Zaburi

119 Wenye furaha ni wale wasio na lawama* katika njia yao,

Wanaotembea katika sheria ya Yehova.+

 2 Wenye furaha ni wale wanaoshika vikumbusho vyake,+

Wanaomtafuta kwa moyo wao wote.+

 3 Hawatendi uovu wowote;

Wanatembea katika njia zake.+

 4 Umeamuru

Kwamba maagizo yako yafuatwe kwa uangalifu.+

 5 Laiti ningeweza kubaki imara*+

Ili niyashike masharti yako!

 6 Ndipo sitaaibishwa+

Ninapokazia uangalifu amri zako zote.

 7 Nitakusifu kwa moyo mnyoofu

Ninapojifunza hukumu zako za uadilifu.

11 Ninaweka neno lako moyoni mwangu kama hazina+

Ili nisikutendee dhambi.+

12 Na usifiwe, Ee Yehova;

Nifundishe masharti yako.

13 Kwa midomo yangu ninatangaza

Hukumu zote ulizonena.

14 Ninashangilia kwa sababu ya vikumbusho vyako+

Kuliko vitu vingine vyote vyenye thamani.+

15 Nitatafakari* maagizo yako+

Na kuzikazia macho njia zako.+

17 Nitendee kwa fadhili mimi mtumishi wako,

Ili niishi na kulishika neno lako.+

18 Yafumbue macho yangu ili nione wazi

Mambo yanayostaajabisha katika sheria yako.

20 Ninapondeka* kwa kutamani sana

Hukumu zako nyakati zote.

21 Unawakemea wenye kimbelembele,

Watu waliolaaniwa wanaokengeuka kutoka katika amri zako.+

22 Niondolee* dhihaka na dharau,

Kwa maana nimeshika vikumbusho vyako.

23 Hata wakuu wanapoketi pamoja na kusema mambo mabaya kunihusu,

Mimi mtumishi wako ninatafakari* masharti yako.

24 Ninavipenda sana vikumbusho vyako;+

Navyo ni washauri wangu.+

26 Nilikwambia kuhusu njia zangu, nawe ukanijibu;

Nifundishe masharti yako.+

27 Nifanye nielewe maana* ya maagizo yako,

Ili niweze kutafakari* kazi zako zinazostaajabisha.+

29 Niondolee njia ya udanganyifu,+

Na unionyeshe kibali kwa kunipa sheria yako.

32 Nitaifuata kwa bidii* njia ya amri zako

Kwa sababu wewe huufanya moyo wangu uwe na nafasi kwa ajili yake.*

33 Nifundishe, Ee Yehova,+ njia ya masharti yako,

Nami nitaifuata mpaka mwisho.+

34 Nipe uelewaji,

Ili niweze kushika sheria yako

Na kuitii kwa moyo wangu wote.

35 Niongoze* katika njia ya amri zako,+

Kwa maana ninapendezwa nayo.

36 Uelekeze moyo wangu kwenye vikumbusho vyako,

Wala si kwa tamaa ya* kichoyo.+

37 Yageuzie mbali macho yangu yasitazame mambo yasiyofaa;+

Nihifadhi hai katika njia yako.

38 Nitimizie mimi mtumishi wako ahadi yako,*

Ili uogopwe.*

39 Niondolee aibu ninayoogopa sana,

Kwa maana hukumu zako ni njema.+

41 Acha nijionee upendo wako mshikamanifu, Ee Yehova,+

Wokovu wako kulingana na ahadi yako;*+

42 Kisha nitamjibu yule anayenidhihaki,

Kwa maana ninalitumaini neno lako.

43 Usiondoe kabisa neno la kweli kutoka kinywani mwangu,

Kwa maana nimetumaini* hukumu yako.

44 Nitaishika sheria yako daima,

Milele na milele.+

45 Nami nitatembeatembea mahali salama,*+

Kwa maana ninayatafuta maagizo yako.

46 Nitaongea kuhusu vikumbusho vyako mbele ya wafalme,

Nami sitaaibika.+

47 Ninazipenda sana amri zako,

Naam, ninazipenda.+

48 Nitainua mikono yangu kuelekea amri zako, ambazo ninazipenda,+

Nami nitayatafakari* masharti yako.+

49 Likumbuke neno lako ulilomwambia* mtumishi wako,

Ambalo kupitia hilo unanipa tumaini.*

50 Hilo ndilo faraja yangu katika mateso yangu,+

Kwa maana neno lako limenihifadhi hai.

51 Wenye kimbelembele wananidhihaki sana,

Lakini sikengeuki kutoka kwenye sheria yako.+

52 Ninazikumbuka hukumu zako za tangu zamani,+ Ee Yehova,

Nazo zinanifariji.+

53 Nimeshikwa na hasira kali kwa sababu ya waovu,

Wanaoiacha sheria yako.+

54 Masharti yako ni nyimbo kwangu

Popote ninapoishi.*

55 Wakati wa usiku ninalikumbuka jina lako, Ee Yehova,+

Ili niweze kuishika sheria yako.

56 Nimezoea kufanya hivyo

Kwa sababu nimeyatii maagizo yako.

57 Yehova ni fungu langu;+

Nimeahidi kuyashika maneno yako.+

58 Ninakusihi* kwa moyo wangu wote;+

Nionyeshe kibali+ kulingana na ahadi yako.*

59 Nimezichunguza njia zangu,

Ili niirudishe miguu yangu kwenye vikumbusho vyako.+

60 Ninafanya haraka wala sikawii

Kuzishika amri zako.+

61 Kamba za waovu zinanizunguka,

Lakini siisahau sheria yako.+

62 Katikati ya usiku ninaamka ili kukushukuru+

Kwa sababu ya hukumu zako za uadilifu.

63 Mimi ni rafiki ya wote wanaokuogopa wewe

Na ya wale wanaoyatii maagizo yako.+

64 Upendo wako mshikamanifu, Ee Yehova, umeijaza dunia;+

Nifundishe masharti yako.

65 Umenitendea mema mimi mtumishi wako,

Ee Yehova, kulingana na neno lako.

66 Nifundishe busara na ujuzi,+

Kwa maana nimezitumaini amri zako.

67 Kabla ya kuteswa, nilikuwa nikikengeuka,*

Lakini sasa ninalishika neno lako.+

69 Wenye kimbelembele hunipaka uwongo,

Lakini ninayatii maagizo yako kwa moyo wangu wote.

70 Moyo wao umekufa ganzi,*+

Lakini ninaipenda sana sheria yako.+

71 Ni vema kwamba nimeteswa,+

Ili nijifunze masharti yako.

72 Sheria uliyotangaza ni njema kwangu,+

Kuliko maelfu ya vipande vya dhahabu na fedha.+

Nipe uelewaji,

Ili nijifunze amri zako.+

74 Wale wanaokuogopa huniona na kushangilia,

Kwa maana neno lako ni tumaini langu.*+

75 Ninajua, Ee Yehova, kwamba hukumu zako ni za uadilifu+

Na kwamba umenitesa kwa uaminifu wako.+

76 Tafadhali, upendo wako mshikamanifu+ na unifariji,

Kulingana na ahadi yako uliyonipa* mimi mtumishi wako.

77 Nionyeshe rehema ili niendelee kuishi,+

Kwa maana ninaipenda sana sheria yako.+

78 Wenye kimbelembele na waaibishwe,

Kwa maana wananikosea bila sababu.*

79 Acha wale wanaokuogopa warudi kwangu,

Wale wanaojua vikumbusho vyako.

80 Moyo wangu na uwe bila lawama katika kufuata masharti yako,+

Ili nisiaibishwe.+

81 Ninautamani sana wokovu wako,+

Kwa maana neno lako ni tumaini langu.*

82 Macho yangu yanatamani sana neno lako+

Huku nikisema: “Utanifariji lini?”+

83 Kwa maana mimi ni kama kiriba cha ngozi kilichokaushwa na moshi,

Lakini siyasahau masharti yako.+

85 Wenye kimbelembele wananichimbia mashimo,

Wale wanaoasi sheria yako.

87 Karibu waniangamize kutoka duniani,

Lakini sikuyaacha maagizo yako.

88 Nihifadhi hai kwa sababu ya upendo wako mshikamanifu,

Ili nishike vikumbusho ulivyosema.

89 Milele, Ee Yehova,

Neno lako litadumu mbinguni.+

91 Kwa sababu ya hukumu zako zinadumu* mpaka leo,

Kwa maana zote ni watumishi wako.

92 Kama singeipenda sana sheria yako,

Ningekuwa nimeangamia katika mateso yangu.+

93 Sitayasahau kamwe maagizo yako,

Kwa sababu kupitia hayo umenihifadhi hai.+

94 Mimi ni wako; niokoe,+

Kwa sababu nimeyatafuta maagizo yako.+

95 Waovu wanasubiri kuniangamiza,

Lakini ninavikazia sana fikira vikumbusho vyako.

96 Nimeona mwisho wa ukamilifu wote,

Lakini amri yako haina mpaka.*

98 Amri yako hunifanya niwe na hekima kuliko maadui wangu,+

Kwa sababu ninayo milele.

99 Nina ufahamu mwingi kuliko walimu wangu wote,+

Kwa sababu ninavitafakari* vikumbusho vyako.

100 Ninatenda kwa uelewaji mwingi kuliko wanaume wazee,

Kwa sababu ninayatii maagizo yako.

101 Ninakataa kutembea kwenye njia yoyote ya uovu,+

Ili nishike neno lako.

102 Sigeuki kando kutoka katika hukumu zako,

Kwa maana umenifundisha.

103 Jinsi maneno yako yalivyo matamu kwenye kaakaa langu,

Kuliko asali kinywani mwangu!+

105 Neno lako ni taa ya mguu wangu,

Na nuru ya njia yangu.+

106 Nimeweka kiapo, nami nitakitimiza,

Kwamba nitazishika hukumu zako za uadilifu.

108 Tafadhali yafurahie matoleo yangu ya hiari ya kukusifu,*+ Ee Yehova,

Na unifundishe hukumu zako.+

109 Uhai wangu umo hatarini daima,*

Lakini sijaisahau sheria yako.+

110 Waovu wamenitegea mtego,

Lakini sijakengeuka kutoka katika maagizo yako.+

111 Ninavichukua vikumbusho vyako kuwa mali yangu ya kudumu,*

Kwa maana hivyo ni shangwe ya moyo wangu.+

112 Nimeazimia* kuyatii masharti yako

Nyakati zote, mpaka mwisho.

113 Ninawachukia watu wenye moyo nusunusu,*+

Lakini ninaipenda sheria yako.+

114 Wewe ni mahali pangu pa kujificha na ngao yangu,+

Kwa maana neno lako ni tumaini langu.*+

115 Kaeni mbali nami, enyi waovu,+

Ili nizishike amri za Mungu wangu.

116 Nitegemeze kama ulivyoahidi,*+

Ili niendelee kuishi;

Usiache tumaini langu libadilike na kunikatisha tamaa.*+

117 Nitegemeze ili niokolewe;+

Kisha nitayakazia uangalifu daima masharti yako.+

118 Unawakataa wote wanaokengeuka kutoka katika masharti yako,+

Kwa maana ni waongo na wadanganyifu.

120 Mwili wangu unatetemeka kwa sababu ya kukuhofu;

Ninaogopa hukumu zako.

122 Nihakikishie hali njema mimi mtumishi wako;

Wenye kimbelembele wasinikandamize.

123 Macho yangu yamechoka nikiungojea wokovu wako+

Na ahadi yako ya* uadilifu.+

124 Nitendee mimi mtumishi wako kwa upendo mshikamanifu,+

Na unifundishe masharti yako.+

125 Mimi ni mtumishi wako; nipe uelewaji,+

Ili nijue vikumbusho vyako.

126 Wakati umefika wa Yehova kutenda,+

Kwa maana wameivunja sheria yako.

127 Ndiyo sababu ninazipenda amri zako

Kuliko dhahabu, hata dhahabu bora.*+

128 Kwa hiyo, ninayaona mafundisho* yote yanayotoka kwako kuwa yanafaa;+

Ninaichukia kila njia ya uwongo.+

130 Kufunuliwa kwa maneno yako huleta nuru,+

Na humpa uelewaji mtu asiye na uzoefu.+

131 Ninakifumbua wazi kinywa changu na kutweta,*

Kwa sababu ninazitamani sana amri zako.+

132 Nigeukie na kunionyesha kibali,+

Kama unavyowatendea* wale wanaolipenda jina lako.+

133 Ziongoze hatua zangu kwa usalama* kupitia neno lako;

Jambo lolote ovu lisinitawale.+

134 Niokoe* kutoka kwa wanadamu wanaokandamiza,

Nami nitayatii maagizo yako.

135 Ufanye uso wako uniangazie* mimi mtumishi wako,+

Na unifundishe masharti yako.

136 Macho yangu yanatiririkwa na machozi

Kwa sababu watu hawatii sheria yako.+

137 Wewe ni mwadilifu, Ee Yehova,+

Na hukumu zako ni za haki.+

138 Vikumbusho unavyotoa ni vya uadilifu

Navyo vinategemeka kabisa.

139 Bidii yangu inanila,+

Kwa sababu maadui wangu wameyasahau maneno yako.

140 Neno lako ni safi kabisa,+

Nami mtumishi wako ninalipenda.+

141 Mimi ni duni na mwenye kudharauliwa;+

Hata hivyo, sijayasahau maagizo yako.

142 Uadilifu wako ni uadilifu wa milele,+

Na sheria yako ni kweli.+

143 Hata nikipatwa na taabu na shida,

Nitaendelea kuzipenda sana amri zako.

147 Nimeamka kabla ya mapambazuko* ili nililie msaada,+

Kwa maana maneno yako ni tumaini langu.*

148 Macho yangu hufunguka kabla ya makesha ya usiku,

Ili nitafakari* neno lako.+

150 Watu wenye mwenendo wa aibu* hunikaribia;

Wako mbali sana na sheria yako.

151 Wewe uko karibu nami, Ee Yehova,+

Na amri zako zote ni kweli.+

152 Zamani za kale nilijifunza kuhusu vikumbusho vyako,

Ambavyo umeviweka vidumu milele.+

153 Yatazame mateso yangu na uniokoe,+

Kwa maana sijaisahau sheria yako.

154 Nitetee* na uniokoe;+

Nihifadhi hai kulingana na ahadi yako.*

155 Wokovu uko mbali sana na waovu,

Kwa maana hawajayatafuta masharti yako.+

157 Wanaonitesa na pia maadui wangu ni wengi;+

Lakini sijakengeuka kutoka katika vikumbusho vyako.

158 Ninawatazama wenye hila kwa chuki kali,

Kwa sababu hawalishiki neno lako.+

160 Kiini hasa cha neno lako ni kweli,+

Na hukumu zako zote za uadilifu zinadumu milele.

161 Wakuu wananitesa+ bila sababu,

Lakini moyo wangu unayahofu maneno yako.+

162 Ninashangilia kwa sababu ya neno lako+

Kama mtu anayepata nyara nyingi.

163 Nauchukia uwongo—nauchukia sana+—

Ninaipenda sheria yako.+

164 Mara saba kwa siku ninakusifu wewe

Kwa sababu ya hukumu zako za uadilifu.

165 Wale wanaoipenda sheria yako wana amani nyingi;+

Hakuna chochote kinachoweza kuwakwaza.*

166 Ninayatazamia matendo yako ya wokovu, Ee Yehova,

Nami ninazishika amri zako.

167 Ninavishika vikumbusho vyako,

Nami navipenda sana.+

168 Ninayatii maagizo yako na vikumbusho vyako,

Kwa maana unajua mambo yote ninayotenda.+

171 Midomo yangu na ifurikwe na sifa,+

Kwa maana wewe hunifundisha masharti yako.

172 Ulimi wangu na uimbe kuhusu neno lako,+

Kwa maana amri zako zote ni za uadilifu.

173 Mkono wako na uwe tayari kunisaidia,+

Kwa sababu nimechagua kutii maagizo yako.+

174 Ninautamani sana wokovu wako, Ee Yehova,

Nami ninaipenda sana sheria yako.+

175 Acha niishi ili nikusifu;+

Hukumu zako na ziwe msaada wangu.

176 Nimetangatanga kama kondoo aliyepotea.+ Nitafute mimi mtumishi wako,

Kwa maana sijazisahau amri zako.+