis dooniiwwan isaanii keessatti dhiphinaan ni iyyu.+
15 Ani Yihowaa, Isa Qulqulluu+ keessan, isa Uumaa Israaʼelii+ fi Mootii keessan taʼe dha.”+
16 Yihowaan inni galaana keessatti daandii qopheessu,
Inni bishaan jeeqamu keessatti illee karaa qopheessu,+
17 Inni gaarii fardaa waraanaa fi farda,+
Akkasumas raayyaa waraanaa loltoota jajjaboo wajjin gad baasu akkana jedha:
“Isaan ni ciisu, hin kaʼanis.+
Isaan akkuma foʼaa bobaʼuutti ukkaamamanii ni dhaamu.”
18 “Wantoota kanaan duraa hin yaadatinaa,
Wantoota darban irrattis hin xiinxalinaa.
19 Kunoo, ani wanta haaraa nan raawwadha;+
Inni ammuma illee jalqabeera.
Isin kana hin hubannee?
20 Bineensonni bosonaa,
Sardiidonnii fi guchiiwwan ulfina naaf ni kennu;
Sababiin isaas, sabni koo, inni ani filadhe+ akka dhuguuf,
Lafa onaa keessatti bishaan,
Gammoojjii keessattis lageen nan qopheessa;+
21 Isaan waaʼee ulfina kootii akka labsaniif,
Saba ani ofii kootiif tolfadhe dha.+
23 Ati aarsaawwan kee warra guutummaatti gubamaniif akka taʼanitti hoolota naaf hin fidne
Yookiin aarsaawwan keetiin ulfina naaf hin kennine.
Ani kennaa akka naa fiddu si hin dirqisiisne,
Ixaana adii akka naa kennitu si gaafachuudhaanis si hin nuffisiisne.+
24 Ati maallaqa keetiin marga urgaaʼu naaf hin binne,
Cooma aarsaawwan keetiitiinis na hin quubsine.+
Kanaa mannaa, cubbuu kee natti feete,
Balleessaa keetiinis na nuffisiiste.+
26 Na yaadachiisi; himata keenya wal irratti haa dhiheessinu;
Sirrii taʼuu kee mirkaneessuuf dhimma kee dubbadhu.
27 Abbaan keessan inni jalqabaa cubbuu ni hojjete,
28 Kanaan kan kaʼes, ani bulchitoota iddoo qulqulluu sanaa nan xureessa,
Yaaqoobiin badiisatti,
Israaʼeliin arrabsootti dabarsee nan kenna.+