Mabvunzo A Pfunziro Ya Bukhu Yanga Ya Mbiri Za Bibilya

Mbiri 1

1. Kodi pinthu pyonsene pyadidi pyabuluka kupi, na mungakwanise kupasa citsanzo?

2. Kodi cinthu cakutoma cidacita Mulungu ndi ninji?

3. Thangwi yanji anju wakutoma akhali wakupambulika?

4. Fokotozani kuti dziko yapantsi ikhali tani pakutoma. (Onani cithunzithunzi.)

5. Kodi Mulungu atoma tani kukhunganya dziko yapantsi towera anthu na pinyama?

Mabvunzo akuthimizira:

1. Lerini Yeremiya 10:12.

   Kodi ndi makhaliro api a Mulungu anapangizwa na pyakucitwa pyace? (Iza. 40:26; Arom. 11:33)

2. Lerini Akolose 1:15-17.

   Kodi Yezu akhala na basa yanji m’kucita pinthu, na pyenepi pisafunika kukhuya tani maonero athu kwa iye? (Akol. 1:15-17)

3. Lerini Genesi 1:1-10.

   1. Kodi dziko yapantsi yadzakhalapo tani? (Gen. 1:1)

   2. Kodi ndi ninji cidacitika pa ntsiku yakutoma yakucita pinthu? (Gen. 1:3-5)

   3. Fokotozani pidacitika nkati mwa ntsiku yaciwiri yakucita pinthu. (Gen. 1:7, 8)

Mbiri 2

1. Kodi Mulungu akhunganya tani dziko yapantsi kuti ikhale mudzi wathu?

2. Fokotozani kusiyana kukulu kwa mitundu ya pinyama pidacita Mulungu. (Onani cithunzithunzi.)

3. Thangwi yanji munda wa Edeni ukhali wakupambulika?

4. Kodi Mulungu akhafuna kuti dziko yonsene yapantsi idzakhale tani?

Mabvunzo akuthimizira:

1. Lerini Genesi 1:11-25.

   1. Kodi Mulungu acitanji nkati mwa ntsiku yacitatu yakucita pinthu? (Gen. 1:12)

   2. Kodi kwacitikanji nkati mwa ntsiku yacinai yakucita pinthu? (Gen. 1:16)

   3. Kodi ndi mitundu ipi ya pinyama idacita Mulungu pa ntsiku yacixanu na yacitanthatu? (Gen. 1:20, 21, 25)

2. Lerini Genesi 2:8, 9.

   Kodi ndi mitundu miwiri ipi ya miti yakupambulika idaikha Mulungu m’munda, na iyo ikhaphipirisiranji?

Mbiri 3

1. Kodi cithunzithunzi m’Mbiri 3 casiyana tani na cithunzithunzi m’Mbiri 2?

2. Kodi mbani adacita mamuna wakutoma, na iye akhacemerwa tani?

3. Kodi ndi basa ipi idapasa Mulungu Adamu kuti aicite?

4. Thangwi yanji Mulungu acitisa Adamu kugona citulo cakuzika?

5. Kodi Adamu na Yeva mbadadzakhala maso nzidzi ungasi, na ndi basa ipi ikhafuna Yahova kuti iwo aicite?

Mabvunzo akuthimizira:

1. Lerini Masalmo 83:18.

   Kodi dzina ya Mulungu ndi ipi, na ndi cipi ciimiriro cace cakupambulika padzuludzulu pa dziko yapantsi? (Yer. 16:21; Dan. 4:17)

2. Lerini Genesi 1:26-31.

   1. Kodi ndi cinthu cipi cakumalisa cidacita Mulungu pa ntsiku yacitanthatu, na cakucitwa ceneci cikhali cakusiyana tani na pinyama? (Gen. 1:26)

   2. Kodi ndi nsasanyiro wanji udacita Yahova kwa anthu na pinyama? (Gen. 1:30)

3. Lerini Genesi 2:7-25.

   1. Kodi basa ya Adamu ya kuthula madzina pinyama ikhaphatanizanji? (Gen. 2:19)

   2. Kodi Genesi 2:24 asatiphedza tani kudziwa maonero a Yahova a kukwatana, kulekana na kumwalana? (Mat. 19:4-6, 9)

Mbiri 4

1. Pa cithunzithunzi cino, kodi ndi ninji cinacitikira Adamu na Yeva?

2. Thangwi yanji Yahova aalanga?

3. Kodi nyoka yapanganji Yeva?

4. Kodi mbani adacitisa nyoka kulonga na Yeva?

5. Thangwi yanji Adamu na Yeva aluza mudzi wawo wa Paradizu?

Mabvunzo akuthimizira:

1. Lerini Genesi 2:16, 17 na 3:1-13, 24.

   1. Kodi mbvunzo wa nyoka kwa Yeva wapambizira tani Yahova? (Gen. 3:1-5; 1 Jwau 5:3)

   2. Kodi Yeva asaphata tani basa ninga citsanzo cakuticenjeza? (Afil. 4:8; Tgo. 1:14, 15; 1 Jwau 2:16)

   3. Kodi ndi m’njira ipi Adamu na Yeva akhonda kupitawirira kwawo m’pinthu pidacita iwo? (Gen. 3:12, 13)

   4. Kodi akerubi adaikhwa ku mabulukiro dzuwa a munda wa Edeni atsidzikiza tani utongi ukulu wa Yahova? (Gen. 3:24)

2. Lerini Apokalipse 12:9.

   Kodi Satana afika kupi m’kupeusa anthu ku utongi wa Mulungu? (1 Jwau 5:19)

Mbiri 5

1. Kodi umaso ukhali tani kwa Adamu na Yeva kunja kwa munda wa Edeni?

2. Kodi ndi ninji cidatoma kucitika kwa Adamu na Yeva, na thangwi yanji?

3. Thangwi yanji ana a Adamu na Yeva mbadadzakalamba na kufa?

4. Khala Adamu na Yeva mbadabvera Yahova, kodi umaso mbudakhala tani kwa iwo na ana awo?

5. Kodi kukhonda bvera kwa Yeva kwambweresera tani kubva kupha?

6. Kodi ana awiri akutoma amuna a Adamu na Yeva akhacemerwa tani?

7. Kodi mbani ana anango pa cithunzithunzi cino?

Mabvunzo akuthimizira:

1. Lerini Genesi 3:16-23 na 4:1, 2.

   1. Kodi umaso wa Adamu wakhuiwa tani na kutikanwa kwa mataka? (Gen. 3:17-19; Arom. 8:20, 22)

   2. Thangwi yanji dzina Yeva, inabveka “Wamaso,” ikhali yakuthema? (Gen. 3:20)

   3. Kodi Yahova apangiza tani citsalakano kwa Adamu na Yeva ngakhale mudamala iwo kudawa? (Gen. 3:7, 21)

2. Lerini Apokalipse 21:3, 4.

   Kodi ndi ‘pinthu pipi pyakale’ munadzakomerwa kupiona mbipimaliswa ntsogolo?

Mbiri 6

1. Kodi ndi basa yanji ikacita Kayini na Abeli?

2. Kodi ndi miyoni yanji idapereka Kayini na Abeli kwa Yahova?

3. Thangwi yanji Yahova akomerwa na muoni wa Abeli, na thangwi yanji hadakomerwa na muoni wa Kayini?

4. Kodi Kayini akhali munthu wa ntundu wanji, na Yahova ayesera tani kundzongola?

5. Kodi Kayini acitanji mukakhala iye ekhene na mbale yace kumunda?

6. Fokotozani pidacitikira Kayini mudamala iye kupha mbale yace.

Mabvunzo akuthimizira:

1. Lerini Genesi 4:2-26.

   1. Kodi Yahova acenjeza tani makhaliro akugoswa a Kayini? (Gen. 4:7)

   2. Kodi Kayini apangiza tani nkhaliro wa ntima wace? (Gen. 4:9)

   3. Kodi Yahova asaona tani kucucisa ciropa cakusowa mulando? (Gen. 4:10; Iza. 26:21)

2. Lerini 1 Jwau 3:11, 12.

   1. Thangwi yanji Kayini awira na kuipirwa, na pyenepi pisaphata tani basa ninga cenjezo kwa ife ntsiku zino? (Gen. 4:4, 5; Mis. 14:30; 28:22)

   2. Kodi Bibilya isapangiza tani kuti ngakhale piwalo pyonsene pya banja yathu piphindukire Yahova, ife tingapitirize na kukoya umumphu wathu? (Sal. 27:10; Mat. 10:21, 22)

3. Lerini Jwau 11:25.

   Kodi ndi cibaso canji cinapasa Yahova kwa ale onsene anafa thangwi ya kulungama? (Jwau 5:24)

Mbiri 7

1. Kodi ndi m’njira ipi Enoki akhali wakusiyana?

2. Thangwi yanji anthu m’ntsiku za Enoki akacita pinthu pizinji kakamwe pyakuipa?

3. Kodi ndi pinthu pyanji pyakuipa pikacita anthu? (Onani cithunzithunzi.)

4. Thangwi yanji Enoki akhafunika kukhala wacipapo?

5. Kodi m’ntsiku zenezire anthu akakhala maso nzidzi ungasi, mbwenye Enoki akhala maso nzidzi ungasi?

6. Kodi kwacitikanji mudamala Enoki kufa?

Mabvunzo akuthimizira:

1. Lerini Genesi 5:21-24, 27.

   1. Kodi ndi ntundu wanji wa uxamwali ukhali na Enoki na Yahova? (Gen. 5:24)

   2. Mwakubverana na Bibilya, kodi mbani mamuna adakhala maso m’nzidzi wakulapha kupiringana anango, na akhali na piaka pingasi pyakubalwa mudafa iye? (Gen. 5:27)

2. Lerini Genesi 6:5.

   Kodi makhaliro a dziko yapantsi adzakhala akuipa tani mudamala Enoki kufa, na pyenepi pisalandaniswa tani na ntsiku zathu? (2 Tim. 3:13)

3. Lerini Ahebere 11:5.

   Kodi ndi makhaliro api a Enoki “adakomeresa mwadidi Mulungu,” na phindu yanji? (Gen. 5:22)

4. Lerini Yuda 14, 15.

   Kodi Akristu a ntsiku zino angakwanise tani kusangazira cipapo ca Enoki m’kucenjeza anthu pya nkhondo ya Arimagedo inafuna kudza? (2 Tim. 4:2; Aheb. 13:6)

Mbiri 8

1. Kodi ndi ninji pidacitika mudabveserwa Satana na maanju anango a Mulungu?

2. Thangwi yanji maanju anango asiya basa yawo kudzulu mbabwera pa dziko yapantsi?

3. Thangwi yanji kukhali kwakuipa kwa maanju kubwera pa dziko yapantsi mbapicitira okhene manungo aumunthu?

4. Kodi ana a maanju akhali akusiyana tani?

5. Ninga munaonemwe pa cithunzithunzi, kodi ana a maanju acitanji mudakhala iwo pimphona?

6. Nduli mwa Enoki, kodi mbani mamuna wadidi adakhala maso pa dziko yapantsi, na thangwi yanji Mulungu akhamfuna?

Mabvunzo akuthimizira:

1. Lerini Genesi 6:1-8.

   Kodi Genesi 6:6 asapangiza tani kuti makhaliro athu angakwanise kukhuya kupibva kwa Yahova? (Sal. 78:40, 41; Mis. 27:11)

2. Lerini Yuda 6.

   Kodi maanju “adakhonda kukomerwa na ukulu wawo” m’ntsiku za Nowa asaphata tani basa ninga cikumbuso kwa ife ntsiku zino? (1 Akor. 3:5-9; 2 Ped. 2:4, 9, 10)

Mbiri 9

1. Kodi akhali angasi m’banja ya Nowa, na anace atatu akhacemerwa tani?

2. Kodi ndi cinthu canji cacilendo cidaphemba Mulungu kuti Nowa acicite, na thangwi yanji?

3. Kodi anthu acitanji mudaapanga Nowa pya cimwadiya?

4. Kodi Mulungu apanga Nowa kuti acitenji na pinyama?

5. Mudamala Mulungu kufunga nsuwo wa cimwadiya, kodi Nowa na banjace akafunika kucitanji?

Mabvunzo akuthimizira:

1. Lerini Genesi 6:9-22.

   1. Kodi ndi ninji cidacitisa Nowa kukhala mulambiri wadidi wa Mulungu wandimomwene? (Gen. 6:9, 22)

   2. Kodi Yahova asabva tani thangwi ya uphanga, na pyenepi pisafunika kukhuya tani kusankhula kwathu masenzekero? (Gen. 6:11, 12; Sal. 11:5)

   3. Kodi tingakwanise tani kusangazira Nowa tingatambira citsogolero kubulukira ku gulu ya Yahova? (Gen. 6:22; 1 Jwau 5:3)

2. Lerini Genesi 7:1-9.

   Kodi kuona Yahova mamuna wakusowa ungwiro, Nowa, ninga wakulungama kusatiwangisa tani ntsiku zino? (Gen. 7:1; Mis. 10:16; Iza. 26:7)

Mbiri 10

1. Thangwi yanji nee mbodzi mbadakwanisa kupita m’cimwadiya mudatoma kubvumba?

2. Kodi Yahova acitisa mbvula kubvumba ntsiku zingasi na masiku mangasi, na madzi akhali akuzika tani?

3. Kodi ndi ninji pidacitikira cimwadiya mudatoma madzi kubiza dziko yapantsi?

4. Kodi pimphona pyapulumuka pa Cigumula, na ndi ninji pidacitika na ababa a pimphona?

5. Kodi ndi ninji cidacitikira cimwadiya pakumala miezi mixanu?

6. Thangwi yanji Nowa abulusa khungubwe m’cimwadiya?

7. Kodi Nowa adziwa tani kuti madzi akhadapwa pa dziko yapantsi?

8. Kodi Mulungu alonganji kwa Nowa mudamala iye na banjace kukhala m’cimwadiya kupiringana caka cibodzi?

Mabvunzo akuthimizira:

1. Lerini Genesi 7:10-24.

   1. Kodi kufudzwa kwa umaso pa dziko yapantsi kwafika kupi? (Gen. 7:23)

   2. Kodi madzi a Cigumula akwata nzidzi ungasi kuti apwe? (Gen. 7:24)

2. Lerini Genesi 8:1-17.

   Kodi Genesi 8:17 asapangiza tani kuti cifuniro cakutoma ca Yahova na dziko yapantsi cidacinja tayu? (Gen. 1:22)

3. Lerini 1 Pedro 3:19, 20.

   1. Mudabwerera maanju akupanduka kudzulu, kodi ndi kutongwa kwanji kudatambira iwo? (Yuda 6)

   2. Kodi mbiri ya Nowa na banjace isawangisa tani cinyindiro cathu ku mphambvu ya Yahova ya kupulumusa mbumba yace? (2 Ped. 2:9)

Mbiri 11

1. Ninga munaoneswa pa cithunzithunzi, kodi Nowa acitanji mudamala iye kubuluka m’cimwadiya?

2. Kodi ndi matongero anji adapasa Mulungu Nowa na banjace mudamala Cigumula?

3. Kodi ndi pikiro yanji idacita Mulungu?

4. Tingaona uta waleza, kodi usafunika kutikumbusanji?

Mabvunzo akuthimizira:

1. Lerini Genesi 8:18-22.

   1. Kodi ife tingakwanise tani kupereka “kununkhira kwakupumisa” kwa Yahova ntsiku zino? (Gen. 8:21; Aheb. 13:15, 16)

   2. Kodi Yahova alonganji pya makhaliro a ntima wa anthu, na tisafunika kukhala na umpholemphole wanji? (Gen. 8:21; Mat. 15:18, 19)

2. Lerini Genesi 9:9-17..

   1. Kodi Yahova acita cibverano canji na pyakucitwa pyonsene pya dziko yapantsi? (Gen. 9:10, 11)

   2. Kodi cibverano ca uta waleza cinadzaphata basa mpaka lini? (Gen. 9:16)

Mbiri 12

1. Kodi Nimirodi mbani, na Mulungu akhapibva tani thangwi ya iye?

2. Pa cithunzithunzi, thangwi yanji anthu akacita njerwa?

3. Thangwi yanji Yahova hadakomerwa na basa ya cimango?

4. Kodi Mulungu alimirisa tani cimango ca cirindo?

5. Kodi nzinda ukhacemerwa tani, na dzina ineyi ikhabvekanji?

6. Kodi ndi ninji cidacitikira anthu mudamala Mulungu kubvungaza pilongero?

Mabvunzo akuthimizira:

1. Lerini Genesi 10:1, 8-10.

   Kodi ndi makhaliro anji adapangiza Nimirodi, na pyenepi pisatipasa cenjezo yanji? (Mis. 3:31)

2. 2. Lerini Genesi 11:1-9.

   Kodi ndi cifuno canji cikhali nduli mwa cimango ca cirindo, na thangwi yanji basa ineyi mbidamala na kucimwanika? (Gen. 11:4; Mis. 16:18; Jwau 5:44)

Mbiri 13

1. Kodi ndi anthu a ntundu wanji akakhala m’nzinda wa Uri?

2. Kodi mbani mamuna uyu pa cithunzithunzi, abalwa lini, na akakhala kupi?

3. Kodi Mulungu apanga Abrahamu kuti acitenji?

4. Thangwi yanji Abrahamu acemerwa xamwali wa Mulungu?

5. Kodi mbani adaenda na Abrahamu mudabuluka iye ku Uri?

6. Kodi Mulungu alonganji kwa Abrahamu mudafika iye ku dziko ya Kanani?

7. Kodi Mulungu apikiranji kwa Abrahamu mukakhala iye na piaka 99 pyakubalwa?

Mabvunzo akuthimizira:

1. Lerini Genesi 11:27-32.

   1. Kodi ndi ubale wanji ukakhala na Abrahamu na Loti? (Gen. 11:27)

   2. Maseze pisalongwa kuti Tera afulukira ku Kanani na banjace, kodi tisapidziwa tani kuti mwandimomwene akhali Abrahamu adatoma ulendo wakufuluka, na thangwi yanji acita pyenepi? (Gen. 11:31; Mach. 7:2-4)

2. Lerini Genesi 12:1-7.

   Kodi Yahova athimizira tani cibverano ca Abrahamu mudamala Abrahamu kufika ku dziko ya Kanani? (Gen. 12:7)

3. Lerini Genesi 17:1-8, 15-17.

   1. Kodi dzina ya Abramu yacinjwa tani mukakhala iye na piaka 99 pyakubalwa, na thangwi yanji? (Gen. 17:5)

   2. Kodi Yahova apikira nkhombo zanji za ntsogolo kwa Sara? (Gen. 17:15, 16)

4. Lerini Genesi 18:9-19.

   1. M’Genesi 18:19, kodi ndi basa yanji idaikhwa kwa anyakubala? (Deut. 6:6, 7; Aef. 6:4)

   2. Kodi ndi ninji cidacitikira Sara cinapangiza kuti ife nkhabe kwanisa kubisa cinthu kwa Yahova? (Gen. 18:12, 15; Sal. 44:21)

Mbiri 14

1. Kodi Mulungu apikiranji kwa Abrahamu, na Mulungu akoya tani pikiro yace?

2. Ninga munaoneswa pa cithunzithunzi, kodi Mulungu ayesera tani cikhulupiro ca Abrahamu?

3. Kodi Abrahamu acitanji, ngakhale kuti iye hadabvesesa thangwi ya matongero a Mulungu?

4. Kodi kwacitikanji mudabulusa Abrahamu mpeni towera kupha mwanace?

5. Kodi cikhulupiro ca Abrahamu kwa Mulungu cikhadawanga tani?

6. Kodi ndi nsasanyiro wanji udacita Mulungu kuti Abrahamu aupereke ntsembe, na acita tani?

Mabvunzo akuthimizira:

1. Lerini Genesi 21:1-7.

   Thangwi yanji Abrahamu asidza mwanace pa ntsiku yacisere? (Gen. 17:10-12; 21:4)

2. Lerini Genesi 22:1-18.

   Kodi Isaki aonesa tani cingonjero kwa babace, Abrahamu, na pyenepi pyaphipirisira tani pyakucitika pikulu pya ntsogolo? (Gen. 22:7-9; 1 Akor. 5:7; Afil. 2:8, 9)

Mbiri 15

1. Thangwi yanji Abrahamu na Loti amwazana?

2. Thangwi yanji Loti asankhula kukhala ku Sodoma?

3. Kodi anthu a ku Sodoma akhali tani?

4. Kodi ndi cidziwiso canji cidapasa maanju awiri Loti?

5. Thangwi yanji nkazi wa Loti adzakhala culu ca munyu?

6. Kodi tingakwanise kupfunza pfunziro yanji kubulukira ku mbiri ya nkazi wa Loti?

Mabvunzo akuthimizira:

1. Lerini Genesi 13:5-13.

   M’kutonga miseru pakati pa anthu, kodi tingakwanise kupfunza pfunziro yanji kubulukira kwa Abrahamu? (Gen. 13:8, 9; Arom. 12:10; Afil. 2:3, 4)

2. Lerini Genesi 18:20-33.

   Kodi matsalakaniro a Yahova kwa Abrahamu asatipasa tani cinyindiro cakuti Yahova na Yezu anadzatonga miseru mwakulungama? (Gen. 18:25, 26; Mat. 25:31-33)

3. Lerini Genesi 19:1-29.

   1. Kodi mbiri ineyi ya Bibilya isapangiza tani maonero a Mulungu a kugonana mamuna na mamuna? (Gen. 19:5, 13; Lev. 20:13)

   2. Kodi ndi kusiyana kwanji kunagumanefe m’njira idatawira Loti na Abrahamu citsogolero ca Mulungu, na pyenepi pisatipfunzisanji? (Gen. 19:15, 16, 19, 20; 22:3)

4. Lerini Luka 17:28-32.

   Kodi ndi nkhaliro wanji wa ntima ukhali na nkazi wa Loti thangwi ya pinthu pyakumanungo, na pyenepi pisaphata tani basa ninga cenjezo kwa ife? (Luka 12:15; 17:31, 32; Mat. 6:19-21, 25)

5. Lerini 2 Pedro 2:6-8.

   M’kusangazira Loti, kodi tisafunika kukhala na nkhaliro wanji na pinthu pyakuipa pya dziko inatizungulira? (Ezek. 9:4; 1 Jwau 2:15-17)

Mbiri 16

1. Kodi mbani mamuna na nkazi ali pa cithunzithunzi cino?

2. Kodi ndi ninji pidacita Abrahamu kuti agumanire mwanace nkazi, na thangwi yanji?

3. Kodi yatawirwa tani phembero ya nzakazi wa Abrahamu?

4. Kodi ndi ntawiro wanji udapereka Rebeka mudabvunzwa iye khala akhafuna kukwatirwa na Isaki?

5. Kodi ndi ninji cidakomeresa pontho Isaki?

Mabvunzo akuthimizira:

1. Lerini Genesi 24:1-67.

   1. Kodi ndi makhaliro api adidi adapangiza Rebeka mudagumanikana iye na nzakazi wa Abrahamu pa ncera? (Gen. 24:17-20; Mis. 31:17, 31)

   2. Kodi masasanyiro a Abrahamu kwa Isaki asapasa citsanzo canji cadidi kwa Akristu ntsiku zino? (Gen. 24:37, 38; 1 Akor. 7:39; 2 Akor. 6:14)

   3. Thangwi yanji tisafunika kugumana nzidzi towera tinyerezere, ninga mudacita Isaki? (Gen. 24:63; Sal. 77:12; Afil. 4:8)

Mbiri 17

1. Kodi mbani Esau na Yakobo, na akhali akusiyana tani?

2. Kodi Esau na Yakobo akhali na piaka pingasi mudafa mbuyawo Abrahamu?

3. Kodi ndi ninji cidacita Esau cidatsukwalisa kakamwe mama na babace?

4. Thangwi yanji Esau aipirwa kakamwe na mbale yace, Yakobo?

5. Kodi ndi uphungu wanji udapasa Isaki mwanace Yakobo?

Mabvunzo akuthimizira:

1. Lerini Genesi 25:5-11, 20-34.

   1. Kodi ndi ninji cidalongeratu Yahova thangwi ya ana awiri a Rebeka? (Gen. 25:23)

   2. Kodi ndi kusiyana kupi kukhali pakati pa nkhaliro wa Yakobo na wa Esau thangwi ya kuthema kwa utombo? (Gen. 25:31-34)

2. Lerini Genesi 26:34, 35; 27:1-46; na 28:1-5.

   1. Kodi kwaoneka tani kusowa kwa kupereka takhuta kwa Esau m’pinthu pyauzimu? (Gen. 26:34, 35; 27:46)

   2. Kodi Isaki apanga Yakobo kuti acitenji towera atambire nkhombo ya Mulungu? (Gen. 28:1-4)

3. Lerini Ahebere 12:16, 17.

   Kodi citsanzo ca Esau cisapangiza tani pyakubwereswa kwa ale anapwaza pinthu pyakucena?

Mbiri 18

1. Kodi mbani ntsikana uyu pa cithunzithunzi, na ndi ninji cidancitira Yakobo?

2. Kodi Yakobo akhali dzololo kucitanji kuti akwatire Rakeli?

3. Kodi Labani acitanji mudafika nzidzi wakuti Yakobo akwatire Rakeli?

4. Kodi Yakobo atawira kucitanji towera akwate Rakeli ninga nkazace?

Mabvunzo akuthimizira:

1. Lerini Genesi 29:1-30.

   1. Maseze Labani anyengeta Yakobo, kodi Yakobo apionesa tani kukhala wakulemedzeka, na tingakwanise kupfunzanji kwa pyenepi? (Gen. 25:27; 29:26-28; Mat. 5:37)

   2. Kodi citsanzo ca Yakobo cisapangiza tani kusiyana kwa kufuna na kusirira? (Gen. 29:18, 20, 30; Nyimbo Ikulo 8:6)

   3. Kodi mbakazi anai api adadzacita khundu ya banja ya Yakobo mbadzambalira ana? (Gen. 29:23, 24, 28, 29)

Mbiri 19

1. Kodi ana amuna atanthatu a Yakobo na nkazace wakutoma, Leya, akhacemerwa tani?

2. Kodi mbani ana amuna awiri adabalirwa Yakobo na nzakazi wankazi wa Leya, Zilipa?

3. Kodi ana amuna awiri adabalirwa Yakobo na nzakazi wa Rakeli, Bila, akhacemerwa tani?

4. Kodi mbani ana amuna awiri adabala Rakeli, na ndi ninji cidacitika mukabala iye mwana waciwiri?

5. Mwakubverana na cithunzithunzi, kodi Yakobo akhali na ana angasi, na ndi ninji cidabuluka mwa iwo?

Mabvunzo akuthimizira:

1. Lerini Genesi 29:32-35; 30:1-26; na 35:16-19.

   Ninga pinapangizwa kubulukira m’mbiri ya ana amuna 12 a Yakobo, kodi aphale Aheberi akapaswa tani madzina kazinji kene m’nzidzi wakale?

2. Lerini Genesi 37:35.

   Maseze Dina ekhene ndi analongwa m’Bibilya, kodi tisadziwa tani kuti Yakobo akhali na ana akazi akupiringana mbodzi? (Gen. 37:34, 35)

Mbiri 20

1. Thangwi yanji Abrahamu na Isaki hadafuna kuti ana awo akwatirane na anthu a ku dziko ya Kanani?

2. Kodi Yakobo akhatawirisa kuti mwanace wankazi acite uxamwali na atsikana Akanani?

3. Kodi mbani mamuna anayang’ana Dina pa cithunzithunzi, na ndi cinthu cipi cakuipa cidacita iye?

4. Kodi anamuna a Dina, Simeyoni na Levi, acitanji mudabva iwo pidacitika?

5. Kodi Yakobo atawira pidacita Simeyoni na Levi?

6. Kodi nyatwa yonsene ya banja yatoma tani?

Mabvunzo akuthimizira:

1. Lerini Genesi 34:1-31.

   1. Kodi kufambirana kwa Dina na atsikana a dziko ya Kanani kwacitika kabodzi basi? Fokotozani. (Gen. 34:1)

   2. Thangwi yanji Dina akhali na kupitawirira kungasi m’kuluza umwali wace? (Agal. 6:7)

   3. Kodi anthu apswa a ntsiku zino anakwanisa tani kupangiza kuti akoya m’ntima citsanzo ca cenjezo ca Dina? (Mis. 13:20; 1 Akor. 15:33; 1 Jwau 5:19)

Mbiri 21

1. Thangwi yanji abale a Zuze akhali na ntsanje na iye, na iwo acitanji?

2. Kodi abale a Zuze akhafuna kuncitiranji, mbwenye Rubeni alonganji?

3. Kodi ndi ninji cidacitika mudagwanda anyamalonda Aismayeli?

4. Kodi ndi ninji cidacita abale a Zuze towera babawo anyerezere kuti Zuze afa?

Mabvunzo akuthimizira:

1. Lerini Genesi 37:1-35.

   1. Kodi Akristu angakwanise tani kusangazira citsanzo ca Zuze m’kutculula madawo m’mpingo? (Gen. 37:2; Lev. 5:1; 1 Akor. 1:11)

   2. Kodi ndi ninji cidacitisa abale a Zuze kuti ansandukire? (Gen. 37:11, 18; Mis. 27:4; Tgo. 3:14-16)

   3. Kodi ndi ninji cidacita Yakobo cakuti ndi cakudzoloereka pa kutsukwala? (Gen. 37:35)

Mbiri 22

1. Kodi Zuze akhali na piaka pingasi pyakubalwa mudaendeswa iye ku Ijitu, na ndi ninji cidacitika mudafika iye kweneko?

2. Thangwi yanji Zuze aikhwa nkaidi?

3. Kodi ndi basa yanji idapaswa Zuze nkaidi?

4. Nkaidi, kodi ndi ninji cidacita Zuze kwa nyakupereka pyakumwa na nyakucita mikate wa Farau?

5. Kodi ndi ninji cidacitika mudamala kubuluswa nyakupereka pyakumwa nkaidi?

Mabvunzo akuthimizira:

1. Lerini Genesi 39:1-23.

   Nakuti nee ukhalipo mwambo wakulembwa wa Mulungu wakuti ukakhondesa upombo m’ntsiku za Zuze, kodi ndi ninji cidancitisa kuthawa nkazi wa Potifara? (Gen. 2:24; 20:3; 39:9)

2. Lerini Genesi 40:1-23.

   1. Fokotozani mwacigwagwa ndota ya nyakupereka pyakumwa na mabvekero ayo adapasa Yahova Zuze. (Gen. 40:9-13)

   2. Kodi ndi ndota yanji idakhala na nyakucita mikate, na iyo ikhabvekanji? (Gen. 40:16-19)

   3. Kodi nsoka wa mbandazi wakukhulupirika na wanzeru ntsiku zino usasangazira tani nkhaliro wa Zuze? (Gen. 40:8; Sal. 36:9; Jwau 17:17; Mach. 17:2, 3)

   4. Kodi Genesi 40:20 asapasa tani ceza kwa maonero Acikristu a cikumbuso ca ntsiku yakubalwa? (Koel. 7:1; Mk. 6:21-28)

Mbiri 23

1. Kodi ndi ninji cidacitikira Farau namasiku anango?

2. Thangwi yanji nyakupereka pyakumwa pakumalisa akumbuka Zuze?

3. Ninga munaoneswa pa cithunzithunzi, kodi Farau akhala na zindota ziwiri zipi?

4. Kodi Zuze alonga kuti zindota zenezi zikhabvekanji?

5. Kodi Zuze adzakhala tani mamuna wakufunika kakamwe kupiringana anango m’Ijitu kusiyapo Farau?

6. Thangwi yanji abale a Zuze aenda ku Ijitu, na thangwi yanji iwo nee andzindikira?

7. Kodi Zuze akumbuka ndota yanji, na iyo yamphedza kuonanji?

Mabvunzo akuthimizira:

1. Lerini Genesi 41:1-57.

   1. Kodi Zuze aikha tani manyerezero kwa Yahova, na Akristu a ntsiku zino angakwanise tani kusangazira citsanzo cace? (Gen. 41:16, 25, 28; Mat. 5:16; 1 Ped. 2:12)

   2. Kodi piaka pya pyakudya pyakuinjipa m’Ijitu pidatowererwa na piaka pya pyakudya pyakucepa pisapangizadi tani kusiyana kwa nkhaliro wauzimu wa mbumba ya Yahova ntsiku zino na wa Cikristu cauthambi? (Gen. 41:29, 30; Amosi 8:11, 12)

2. Lerini Genesis 42:1-8 na 50:20.

   Kodi mphyakudodomeka kwa alambiri a Yahova kugodamira munthu m’kumpasa mbiri na kumulemedza thangwi ya ciimiriro cace, khala pyenepi mphyakudzoloereka m’dziko? (Gen. 42:6)

Mbiri 24

1. Thangwi yanji Zuze apambizira abale ace kukhala azondi?

2. Thangwi yanji Yakobo asiya mwanace wang’ono, Benjamini, kuenda ku Ijitu?

3. Kodi khamico ya siliva ya Zuze yagumanika tani m’sakha ya Benjamini?

4. Kodi Yuda apipereka kucitanji towera acitise kuti Benjamini asudzulwe?

5. Kodi abale a Zuze akhadacinja tani?

Mabvunzo akuthimizira:

1. Lerini Genesi 42:9-38.

   Thangwi yanji pidalonga Zuze pa Genesi 42:18 ndi cikumbuso cadidi kwa ale ali na kupitawirira m’gulu ya Yahova ntsiku zino? (Neh. 5:15; 2 Akor. 7:1, 2)

2. Lerini Genesi 43:1-34.

   1. Maseze Rubeni akhali wautombo, kodi pisaoneka tani mwapakweca kuti Yuda adzakhala nyakulonga wa abale ace? (Gen. 43:3, 8, 9; 44:14, 18; 1 Pya dziko. 5:2)

   2. Kodi Zuze ayesera tani mwapakweca abale ace, na thangwi yanji? (Gen. 43:33, 34)

3. Lerini Genesi 44:1-34.

   1. Ninga khundu ya nsasanyiro towera kupibisa kuti akhonde dziwika na abale ace, kodi Zuze apionesa tani? (Gen. 44:5, 15; Lev. 19:26)

   2. Kodi abale a Zuze apangiza tani kuti nzimu wa ntsanje ukhali na iwo kale na mbale wawo ukhadamala? (Gen. 44:13, 33, 34)

Mbiri 25

1. Kodi ndi ninji cidacitika mudapanga Zuze abale ace kuti iye mbani?

2. Kodi ndi ninji cidafokotoza Zuze mwakukoma ntima kwa abale ace?

3. Kodi Farau alonganji mudabva iye pya abale a Zuze?

4. Kodi banja ya Yakobo ikhali ikulu tani mudafulukira iyo ku Ijitu?

5. Kodi banja ya Yakobo yadzacemerwa tani, na thangwi yanji?

Mabvunzo akuthimizira:

1. Lerini Genesi 45:1-28.

   Kodi mbiri ya Bibilya ya Zuze isapangiza tani kuti Yahova angakwanise kucinja pinthu pyakuipa pinacitirwa anzakazi ace kuti pibwerese phindu yadidi? (Gen. 45:5-8; Iza. 8:10; Afil. 1:12-14)

2. Lerini Genesi 46:1-27.

   Kodi ndi cibaso canji cidapasa Yahova Yakobo m’njira ya kuenda ku Ijitu? (Gen. 46:1-4, cidzindikiro capantsi.)

Mbiri 26

1. Kodi Yobi mbani?

2. Kodi Satana ayesera kucitanji, na apikwanisa?

3. Kodi Yahova atawirisa Satana kucitanji, na thangwi yanji?

4. Thangwi yanji nkazi wa Yobi ampanga kuti ‘atikane Mulungu afe’? (Onani cithunzithunzi.)

5. Ninga munaonemwe pa cithunzithunzi caciwiri, kodi Yahova apasa tani nkhombo Yobi, na thangwi yanji?

6. Tingakhala akukhulupirika kwa Yahova, ninga Yobi, kodi tinadzatambira nkhombo zanji?

Mabvunzo akuthimizira:

1. Lerini Yobe 1:1-22.

   Kodi Akristu angakwanise tani kusangazira Yobi ntsiku zino? (Yobe 1:1; Afil. 2:15; 2 Ped. 3:14)

2. Lerini Yobe 2:1-13.

   Kodi ndi njira ziwiri zipi zakusiyana Yobi na nkazace atawira ntcingo wa Satana? (Yobe 2:9, 10; Mis. 19:3; Mik. 7:7; Mal. 3:14)

3. Lerini Yobe 42:10-17.

   1. Kodi pana kulandana kwanji pakati pa masagwati adatambira Yobi na ale adatambira Yezu thangwi ya njira zawo zaumaso zakukhulupirika? (Yobe 42:12; Afil. 2:9-11)

   2. Kodi tisawangiswa tani na nkhombo zidatambira Yobi thangwi ya kukoya umumphu wace kwa Mulungu? (Yobe 42:10, 12; Aheb. 6:10; Tgo. 1:2-4, 12; 5:11)

Mbiri 27

1. Pa cithunzithunzi, kodi mbani mamuna ali na cibatha, na mbani anamenya iye?

2. Mudamala kufa Zuze, kodi ndi ninji cidacitikira Aisrayeli?

3. Thangwi yanji Aijitu adzagopa Aisrayeli?

4. Kodi ndi ntemo wanji udapasa Farau akazi akhaphedza akazi a Israyeli kubala ana?

Mabvunzo akuthimizira:

1. Lerini Eksodo 1:6-22.

   1. Kodi ndi m’njira ipi Yahova atoma kukwanirisa pikiro yace kwa Abrahamu? (Eks. 1:7; Gen. 12:2; Mach. 7:17)

   2. Kodi abaziki Aheberi apangiza tani cilemedzo ca kucena kwa umaso? (Eks. 1:17; Gen. 9:6)

   3. Kodi abaziki apaswa nkhombo zanji thangwi ya kukhulupirika kwawo kwa Yahova? (Eks. 1:20, 21; Mis. 19:17)

   4. Kodi Satana ayesera tani kucimwanisa cifuniro ca Yahova kwa Mbeu yakupikirwa ya Abrahamu? (Eks. 1:22; Mat. 2:16)

Mbiri 28

1. Kodi khombwani uyu pa cithunzithunzi mbani, na aphata cala ca ani?

2. Kodi mama wa Mozese acitanji towera kumpulumusa kwa kuphiwa?

3. Kodi kantsikana aka pa cithunzithunzi mbani, na kacitanji?

4. Mudagumana mwana wankazi wa Farau khombwani, kodi Miriamu apasa nyerezero yanji?

5. Kodi mwana wankazi wa mambo alonganji kwa mama wa Mozese?

Mabvunzo akuthimizira:

1. Lerini Eksodo 2:1-10.

   Kodi mama wa Mozese akhali na mwai wanji wa kupfunzisa Mozese m’uwana wace, na pyenepi pisapasa citsanzo canji kwa anyakubala ntsiku zino? (Eks. 2:9, 10; Deut. 6:6-9; Mis. 22:6; Aef. 6:4; 2 Tim. 3:15)

Mbiri 29

1. Kodi Mozese akula kupi, na akhadziwanji pya anyakubalace?

2. Kodi Mozese acitanji mukakhala iye na piaka 40 pyakubalwa?

3. Kodi Mozese alonganji kwa mamuna mbodzi wa Muisrayeli akhamenyana, na iye atawira tani?

4. Thangwi yanji Mozese athawa ku Ijitu?

5. Kodi Mozese athawira kupi, na iye agumana ani kweneko?

6. Kodi Mozese acitanji m’piaka 40 mudamala iye kuthawa ku Ijitu?

Mabvunzo akuthimizira:

1. Lerini Eksodo 2:11-25.

   Maseze Mozese apfunziswa piaka pyakuinjipa m’nzeru za Aijitu, kodi iye apangiza tani kukhulupirika kwa Yahova na mbumba yace? (Eks. 2:11, 12; Aheb. 11:24)

2. Lerini Machitiro 7:22-29.

   Kodi ndi pfunziro yanji tingakwanise kupfunza kwa yesero ya Mozese ya kuombola ekhene Israyeli m’ubitcu ku Ijitu? (Mach. 7:23-25; 1 Ped. 5:6, 10)

Mbiri 30

1. Kodi phiri iyi pa cithunzithunzi isacemerwa tani?

2. Fokotozani cinthu cacilendo cidaona Mozese mudaenda iye ku phiri na mabirace.

3. Kodi fala yalonganji kubulukira pathunduzi yakugaka, na ineyi ikhali fala ya ani?

4. Kodi Mozese atawira tani mudampanga Mulungu kuti iye mbadadzatsogolera mbumba ya Mulungu kubuluka ku Ijitu?

5. Kodi Mulungu apanga Mozese kuti alongenji mbumba ikadzabvunza kuti mbani adantuma?

6. Kodi Mozese mbadadzakwanisa tani kupangiza mwapakweca kuti Mulungu antuma?

Mabvunzo akuthimizira:

1. Lerini Eksodo 3:1-22.

   Kodi pidacitikira Mozese pisatipasa tani cinyindiro cakuti Yahova anadzatiphedza, ngakhale ife tipibve ninga akukhonda thema towera kukwanirisa basa ya Mulungu? (Eks. 3:11, 13; 2 Akor. 3:5, 6)

2. Lerini Eksodo 4:1-20.

   1. Kodi ndi kucinja kwanji kwa nkhaliro wa Mozese kudacitika m’piaka 40 pikakhala iye ku Midiani, na ale anasaka kufikira kupitawirira m’mpingo angakwanise kupfunzanji mwa pyenepi? (Eks. 2:11, 12; 4:10, 13; Mik. 6:8; 1 Tim. 3:1, 6, 10)

   2. Ngakhale tisandikwe na Yahova kubulukira ku gulu yace, kodi citsanzo ca Mozese cingakwanise kutipasa cinyindiro canji? (Eks. 4:12-14; Sal. 103:14; Aheb. 12:4-11)

Mbiri 31

1. Kodi pirengo pidacita Mozese na Aroni pyabweresanji kwa Aisrayeli?

2. Kodi Mozese na Aroni alonganji kwa Farau, na Farau atawira tani?

3. Ninga munaoneswa pa cithunzithunzi, kodi ndi ninji cidacitika mudaponya Aroni ndodo yace pantsi?

4. HKodi Yahova apfunzisa tani Farau pfunziro, na Farau atawira tani?

5. Kodi ndi ninji cidacitika mudamala muliri wacikhumi?

Mabvunzo akuthimizira:

1. Lerini Exodus 4:27-31 na 5:1-23.

   Kodi Farau akhafuna longanji mudalonga iye: “Ine nkhabe dziwa Yahova tayu”? (Eks. 5:2; 1 Sam. 2:12; Arom. 1:21)

2. Lerini Eksodo 6:1-13, 26-30.

   1. Kodi ndi m’njira ipi Yahova hadapidziwisa kwa Abrahamu, Isaki na Yakobo? (Eks. 3:13, 14; 6:3; Gen. 12:8)

   2. Kodi pisaticitisa kupibva tani kudziwa kuti Yahova apitiriza na kuphatisira Mozese, maseze Mozese akhapibva wakukhonda thema kucita basa idapaswa iye? (Eks. 6:12, 30; Luka 21:13-15)

3. Lerini Eksodo 7:1-13.

   1. Mozese na Aroni alonga mwacipapo kutonga miseru kwa Yahova kwa Farau. Kodi mudacita iwo pyenepi, aikha citsanzo canji kwa atumiki a Mulungu a ntsiku zino? (Eks. 7:2, 3, 6; Mach. 4:29-31)

   2. Kodi Yahova apangiza tani mphambvu yace ikulu kwa milungu ya Ijitu? (Eks. 7:12; 1 Pya dziko. 29:12)

Mbiri 32

1. 1. M’kuphatisira pithunzithunzi pinapangizwa pano, fokotozani miliri mitatu yakutoma idabweresa Yahova ku Ijitu.

2. Kodi miliri mitatu yakutoma yasiyana tani na miliri inango?

3. Kodi ndi upi muliri wacinai, wacixanu na wacitanthatu?

4. Fokotozani muliri wacinomwe, wacisere na wacipfemba.

5. Kodi Yahova apanga Aisrayeli kuti acitenji muliri wacikhumi mbusati kucitika?

6. Kodi muliri wacikhumi ukhali upi, na ndi ninji cidacitika nduli mwawo?

Mabvunzo akuthimizira:

1. Lerini Eksodo 7:19–8:23.

   1. Maseze anyantsembe Aijitu anyakucita masalapita akwanisa kusangazira miliri miwiri yakutoma ya Yahova, kodi iwo akakamizwa kutawiranji mudamala kucitika muliri wacitatu? (Eks. 8:18, 19; Mat. 12:24-28)

   2. Kodi muliri wacinai wapangiza tani mphambvu ya Yahova ya kutsidzikiza mbumba yace, na kudziwa pyenepi kusacitisa mbumba ya Mulungu kupibva tani m’kuyang’anisana na “kutcingwa [peno nyatwa] yakugopswa” idalongerwatu? (Eks. 8:22, 23; Apok. 7:13, 14, Tradução do Novo Mundo, NM; 2 Pya dziko. 16:9)

2. Lerini Eksodo 8:24; 9:3, 6, 10, 11, 14, 16, 23-25; na 10:13-15, 21-23.

   1. Kodi ndi misoka miwiri ipi idaikhwa pakweca na Miliri Khumi, na pyenepi pisakhuya tani maonero athu a misoka ineyi ntsiku zino? (Eks. 8:10, 18, 19; 9:14)

   2. Kodi Eksodo 9:16 asatiphedza tani kudziwa thangwi yanji Yahova atawirisa Satana kukhalapo mpaka nzidzi uno? (Arom. 9:21, 22)

3. Lerini Eksodo 12:21-32.

   Kodi Paskwa yacitisa tani kuti anthu azinji akwanise kupulumuswa, na Paskwa ineyi ikhapangizanji? (Eks. 12:21-23; Jwau 1:29; Arom. 5:18, 19, 21; 1 Akor. 5:7)

Mbiri 33

1. Kodi ndi amuna angasi a Aisrayeli, pabodzi na akazi na ana, adabuluka ku Ijitu, na mbani adabuluka na iwo?

2. Kodi Farau apibva tani mudamala iye kusiya Aisrayeli mbaenda, na acitanji?

3. Kodi Yahova acitanji towera kulimirisa Aijitu m’kukutira mbumba yace?

4. Kodi ndi ninji cidacitika mudatambalisa Mozese ndodo yace padzuludzulu pa Bara Yakufuwira, na Aisrayeli acitanji?

5. Kodi ndi ninji cidacitika mudapita Aijitu mwakucimbiza m’bara nduli mwa Aisrayeli?

6. Kodi Aisrayeli apangiza tani kukomerwa na kupereka takhuta kwa Yahova thangwi ya kupulumuswa kwawo?

Mabvunzo akuthimizira:

1. Lerini Eksodo 12:33-36.

   Kodi Yahova atsalakana tani kuti mbumba yace ilipwe thangwi ya piaka pyonsene pya ubitcu wayo pantsi pa Aijitu? (Eks. 3:21, 22; 12:35, 36)

2. Lerini Eksodo 14:1-31.

   Kodi mafala a Mozese adalembwa pa Eksodo 14:13, 14 asakhuya tani atumiki a Yahova ntsiku zino m’kuyang’anisana na nkhondo ya Arimagedo inafuna kudza? (2 Pya dziko. 20:17; Sal. 91:8)

3. Lerini Eksodo 15:1-8, 20, 21.

   1. Thangwi yanji atumiki a Yahova akhafunika kuimba mwakunsimba? (Eks. 15:1, 2; Sal. 105:2, 3; Apok. 15:3, 4)

   2. Kodi ndi citsanzo canji cakusimba Yahova cidaikha Miriamu na akazi anango pa Bara Yakufuwira kwa akazi Acikristu a ntsiku zino? (Eks. 15:20, 21; Sal. 68:11)

Mbiri 34

1. Pa cithunzithunzi, kodi ndi ninji pinalokota anthu pantsi, na pisacemerwa tani?

2. Kodi ndi ninji pidapanga Mozese mbumba thangwi ya kulokota mana?

3. Kodi Yahova apanga mbumba kuti icitenji m’ntsiku yacitanthatu, na thangwi yanji?

4. Kodi ndi cirengo canji cidacita Yahova mudakoywa mana mpaka ntsiku yacinomwe?

5. Kodi m’nzidzi ungasi Yahova adyesa mbumba na mana?

Mabvunzo akuthimizira:

1. Lerini Eksodo 16:1-36 na Numero 11:7-9.

   1. Kodi Eksodo 16:8 asapangizanji thangwi yakufunika kwathu kuti tilemedze basa ya Mulungu m’mpingo Wacikristu? (Aheb. 13:17)

   2. Kodi Aisrayeli akumbuswa tani m’thando ntsiku zonsene kunyindira kwawo Yahova? (Eks. 16:14-16, 35; Deut. 8:2, 3)

   3. Kodi ndi mabvekero anji akuphipirisa adapasa Yezu mana, na ife tisaphindulanji kwa ‘nkate unoyu udabuluka kudzulu’? (Jwau 6:31-35, 40)

2. Lerini Yoswa 5:10-12.

   Kodi Aisrayeli adya mana m’piaka pingasi, pyenepi pyaayesera tani, na tingakwanise kupfunzanji kubulukira ku mbiri ineyi? (Eks. 16:35; Num. 11:4-6; 1 Akor. 10:10, 11)

Mbiri 35

1. Kodi Aisrayeli amanga kupi misasa cifupi na miezi miwiri mudamala iwo kubuluka ku Ijitu?

2. Kodi Yahova alonga kuti akhafuna kuti mbumba icitenji, na iyo yatawira tani?

3. Thangwi yanji Yahova apasa Mozese miyala miwiri yakuphapatika?

4. Kusiyapo Matongero Khumi, kodi ndi miyambo ipi inango idapasa Yahova Aisrayeli?

5. Kodi ndi miyambo ipi miwiri idalonga Yezu Kristu kuti ndi ikulu kakamwe kupiringana inango?

Mabvunzo akuthimizira:

1. Lerini Eksodo 19:1-25; 20:1-21; 24:12-18; na 31:18.

   Kodi mafala adalembwa pa Eksodo 19:8 asatiphedza tani kudziwa pinaphatanizwa m’kupipereka Kwacikristu? (Mat. 16:24; 1 Ped. 4:1-3)

2. Lerini Deuteronomyo 6:4-6; Levitiko 19:18; na Mateo 22:36-40.

   HKodi Akristu asapangiza tani kufuna kwawo Mulungu na anango? (Marko 6:34; Mach. 4:20; Arom. 15:2)

Mbiri 36

1. Kodi mbumba ikucitanji pa cithunzithunzi, na thangwi yanji?

2. Thangwi yanji Yahova aipirwa, na Mozese acitanji mudaona iye pikacita mbumba?

3. Kodi Mozese apanga angasi a amuna kuti acitenji?

4. Kodi mbiri ineyi isafunika kutipfunzisa pfunziro yanji?

Mabvunzo akuthimizira:

1. Lerini Eksodo 32:1-35.

   1. Kodi mbiri ineyi isapangiza tani manyerezero a Yahova thangwi ya kubvungaza relijiau yauthambi na ulambiri wandimomwene? (Eks. 32:4-6, 10; 1 Akor. 10:7, 11)

   2. Kodi Akristu asafunika kukhala na umpholemphole wanji m’kusankhula kwawo masenzekero, ninga kuimba na kubvina? (Eks. 32:18, 19; Aef. 5:15, 16; 1 Jwau 2:15-17)

   3. Kodi dzinza ya Levi yapasa tani citsanzo cadidi m’kutsidzikiza kulungama? (Eks. 32:25-28; Sal. 18:25)

Mbiri 37

1. Kodi nyumba iyi pa cithunzithunzi isacemerwa tani, na ikhaphatisirwanji?

2. Thangwi yanji Yahova apanga Mozese kuti acite nsasa wakuti mbudakwanisa kusudzulwa mwakukhonda nensa?

3. Kodi bokosi iyi iri m’kwartu ing’ono kunkhomo kwa nsasa ndi ninji, na bokosi ineyi ikhali nanji?

4. Kodi Yahova asankhula ani kuti akhale nyantsembe wankulu, na nyantsembe unoyu wankulu akacitanji?

5. Longani madzina a pinthu pitatu piri m’kwartu ikulu ya nsasa.

6. Kodi ndi pinthu pipi piwiri pikhali m’cintalo ca tabernakulu, na pyenepi pikhaphatisirwanji?

Mabvunzo akuthimizira:

1. Lerini Eksodo 25:8-40; 26:1-37; 27:1-8; na 28:1.

   Kodi akerubi padzulu pa “bokosi ya umboni” akhaimiriranji? (Eks. 25:20, 22; Num. 7:89; 2 Am. 19:15)

2. Lerini Eksodo 30:1-10, 17-21; 34:1, 2; na Ahebere 9:1-5.

   1. Thangwi yanji Yahova agomezera kufunika kwa kukoya kucena kwa manungo kwa anyantsembe akhatumikira ku tabernakulu, na pyenepi pisafunika kutikhuya tani ntsiku zino? (Eks. 30:18-21; 40:30, 31; Aheb. 10:22)

   2. Kodi mpostolo Paulu apangiza tani kuti tabernakulu na cibverano ca Mwambo pikhalibve na basa tayu m’nzidzi udalemba iye tsamba yace kwa Akristu a Aheberi? (Aheb. 9:1, 9; 10:1)

Mbiri 38

1. Kodi musaona tani mulinga wa mauva pa cithunzithunzi, na unoyu wabuluka kupi?

2. Thangwi yanji Mozese atuma azondi 12 ku dziko ya Kanani?

3. Kodi azondi khumi alonganji mudabweresa iwo mphangwa kwa Mozese?

4. Kodi azondi awiri apangiza tani kunyindira Yahova, na iwo akhacemerwa tani?

5. Thangwi yanji Yahova aipirwa, na apanganji Mozese?

Mabvunzo akuthimizira:

1. Lerini Numero 13:1-33.

   1. )Kodi mbani adasankhulwa kuti akazonde dziko, na ndi mwai wanji wakudzumatirisa ukhali na iwo? (Num. 13:2, 3, 18-20)

   2. Thangwi yanji maonero a Yobzwa na Kalebi asiyana na a azondi anango, na pyenepi pisatipfunzisanji? (Num. 13:28-30; Mat. 17:20; 2 Akor. 5:7)

2. Lerini Numero 14:1-38.

   1. Kodi ndi cenjezo yanji yakudungunyira aimiriri a Yahova pa dziko yapantsi tisafunika kuikoya? (Num. 14:2, 3, 27; Mat. 25:40, 45; 1 Akor. 10:10)

   2. Kodi Numero 14:24 asapangiza tani kuti Yahova ene ali na citsalakano kwa mbodzi na mbodzi wa atumiki ace? (1 Am. 19:18; Mis. 15:3)

Mbiri 39

1. Kodi mbani adapandukira utongi wa Mozese na Aroni, na iwo alonganji kwa Mozese?

2. Kodi Mozese apanga Kora na atowereri ace 250 kuti acitenji?

3. Kodi Mozese alonganji kwa mbumba, na ndi ninji cidacitika mudamala kwene iye kulonga?

4. Kodi ndi ninji cidacitikira Kora na atowereri ace 250?

5. Kodi Eleazara, mwana wamamuna wa Aroni, acitanji na pyakuikhira moto pya amuna akufa, na thangwi yanji?

6. Thangwi yanji Yahova acitisa ndodo ya Aroni kuphwetha maluwa? (Onani cithunzithunzi.)

Mabvunzo akuthimizira:

1. Lerini Numero 16:1-49.

   1. Kodi Kora na atowereri ace acitanji, na thangwi yanji pyenepi pikhali kupandukira Yahova? (Num. 16:9, 10, 18; Lev. 10:1, 2; Mis. 11:2)

   2. Kodi ndi maonero anji akuipa adasakulira Kora na “akadamu a akulu” 250 a nsoka? (Num. 16:1-3; Mis. 15:33; Iza. 49:7)

2. Lerini Numero 17:1-11 na 26:10.

   1. Kodi kuphukira kwa ndodo ya Aroni kwapangizanji, na thangwi yanji Yahova atuma kuti iyo iikhwe m’bokosi? (Num. 17:5, 8, 10)

   2. Kodi tingakwanise kupfunza pfunziro yanji yakufunika kubulukira ku cidzindikiro ca ndodo ya Aroni? (Num. 17:10; Mach. 20:28; Afil. 2:14; Aheb. 13:17)

Mbiri 40

1. Kodi Yahova atsalakana tani Aisrayeli mukakhala iwo m’thando?

2. Kodi Aisrayeli adungunya tani mudamanga iwo misasa ku Kadesi?

3. Kodi Yahova apasa tani madzi mbumba na pinyama?

4. Kodi mbani mamuna anapithonya pa cithunzithunzi, na thangwi yanji iye akucita pyenepi?

5. Thangwi yanji Yahova aipirwa na Mozese na Aroni, na aalanga tani?

6. Kodi ndi ninji cidacitika ku Phiri ya Hori, na mbani adadzakhala nyantsembe wankulu wa Israyeli?

Mabvunzo akuthimizira:

1. Lerini Numero 20:1-13, 22-29 na Deuteronomyo 29:5.

   1. Kodi tisapfunzanji kubulukira m’njira idatsalakanira Yahova Aisrayeli m’thando? (Deut. 29:5; Mat. 6:31; Aheb. 13:5; Tgo. 1:17)

   2. Kodi Yahova aona tani kudodoma kwa Mozese na Aroni kwa kuncenesa pamaso pa Israyeli? (Num. 20:12; 1 Akor. 10:12; Apok. 4:11)

   3. Kodi tingakwanise kupfunzanji kubulukira m’njira idatawira Mozese kusandikwa kudatambira iye kwa Yahova? (Num. 12:3; 20:12, 27, 28; Deut. 32:4; Aheb. 12:7-11)

Mbiri 41

1. Kodi ndi ninji cidalungira ntanda pa cithunzithunzi, na thangwi yanji Yahova apanga Mozese kuiikha penepo?

2. Thangwi yanji mbumba nee ikhapereka takhuta kwa pyonsene pikhaicitira Mulungu?

3. Kodi mbumba yaphemba Mozese kuti acitenji mudamala Yahova kutumiza nyoka zanyongo kuti zialume?

4. Thangwi yanji Yahova apanga Mozese kuti acite nyoka ya nkuwa?

5. Kodi tingakwanise kupfunza pfunziro yanji kubulukira ku mbiri ino?

Mabvunzo akuthimizira:

1. Lerini Numero 21:4-9.

   1. Kodi ndi cenjezo yanji inapaswa ife na kudungunya kwa Israyeli thangwi ya masasanyiro a Yahova? (Num. 21:5, 6; Arom. 2:4)

   2. Piaka madzana kutsogolo, kodi Aisrayeli aphatisira tani nyoka ya nkuwa, na Mambo Hezekia acitanji? (Num. 21:9; 2 Am. 18:1-4)

2. Lerini Jwau 3:14, 15.

   Kodi kuikha nyoka ya nkuwa pa ntanda kwaphipirisira tani mwadidi kukhomerwa kwa Yezu Kristu? (Agal. 3:13; 1 Ped. 2:24)

Mbiri 42

1. Kodi mbani Balaki, na thangwi yanji iye acemeresa Balamu?

2. Thangwi yanji buru ya Balamu yagona pa nseu?

3. Kodi Balamu abva buru mbilonganji?

4. Kodi ndi ninji pidalonga anju kwa Balamu?

5. Kodi ndi ninji pidacitika mudayesera Balamu kutikana Israyeli?

Mabvunzo akuthimizira:

1. Lerini Numero 21:21-35.

   Thangwi yanji Israyeli akunda Mambo Sihoni wa Aamori na Mambo Ogi wa Basani? (Num. 21:21, 23, 33, 34)

2. Lerini Numero 22:1-40.

   What was Balaam’s motive in trying to curse Israel, and what lessons can we draw from this? (Num. 22:16, 17; Mis. 6:16, 18; 2 Ped. 2:15; Yuda 11)

3. Lerini Numero 23:1-30.

   AMaseze Balamu alonga ninga mulambiri wa Yahova, kodi pyakucita pyace pyapangiza tani kusiyana? (Num. 23:3, 11-14; 1 Sam. 15:22)

4. Lerini Numero 24:1-25.

   Kodi mbiri ineyi ya Bibilya isawangisa tani cikhulupiro cathu m’kukwaniriswa kwa cifuniro ca Yahova? (Num. 24:10; Iza. 54:17)

Mbiri 43

1. Kodi mbani amuna awiri awa adalimira na Mozese pa cithunzithunzi?

2. Kodi Yahova apanganji Yobzwa?

3. Thangwi yanji Mozese akwira kuntsonga ya Phiri ya Nebo, na Yahova alonganji kwa iye?

4. Kodi Mozese akhali na piaka pingasi pyakubalwa mudafa iye?

5. Thangwi yanji mbumba yatsukwala, mbwenye thangwi yanji iyo yakomerwa pontho?

Mabvunzo akuthimizira:

1. Lerini Numero 27:12-23.

   Kodi ndi basa ipi ikulu idatambira Yobzwa kwa Yahova, na matsalakaniro a Yahova mbumba Yace asaoneswa tani ntsiku zino? (Num. 27:15-19; Mach. 20:28; Aheb. 13:7)

2. Lerini Deuteronomyo 3:23-29.

   Thangwi yanji Yahova hadatawirisa Mozese na Aroni kupita m’dziko yakupikirwa, na tingakwanise kupfunza pfunziro yanji kubulukira pyenepi? (Deut. 3:25-27; Num. 20:12, 13)

3. Lerini Deuteronomyo 31:1-8, 14-23.

   Kodi mafala akupangana a Mozese kwa Israyeli apangiza tani kuti iye atawira mwakupicepesa kusandikwa kwa Yahova? (Deut. 31:6-8, 23)

4. Lerini Deuteronomyo 32:45-52.

   Kodi Mafala a Mulungu asafunika kukhuya tani umaso wathu? (Deut. 32:47; Lev. 18:5; Aheb. 4:12)

5. Lerini Deuteronomyo 34:1-12.

   Maseze Mozese cipo aonadi Yahova ene, kodi Deuteronomyo 34:10 asapangizanji thangwi ya uxamwali wace na Yahova? (Eks. 33:11, 20; Num. 12:8)

Mbiri 44

1. Kodi Rahabi akakhala kupi?

2. Kodi mbani amuna awiri awa pa cithunzithunzi, na thangwi yanji iwo ali m’Yeriko?

3. Kodi mambo wa Yeriko akakamiza Rahabi kucitanji, na Rahabi apasa ntawiro wanji?

4. Kodi Rahabi aphedza tani amuna awiri awa, na iye amphemba ciphedzo canji

5. Kodi ndi pikiro yanji idacita azondi awiri awa kwa Rahabi?

Mabvunzo akuthimizira:

1. Lerini Yoswa 2:1-24.

   Kodi pikiro ya Yahova idalembwa pa Eksodo 23:28 yakwaniriswa tani mudakutira Aisrayeli Yeriko? (Yoswa 2:9-11)

2. Lerini Ahebere 11:31.

   Kodi citsanzo ca Rahabi cisagomezera tani kufunika kwa cikhulupiro? (Arom. 1:17; Aheb. 10:39; Tgo. 2:25)

Mbiri 45

1. Kodi ndi cirengo canji cidacita Yahova kuti Aisrayeli akwanise kuwambuka Nkulo wa Yoridani?

2. Kodi ndi cinthu cipi cacikhulupiro Aisrayeli akhafunika kucita towera awambuke Nkulo wa Yoridani?

3. Thangwi yanji Yahova apanga Yobzwa kuti alokote miyala mikulu 12 pakati pa nkulo?

4. Kodi ndi ninji cidacitika mudamala kwene kubuluka anyantsembe m’Yoridani?

Mabvunzo akuthimizira:

1. Lerini Yoswa 3:1-17.

   1. Ninga mudapangizwa m’mbiri ino, kodi tisafunika kucitanji kuti titambire ciphedzo na nkhombo ya Yahova? (Yoswa 3:13, 15; Mis. 3:5; Tgo. 2:22, 26)

   2. Kodi Nkulo wa Yoridani ukhali tani mudawambuka Aisrayeli kuenda ku Dziko Yakupikirwa, na pyenepi pyakuza tani dzina ya Yahova? (Yoswa 3:15; 4:18; Sal. 66:5-7)

2. Lerini Yoswa 4:1-18.

   TKodi miyala 12 idalokotwa ku Yoridani mbitsanzikwa ku Giligali yaphatisirwa cifuniro canji? (Yoswa 4:4-7)

Mbiri 46

1. Kodi Yahova apanga amuna ankhondo na anyantsembe kuti acitenji m’ntsiku zitanthatu?

2. Kodi amuna akhafunika kucitanji m’ntsiku yacinomwe?

3. Ninga munaonemwe pa cithunzithunzi, kodi ndi ninji cinacitikira zingome za Yeriko?

4. Thangwi yanji pamanikwa nkhambala yakufuwira pa janela?

5. Kodi Yobzwa apanga amuna ankhondo kuti acitenji kwa anthu na nzinda, mbwenye kukhafunika kucitwanji na siliva, ndalama, nkuwa na utale?

6. Kodi azondi awiri ale apangwa kuti acitenji?

Mabvunzo akuthimizira:

1. Lerini Yoswa 6:1-25.

   1. Kodi kufamba kwa Aisrayeli mbazungulira Yeriko m’ntsiku yacinomwe kwalandana tani na basa ya Mboni za Yahova ya kumwaza mphangwa m’ntsiku zino zakumalisa? (Yoswa 6:15, 16; Iza. 60:22; Mat. 24:14; 1 Akor. 9:16)

   2. Kodi profesiya idalembwa pa Yoswa 6:26 yakwaniriswa tani m’piaka 500 nduli, na pyenepi pisatipfunzisanji pya mafala a Yahova? (1 Am. 16:34; Iza. 55:11)

Mbiri 47

1. Kodi mbani mamuna uyu pa cithunzithunzi anafikira mpfuma idakwatwa ku Yeriko, na awa anamphedza mbani?

2. Thangwi yanji pidacita Akani na banjace si pinthu pyadzenda?

3. Kodi ndi ninji pidalonga Yahova mudabvunza Yobzwa kuti thangwi yanji Aisrayeli akundwa kunkhondo ku Ai?

4. Kodi ndi ninji cidacitikira Akani na banjace mudamala iwo kuendeswa kwa Yobzwa?

5. Kodi kutongwa kwa Akani kusatipfunzisa pfunziro yanji yakufunika?

Mabvunzo akuthimizira:

1. Lerini Yoswa 7:1-26.

   1. Kodi phembero ya Yobzwa yapangizanji pya uxamwali wace na Nciti wace? (Yoswa 7:7-9; Sal. 119:145; 1 Jwau 5:14)

   2. Kodi citsanzo ca Akani cisapangizanji, na pyenepi pisaticenjeza tani? (Yoswa 7:11, 14, 15; Mis. 15:3; 1 Tim. 5:24; Aheb. 4:13)

2. Lerini Yoswa 8:1-29.

   Kodi ife ene tiri na kupitawirira kwanji na mpingo Wacikristu ntsiku zino? (Yoswa 7:13; Lev. 5:1; Mis. 28:13)

Mbiri 48

1. Kodi mbumba ya Gibeoni ikhali yakusiyana tani na Akanani a mizinda yacifupi?

2. Ninga pinapangizwa pa cithunzithunzi, kodi Agibeoni acitanji, na thangwi yanji?

3. Kodi Yobzwa na atsogoleri Aisrayeli acita pikiro yanji kwa Agibeoni, mbwenye iwo adzadziwanji pakupita ntsiku zitatu?

4. Kodi ndi ninji cidacitika mudabva amambo a mizinda inango kuti Agibeoni acita ntendere na Israyeli?

Mabvunzo akuthimizira:

1. Lerini Yoswa 9:1-27.

   1. Nakuti Yahova akhadatuma Israyeli “kufudza anyakukhala onsene a dziko,” kodi ndi makhaliro anji adagomezerwa na kukoya kwace Agibeoni? (Yoswa 9:22, 24; Mat. 9:13; Mach. 10:34, 35; 2 Ped. 3:9)

   2. M’kuphata cibverano cidacita iye na Agibeoni, kodi Yobzwa aikha tani citsanzo cadidi kwa Akristu ntsiku zino? (Yoswa 9:18, 19; Mat. 5:37; Aef. 4:25)

2. Lerini Yoswa 10:1-5.

   Kodi mwinji ukulu ntsiku zino usasangazira tani Agibeoni, natenepa mbadzakhala akukutirwa na ani? (Yoswa 10:4; Zak. 8:23; Mat. 25:35-40; Apok. 12:17)

Mbiri 49

1. Kodi ndi ninji pinalonga Yobzwa pa cithunzithunzi, na thangwi yanji?

2. Kodi Yahova aphedza tani Yobzwa na amunace ankhondo?

3. Kodi ndi amambo angasi anyamalwa adakundwa na Yobzwa, na pyenepi pyakwata nzidzi ungasi?

4. Thangwi yanji Yobzwa agawa dziko ya Kanani?

5. Kodi Yobzwa akhali na piaka pingasi pyakubalwa mudafa iye, na ndi ninji cidacitikira mbumba patsogolo pace?

Mabvunzo akuthimizira:

1. Lerini Yoswa 10:6-15.

   Kodi kudziwa kuti Yahova alimirisa dzuwa na mwezi kwa Israyeli kusatipasa cinyindiro canji lero? (Yoswa 10:8, 10, 12, 13; Sal. 18:3; Mis. 18:10)

2. Lerini Yoswa 12:7-24.

   Kodi mbani adacitisadi kuti amambo 31 m’Kanani akundwe, na thangwi yanji pyenepi ndi pyakufunika kwa ife ntsiku zino? (Yoswa 12:7; 24:11-13; Deut. 31:8; Luka 21:9, 25-28)

3. Lerini Yoswa 14:1-5.

   Kodi dziko yagawirwa tani kwa madzinza a Israyeli, na pyenepi pisapangizanji thangwi ya unthaka m’Paradizu? (Yoswa 14:2; Iza. 65:21; Ezek. 47:21-23; 1 Akor. 14:33)

4. Lerini Atongi 2:8-13.

   Ninga Yobzwa m’Israyeli, kodi mbani lero anacita ninga citsidzikizo kwa upanduki? (Aton. 2:8, 10, 11; Mat. 24:45-47; 2 Ates. 2:3-6; Tito 1:7-9; Apok. 1:1; 2:1, 2)

Mbiri 50

1. Kodi mbani Atongi amiseru, na angasi a iwo akhacemerwa tani?

2. Kodi Debora akhali na mwai wanji wakupambulika, na pyenepi pikhaphatanizanji?

3. Mukathuswa Israyeli na Mambo Yabini na ntsogoleri wace wa anyankhondo, Sisera, ndi mphangwa yanji yakubulukira kwa Yahova idapasa Debora Ntongi wa miseru Baraki, na Debora alonga kuti mbani anafuna kudzatambira mbiri ya pembero?

4. Kodi Yaeli apangiza tani kuti iye akhali nkazi wacipapo?

5. Kodi ndi ninji cidacitika mudamala kufa Mambo Yabini?

Mabvunzo akuthimizira:

1. Lerini Atongi 2:14-22.

   Kodi Aisrayeli apibweresera tani kuipirwa kwa Yahova, na tingakwanise kupfunza pfunziro yanji kubulukira pyenepi? (Aton. 2:20; Mis. 3:1, 2; Ezek. 18:21-23)

2. Lerini Atongi 4:1-24.

   Kodi akazi Acikristu angakwanise kupfunza mapfunziro anji a cikhulupiro na cipapo kubulukira ku pitsanzo pya Debora na Yaeli? (Aton. 4:4, 8, 9, 14, 21, 22; Mis. 31:30; 1 Akor. 16:13)

3. Lerini Atongi 5:1-31.

   Kodi nyimbo ya pembero ya Baraki na Debora ingakwanise tani kuphatisirwa ninga phembero ya nkhondo ya Arimagedo inafuna kudza? (Aton. 5:3, 31; 1 Pya dziko. 16:8-10; Apok. 7:9, 10; 16:16; 19:19-21)

Mbiri 51

1. Kodi Naomi adzagumanika tani ku dziko ya Moabu?

2. Kodi Rute na Oripa mbani?

3. Kodi Rute na Oripa atawira tani mudaapanga Naomi kuti abwerere kwa mbumba yawo?

4. Kodi Bowazi mbani, na aphedza tani Rute na Naomi?

5. Kodi mwana adabalirwa Bowazi na Rute akhacemerwa tani, na thangwi yanji tisafunika kumkumbuka?

Mabvunzo akuthimizira:

1. Lerini Rute 1:1-17.

   1. Kodi ndi cipangizo canji cadidi cakufunana kwakukhulupirika cidacitwa na Rute? (Rute 1:16, 17)

   2. Kodi nkhaliro wamanyerezero a Rute usapangiza tani mwadidi maonero a “mabira anango” kwa akudzodzwa pa dziko yapantsi ntsiku zino? (Jwau 10:16; Zak. 8:23)

2. Lerini Rute 2:1-23.

   Kodi Rute apasa tani citsanzo cadidi kwa atsikana ntsiku zino? (Rute 2:17, 18; Mis. 23:22; 31:15)

3. Lerini Rute 3:5-13.

   1. Kodi Bowazi aona tani kufuna kwa Rute kwa kukwatirwa na iye mbuto mwa aphale?

   2. Kodi nkhaliro wa Rute usatipfunzisanji pya kufunana kwakukhulupirika? (Rute 3:10; 1 Akor. 13:4, 5)

4. Lerini Rute 4:7-17.

   Kodi amuna Acikristu ntsiku zino angakwanise tani kukhala ninga Bowazi? (Rute 4:9, 10; 1 Tim. 3:1, 12, 13; 5:8)

Mbiri 52

1. Kodi Aisrayeli akhala tani m’nyatwa ikulu, na thangwi yanji?

2. Thangwi yanji Yahova apanga Gideyoni kuti iye akhali na amuna akuinjipa m’anyankhondo ace?

3. Kodi asala amuna angasi mudamala Gideyoni kupanga amuna akugopa kuti abwerere kunyumba?

4. Kubulukira pa cithunzithunzi, fokotozani kuti Yahova apungula tani cilengesero ca anyankhondo a Gideyoni mpaka amuna 300 basi.

5. Kodi Gideyoni apamba tani amunace 300, na Israyeli awina tani nkhondo?

Mabvunzo akuthimizira:

1. Lerini Atongi 6:36-40.

   1. Kodi Gideyoni adziwadi tani cifuno ca Yahova?

   2. Kodi tisadzindikira tani ntsiku zino kuti cifuno ca Yahova ndi cipi? (Mis. 2:3-6; Mat. 7:7-11; 2 Tim. 3:16, 17)

2. Lerini Atongi 7:1-25.

   1. Kodi tingakwanise kupfunza pfunziro yanji kubulukira ku 300 a ale adapitiriza na kucenjera mwakusiyana na ale adapangiza kukhonda cenjera? (Aton. 7:3, 6; Arom. 13:11, 12; Aef. 5:15-17)

   2. Ninga 300 ale adapfunza m’kuyang’ana Gideyoni, kodi ife tisapfunza tani m’kuyang’ana Gideyoni Wankulu, Yezu Kristu? (Aton. 7:17; Mat. 11:29, 30; 28:19, 20; 1 Ped. 2:21)

   3. Kodi Atongi 7:21 asatiphedza tani kukomerwa na kutumikira konsene kwene kunaikhwa ife m’gulu ya Yahova? (1 Akor. 4:2; 12:14-18; Tgo. 4:10)

3. Lerini Atongi 8:1-3.

   M’kutonga kukhonda bverana kwathu na mbale peno mulongo, kodi tingakwanise kupfunzanji kubulukira ku njira idatonga Gideyoni nthonga na Aefraimu? (Mis. 15:1; Mat. 5:23, 24; Luka 9:48)

Mbiri 53

1. Kodi Yefita mbani, na iye akhalapo m’nzidzi upi?

2. Kodi ndi pikiro yanji idacita Yefita kwa Yahova?

3. Thangwi yanji Yefita atsukwala mudabwerera iye kunyumba kubulukira ku pembero kwa Aamori?

4. Kodi mwana wankazi wa Yefita alonganji mudadziwa iye pya pikiro ya babace?

5. Thangwi yanji anthu akhafuna mwana wankazi wa Yefita?

Mabvunzo akuthimizira:

1. Lerini Atongi 10:6-18.

   Kodi tisafunika kukoya cenjezo yanji kubulukira kwa pidalembwa thangwi yakukhonda khulupirika kwa Israyeli kwa Yahova? (Aton. 10:6, 15, 16; Arom. 15:4; Apok. 2:10)

2. Lerini Atongi 11:1-11, 29-40.

   1. Kodi tisapidziwa tani kuti kupereka Yefita mwanace wankazi ninga “ntsembe yakuotca” nee pikhafuna bveka kumpereka pa moto ninga ntsembe ya umunthu? (Aton. 11:31; Lev. 16:24; Deut. 18:10, 12)

   2. Kodi ndi m’njira ipi idapereka Yefita mwanace wankazi ninga ntsembe?

   3. Kodi tingakwanise kupfunzanji kubulukira ku nkhaliro wa Yefita m’dumbiro yace kwa Yahova? (Aton. 11:35, 39; Koel. 5:4, 5; Mat. 16:24)

   4. Kodi mwana wankazi wa Yefita ndi citsanzo canji cadidi kwa anthu apswa Acikristu m’kutowerera basa ya nzidzi onsene m’umaso wawo? (Aton. 11:36; Mat. 6:33; Afil. 3:8)

Mbiri 54

1. Kodi mamuna wakuwanga kakamwe adakhalapo kale akhacemerwa tani, na mbani adampasa mphambvu yace?

2. M’nzidzi unango, kodi ndi ninji cidacita Sansoni kwa nkhalamu ikulu, ninga munaonemwe pa cithunzithunzi apa?

3. Kodi ndi cibisobiso canji cinapanga Sansoni Dalila pa cithunzithunzi apa, na pyenepi pyancitisa tani kuti aphatwe na Afilisti?

4. Kodi Sansoni apha tani anyamalwa Aafilisti 3.000 m’ntsiku idafa iye?

Mabvunzo akuthimizira:

1. Lerini Atongi 13:1-14.

   Kodi Manowa na nkazace apasa tani citsanzo cadidi kwa anyakubala m’kukuza anawo? (Aton. 13:8; Sal. 127:3; Aef. 6:4)

2. Lerini Atongi 14:5-9 na 15:9-16.

   1. Kodi mbiri ya Sansoni yakupha nkhalamu, kuthumula nkhambala ipswa ikhadamangwa na iye, na kuphatisira ntsaya ya buru yamphongo towera kupha amuna 1.000 isapangiza tani kuphata basa kwa nzimu wakucena wa Yahova?

   2. Kodi nzimu wakucena usatiphedza tani ntsiku zino? (Aton. 14:6; 15:14; Zak. 4:6; Mach. 4:31)

3. Lerini Atongi 16:18-31.

   Kodi Sansoni akhuiwa tani na kufambirana kwakuipa, na tingakwanise kupfunzanji kubulukira kwa pyenepi? (Aton. 16:18, 19; 1 Akor. 15:33)

Mbiri 55

1. Kodi kamphale aka pa cithunzithunzi kasacemerwa tani, na anango mbani?

2. Kodi ndi phembero yanji idacita Hana ntsiku inango mudaenda iye kaona tabernakulu ya Yahova, na Yahova antawira tani?

3. Kodi Samueli akhali na piaka pingasi pyakubalwa mudaendeswa iye katumikira ku nsasa wa Yahova, na mamace akhancitiranji piaka pyonsene?

4. Kodi ana a Eli akhacemerwa tani, na iwo akhali amuna a ntundu wanji?

5. Kodi Yahova acemera tani Samueli, na ndi mphangwa yanji idampasa Iye?

6. Kodi Samueli adzakhalanji mudakula iye, na ndi ninji cidacitika mudakalamba iye?

Mabvunzo akuthimizira:

1. Lerini 1 Samwele 1:1-28.

   1. Kodi Elikana apasa citsanzo canji cadidi kwa misolo ya banja mukutsogolera m’ulambiri wandimomwene? (1 Sam. 1:3, 21; Mat. 6:33; Afil. 1:10)

   2. Kodi tingakwanise kupfunza pfunziro yanji kubulukira ku citsanzo ca Hana m’kutsalakana miseru yakunensa kakamwe? (1 Sam. 1:10, 11; Sal. 55:22; Arom. 12:12)

2. Lerini 1 Samwele 2:11-36.

   Kodi Eli alemedza tani anace amuna kupiringana Yahova, na pyenepi pingakwanise kuphata tani basa ninga cenjezo kwa ife? (1 Sam. 2:22-24, 27, 29; Deut. 21:18-21; Mat. 10:36, 37)

3. Lerini 1 Samwele 4:16-18.

   Kodi ndi mphangwa zipi zinai za dzedze zidabwera kubulukira ku mbuto ya nkhondo, na izo zakhuya tani Eli?

4. Lerini 1 Samwele 8:4-9.

   Kodi Israyeli axola tani Yahova pikulu pene, na tingakwanise tani kuphedza Umambo wace mwakukhulupirika ntsiku zino? (1 Sam. 8:5, 7; Jwau 17:16; Tgo. 4:4)

Mbiri 56

1. Kodi Samueli ali kucitanji pa cithunzithunzi, na thangwi yanji?

2. Thangwi yanji Yahova akhafuna Sauli, na iye akhali mamuna wa ntundu wanji?

3. Kodi mwana wamamuna wa Sauli akhacemerwa tani, na iye acitanji?

4. Thangwi yanji Sauli apereka ntsembe mbuto mwa kudikhira Samueli kuti acite pyenepi?

5. Kodi tingakwanise kupfunzanji kubulukira ku mbiri ya Sauli?

Mabvunzo akuthimizira:

1. Lerini 1 Samwele 9:15-21 na 10:17-27.

   Kodi nkhaliro wakupicepesa wa Sauli wamphedza tani kucalira kuthamangira kucita pinthu mudamulongera amuna anango mwakumpwaza? (1 Sam. 9:21; 10:21, 22, 27; Mis. 17:27)

2. Lerini 1 Samwele 13:5-14.

   Kodi ndi kudawa kwanji kudacita Sauli ku Giligali? (1 Sam. 10:8; 13:8, 9, 13)

3. Lerini 1 Samwele 15:1-35.

   1. Kodi ndi kudawa kupi kukulu kudacita Sauli thangwi ya Agagi, mambo wa Amaleki? (1 Sam. 15:2, 3, 8, 9, 22)

   2. Kodi Sauli ayesera tani kutuna pyakucita pyace na kupasa mulando anango? (1 Sam. 15:24)

   3. Kodi ndi cenjezo yanji inafunika ife kukoya lero tikapaswa uphungu? (1 Sam. 15:19-21; Sal. 141:5; Mis. 9:8, 9; 11:2)

Mbiri 57

1. Kodi mphale uyu pa cithunzithunzi asacemerwa tani, na tisadziwa tani kuti iye ndi wacipapo?

2. Kodi Davidi akakhala kupi, na babace na mbuyace akhacemerwa tani?

3. Thangwi yanji Yahova apanga Samueli kuenda kunyumba ya Jese ku Betelehemu?

4. Kodi ndi ninji cidacitika mudabweresa Jese anomwe a anace amuna kwa Samueli?

5. Kodi Yahova apanganji Samueli mudapitiswa Davidi m’nyumba?

Mabvunzo akuthimizira:

1. Lerini 1 Samwele 17:34, 35.

   Kodi pyakucitika pyenepi pisagomezera tani cipapo ca Davidi na kunyindira kwace kwa Yahova? (1 Sam. 17:37)

2. Lerini 1 Samwele 16:1-14.

   1. Kodi mafala a Yahova pa 1 Samwele 16:7 asatiphedza tani kukhala akukhonda siyanisa anthu na kucalira tsangulo ya maonekero akunja? (Mach. 10:34, 35; 1 Tim. 2:4)

   2. Kodi citsanzo ca Sauli cisapangiza tani kuti Yahova akabulusa nzimu wace wakucena kwa munthu, mbuto yapezi ingakwanise kudzadzwa na nzimu wakuipa, peno cifuno cikulu cankati cakucita pyakuipa? (1 Sam. 16:14; Mat. 12:43-45; Agal. 5:16)

Mbiri 58

1. Kodi ndi ntsunga wanji udaikha Goliati kwa anyankhondo a Israyeli?

2. Kodi Goliati akhali wankulu tani, na ndi sagwati wanji adapikira Mambo Sauli kwa mamuna wakukwanisa kupha Goliati?

3. Kodi Davidi alonganji mudampanga Sauli kuti iye nee mbadakwanisa kumenyana na Goliati thangwi Davidi akhali mphale kakamwe?

4. Kodi Davidi apangiza tani cinyindiro cace kwa Yahova m’ntawiro udapasa iye Goliati?

5. Ninga musakwanisa kuona pa cithunzithunzi, kodi Davidi aphatisiranji towera kupha Goliati, na buluka penepo Afilisti acitanji?

Mabvunzo akuthimizira:

1. Lerini 1 Samwele 17:1-54.

   1. Kodi ndi cibisobiso canji cidacitisa Davidi kukhonda gopa, na tingakwanise tani kusangazira cipapo cace? (1 Sam. 17:37, 45; Aef. 6:10, 11)

   2. Thangwi yanji Akristu asafunika kucalira nzimu wamapika ninga ukhali na Goliati angakhala m’masenzekero? (1 Sam. 17:8; Agal. 5:26; 1 Tim. 4:8)

   3. Kodi mafala a Davidi apangiza tani kuti iye akhali na cikhulupiro ku ciphedzo ca Mulungu? (1 Sam. 17:45-47; 2 Pya dziko. 20:15)

   4. Mbuto mwa kufokotoza basi ntsunga pakati pa misoka miwiri ya anyankhondo, kodi mbiri iyi isapangiza tani kuti nkhondo ineyi ikhalidi ya milungu yauthambi na Mulungu wandimomwene, Yahova? (1 Sam. 17:43, 46, 47)

   5. Kodi akusala akudzodzwa asasangazira tani citsanzo ca Davidi m’kunyindira Yahova? (1 Sam. 17:37; Yer. 1:17-19; Apok. 12:17)

Mbiri 59

1. Thangwi yanji Sauli akhali na ntsanje na Davidi, mbwenye Jonatani, mwana wamamuna wa Sauli, akhali wakusiyana tani?

2. Kodi ndi ninji cidacitika ntsiku inango Davidi mbakaimbira Sauli jambe?

3. Kodi Sauli alonga kuti Davidi akhafunika kucitanji mbasati kwata Mikala, mwana wankazi wa Sauli, ninga nkazace, na thangwi yanji Sauli alonga pyenepi?

4. Mukaimba Davidi jambe kwa Sauli, ndi ninji cidacitika paulendo wacitatu, ninga munapangizwa pa cithunzithunzi?

5. Kodi Mikala aphedza tani kupulumusa umaso wa Davidi, na Davidi akhafunika kucitanji patsogolo pace m’piaka pinomwe?

Mabvunzo akuthimizira:

1. Lerini 1 Samwele 18:1-30.

   1. Kodi kufunana kwakukhonda fudzika kwa Jonatani na Davidi kwaphipirisa tani kufunana kwa “mabira anango” na “nkumbi ung’ono”?(1 Sam. 18:1; Jwau 10:16; Luka 12:32; Zak. 8:23)

   2. Nakuti Jonatani mbadadzakhala nyaunthaka wa Sauli, kodi 1 Samueli 18:4 asapangiza tani kungonjera kwakuoneka kwa Jonatani kwa ule adasankhulwa towera kukhala mambo?

   3. Kodi citsanzo ca Sauli cisapangiza tani kuti ntsanje ingakwanise kutsogolera ku kudawa kukulu, na pyenepi pisapasa cenjezo yanji kwa ife? (1 Sam. 18:7-9, 25; Tgo. 3:14-16)

2. Lerini 1 Samwele 19:1-17.

   Kodi Jonatani aikha tani umaso wace ene pa ngobzwi mudalonga iye mafala adalembwa pa 1 Samwele 19:4, 5? (1 Sam. 19:1, 6)

Mbiri 60

1. Kodi nkazi anaenda kagumanikana na Davidi pa cithunzithunzi asacemerwa tani, na iye ndi munthu wa ntundu wanji?

2. Kodi Nabali mbani?

3. Thangwi yanji Davidi atuma amunace angasi towera kaphemba ciphedzo kwa Nabali?

4. Kodi Nabali alonganji kwa amuna a Davidi, na Davidi atawira tani?

5. Kodi Abigayeli apangiza tani kuti iye ndi nkazi wanzeru?

Mabvunzo akuthimizira:

1. Lerini 1 Samwele 22:1-4.

   Kodi banja ya Davidi yapangiza tani citsanzo ca njira inafuna ife kuphedzana m’ubale Wacikristu? (Mis. 17:17; 1 Ates. 5:14)

2. Lerini 1 Samwele 25:1-43.

   1. Thangwi yanji Nabali asalongwa mwakupwazwa kakamwe? (1 Sam. 25:2-5, 10, 14, 21, 25)

   2. Kodi akazi Acikristu ntsiku zino angakwanise kupfunzanji kubulukira ku citsanzo ca Abigayeli

   3. Kodi Abigayeli akhondesa Davidi kucita pinthu pipi piwiri pyakuipa? (1 Sam. 25:31, 33; Arom. 12:19; Aef. 4:26)

   4. Kodi kutawira kwa Davidi mafala a Abigayeli kusaphedza tani amuna ntsiku zino kukhala na maonero a Yahova kwa akazi? (Mach. 21:8, 9; Arom. 2:11; 1 Ped. 3:7)

Mbiri 61

1. Kodi Davidi na Abisai acitanji Sauli mbakagona m’nsasa mwace?

2. Kodi ndi mabvunzo api adacita Davidi kwa Sauli?

3. Kodi Davidi aenda kupi mudamala iye kusiya Sauli?

4. Kodi ndi ninji cidatsukwalisa kakamwe Davidi kwakuti iye alemba nyimbo yakubalika?

5. Kodi Davidi akhali na piaka pingasi pyakubalwa mudaikhwa iye mambo m’Hebroni, na anango a anace akhacemerwa tani?

6. M’kupita kwa nzidzi, kodi Davidi atonga kupi ninga mambo?

Mabvunzo akuthimizira:

1. Lerini 1 Samwele 26:1-25.

   1. Kodi mafala a Davidi adalembwa pa 1 Samwele 26:11 asapangiza nkhaliro wanji thangwi ya ndandanda unabuluka kwa Mulungu? (Sal. 37:7; Arom. 13:2)

   2. Kodi mafala a Davidi anagumanika pa 1 Samwele 26:23 asatiphedza tani kukoya maonero adidi tingagumana ntawiro wakukhonda pereka takhuta m’kuwangisira kwathu kupangiza kufunana kwakukhulupirika? (1 Am. 8:32; Sal. 18:20)

2. Lerini 2 Samwele 1:26.

   Kodi Akristu ntsiku zino angakwanise tani kukuza ntundu ubodzi ene wa ‘kufunana na ntima wawo wonsene’ ninga ukhali na Davidi na Jonatani? (1 Ped. 4:8; Akol. 3:14; 1 Jwau 4:12)

3. Lerini 2 Samwele 5:1-10.

   1. Kodi Davidi atonga ninga mambo m’piaka pingasi, na nzidzi unoyu wagawiwa tani? (2 Sam. 5:4, 5)

   2. Kodi ukulu wa Davidi wapaswa ani, na pyenepi pisaphata tani basa ninga cenjezo kwa ife ntsiku zino? (2 Sam. 5:10; 1 Sam. 16:13; 1 Akor. 1:31; Afil. 4:13)

Mbiri 62

1. Pakumalisira, kodi ndi ninji cidacitikira dziko ya Kanani na ciphedzo ca Yahova?

2. Kodi ndi ninji cidacitika namaulo anango mukakhala Davidi padzulu pa nyumba yace?

3. Thangwi yanji Yahova aipirwa kakamwe na Davidi?

4. Pa cithunzithunzi, kodi Yahova atuma ani kapanga Davidi pya madawo ace, na mamuna unoyu alonga kuti mbukudadzacitikanji kwa Davidi?

5. Kodi Davidi akhali na nyatwa zanji?

6. Kodi mbani adadzakhala mambo wa Israyeli nduli mwa Davidi?

Mabvunzo akuthimizira:

1. Lerini 2 Samwele 11:1-27.

   1. Kodi kusatitsidzikiza tani kupitiriza na kukhala na pyakucita pizinji m’basa ya Yahova?

   2. Kodi Davidi akweyerwa tani ku madawo, na pyenepi pisapasa cenjezo yanji kwa atumiki a Yahova ntsiku zino? (2 Sam. 11:2; Mat. 5:27-29; 1 Akor. 10:12; Tgo. 1:14, 15)

2. Lerini 2 Samwele 12:1-18.

   1. Kodi akulu a mpingo na anyakubala angakwanise kupfunza pfunziro yanji kubulukira ku njira idalonga Natani kwa Davidi towera kumpasa uphungu? (2 Sam. 12:1-4; Mis. 12:18; Mat. 13:34)

   2. Thangwi yanji Yahova apangiza ntsisi kwa Davidi? (2 Sam. 12:13; Sal. 32:5; 2 Akor. 7:9, 10)

Mbiri 63

1. Kodi Yahova abvunzanji Salomo, na iye atawira tani?

2. Nakuti iye akomerwa na kuphemba kwa Salomo, kodi Yahova apikira kumpasanji?

3. Kodi ndi nseru upi wakunensa udaenda na akazi awiri kwa Salomo?

4. Ninga munaonemwe pa cithunzithunzi, kodi Salomo atonga tani nseru unoyu?

5. Kodi utongi wa Salomo ukhali tani, na thangwi yanji?

Mabvunzo akuthimizira:

1. Lerini 1 Amambo 3:3-28.

   1. Kodi amuna anapaswa kupitawirira m’gulu ya Mulungu ntsiku zino angakwanise kupfunzanji kubulukira ku mafala a m’ntima a Salomo adalembwa pa 1 Amambo 3:7? (Sal. 119:105; Mis. 3:5, 6)

   2. Kodi kuphemba kwa Salomo ndi citsanzo canji cadidi ca pinthu pyakuthema kuphembera? (1 Am. 3:9, 11; Mis. 30:8, 9; 1 Jwau 5:14)

   3. Kodi matongero a nthonga a Salomo pakati pa akazi awiri asatipasa cinyindiro canji thangwi ya utongi wantsogolo wa Salomo Wankulu, Yezu Kristu? (1 Am. 3:28; Iza. 9:6, 7; 11:2-4)

2. Lerini 1 Amambo 4:29-34.

   1. Kodi Yahova atawira tani phembero ya Salomo yakuphemba ntima wakubvera? (1 Ama. 4:29)

   2. Mwakubverana na kuwangisira kwa anthu towera kubva nzeru za Salomo, kodi ife tisafunika kukhala na maonero anji thangwi ya kupfunza Mafala a Mulungu? (1 Am. 4:29, 34; Jwau 17:3; 2 Tim. 3:16)

Mbiri 64

1. Kodi Salomo akwata nzidzi ungasi towera kumalisa kumanga templo ya Yahova, na thangwi yanji iyo yadya kobiri yakuinjipa kakamwe?

2. Kodi templo ikhali na makwartu mangasi akufunika, na ndi ninji cidaikhwa nkati mwa kwartu yankati?

3. Kodi Salomo alonganji m’phembero yace mudamala templo?

4. Kodi Yahova apangiza tani kuti akomerwa na phembero ya Salomo?

5. Kodi akazi a Salomo ancitisa kucitanji, na ndi ninji cidacitikira Salomo?

6. Thangwi yanji Yahova aipirwa na Salomo, na Yahova alonganji kwa iye?

Mabvunzo akuthimizira:

1. Lerini 1 Pya dziko. 28:9, 10.

   Mwakubverana na mafala a Davidi adalembwa pa 1 Pya dziko. 28:9, 10, kodi tisafunika kuwangisira kucitanji m’umaso wathu wa ntsiku ibodzi na ibodzi? (Sal. 19:14; Afil. 4:8, 9)

2. Lerini 2 Pya dziko. 6:12-21, 32-42.

   1. Kodi Salomo apangiza tani kuti nkhabe nyumba yakucitwa na munthu yakuti ingakwanise kukoya Mulungu Wakudzuludzulu? (2 Pya dziko. 6:18; Mach. 17:24, 25)

   2. Kodi mafala a Salomo anagumanika pa 2 Pya dziko. 6:32, 33 asapangizanji pya Yahova? (Mach. 10:34, 35; Agal. 2:6)

3. Lerini 2 Pya dziko. 7:1-5.

   Ninga ana a Israyeli akulumizwa kulonga mwakusimba Yahova m’kuona mbiri yace, kodi tisafunika kukhuiwa tani tikaona nkhombo inapasa Yahova mbumba yace? (2 Pya dziko. 7:3; Sal. 22:22; 34:1; 96:2)

4. Lerini 1 Amambo 11:9-13.

   Kodi makhaliro a umaso a Salomo asapangiza tani kufunika kwa kukhala akukhulupirika mpaka kumadromero? (1 Am. 11:4, 9; Mat. 10:22; Apok. 2:10)

Mbiri 65

1. Kodi amuna awa awiri pa cithunzithunzi asacemerwa tani, na iwo mbani?

2. Kodi Ahiya acitanji na kapoti akhadabvala iye, na pyenepi pikhafuna longanji?

3. Kodi Salomo ayesera kucitanji kwa Yeroboamu?

4. Thangwi yanji mbumba yaikha Yeroboamu mambo wa madzinza khumi?

5. Thangwi yanji Yeroboamu acita anang’ombe awiri andalama, na ndi ninji cidacitikira dziko m’nzidzi wakucepa nduli mwa pyenepi?

6. Kodi ndi ninji cidacitikira umambo wa madzinza mawiri na templo ya Yahova m’Yerusalemu?

Mabvunzo akuthimizira:

1. Lerini 1 Amambo 11:26-43.

   Kodi Yeroboamu akhali munthu wa ntundu wanji, na Yahova ampikiranji mbadakoya miyambo ya Mulungu? (1 Am. 11:28, 38)

2. Lerini 1 Amambo 12:1-33.

   1. Kubulukira ku citsanzo cakuipa ca Yeroboamu, kodi anyakubala na akulu a mpingo angakwanise kupfunzanji m’kuphatisira utongi m’njira yakuipa? (1 Am. 12:13; Koel. 7:7; 1 Ped. 5:2, 3)

   2. Kodi anthu apswa asafunika kusaka ani towera agumane citsogolero cakunyindirika munacita iwo kusankhula kukulu m’umaso? (1 Am. 12:6, 7; Mis. 1:8, 9; 2 Tim. 3:16, 17; Aheb. 13:7

   3. Kodi ndi ninji cidacitisa Yeroboamu kuikha mbuto ziwiri zakulambira mwanang’ombe, na pyenepi pyapangiza tani kusowa kukulu kwa cikhulupiro kwa Yahova? (1 Am. 11:37; 12:26-28)

   4. Kodi mbani adacitisa mbumba ya umambo wa madzinza khumi kupandukira ulambiri wandimomwene? (1 Am. 12:32, 33)

Mbiri 66

1. Kodi Yezabele mbani?

2. Thangwi yanji Mambo Ahabu atsukwala ntsiku inango?

3. Kodi Yezabele acitanji kuti akwanisire mamunace Ahabu munda wa vinyu wa Naboti?

4. Kodi mbani adatuma Yahova kuti akalange Yezabele?

5. Ninga munaonemwe pa cithunzithunzi, kodi ndi ninji cidacitika mudafika Yehu panyumba pa Yezabele?

Mabvunzo akuthimizira:

1. Lerini 1 Amambo 16:29-33 na 18:3, 4.

   Kodi makhaliro m’Israyeli akhadaipa tani m’nzidzi wa Mambo Ahabu? (1 Am. 14:9)

2. Lerini 1 Amambo 21:1-16.

   1. Kodi Naboti apangiza tani cipapo na kukhulupirika kwa Yahova? (1 Am. 21:1-3; Lev. 25:23-28)

   2. Kubulukira ku citsanzo ca Ahabu, kodi tingakwanise kupfunzanji m’kuyang’anisana na kuphatiswa mwala? (1 Am. 21:4; Arom. 5:3-5)

3. Lerini 2 Amambo 9:30-37.

   Kodi tingakwanise kupfunzanji kubulukira ku phinga ya Yehu m’kucita cifuno ca Yahova? (2 Am. 9:4-10; 2 Akor. 9:1, 2; 2 Tim. 4:2)

Mbiri 67

1. Kodi Yehosafati mbani, na iye akhalapo m’nzidzi upi?

2. Thangwi yanji Aisrayeli agopa, na azinji a iwo acitanji?

3. Kodi Yahova atawira tani phembero ya Yehosafati?

4. Kodi Yahova acitisa kuti kucitikenji nkhondo mbisati kutoma?

5. Kodi tingakwanise kupfunza pfunziro yanji kubulukira kwa Yehosafati?

Mabvunzo akuthimizira:

1. Lerini 2 Pya dziko. 20:1-30.

   1. Kodi Yehosafati apangiza tani pinafuna kucita atumiki akukhulupirika a Mulungu m’kuyang’anisana na makhaliro akuthusa? (2 Pya dziko. 20:12; Sal. 25:15; 62:1)

   2. Nakuti nzidzi onsene Yahova asaphatisira njira yakulonga m’kutsalakana mbumba yace, kodi ndi njira ipi inaphatisira iye ntsiku zino? (2 Pya dziko. 20:14, 15; Mat. 24:45-47; Jwau 15:15)

   3. Munafuna kudzatoma Mulungu ‘nkhondo ya ntsiku ikulu ya Mulungu wakukwanisa pyonsene,’ kodi nkhaliro wathu unadzalandana tani na nkhaliro wa Yehosafati? (2 Pya dziko. 20:15, 17; 32:8; Apok. 16:14, 16)

   4. M’kusangazira Alevi, kodi apainiya na amisionario asapasa ntundu wanji wa ciphedzo m’basa ya kumwaza mphangwa m’dziko yonsene ntsiku zino? (2 Pya dziko. 20:19, 21; Arom. 10:13-15; 2 Tim. 4:2)

Mbiri 68

1. Kodi mbani anthu atatu awa pa cithunzithunzi, na ndi ninji cidacitikira kamphale?

2. Kodi Eliya aphembereranji kwa mphale, na ndi ninji cidacitika patsogolo pace?

3. Kodi mphedzi wa Eliya asacemerwa tani?

4. Thangwi yanji Elixa acemererwa kunyumba kwa nkazi wa Sunemu?

5. Kodi Elixa acitanji, na ndi ninji cidacitikira mwana wakufa?

6. Kodi ndi mphambvu yanji iri na Yahova, ninga mudapangizwa na Eliya na Elixa?

Mabvunzo akuthimizira:

1. Lerini 1 Amambo 17:8-24.

   1. Kodi kubvera na cikhulupiro ca Eliya pyayeserwa tani? (1 Am. 17:9; 19:1-4, 10)

   2. Thangwi yanji cikhulupiro ca nzice wa Zarefati cikhali cakuoneka? (1 Am. 17:12-16; Luka 4:25, 26)

   3. Kodi cidacitikira nzice wa Zarefati cisapangiza tani undimomwene wa mafala a Yezu adalembwa pa Mateo 10:41, 42? (1 Am. 17:10-12, 17, 23, 24)

2. Lerini 2 Amambo 4:8-37.

   1. Kodi nkazi wa Sunemu asatipfunzisanji pya khodzo? (2 Am. 4:8; Luka 6:38; Arom. 12:13; 1 Jwau 3:17)

   2. Kodi tingakwanise kupangiza tani mabasa audidi kwa anzakazi a Mulungu ntsiku zino? (Mach. 20:35; 28:1, 2; Agal. 6:9, 10; Aheb. 6:10)

Mbiri 69

1. Pa cithunzithunzi, kodi kantsikana aka kali kupanganji sinyala?

2. Kodi mbani sinyala pa cithunzithunzi, na kantsikana aka kakucitanji panyumba ya sinyala?

3. Kodi Elixa atuma nzakazi wace kuti apangenji Namani, na thangwi yanji Namani aipirwa?

4. Kodi ndi ninji cidacitika mudabvesera Namani anzakazi ace?

5. Thangwi yanji Elixa akhonda muoni wa Namani, mbwenye ndi ninji cidacita Gehazi?

6. Kodi ndi ninji cidacitikira Gehazi, na tingakwanise kupfunzanji kwa pyenepi?

Mabvunzo akuthimizira:

1. Lerini 2 Amambo 5:1-27.

   1. Kodi citsanzo cidaikhwa na kantsikana ka Muisrayeli cisawangisa tani anthu apswa ntsiku zino? (2 Am. 5:3; Sal. 8:2; 148:12, 13)

   2. Thangwi yanji mphyadidi kukoya m’manyerezero citsanzo ca Namani tikatambira uphungu wa Bibilya? (2 Am. 5:15; Aheb. 12:5, 6; Tgo. 4:6)

   3. Kodi tingakwanise kupfunza pfunziro yanji m’kusiyanisa citsanzo ca Elixa na Gehazi? (2 Am. 5:9, 10, 14-16, 20; Mat. 10:8; Mach. 5:1-5; 2 Akor. 2:17)

Mbiri 70

1. Kodi Yona mbani, na Yahova ampanga kuti acitenji?

2. Nakuti iye nee akhafuna kuenda kule kudampanga Yahova, kodi Yona acitanji?

3. Kodi Yona apanga amalinyero kuti acitenji towera kulimirisa conzi?

4. Ninga musakwanisa kuona pa cithunzithunzi, kodi ndi ninji cidacitika mukaririma Yona m’madzi?

5. Kodi Yona akhala nzidzi ungasi m’mimba mwa ntsomba ikulu, na iye acitanji mwenemo?

6. Kodi Yona aenda kupi mudamala iye kubuluka m’mimba mwa ntsomba ikulu, na pyenepi pisatipfunzisanji?

Mabvunzo akuthimizira:

1. Mwapakweca, kodi Yona apibva tani thangwi ya basa yace ya kumwaza mphangwa kwa Aninive? (Yona 1:2, 3; Mis. 3:7; Koel. 8:12)

2. Lerini Yona 2:1, 2, 10.

   Kodi cidacitikira Yona cisatipasa tani cinyindiro cakuti Yahova anadzatawira maphembero athu? (Sal. 22:24; 34:6; 1 Jwau 5:14)

3. Lerini Yona 3:1-10.

   1. Kodi pisatiwangisa tani kudziwa kuti Yahova apitiriza na kuphatisira Yona maseze iye pakutoma adodoma kukwanirisa basa yace? (Sal. 103:14; 1 Ped. 5:10)

   2. Kodi cidacitikira Yona thangwi ya Aninive cisatipfunzisanji pya kutonga mwanyapantsi anthu m’cisa cathu? (Yona 3:6-9; Koel. 11:6; Mach. 13:48)

Mbiri 71

1. Kodi Yesaya mbani, iye akhalapo m’nzidzi upi, na Yahova ampangizanji?

2. Kodi fala “paradizu” isabvekanji, na isakukumbusaninji?

3. Kodi Yahova apanga Yesaya kuti alembenji thangwi ya Paradizu ipswa?

4. Thangwi yanji Adamu na Yeva aluza mudzi wawo wakubalika?

5. Kodi Yahova apikiranji kwa ale anamfuna?

Mabvunzo akuthimizira:

1. Lerini Izaiya 11:6-9.

   1. Kodi Mafala a Mulungu asafokotoza tani ntendere unafuna dzakhalapo pakati pa anthu na pinyama m’dziko ipswa? (Sal. 148:10, 13; Iza. 65:25; Ezek. 34:25)

   2. Kodi ndi kukwanirisika kwanji kwauzimu kwa mafala a Yesaya kunacitika pakati pa mbumba ya Yahova ntsiku zino? (Arom. 12:2; Aef. 4:23, 24)

   3. Kodi mbani anathema mbiri ya kucinja kwa umunthu wa anthu ntsiku zino na m’dziko ipswa? (Iza. 48:17, 18; Agal. 5:22, 23; Afil. 4:7)

2. Lerini Apokalipse 21:3, 4.

   1. Kodi Malemba asapangiza tani kuti kukhala Mulungu pabodzi na anthu m’dziko yapantsi ndi kukhala kwakuphipirisa, tayu kwa unyama? (Lev. 26:11, 12; 2 Pya dziko. 6:18; Iza. 66:1; Apok. 21:2, 3, 22-24)

   2. Kodi ndi ntundu wanji wa misozi na kubva kupha kunafuna kudzamaliswa? (Luka 8:49-52; Arom. 8:21, 22; Apok. 21:4)

Mbiri 72

1. Kodi mamuna ali pa cithunzithunzi mbani, na thangwi yanji ali m’nyatwa zizinji?

2. Kodi ndi matsamba anji adaikha Hezekia pamaso pa Mulungu, na Hezekia aphembereranji?

3. Kodi Hezekia akhali mambo wa ntundu wanji, na Yahova antumizira mphangwa zanji kubulukira kwa mprofeta Yesaya?

4. Kodi anju wa Yahova acitiranji Aasirya, ninga pinapangizwa pa cithunzithunzi?

5. Maseze umambo wa madzinza mawiri ukhali na ntendere m’nzidzi wakucepa, kodi kwacitikanji mudamala kufa Hezekia?

Mabvunzo akuthimizira:

1. Lerini 2 Amambo 18:1-36.

   1. Kodi nyakulonga wa Aasirya, Rabisaki, asaka tani kufewesa cikhulupiro ca Aisrayeli? (2 Am. 18:19, 21; Eks. 5:2; Sal. 64:3)

   2. M’kuyang’anisana na akutcinga, kodi Mboni za Yahova zisakoya tani citsanzo ca Hezekia? (2 Am. 18:36; Sal. 39:1; Mis. 26:4; 2 Tim. 2:24)

2. Lerini 2 Amambo 19:1-37.

   1. Kodi mbumba ya Yahova ntsiku zino isasangazira tani Hezekia m’nzidzi wakutsukwala? (2 Am. 19:1, 2; Mis. 3:5, 6; Aheb. 10:24, 25; Tgo. 5:14, 15)

   2. Kodi ndi kukundwa kupi kutatu kudacitikira Mambo Senakeribu, na mbani anaphipirisira iye m’njira yaciprofesiya? (2 Am. 19:32, 35, 37; Apok. 20:2, 3)

3. Lerini 2 Amambo 21:1-6, 16.

   Thangwi yanji kungakwaniswe kulongwa kuti Manase akhali mbodzi wa amambo akuipa kakamwe kupiringana anango adatonga m’Yerusalemu? (2 Pya dziko. 33:4-6, 9)

Mbiri 73

1. Kodi Yosiya akhali na piaka pingasi pyakubalwa mudakhala iye mambo, na atoma kucitanji mudapita piaka pinomwe mbakhali mambo?

2. Kodi musaona Yosiya mbakacitanji pa cithunzithunzi cakutoma?

3. Kodi nyantsembe wankulu agumananji mukasasanya amuna templo?

4. Thangwi yanji Yosiya apandula pyakubvala pyace?

5. Kodi ndi mphangwa zipi zakubulukira kwa Yahova zidapaswa Yosiya na mprofeta wankazi Hulida?

Mabvunzo akuthimizira:

1. Lerini 2 Pya dziko. 34:1-28.

   1. Kodi Yosiya asapasa citsanzo canji kwa ale akuti panango akhali na uwana wakunensa? (2 Pya dziko. 33:21-25; 34:1, 2; Sal. 27:10)

   2. Kodi ndi mathanyo api akufunika adatoma Yosiya towera kuendesa ulambiri wandimomwene kutsogolo nkati mwa piaka 8, 12 na 18 pya utongi wace? (2 Pya dziko. 34:3, 8)

   3. Kodi tingakwanise kupfunza pfunziro yanji ya kukhunganya mbuto zathu zakulambira kubulukira ku pitsanzo pidaikhwa na Mambo Yosiya na Nyantsembe Wankulu Hilikiya? (2 Pya dziko. 34:9-13; Mis. 11:14; 1 Akor. 10:31)

Mbiri 74

1. Kodi mphale uyu pa cithunzithunzi mbani?

2. Kodi Yeremia anyerezeranji thangwi yakudzakhala kwace mprofeta, mbwenye Yahova ampanganji?

3. Kodi ndi mphangwa zipi zidapitiriza Yeremia na kupanga mbumba?

4. Kodi anyantsembe ayesera tani kulimirisa Yeremia, mbwenye iye apangiza tani kukhonda gopa?

5. Kodi ndi ninji cidacitika mudakhonda Aisrayeli kucinja njira zawo zakuipa?

Mabvunzo akuthimizira:

1. Lerini Yeremiya 1:1-8.

   1. Ninga pinapangizwa na citsanzo ca Yeremia, ndi ninji cinacitisa munthu kuthema kutumikira Yahova? (2 Akor. 3:5, 6)

   2. Kodi citsanzo ca Yeremia cisapasa ciwangiso canji kwa anthu apswa Acikristu ntsiku zino? (Koel. 12:1; 1 Tim. 4:12)

2. Lerini Yeremiya 10:1-5.

   Kodi ndi nsanje upi wamphabvu kakamwe udaphatisira Yeremia towera kupangiza kukhonda phata basa kwa kunyindira adzimunthu? (Yer. 10:5; Iza. 46:7; Hab. 2:19)

3. Lerini Yeremiya 26:1-16.

   1. M’kukhuwa mphangwa za cenjezo ntsiku zino, kodi akusala akudzodzwa asakoya tani m’ntima ntemo wa Yahova kwa Yeremia wakuti ‘nee asafunika kubulusa fala ibodzi ene’? (Yer. 26:2; Deut. 4:2; Mach. 20:27)

   2. Kodi Yeremia apasa citsanzo canji cadidi kwa Mboni za Yahova ntsiku zino m’kumwaza cenjezo ya Yahova kwa madziko? (Yer. 26:8, 12, 14, 15; 2 Tim. 4:1-5)

4. Lerini 2 Amambo 24:1-17.

   Kodi ndi pyakubwereswa pyanji pyakutsukwalisa pidadzeswa na kukhonda khulupirika kwa Yuda kwa Yahova? (2 Am. 24:2-4, 14)

Mbiri 75

1. Kodi mbani aphale anai pa cithunzithunzi, na thangwi yanji iwo ali m’Babiloni?

2. Kodi Nebukadinezara akhanyerezeranji kwa aphale anai, na iye apasa mitemo yanji kwa anzakazi ace?

3. Kodi ndi phembo yanji idacita Danyeli thangwi ya pyakudya na pyakumwa kwa iye ene na axamwali ace atatu?

4. Mudamala iwo kudya pyakulimwa m’ntsiku khumi, kodi Danyeli na axamwali ace atatu akhali akusiyana tani na anango?

5. Kodi Danyeli na axamwali ace atatu adzagumanika tani panyumba ya mambo, na ndi m’njira ipi iwo ndiwo adidi kakamwe kupiringana anyantsembe na anyaluso?

Mabvunzo akuthimizira:

1. Lerini Danyele 1:1-21.

   1. Kodi ndi kuwangisira kwanji kunafunika khala ife tisafuna kupirira mayesero na kukunda kufewa? (Dan. 1:8; Gen. 39:7, 10; Agal. 6:9)

   2. Kodi ndi m’njira zipi anthu apswa angakwanise kuyeserwa peno kukakamizwa kutawira pire pinanyerezerwa kukhala “pyadidi”? (Dan. 1:8; Mis. 20:1; 2 Akor. 6:17–7:1)

   3. Kodi mbiri ya Bibilya ya aphale anai Aheberi isatiphedza tani kupereka takhuta thangwi ya kukhala na cipfunziso ca dziko? (Dan. 1:20; Iza. 54:13; 1 Akor. 3:18-20)

Mbiri 76

1. Kodi ndi ninji cidacitikira Yerusalemu na Aisrayeli ninga pinapangizwa pa cithunzithunzi?

2. Kodi Ezekieli mbani, na ndi pinthu pipi pyakupha ntima pidamuonesa Yahova?

3. Thangwi Aisrayeli nee alemedza Yahova, kodi iye apikiranji?

4. Kodi Mambo Nebukadinezara acitanji mudamala Aisrayeli kumpandukira?

5. Thangwi yanji Yahova asiya kufudzwa kweneku kwakugopswa kucitikira Aisrayeli?

6. Kodi dziko ya Israyeli yakhala tani yakusowa na munthu ene mbodzi, na yakhala tenepa m’nzidzi ungasi?

Mabvunzo akuthimizira:

1. Lerini 2 Amambo 25:1-26.

   1. Kodi Zedekia mbani, ndi ninji cidancitikira, na pyenepi pyakwanirisa tani profesiya ya Bibilya? (2 Am. 25:5-7; Ezek. 12:13-15)

   2. Kodi mbani akhafunika kutawira kwa Yahova thangwi yakukhonda khulupirika konsene kudacita Israyeli? (2 Am. 25:9, 11, 12, 18, 19; 2 Pya dziko. 36:14, 17)

2. Lerini Ezekyele 8:1-18.

   Kodi Cikristu cauthambi casangazira tani akupanduka Aisrayeli akulambira dzuwa? (Ezek. 8:16; Iza. 5:20, 21; Jwau 3:19-21; 2 Tim. 4:3)

Mbiri 77

1. Kodi ndi ntemo upi udapaswa mbumba na Nebukadinezara, mambo wa Babiloni?

2. Thangwi yanji axamwali atatu a Danyeli hadagodamira dzimunthu ya ndalama?

3. Kodi Aheberi atatu apangiza tani kunyindira kwawo Yahova mudaapasa Nebukadinezara mwai unango kuti agodame?

4. Kodi Nebukadinezara atuma amunace kuti acitenji kwa Sadrake, Mesake na Abedinego?

5. Kodi Nebukadinezara aonanji mudayang’ana iye m’ubvuni?

6. Thangwi yanji mambo asimba Mulungu wa Sadrake, Mesake na Abedinego, na iwo atipasa citsanzo canji?

Mabvunzo akuthimizira:

1. Lerini Danyele 3:1-30.

   1. Kodi ndi nkhaliro wanji udapangizwa na aphale atatu Aheberi unafunika kusangazirwa na atumiki onsene a Mulungu m’kuyang’anisana na mayesero a umumphu? (Dan. 3:17, 18; Mat. 10:28; Arom. 14:7, 8)

   2. Kodi ndi pfunziro ipi yakufunika idapfunziswa Nebukadinezara na Yahova Mulungu? (Dan. 3:28, 29; 4:34, 35)

Mbiri 78

1. Kodi ndi ninji cidacitika mukakhala mambo wa Babiloni na phwando ikulu mbaphatisira makhamico na maphande adakwatwa m’templo ya Yahova ku Yerusalemu?

2. Kodi Belisazara alonganji kwa anyaluso ace, mbwenye ndi ninji cidacimwana iwo kucita?

3. Kodi mama wa mambo apanga mambo kuti acitenji?

4. Mwakubverana na pidapanga Danyeli mambo, thangwi yanji Mulungu atumiza dzanja kuti ikalembe pa pfufu?

5. Kodi Danyeli afokotoza tani mabvekero a mafala pa pfufu?

6. Kodi ndi ninji cidacitika m’nzidzi uneule ene ukhalonga Danyeli?

Mabvunzo akuthimizira:

1. Lerini Danyele 5:1-31.

   1. Siyanisani kugopa kwaumulungu na kugopa kudakhala na Belisazara mudaona iye malemba pa pfufu. (Dan. 5:6, 7; Sal. 19:9; Arom. 8:35-39)

   2. Kodi Danyeli apangiza tani cipapo cikulu mukalonga iye na Belisazara na anthu akulu m’umambo wace? (Dan. 5:17, 18, 22, 26-28; Mach. 4:29)

   3. Kodi ndi m’njira ipi Danyeli kapitulu 5 asagomezera utongi ukulu wakudzulu na wapantsi wa Yahova? (Dan. 4:17, 25; 5:21)

Mbiri 79

1. Kodi Dariyo mbani, na iye akhaona tani Danyeli?

2. Kodi amuna angasi a ntsanje akwanisa kucitisa Dariyo kucitanji?

3. Kodi Danyeli acitanji mudadziwa iye pya mwambo upswa?

4. Thangwi yanji Dariyo anenseka kakamwe kwakuti iye nee akwanisa kugona, na iye acitanji mangwana mwace namacibese?

5. Kodi Danyeli atawira tani Dariyo?

6. Kodi ndi ninji cidacitikira amuna akuipa adayesera kupha Danyeli, na Dariyo alembanji kwa mbumba yonsene m’umambo wace?

Mabvunzo akuthimizira:

1. Lerini Danyele 6:1-28.

   1. Kodi nsampha udacitirwa Danyeli usatikumbusanji thangwi ya pire pinacita akutcinga towera kuyesera kulimirisa basa ya Mboni za Yahova m’nzidzi uno? (Dan. 6:7; Sal. 94:20; Iza. 10:1; Arom. 8:31)

   2. Kodi atumiki a Mulungu a ntsiku zino angakwanise tani kusangazira Danyeli m’kupitiriza na kungonjera “akulu akulu a dziko”? (Dan. 6:5, 10; Arom. 13:1; Mach. 5:29)

   3. Kodi tingakwanise tani kusangazira citsanzo ca Danyeli ca kutumikira Yahova “mwakukhonda phonya”? (Dan. 6:16, 20; Afil. 3:16; Apok. 7:15)

Mbiri 80

1. Ninga pinapangizwa pa cithunzithunzi, kodi Aisrayeli akucitanji?

2. Kodi Koresi akwanirisa tani profesiya ya Yahova kubulukira kwa Yesaya?

3. Kodi Koresi apanganji Aisrayeli ale akuti nee mbadakwanisa kubwerera ku Yerusalemu?

4. Kodi ndi pinthu pipi pidapasa Koresi mbumba kuti ibwerere napyo ku Yerusalemu?

5. Kodi Aisrayeli akwata nzidzi ungasi towera kufika ku Yerusalemu?

6. Kodi pakhadapita piaka pingasi kubulukira padasiyiwa dziko yapezi yakusowadi anthu?

Mabvunzo akuthimizira:

1. Lerini Izaiya 44:28 and 45:1-4.

   1. Kodi Yahova agomezera tani cibaso ca kukwanirisika kwa profesiya thangwi ya Koresi? (Iza. 55:10, 11; Arom. 4:17)

   2. Kodi profesiya ya Yesaya thangwi ya Koresi isapangizanji pya mphambvu ya Yahova Mulungu ya kulongeratu pya ntsogolo? (Iza. 42:9; 45:21; 46:10, 11; 2 Ped. 1:20)

2. Lerini Esdra 1:1-11.

   M’kutowerera citsanzo ca ale akuti nee mbadakwanisa kubwerera ku Yerusalemu, kodi tingakwanise tani ‘kuwangisa manja’ a ale anakwanisa kupita m’basa ya nzidzi onsene? (Esdra 1:4, 6; Arom. 12:13; Akol. 4:12)

Mbiri 81

1. Kodi ndi anthu angasi adacita ulendo wakulapha kubulukira Babiloni kuenda ku Yerusalemu, mbwenye agumananji mudafika iwo?

2. Kodi Aisrayeli atoma kumanganji mudamala iwo kufika, mbwenye anyamalwa awo acitanji?

3. Kodi Ageyu na Zakaria mbani, na iwo apanganji mbumba?

4. Thangwi yanji Tatinai atumiza tsamba ku Babiloni, na atambira ntawiro wanji?

5. Kodi Esdra acitanji mudadziwa iye pya kufunika kwa kusasanya templo ya Mulungu?

6. Kodi Ezara akuphembereranji pa cithunzithunzi, yatawirwa tani phembero yace, na pyenepi pisatipfunzisanji?

Mabvunzo akuthimizira:

1. Lerini Esdra 3:1-13.

   Tingagumanika pa mbuto yakusowa mpingo wa mbumba ya Mulungu, kodi tisafunika kupitiriza na kucitanji? (Esdra 3:3, 6; Mach. 17:16, 17; Aheb. 13:15)

2. Lerini Esdra 4:1-7.

   Kodi Zerubabeli aikha citsanzo canji kwa mbumba ya Yahova thangwi ya ciphatanizo ca cikhulupiro? (Eks. 34:12; 1 Akor. 15:33; 2 Akor. 6:14-17)

3. Lerini Esdra 5:1-5, 17 na 6:1-22.

   1. Thangwi yanji akutcinga hadakwanisa kulimirisa basa yakumanga templo? (Esdra 5:5; Iza. 54:17)

   2. Kodi pidacita akulu a Ayuda pisawangisa tani akulu Acikristu kusaka citsogolero ca Yahova m’kuyang’anisana na akutcinga? (Esdra 6:14; Sal. 32:8; Arom. 8:31; Tgo. 1:5)

4. Lerini Esdra 8:21-23, 28-36.

   Mbitisati kutoma njira yakucita pinthu, kodi mbukudakhala pyadidi kutowerera citsanzo cipi ca Ezara? (Esdra 8:23; Sal. 127:1; Mis. 10:22; Tgo. 4:13-15)

Mbiri 82

1. Kodi Mordekai na Esteri mbani?

2. Thangwi yanji Mambo Ahaswero akafuna nkazi mupswa, na iye asankhula ani?

3. Kodi Hamani mbani, na ndi ninji cidancitisa kuipirwa kakamwe?

4. Kodi ndi mwambo wanji udacitwa, na Esteri acitanji mudamala iye kutambira mphangwa kwa Mordekai?

5. Kodi ndi ninji cidacitikira Hamani, na ndi ninji cidacitikira Mordekai?

6. Kodi Aisrayeli apulumuswa tani kwa anyamalwa awo?

Mabvunzo akuthimizira:

1. Lerini Estere 2:12-18.

   Kodi Esteri apangiza tani ntengo wa kusakulira “ukomi wankati wantima wadidi na wakupfulika”? (Estere 2:15; 1 Ped. 3:1-5)

2. Lerini Estere 4:1-17.

   Ninga Esteri apaswa mwai wa kucita cinthu m’kuphedza ulambiri wandimomwene, kodi ntsiku zino tisapaswa mwai wanji towera kupangiza kupipereka kwathu na kukhulupirika kwa Yahova? (Estere 4:13, 14; Mat. 5:14-16; 24:14)

3. Lerini Estere 7:1-6.

   Kodi azinji a mbumba ya Mulungu ntsiku zino asapiikha tani pa ngobzwi ya kutcingwa, ninga Esteri? (Estere 7:4; Mat. 10:16-22; 1 Ped. 2:12)

Mbiri 83

1. Kodi Aisrayeli akhapibva tani thangwi yakusowa zingome zakuzungulira nzinda wawo wa Yerusalemu?

2. Kodi Neyemia mbani?

3. Kodi basa ya Neyemia ikhali ipi, na thangwi yanji ikhali yakufunika?

4. Kodi ndi mphangwa zipi zidatsukwalisa Neyemia, na iye acitanji?

5. Kodi Mambo Artaxerxe apangiza tani udidi kwa Neyemia?

6. Kodi Neyemia apamba tani basa yakumanga towera anyamalwa a Aisrayeli akhonde kuilimirisa?

Mabvunzo akuthimizira:

1. RLerini Nehemiya 1:4-6 na 2:1-20.

   Kodi Neyemia asaka tani citsogolero ca Yahova? (Neh. 2:4, 5; Arom. 12:12; 1 Ped. 4:7)

2. Lerini Nehemiya 3:3-5.

   Kodi akulu ampingo na atumiki akutumikira angakwanise kupfunzanji kubulukira kwa kusiyana kwa Atekoya na “akulu” awo? (Neh. 3:5, 27; 2 Ates. 3:7-10; 1 Ped. 5:5)

3. Lerini Nehemiya 4:1-23.

   1. Kodi ndi ninji cidakulumiza Aisrayeli kupitiriza na kumanga maseze akhali na kutcingwa kwakugopswa? (Neh. 4:6, 8, 9; Sal. 50:15; Iza. 65:13, 14)

   2. Kodi citsanzo ca Aisrayeli cisatiwangisa m’njira ipi ntsiku zino?

4. Lerini Nehemiya 6:15.

   Kodi kumaliswa kwa zingome za Yerusalemu nkati mwa miezi miwiri kusapangizanji pya mphambvu ya cikhulupiro? (Sal. 56:3, 4; Mat. 17:20; 19:26)

Mbiri 84

1. Kodi nkazi uyu pa cithunzithunzi mbani?

2. Kodi Gabriyeli apanganji Mariya?

3. Kodi Gabriyeli afokotoza tani kwa Mariya kuti iye mbadadzabala mwana ngakhale Mariya nee atoma kukhala na mamuna?

4. Kodi ndi ninji cidacitika mudaenda Mariya kaona wacibale wace Elizabeti?

5. Kodi Zuze anyerezeranji mudadziwa iye kuti Mariya mbadadzabala mwana, mbwenye thangwi yanji Zuze acinja manyerezero?

Mabvunzo akuthimizira:

1. Lerini Luka 1:26-56.

   1. Kodi Luka 1:35 asapangizanji thangwi ya kusowa ungwiro konsene kudabulukira kwa Adamu m’mimba mwa Mariya mudabuluswa umaso wa Mwana wa Mulungu kumbuto yauzimu? (Ag. 2:11-13; Jwau 6:69; Aheb. 7:26; 10:5)

   2. Kodi Yezu alemedzwa tani ngakhale iye mbasati kubalwa? (Luka 1:41-43)

   3. Kodi Mariya apasa citsanzo canji cadidi kwa Akristu ale anatambira miyai yakupambulika ya utumiki ntsiku zino? (Luka 1:38, 46-49; 17:10; Mis. 11:2)

2. Lerini Mateo 1:18-25.

   Maseze Yezu hadapaswa dzina ya Emanuweli ninga yace ene, kodi basa yace ninga munthu yakwanirisa tani mabvekero a dzina ineyi? (Mat. 1:22, 23; Jwau 14:8-10; Aheb. 1:1-3)

Mbiri 85

1. Kodi kakhombwani aka pa cithunzithunzi mbani, na Mariya akagonesa kupi?

2. Thangwi yanji Yezu abalwa m’thanga na pinyama?

3. Pa cithunzithunzi, kodi mbani amuna anapita m’thanga, na anju akhadaapanganji?

4. Thangwi yanji Yezu ndi wakupambulika?

5. Thangwi yanji Yezu asakwanisa kucemerwa Mwana wa Mulungu?

Mabvunzo akuthimizira:

1. Lerini Luka 2:1-20.

   1. WKodi Kaisara Augustu akhali na khundu yanji m’kukwaniriswa kwa profesiya ya kubalwa kwa Yezu? (Luka 2:1-4; Mik. 5:2)

   2. Kodi munthu angakwanise tani kuphatanizwa nkati mwa ale analongwa ninga “anthu onsene anakoma kuli iye”? (Luka 2:14; Mat. 16:24; Jwau 17:3; Mach. 3:19; Aheb. 11:6)

   3. Khala akumbizi awa akupicepesa a Ayuda akhala na thangwi yakukomerwa na kubalwa kwa Mpulumusi, kodi ndi thangwi ipi ikulu yakukomerwa iri na atumiki a Mulungu ntsiku zino? (Luka 2:10, 11; Aef. 3:8, 9; Apok. 11:15; 14:6)

Mbiri 86

1. Kodi amuna ali pa cithunzithunzi mbani, na thangwi yanji mbodzi wa iwo akuthonya nyenyezi yakuyetimira?

2. Thangwi yanji Mambo Herodi anenseka, na iye acitanji?

3. Kodi nyenyezi yakuyetimira yatsogolera kupi amuna, mbwenye thangwi yanji iwo abwerera ku dziko yakwawo na njira inango?

4. Kodi ndi ntemo upi udapasa Herodi, na thangwi yanji?

5. Kodi Yahova apanga Zuze kucitanji?

6. Kodi mbani adacitisa nyenyezi ipswa kugaka, na thangwi yanji?

Mabvunzo akuthimizira:

1. Lerini Mateo 2:1-23.

   Kodi Yezu akhali na thunga yanji na akakhala kupi mudaenda anyakupfunza zinyenyezi kamuona? (Mat. 2:1, 11, 16)

Mbiri 87

1. Kodi Yezu ali na piaka pingasi pa cithunzithunzi, na iye ali kupi?

2. Kodi Zuze akhacitanji na banjace piaka pyonsene?

3. Pakumala ntsiku ibodzi ya ulendo wakubwerera kunyumba, thangwi yanji Zuze na Mariya abwerera ku Yerusalemu?

4. Kodi Zuze na Mariya agumana kupi Yezu, na thangwi yanji anthu kweneko adzumatirwa?

5. Kodi Yezu alonganji kwa mamace, Mariya?

6. Kodi tingakwanise tani kukhala ninga Yezu m’kupfunza pya Mulungu?

Mabvunzo akuthimizira:

1. Lerini Luka 2:41-52.

   1. Maseze Mwambo ukhafuna kuti amuna basi aende ku maphwando a caka na caka, kodi Zuze na Mariya aikha citsanzo canji cadidi kwa anyakubala ntsiku zino? (Luka 2:41; Deut. 16:16; 31:12; Mis. 22:6)

   2. Kodi Yezu aikha tani citsanzo cadidi kwa anthu apswa ntsiku zino towera akhale akungonjera anyakubala awo? (Luka 2:51; Deut. 5:16; Mis. 23:22; Akol. 3:20)

2. Lerini Mateo 13:53-56.

   Kodi ndi abale api anai akumanungo a Yezu analongwa madzina awo m’Bibilya, na, m’kupita kwa nzidzi, awiri a iwo aphatisirwa tani m’mpingo Wacikristu? (Mat. 13:55; Mach. 12:17; 15:6, 13; 21:18; Agal. 1:19; Tgo. 1:1; Yuda 1)

Mbiri 88

1. Kodi amuna awa awiri pa cithunzithunzi mbani?

2. Kodi munthu asabatizwa tani?

3. Mwakudzoloereka, kodi mbani akhabatiza Juwau?

4. Kodi ndi thangwi yanji yakupambulika idacitisa Yezu kuphemba Juwau kuti ambatize?

5. Kodi Mulungu apangiza tani kuti Iye akomerwa na kubatizwa kwa Yezu?

6. Kodi ndi ninji cidacitika mudaenda Yezu ku mbuto yace ekhene m’ntsiku 40?

7. Kodi ndi api angasi a atowereri akutoma a Yezu, peno anyakupfunza, na ndi cipi cirengo cace cakutoma?

Mabvunzo akuthimizira:

1. Lerini Mateo 3:13-17.

   Kodi ndi citsanzo canji cidaikha Yezu towera kubatizwa kwa anyakupfunzace? (Sal. 40:7, 8; Mat. 28:19, 20; Luka 3:21, 22)

2. Lerini Mateo 4:1-11.

   Kodi kuphatisira Malemba mwanzeru kudacita Yezu kusatiwangisa tani kupfunza Bibilya nzidzi onsene? (Mat. 4:5-7; 2 Ped. 3:17, 18; 1 Jwau 4:1)

3. Lerini Jwau 1:29-51.

   Kodi Juwau Mbatizi aendesa anyakupfunzace kwa ani, na ife tingakwanise tani kunsangazira ntsiku zino? (Jwau 1:29, 35, 36; 3:30; Mat. 23:10)

4. Lerini Jwau 2:1-12.

   Kodi cirengo cakutoma ca Yezu capangiza tani kuti Yahova nkhabe khondesa pinthu pyadidi kwa atumiki Ace? (Jwau 2:9, 10; Sal. 84:11; Tgo. 1:17)

Mbiri 89

1. Thangwi yanji pasaguliswa pinyama pa templo?

2. Kodi ndi ninji cidacitisa Yezu kuipirwa?

3. Ninga munaonemwe pa cithunzithunzi, kodi Yezu acitanji, na ndi ntemo upi udapasa iye amuna akugulisa zinkhangaiwa?

4. Mudaona anyakupfunza a Yezu pidacita iye, kodi iwo akumbuswanji?

5. Kodi Yezu apita na pa cisa cakupi mukabwerera iye ku Galileya?

Mabvunzo akuthimizira:

1. Lerini Jwau 2:13-25.

   M’kunyerezera kuipirwa kukulu kwa Yezu thangwi ya anyakucinja kobiri pa templo, kodi ndi maonero api adidi a mabasa akugulisa pa Nyumba ya Umambo anafunika? (Jwau 2:15, 16; 1 Akor. 10:24, 31-33)

Mbiri 90

1. Thangwi yanji Yezu alimira pa ncera ku Samariya, na iye alonganji kwa nkazi kweneko?

2. Thangwi yanji nkazi unoyu adzidzimusika, ndi ninji cidampanga Yezu, na thangwi yanji?

3. WKodi nkazi uyu anyerezera kuti Yezu akhalonga pya ntundu upi wa madzi, mbwenye mwandimomwene Yezu akhalonga pya madzi a ntundu upi?

4. Thangwi yanji nkazi uyu adzumatirwa na pikhadziwa Yezu thangwi ya iye, na Yezu azigumana kupi mphangwa zenezi?

5. Kodi tingakwanise kupfunza mapfunziro anji kubulukira ku mbiri ya nkazi pa ncera?

Mabvunzo akuthimizira:

1. Lerini Jwau 4:5-43.

   1. M’kutowerera citsanzo ca Yezu, kodi tisafunika kupangiza nkhaliro wanji kwa anthu a ntundu wakusiyana na ife peno akukuzwa m’makhaliro akusiyana na ife? (Jwau 4:9; 1 Akor. 9:22; 1 Tim. 2:3, 4; Tito 2:11)

   2. Kodi ndi maphindu anji auzimu anatambirwa na munthu wakudzakhala nyakupfunza wa Yezu? (Jwau 4:14; Iza. 58:11; 2 Akor. 4:16)

   3. Kodi tingakwanise tani kupangiza kupereka takhuta ninga nkazi wa Musamariya, wakuti akhafuna kakamwe kugawana na anango pikhadamala iye kupfunza? (Jwau 4:7, 28; Mat. 6:33; Luka 10:40-42)

Mbiri 91

1. Pa cithunzithunzi, kodi Yezu akupfunzisa kupi, na mbani adakhala paduzi kakamwe na iye?

2. Kodi madzina a apostolo 12 ndi api?

3. Kodi ndi ninji Umambo ukhapfunzisa Yezu?

4. Kodi Yezu apfunzisa mbumba kuphembereranji?

5. Kodi Yezu alonganji pya njira inafunika anthu kutsalakanirana unango na nzace?

Mabvunzo akuthimizira:

1. Lerini Mateo 5:1-12.

   Kodi ndi m’njira zipi tingakwanise kupangiza kuti tisacidziwa cifuno cathu cauzimu? (Mat. 5:3; Arom. 10:13-15; 1 Tim. 4:13, 15, 16)

2. Lerini Mateo 5:21-26.

   Kodi Mateo 5:23, 24 asagomezera tani kuti kubverana kwathu na abale athu kusakhuya kubverana kwathu na Yahova? (Mat. 6:14, 15; Sal. 133:1; Akol. 3:13; 1 Jwau 4:20)

3. Lerini Mateo 6:1-8.

   Kodi ndi mitundu ipi yakupibva wakulungama yakuti Akristu asafunika kuicalira? (Luka 18:11, 12; 1 Akor. 4:6, 7; 2 Akor. 9:7)

4. Lerini Mateo 6:25-34.

   Kodi ndi ninji cidapfunzisa Yezu thangwi yakufunika kwa kunyindira Yahova kwa masasanyiro athu akumanungo? (Eks. 16:4; Sal. 37:25; Afil. 4:6)

5. Lerini Mateo 7:1-11.

   Kodi nsanje wapakweca unagumanika pa Mateo 7:5 usatipfunzisanji? (Mis. 26:12; Arom. 2:1; 14:10; Tgo. 4:11, 12)

Mbiri 92

1. Kodi baba wa ntsikana pa cithunzithunzi mbani, na thangwi yanji iye na nkazace anenseka kakamwe?

2. Kodi Yairo acitanji mudagumana iye Yezu?

3. Kodi ndi ninji cidacitika mukhaenda Yezu kunyumba kwa Yairo, na ndi mphangwa zanji zidatambira Yairo m’njira?

4. Thangwi yanji anthu akhali m’nyumba ya Yairo aseka Yezu?

5. Kodi Yezu acitanji mudakwata iye apostolo atatu na baba na mama wa ntsikana mbapita m’kwartu mwa ntsikana?

6. Kodi mbani anango adalamusa Yezu kwa akufa, na pyenepi pisapangizanji?

Mabvunzo akuthimizira:

1. Lerini Luka 8:40-56.

   Kodi Yezu apangiza tani ntsisi na ntima wakukoma kwa nkazi wakucololeka ciropa, na akulu Acikristu ntsiku zino angakwanise kupfunzanji kubulukira kwa pyenepi? (Luka 8:43, 44, 47, 48; Lev. 15:25-27; Mat. 9:12, 13; Akol. 3:12-14)

2. Lerini Luka 7:11-17.

   Kodi ale adaluza akufunika awo m’kufa angakwanise tani kugumana ciwangiso cikulu kubulukira ku ntawiro wa Yezu kwa nzice wa Nayimu? (Luka 7:13; 2 Akor. 1:3, 4; Aheb. 4:15)

3. Lerini Jwau 11:17-44.

   Kodi Yezu apangiza tani kuti si cinthu cacilendo tayu kutsukwala thangwi ya kufa kwa wakufunika? (Jwau 11:33-36, 38; 2 Sam. 18:33; 19:1-4)

Mbiri 93

1. Kodi ndi cinthu cipi cakugopswa cidacitikira Juwau Mbatizi, na ceneci cacitisa Yezu kupibva tani?

2. Kodi Yezu adyesa tani umwinji udantowerera, na pikhadanjipa tani pyakudya pyakusala?

3. Thangwi yanji anyakupfunza agopa namasiku, na ndi ninji cidacitikira Pedru?

4. Kodi Yezu adyesa tani pikwi pya anthu pa ulendo waciwiri?

5. Thangwi yanji kunadzakhala kwakudzumatirisa munafuna kudzatonga Yezu dziko yapantsi ninga Mambo wa Mulungu?

Mabvunzo akuthimizira:

1. Lerini Mateo 14:1-32.

   1. Kodi pidalembwa pa Mateo 14:23-32 pisadziwisanji pya umunthu wa Pedru?

   2. Kodi pidalembwa m’Bibilya pisapangiza tani kuti Pedru adzakola mbapiringana makhaliro ace akususukira? (Mat. 14:27-30; Jwau 18:10; 21:7; Mach. 2:14, 37-40; 1 Ped. 5:6, 10)

2. Lerini Mateo 15:29-38.

   Kodi Yezu apangiza tani cilemedzo kwa masasanyiro akumanungo akubuluka kwa Babace? (Mat. 15:37; Jwau 6:12; Akol. 3:15)

3. Lerini Jwau 6:1-21.

   Kodi Akristu ntsiku zino angakwanise tani kutowerera citsanzo ca Yezu thangwi ya utongi? (Jwau 6:15; Mat. 22:21; Arom. 12:2; 13:1-4)

Mbiri 94

1. Kodi apostolo akhapokanyisananji m’njira yakubwerera ku ulendo wakulapha?

2. Thangwi yanji Yezu acemera mwana ng’ono mbamulimirisa pakati pa apostolo?

3. Kodi ndi m’njira ipi apostolo akhafunika kupfunza kukhala ninga ana ang’ono?

4. Pakupita miezi yakucepa, kodi Yezu apangiza tani kuti iye akhafuna ana ang’ono?

Mabvunzo akuthimizira:

1. Lerini Mateo 18:1-4.

   Thangwi yanji Yezu aphatisira misanje towera kupfunzisa? (Mat. 13:34, 36; Mk. 4:33, 34)

2. Lerini Mateo 19:13-15.

   Kodi ndi makhaliro api a ana ang’ono tisafunika kuasangazira khala ife tinadzakhala na khundu m’nkhombo za Umambo? (Sal. 25:9; 138:6; 1 Akor. 14:20)

3. Lerini Marko 9:33-37.

   Kodi Yezu apfunzisanji anyakupfunzace thangwi yakufuna mbuto yapadzulu? (Mk. 9:35; Mat. 20:25, 26; Agal. 6:3; Afil. 2:5-8)

4. Lerini Marko 10:13-16.

   Kodi Yezu akhali wakufikirika tani, na akulu Acikristu angakwanise kupfunzanji kubulukira ku citsanzo cace? (Mk. 6:30-34; Afil. 2:1-4; 1 Tim. 4:12)

Mbiri 95

1. Kodi ndi mbvunzo upi udacita mamuna unango kwa Yezu, na thangwi yanji?

2. M’midzidzi inango, kodi Yezu akhaphatisiranji towera kupfunzisa, na ndi ninji pidapfunzefe kale thangwi ya Ayuda na Asamariya?

3. IM’mbiri idalonga Yezu, kodi ndi ninji cidacitikira Muyuda akhatcitira na nseu kuenda ku Yeriko?

4. Kodi ndi ninji pidacitika mudagwanda nyantsembe wa Muyuda na Mulevi na pa nseu?

5. Pa cithunzithunzi, kodi mbani anaphedza Muyuda adamenywa kazinji?

6. Kodi ndi mbvunzo upi udacita Yezu mudamala iye kulonga mbiri ineyi, na mamuna unoyu atawira tani?

Mabvunzo akuthimizira:

1. Lerini Luka 10:25-37.

   1. Mbuto mwa kupasa kwene ntawiro, kodi Yezu aphedza tani mamuna wakudziwa mwadidi Mwambo kunyerezera cinthu ceneci? (Luka 10:26; Mat. 16:13-16)

   2. Kodi Yezu aphatisira tani misanje towera kumalisa tsangulo kwa abveseri ace? (Luka 10:36, 37; 18:9-14; Tito 1:9)

Mbiri 96

1. Kodi Yezu acitanji mukhafamba iye m’dziko?

2. SKodi Yezu apanganji apostolo ace mudapita cifupi na piaka pitatu kubulukira padabatizwa iye?

3. Kodi anthu awa pa cithunzithunzi mbani, na Yezu acitiranji nkazi?

4. Thangwi yanji ntawiro wa Yezu kwa mipingizo ya atsogoleri a relijiau waacitisa kukhala na manyadzo?

5. Kodi Yezu acitanji kwa anyakuphemba awiri amaboliboli mukakhala iye na apostolo ace cifupi na Yeriko?

6. Thangwi yanji Yezu acita pirengo?

Mabvunzo akuthimizira:

1. Lerini Mateo 15:30, 31.

   Kodi ndi kupangizwa kwanji kwakudzumatirisa kwa mphambvu za Yahova kudaoneswa na Yezu, na pyenepi pisafunika kukhuya tani kudziwa kwathu pya pidapikira Yahova towera dziko ipswa? (Sal. 37:29; Iza. 33:24)

2. Lerini Luka 13:10-17.

   Kodi kucita Yezu pinango pya pirengo pyace pyakudzumatirisa kakamwe Nsabudu kusapangiza tani ntundu wakusudzula unafuna iye kubweresa kwa anthu nkati mwa Utongi wace wa Piaka cikwi? (Luka 13:10-13; Sal. 46:9; Mat. 12:8; Akol. 2:16, 17; Apok. 21:1-4)

3. Lerini Mateo 20:29-34.

   Kodi mbiri ineyi isapangiza tani kuti Yezu cipo akhadanjipirwa kakamwe na pinthu kwakuti akhonde kuphedza anthu, na tingakwanise kupfunzanji kubulukira kwa pyenepi? (Deut. 15:7; Tgo. 2:15, 16; 1 Jwau 3:17)

Mbiri 97

1. Kodi Yezu apanga anyakupfunzace kuti acitenji mudaenda iye ku mudzi ung’ono duzi na Yerusalemu?

2. Pa cithunzithunzi, kodi kwacitikanji mudafika Yezu duzi na nzinda wa Yerusalemu?

3. Kodi ana ang’ono acitanji mudaona iwo Yezu kuwangisa anthu akhali maboliboli na anyakulamala?

4. Kodi Yezu alonganji kwa anyantsembe akuipirwa?

5. Kodi ife tingakwanise tani kukhala ninga ana ang’ono ale adasimba Yezu?

6. Kodi anyakupfunza akhafuna kudziwanji?

Mabvunzo akuthimizira:

1. Lerini Mateo 21:1-17.

   1. Kodi kupita kwa Yezu m’Yerusalemu ninga Mambo kwasiyana tani na akazembe akukunda a midzidzi ya Aroma? (Mat. 21:4, 5; Zak. 9:9; Afil. 2:5-8; Akol. 2:15)

   2. Kodi anthu apswa angakwanise kupfunza pfunziro yanji kubulukira kwa aphale ale Aisrayeli adatculula Masalimo 118 mukhapita Yezu m’templo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18)

2. Lerini Jwau 12:12-16.

   Kodi kuphatisira matsanzo a micindu kudacita anthu adasimba Yezu kwaphipirisiranji? (Jwau 12:13; Afil. 2:10; Apok. 7:9, 10)

Mbiri 98

1. Pa cithunzithunzi, kodi Yezu ndi upi mwa mamuna awa, na mbani ali na iye?

2. Kodi anyantsembe ayesera kucitiranji Yezu m’templo, na iye alonganji kwa iwo?

3. Kodi apostolo abvunzanji kwa Yezu?

4. Thangwi yanji Yezu apanga apostolo ace pinthu pingasi pyakuti mbipidacitika pa dziko yapantsi munadzatonga iye ninga Mambo kudzulu

5. Kodi ndi ninji cidalonga Yezu kuti mbicidacitika iye mbasati kumalisa uipi onsene pa dziko yapantsi?

Mabvunzo akuthimizira:

1. Lerini Mateo 23:1-39.

   1. Maseze Malemba asapangiza kuti kuphatisira pidzo pya dziko kungakwanise kukhala kwa kuthema, kodi mafala a Yezu pa Mateo 23:8-11 asapangizanji pya kuphatisira pidzo m’mpingo Wacikristu? (Mach. 26:25; Arom. 13:7; 1 Ped. 2:13, 14)

   2. Kodi Afarisi aphatisiranji towera kuyesera kukhondesa anthu kukhala Akristu, na atsogoleri a relijiau asaphatisira tani njira ibodzi ene m’nzidzi uno? (Mat. 23:13; Luka 11:52; Jwau 9:22; 12:42; 1 Ates. 2:16)

2. Lerini Mateo 24:1-14.

   1. Kodi kufunika kwa kupirira kusagomezerwa tani pa Mateo 24:13?

   2. Kodi mafala “ntsiku yakumalisa” pa Mateo 24:13 asabvekanji? (Mat. 16:27; Arom. 14:10-12; 2 Akor. 5:10)

3. Lerini Marko 13:3-10.

   Kodi ndi mafala api adalembwa pa Marko 13:10 anapangiza kucimbiza kwa kumwaza mphangwa zadidi, na mafala a Yezu asafunika kutikhuya tani? (Arom. 13:11, 12; 1 Akor. 7:29-31; 2 Tim. 4:2)

Mbiri 99

1. Ninga pinapangizwa pa cithunzithunzi, thangwi yanji Yezu na apostolo ace 12 ali m’kwartu ikulu yapadzulu?

2. Kodi mamuna anabuluka mbani, na iye ali kuenda kacitanji?

3. Kodi ndi kudya kwanji kwakupambulika kudatomesa Yezu mudamala iwo kudya Paskwa?

4. Kodi Paskwa ikhakumbusa Aisrayeli cakucitika canji, na kudya uku kwakupambulika kusakumbusanji atowereri a Yezu?

5. Pakumala kwa Cakudya Cancidodo ca Mbuya, kodi Yezu apanganji atowereri ace, na ndi ninji cidacita iwo?

Mabvunzo akuthimizira:

1. Lerini Mateo 26:14-30.

   1. Kodi Mateo 26:15 asapangiza tani kuti usandukiri wa Yudasi kwa Yezu ukhali cinthu cakhomo?

   2. Kodi kucucisa ciropa kwa Yezu kusaphata basa towera pifuno pipi piwiri? (Mat. 26:27, 28; Yer. 31:31-33; Aef. 1:7; Aheb. 9:19, 20)

2. Lerini Luka 22:1-39.

   Kodi ndi m’njira ipi Satana apita nkati mwa Yudasi? (Luka 22:3; Jwau 13:2; Mach. 1:24, 25)

3. Lerini Jwau 13:1-20.

   1. Mwakubverana na mafala adalembwa pa Jwau 13:2, kodi Yudasi angakwanise kupaswa mulando thangwi ya pidacita iye, na atumiki a Mulungu angakwanise kupfunzanji kubulukira kwa pyenepi? (Gen. 4:7; 2 Akor. 2:11; Agal. 6:1; Tgo. 1:13, 14)

   2. Kodi ndi pfunziro yanji yamphambvu idapangiza Yezu? (Jwau 13:15; Mat. 23:11; 1 Ped. 2:21)

4. Lerini Jwau 17:1-26.

   Kodi ndi m’njira ipi Yezu aphemberera atowereri ace kuti “akhale [ci]nthu [ci]bodzi”? (Jwau 17:11, 21-23; Arom. 13:8; 14:19; Akol. 3:14)

Mbiri 100

1. Kodi Yezu na apostolo ace aenda kupi mudamala iwo kubuluka m’kwartu yapadzulu, na iye aapanga kuti acitenji?

2. Kodi Yezu agumananji mudabwerera iye kukakhala apostolo ace, na pyenepi pyacitika kangasi?

3. Kodi mbani adapita m’munda, na Yudasi Iskarioti acitanji, ninga pinapangizwa pa cithunzithunzi?

4. Thangwi yanji Yudasi ampswompswona Yezu, na Pedru acitanji?

5. Kodi Yezu apanganji Pedru, mbwenye thangwi yanji Yezu hadaphemba Mulungu kutumiza maanju?

Mabvunzo akuthimizira:

1. Lerini Mateo 26:36-56.

   1. Kodi njira idapasa Yezu uphungu anyakupfunzace ndi citsanzo canji cadidi kwa akulu Acikristu ntsiku zino? (Mat. 20:25-28; 26:40, 41; Agal. 5:17; Aef. 4:29, 31, 32)

   2. Kodi Yezu aona tani kuphatisira mfuti zaunyama towera kukutira anthu anango? (Mat. 26:52; Luka 6:27, 28; Jwau 18:36)

2. Lerini Luka 22:39-53.

   Mudaonekera anju kwa Yezu m’munda wa Getsemani towera kumuwangisa, kodi pyenepi pikhapangiza kuti Yezu akhafewa m’cikhulupiro cace? Fokotozani. (Luka 22:41-43; Iza. 49:8; Mat. 4:10, 11; Aheb. 5:7)

3. Lerini Jwau 18:1-12.

   Kodi Yezu atsidzikiza tani anyakupfunzace kwa anyakutcinga ace, na tingakwanise kupfunzanji kubulukira ku citsanzo ceneci? (Jwau 10:11, 12; 18:1, 6-9; Aheb. 13:6; Tgo. 2:25)

Mbiri 101

1. Kodi mbani anafuna kutawira pakutoma thangwi ya kufa kwa Yezu?

2. Kodi apostolo acitanji mudakwatwa Yezu na atsogoleri a relijiau?

3. Kodi ndi ninji cidacitika pa nyumba ya Kayafa, nyantsembe wankulu?

4. Thangwi yanji Pedru abuluka mbalira?

5. Mudamala Yezu kuendeswa pontho kwa Piratu, kodi anyantsembe akulu akhuwanji?

6. Kodi ndi ninji cidacitikira Yezu m’kutoma kwa masikati a Cixanu, na ndi pikiro yanji idacita iye kwa nyakucita pyakuipa akhadamanikwa pamuti ku nkhundu kwace?

7. Kodi Paradizu idalonga Yezu inadzakhala kupi?

Mabvunzo akuthimizira:

1. Lerini Mateo 26:57-75.

   Kodi ndi m’njira ipi piwalo pya nyumba ikulu yakutonga miseru ya Ciyuda pyapangiza kuti mitima yawo ikhali yakuipa? (Mat. 26:59, 67, 68)

2. Lerini Mateo 27:1-50.

   Thangwi yanji tingakwanise kulonga kuti kutsukwala kudabva Yudasi nee kukhali kwandimomwene? (Mat. 27:3, 4; Mk. 3:29; 14:21; 2 Akor. 7:10, 11)

3. Lerini Luka 22:54-71.

   Kodi tingakwanise kupfunza pfunziro yanji kubulukira kwa kukhonda Yezu kudacita Pedru namasiku adasandukirwa Yezu na kuphatwa? (Luka 22:60-62; Mat. 26:31-35; 1 Akor. 10:12)

4. Lerini Luka 23:1-49.

   Kodi Yezu atawira tani kukhonda lungama kudacitirwa iye, na tingakwanise kupfunza pfunziro yanji kubulukira kwa pyenepi? (Luka 23:33, 34; Arom. 12:17-19; 1 Ped. 2:23)

5. Lerini Jwau 18:12-40.

   Maseze Pedru aphatwa m’nzidzi wakucepa na kugopa anthu, kodi kuwanga kwace mbadzakhala pontho mpostolo wakudzindikirika kusapangizanji? (Jwau 18:25-27; 1 Akor. 4:2; 1 Ped. 3:14, 15; 5:8, 9)

6. Lerini Jwau 19:1-30.

   1. Kodi Yezu akhali na maonero anji akulinganira thangwi ya pinthu pyakumanungo? (Jwau 2:1, 2, 9, 10; 19:23, 24; Mat. 6:31, 32; 8:20)

   2. Kodi mafala apakufa a Yezu apangiza tani kupembera kwakuti iye akhadatsidzikiza utongi ukulu wa Yahova? (Jwau 16:33; 19:30; 2 Ped. 3:14; 1 Jwau 5:4)

Mbiri 102

1. Kodi nkazi uyu pa cithunzithunzi mbani, amuna awiri awa mbani, na iwo ali kupi?

2. Thangwi yanji Piratu apanga anyantsembe kuti atumize anyankhondo towera akaonere nthumbi ya Yezu?

3. Kodi anju acitanji m’kutoma kakamwe kwa ntsiku yacitatu Yezu mbadamala kufa, mbwenye anyantsembe acitanji?

4. Thangwi yanji akazi anango adzumatirwa mudaenda iwo kaona nthumbi ya Yezu?

5. Thangwi yanji Pedru na Juwau athamanga kuenda ku nthumbi ya Yezu, na iwo agumananji?

6. Kodi ndi ninji cidacitika na ntembo wa Yezu, mbwenye iye acitanji towera kupangiza anyakupfunza kuti iye ali maso?

Mabvunzo akuthimizira:

1. Lerini Mateo 27:62-66 na 28:1-15.

   M’nzidzi udalamuswa Yezu kwa akufa, kodi anyantsembe akulu, Afarisi na akulu anango adawira tani nzimu wakucena? (Mat. 12:24, 31, 32; 28:11-15)

2. Lerini Luka 24:1-12.

   Kodi mbiri yakulamuswa kwa Yezu kwa akufa isapangiza tani kuti Yahova asaona akazi ninga mboni zakunyindirika? (Luka 24:4, 9, 10; Mat. 28:1-7)

3. Lerini Jwau 20:1-12.

   Kodi Jwau 20:8, 9 asatiphedza tani kuona kufunika kwa kupirira khala ife nkhabe dziwa mwakukwana kukwanirisika kwa profesiya ya Bibilya? (Mis. 4:18; Mat. 17:22, 23; Luka 24:5-8; Jwau 16:12)

Mbiri 103

1. Kodi Mariya alonganji kwa mamuna akhanyerezera iye kuti ndi nyakutsalakana munda, mbwenye ndi ninji cidancitisa kudziwa kuti akhalidi Yezu?

2. Kodi ndi ninji cidacitika kwa anyakupfunza awiri akhaenda ku mudzi wa Emau?

3. Kodi ndi cinthu cipi cakudzumatirisa cidacitika mudalonga anyakupfunza awiri kwa apostolo kuti iwo aona Yezu?

4. Kodi Yezu aonekera kangasi kwa atowereri ace?

5. Kodi Tomasi alonganji mudabva iye kuti anyakupfunza aona Mbuya, mbwenye ndi ninji cidacitika pakupita ntsiku zisere?

Mabvunzo akuthimizira:

1. Lerini Jwau 20:11-29.

   Kodi Yezu akhalonga pa Jwau 20:23 kuti anthu akhatawiriswa kulekerera madawo? Fokotozani. (Sal. 49:2, 7; Iza. 55:7; 1 Tim. 2:5, 6; 1 Jwau 2:1, 2)

2. Lerini Luka 24:13-43.

   Kodi tingakwanise tani kusasanyira ntima wathu towera utawire undimomwene wa Bibilya? (Luka 24:32, 33; Esdra 7:10; Mat. 5:3; Mach. 16:14; Aheb. 5:11-14)

Mbiri 104

1. HKodi ndi anyakupfunza angasi adaona Yezu m’nzidzi unango, na iye alonganji kwa iwo?

2. Kodi Umambo wa Mulungu ndi ninji, na umaso unadzakhala tani pa dziko yapantsi munadzatonga Yezu ninga Mambo m’piaka cikwi?

3. Kodi Yezu aonekera m’ntsiku zingasi kwa anyakupfunzace, mbwenye ukhadafika nzidzi wakuti iye acitenji?

4. M’nzidzi wakucepa mbasati kusiya anyakupfunzace, kodi Yezu aapanga kucitanji?

5. Kodi ndi ninji cinacitika pa cithunzithunzi, na Yezu abisika tani pamaso pawo?

Mabvunzo akuthimizira:

1. Lerini 1 Akorinto 15:3-8.

   Thangwi yanji mpostolo Paulu akwanisa kulonga mwakunyindira kakamwe pya kulamuka kwa Yezu kwa akufa, na Akristu ntsiku zino angakwanise kulonga pinthu pipi mwakunyindira? (1 Akor. 15:4, 7, 8; Iza. 2:2, 3; Mat. 24:14; 2 Tim. 3:1-5)

2. Lerini Machitiro 1:1-11.

   Kodi basa ya kumwaza mphangwa yamwazika mpaka kupi, ninga pidalongerwatu pa Machitiro 1:8? (Mach. 6:7; 9:31; 11:19-21; Akol. 1:23)

Mbiri 105

1. Ninga pinapangizwa pa cithunzithunzi, kodi ndi ninji cidacitikira atowereri ale a Yezu adadikhira m’Yerusalemu?

2. Kodi ndi kudzidzimusa kwanji kudatambira alendo ku Yerusalemu?

3. Kodi Pedru afokotozanji kwa mbumba?

4. Kodi mbumba yapibva tani pakumala kubvesera Pedru, na iye aipanga kuti icitenji?

5. Kodi ndi anthu angasi adabatizwa pa ntsiku ya Pentekoste 33 E.C.?

Mabvunzo akuthimizira:

1. Lerini Machitiro 2:1-47.

   1. Kodi mafala a Pedru anagumanika pa Machitiro 2:23, 36, asapangiza tani kuti dziko yonsene ya Ciyuda yagawana kupitawirira kwa kufa kwa Yezu? (1 Ates. 2:14, 15)

   2. Kodi Pedru aikha tani citsanzo cadidi cakunyerezera m’kuphatisira Malemba? (Mach. 2:16, 17, 29, 31, 36, 39; Akol. 4:6)

   3. Kodi Pedru aphatisira tani ‘mfungulo wakutoma wa misuwo ya Ufumu wa Kudzulu’ ukhadapikira Yezu kumpasa? (Mach. 2:14, 22-24, 37, 38; Mat. 16:19, Chiverano Chachinchino, CC)

Mbiri 106

1. Kodi ndi ninji cidacitikira Pedru na Juwau namaulo anango mukhapita iwo m’templo?

2. Kodi Pedru alonganji kwa mamuna wakulamala, na Pedru ampasanji cakuti ndi cantengo kupiringana kobiri?

3. Thangwi yanji atsogoleri a relijiau aipirwa, na iwo acitiranji Pedru na Juwau?

4. Kodi Pedru alonganji kwa atsogoleri a relijiau, na ndi cenjezo yanji idatambira apostolo?

5. Thangwi yanji atsogoleri a relijiau akhala na ntsanje, mbwenye ndi ninji cidacitika mudaikhwa apostolo nkaidi pa ulendo waciwiri?

6. Kodi apostolo atawira tani mudabwereswa iwo nkati mwa nyumba ya Sinedriyu?

Mabvunzo akuthimizira:

1. Lerini Machitiro 3:1-10.

   Maseze ife nee tapaswa mphambvu yakucita pirengo ntsiku zino, kodi mafala a Pedru adalembwa pa Machitiro 3:6 asatiphedza tani kupereka takhuta kwa ntengo wa mphangwa za Umambo? (Jwau 17:3; 2 Akor. 5:18-20; Afil. 3:8)

2. Lerini Machitiro 4:1-31.

   M’kuyang’anisana na kutcingwa m’utumiki, kodi ndi m’njira ipi tisafunika kusangazira abale athu Acikristu a piaka dzana yakutoma? (Mach. 4:29, 31; Aef. 6:18-20; 1 Ates. 2:2)

3. Lerini Machitiro 5:17-42.

   Kodi anthu anango akukhonda khala Mboni, m’nzidzi wakale pabodzi na cincino, asapangiza tani ntima wakukoma thangwi ya basa ya kumwaza mphangwa? (Mach. 5:34-39)

Mbiri 107

1. Kodi Setifano mbani, na Mulungu amphedza kucitanji?

2. Kodi ndi ninji pidalonga Setifano pyakuti pyacitisa atsogoleri a relijiau kuipirwa kakamwe?

3. Mudakwekwetera amuna Setifano kunja kwa nzinda, kodi iwo acitanji kwa iye?

4. Pa cithunzithunzi, kodi mbani mphale uyu adalimira paduzi na makapoti?

5. Kodi Setifano aphembereranji kwa Yahova mbasati kufa?

6. M’kusangazira Setifano, kodi tisafunika kucitanji munthu akaticitira cinthu cakuipa?

Mabvunzo akuthimizira:

1. Lerini Machitiro 6:8-15.

   Kodi ndi macitiro api akunyengeza anaphatisira atsogoleri a relijiau towera kuyesera kulimirisa basa ya kumwaza mphangwa ya Mboni za Yahova? (Mach. 6:9, 11, 13)

2. Lerini Machitiro 7:1-60.

   1. Kodi ndi ninji cidaphedza Setifano kutsidzikiza mwadidi mphangwa zadidi pamaso pa Sinedriyu, na tingakwanise kupfunzanji kubulukira ku citsanzo cace? (Mach. 7:51-53; Arom. 15:4; 2 Tim. 3:14-17; 1 Ped. 3:15)

   2. Kodi tisafunika kusakulira nkhaliro wanji thangwi ya anyakutcinga basa yathu? (Mach. 7:58-60; Mat. 5:44; Luka 23:33, 34)

Mbiri 108

1. Kodi Saulu acitanji mudamala Setifano kuphiwa?

2. Mukakhala Saulu m’njira yakuenda ku Damasiku, kodi ndi cinthu canji cakudzumatirisa cidacitika?

3. Kodi Yezu apanga Saulu kuti acitenji?

4. Kodi ndi citsogolero canji cidapereka Yezu kwa Ananiya, na Saulu akwanisa tani kuona pontho?

5. Kodi Saulu adzadziwika na dzina ipi, na aphatisirwa tani basa?

Mabvunzo akuthimizira:

1. Lerini Machitiro 8:1-4.

   Kodi kuthimizirika kwa kutcingwa kudagwera mpingo Wacikristu ukhadamala kwene kupambwa kwaphatisirwa tani towera kumwaza cikhulupiro Cacikristu, na ndi cinthu canji cakulandana cinacitika m’nzidzi uno? (Mach. 8:4; Iza. 54:17)

2. Lerini Machitiro 9:1-20.

   Kodi ndi mabasa api matatu adapangiza Yezu kuti akaanyerezera kuapasa Saulu? (Mach. 9:15; 13:5; 26:1; 27:24; Arom. 11:13)

3. Lerini Machitiro 22:6-16.

   Kodi tingakwanise tani kukhala ninga Ananiya, na thangwi yanji pyenepi mphyakufunika? (Mach. 22:12; 1 Tim. 3:7; 1 Ped. 1:14-16; 2:12)

4. Lerini Machitiro 26:8-20.

   Kodi kusanduka kwa Saulu mbakhala Nkristu kusaphata tani basa ninga ciwangiso kwa ale ali na anzawo amuukwati akukhonda khulupira ntsiku zino? (Mach. 26:11; 1 Tim. 1:14-16; 2 Tim. 4:2; 1 Ped. 3:1-3)

Mbiri 109

1. Kodi mamuna uyu adagodama pa cithunzithunzi mbani?

2. Kodi anju alonganji kwa Korineri?

3. Kodi Mulungu acitisa Pedru kuonanji mukakhala iye pa ntsoi yakuzwerera ya nyumba ya Simoni m’Yopa?

4. Thangwi yanji Pedru apanga Korineri kuti iye nee akhafunika kugodama na kumulambira?

5. Thangwi yanji anyakupfunza Aayuda akhali na Pedru adzumatirwa?

6. What important lesson should we learn from Peter’s visit to Cornelius?

Mabvunzo akuthimizira:

1. Lerini Machitiro 10:1-48.

   Kodi mafala a Pedru anagumanika pa Machitiro 10:42 asapangizanji pya basa ya kumwaza mphangwa zadidi za Umambo? (Mat. 28:19; Mk. 13:10; Mach. 1:8)

2. Lerini Machitiro 11:1-18.

   Kodi Pedru apangiza nkhaliro wanji mudakhala pakweca citsogolero ca Yahova thangwi ya Akunja, na tingakwanise tani kusangazira citsanzo cace? (Mach. 11:17, 18; 2 Akor. 10:5; Aef. 5:17)

Mbiri 110

1. Kodi mphale uyu pa cithunzithunzi mbani, iye akakhala kupi, na mama na mbuyace akhacemerwa tani?

2. Kodi Timoti alonganji mudambvunza Paulu khala iye akhafuna kuenda pabodzi na Sila na Paulu kamwaza mphangwa kwa anthu akutali kakamwe?

3. Kodi atowereri a Yezu atoma kupi kucemerwa Akristu?

4. Kodi ndi mizinda ipi mingasi idaenda kaona Paulu, Sila, na Timoti pidabuluka iwo kwene ku Listra?

5. Kodi Timoti aphedza tani Paulu, na anthu apswa ntsiku zino asafunika kupicita mabvunzo api?

Mabvunzo akuthimizira:

1. Lerini Machitiro 9:19-30.

   Kodi mpostolo Paulu apangiza tani nzeru m’kuyang’anisana na kutcingwa kwa mphangwa zadidi? (Mach. 9:22-25, 29, 30; Mat. 10:16)

2. Lerini Machitiro 11:19-26.

   Kodi mafala adalembwa pa Machitiro 11:19-21, 26 asapangiza tani kuti nzimu wa Yahova usatsogolera basa ya kumwaza mphangwa?

3. Lerini Machitiro 13:13-16, 42-52.

   Kodi Machitiro 13:51, 52 asapangiza tani kuti anyakupfunza hadatawirisa kuti upingizi uafewese tayu? (Mat. 10:14; Mach. 18:6; 1 Ped. 4:14)

4. Lerini Machitiro 14:1-6, 19-28.

   Kodi mafala “adaapereka m’manja mwa Mbuya” asaphedza tani kutisudzula ku cidzudzumiso cakukhonda funika munapitiriza ife na kuphedza apswa? (Mach. 14:21-23, 20:32; Jwau 6:44)

5. Lerini Machitiro 16:1-5.

   Kodi cifuno ca Timoti cakutawira kusidzwa cisagomezera tani kufunika kwa kucita ‘pyonsene thangwi ya mphangwa zadidi’? (Mach. 16:3; 1 Akor. 9:23; 1 Ates. 2:8)

6. Lerini Machitiro 18:1-11, 18-22.

   Kodi Machitiro 18:9, 10 asapangizanji thangwi ya Yezu kutsogolera ekhene basa ya kumwaza mphangwa, na pyenepi pisatipasa cinyindiro canji ntsiku zino? (Mat. 28:20)

Mbiri 111

1. Pa cithunzithunzi, kodi mbani mphale uyu adagona pantsi, na ndi ninji cidancitikira?

2. Kodi Paulu acitanji mudaona iye kuti mphale afa?

3. Kodi Paulu, Timoti na ale akacita na iwo ulendo aenda kupi, na ndi ninji cidacitika mudalimira iwo ku Mileto?

4. Kodi ndi cenjezo yanji idapereka mprofeta Agabo kwa Paulu, na pyacitikadi tani ninga pidalonga mprofeta?

Mabvunzo akuthimizira:

1. Lerini Machitiro 20:7-38.

   1. Kodi tingakwanise tani kulonga kuti “munthu mbodzi wa imwe angataika pya[ce],” mwakubverana na mafala a Paulu adalembwa pa Machitiro 20:26, 27? (Ezek. 33:8; Mach. 18:6, 7)

   2. Thangwi yanji akulu ampingo asafunika ‘koya pyadidi mphangwa za Mulungu’ munapfunzisa iwo? (Mach. 20:17, 29, 30; Tito 1:7-9; 2 Tim. 1:13)

2. Lerini Machitiro 26:24-32.

   Kodi Paulu aphatisira tani kuthema kwace Kwaciroma m’kukwanirisa basa ya kumwaza mphangwa idatambira iye kwa Yezu? (Mach. 9:15; 16:37, 38; 25:11, 12; 26:32; Luka 21:12, 13)

Mbiri 112

1. Kodi ndi ninji cidacitikira bote ikhadakwira Paulu mukhapita iyo duzi na ntsuwa ya Krete?

2. Kodi Paulu apanganji ale akakhala m’bote?

3. Kodi bote yasweka tani m’maphindi?

4. Kodi ndi citsogolero canji cidapasa tsacikunda wa anyankhondo, na ndi anthu angasi adafika mwakupulumuka kugombe?

5. Kodi ntsuwa idafika iwo isacemerwa tani, na ndi ninji cidacitikira Paulu mudacita mbwenye makhaliro a ntsiku?

Mabvunzo akuthimizira:

1. Lerini Machitiro 27:1-44.

   Kodi cinyindiro cathu kwa ulinganiri wa pidalembwa m’Bibilya cisawangiswa tani munaleri ife mbiri ya ulendo wa Paulu wa kuenda ku Roma? (Mach. 27:16-19, 27-32; Luka 1:3; 2 Tim. 3:16, 17)

2. Lerini Machitiro 28:1-14.

   Nakuti anyakukhala ku Malita akukhonda khulupira akulumizwa kutsalakana na ‘udidi kakamwe’ mpostolo Paulu na ale adalobzweka na iye, kodi Akristu asafunika kukulumizwa kupangizanji na m’njira ipi makamaka? (Mach. 28:1, 2; Aheb. 13:1, 2; 1 Ped. 4:9)

Mbiri 113

1. Kodi Paulu amwaza mphangwa kwa ani mukakhala iye nkaidi ku Roma?

2. Pa cithunzithunzi, kodi mulendo uyu ali pa meza mbani, na iye akucitiranji Paulu?

3. Kodi Epafrodito mbani, na iye akwatanji mudabwerera iye ku Filipi?

4. Thangwi yanji Paulu alemba tsamba kwa xamwali wace wapaduzi Filemoni?

5. Kodi Paulu acitanji mudasudzulwa iye, na ndi ninji cidancitikira m’kupita kwa nzidzi?

6. Kodi Yahova aphatisira ani towera kulemba mabukhu akumalisa a Bibilya, na bukhu ya Chidziwiso isalonganji?

Mabvunzo akuthimizira:

1. Lerini Machitiro 28:16-31 na Afilipi 1:13.

   Kodi Paulu aphatisira tani nzidzi wace mukakhala iye nkaidi ku Roma, na cikhulupiro cace cakukhonda tekenyeka cakhuya tani mpingo Wacikristu? (Mach. 28:23, 30; Afil. 1:14)

2. Lerini Afilipi 2:19-30.

   Kodi ndi cipangizo canji cakupereka takhuta cidacita Paulu thangwi ya Timoti na Epafrodito, na tingakwanise tani kusangazira citsanzo ca Paulu? (Afil. 2:20, 22, 25, 29, 30; 1 Akor. 16:18; 1 Ates. 5:12, 13)

3. Lerini Filimoni 1-25.

   1. Kodi ndi thangwi yanji Paulu aphemba Filemoni kucita pinthu pyakuthema, na pyenepi pisaphata tani basa ninga citsogolero kwa akulu ampingo ntsiku zino? (Fil. 9; 2 Akor. 8:8; Agal. 5:13)

   2. HKodi mafala a Paulu anagumanika pa Filimoni 13, 14 asapangiza tani kuti iye akhalemedza cikumbuntima ca anango m’mpingo? (1 Akor. 8:7, 13; 10:31-33)

4. Lerini 2 Timoti 4:7-9.

   Ninga mpostolo Paulu, kodi tingakwanise tani kukhala na cinyindiro cakuti Yahova anadzatipasa nkhombo tingapitiriza na kukhulupirika mpaka kumadromero? (Mat. 24:13; Aheb. 6:10)

Mbiri 114

1. Thangwi yanji Bibilya isalonga pya makavalu kudzulu?

2. Kodi nkhondo ya Mulungu na anthu akuipa pa dziko yapantsi isacemerwa tani, na nkhondo ineyi iri na cifuniro canji?

3. Kubulukira pa cithunzithunzi, kodi mbani Ule anadzatsogolera kumenya nkhondo, thangwi yanji iye abvala nthimba, na supada yace isabvekanji?

4. M’kukumbuka nduli ku Mbiri 10 na 15, thangwi yanji ife nee tisafunika kudzidzimusika nakuti Mulungu anadzafudza anthu akuipa?

5. Kodi Mbiri 33, 36 na 76 zisatipangiza tani kuti Mulungu anadzafudza anthu akuipa ngakhale iwo asalonga kuti asalambira Mulungu?

Mabvunzo akuthimizira:

1. Lerini Apokalipse 19:11-16.

   1. Kodi Malemba asaikha tani pakweca kuti Yezu Kristu ndiye nyakukwira kavalu wakucena? (Apok. 1:5; 3:14; 19:11; Iza. 11:4)

   2. Kodi ciropa cidakapirwa pa nguwo za Yezu cisagomezera tani kuti kupembera kwace ndi kwakunyindirika na kwakukwana? (Apok. 14:18-20; 19:13)

   3. Kodi mbani panango adaphatanizwa m’anyankhondo anatowerera Yezu pa kavalu wace wakucena? (Apok. 12:7; 19:14; Mat. 25:31, 32)

Mbiri 115

1. Kodi Bibilya isapangiza kuti tinadzakhala na makhaliro anji m’Paradizu ya dziko yapantsi?

2. Kodi Bibilya isapikiranji kwa ale anafuna kudzakhala m’Paradizu?

3. Kodi Yezu anadzatsalakana lini kuti kucinja kweneku kwakudzumatirisa kucitike?

4. Mukakhala Yezu pa dziko yapantsi, kodi iye acitanji towera kupangiza pinafuna kudzacita iye ninga Mambo wa Umambo wa Mulungu?

5. Kodi Yezu na anyakutonga anzace akudzulu anadzatsalakananji munafuna kudzatonga iwo dziko yapantsi kubulukira kudzulu?

Mabvunzo akuthimizira:

1. Lerini Apokalipse 5:9, 10.

   Thangwi yanji tingakwanise kukhala na cinyindiro cakuti ale anafuna kudzatonga dziko yapantsi m’Utongi wa Piaka cikwi anadzakhala atongi na anyantsembe akukoma ntima na akutibvesesa? (Aef. 4:20-24; 1 Ped. 1:7; 3:8; 5:6-10)

2. Lerini Apokalipse 14:1-3.

   Kodi ndi ninji cinafuna kubvekeswa na kulembwa kwa dzina ya Baba na ya Mwanabira pa nkhope za 144.000? (1 Akor. 3:23; 2 Tim. 2:19; Apok. 3:12)

Mbiri 116

1. Kodi tisafuna kudziwanji khala ife tinadzakhala maso kwenda na kwenda?

2. Kodi tingakwanise tani kupfunza pya Yahova Mulungu na Yezu, ninga pinapangizwa na kantsikana na axamwali ace pa cithunzithunzi?

3. Kodi ndi bukhu ipi inango inaonemwe pa cithunzithunzi, na thangwi yanji tisafunika kuileri nzidzi onsene?

4. Kusiyapo kupfunza pya Yahova na Yezu, ndi pinthu pipi pinango pinafunika towera kugumana umaso okhonda mala?

5. Kodi ndi pfunziro yanji inapfunzefe kubulukira ku Mbiri 69?

6. Kodi citsanzo cadidi ca Samueli wang’ono m’Mbiri 55 cisapangizanji?

7. Kodi tingakwanise tani kutowerera citsanzo ca Yezu Kristu, na tingacita pyenepi, tinadzakwanisa kucitanji ntsogolo?

Mabvunzo akuthimizira:

1. Lerini Jwau 17:3.

   Kodi Malemba asapangiza tani kuti kusuta cidziwiso ca Yahova Mulungu na Yezu Kristu pisabveka pizinji kupiringana kukoya pinthu m’nsolo basi? (Mat. 7:21; Tgo. 2:18-20; 1 Jwau 2:17)

2. Lerini Masalmo 145:1-21.

   1. Kodi ndi api angasi a mathangwi azinji ali na ife towera kusimba Yahova? (Sal. 145:8-11; Apok. 4:11)

   2. Kodi Yahova ndi “wadidi tani kwa onsene,” na pyenepi pisafunika kutifikisa tani paduzi kakamwe na iye? (Sal. 145:9; Mat. 5:43-45)

   3. Khala Yahova ndi wakufunika ku ntima wathu, kodi tinadzakulumizwa kucitanji? (Sal. 119:171, 172, 175; 145:11, 12, 21)