Ngaahi Fehuʻi Ako ki he Ko ʻEku Tohi ʻo e Ngaahi Talanoa Faka-Tohitapú

Talanoa 1

1. Ko e haʻu mei fē ʻa e ngaahi meʻa lelei kotoa pē, pea ʻe lava ke ke ʻomai ha fakatātā?

2. Ko e hā ʻa e ʻuluaki meʻa naʻe ngaohi ʻe he ʻOtuá?

3. Ko e hā naʻe makehe ai ʻa e ʻuluaki ʻāngeló?

4. Fakamatalaʻi pe naʻe fēfē ʻa e māmaní ʻi he kamataʻangá. (Sio ki he fakatātaá.)

5. Naʻe anga-fēfē ʻa e kamata ke teuteu ʻe he ʻOtuá ʻa e māmaní ki he fanga manú mo e kakaí?

Ngaahi fehuʻi fakalahi:

1. Lau ʻa e Selemaia 10:12.

   Ko e hā ʻa e ngaahi ʻulungāanga ʻo e ʻOtuá ʻoku fakahāhā fakafou ʻi heʻene fakatupú? (ʻAi. 40:26; Loma 11:33)

2. Lau ʻa e Kolose 1:15-17.

   Ko e hā ʻa e tafaʻaki naʻe fakahoko ʻe Sīsū ʻi he fakatupú, pea ʻoku totonu ke fēfē ʻene kaunga ki heʻetau vakai kiate iá? (Kol. 1:15-17)

3. Lau ʻa e Sēnesi 1:1-10.

   1. (a) Ko e hā ʻa e tupuʻanga ʻo e māmaní? (Sēn. 1:1)

   2. (e) Ko e hā naʻe hoko ʻi he ʻuluaki ʻaho ʻo e fakatupú? (Sēn. 1:3-5)

   3. (f) Fakamatalaʻi ʻa e meʻa naʻe hokó lolotonga ʻa e ʻaho fakatupu hono uá. (Sēn. 1:7, 8)

Talanoa 2

1. Naʻe anga-fēfē hono teuteuʻi ʻe he ʻOtuá ʻa e māmaní ke hoko ko hotau ʻapí?

2. Fakamatalaʻi ʻa e faʻahinga kehekehe lahi ʻo e fanga manú naʻe ngaohi ʻe he ʻOtuá. (Sio ki he fakatātaá.)

3. Ko e hā naʻe makehe ai ʻa e ngoue ko ʻĪtení?

4. Ko e hā naʻe fiemaʻu ʻe he ʻOtuá ke hoko ki he māmaní kotoa?

Ngaahi fehuʻi fakalahi:

1. Lau ʻa e Sēnesi 1:11-25.

   1. (a) Ko e hā naʻe ngaohi ʻe he ʻOtuá lolotonga ʻa e ʻaho fakatupu hono tolú? (Sēn. 1:12)

   2. (e) Ko e hā naʻe hoko lolotonga ʻa e ʻaho fakatupu hono faá? (Sēn. 1:16)

   3. (f) Ko e hā ʻa e faʻahinga monumanu naʻe ngaohi ʻe he ʻOtuá ʻi he ʻaho hono nimá mo hono onó? (Sēn. 1:20, 21, 25)

2. Lau ʻa e Sēnesi 2:8, 9.

   Ko e hā ʻa e ongo fuʻu ʻakau makehe naʻe tuku ʻe he ʻOtuá ʻi he ngoué, pea ko e hā naʻá na fakatātāʻí?

Talanoa 3

1. ʻOku anga-fēfē ʻa e kehe ʻa e fakatātā ʻi he Talanoa 3 mei he fakatātā ʻi he Talanoa 2?

2. Ko hai naʻá ne ngaohi ʻa e ʻuluaki tangatá pea ko hai ʻa e hingoa ʻo e tangata ko iá?

3. Ko e hā ʻa e ngāue naʻe tuku ʻe he ʻOtuá kia ʻĀtama ke ne faí?

4. Ko e hā naʻe ʻai ai ʻe he ʻOtuá ke mohe maʻu ʻa ʻĀtamá?

5. Ko e hā ʻa e lōloa naʻe mei malava ke moʻui ai ʻa ʻĀtama mo ʻIví, pea ko e hā ʻa e ngāue naʻe fiemaʻu ʻe Sihova ke na faí?

Ngaahi fehuʻi fakalahi:

1. Lau ʻa e Saame 83:18.

   Ko hai ʻa e huafa ʻo e ʻOtuá, pea ko e hā hono tuʻunga makehe ki he māmaní? (Sel. 16:21; Tān. 4:17)

2. Lau ʻa e Sēnesi 1:26-31.

   1. (a) Ko e hā ʻa e tumutumu ʻo e fakatupu ʻa e ʻOtuá ʻi he ʻaho hono onó, pea naʻe anga-fēfē ʻa e kehe ʻa e meʻa fakatupu ko ení mei he fanga manú? (Sēn. 1:26)

   2. (e) Ko e hā ʻa e tokonaki naʻe fai ʻe Sihova fakatouʻosi ki he tangatá mo e fanga manú? (Sēn. 1:30)

3. Lau ʻa e Sēnesi 2:7-25.

   1. (a) Ko e hā naʻe kau ki he ngāue ʻa ʻĀtama ko hono fakahingoa ʻa e fanga manú? (Sēn. 2:19)

   2. (e) ʻOku anga-fēfē hono tokoniʻi kitautolu ʻe he Sēnesi 2:24 ke tau mahinoʻi ʻa e vakai ʻa Sihova ki he nofo malí, māvaé, pea mo e veté? (Māt. 19:4-6, 9)

Talanoa 4

1. Ko e hā ʻoku hoko kia ʻĀtama mo ʻIvi ʻi he fakatātaá?

2. Ko e hā naʻe tauteaʻi ai kinaua ʻe Sihová?

3. Ko e hā naʻe tala ʻe ha ngata kia ʻIví?

4. Ko hai naʻá ne ʻai ʻa e ngatá ke lea kia ʻIví?

5. Ko e hā naʻe mole ai meia ʻĀtama mo ʻIvi ʻa hona ʻapi Palataisí?

Ngaahi fehuʻi fakalahi:

1. Lau ʻa e Sēnesi 2:16, 17 mo e 3:1-13, 24.

   1. (a) Naʻe anga-fēfē hono fakafofongahalaʻi ʻa Sihova ʻe he fehuʻi ʻa e ngatá kia ʻIví? (Sēn. 3:1-5; 1 Sio. 5:3)

   2. (e) ʻOku anga-fēfē ʻa e hoko ʻa ʻIvi ko ha fakatātā fakatokanga ia kiate kitautolú? (Fil. 4:8; Sēm. 1:14, 15; 1 Sio. 2:16)

   3. (f) ʻI he founga fē naʻe ʻikai lava ai ke tali ʻe ʻĀtama mo ʻIvi ko kinaua ʻa e tupuʻanga tefito ki he meʻa naʻá na faí? (Sēn. 3:12, 13)

   4. (h) Naʻe anga-fēfē hono pouaki ʻa e tuʻunga-hau ʻo Sihová ʻe he ongo selupimi naʻe fokotuʻu ʻi he hahake ʻo e ngoue ko ʻĪtení? (Sēn. 3:24)

2. Lau ʻa e Fakahā 12:9.

   Kuo lavameʻa fēfē ʻa Sētane ʻi hono fakatafokiʻi ʻa e faʻahinga ʻo e tangatá mei he tuʻunga-pule ʻa e ʻOtuá? (1 Sio. 5:19)

Talanoa 5

1. Naʻe fēfē ʻa e moʻuí kia ʻĀtama mo ʻIvi ʻi tuʻa ʻi he ngoue ko ʻĪtení?

2. Ko e hā naʻe kamata ke hoko kia ʻĀtama mo ʻIví, pea ko e hā hono ʻuhingá?

3. Ko e hā ʻe tupu ai ʻo motuʻa pea mate ʻa e fānau ʻa ʻĀtama mo ʻIví?

4. Ka ne talangofua ʻa ʻĀtama mo ʻIvi kia Sihova, naʻe mei fēfē ʻa e moʻuí kiate kinaua pea mo ʻena fānaú?

5. Naʻe anga-fēfē hono fakatupunga ʻe he talangataʻa ʻa ʻIví ha mamahi kiate ia?

6. Ko e hā ʻa e hingoa ʻo e ʻuluaki ongo foha ʻo ʻĀtama mo ʻIví?

7. Ko hai ʻa e fānau kehe ʻi he fakatātaá?

Ngaahi fehuʻi fakalahi:

1. Lau ʻa e Sēnesi 3:16-23 mo e 4:1, 2.

   1. (a) Naʻe anga-fēfē hono uesia ʻa e moʻui ʻa ʻĀtamá ʻi hono fakamalaʻiaʻi ʻo e kelekelé? (Sēn. 3:17-19; Loma 8:20, 22)

   2. (e) Ko e hā naʻe feʻungamālie ai ʻa e ʻuhinga ʻo e hingoa ʻIví ko e “Moʻuiʻanga”? (Sēn. 3:20)

   3. (f) Naʻe anga-fēfē hono fakahāhā ʻe Sihova ʻa e fakaʻatuʻi kia ʻĀtama mo ʻIvi naʻa mo e hili ʻena faiangahalá? (Sēn. 3:7, 21)

2. Lau ʻa e Fakahā 21:3, 4.

   Ko e hā ʻa e “ngaahi meʻa muʻa” ʻokú ke fakatuʻotuʻa atu ke sio ki haʻane ngatá?

Talanoa 6

1. Ko e hā ʻa e ongo ngāue naʻe fai ʻe Keini mo ʻĒpelí?

2. Ko e hā ʻa e ongo meʻaʻofa naʻe foaki ʻe Keini mo ʻĒpeli kia Sihová?

3. Ko e hā naʻe fiemālie ai ʻa Sihova ki he meʻaʻofa ʻa ʻĒpelí pea ko e hā naʻe ʻikai ai te ne fiemālie ki he meʻaʻofa ʻa Keiní?

4. Ko ha tokotaha fēfē ʻa Keini pea naʻe anga-fēfē ʻa e feinga ʻa Sihova ke fakatonutonu iá?

5. Ko e hā naʻe fai ʻe Keini ʻi heʻena ʻi ai toko ua pē ʻi he ngoué mo hono tokouá?

6. Fakamatalaʻi ʻa e meʻa naʻe hoko kia Keini ʻi he hili ʻene tāmateʻi ʻa hono tokouá.

Ngaahi fehuʻi fakalahi:

1. Lau ʻa e Sēnesi 4:2-26.

   1. (a) Naʻe anga-fēfē hono fakamatalaʻi ʻe Sihova ʻa e tuʻunga fakatuʻutāmaki naʻe ʻi ai ʻa Keiní? (Sēn. 4:7)

   2. (e) Naʻe anga-fēfē hono fakahaaʻi ʻe Keini ʻa e fakakaukau ʻi hono lotó? (Sēn. 4:9)

   3. (f) Ko e hā ʻa e vakai ʻa Sihova ki hono lilingi ʻa e toto taʻehalaiá? (Sēn. 4:10; ʻAi. 26:21)

2. Lau ʻa e 1 Sione 3:11, 12.

   1. (a) Ko e hā naʻe ʻita lahi ai ʻa Keiní, pea ʻoku anga-fēfē ʻa e hoko ʻa e meʻá ni ko ha fakatokanga kiate kitautolu he ʻaho ní? (Sēn. 4:4, 5; Pal. 14:30; 28:22)

   2. (e) ʻOku anga-fēfē hono fakahaaʻi ʻe he Tohitapú naʻa mo e taimi ʻoku fakafepaki kotoa ai ʻa e ngaahi mēmipa ʻo hotau fāmilí kia Sihová, ʻe kei lava pē ke tau tauhi maʻu ʻetau angatonú? (Saame 27:10; Māt. 10:21, 22)

3. Lau ʻa e Sione 11:25.

   Ko e hā ʻa e fakapapau ʻoku ʻomai ʻe Sihova fekauʻaki mo e faʻahinga kotoa ʻoku mate koeʻuhi ko e māʻoniʻoní? (Sione 5:24)

Talanoa 7

1. Naʻe anga-fēfē ʻa e kehe ʻa ʻĪnoké?

2. Ko e hā naʻe fai ai ʻe he kakai ʻi he taimi ʻo ʻĪnoké ʻa e ngaahi meʻa kovi lahí?

3. Ko e hā ʻa e ngaahi meʻa kovi naʻe fai ʻe he kakaí? (Sio ki he fakatātaá.)

4. Ko e hā naʻe fiemaʻu ai ke loto-toʻa ʻa ʻĪnoké?

5. Ko e hā ʻa e fuoloa ʻo e moʻui ʻa e tangatá ʻi he taimi ko iá, ka ko e hā ʻa e fuoloa ʻo e moʻui ʻa ʻĪnoké?

6. Ko e hā naʻe hoko ʻi he hili ʻa e mate ʻa ʻĪnoké?

Ngaahi fehuʻi fakalahi:

1. Lau ʻa e Sēnesi 5:21-24, 27.

   1. (a) Ko e hā ʻa e faʻahinga vahaʻangatae naʻe maʻu ʻe ʻĪnoke mo Sihová? (Sēn. 5:24)

   2. (e) Fakatatau ki he Tohitapú, ko hai ʻa e tangata motuʻa taha naʻe moʻui maí pea naʻá ne taʻu fiha ʻi heʻene maté? (Sēn. 5:27)

2. Lau ʻa e Sēnesi 6:5.

   Naʻe hoko ʻo kovi fēfē ʻa e ngaahi tuʻunga ʻi he māmaní hili ʻa e mate ʻa ʻĪnoké, pea ʻoku anga-fēfē hono fakahoa ʻa e meʻá ni ki hotau ʻaho ní? (2 Tīm. 3:13)

3. Lau ʻa e Hepelū 11:5.

   Ko e hā ʻa e ʻulungāanga ʻo ʻĪnoke “kuo ne fakahōifua ʻa e ʻOtua” pea ko e hā hono olá? (Sēn. 5:22)

4. Lau ʻa e Sute 14, 15.

   ʻE lava fēfē ke faʻifaʻitaki ʻa e kau Kalisitiane he ʻaho ní ki he loto-toʻa ʻa ʻĪnoké ʻi heʻenau fakatokanga ki he kakaí fekauʻaki mo e tau ʻo ʻĀmaketone ka hoko maí? (2 Tīm. 4:2; Hep. 13:6)

Talanoa 8

1. Ko e hā naʻe hoko ʻi he taimi naʻe fanongo ai ʻa e niʻihi ʻo e kau ʻāngelo ʻa e ʻOtuá kia Sētané?

2. Ko e hā naʻe tuku ai ʻe he kau ʻāngelo ʻe niʻihi ʻenau ngāue ʻi hēvaní pea ʻalu hifo ki he māmaní?

3. Ko e hā naʻe hala ai ki he kau ʻāngeló ke nau ʻalu hifo ki he māmaní pea ʻai ha ngaahi sino fakaetangata kiate kinautolú?

4. Ko e hā naʻe kehe ʻi he fānau ʻa e kau ʻāngeló?

5. Hangē ko ia ʻoku lava ke ke sio ki ai ʻi he fakatātaá, ko e hā naʻe fai ʻe he fānau ʻa e kau ʻāngeló ʻi heʻenau hoko ko e kau saiānití?

6. ʻI he hili ʻa ʻĪnoké, ko hai ʻa e tangata lelei naʻe moʻui ʻi he māmaní, pea ko e hā naʻe saiʻia ai ʻa e ʻOtuá ʻiate iá?

Ongo fehuʻi fakalahi:

1. Lau ʻa e Sēnesi 6:1-8.

   Ko e hā ʻoku fakahaaʻi ʻe he Sēnesi 6:6 fekauʻaki mo e founga ʻe lava ke kaunga ai ʻa hotau ʻulungāangá ki he ngaahi ongoʻi ʻa Sihová? (Saame 78:40, 41; Pal. 27:11)

2. Lau ʻa e Sute 6.

   ʻOku anga-fēfē ʻa e hoko ʻa e kau ʻāngelo ʻa ia “naʻe ʻikai te nau tauhi ʻa e tuʻunga naʻe ʻonautolu” ʻi he ʻaho ʻo Noá ko ha fakamanatu kiate kitautolu he ʻaho ní? (1 Kol. 3:5-9; 2 Pita 2:4, 9, 10)

Talanoa 9

1. Ko e toko fiha naʻe ʻi he fāmili ʻo Noá, pea ko hai ʻa e hingoa ʻo hono ngaahi foha ʻe toko tolú?

2. Ko e hā ʻa e meʻa ngalikehe naʻe kole ʻe he ʻOtuá kia Noa ke ne faí, pea ko e hā hono ʻuhingá?

3. Naʻe anga-fēfē ʻa e tali ʻa e ngaahi kaungāʻapi ʻo Noá ʻi heʻene talanoa kiate kinautolu fekauʻaki mo e ʻaʻaké?

4. Ko e hā naʻe tala ʻe he ʻOtuá kia Noa ke ne fai ki he fanga manú?

5. Hili hono tāpuniʻi ʻe he ʻOtuá ʻa e matapā ʻo e ʻaʻaké, ko e hā naʻe pau ke fai ʻe Noa mo hono fāmilí?

Ngaahi fehuʻi fakalahi:

1. Lau ʻa e Sēnesi 6:9-22.

   1. (a) Ko e hā naʻá ne ʻai ʻa Noa ke ne hoko ko e tokotaha lotu tuʻu-ki-muʻa ʻa e ʻOtua moʻoní? (Sēn. 6:9, 22)

   2. (e) ʻOku anga-fēfē ʻa e ongoʻi ʻa Sihova fekauʻaki mo e fakamālohí, pea ʻoku totonu ke fēfē ʻa e kaunga ʻa e meʻá ni ki heʻetau fili ʻa e fakafiefiá? (Sēn. 6:11, 12; Saame 11:5)

   3. (f) ʻE lava fēfē ke tau faʻifaʻitaki kia Noa ʻi he taimi ʻoku tau maʻu ai ʻa e tataki fakafou ʻi he kautaha ʻa Sihová? (Sēn. 6:22; 1 Sio. 5:3)

2. Lau ʻa e Sēnesi 7:1-9.

   ʻOku anga-fēfē hono fakalototoʻaʻi kitautolu he ʻahó ni ʻe he moʻoniʻi meʻa ko ia ʻa e vakai mai ʻa Sihova naʻe māʻoniʻoni ʻa e tangata taʻehaohaoa ko Noá? (Sēn. 7:1; Pal. 10:16; ʻAi. 26:7)

Talanoa 10

1. Ko e hā naʻe ʻikai lava ai ke hū ha taha ki he ʻaʻaké ʻi he taimi pē naʻe kamata ai ʻa e ʻuhá?

2. Naʻe ʻai ʻe Sihova ke ʻuha ʻi he ʻaho ʻe fiha mo e pō ʻe fiha, pea ko e hā ʻa e loloto naʻe aʻu ki ai ʻa e vaí?

3. Ko e hā naʻe hoko ki he ʻaʻaké ʻi he kamata ke ʻufiʻufi ʻe he vaí ʻa e māmaní?

4. Naʻe hao ʻa e kau saiānití ʻi he Lōmakí, pea ko e hā naʻe hoko ki he ngaahi tamai ʻa e kau saiānití?

5. ʻI he hili ʻa e māhina ʻe nima ko e hā naʻe hoko ki he ʻaʻaké?

6. Ko e hā naʻe tuku atu ai ʻe Noa ha foʻi lēveni mei he ʻaʻaké?

7. Naʻe anga-fēfē ʻa e ʻiloʻi ʻe Noa kuo maha ʻa e vai ʻi he māmaní?

8. Ko e hā naʻe leaʻaki ʻe he ʻOtuá kia Noa hili ʻene ʻi he ʻaʻaké mo hono fāmilí ʻo laka hake he taʻu ʻe tahá?

Ngaahi fehuʻi fakalahi:

1. Lau ʻa e Sēnesi 7:10-24.

   1. (a) Naʻe kakato fēfē ʻa hono fakaʻauha ʻo e moʻui ʻi he māmaní? (Sēn. 7:23)

   2. (e) Ko e hā hono fuoloa pea maha hifo ai ʻa e ngaahi vai ʻo e Lōmakí? (Sēn. 7:24)

2. Lau ʻa e Sēnesi 8:1-17.

   ʻOku anga-fēfē hono fakahaaʻi ʻe he Sēnesi 8:17 ko e muʻaki taumuʻa ʻa Sihova ki he māmaní naʻe ʻikai ke liliu? (Sēn. 1:22)

3. Lau ʻa e 1 Pita 3:19, 20.

   1. (a) ʻI he taimi naʻe toe foki hake ai ʻa e kau ʻāngelo angatuʻú ki hēvaní, ko e hā ʻa e fakamaau naʻa nau maʻú? (Sute 6)

   2. (e) ʻOku anga-fēfē hono fakaivimālohiʻi ʻe he fakamatala kia Noa mo hono fāmilí ʻa ʻetau falala ki he malava ʻa Sihova ke fakahaofi ʻa hono kakaí? (2 Pita 2:9)

Talanoa 11

1. Hangē ko ia ʻoku fakahaaʻi ʻi he fakatātaá, ko e hā ʻa e meʻa naʻe ʻuluaki fai ʻe Noa ʻi heʻene hū ki tuʻa mei he ʻaʻaké?

2. Ko e hā ʻa e fekau naʻe tala ʻe he ʻOtuá kia Noa mo hono fāmilí ʻi he hili ʻa e Lōmakí?

3. Ko e hā ʻa e talaʻofa naʻe fai ʻe he ʻOtuá?

4. ʻI he taimi ʻoku tau sio ai ki ha ʻūmata, ko e hā ʻoku totonu ke ne fakamanatu mai kiate kitautolú?

Ngaahi fehuʻi fakalahi:

1. Lau ʻa e Sēnesi 8:18-22.

   1. (a) ʻE lava fēfē ke tau ʻoatu he ʻahó ni ha “ngangatu fakahoifua” kia Sihova? (Sēn. 8:21; Hep. 13:15, 16)

   2. (e) Ko e hā ʻa e fakamatala naʻe fai ʻe Sihova fekauʻaki mo e tuʻunga ʻo e loto ʻo e tangatá pea ko ia ai, ko e hā ʻa e tokanga ʻoku totonu ke tau faí? (Sēn. 8:21; Mt. 15:18, 19)

2. Lau ʻa e Sēnesi 9:9-17.

   1. (a) Ko e hā ʻa e fuakava naʻe fai ʻe Sihova mo e kotoa ʻo e ngaahi meʻa fakatupu ʻi he māmaní? (Sēn. 9:10, 11)

   2. (e) Ko e hā hono lōloa ʻo e kei ngāue ʻa e fuakava ʻūmatá? (Sēn. 9:16)

Talanoa 12

1. Ko hai ʻa Nimilote, pea naʻe anga-fēfē ʻa e ongoʻi ʻa e ʻOtuá fekauʻaki mo iá?

2. ʻI he fakatātaá, ko e hā naʻe ngaohi piliki ai ʻa e kakaí?

3. Ko e hā naʻe ʻikai ke fiefia ai ʻa Sihova ʻi he ngāue langá?

4. Naʻe anga-fēfē hono ʻai ʻe he ʻOtuá ke tuku ʻa hono langa ʻo e tauá?

5. Ko e hā naʻe uiʻaki ʻa e koló, pea ko e hā ʻa e ʻuhinga ʻo e hingoa ko iá?

6. Ko e hā naʻe hoko ki he kakaí hili hono ʻai ʻe he ʻOtuá ke maveuveu ʻenau ngaahi leá?

Ongo fehuʻi fakalahi:

1. Lau ʻa e Sēnesi 10:1, 8-10.

   Ko e hā ʻa e ngaahi ʻulungāanga naʻe fakahāhā ʻe Nimiloté, pea ko e hā ʻa e fakatokanga ʻoku ʻomai ʻe he meʻá ni kiate kitautolú? (Pal. 3:31)

2. Lau ʻa e Sēnesi 11:1-9.

   Ko e hā ʻa e taumuʻa naʻe tuʻu mei mui ʻi hono langa ʻo e tauá, pea ko e hā naʻe pau ai ke ʻikai lavameʻa ʻa e ngāué? (Sēn. 11:4; Pal. 16:18; Sione 5:44)

Talanoa 13

1. Ko e kakai fēfē naʻe nofo ʻi he kolo ko ʻUá?

2. Ko hai ʻa e tangata ʻi he fakatātaá, naʻe fāʻeleʻi ia ʻanefē pea naʻá ne nofó ʻi fē?

3. Ko e hā naʻe tala ʻe he ʻOtuá kia ʻĒpalahame ke ne faí?

4. Ko e hā naʻe ui ai ʻa ʻĒpalahame ko e kaumeʻa ʻo e ʻOtuá?

5. Ko hai naʻe ʻalu fakataha mo ʻĒpalahame ʻi heʻene mavahe mei ʻUá?

6. Ko e hā naʻe tala ʻe he ʻOtuá kia ʻĒpalahame ʻi heʻene aʻu ki he fonua ko Kēnaní?

7. Ko e hā ʻa e talaʻofa naʻe fai ʻe he ʻOtuá kia ʻĒpalahame ʻi heʻene taʻu 99?

Ngaahi fehuʻi fakalahi:

1. Lau ʻa e Sēnesi 11:27-32.

   1. (a) Ko e hā ʻa e fekāingaʻaki ʻo ʻĒpalahame mo Loté? (Sēn. 11:27)

   2. (e) Neongo naʻe tuku kia Tela ʻa e lāngilangi ʻo e hiki mo hono fāmilí ki Kēnaní, ʻoku anga-fēfē ʻetau ʻiloʻi ko ʻĒpalahame moʻoni ia naʻá ne kamata ʻa e hiki ko ení, pea ko e hā naʻá ne fai pehē aí? (Sēn. 11:31; Ng. 7:2-4)

2. Lau ʻa e Sēnesi 12:1-7.

   Ko e hā ʻa e fakalahi ʻo e fuakava ʻia ʻĒpalahamé naʻe fai ʻe Sihova hili ʻa e aʻu ʻa ʻĒpalahame ki he fonua ko Kēnaní? (Sēn. 12:7)

3. Lau ʻa e Sēnesi 17:1-8, 15-17.

   1. (a) Ko e hā ʻa e liliu ʻi he hingoá naʻe maʻu ʻe ʻEpalame ʻi heʻene taʻu 99 pea ko e hā hono ʻuhingá? (Sēn. 17:5)

   2. (e) Ko e hā ʻa e ngaahi tāpuaki ʻi he kahaʻú naʻe talaʻofa ʻe Sihova kia Selá? (Sēn. 17:15, 16)

4. Lau ʻa e Sēnesi 18:9-19.

   1. (a) ʻI he Sēnesi 18:19, ko e hā ʻa e ngaahi fatongia ʻoku fokotuʻu mai ai ki he ngaahi tamaí? (Teu. 6:6, 7; ʻEf. 6:4)

   2. (e) Ko e hā ʻa e meʻa naʻe hoko kia Sela ʻoku fakahaaʻi ai heʻikai lava ke tau fufū ha meʻa meia Sihova? (Sēn. 18:12, 15; Sāme 44:21)

Talanoa 14

1. Ko e hā ʻa e talaʻofa naʻe fai ʻe he ʻOtuá kia ʻĒpalahamé, pea naʻe anga-fēfē ʻa e fai ʻa e ʻOtuá ki heʻene talaʻofá?

2. Hangē ko ia ʻoku fakahaaʻi ʻi he fakatātaá, naʻe anga-fēfē hono ʻahiʻahiʻi ʻe he ʻOtuá ʻa e tui ʻa ʻĒpalahamé?

3. Ko e hā naʻe fai ʻe ʻĒpalahamé, neongo naʻe ʻikai te ne mahinoʻi ʻa e ʻuhinga ʻo e fekau ʻa e ʻOtuá?

4. Ko e hā naʻe hoko ʻi he taimi naʻe toʻo hake ai ʻe ʻĒpalahame ʻa e helé ke tāmateʻi ʻa hono fohá?

5. Naʻe mālohi fēfē ʻa e tui ʻa ʻĒpalahame ki he ʻOtuá?

6. Ko e hā naʻe tokonaki mai ʻe he ʻOtuá maʻa ʻĒpalahame ke faiʻaki ʻa e feilaulaú, pea naʻe anga-fēfē?

Ongo fehuʻi fakalahi:

1. Lau ʻa e Sēnesi 21:1-7.

   Ko e hā naʻe kamu ai ʻe ʻĒpalahame ʻa hono fohá ʻi he ʻaho hono valú? (Sēn. 17:10-12; 21:4)

2. Lau ʻa e Sēnesi 22:1-18.

   Naʻe anga-fēfē hono fakahaaʻi ʻe ʻAisake ʻa e fakamoʻulaloa ki heʻene tamaí, ʻa ʻĒpalahame, pea naʻe anga-fēfē hono tomuʻa fakatātaaʻi ʻe he meʻá ni ha meʻa mahuʻinga lahi ange ʻe hoko ʻi he kahaʻú? (Sēn. 22:7-9; 1 Kol. 5:7; Fili. 2:8, 9)

Talanoa 15

1. Ko e hā naʻe mavaeua ai ʻa ʻĒpalahame mo Loté?

2. Ko e hā naʻe fili ai ʻa Lote ke nofo ʻi Sōtomá?

3. Naʻe fēfē ʻa e kakai ʻo Sōtomá?

4. Ko e hā ʻa e fakatokanga naʻe tala ʻe he ongo ʻāngeló kia Loté?

5. Ko e hā naʻe hoko ai ʻa e uaifi ʻo Loté ko ha fuʻu pou māsimá?

6. Ko e hā ʻa e lēsoni ʻe lava ke tau ako mei he meʻa fekauʻaki mo e uaifi ʻo Loté?

Ngaahi fehuʻi fakalahi:

1. Lau ʻa e Sēnesi 13:5-13.

   ʻI he fekauʻaki mo hono fakaleleiʻi ʻa e ngaahi palopalema ʻi he vahaʻa ʻo e faʻahinga tāutahá, ko e hā ʻa e lēsoni ʻe lava ke tau ako meia ʻĒpalahamé? (Sēn. 13:8, 9; Loma 12:10; Fili. 2:3, 4)

2. Lau ʻa e Sēnesi 18:20-33.

   ʻOku anga-fēfē hono ʻomai kia kitautolu ʻe he ngaahi feangainga ʻa Sihova mo ʻĒpalahamé ʻa e loto-falala ʻe fai fakamaau ʻa Sihova mo Sīsū ʻi he māʻoniʻoní? (Sēn. 18:25, 26; Mt. 25:31-33)

3. Lau ʻa e Sēnesi 19:1-29.

   1. (a) Ko e hā ʻoku fakahaaʻi ʻe he fakamatala Tohitapu ko ení fekauʻaki mo e vakai mai ʻa e ʻOtuá ki he faka-Sōtomá? (Sēn. 19:5, 13; Liv. 20:13)

   2. (e) Ko e hā ʻa e faikehekehe ʻoku tau maʻu ʻi he ngaahi founga ʻo e tali ʻe Lote mo ʻĒpalahame ʻa e tataki ʻa e ʻOtuá, pea ko e hā ʻoku lava ke tau ako mei hení? (Sēn. 19:15, 16, 19, 20; 22:3)

4. Lau ʻa e Luke 17:28-32.

   Ko e hā ʻa e fakakaukauloto naʻe maʻu ʻe he uaifi ʻo Loté ki he ngaahi meʻa fakamatelié, pea ʻoku anga-fēfē ʻa e hoko eni ko ha fakatokanga kiate kitautolú? (Luke 12:15; 17:31, 32; Mt. 6:19-21, 25)

5. Lau ʻa e 2 Pita 2:6-8.

   ʻI he faʻifaʻitaki kia Loté, ko e hā ʻoku totonu ke hoko ko ʻetau fakakaukau ia ki he māmani taʻefakaʻotua takatakai ʻia kitautolú? (ʻIsi. 9:4; 1 Sione 2:15-17)

Talanoa 16

1. Ko hai ʻa e tangata mo e fefine ʻi he fakatātaá?

2. Ko e hā naʻe fai ʻe ʻĒpalahame ke maʻu ai ha uaifi maʻa hono fohá, pea ko e hā hono ʻuhingá?

3. Naʻe anga-fēfē hono tali ʻa e lotu ʻa e sevāniti ʻa ʻĒpalahamé?

4. Ko e hā ʻa e tali naʻe fai ʻe Lepeka ʻi he taimi naʻe ʻeke ange ai pe ʻokú ne loto ke mali mo ʻAisaké?

5. Ko e hā naʻá ne ʻai ke toe fiefia ʻa ʻAisaké?

Ngaahi fehuʻi fakalahi:

1. Lau ʻa e Sēnesi 24:1-67.

   1. (a) Ko e hā ʻa e ngaahi ʻulungāanga lelei naʻe fakahāhā ʻe Lepeka ʻi he taimi naʻá ne fetaulaki ai mo e sevāniti ʻa ʻĒpalahamé ʻi he vaitupú? (Sēn. 24:17-20; Pal. 31:17, 31)

   2. (e) Ko e hā ʻa e faʻifaʻitakiʻanga lelei ʻoku ʻomai ki he kau Kalisitiane he ʻaho ní ʻi he fokotuʻutuʻu ʻa ʻĒpalahame kia ʻAisaké? (Sēn. 24:37, 38; 1 Kol. 7:39; 2 Kol. 6:14)

   3. (f) Ko e hā ʻoku totonu ai ke tau kumi ʻa e taimi ki he fakalaulaulotó, ʻo hangē ko ia naʻe fai ʻe ʻAisaké? (Sēn. 24:63; Sāme 77:12; Fili. 4:8)

Talanoa 17

1. Ko hai ʻa ʻĪsoa mo Sēkope, pea naʻe anga-fēfē ʻa ʻena kehekehé?

2. Naʻe taʻu fiha ʻa ʻĪsoa mo Sēkope ʻi he taimi naʻe mate ai ʻa ʻena kui-tangata ko ʻĒpalahamé?

3. Ko e hā naʻe fai ʻe ʻĪsoa ʻo fuʻu loto-mamahi ai ʻa ʻene faʻeé mo ʻene tamaí?

4. Ko e hā naʻe hoko ai ʻa ʻĪsoa ʻo ʻita lahi ʻaupito ki hono tokoua ko Sēkopé?

5. Ko e hā ʻa e fakahinohino naʻe fai ʻe ʻAisake ki hono foha ko Sēkopé?

Ngaahi fehuʻi fakalahi:

1. Lau ʻa e Sēnesi 25:5-11, 20-34.

   1. (a) Ko e hā naʻe kikiteʻi ʻe Sihova fekauʻaki mo e ongo foha ʻo Lepeká? (Sēn. 25:23)

   2. (e) Ko e hā ʻa e kehekehe ʻi he vahaʻa ʻo e fakakaukau ʻa Sēkope mo ʻĪsoa ki he totonu ʻa e ʻuluaki fohá? (Sēn. 25:31-34)

2. Lau ʻa e Sēnesi 26:34, 35; 27:1-46; mo e 28:1-5.

   1. (a) Naʻe hā mahino fēfē ʻa e ʻikai houngaʻia ʻa ʻĪsoa ki he ngaahi meʻa fakalaumālié? (Sēn. 26:34, 35; 27:46)

   2. (e) Koeʻuhi ke maʻu ʻe Sēkope ʻa e tāpuaki ʻa e ʻOtuá, ko e hā naʻe tala ange ʻe ʻAisake ke ne faí? (Sēn. 28:1-4)

3. Lau ʻa e Hepelū 12:16, 17.

   Ko e hā ʻoku fakahāhā ʻi he meʻa fekauʻaki mo ʻĪsoá ʻo kau ki he ikuʻanga ʻo e faʻahinga ʻoku nau taʻetokaʻi ʻa e ngaahi meʻa toputapú?

Talanoa 18

1. Ko hai ʻa e finemui ʻi he fakatātaá, pea ko e hā naʻe fai ʻe Sēkope maʻaná?

2. Ko e hā naʻe loto-lelei ʻa Sēkope ke fai koeʻuhi ka ne mali mo Lesielí?

3. Ko e hā naʻe fai ʻe Lēpani ʻi he hoko mai ʻa e taimi ke mali ai ʻa Sēkope mo Lesielí?

4. Ko e hā naʻe loto-lelei ʻa Sēkope ke fai ke maʻu ai ʻa Lesieli ko hono uaifí?

Ngaahi fehuʻi fakalahi:

1. Lau ʻa e Sēnesi 29:1-30.

   1. (a) Naʻa mo e taimi naʻe kākaaʻi ai ia ʻe Lēpaní, naʻe anga-fēfē hono fakahaaʻi ʻe Sēkope ʻokú ne anga-fakaʻapaʻapá, pea ko e hā ʻe lava ke tau ako mei hení? (Sēn. 25:27; 29:26-28; Mt. 5:37)

   2. (e) ʻOku anga-fēfē hono fakahaaʻi ʻi he faʻifaʻitakiʻanga ʻa Sēkopé ʻa e faikehekehe ʻi he vahaʻa ʻo e ʻofá mo e ʻāvangā? (Sēn. 29:18, 20, 30; Hiva. 8:6)

   3. (f) Ko hai ʻa e kau fefine ʻe toko fā naʻa nau hoko ko e konga ʻo e fāmili ʻo Sēkopé pea nau fanauʻi ki mui kiate ia ʻa e ngaahi fohá? (Sēn. 29:23, 24, 28, 29)

Talanoa 19

1. Ko hai ʻa e ngaahi hingoa ʻo e foha ʻe toko ono ʻo Sēkope naʻe maʻu ʻi hono ʻuluaki uaifi ko Liá?

2. Ko hai ʻa e foha ʻe toko ua naʻe fāʻeleʻi ʻe he kaunanga ʻa Lia ko Silipá kia Sēkopé?

3. Ko hai ʻa e hingoa ʻo e foha ʻe toko ua naʻe fāʻeleʻi ʻe he kaunanga ʻa Lesieli ko Pilaá kia Sēkopé?

4. Ko hai ʻa e foha ʻe toko ua naʻe fāʻeleʻi ʻe Lesielí, ka ko e hā naʻe hoko ʻi he taimi naʻe fāʻeleʻi ai ʻa e foha hono uá?

5. Fakatatau ki he fakatātaá, ko e foha ʻe toko fiha naʻe maʻu ʻe Sēkopé, pea ko e hā naʻe tupu meiate kinautolú?

Ongo fehuʻi fakalahi:

1. Lau ʻa e Sēnesi 29:32-35; 30:1-26; mo e 35:16-19.

   Hangē ko ia naʻe fakahaaʻi ʻi he tuʻunga ʻo e foha ʻe toko 12 ʻo Sēkopé, naʻe anga-fēfē hono faʻa fakahingoa ʻa e tamaiki tangata Hepeluú ʻi he kuonga muʻá?

2. Lau ʻa e Sēnesi 37:35.

   Neongo ko Taina pē ʻoku ʻasi hono hingoá ʻi he Tohitapú, ʻoku anga-fēfē ʻetau ʻiloʻi naʻe maʻu ʻe Sēkope ʻa e ʻofefine tokolahi ange he toko tahá? (Sēn. 37:34, 35)

Talanoa 20

1. Ko e hā naʻe ʻikai fiemaʻu ai ʻe ʻĒpalahame mo ʻAisake ke mali ʻena fānaú mo e kakai mei he fonua ko Kēnaní?

2. Naʻe loto ʻa Sēkope ki he kaungāmeʻa ʻa hono ʻofefiné mo e tamaiki fefine Kēnaní?

3. Ko hai ʻa e tangata ʻoku sio kia Taina ʻi he fakatātaá, pea ko e hā ʻa e meʻa kovi naʻá ne faí?

4. Ko e hā naʻe fai ʻe he ongo tuongaʻane ʻo Taina ko Simione mo Līvaí ʻi heʻena fanongo ki he meʻa naʻe hokó?

5. Naʻe loto-tatau ʻa Sēkope mo e meʻa naʻe fai ʻe Simione mo Līvaí?

6. Naʻe kamata fēfē ʻa e faingataʻa kotoa ʻi he fāmilí?

Ngaahi fehuʻi fakalahi:

1. Lau ʻa e Sēnesi 34:1-31.

   1. (a) Ko e feohi ʻa Taina mo e ngaahi ʻofefine ʻo e fonua ko Kēnaní naʻe hoko tuʻo taha pē ia? Fakamatalaʻi. (Sēn. 34:1, NW)

   2. (e) Ko e hā naʻe tukuakiʻi ai ʻa Taina ki he mole ʻa hono tuʻunga tāupoʻoú? (Kal. 6:7)

   3. (f) ʻE lava fēfē ke fakahaaʻi ʻe he toʻutupu he ʻaho ní ʻoku nau tokanga ki he fakatātā fakatokanga fekauʻaki mo Tainá? (Pal. 13:20; 1 Kol. 15:33; 1 Sione 5:19)

Talanoa 21

1. Ko e hā naʻe meheka ai ʻa e ngaahi tokoua ʻo Siosifá kiate iá, pea ko e hā naʻa nau faí?

2. Ko e hā naʻe fiemaʻu ʻe he ngaahi tokoua ʻo Siosifá ke fai kiate iá, ka ko e hā naʻe tala ange ʻe Lūpení?

3. Ko e hā naʻe hokó ʻi he taimi naʻe haʻu ai ʻa e kau fefakatauʻaki ʻIsimeʻelí?

4. Ko e hā naʻe fai ʻe he ngaahi tokoua ʻo Siosifá ke ʻai ʻenau tamaí ke ne fakakaukau kuo mate ʻa Siosifá?

Ngaahi fehuʻi fakalahi:

1. Lau ʻa e Sēnesi 37:1-35.

   1. (a) ʻE lava fēfē ke faʻifaʻitaki ʻa e kau Kalisitiané ki he faʻifaʻitakiʻanga ʻa Siosifá ʻaki hono līpooti ha faihala ʻi he fakatahaʻangá? (Sēn. 37:2; Liv. 5:1; 1 Kol. 1:11)

   2. (e) Ko e hā naʻe tataki atu ki hono lavakiʻi ʻo Siosifa ʻe hono ngaahi tokouá? (Sēn. 37:11, 18; Pal. 27:4; Sēm. 3:14-16)

   3. (f) Ko e hā ʻa e meʻa naʻe fai ʻe Sēkope ko ha konga anga-maheni ia ʻo e mamahí? (Sēn. 37:35)

Talanoa 22

1. Naʻe taʻu fiha ʻa Siosifa ʻi hono ʻave ia ki ʻIsipité, pea ko e hā naʻe hoko ʻi heʻene aʻu ki aí?

2. Naʻe anga-fēfē ʻa e iku ʻa Siosifa ki he pilīsoné?

3. Ko e hā ʻa e fatongia naʻe ʻoange kia Siosifa ʻi he pilīsoné?

4. Ko e hā naʻe fai ʻe Siosifa ʻi he pilīsoné maʻá e tangata tauhi ipu mo e tangata taʻo mā ʻa Feló?

5. Ko e hā naʻe hokó ʻi he hili hono tuku ange ʻa e tangata tauhi ipú mei he pilīsoné?

Ngaahi fehuʻi fakalahi:

1. Lau ʻa e Sēnesi 39:1-23.

   Koeʻuhi naʻe ʻikai ha lao naʻe hiki mei he ʻOtuá naʻe fakahalaiaʻi ai ʻa e tonó ʻi he ʻaho ʻo Siosifá, ko e hā naʻá ne ueʻi ia ke ne hola mei he uaifi ʻo Pōtifá? (Sēn. 2:24; 20:3; 39:9)

2. Lau ʻa e Sēnesi 40:1-23.

   1. (a) Fakamatalaʻi nounou ʻa e misi ʻa e tangata tauhi ipú pea mo e fakaʻuhinga naʻe ʻoange ʻe Sihova kia Siosifá. (Sēn. 40:9-13)

   2. (e) Ko e hā ʻa e misi ʻa e tangata taʻo maá, pea ko e hā hono ʻuhingá? (Sēn. 40:16-19)

   3. (f) ʻOku anga-fēfē ʻa e faʻifaʻitaki ʻa e kalasi tamaioʻeiki anga-tonu mo potó ʻi he ʻahó ni ki he fakakaukau ʻa Siosifá? (Sēn. 40:8; Sāme 36:9; Sione 17:17; Ng. 17:2, 3)

   4. (h) ʻOku anga-fēfē ʻa e fakamaama ʻe he Sēnesi 40:20 ʻa e vakai ʻa e Kalisitiané ki he ngaahi kātoanga faiʻahó? (Koh. 7:1; Mk. 6:21-28)

Talanoa 23

1. Ko e hā naʻe hoko kia Felo ʻi he pō ʻe taha?

2. Ko e hā naʻe faifai ai pea toki manatuʻi ʻe he tangata tauhi ipú ʻa Siosifá?

3. Hangē ko ia ʻoku hā ʻi he fakatātaá, ko e hā ʻa e ongo misi ʻa Feló?

4. Ko e hā naʻe tala ange ʻe Siosifa ko e ʻuhinga ia ʻo e misí?

5. Naʻe anga-fēfē ʻa e hoko ʻa Siosifa ko e tangata mahuʻinga taha ia ʻi ʻIsipite ʻo hoko hake kia Feló?

6. Ko e hā naʻe ʻalu ai ki ʻIsipite ʻa e ngaahi tokoua ʻo Siosifá, pea ko e hā naʻe ʻikai te nau ʻiloʻi ai iá?

7. Ko e hā ʻa e misi naʻe manatuʻi ʻe Siosifá, pea ko e hā naʻá ne tokoniʻi ia ke ne mahinoʻí?

Ngaahi fehuʻi fakalahi:

1. Lau ʻa e Sēnesi 41:1-57.

   1. (a) Naʻe anga-fēfē hono tataki ʻe Siosifa ʻa e tokangá kia Sihová, pea ʻi he founga fē ʻe lava ai ki he kau Kalisitiane he ʻaho ní ke nau faʻifaʻitaki ki heʻene faʻifaʻitakiʻangá? (Sēn. 41:16, 25, 28; Mt. 5:16; 1 Pita 2:12)

   2. (e) Naʻe anga-fēfē hono fakafaikehekeheʻi totonu ʻe he ngaahi taʻu mahu ʻo hoko atu ai ʻa e ngaahi taʻu honge ʻi ʻIsipité ʻa e tuʻunga fakalaumālie ʻo e kakai ʻa Sihova he ʻaho ní mo e kakai ko ia ʻo e Puleʻanga-Haʻa-Kalisitiané? (Sēn. 41:29, 30; Emosi 8:11, 12)

2. Lau ʻa e Sēnesi 42:1-8 mo e 50:20.

   ʻOku hala ke punou ʻa e kau lotu ʻa Sihová ki ha tangata ʻi hono fakalāngilangiʻi mo fakaʻapaʻapaʻi ʻa hono tuʻungá kapau ko e tōʻonga ia ʻa e fonuá? (Sēn. 42:6)

Talanoa 24

1. Ko e hā naʻe tukuakiʻi ai ʻe Siosifa ʻa hono ngaahi tokouá ko e kau sipaí?

2. Ko e hā naʻe tuku atu ai ʻe Sēkope ʻa hono foha siʻisiʻi taha ko Penisimaní ke ne ʻalu ki ʻIsipité?

3. Naʻe anga-fēfē ʻa e ʻi he tangai ʻa Penisimaní ʻa e ipu siliva ʻa Siosifá?

4. Ko e hā naʻe meʻaʻofa ʻaki ʻe Siuta ke ne fai ke tuku ange ai ʻa Penisimaní?

5. Kuo anga-fēfē ʻa e liliu ʻa e ngaahi tokoua ʻo Siosifá?

Ngaahi fehuʻi fakalahi:

1. Lau ʻa e Sēnesi 42:9-38.

   Kuo anga-fēfē ʻa e hoko ʻa e fakamatala ʻa Siosifa ʻi he Sēnesi 42:18 ko ha fakamanatu lelei ia ki he faʻahinga ʻoku ʻi ai honau fatongia ʻi he kautaha ʻa Sihová he ʻaho ní? (Nehe. 5:15; 2 Kol. 6:19-7:1 [2Ko 7:1, 2, PM])

2. Lau ʻa e Sēnesi 43:1-34.

   1. (a) Neongo ko Lūpeni ʻa e ʻuluaki fohá, ʻoku anga-fēfē ʻene hā mahino naʻe hoko ʻa Siuta ko e tokotaha-lea ia maʻa hono ngaahi tokouá? (Sēn. 43:3, 8, 9; 44:14, 18; 1 Kal. 5:2)

   2. (e) Naʻe anga-fēfē ʻa e hā mahino hono ʻahiʻahiʻi ʻe Siosifa ʻa hono ngaahi tokouá, pea ko e hā hono ʻuhingá? (Sēn. 43:33, 34)

3. Lau ʻa e Sēnesi 44:1-34.

   1. (a) ʻI he konga ʻo e faʻufaʻu ke fūfuuʻi ia mei hono ngaahi tokouá, naʻe anga-fēfē hono fakahaaʻi ia ʻe Siosifá? (Sēn. 44:5, 15; Liv. 19:26)

   2. (e) Naʻe anga-fēfē hono fakahāhā ʻe he ngaahi tokoua ʻo Siosifá naʻe mole atu he taimi ko ʻení ʻa honau laumālie meheka naʻe maʻu ki muʻa ki honau tokouá? (Sēn. 44:13, 33, 34)

Talanoa 25

1. Ko e hā naʻe hokó ʻi hono tala ange ʻe Siosifa ki hono ngaahi tokouá ko hai iá?

2. Ko e hā naʻe fakamatalaʻi anga-ʻofa ʻe Siosifa ki hono ngaahi tokouá?

3. Ko e hā naʻe leaʻaki ʻe Felo ʻi heʻene fanongo fekauʻaki mo e ngaahi tokoua ʻo Siosifá?

4. Naʻe tokolahi fēfē ʻa e fāmili ʻo Sēkopé ʻi heʻenau hiki ki ʻIsipité?

5. Ko e hā naʻe hoko ʻo uiʻaki ʻa e fāmili ʻo Sēkopé, pea ko e hā hono ʻuhingá?

Ongo fehuʻi fakalahi:

1. Lau ʻa e Sēnesi 45:1-28.

   ʻOku anga-fēfē hono fakahaaʻi ʻi he fakamatala Tohitapu fekauʻaki mo Siosifá ʻe lava ʻe Sihova ke ne liliu ʻa e meʻa ʻoku fakataumuʻa ke fakatupu maumau ki heʻene kau sevānití ki ha ola leleí? (Sēn. 45:5-8; ʻAi. 8:10; Fili. 1:12-14)

2. Lau ʻa e Sēnesi 46:1-27.

   Ko e hā ʻa e fakafiemālie naʻe fai ʻe Sihova kia Sēkope ʻi heʻene fononga ki ʻIsipité? (Sēn. 46:1-4, NW, lalo.)

Talanoa 26

1. Ko hai ʻa Siope?

2. Ko e hā naʻe feinga ʻa Sētane ke faí, ka naʻá ne lavameʻa?

3. Ko e hā naʻe fakangofua ʻe Sihova ʻa Sētane ke ne faí, pea ko e hā hono ʻuhingá?

4. Ko e hā naʻe tala ange ai ʻe he uaifi ʻo Siopé kiate ia ke ne ‘lau kovi ki he ʻOtuá ka ne maté’? (Sio ki he fakatātaá.)

5. Hangē ko ia ʻoku lava ke ke sio ki ai ʻi he fakatātā hono uá, naʻe anga-fēfē hono tāpuakiʻi ʻe Sihova ʻa Siopé pea ko e hā hono ʻuhingá?

6. Kapau ʻoku tau hangē ko Siopé ʻo angatonu kia Sihova, ko e hā ʻa e ngaahi tāpuaki te tau maʻú?

Ngaahi fehuʻi fakalahi:

1. Lau ʻa e Siope 1:1-22.

   ʻE lava fēfē ke faʻifaʻitaki kia Siope ʻa e kau Kalisitiane he ʻaho ní? (Siope 1:1; Fili. 2:15; 2 Pita 3:14)

2. Lau ʻa e Siope 2:1-13.

   ʻI he ongo founga faikehekehe fē naʻe taliʻaki ʻe Siope pea mo hono uaifí ki he fakatanga ʻa Sētané? (Siope 2:9, 10; Pal. 19:3; Mai. 7:7; Mal. 3:14)

3. Lau ʻa e Siope 42:10-17.

   1. (a) Ko e hā ʻa e ngaahi faitatau ʻi he vahaʻa ʻo e pale naʻe maʻu ʻe Siopé mo ia naʻe maʻu ʻe Sīsū ʻi ha ʻalunga moʻui angatonú? (Siope 42:12; Fili. 2:9-11)

   2. (e) ʻOku anga-fēfē hono fakalototoʻaʻi kitautolu ʻe he ngaahi tāpuaki naʻe maʻu ʻe Siope ʻi hono tauhi maʻu ʻa ʻene angatonu ki he ʻOtuá? (Siope 42:10, 12; Hep. 6:10; Sēm. 1:2-4, 12; 5:11)

Talanoa 27

1. ʻI he fakatātaá, ko hai ʻa e tangata mo e uipí pea ko hai ʻokú ne taá?

2. Hili ʻa e mate ʻa Siosifá, ko e hā naʻe hoko ki he kau ʻIsilelí?

3. Ko e hā naʻe hoko ai ʻo ilifia ʻa e kau ʻIsipité ki he kau ʻIsilelí?

4. Ko e hā ʻa e fekau naʻe fai ʻe Felo ki he ongo fefine naʻá na tokoni ki he kakai fefine ʻIsilelí ʻi heʻenau fāʻeleʻi ʻenau fānaú?

Ngaahi fehuʻi fakalahi:

1. Lau ʻa e ʻEkisoto 1:6-22.

   1. (a) ʻI he founga fē naʻe kamata ke fakahoko ai ʻe Sihova ʻa ʻene talaʻofa kia ʻĒpalahamé? (ʻEki. 1:7; Sēn. 12:2; Ng. 7:17)

   2. (e) Naʻe anga-fēfē ʻa e fakahaaʻi ʻe he ongo māʻuli Hepeluú ʻena ʻapasia ki he tuʻunga toputapu ʻo e moʻuí? (ʻEki. 1:17; Sēn. 9:6)

   3. (f) Naʻe anga-fēfē ʻa hono fakapaleʻi ʻa e ongo māʻulí ʻi heʻena angatonu kia Sihová? (ʻEki. 1:20, 21; Pal. 19:17)

   4. (h) Naʻe anga-fēfē ʻa e feinga ʻa Sētane ke mioʻi ʻa e taumuʻa ʻa Sihova fekauʻaki mo e Hako naʻe talaʻofa ʻo ʻĒpalahamé? (ʻEki. 1:22; Mt. 2:16)

Talanoa 28

1. Ko hai ʻa e kiʻi pēpē ʻi he fakatātaá, pea ko e tuhu ʻo hai ʻokú ne piki ki aí?

2. Ko e hā naʻe fai ʻe he faʻē ʻa Mōsesé ke fakahaofi ia mei hano tāmateʻí?

3. Ko hai ʻa e kiʻi taʻahine ʻi he fakatātaá, pea ko e hā naʻá ne faí?

4. ʻI he taimi naʻe ʻilo ai ʻe he ʻofefine ʻo Feló ʻa e kiʻi pēpeé, ko e hā naʻe fokotuʻu ange ʻe Meliamé?

5. Ko e hā naʻe tala ange ʻe he pilinisesí ki he faʻē ʻa Mōsesé?

Fehuʻi fakalahi:

1. Lau ʻa e ʻEkisoto 2:1-10.

   Ko e hā ʻa e faingamālie naʻe maʻu ʻe he faʻē ʻa Mōsesé ke akoʻi mo hīnoiʻi ai ʻa Mōsese lolotonga ʻene kei valevalé, pea ko e hā ʻa e faʻifaʻitakiʻanga ʻoku ʻomai ʻe he meʻá ni ki he ngaahi mātuʻa he ʻaho ní? (ʻEki. 2:9, 10; Teu. 6:6-9; Pal. 22:6; ʻEf. 6:4; 2 Tīm. 3:15)

Talanoa 29

1. Naʻe tupu hake ʻa Mōsesé ʻi fē, ka ko e hā naʻá ne ʻilo fekauʻaki mo ʻene ongo mātuʻá?

2. Ko e hā naʻe fai ʻe Mōsese ʻi heʻene taʻu 40?

3. Ko e hā naʻe leaʻaki ʻe Mōsese ki ha tangata ʻIsileli ʻa ia naʻe fuhu, pea ko e hā ʻa e tali naʻe fai ʻe he tangatá?

4. Ko e hā naʻe hola ai ʻa Mōsese mei ʻIsipité?

5. Naʻe hola ʻa Mōsesé ki fē, pea ko hai naʻá ne feʻiloaki mo ia ʻi aí?

6. Ko e hā naʻe fai ʻe Mōsese lolotonga ʻa e taʻu ʻe 40 hili ʻene hola mei ʻIsipité?

Ongo fehuʻi fakalahi:

1. Lau ʻa e ʻEkisoto 2:11-25.

   Neongo ʻa e ngaahi taʻu ʻo e ako ʻi he poto ʻo e kau ʻIsipité, naʻe anga-fēfē hono fakahaaʻi ʻe Mōsese ʻa ʻene mateaki kia Sihova mo hono kakaí? (ʻEki. 2:11, 12; Hep. 11:24)

2. Lau ʻa e Ngāue 7:22-29.

   Ko e hā ʻa e lēsoni ʻe lava ke tau ako mei he feinga ʻa Mōsese ʻiate ia pē ke ne fakahaofi ʻa ʻIsileli mei he nofo pōpula ʻi ʻIsipité? (Ng. 7:23-25; 1 Pita 5:6, 10)

Talanoa 30

1. Ko e hā ʻa e hingoa ʻo e moʻunga ʻi he fakatātaá?

2. Fakamatalaʻi ʻa e meʻa ngali kehe naʻe sio ki ai ʻa Mōsese ʻi heʻene ʻalu ki he moʻungá mo ʻene fanga sipí.

3. Ko e hā naʻe leaʻaki ʻe ha leʻo mei he loto ʻakau naʻe uló, pea ko e leʻó ʻo hai?

4. Naʻe anga-fēfē ʻa e tali ʻa Mōsesé ʻi hono tala ange ʻe he ʻOtuá kiate ia te ne tataki ʻa e kakai ʻa e ʻOtuá ki tuʻa mei ʻIsipité?

5. Ko e hā naʻe tala ange ʻe he ʻOtuá kia Mōsese ke ne leaʻaki kapau ʻe ʻeke ʻe he kakaí pe ko hai naʻá ne fekau mai iá?

6. Naʻe anga-fēfē ʻa e malava ke fakamoʻoniʻi ʻe Mōsese ko e ʻOtuá naʻá ne fekau mai iá?

Ngaahi fehuʻi fakalahi:

1. Lau ʻa e ʻEkisoto 3:1-22.

   ʻOku anga-fēfē hono ʻomai kiate kitautolu ʻe he meʻa naʻe hoko kia Mōsesé ʻa e loto-falala neongo kapau ʻoku tau ongoʻi taʻetaau ke fakahoko ha ngāue fakateokalati, ʻe tokoniʻi kitautolu ʻe Sihova? (ʻEki. 3:11, 13; 2 Kol. 3:5, 6)

2. Lau ʻa e ʻEkisoto 4:1-20.

   1. (a) Ko e hā ʻa e liliu ʻi he fakakaukau ʻa Mōsesé naʻe hoko lolotonga ʻa e taʻu ʻe 40 naʻá ne fakamoleki ʻi Mitianí, pea ko e hā ʻa e lēsoni ʻe lava ke ako mei he meʻá ni ʻe he faʻahinga ʻoku nau kakapa atu ki he ngaahi monū ʻi he fakatahaʻangá? (ʻEki. 2:11, 12; 4:10, 13; Mai. 6:8; 1 Tīm. 3:1, 6, 10)

   2. (e) Neongo kapau ʻoku akonakiʻi kitautolu ʻe Sihova fakafou ʻi heʻene kautahá, ko e hā ʻa e loto-falala ʻe lava ke ʻomai kiate kitautolu ʻi he faʻifaʻitakiʻanga ʻa Mōsesé? (ʻEki. 4:12-14; Sāme 103:14; Hep. 12:4-11)

Talanoa 31

1. Ko e hā ʻa e ola naʻe hoko ki he kau ʻIsilelí ʻi he ngaahi mana naʻe fakahoko ʻe Mōsese mo ʻĒloné?

2. Ko e hā naʻe tala ʻe Mōsese mo ʻĒlone kia Feló, pea koe hā ʻa e tali ʻa Feló?

3. Hangē ko ia ʻoku fakahaaʻi ʻi he fakatātaá, ko e hā naʻe hoko ʻi hono lī ki lalo ʻe ʻĒlone ʻa hono tokotokó?

4. Naʻe anga-fēfē hono akoʻi ʻe Sihova ha lēsoni kia Feló, pea naʻe anga-fēfē ʻa e tali ʻa Feló?

5. Ko e hā naʻe hoko hili ʻa e mala hono hongofulú?

Ngaahi fehuʻi fakalahi:

1. Lau ʻa e ʻEkisoto 4:27-31 mo e 5:1-23.

   Ko e hā naʻe ʻuhinga ki ai ʻa Felo ʻi heʻene pehē: “ʻOku ʻikai te u ʻilo ʻa Sihova”? (ʻEki. 5:2; 1 Sām. 2:12; Loma 1:21)

2. Lau ʻa e ʻEkisoto 6:1-13, 26-30.

   1. (a) ʻI he ʻuhinga fē naʻe ʻikai ʻai ai ʻe Sihova ke ʻiloʻi ia ʻe ʻĒpalahame, ʻAisake pea mo Sēkopé? (ʻEki. 3:13, 14; 6:3; Sēn. 12:8)

   2. (e) ʻOku ʻai kitautolu ke tau ongoʻi fēfē ʻi he ʻiloʻi naʻe kei ngāueʻaki pē ʻe Sihova ʻa Mōsese, neongo naʻe ongoʻi taʻetaau ʻa Mōsese ki he ngāue naʻe vaheʻi ange kiate iá? (ʻEki. 6:12, 30; Luke 21:13-15)

3. Lau ʻa e ʻEkisoto 7:1-13.

   1. (a) ʻI hono fakahoko loto-toʻa ʻe Mōsese mo ʻĒlone ʻa e ngaahi fakamaau ʻa Sihova kia Feló, ko e hā ʻa e sīpinga naʻá na fokotuʻu ki he kau sevāniti ʻa e ʻOtuá he ʻaho ní? (ʻEki. 7:2, 3, 6; Ng. 4:29-31)

   2. (e) Naʻe anga-fēfē hono fakahāhaaʻi ʻe Sihova ʻa hono mafai aoniú ki he ngaahi ʻotua ʻIsipité? (ʻEki. 7:12; 1 Kal. 29:12)

Talanoa 32

1. ʻI hono ngāueʻaki ʻa e fakatātā ʻoku fakahaaʻi hení, fakamatalaʻi ʻa e ʻuluaki mala ʻe tolu naʻe ʻoatu ʻe Sihova ki ʻIsipité.

2. Ko e hā ʻa e faikehekehe ʻi he vahaʻa ʻo e ʻuluaki mala ʻe tolú mo e toenga ʻo e ngaahi malá?

3. Ko e hā ʻa e mala hono fā, nima mo e onó?

4. Fakamatalaʻi ʻa e mala hono fitu, valu mo e hivá.

5. Ko e hā naʻe tala ʻe Sihova ki he kau ʻIsilelí ke nau fai ki muʻa ʻi he mala hono hongofulú?

6. Ko e hā ʻa e mala hono hongofulú, pea ko e hā naʻe hoko ʻi he hili iá?

Ngaahi fehuʻi fakalahi:

1. Lau ʻa e ʻEkisoto 7:19– 8:23.

   1. (a) Neongo naʻe malava ʻa e kau taulaʻeiki faimana ʻo ʻIsipité ke fakatatau ki he ʻuluaki ongo mala ʻa Sihová, ko e hā naʻe fakamālohiʻi ke nau fakahaaʻi ʻi he hili ʻa e mala hono tolú? (ʻEki. 8:18, 19; Mt. 12:24-28)

   2. (e) Naʻe anga-fēfē hono fakahāhā ʻi he mala hono faá ʻa e malava ʻa Sihova ke maluʻi ʻa hono kakaí, pea ʻoku anga-fēfē hono ʻai ʻe he ʻiloʻi ʻo e meʻá ni ʻa e ongoʻi ʻa e kakai ʻa e ʻOtuá ʻi heʻenau fehangahangai mo e “mamahi lahi” naʻe tomuʻa talá? (ʻEki. 8:22, 23; Fkh. 7:13, 14; 2 Kal. 16:9)

2. Lau ʻa e ʻEkisoto 8:24; 9:3, 6, 10, 11, 14, 16, 23-25; mo e 10:13-15, 21-23.

   1. (a) Ko e hā ʻa e ongo kulupu naʻe fakaeʻa ʻe he Mala ʻe Hongofulú, pea ʻoku anga-fēfē hono uesia ʻe he meʻá ni ʻetau vakai atu ki he ongo kulupu ko iá he ʻaho ní? (ʻEki. 8:10, 18, 19; 9:14)

   2. (e) ʻOku anga-fēfē hono tokoniʻi kitautolu ʻe he ʻEkisoto 9:16 ke tau mahinoʻi ʻa e ʻuhinga naʻe fakaʻatā ai ʻe Sihova ʻa Sētane ke ne kei ʻi ai ʻo aʻu mai ki he taimi ní? (Loma 9:21, 22)

3. Lau ʻa e ʻEkisoto 12:21-32.

   Naʻe anga-fēfē ʻa e ʻai ʻe he Pāsová ke malava ʻa e fakamoʻuí ki he tokolahi, pea ko e hā naʻe ʻuhinga ki ai ʻa e Pāsová? (ʻEki. 12:21-23; Sione 1:29; Loma 5:18, 19, 21; 1Ko 5:7)

Talanoa 33

1. Ko e kau tangata ʻIsileli ʻe toko fiha, fakataha mo e kakai fefine mo e fānau naʻe mavahe mei ʻIsipité, pea ko hai naʻe mavahe fakataha mo kinautolú?

2. Naʻe anga-fēfē ʻa e ongoʻi ʻa Felo ʻi he hili ʻene tuku ange ʻa e kau ʻIsilelí ke nau oó, pea ko e hā naʻá ne faí?

3. Ko e hā naʻe fai ʻe Sihova ke taʻofi ai ʻa e kau ʻIsipité mei hono ʻohofi ʻa hono kakaí?

4. Ko e hā naʻe hoko ʻi he taimi naʻe mafao atu ai ʻe Mōsese ʻa hono tokotokó ki he Tahi Kulokulá, pea ko e hā naʻe fai ʻe he kau ʻIsilelí?

5. Ko e hā naʻe hoko ʻi he taimi naʻe fakavave atu ai ʻa e kau ʻIsipité ki he loto tahí ʻi he tuli ki he kau ʻIsilelí?

6. Naʻe anga-fēfē hono fakahaaʻi ʻe he kau ʻIsilelí naʻa nau fiefia mo fakamālō kia Sihova ʻi heʻenau haó?

Ngaahi fehuʻi fakalahi:

1. Lau ʻa e ʻEkisoto 12:33-36.

   Naʻe anga-fēfē ʻa e ʻai ʻe Sihova ke toe totongi ki hono kakaí ʻa e kotoa ʻo honau ngaahi taʻu nofo pōpula ʻi he malumalu ʻo e kau ʻIsipité? (ʻEki. 3:21, 22; 12:35, 36)

2. Lau ʻa e ʻEkisoto 14:1-31.

   ʻOku anga-fēfē ʻa e kaunga ʻa e ngaahi lea ʻa Mōsese ʻoku lēkooti ʻi he ʻEkisoto 14:13, 14 ki he kau sevāniti ʻa Sihova he ʻaho ní ʻi heʻenau fehangahangai mo e tau ka hoko mai ʻo ʻĀmaketoné? (2 Kal. 20:17; Sāme 91:8)

3. Lau ʻa e ʻEkisoto 15:1-8, 20, 21.

   1. (a) Ko e hā ʻoku totonu ai ki he kau sevāniti ʻa Sihová ke nau hiva fakahīkihikiʻi iá? (ʻEki. 15:1, 2; Sāme 105:2, 3; Fkh. 15:3, 4)

   2. (e) Ko e hā ʻa e faʻifaʻitakiʻanga ʻi hono fakahīkihikiʻi ʻo Sihová naʻe fokotuʻu ʻe Meliame mo e kau fefine ʻi he Tahi Kulokulá ki he kau fefine Kalisitiane he ʻaho ní? (ʻEki. 15:20, 21; Sāme 68:11)

Talanoa 34

1. ʻI he fakatātaá, ko e hā ʻoku tufi ʻe he kakaí mei he kelekelé pea naʻe ui ia ko e hā?

2. Ko e hā ʻa e fakahinohino naʻe fai ʻe Mōsese ki he kakaí fekauʻaki mo hono tufi ʻo e maná?

3. Ko e hā naʻe tala ʻe Sihova ki he kakaí ke nau fai ʻi he ʻaho hono onó, pea ko e hā hono ʻuhingá?

4. Ko e hā ʻa e mana naʻe fakahoko ʻe Sihova ʻi he taimi naʻe tauhi ai ʻa e maná ki he ʻaho hono fitú?

5. Ko e hā ʻa e fuoloa ʻo hono fafanga ʻe Sihova ʻa e kakaí ʻaki ʻa e maná?

Ngaahi fehuʻi fakalahi:

1. Lau ʻa e ʻEkisoto 16:1-36 mo e Nōmipa 11:7-9.

   1. (a) Ko e hā ʻoku fakahaaʻi ʻe he ʻEkisoto 16:8 fekauʻaki mo e fiemaʻu kiate kitautolu ke tokaʻi ʻa e ngaahi tuʻunga fakateokalati ʻi he fakatahaʻanga Kalisitiané? (Hep. 13:17)

   2. (e) ʻI he toafá, naʻe anga-fēfē hono fakamanatu fakaʻaho ki he kau ʻIsilelí ʻa ʻenau fakafalala kia Sihová? (ʻEki. 16:14-16, 35; Teu. 8:2, 3)

   3. (f) Ko e hā ʻa e ʻuhinga fakaefakatātā naʻe ʻoange ʻe Sīsū ki he maná, pea ʻoku anga-fēfē ʻetau maʻu ʻaonga mei he “mā [ko eni] mei he langi”? (Sione 6:31-35, 40)

2. Lau ʻa e Siōsiua 5:10-12.

   Naʻe feʻunga mo e taʻu ʻe fiha ʻa e kai mana ʻa ʻIsilelí, naʻe anga-fēfē hono ʻahiʻahiʻi heni kinautolú, pea ko e hā ʻe lava ke tau ako mei he fakamatala ko ení? (ʻEki. 16:35; Nōm. 11:4-6; 1Kol. 10:10, 11)

Talanoa 35

1. Naʻe ʻapitanga ʻi fē ʻa e kau ʻIsilelí ʻi he māhina nai ʻe ua hili ʻenau mavahe mei ʻIsipité?

2. Ko e hā naʻe leaʻaki ʻe Sihova naʻá ne loto ke fai ʻe he kakaí, pea ko e hā ʻenau talí?

3. Ko e hā naʻe ʻoange ai ʻe Sihova kia Mōsese ʻa e ongo maka lafalafá?

4. Tuku kehe ʻa e Fekau ʻe Hongofulú, ko e hā ʻa e ngaahi lao kehe naʻe ʻoange ʻe Sihova ki he kau ʻIsilelí?

5. Ko e hā ʻa e ongo lao naʻe pehē ʻe Sīsū Kalaisi ʻoku lahi tahá?

Ongo fehuʻi fakalahi:

1. Lau ʻa e ʻEkisoto 19:1-25; 20:1-21; 24:12-18; mo e 31:18.

   ʻOku anga-fēfē hono tokoniʻi kitautolu ʻe he ngaahi lea ʻoku lēkooti ʻi he ʻEkisoto 19:8 ke tau mahinoʻi ʻa e meʻa ʻoku kau ki hono fai ha fakatapui faka-Kalisitiané? (Mt. 16:24; 1 Pita 4:1-3)

2. Lau ʻa e Teutalōnome 6:4-6; Livitikō 19:18; mo e Mātiu 22:36-40.

   ʻOku anga-fēfē hono fakahāhā ʻe he kau Kalisitiané ʻenau ʻofa ki he ʻOtuá mo e kaungāʻapí? (Mk. 6:34; Ng. 4:20; Loma 15:2)

Talanoa 36

1. ʻI he fakatātaá, ko e hā ʻoku fai ʻe he kakaí, pea ko e hā hono ʻuhingá?

2. Ko e hā naʻe ʻita ai ʻa Sihová, pea ko e hā naʻe fai ʻe Mōsese ʻi heʻene sio ki he meʻa naʻe fai ʻe he kakaí?

3. Ko e hā naʻe tala ʻe Mōsese ki he kau tangata ʻe niʻihi ke nau faí?

4. Ko e hā ʻa e lēsoni ʻoku totonu ke akoʻi mai kiate kitautolu ʻe he talanoa ko ʻení?

Ngaahi fehuʻi fakalahi:

1. Lau ʻa e ʻEkisoto 32:1-35.

   1. (a) ʻOku anga-fēfē hono fakahāhā ʻi he talanoa ko ení ʻa e fakakaukau ʻa Sihova ki hono fio ʻa e lotu loí mo e lotu moʻoní? (ʻEki. 32:4-6, 10; 1 Kol. 10:7, 11)

   2. (e) Ko e hā ʻa e tokanga ʻoku totonu ke fai ʻe he kau Kalisitiané ʻi heʻenau fili ʻo e fakafiefiá, hangē ko e hivá mo e hulá? (ʻEki. 32:18, 19; ʻEf. 5:15, 16; 1 Sione 2:15-17)

   3. (f) Naʻe anga-fēfē hono ʻomai ʻe he matakali Līvaí ha faʻifaʻitakiʻanga lelei ʻi he tuʻu maʻá e māʻoniʻoní? (ʻEki. 32:25-28; Sāme 18:25)

Talanoa 37

1. Naʻe ui ko e hā ʻa e fale ʻi he fakatātā ko ení, pea naʻe ngāueʻaki ia ki he hā?

2. Ko e hā naʻe tala ai ʻe Sihova kia Mōsese ke ne ngaohi ha tēniti ʻa ia ʻe lava ke faingofua hono vetekí?

3. Ko e hā ʻa e puha ʻi he kiʻi loki ʻi he ngataʻanga ʻo e tēnití, pea ko e hā naʻe ʻi he puhá?

4. Ko hai naʻe fili ʻe Sihova ke hoko ko e taulaʻeiki lahí, pea ko e hā naʻe fai ʻe he taulaʻeiki lahí?

5. ʻOmai ʻa e hingoa ʻo e meʻa ʻe tolu ʻi he loki lahi ʻo e tēnití.

6. Ko e hā ʻa e ongo meʻa naʻe ʻi he lotoʻā ʻo e tāpanekalé, pea naʻe ngāueʻaki kinaua ki he hā?

Ngaahi fehuʻi fakalahi:

1. Lau ʻa e ʻEkisoto 25:8-40; 26:1-37; 27:1-8; mo e 28:1.

   Ko e hā naʻe fakafofongaʻi ʻe he ongo selupimi ʻo e “aake fakamoʻoniʻanga”? (ʻEki. 25:20, 22; Nōm. 7:89; 2 Tuʻi 19:15)

2. Lau ʻa e ʻEkisoto 30:1-10, 17-21; 34:1, 2; mo e Hepelū 9:1-5.

   1. (a) Ko e hā naʻe fakamamafaʻi ai ʻe Sihova ʻa e mahuʻinga ʻo hono tauhi maʻu ʻa e maʻa fakaesinó ki he kau taulaʻeiki naʻe ngāue ʻi he tāpanekalé, pea ʻoku totonu ke fēfē ʻene kaunga kiate kitautolu he ʻaho ní? (ʻEki. 30:18-21; 40:30, 31; Hep. 10:22)

   2. (e) Naʻe anga-fēfē hono fakahāhā ʻe he ʻapositolo ko Paulá ko e tāpanekalé mo e Lao fuakavá naʻe ʻikai kei ngāueʻaki ia ʻi he taimi naʻá ne fai ai ʻene tohi ki he kau Kalisitiane Hepeluú? (Hep. 9:1, 9; 10:1)

Talanoa 38

1. Ko e hā ʻokú ke fakatokangaʻi fekauʻaki mo e fuhinga kālepi ʻi he fakatātaá, pea naʻe ʻomai ia mei fē?

2. Ko e hā naʻe fekau atu ai ʻe Mōsese ha kau sipai ʻe toko 12 ki he fonua ko Kēnaní?

3. Ko e hā naʻe tala ʻe he kau sipai ʻe toko 10 ʻi heʻenau foki ʻo līpooti kia Mōsesé?

4. Naʻe anga-fēfē hono fakahāhā ʻe he ongo sipai ʻe toko uá ʻa e falala kia Sihová, pea ko hai hona hingoá?

5. Ko e hā naʻe ʻita ai ʻa Sihová, pea ko e hā naʻá ne tala kia Mōsesé?

Ngaahi fehuʻi fakalahi:

1. Lau ʻa e Nōmipa 13:1-33.

   1. (a) Ko hai naʻe fili ke nau sipai ki he fonuá, pea ko e hā ʻa e faingamālie mahuʻinga naʻa nau maʻú? (Nōm. 13:2, 3, 18-20)

   2. (e) Ko e hā naʻe kehe ai ʻa e vakai ʻa Siōsiua mo Kēlepí mei he kau sipai kehé, pea ko e hā ʻoku akoʻi mai ʻe he meʻá ni kiate kitautolú? (Nōm. 13:28-30; Mt. 17:20; 2 Kol. 5:7)

2. Lau ʻa e Nōmipa 14:1-38.

   1. (a) Ko e hā ʻa e fakatokanga fekauʻaki mo e lāunga ki he kau fakafofonga fakamāmani ʻo Sihová ʻoku totonu ke tau tokanga ki aí? (Nōm. 14:2, 3, 27; Mt. 25:40, 45; 1 Kol. 10:10)

   2. (e) ʻOku anga-fēfē hono fakahaaʻi ʻi he Nōmipa 14:24 ʻoku mahuʻingaʻia fakafoʻituitui ʻa Sihova ʻi heʻene kau sevānití taki taha? (1 Tuʻi 19:18; Pal. 15:3)

Talanoa 39

1. Ko hai naʻe angatuʻu ki he tuʻunga mafai ʻo Mōsese mo ʻĒloné, pea ko e hā naʻa nau leaʻaki kia Mōsesé?

2. Ko e hā naʻe tala ange ʻe Mōsese kia Kola mo hono kau muimui ʻe toko 250 ke nau faí?

3. Ko e hā naʻe leaʻaki ʻe Mōsese ki he kakaí, pea ko e hā naʻe hoko ʻi he hili pē ʻene leá?

4. Ko e hā naʻe hoko kia Kola mo hono kau muimui ʻe toko 250?

5. Ko e hā naʻe fai ʻe ʻEliesa ko e foha ʻo ʻĒloné ki he ngaahi ʻaiʻanga afi ʻa e kau tangata maté, pea ko e hā hono ʻuhingá?

6. Ko e hā naʻe ʻai ai ʻe Sihova ʻa e tokotoko ʻo ʻĒloné ke tupu ai ʻa e ngaahi matalaʻiʻakaú? (Sio ki he fakatātaá.)

Ngaahi fehuʻi fakalahi:

1. Lau ʻa e Nōmipa 16:1-49.

   1. (a) Ko e hā naʻe fai ʻe Kola mo hono kau muimuí, pea ko e hā naʻe hoko ai ia ko ha ngāue angatuʻu kia Sihová? (Nōm. 16:9, 10, 18; Liv.10:1, 2; Pal. 11:2)

   2. (e) Ko e hā ʻa e fakakaukau hala naʻe fakatupulekina ʻe Kola mo e toko 250 ko e “houʻeiki ʻo e fakataha”? (Nōm. 16:1-3; Pal. 15:33; ʻAi. 49:7)

2. Lau ʻa e Nōmipa 17:1-11 mo e 26:10.

   1. (a) Ko e hā naʻe fakahaaʻi ʻe he talamuka ʻa e tokotoko ʻo ʻĒloné, pea ko e hā naʻe fakahinohino ai ʻe Sihova ke tauhi ia ʻi he ʻaʻaké? (Nōm. 17:5, 8, 10)

   2. (e) Ko e hā ʻa e lēsoni mātuʻaki mahuʻinga ʻe lava ke tau ako mei he fakaʻilonga ʻo e tokotoko ʻo ʻĒloné? (Nōm. 17:10; Ng. 20:28; Fili. 2:14; Hep. 13:17)

Talanoa 40

1. Naʻe anga-fēfē hono tokangaʻi ʻe Sihova ʻa e kau ʻIsilelí lolotonga ʻenau ʻi he toafá?

2. Ko e hā ʻa e lāunga naʻe fai ʻe he kau ʻIsilelí ʻi heʻenau ʻapitanga ʻi Kētesí?

3. Naʻe anga-fēfē hono tokonaki mai ʻe Sihova ʻa e vai ki he kakaí mo ʻenau fanga manú?

4. ʻI he fakatātaá, ko hai ʻa e tangata ʻoku tuhu kiate iá, pea ko e hā naʻá ne fai ai iá?

5. Ko e hā naʻe ʻita ai ʻa Sihova kia Mōsese mo ʻĒloné, pea naʻe anga-fēfē hono tauteaʻi kinauá?

6. Ko e hā naʻe hoko ʻi Moʻunga Hoá, pea ko hai naʻe hoko ko e taulaʻeiki lahi ʻo ʻIsilelí?

Ngaahi fehuʻi fakalahi:

1. Lau ʻa e Nōmipa 20:1-13, 22-29 mo e Teutalōnome 29:5.

   1. (a) Ko e hā ʻoku tau ako mei he founga hono tokangaʻi ʻe Sihova ʻa e kau ʻIsilelí ʻi he toafá? (Teu. 29:5; Mt. 6:31; Hep. 13:5; Sem. 1:17)

   2. (e) Naʻe anga-fēfē ʻa e vakai ʻa Sihova ki he ʻikai malava ʻa Mōsese mo ʻĒlone ke na fakatāpuhaaʻi ia ʻi he ʻao ʻo ʻIsilelí? (Nōm. 20:12; 1 Kol. 10:12; Fkh. 4:11)

   3. (f) Ko e hā ʻoku lava ke tau ako mei he anga ʻo e tali ʻa Mōsese ki he akonaki naʻá ne maʻu meia Sihová? (Nōm. 12:3; 20:12, 27, 28; Teu. 32:4; Hep. 12:7-11)

Talanoa 41

1. ʻI he fakatātaá, ko e hā ʻoku takatakai ʻi he fuʻu poú, pea ko e hā naʻe tala ai ʻe Sihova kia Mōsese ke fokotuʻu ia ʻi aí?

2. Naʻe anga-fēfē ʻa e ʻikai houngaʻia ʻa e kakaí ki he meʻa kotoa naʻe fai ʻe he ʻOtuá maʻanautolú?

3. Ko e hā naʻe kole ʻe he kakaí kia Mōsese ke ne fai hili hono fekauʻi mai ʻe Sihova ʻa e fanga ngata kona ke tautea ʻaki kinautolú?

4. Ko e hā naʻe tala ai ʻe Sihova kia Mōsese ke ne ngaohi ha ngata palasá?

5. Ko e hā ʻa e lēsoni ʻe lava ke tau ako mei he talanoa ko ení?

Ngaahi fehuʻi fakalahi:

1. Lau ʻa e Nōmipa 21:4-9.

   1. (a) Ko e hā ʻa e fakatokanga ʻoku ʻomai kiate kitautolu ʻi he lāunga ʻa ʻIsileli fekauʻaki mo e ngaahi tokonaki meia Sihová? (Nōm. 21:5, 6; Loma 2:4)

   2. (e) ʻI he ngaahi senituli ki muí, naʻe anga-fēfē hono ngāueʻaki ʻe he kau ʻIsilelí ʻa e ngata palasá, pea ko e hā ʻa e meʻa naʻe fai ʻe Tuʻi Hesekaiá? (Nōm. 21:9; 2 Tuʻi 18:1-4)

2. Lau ʻa e Sione 3:14, 15.

   Naʻe anga-fēfē hono fakatātaaʻi lelei ʻa hono tutuki ʻo Sīsū Kalaisí ʻe hono fokotuʻu ʻa e ngata palasá ʻi ha fuʻu pou fakaʻilongá? (Kal. 3:13; 1 Pita 2:24)

Talanoa 42

1. Ko hai ʻa Pēlaki pea ko e hā naʻá ne fekau ai kia Pēlamí?

2. Ko e hā naʻe tokoto ai ʻa e ʻasi ʻa Pēlamí ʻi he halá?

3. Ko e hā naʻe fanongo ʻa Pēlami naʻe leaʻaki ʻe he ʻasí?

4. Ko e hā naʻe leaʻaki ʻe ha ʻāngelo kia Pēlamí?

5. Ko e hā naʻe hoko ʻi he feinga ʻa Pēlami ke fakamalaʻiaʻi ʻa ʻIsilelí?

Ngaahi fehuʻi fakalahi:

1. Lau ʻa e Nōmipa 21:21-35.

   Ko e hā naʻe ikunaʻi ai ʻe ʻIsileli ʻa Tuʻi Sīhoni ʻo e kau ʻĀmolí pea mo Tuʻi ʻOki ʻo Pēsaní? (Nōm. 21:21, 23, 33, 34)

2. Lau ʻa e Nōmipa 22:1-40.

   Ko e hā ʻa e taumuʻa ʻa Pēlami ʻi heʻene feinga ke fakamalaʻiaʻi ʻa ʻIsilelí, pea ko e hā ʻa e ngaahi lēsoni ʻoku lava ke tau maʻu mei hení? (Nōm. 22:16, 17; Pal. 6:16, 18; 2 Pita 2:15; Siu. 11)

3. Lau ʻa e Nōmipa 23:1-30.

   Neongo naʻe talanoa ʻa Pēlami ʻo hangē ko ha tokotaha lotu ia kia Sihová, naʻe anga-fēfē hono fakahāhā ʻi heʻene ngāué ʻa e meʻa ia ʻoku kehé? (Nōm. 23:3, 11-14; 1 Sām. 15:22)

4. Lau ʻa e Nōmipa 24:1-25.

   ʻOku anga-fēfē hono fakaivimālohiʻi ʻe he fakamatala Tohitapu ko ení ʻa ʻetau tui ki hono fakahoko ʻo e taumuʻa ʻa Sihová? (Nōm. 24:10; ʻAi. 54:17)

Talanoa 43

1. ʻI he fakatātaá, ko hai ʻa e ongo tangata ʻokú na tuʻu mo Mōsesé?

2. Ko e hā naʻe tala ʻe Sihova kia Siōsiuá?

3. Ko e hā naʻe kaka ai ʻa Mōsese ki he tumutumu ʻo e Moʻunga ko Nepó, pea ko e hā naʻe tala ange ʻe Sihova kiate iá?

4. Naʻe taʻu fiha ʻa Mōsese ʻi heʻene maté?

5. Ko e hā naʻe loto-mamahi ai ʻa e kakaí, ka ko e hā ʻa e ʻuhinga ke nau fiefia aí?

Ngaahi fehuʻi fakalahi:

1. Lau ʻa e Nōmipa 27:12-23.

   Ko e hā ʻa e ngāue mamafa naʻe maʻu ʻe Siōsiua meia Sihová, pea ʻoku anga-fēfē hono fakahaaʻi ʻa e tokanga ʻa Sihova ki Hono kakaí ʻi he ʻaho ní? (Nōm. 27:15-19; Ng. 20:28; Hep. 13:7)

2. Lau ʻa e Teutalōnome 3:23-29.

   Ko e hā naʻe ʻikai fakaʻatā ai ʻe Sihova ʻa Mōsese mo ʻĒlone ke na kolosi ki he fonua ʻo e talaʻofá, pea ko e hā ʻa e lēsoni ʻe lava ke tau ako mei hení? (Teu. 3:25-27; Nōm. 20:12, 13)

3. Lau ʻa e Teutalōnome 31:1-8, 14-23.

   ʻOku anga-fēfē hono fakahaaʻi ʻi he lea māvae ʻa Mōsese ki ʻIsilelí naʻá ne tali fakatōkilalo ʻa e akonaki meia Sihová? (Teu. 31:6-8, 23)

4. Lau ʻa e Teutalōnome 32:45-52.

   ʻOku totonu ke fēfē ʻa hono laveʻi ʻetau moʻuí ʻe he Folofola ʻa e ʻOtuá? (Teu. 32:47; Liv. 18:5; Hep. 4:12)

5. Lau ʻa e Teutalōnome 34:1-12.

   Neongo naʻe ʻikai ke sio hangatonu ʻa Mōsese ki he tokotaha tonu ko Sihová, ko e hā ʻoku fakahaaʻi ʻi he Teutalōnome 34:10 ʻo fekauʻaki mo hono vahaʻangatae mo Sihová? (ʻEki. 33:11, 20; Nōm. 12:8)

Talanoa 44

1. Naʻe nofo ʻa Lēhapí ʻi fē?

2. Ko hai ʻa e ongo tangata ʻi he fakatātaá, pea ko e hā naʻá na ʻi Sielikō aí?

3. Ko e hā naʻe fekauʻi ʻe he tuʻi ʻo Sielikoó ʻa Lēhapi ke ne faí, pea ko e hā ʻa e tali naʻá ne faí?

4. Naʻe anga-fēfē hono tokoniʻi ʻe Lēhapi ʻa e ongo tangatá, pea ko e hā ʻa e lelei naʻá ne kole maʻaná?

5. Ko e hā ʻa e talaʻofa naʻe fai ʻe he ongo sipaí kia Lēhapí?

Ongo fehuʻi fakalahi:

1. Lau ʻa e Siōsiua 2:1-24.

   Naʻe anga-fēfē hono fakahoko ʻa e talaʻofa ʻa Sihova naʻe lēkooti ʻi he ʻEkisoto 23:28 ʻi he taimi naʻe haʻu ai ʻa e kau ʻIsilelí ki Sielikoó? (Siōs. 2:9-11)

2. Lau ʻa e Hepelū 11:31.

   ʻOku anga-fēfē hono fakamamafaʻi ʻi he faʻifaʻitakiʻanga ʻa Lēhapí ʻa e mahuʻinga ʻo e tuí? (Loma 1:17; Hep. 10:39; Sēm. 2:25)

Talanoa 45

1. Ko e hā ʻa e mana naʻe fakahoko ʻe Sihova koeʻuhi ke lava ai ʻo kolosi ʻa e kau ʻIsilelí ʻi he Vaitafe Sioataní?

2. Ko e hā ʻa e ngāue ʻo e tuí naʻe pau ke fakahoko ʻe he kau ʻIsilelí koeʻuhi ke nau kolosi ʻi he Vaitafe Sioataní?

3. Ko e hā naʻe tala ai ʻe Sihova kia Siōsiua ke ne tānaki ʻa e maka lalahi ʻe 12 mei he tafeʻanga ʻo e vaitafé?

4. Ko e hā naʻe hoko ʻi he taimi pē naʻe ʻalu hake ai ʻa e kau taulaʻeikí mei Sioataní?

Ngaahi fehuʻi fakalahi:

1. Lau ʻa e Siōsiua 3:1-17.

   1. (a) Hangē ko ia naʻe fakatātaaʻi ʻi he fakamatala ko ení, ko e hā ʻoku fiemaʻu ke tau fai koeʻuhi ke maʻu ai ʻa e tokoni mo e tāpuaki ʻa Sihová? (Siōs. 3:13, 15; Pal. 3:5; Sēm. 2:22, 26)

   2. (e) Ko e hā ʻa e tuʻunga ʻo e Vaitafe Sioataní ʻi he taimi naʻe kolosi ai ʻa e kau ʻIsilelí ki he Fonua ʻo e Talaʻofá, pea naʻe anga-fēfē hono fakavīkivikiʻi ʻe he meʻá ni ʻa e huafa ʻo Sihová? (Siōs. 3:15; 4:18; Sāme 66:5-7)

2. Lau ʻa e Siōsiua 4:1-18.

   Ko e hā ʻa e taumuʻa naʻe fakahoko ʻe he maka ʻe 12 naʻe ʻave mei Sioatani ʻo fokotuʻu ʻi Kilikalí? (Siōs. 4:4-7)

Talanoa 46

1. Ko e hā naʻe tala ʻe Sihova ki he kau tangata taú mo e kau taulaʻeikí ke nau fai ʻi he ʻaho ʻe onó?

2. Ko e hā naʻe fiemaʻu ke fai ʻe he kau tangatá ʻi he ʻaho hono fitú?

3. Hangē ko ia ʻokú ke sio ki ai ʻi he fakatātaá, ko e hā ʻoku hoko ki he ngaahi ʻā ʻo Sielikoó?

4. Ko e hā ʻoku tautau ai ʻa e afo kulokulá ʻi he matapaá?

5. Ko e hā naʻe tala ʻe Siōsiua ki he kau tangata taú ke nau fai ki he kakaí mo e koló, kae fēfē ʻa e silivá, koulá, kopá mo e ukameá?

6. Ko e hā naʻe tala ki he ongo sipaí ke na faí?

Ongo fehuʻi fakalahi:

1. Lau ʻa e Siōsiua 6:1-25.

   1. (a) ʻOku anga-fēfē ʻa e meimei tatau ʻa e laka takatakai ʻa e kau ʻIsilelí ʻi Sielikō ʻi hono ʻaho fitú mo e ngāue fakamalanga ʻa e Kau Fakamoʻoni ʻa Sihová ʻi he ngaahi ʻaho fakaʻosi ko ʻení? (Siōs. 6:15, 16; ʻAi. 60:22; Mt. 24:14; 1 Kol. 9:16)

   2. (e) Naʻe anga-fēfē hono fakahoko ʻa e kikite naʻe lēkooti ʻi he Siōsiua 6:26 ʻi he taʻu nai ʻe 500 ki muí, pea ko e hā ʻoku akoʻi mai ʻe he meʻá ni kiate kitautolu fekauʻaki mo e folofola ʻa Sihová? (1 Tuʻi 16:34; ʻAi. 55:11)

Talanoa 47

1. ʻI he fakatātaá, ko hai ʻa e tangata ʻokú ne tanu ʻa e koloa naʻe ʻave mei Sielikoó, pea ko hai ʻa e faʻahinga ʻoku nau tokoniʻi iá?

2. Ko e hā naʻe mātuʻaki mamafa ai ʻa e meʻa naʻe fai ʻe ʻĀkani mo hono fāmilí?

3. Ko e hā naʻe leaʻaki ʻe Sihova ʻi he taimi naʻe ʻeke ai ʻe Siōsiua ʻa e ʻuhinga naʻe foʻi ai ʻa e kau ʻIsilelí ʻi he tau ʻi ʻAí?

4. Hili hono ʻomai ʻo ʻĀkani mo hono fāmilí kia Siōsiuá, ko e hā naʻe hoko kiate kinautolú?

5. Ko e hā ʻa e lēsoni mahuʻinga ʻoku akoʻi mai kiate kitautolu ʻe he fakamāuʻi ʻo ʻĀkaní?

Ngaahi fehuʻi fakalahi:

1. Lau ʻa e Siōsiua 7:1-26.

   1. (a) Ko e hā naʻe fakahaaʻi ʻi he lotu ʻa Siōsiuá fekauʻaki mo hono vahaʻangatae mo hono Tokotaha-Fakatupú? (Siōs. 7:7-9; Sāme 119:145; 1 Sione 5:14)

   2. (e) Ko e hā ʻoku fakahaaʻi ʻi he faʻifaʻitakiʻanga ʻa ʻĀkaní, pea ʻoku anga-fēfē ʻa e hoko eni ko e fakatokanga kiate kitautolú? (Siōs. 7:11, 14, 15; Pal. 15:3; 1 Tīm. 5:24; Hep. 4:13)

2. Lau ʻa e Siōsiua 8:1-29.

   Ko e hā ʻa e fatongia fakafoʻituitui ʻoku tau maʻu ki he fakatahaʻanga Kalisitiane he ʻaho ní? (Siōs. 7:13; Liv. 5:1; Pal. 28:13)

Talanoa 48

1.  1. ʻOku anga-fēfē ʻa e kehe ʻa e kakai Kipioné mei he kau Kēnani ʻi he ngaahi kolo ofi maí?

2.  2. Hangē ko ia ʻoku fakahaaʻi ʻi he fakatātaá, ko e hā naʻe fai ʻe he kau Kipioné, pea ko e hā hono ʻuhingá?

3.  3. Ko e hā ʻa e talaʻofa naʻe fai ʻe Siōsiua mo e kau taki ʻIsilelí ki he kau Kipioné, ka ko e hā naʻa nau ʻiloʻi ʻi he ʻaho ʻe tolu ki mui aí?

4.  4. Ko e hā naʻe hoko ʻi he taimi naʻe fanongo ai ʻa e ngaahi tuʻi ʻi he ngaahi kolo kehé kuo fakamelino ʻa e kau Kipioné mo ʻIsilelí?

Ngaahi fehuʻi fakalahi:

1. Lau ʻa e Siōsiua 9:1-27.

   1. (a) Koeʻuhi naʻe fakahinohinoʻi ʻe Sihova ʻa e puleʻanga ʻIsilelí ‘ke fakaʻauha ʻi honau ʻaó ʻa e kakai kotoa ʻoku nofo ʻi he fonuá,’ ko e hā ʻa e ngaahi ʻulungāanga naʻe fakamamafaʻi ʻi heʻene fakahaofi ʻa e kau Kipioné? (Siōs. 9:22, 24; Mt. 9:13; Ng. 10:34, 35; 2 Pita 3:9)

   2. (e) ʻI he pipiki ki he fuakava naʻá ne fai mo e kau Kipioné, naʻe anga-fēfē hono fokotuʻu ʻe Siōsiua ha faʻifaʻitakiʻanga lelei ki he kau Kalisitiane he ʻaho ní? (Siōs. 9:18, 19; Mt. 5:37; ʻEf. 4:25)

2. Lau ʻa e Siōsiua 10:1-5.

   ʻOku anga-fēfē ʻa e faʻifaʻitaki ʻa e fuʻu kakai lahi he ʻaho ní ki he kau Kipioné, ʻo nau hoko ai ko e ngaahi tāketi ki he hā? (Siōs. 10:4; Sak. 8:23; Mt. 25:35-40; Fkh. 12:17)

Talanoa 49

1. ʻI he fakatātaá, ko e hā ʻoku leaʻaki ʻe Siōsiuá, pea ko e hā hono ʻuhingá?

2. Naʻe anga-fēfē hono tokoniʻi ʻe Sihova ʻa Siōsiua mo ʻene kau tangata taú?

3. Ko e ngaahi tuʻi fakafili ʻe fiha naʻe ikunaʻi ʻe Siōsiuá, pea ko e hā hono lōloá?

4. Ko e hā naʻe vahevahe ai ʻe Siōsiua ʻa e fonua ko Kēnaní?

5. Naʻe taʻu fiha ʻa Siōsiua ʻi heʻene maté, pea ko e hā naʻe hoko ki he kakaí ʻi he hili iá?

Ngaahi fehuʻi fakalahi:

1. Lau ʻa e Siōsiua 10:6-15.

   ʻI hono ʻiloʻi naʻe ʻai ʻe Sihova ke tuʻumaʻu ʻa e laʻaá mo e māhiná ki ʻIsilelí, ko e hā ʻa e falala ʻoku tau maʻu he ʻaho ní? (Siōs. 10:8, 10, 12, 13; Sāme 18:3; Pal. 18:10)

2. Lau ʻa e Siōsiua 12:7-24.

   Ko hai moʻoni naʻe tupu mei ai ʻa hono ikunaʻi ʻo e ngaahi tuʻi ʻe 31 ʻi Kēnaní, pea ko e hā ʻoku mahuʻinga ai eni kiate kitautolu he ʻaho ní? (Siōs. 12:7; 24:11-13; Teu. 31:8; Luke 21:9, 25-28)

3. Lau ʻa e Siōsiua 14:1-5.

   Naʻe anga-fēfē ʻa hono vahevahe ʻa e fonuá ʻi he haʻohaʻonga ʻo e ngaahi matakali ʻIsilelí, pea ko e hā ʻoku fakahaaʻi ʻe he meʻá ni fekauʻaki mo e ngaahi tofiʻa ʻi he Palataisí? (Siōs. 14:2; ʻAi. 65:21; ʻIsi. 47:21-23; 1 Kol. 14:33)

4. Lau ʻa e Fakamaau 2:8-13.

   ʻI he hangē ko Siōsiua ʻi ʻIsilelí, ko hai ʻi he ʻahó ni ʻoku ngāue ko ha taʻotaʻofi ʻo e tafoki mei he moʻoní? (Fkm. 2:8, 10, 11; Mt. 24:45-47; 2 Tes. 2:3-6; Tai. 1:7-9; Fkh. 1:1; 2:1, 2)

Talanoa 50

1. Ko hai ʻa e kau fakamāú, pea ko hai ʻa e hingoa ʻo e niʻihi ʻo kinautolu?

2. Ko e hā ʻa e monū makehe naʻe maʻu ʻe Tēpolá, pea ko e hā naʻe kau ki hení?

3. ʻI he taimi naʻe fakamanamanaʻi ai ʻa ʻIsileli ʻe Tuʻi Siapini mo ʻene pule kau tau ko Sīselá, ko e hā ʻa e pōpoaki meia Sihova naʻe ʻoange ʻe Tēpola kia Fakamaau Pēlaké, pea ko hai naʻá ne pehē ʻe tuku ki ai ʻa e ongoongo leleí?

4. Naʻe anga-fēfē hono fakahāhā ʻe Siaili ko ha fefine loto-toʻa iá?

5. Ko e hā naʻe hoko hili ʻa e mate ʻa Tuʻi Siapiní?

Ngaahi fehuʻi fakalahi:

1. Lau ʻa e Fakamaau 2:14-22.

   Naʻe anga-fēfē hono ʻomai ʻe he kau ʻIsilelí kiate kinautolu ʻa e houhau ʻa Sihová, pea ko e hā ʻa e lēsoni ʻe lava ke tau ako mei he meʻá ni? (Fkm. 2:20; Pal. 3:1, 2; ʻIsi. 18:21-23)

2. Lau ʻa e Fakamaau 4:1-24.

   Ko e hā ʻa e ngaahi lēsoni fekauʻaki mo e tuí pea mo e loto-toʻá ʻe lava ke ako ʻe he kau fefine Kalisitiane he ʻaho ní mei he ngaahi faʻifaʻitakiʻanga ʻa Tēpola mo Siailí? (Fkm. 4:4, 8, 9, 14, 21, 22; Pal. 31:30; 1 Kol. 16:13)

3. Lau ʻa e Fakamaau 5:1-31.

   ʻE lava fēfē ke ngāueʻaki ko ha lotu ʻa e hiva ikuna ʻa Pēlake mo Tēpolá ʻo fekauʻaki mo e tau ka hoko mai ʻo ʻĀmaketoné? (Fkm. 5:3, 31; 1 Kal. 16:8-10; Fkh. 7:9, 10; 16:16; 19:19-21)

Talanoa 51

1. Naʻe anga-fēfē ʻa e hoko ʻa Nāomi ʻo ʻi he fonua ko Mōapé?

2. Ko hai ʻa Lute mo Opa?

3. Naʻe anga-fēfē ʻa e tali taki taha ʻa Lute mo Opa ʻi hono tala ange ʻe Nāomi ke na foki ki hona kakaí?

4. Ko hai ʻa Pōasi, pea naʻe anga-fēfē ʻene tokoni kia Lute mo Nāomí?

5. Ko hai ʻa e hingoa ʻa e tama naʻe fāʻeleʻi kia Pōasi mo Luté, pea ko e hā ʻoku totonu ai ke tau manatuʻi iá?

Ngaahi fehuʻi fakalahi:

1. Lau ʻa e Lute 1:1-17.

   1. (a) Ko e hā ʻa e fakahāhā fakaʻofoʻofa ʻo e ʻofa mateakí naʻe fai ʻe Luté? (Lute 1:16, 17)

   2. (e) ʻOku anga-fēfē hono fakahaaʻi lelei ʻe he mālohi fakaefakakaukau ʻa Luté ʻa e fakakaukau ʻa e “fanga sipi kehe” ki he kau pani ʻi māmani he ʻaho ní? (Sione 10:16; Sak. 8:23)

2. Lau ʻa e Lute 2:1-23.

   ʻOku anga-fēfē hono ʻomai ʻe Lute ha faʻifaʻitakiʻanga lelei ki he kau finemui he ʻaho ní? (Lute 2:17, 18; Pal. 23:22; 31:15)

3. Lau ʻa e Lute 3:5-13.

   1. (a) Naʻe anga-fēfē ʻa e vakai ʻa Pōasi ki he loto-lelei ʻa Lute ke mali mo ia kae ʻikai ki ha tangata kei siʻi angé?

   2. (e) Ko e hā ʻoku akoʻi mai kiate kitautolu ʻe he fakakaukau ʻa Luté fekauʻaki mo e ʻofa mateakí? (Lute 3:10; 1 Kol. 13:4, 5)

4. Lau ʻa e Lute 4:7-17.

   ʻE lava fēfē ke hangē ko Pōasí ʻa e kau tangata Kalisitiane he ʻaho ní? (Lute 4:9, 10; 1 Tīm. 3:1, 12, 13; 5:8)

Talanoa 52

1. Naʻe anga-fēfē pea ko e hā ʻa e ʻuhinga naʻe faingataʻaʻia lahi ai ʻa e kau ʻIsilelí?

2. Ko e hā naʻe tala ai ʻe Sihova kia Kitione ʻoku fuʻu tokolahi ʻa e kau tangata ʻi heʻene kau taú?

3. Ko e kau tangata ʻe toko fiha naʻe toé hili hono tala ʻe Kitione ke foki ki ʻapi ʻa e kau tangata naʻe ilifiá?

4. Mei he fakatātaá, fakamatalaʻi ʻa e anga hono fakatokosiʻi ʻe Sihova ʻa e tokolahi ʻo e kau tau ʻa Kitioné ki he kau tangata pē ʻe toko 300.

5. Naʻe anga-fēfē hono fokotuʻutuʻu maau ʻe Kitione ʻa ʻene kau tangata ʻe toko 300, pea naʻe anga-fēfē hono ikunaʻi ʻe ʻIsileli ʻa e taú?

Ngaahi fehuʻi fakalahi:

1. Lau ʻa e Fakamaau 6:36-40.

   1. (a) Naʻe anga-fēfē hono fakapapauʻi ʻe Kitione ʻa e finangalo ʻo Sihová?

   2. (e) ʻOku anga-fēfē ʻetau ʻiloʻi he ʻahó ni ʻa e finangalo ʻo Sihová? (Pal. 2:3-6; Mt. 7:7-11; 2 Tīm. 3:16, 17)

2. Lau ʻa e Fakamaau 7:1-25.

   1. (a) Ko e hā ʻa e lēsoni ʻe lava ke tau ako mei he toko 300 naʻe kei ʻāʻaá ʻi he kehekehe mei he faʻahinga ko ia naʻa nau fakahāhā ʻa e taʻetokangá? (Fkm. 7:3, 6; Loma 13:11, 12; ʻEf. 5:15-17)

   2. (e) Hangē pē ko e ako ʻa e toko 300 ʻi hono siofi ʻo Kitioné, ʻoku anga-fēfē ʻetau ako ʻi hono siofi ʻa e Kitione Lahi Angé, ʻa Sīsū Kalaisí? (Fkm. 7:17; Mt. 11:29, 30; 28:19, 20; 1 Pita 2:21)

   3. (f) ʻOku anga-fēfē hono tokoniʻi kitautolu ʻe he Fakamaau 7:21 ke tau fiemālie ke ngāue ʻi ha feituʻu pē ʻoku vaheʻi kitautolu ki ai ʻi he kautaha ʻa Sihová? (1 Kol. 4:2; 12:14-18; Sēm. 4:10)

3. Lau ʻa e Fakamaau 8:1-3.

   ʻI heʻene hoko mai ki hono fakaleleiʻi ʻa e ngaahi faikehekehe fakafoʻituitui mo ha tokoua pe ko ha tuofefiné, ko e hā ʻe lava ke tau ako mei he founga ʻo hono fakaleleiʻi ʻe Kitione ʻa e vākovi mo e kau ʻIfalemí? (Pal. 15:1; Mt. 5:23, 24; Luke 9:48)

Talanoa 53

1. Ko hai ʻa Sēfita, pea naʻá ne moʻui ʻi he lolotonga ʻo e taimi fē?

2. Ko e hā ʻa e talaʻofa naʻe fai ʻe Sēfita kia Sihová?

3. Ko e hā naʻe hoko ai ʻa Sēfita ʻo loto-mamahi ʻi heʻene foki atu ki ʻapi mei hono ikunaʻi ʻo e kau ʻĀmoní?

4. Ko e hā naʻe leaʻaki ʻe he ʻofefine ʻo Sēfitá ʻi heʻene ʻilo ʻo kau ki he talaʻofa ʻa ʻene tamaí?

5. Ko e hā naʻe ʻofa ai ʻa e kakaí ʻi he ʻofefine ʻo Sēfitá?

Ngaahi fehuʻi fakalahi:

1. Lau ʻa e Fakamaau 10:6-18.

   Ko e hā ʻa e fakatokanga ʻoku totonu ke tau tokanga ki ai mei he lēkooti ʻo e taʻeangatonu ʻa ʻIsileli kia Sihová? (Fkm. 10:6, 15, 16; Loma 15:4; Fkh. 2:10)

2. Lau ʻa e Fakamaau 11:1-11, 29-40.

   1. (a) ʻOku anga-fēfē ʻetau ʻiloʻi ko hono foaki ʻe Sēfita ʻa hono ʻofefiné ko ha “feilaulau-moifua” naʻe ʻikai ʻuhinga iá naʻe foaki ia ʻi ha afi ko ha feilaulau fakaetangata? (Fkm. 11:31; Liv. 16:24; Teu. 18:10, 12)

   2. (e) ʻI he founga fē naʻe foaki ai ʻe Sēfita ʻa hono ʻofefiné ko ha feilaulaú?

   3. (f) Ko e hā ʻe lava ke tau ako mei he fakakaukau ʻa Sēfita ki heʻene fuakava kia Sihová? (Fkm. 11:35, 39; Koh. 5:4, 5; Mt. 16:24)

   4. (h) ʻOku anga-fēfē ʻa e hoko ʻa e ʻofefine ʻo Sēfitá ko ha faʻifaʻitakiʻanga lelei ia ki he kau Kalisitiane kei siʻí ʻi he tuli ki ha ngāue tuʻumaʻu ʻi he ngāue taimi-kakató? (Fkm. 11:36; Mt. 6:33; Fili. 3:8)

Talanoa 54

1. Ko hai ʻa e hingoa ʻo e tangata mālohi taha ʻa ia kuo moʻui maí, pea ko hai naʻá ne ʻoange kiate ia ʻa hono mālohí?

2. ʻI he taimi ʻe taha, ko e hā naʻe fai ʻe Samisoni ki ha fuʻu laioné, hangē ko ia ʻoku lava ke ke sio ki ai ʻi he fakatātaá?

3. Ko e hā ʻa e fakapulipuli ʻoku tala ʻe Samisoni kia Tilila ʻi he fakatātaá, pea naʻe anga-fēfē ʻa e iku ʻa e meʻá ni ki hono puke ia ʻe he kau Filisitiá?

4. Naʻe anga-fēfē ʻa hono ʻai ʻe Samisoni ke mate ʻa e ngaahi fili ko e kau Filisitia ʻe toko 3,000 ʻi he ʻaho naʻá ne mate aí?

Ngaahi fehuʻi fakalahi:

1. Lau ʻa e Fakamaau 13:1-14.

   ʻOku anga-fēfē ʻa e ʻomai ʻe Mānoa mo hono uaifí ha faʻifaʻitakiʻanga lelei ki he ngaahi mātuʻá ʻi hono ʻohake ʻenau fānaú? (Fkm. 13:8; Sāme 127:3; ʻEf. 6:4)

2. Lau ʻa e Fakamaau 14:5-9 mo e 15:9-16.

   1. (a) Ko e hā ʻoku fakahaaʻi fekauʻaki mo e ngāue ʻa e laumālie māʻoniʻoni ʻo Sihová ʻi he fakamatala fekauʻaki mo hono tāmateʻi ʻe Samisoni ʻa e laioné, motuhi ʻa e ngaahi maea foʻou naʻe haʻi ʻaki iá mo hono ngāueʻaki ha hui kouʻahe ʻo ha ʻasi tangata ke tāmateʻi ha kau tangata ʻe toko 1,000?

   2. (e) ʻOku anga-fēfē hono tokoniʻi kitautolu he ʻahó ni ʻe he laumālie māʻoniʻoní? (Fkm. 14:6; 15:14; Sak. 4:6; Ng. 4:31)

3. Lau ʻa e Fakamaau 16:18-31.

   Naʻe anga-fēfē hono uesia ʻo Samisoni ʻe he feohi koví, pea ko e hā ʻe lava ke tau ako mei hení? (Fkm. 16:18, 19; 1 Kol. 15:33)

Talanoa 55

1. Ko hai ʻa e hingoa ʻo e kiʻi tamasiʻi ʻi he fakatātaá, pea ko hai ʻa e niʻihi kehé?

2. Ko e hā ʻa e lotu naʻe leaʻaki ʻe ʻAna ʻi he ʻaho ʻe taha ʻi heʻene ʻaʻahi ki he tāpanekale ʻo Sihová, pea naʻe anga-fēfē ʻa e tali kiate ia ʻa Sihová?

3. Naʻe taʻu fiha ʻa Sāmiuela ʻi hono ʻave ia ke ne ngāue ʻi he tēniti ʻo Sihová, pea ko e hā naʻe fai maʻana ʻe heʻene faʻeé ʻi he taʻu taki taha?

4. Ko hai ʻa e hingoa ʻo e ongo foha ʻo ʻĪlaí, pea ko e ongo tangata fēfē kinaua?

5. Naʻe anga-fēfē hono ui ʻe Sihova ʻa Sāmiuelá, pea ko e hā ʻa e pōpoaki naʻá Ne ʻoange kiate iá?

6. Naʻe hoko ʻa Sāmiuela ko e hā ʻi heʻene tupu haké, pea ko e hā naʻe hoko ʻi heʻene motuʻá?

Ngaahi fehuʻi fakalahi:

1. Lau ʻa e 1 Sāmiuela 1:1-28.

   1. (a) Ko e hā ʻa e faʻifaʻitakiʻanga lelei ki he ngaahi ʻuluʻi fāmilí ʻoku ʻomai ʻe ʻElikena ʻi heʻene taki muʻa ʻi he lotu moʻoní? (1 Sām. 1:3, 21; Mt. 6:33; Fili. 1:10)

   2. (e) Ko e hā ʻa e lēsoni ʻe lava ke tau ako mei he faʻifaʻitakiʻanga ʻa ʻAna ʻi heʻene fekuki mo ha palopalema fakatupu puputuʻú? (1 Sām. 1:10, 11; Sāme 55:22; Loma 12:12)

2. Lau ʻa e 1 Sāmiuela 2:11-36.

   Naʻe anga-fēfē hono fakalāngilangiʻi ʻe ʻĪlai ʻa hono ongo fohá ʻo lahi ange ia ʻia Sihová, pea ʻe lava fēfē ke hoko eni ko ha fakatokanga kiate kitautolu? (1 Sām. 2:22-24, 27, 29; Teu. 21:18-21; Mt. 10:36, 37)

3. Lau ʻa e 1 Sāmiuela 4:16-18.

   Ko e hā ʻa e pōpoaki tuʻo fā ʻo e mala naʻe haʻu mei he malaʻe taú, pea ko e hā ʻa e ola naʻe hoko kia ʻĪlaí?

4. Lau ʻa e 1 Sāmiuela 8:4-9.

   Naʻe anga-fēfē hono fakaʻitaʻi lahi ʻe ʻIsileli ʻa Sihová, pea ʻe lava fēfē ke tau poupou mateaki he ʻahó ni ki hono Puleʻangá? (1 Sām. 8:5, 7; Sione 17:16; Sēm. 4:4)

Talanoa 56

1. ʻI he fakatātaá, ko e hā ʻoku fai ʻe Sāmiuelá, pea ko e hā hono ʻuhingá?

2. Ko e hā naʻe saiʻia ai ʻa Sihova ʻia Saulá, pea ko e faʻahinga tangata fēfē ia?

3. Ko hai ʻa e hingoa ʻo e foha ʻo Saulá, pea ko e hā naʻe fai ʻe he fohá?

4. Ko e hā naʻe fai ai ʻe Saula ha feilaulau kae ʻikai ke tatali kia Sāmiuela ke ne fai iá?

5. Ko e hā ʻa e ngaahi lēsoni ʻe lava ke tau ako mei he fakamatala fekauʻaki mo Saulá?

Ngaahi fehuʻi fakalahi:

1. Lau ʻa e 1 Sāmiuela 9:15-21 mo e 10:17-27.

   Naʻe anga-fēfē hono tokoniʻi ʻo Saula ʻe heʻene fakakaukau fakanānaá ke ne fakaʻehiʻehi ai mei hono fai fakavave ha meʻa ʻi he taimi naʻe talanoa taʻefakaʻapaʻapa ai ha kau tangata ʻe niʻihi fekauʻaki mo iá? (1 Sām. 9:21; 10:21, 22, 27; Pal. 17:27)

2. Lau ʻa e 1 Sāmiuela 13:5-14.

   Ko e hā ʻa e angahala naʻe fakahoko ʻe Saula ʻi Kilikalí? (1 Sām. 10:8; 13:8, 9, 13)

3. Lau ʻa e 1 Sāmiuela 15:1-35.

   1. (a) Ko e hā ʻa e angahala mamafa naʻe fai ʻe Saula ʻi he fekauʻaki mo ʻĒkaki ko e tuʻi ʻAmalekí? (1 Sām. 15:2, 3, 8, 9, 22)

   2. (e) Naʻe anga-fēfē ʻa e feinga ʻa Saula ke fakatonuhiaʻi ʻa ʻene ngaahi ngāué pea fai mo ha tukuakiʻí? (1 Sām. 15:24)

   3. (f) Ko e hā ʻa e fakatokanga ʻoku totonu ke tau tokanga ki ai he ʻahó ni ʻi he taimi ʻoku fai mai ai ha akonakí? (1 Sām. 15:19-21; Sāme 141:5; Pal. 9:8, 9; 11:2)

Talanoa 57

1. Ko hai ʻa e hingoa ʻo e tamasiʻi ʻi he fakatātaá, pea ʻoku anga-fēfē ʻetau ʻiloʻi ʻokú ne loto-toʻá?

2. Naʻe nofo ʻa Tēvitá ʻi fē, pea ko hai ʻa e hingoa ʻo ʻene tamaí mo ʻene kui-tangatá?

3. Ko e hā naʻe tala ai ʻe Sihova kia Sāmiuela ke ne ʻalu ki he fale ʻo Sesé ʻi Pētelihemá?

4. Ko e hā naʻe hoko ʻi hono ʻomai ʻe Sese ʻa e toko fitu ʻo hono ngaahi fohá kia Sāmiuelá?

5. ʻI hono ʻomai ʻo Tēvitá, ko e hā naʻe tala ʻe Sihova kia Sāmiuelá?

Ngaahi fehuʻi fakalahi:

1. Lau ʻa e 1 Sāmiuela 17:34, 35.

   ʻOku anga-fēfē hono fakamamafaʻi ʻe he ngaahi meʻá ni ʻa e loto-toʻa ʻa Tēvita mo ʻene falala kia Sihová? (1 Sām. 17:37)

2. Lau ʻa e 1 Sāmiuela 16:1-14.

   1. (a) ʻOku anga-fēfē hono tokoniʻi kitautolu ʻe he ngaahi lea ʻa Sihova ʻi he 1 Sāmiuela 16:7 ke tau taʻefilifilimānako pea ke fakaʻehiʻehi mei he tomuʻa fehiʻa ʻi he fōtunga ʻi tuʻá? (Ng. 10:34, 35; 1 Tīm. 2:4)

   2. (e) ʻOku anga-fēfē hono fakahaaʻi ʻi he fakatātā kia Saulá ko e taimi ʻoku toʻo ai ʻe Sihova ʻa hono laumālie māʻoniʻoní mei ha tokotahá, ko e foʻi ʻatā aí ʻe lava ke fakafonu ia ʻe ha laumālie kovi, pe ko ha hoholi ʻi loto ke faihala? (1 Sām. 16:14; Mt. 12:43-45; Kal. 5:16)

Talanoa 58

1. Ko e hā ʻa e pole naʻe fai ʻe Kolaiate ki he kau tau ʻIsilelí?

2. Naʻe lahi fēfē ʻa Kolaiate, pea ko e hā ʻa e pale naʻe talaʻofa ʻe Tuʻi Saula ki he tangata te ne tāmateʻi ʻa Kolaiaté?

3. Ko e hā naʻe leaʻaki ʻe Tēvita ʻi hono tala ange ʻe Saula ʻe ʻikai lava ke ne tau mo Kolaiate koeʻuhi ʻoku kei tamasiʻi pē ʻa Tēvitá?

4. ʻI heʻene tali kia Kolaiaté, naʻe anga-fēfē hono fakahāhā ʻe Tēvita ʻa ʻene falala kia Sihová?

5. Hangē ko ia ʻoku lava ke ke sio ki ai ʻi he fakatātaá, ko e hā naʻe ngāueʻaki ʻe Tēvita ke tāmateʻi ʻa Kolaiaté, pea ko e hā naʻe hoko ki he kau Filisitiá ʻi he hili ʻení?

Ngaahi fehuʻi fakalahi:

1. Lau ʻa e 1 Sāmiuela 17:1-54.

   1. (a) Ko e hā ʻa e fakapulipuli ʻo e taʻemanavahē ʻa Tēvitá, pea ʻe lava fēfē ke tau faʻifaʻitaki ki heʻene loto-toʻá? (1 Sām. 17:37, 45; ʻEf. 6:10, 11)

   2. (e) Ko e hā ʻoku totonu ai ki he kau Kalisitiané ke nau fakaʻehiʻehi mei he laumālie feʻauʻauhi hangē ko ia naʻe ʻia Kolaiaté ʻi he kau he ngaahi vaʻingá pe fakafiefiá? (1 Sām. 17:8; Kal. 5:26; 1 Tīm. 4:8)

   3. (f) ʻOku anga-fēfē hono fakahaaʻi ʻi he ngaahi lea ʻa Tēvitá naʻá ne maʻu ʻa e tui ki he poupou ʻa e ʻOtuá? (1 Sām. 17:45-47; 2 Kal. 20:15)

   4. (h) ʻI he ʻikai fakamatalaʻi pē ha feʻauhi ʻi he vahaʻa ʻo ha ongo kau tau fakafepakí, ʻoku anga-fēfē hono fakahaaʻi ʻi he fakamatala ko ení ko e taú naʻe fai moʻoni ia ʻi he vahaʻa ʻo e ngaahi ʻotua loí pea mo e ʻOtua moʻoni ko Sihová? (1 Sām. 17:43, 46, 47)

   5. (i) ʻOku anga-fēfē ʻa e faʻifaʻitaki ʻa e toenga ʻo e kau paní ki he faʻifaʻitakiʻanga ʻa Tēvita ʻi he falala kia Sihová? (1 Sām. 17:37; Sel. 1:17-19; Fkh. 12:17)

Talanoa 59

1. Ko e hā naʻe meheka ai ʻa Saula kia Tēvitá, ka naʻe anga-fēfē ʻa e kehe ʻa e foha ia ʻo Saula ko Sionatané?

2. Ko e hā naʻe hoko ʻi he ʻaho ʻe taha ʻi he tā haʻape ʻa Tēvita kia Saulá?

3. Ko e hā naʻe pehē ʻe Saula kuo pau ke fai ʻe Tēvita ki muʻa ke ne ʻave ʻa e ʻofefine ʻo Saula ko Maikalé ke hoko ko hono uaifí, pea ko e hā naʻe leaʻaki ai eni ʻe Saulá?

4. ʻI he taimi naʻe tā ai ʻe Tēvita ʻa e haʻapé kia Saulá, ko e hā naʻe hoko ko hono tuʻo tolú iá, hangē ko ia ʻoku fakahaaʻi ʻi he fakatātaá?

5. Naʻe anga-fēfē ʻa e tokoni ʻa Maikale ke fakahaofi ʻa e moʻui ʻa Tēvitá, pea ko e hā leva naʻe pau ke fai ʻe Tēvita ʻo feʻunga mo e taʻu ʻe fitú?

Ngaahi fehuʻi fakalahi:

1. Lau ʻa e 1 Sāmiuela 18:1-30.

   1. (a) Naʻe anga-fēfē hono tomuʻa fakatātaaʻi ʻe he ʻofa taʻemamotu ʻa Sionatane kia Tēvitá ʻa e feʻofaʻaki ʻi he vahaʻa ʻo e “fanga sipi kehe” mo e “fanga sipi toko siʻi”? (1 Sām. 18:1; Sione 10:16; Luke 12:32; Sak. 8:23)

   2. (e) ʻI he vakai atu ki he moʻoniʻi meʻa ko ia ʻo e mei hoko totonu ʻa Sionatane ko e ʻea kia Saulá, ʻoku anga-fēfē hono fakahaaʻi ʻi he 1 Sāmiuela 18:4 ʻa e fakamoʻulaloa ʻiloa ʻa Sionatane ki he tokotaha naʻe fili ke hoko ko e tuʻí?

   3. (f) ʻOku anga-fēfē hono fakahaaʻi ʻi he fakatātā kia Saulá ko e meheká ʻe lava ke iku ia ki he angahala mamafa, pea ko e hā ʻa e fakatokanga ʻoku ʻomai ʻe he meʻá ni kiate kitautolú? (1 Sām. 18:7-9, 25; Sēm. 3:14-16)

2. Lau ʻa e 1 Sāmiuela 19:1-17.

   ʻI he fehangahangai mo Saulá, naʻe anga-fēfē hono tuku ʻe Sionatane ʻene moʻuí tonu ki he fakatuʻutāmakí? (1 Sām. 19:1, 4-6; Pal. 16:14)

Talanoa 60

1. Ko hai ʻa e hingoa ʻo e fefine ʻoku haʻu ke fakafetaulaki kia Tēvita ʻi he fakatātaá, pea ko e tokotaha fēfē ia?

2. Ko hai ʻa Nāpale?

3. Ko e hā naʻe fekauʻi atu ai ʻe Tēvita ʻa e niʻihi ʻo ʻene kau tangatá ke kole ha meʻa meia Nāpalé?

4. Ko e hā naʻe leaʻaki ʻe Nāpale ki he kau tangata ʻa Tēvitá, pea naʻe anga-fēfē ʻa e tali ki ai ʻa Tēvitá?

5. Naʻe anga-fēfē hono fakahaaʻi ʻe ʻApikale ko ha fefine fakapotopoto iá?

Ngaahi fehuʻi fakalahi:

1. Lau ʻa e 1 Sāmiuela 22:1-4.

   Naʻe anga-fēfē ʻa e ʻomai ʻe he fāmili ʻo Tēvitá ha faʻifaʻitakiʻanga lelei ʻo e founga ʻoku totonu ke tau fepoupouaki ai ʻi he fetokouaʻaki faka-Kalisitiané? (Pal. 17:17; 1 Tes. 5:14)

2. Lau ʻa e 1 Sāmiuela 25:1-43.

   1. (a) Ko e hā ʻoku fakamatalaʻi mātuʻaki paetakuʻi ai ʻa Nāpalé? (1 Sām. 25:2-5, 10, 14, 21, 25)

   2. (e) Ko e hā ʻoku lava ke ako ʻe he ngaahi uaifi Kalisitiane he ʻaho ní mei he faʻifaʻitakiʻanga ʻa ʻApikalé? (1 Sām. 25:32, 33; Pal. 31:26; ʻEf. 5:24)

   3. (f) Ko e hā ʻa e meʻa ʻe ua naʻe kovi naʻe taʻofi ʻe ʻApikale ʻa Tēvita mei hono faí? (1 Sām. 25:31, 33; Loma 12:19; ʻEf. 4:26)

   4. (h) ʻOku anga-fēfē ʻa e tokoni ki he kau tangata he ʻaho ní ʻa e tali ʻa Tēvita ki he ngaahi lea ʻa ʻApikalé ke nau maʻu ai ʻa e vakai ʻa Sihova ki he kakai fefiné? (Ng. 21:8, 9; Loma 2:11; 1 Pita 3:7)

Talanoa 61

1. Ko e hā naʻe fai ʻe Tēvita mo ʻApisai lolotonga ʻa e mohe ʻa Saula ʻi hono ʻapitangá?

2. Ko e hā ʻa e ngaahi fehuʻi naʻe ʻeke ʻe Tēvita kia Saulá?

3. Hili ʻene mavahe meia Saulá, naʻe ʻalu ʻa Tēvitá ki fē?

4. Ko e hā naʻá ne ʻai ʻa Tēvita ke ne fuʻu loto-mamahi ʻo ne faʻu ai ha hiva fakaʻofoʻofá?

5. Naʻe taʻu fiha ʻa Tēvita ʻi hono fakanofo tuʻi ʻi Hepeloní, pea ko hai ʻa e hingoa ʻo e niʻihi ʻo hono ngaahi fohá?

6. Naʻe pule ʻa Tēvita ki mui ko e tuʻi ʻi fē?

Ngaahi fehuʻi fakalahi:

1. Lau ʻa e 1 Sāmiuela 26:1-25.

   1. (a) Ko e fakamatala ʻa Tēvita ʻoku lēkooti ʻi he 1 Sāmiuela 26:11 ko e hā ʻa e fakakaukau ʻoku fakahaaʻi ai ki he maau fakateokalatí? (Sāme 37:7; Loma 13:2)

   2. (e) ʻI heʻetau fai ha feinga tōtōivi ke fakahaaʻi ʻa e ʻaloʻofá kae fetaulaki mo ha tali taʻehoungaʻiá, ʻe lava fēfē ke tokoniʻi kitautolu ʻe he ngaahi lea ʻa Tēvita ʻoku maʻu ʻi he 1 Sāmiuela 26:23 ke tau tauhi maʻu ha vakai totonú? (1 Tuʻi 8:32; Sāme 18:20)

2. Lau ʻa e 2 Sāmiuela 1:26.

   ʻE lava fēfē ke fakatupu ʻe he kau Kalisitiane he ʻaho ní ʻa e faʻahinga tatau ʻo e ‘feʻofaʻaki tukuingata’ naʻe maʻu ʻe Tēvita mo Sionatané? (1 Pita 4:8; Kol. 3:14; 1 Sione 4:12)

3. Lau ʻa e 2 Sāmiuela 5:1-10.

   1. (a) Naʻe taʻu ʻe fiha ʻa e pule fakatuʻi ʻa Tēvitá, pea naʻe anga-fēfē hono vahevahe ʻa e vahaʻa taimi ko ení? (2 Sām. 5:4, 5)

   2. (e) Naʻe tupu mei he hā ʻa e tuʻunga lahi ʻo Tēvitá, pea ʻoku anga-fēfē ʻa ʻene hoko ko ha fakamanatu ia kiate kitautolu he ʻaho ní? (2 Sām. 5:10; 1 Sām. 16:13; 1 Kol. 1:31; Fili. 4:13)

Talanoa 62

1. ʻI he tokoni ʻa Sihová, ko e hā naʻe iku ʻo hoko ki he fonua ko Kēnaní?

2. Ko e hā naʻe hoko ʻi he efiafi ʻe taha naʻe nofo ai ʻa Tēvita ʻi he funga fale ʻo hono palasí?

3. Ko e hā naʻe ʻita ʻaupito ai ʻa Sihova kia Tēvitá?

4. ʻI he fakatātaá, ko hai naʻe fekauʻi ʻe Sihova ke ne tala kia Tēvita ʻa ʻene ngaahi angahalá, pea ko e hā naʻe leaʻaki ʻe he tangata ko iá ʻe hoko kia Tēvitá?

5. Ko e hā ʻa e faingataʻa naʻe hoko kia Tēvitá?

6. Ko hai naʻe hoko ko e tuʻi ʻo ʻIsilelí ʻi he hili ʻa Tēvitá?

Ngaahi fehuʻi fakalahi:

1. Lau ʻa e 2 Sāmiuela 11:1-27.

   1. (a) ʻOku anga-fēfē ʻa e hoko ko ha maluʻi kiate kitautolu ʻa e hanganaki femoʻuekina ʻi he ngāue ʻa Sihová?

   2. (e) Naʻe anga-fēfē hono tohoakiʻi ʻa Tēvita ki he angahalá, pea ko e hā ʻa e fakatokanga ʻoku ʻomai ʻe he meʻá ni ki he kau sevāniti ʻa Sihova he ʻaho ní? (2 Sām. 11:2; Mt. 5:27-29; 1 Kol. 10:12; Sēm. 1:14, 15)

2. Lau ʻa e 2 Sāmiuela 12:1-18.

   1. (a) Ko e hā ʻa e lēsoni ʻe lava ke ako ʻe he kau mātuʻá mo e ngaahi mātuʻá mei he founga ʻo e fakaofiofi ʻa Nētane kia Tēvita ke fai ha akonakí? (2 Sām. 12:1-4; Pal. 12:18; Mt. 13:34)

   2. (e) Ko e hā naʻe faimeesi ai ʻa Sihova kia Tēvitá? (2 Sām. 12:13; Sāme 32:5; 2 Kol. 7:9, 10)

Talanoa 63

1. Ko e hā naʻe ʻeke ʻe Sihova kia Solomoné, pea naʻe anga-fēfē ʻene talí?

2. Ko e hā naʻe talaʻofa ʻa Sihova ke ʻoange kia Solomone koeʻuhi ko ʻene leleiʻia ʻi heʻene kolé?

3. Ko e hā ʻa e palopalema faingataʻa naʻe ʻomai ʻe ha ongo fefine kia Solomoné?

4. Hangē ko ia ʻoku lava ke ke sio ki ai ʻi he fakatātaá, naʻe anga-fēfē hono solova ʻe Solomone ʻa e palopalemá?

5. Naʻe fēfē ʻa e pule ʻa Solomoné, pea ko e hā hono ʻuhingá?

Ngaahi fehuʻi fakalahi:

1. Lau ʻa e 1 Tuʻi 3:3-28.

   1. (a) Ko e hā ʻe lava ke ako ʻe he kau tangata ʻoku ʻoange ki ai ʻa e ngaahi fatongia ʻi he kautaha ʻa e ʻOtuá he ʻaho ní mei he fakamatala ongoʻi loloto ʻa Solomone ʻi he 1 Tuʻi 3:7? (Sāme 119:105; Pal. 3:5, 6)

   2. (e) ʻOku anga-fēfē ʻa e hoko ʻa e kole ʻa Solomoné ko ha faʻifaʻitakiʻanga lelei ia ki he ngaahi meʻa totonu ke fai ki ai ʻa e lotú? (1 Tuʻi 3:9, 11; Pal. 30:8, 9; 1 Sione 5:14)

   3. (f) Ko e hā ʻa e loto-falala ʻoku ʻomai kiate kitautolu ʻi hono fakaleleiʻi ʻe Solomone ʻa e fakakikihi ʻi he vahaʻa ʻo e ongo fefiné ʻo fekauʻaki mo e tuʻunga-pule ʻa e Solomone Lahi Angé ʻi he kahaʻú, ʻa ia ko Sīsū Kalaisí? (1 Tuʻi 3:28; ʻAi. 9:6, 7; 11:2-4)

2. Lau ʻa e 1 Tuʻi 4:29-34.

   1. (a) Naʻe anga-fēfē hono tali ʻe Sihova ʻa e kole ʻa Solomone ki ha loto-talangofuá? (1 Tuʻi 4:29)

   2. (e) ʻI he vakai atu ki he ngaahi feinga naʻe fai ʻe he kakaí ke fanongo ki he poto ʻo Solomoné, ko e hā ʻoku totonu ke hoko ko ʻetau fakakaukaú ia ki hono ako ʻo e Folofola ʻa e ʻOtuá? (1 Tuʻi 4:29, 34; Sione 17:3; 2 Tīm. 3:16)

Talanoa 64

1. Ko e hā hono lōloa pea ʻosi ai ʻa hono langa ʻe Solomone ʻa e temipale ʻo Sihová, pea ko e hā naʻe lahi ʻaupito ai ʻa e paʻanga naʻe fakamole ki aí?

2. Ko e ongo loki lalahi ʻe fiha naʻe ʻi he temipalé, pea ko e hā naʻe tuku ʻi he loki ʻi lotó?

3. Ko e hā naʻe leaʻaki ʻe Solomone ʻi heʻene lotu ʻi he taimi naʻe ʻosi ai ʻa e temipalé?

4. Naʻe anga-fēfē hono fakahaaʻi ʻe Sihova naʻá ne leleiʻia ʻi he lotu ʻa Solomoné?

5. Ko e hā naʻe ʻai ʻe he ngaahi uaifi ʻo Solomoné ʻa ia ke ne faí, pea ko e hā naʻe hoko kia Solomoné?

6. Ko e hā naʻe ʻita ai ʻa Sihova kia Solomoné, pea ko e hā naʻá ne tala ange kiate iá?

Ngaahi fehuʻi fakalahi:

1. Lau ʻa e 1 Kalonikali 28:9, 10.

   ʻI he vakai atu ki he ngaahi lea ʻa Tēvita naʻe lēkooti ʻi he 1 Kalonikali 28:9, 10, ko e hā ʻoku totonu ke tau feinga ke fai ʻi heʻetau moʻui fakaʻahó? (Sāme 19:14; Fili. 4:8, 9)

2. Lau ʻa e 2 Kalonikali 6:12-21, 32-42.

   1. (a) Naʻe anga-fēfē hono fakahaaʻi ʻe Solomone ʻe ʻikai ha fale ʻe ngaohi ʻe he tangatá ʻe lava ke hao ai ʻa e ʻOtua Fungani Māʻolungá? (2 Kal. 6:18; Ng. 17:24, 25)

   2. (e) Ko e hā ʻoku fakahaaʻi ʻi he ngaahi lea ʻa Solomone ʻoku ʻi he 2 Kalonikali 6:32, 33 ʻo fekauʻaki mo Sihová? (Ng. 10:34, 35; Kal. 2:6)

3. Lau ʻa e 2 Kalonikali 7:1-5.

   Hangē pē ko hono ueʻi ʻa e fānau ʻa ʻIsilelí ke nau fakahaaʻi ha fakahīkihiki kia Sihova ʻi he sio ki hono lāngilangí, ʻoku totonu ke fēfē hono ueʻi kitautolu he ʻaho ní ʻi he taimi ʻoku tau fakakaukauloto ai ki hono tāpuakiʻi ʻe Sihova ʻa hono kakaí? (2 Kal. 7:3; Sāme 22:22; 34:1; 96:2)

4. Lau ʻa e 1 Tuʻi 11:9-13.

   ʻOku anga-fēfē hono fakahaaʻi ʻi he ʻalunga moʻui ʻa Solomoné ʻa e mahuʻinga ʻo e hanganaki angatonu ke aʻu ki he ngataʻangá? (1 Tuʻi 11:4, 9; Mt. 10:22; Fkh. 2:10)

Talanoa 65

1. Ko hai ʻa e hingoa ʻo e ongo tangata ʻi he fakatātaá pea ko hai kinaua?

2. Ko e hā naʻe fai ʻe ʻAhaia ki he pulupulu naʻá ne tuí, pea ko e hā ʻa e ʻuhinga ʻo e foʻi ngāue ko iá?

3. Ko e hā naʻe feinga ʻa Solomone ke fai kia Selopoamé?

4. Ko e hā naʻe ʻai ai ʻe he kakaí ʻa Selopoame ke tuʻi ki he matakali ʻe hongofulú?

5. Ko e hā naʻe ngaohi ai ʻe Selopoame ʻa e ongo kiʻi pulu koulá, pea ko e hā naʻe hoko ki he fonuá ʻi he hili pē iá?

6. Ko e hā naʻe hoko ki he puleʻanga matakali ʻe uá pea mo e temipale ʻo Sihova ʻi Selusalemá?

Ngaahi fehuʻi fakalahi:

1. Lau ʻa e 1 Tuʻi 11:26-43.

   Ko e tokotaha fēfē ʻa Selopoame, pea ko e hā naʻe talaʻofa ange ʻe Sihova kiate ia kapau te ne tauhi ʻa e ngaahi lao ʻa e ʻOtuá? (1 Tuʻi 11:28, 38)

2. Lau ʻa e 1 Tuʻi 12:1-33.

   1. (a) Mei he faʻifaʻitakiʻanga kovi ʻa Lehopoamé, ko e hā ʻe lava ke ako ʻe he ngaahi mātuʻá mo e kau mātuʻá fekauʻaki mo hono ngāuekoviʻaki ʻo e mafaí? (1 Tuʻi 12:13; Koh. 7:7; 1 Pita 5:2, 3)

   2. (e) Ko hai ʻoku totonu ke hanga ki ai ʻa e toʻutupu he ʻaho ní ki ha tataki alafalalaʻanga ʻi hono fai ʻa e ngaahi fili mafatukituki ʻi he moʻuí? (1 Tuʻi 12:6, 7; Pal. 1:8, 9; 2 Tīm. 3:16, 17; Hep. 13:7)

   3. (f) Ko e hā naʻá ne ueʻi ʻa Selopoame ke ne fokotuʻu ha ongo senitā ki he lotu ki he pulú, pea naʻe anga-fēfē hono fakahaaʻi ʻi he meʻá ni ha taʻetui lahi kia Sihová? (1 Tuʻi 11:37; 12:26-28)

   4. (h) Ko hai naʻá ne tataki ʻa e kakai ʻo e puleʻanga matakali ʻe hongofulú ʻi ha angatuʻu ki he lotu moʻoní? (1 Tuʻi 12:32, 33)

Talanoa 66

1. Ko hai ʻa Sisipeli?

2. Ko e hā naʻe loto-mamahi ai he ʻaho ʻe taha ʻa Tuʻi ʻĒhapí?

3. Ko e hā naʻe fai ʻe Sisipeli ke maʻu ai ʻa e ngoue vaine ʻa Nēpoté maʻa hono husepāniti ko ʻĒhapí?

4. Ko hai naʻe fekauʻi mai ʻe Sihova ke ne tauteaʻi ʻa Sisipelí?

5. Hangē ko ia ʻoku lava ke ke sio ki ai ʻi he fakatātaá, ko e hā naʻe hoko ʻi he taimi naʻe aʻu atu ai ʻa Sehu ki he palasi ʻo Sisipelí?

Ngaahi fehuʻi fakalahi:

1. Lau ʻa e 1 Tuʻi 16:29-33 mo e 18:3, 4.

   Naʻe kovi fēfē ʻa e ngaahi tuʻunga ʻi ʻIsilelí lolotonga ʻa e taimi ʻo Tuʻi ʻĒhapí? (1 Tuʻi 14:9)

2. Lau ʻa e 1 Tuʻi 21:1-16.

   1. (a) Naʻe anga-fēfē hono fakahaaʻi ʻe Nēpote ʻa e loto-toʻa mo e mateaki kia Sihová? (1 Tuʻi 21:1-3; Liv. 25:23-28)

   2. (e) Mei he faʻifaʻitakiʻanga ʻa ʻĒhapí, ko e hā ʻe lava ke tau ako fekauʻaki mo e fekuki pea mo e siva ʻa e ʻamanakí? (1 Tuʻi 21:4; Loma 5:3-5)

3. Lau ʻa e 2 Tuʻi 9:30-37.

   Ko e hā ʻe lava ke tau ako mei he faivelenga ʻa Sehu ʻi hono fai ʻa e finangalo ʻo Sihová? (2 Tuʻi 9:4-10; 2 Kol. 9:1, 2; 2 Tīm. 4:2)

Talanoa 67

1. Ko hai ʻa Sihosafate, pea naʻá ne moʻui ʻi he taimi fē?

2. Ko e hā naʻe ilifia ai ʻa e kau ʻIsilelí, pea ko e hā naʻe fai ʻe he tokolahi ʻo kinautolú?

3. Ko e hā ʻa e tali naʻe ʻomai ʻe Sihova ki he lotu ʻa Sihosafaté?

4. Ko e hā naʻe ʻai ʻe Sihova ke hoko ki muʻa ʻi he taú?

5. Ko e hā ʻa e lēsoni ʻe lava ke tau ako meia Sihosafaté?

Ngaahi fehuʻi fakalahi:

1. Lau ʻa e 2 Kalonikali 20:1-30.

   1. (a) Naʻe anga-fēfē ʻa e fakahāhā ʻe Sihosafate ʻa e meʻa ʻoku totonu ke fai ʻe he kau sevāniti faitōnunga ʻa e ʻOtuá ʻi heʻenau fehangahangai mo e ngaahi tuʻunga fakamanamaná? (2 Kal. 20:12; Sāme 25:15; 62:1)

   2. (e) Koeʻuhi kuo ngāueʻaki maʻu pē ʻe Sihova ha fouʻanga ʻo e fetuʻutakí ʻi heʻene feangainga mo hono kakaí, ko e hā ʻa e fouʻanga ʻokú ne ngāueʻaki he ʻaho ní? (2 Kal. 20:14, 15; Mt. 24:45-47; Sione 15:15)

   3. (f) ʻI he taimi ʻe kamata ai ʻe he ʻOtuá ʻa e “tau ʻo e ʻaho lahi ʻo e ʻOtua Aoniu,” ʻe anga-fēfē ʻa e hoko ʻo meimei tatau ʻa hotau tuʻungá mo e tuʻunga ko ia ʻo Sihosafaté? (2 Kal. 20:15, 17; 32:8; Fkh. 16:14, 16)

   4. (h) ʻI he faʻifaʻitaki ki he kau Līvaí, ko e hā ʻa e faʻahinga tokoni ʻoku fai ʻe he kau tāimuʻá mo e kau misinalé ki he ngāue fakamalanga ʻi māmani lahi he ʻaho ní? (2 Kal. 20:19; Loma 10:13-15; 2 Tīm. 4:2)

Talanoa 68

1. Ko hai ʻa e kakai ʻe toko tolu ʻi he fakatātaá, pea ko e hā naʻe hoko ki he tamasiʻí?

2. Ko e hā naʻe lotu ki ai ʻa ʻIlaisiā fekauʻaki mo e tamasiʻí, pea ko e hā naʻe hoko atu aí?

3. Ko hai ʻa e hingoa ʻo e tokoni ʻo ʻIlaisiaá?

4. Ko e hā naʻe fiemaʻu ai ʻa ʻIlaisa ki he ʻapi ʻo ha fefine ʻi Sūnemí?

5. Ko e hā naʻe fai ʻe ʻIlaisá, pea ko e hā naʻe hoko ki he tamasiʻi naʻe maté?

6. Ko e hā ʻa e mālohi ʻoku maʻu ʻe Sihová, hangē ko ia naʻe fakahaaʻi fakafou ʻia ʻIlaisiā mo ʻIlaisá?

Ngaahi fehuʻi fakalahi:

1. Lau ʻa e 1 Tuʻi 17:8-24.

   1. (a) Naʻe anga-fēfē hono ʻahiʻahiʻi ʻa e talangofua mo e tui ʻa ʻIlaisiaá? (1 Tuʻi 17:9; 19:1-4, 10)

   2. (e) Ko e hā naʻe tuʻu-ki-muʻa ai ʻa e tui ʻa e uitou ʻo Salepitá? (1 Tuʻi 17:12-16; Luke 4:25, 26)

   3. (f) ʻOku anga-fēfē hono fakahaaʻi ʻe he meʻa naʻe hokosia ʻe he uitou ʻo Salepitá ʻa e moʻoni ʻo e ngaahi lea ʻa Sīsū ʻoku lēkooti ʻi he Mātiu 10:41, 42? (1 Tuʻi 17:10-12, 17, 23, 24)

2. Lau ʻa e 2 Tuʻi 4:8-37.

   1. (a) Ko e hā ʻoku akoʻi mai ʻe he fefine Sūnemí kiate kitautolu ʻo fekauʻaki mo e anga-talitali kakaí? (2 Tuʻi 4:8; Luke 6:38; Loma 12:13; 1 Sione 3:17)

   2. (e) ʻI he ngaahi founga fē ʻe lava ke tau fakahaaʻi ai ʻa e ngaahi ngāue anga-lelei ki he kau sevāniti ʻa e ʻOtuá he ʻaho ní? (Ng. 20:35; 28:1, 2; Kal. 6:9, 10; Hep. 6:10)

Talanoa 69

1. ʻI he fakatātaá, ko e hā ʻoku tala ange ʻe he kiʻi taʻahiné ki he fefiné?

2. Ko hai ʻa e fefine ʻi he fakatātaá, pea ko e hā ʻoku fai ʻe he kiʻi taʻahiné ʻi he fale ʻo e fefiné?

3. Ko e hā naʻe fakahinohino ʻe ʻIlaisa ki heʻene sevānití ke ne tala kia Neamaní, pea ko e hā naʻe ʻita ai ʻa Neamaní?

4. Ko e hā naʻe hoko ʻi he fanongo ʻa Neamani ki heʻene kau sevānití?

5. Ko e hā naʻe ʻikai ke tali ai ʻe ʻIlaisa ʻa e meʻaʻofa ʻa Neamaní, ka ko e hā naʻe fai ʻe Kēhesí?

6. Ko e hā naʻe hoko kia Kēhesí, pea ko e hā ʻe lava ke tau ako mei hení?

Ngaahi fehuʻi fakalahi:

1. Lau ʻa e 2 Tuʻi 5:1-27.

   1. (a) ʻE lava fēfē ke fakalototoʻaʻi ʻa e toʻutupu he ʻaho ní ʻe he faʻifaʻitakiʻanga naʻe fokotuʻu ʻe he kiʻi taʻahine ʻIsilelí? (2 Tuʻi 5:3; Sāme 8:2; 148:12, 13)

   2. (e) Ko e hā ʻoku lelei ai ke manatuʻi ʻa e faʻifaʻitakiʻanga ʻa Neamaní ʻi he taimi ʻoku tau maʻu ai ha akonaki Fakatohitapú? (2 Tuʻi 5:15; Hep. 12:5, 6; Sēm. 4:6)

   3. (f) Ko e hā ʻa e ngaahi lēsoni ʻe lava ke tau ako mei hono fakahoa ʻa e faikehekehe ʻi he faʻifaʻitakiʻanga ʻa ʻIlaisá pea mo e faʻifaʻitakiʻanga ʻa Kēhesí? (2 Tuʻi 5:9, 10, 14-16, 20; Mt. 10:8; Ng. 5:1-5; 2 Kol. 2:17)

Talanoa 70

1. Ko hai ʻa Siona, pea ko e hā naʻe tala ange ʻe Sihova ke ne faí?

2. Koeʻuhi naʻe ʻikai te ne fie ʻalu ki he feituʻu naʻe tala ange ʻe Sihova ke ʻalu ki aí, ko e hā naʻe fai ʻe Sioná?

3. Ko e hā naʻe tala ʻe Siona ki he kau kauvaká ke nau fai koeʻuhi ke ʻosi ai ʻa e afaá?

4. Hangē ko ia ʻoku lava ke ke sio ki ai ʻi he fakatātaá, ko e hā naʻe hoko ʻi he taimi naʻe pulia hifo ai ʻa Siona ʻi he loto tahí?

5. Ko e hā hono lōloa ʻo e nofo ʻa Siona ʻi loto he fuʻu iká, pea ko e hā naʻá ne fai aí?

6. Naʻe ʻalu ʻa Siona ki fē hili ʻene hū ki tuʻa mei he fuʻu iká, pea ko e hā ʻoku akoʻi mai kiate kitautolu ʻe he meʻá ni?

Ngaahi fehuʻi fakalahi:

1. Lau ʻa e Siona 1:1-17.

   ʻOku hā mahino naʻe fēfē ʻa e ongoʻi ʻa Siona fekauʻaki mo ʻene ngāue ke malanga ki he kau Ninivé? (Siona 1:2, 3; Pal. 3:7; Koh. 8:12)

2. Lau ʻa e Siona 2:1, 2, 10.

   ʻOku anga-fēfē hono ʻomai kiate kitautolu ʻe he meʻa naʻe hokosia ʻe Sioná ʻa e falala ʻe tali ʻe Sihova ʻetau ngaahi lotú? (Sāme 22:24; 34:6; 1 Sione 5:14)

3. Lau ʻa e Siona 3:1-10.

   1. (a) Ko e hā ʻa e fakalototoʻa ʻoku tau maʻu mei he moʻoniʻi meʻa ko ia ʻo e hokohoko atu ʻe Sihova hono ngāueʻaki ʻa Siona neongo ʻa ʻene muʻaki taʻemalava ke fakahoko ʻa ʻene ngāué? (Sāme 103:14; 1 Pita 5:10)

   2. (e) Ko e hā ʻoku akoʻi mai kiate kitautolu ʻe he meʻa naʻe hokosia ʻe Siona ʻi he kau Ninivé fekauʻaki mo hono tomuʻa fakamāuʻi ʻa e kakai ʻi hotau feituʻu ngāué? (Siona 3:6-9; Koh. 11:6; Ng. 13:48)

Talanoa 71

1. Ko hai ʻa ʻAisea, naʻá ne moʻuí ʻanefē, pea ko e hā naʻe fakahaaʻi ʻe Sihova kiate iá?

2. Ko e hā ʻa e ʻuhinga ʻo e foʻi lea “palataisi,” pea ko e hā ʻokú ne fakamanatu kiate koé?

3. Ko e hā naʻe tala ʻe Sihova kia ʻAisea ke ne tohi ʻo fekauʻaki mo e Palataisi foʻoú?

4. Ko e hā naʻe mole ai meia ʻĀtama mo ʻIvi ʻa hona ʻapi fakaʻofoʻofá?

5. Ko e hā ʻoku talaʻofa ʻe Sihova ki he faʻahinga ʻoku ʻofa kiate iá?

Ngaahi fehuʻi fakalahi:

1. Lau ʻa e ʻAisea 11:6-9.

   1. (a) ʻOku anga-fēfē hono fakatātaaʻi ʻi he Folofola ʻa e ʻOtuá ʻa e melino ʻe hoko ʻi he vahaʻa ʻo e fanga manú mo e tangatá ʻi he māmani foʻoú? (Sāme 148:10, 13; ʻAi. 65:25; ʻIsi. 34:25)

   2. (e) Ko e hā ʻa e fakahoko fakalaumālie ʻo e ngaahi lea ʻa ʻAiseá ʻoku hoko ʻi he lotolotonga ʻo e kakai ʻa Sihova he ʻaho ní? (Loma 12:2; ʻEf. 4:23, 24)

   3. (f) Ko hai ʻoku tuha mo e lāngilangi ki hono liliu ʻa e ngaahi angaʻitangata fakaetangatá fakatouʻosi he taimí ni pea ʻi he māmani foʻoú? (ʻAi. 48:17, 18; Kal. 5:22, 23; Fili. 4:7)

2. Lau ʻa e Fakahā 21:3, 4.

   1. (a) ʻOku anga-fēfē hono fakahaaʻi ʻi he Tohitapú ko e nofo ʻa e ʻOtuá mo e faʻahinga ʻo e tangatá ʻoku ʻuhinga iá ʻokú ne ʻi ai fakaefakatātā, ʻo ʻikai ʻi ai fakaesino ʻi he māmaní? (Liv. 26:11, 12; 2 Kal. 6:18; ʻAi. 66:1; Fkh. 21:2, 3, 22-24)

   2. (e) Ko e hā ʻa e loʻimata mo e mamahi ʻe ʻikai ke toe ʻi aí? (Luke 8:49-52; Loma 8:21, 22; Fkh. 21:4)

Talanoa 72

1. Ko hai ʻa e tangata ʻi he fakatātaá, pea ko e hā ʻokú ne faingataʻaʻia lahi aí?

2. Ko e hā ʻa e ngaahi tohi naʻe tuku ʻe Hesekaia ʻi he ʻao ʻo e ʻOtuá, pea ko e hā ʻa e lotu ʻa Hesekaiá?

3. Ko e tuʻi fēfē ʻa Hesekaia, pea ko e hā ʻa e pōpoaki naʻe ʻoange kiate ia ʻe Sihova fakafou ʻi he palōfita ko ʻAiseá?

4. Ko e hā naʻe fai ʻe he ʻāngelo ʻa Sihová ki he kau ʻAsīliá, hangē ko ia ʻoku fakahaaʻi ʻi he fakatātaá?

5. Neongo naʻe melino ʻi ha kiʻi taimi ʻa e puleʻanga matakali ʻe uá, ko e hā naʻe hoko hili ʻa e mate ʻa Hesekaiá?

Ngaahi fehuʻi fakalahi:

1. Lau ʻa e 2 Tuʻi 18:1-36.

   1. (a) Naʻe anga-fēfē ʻa e feinga ʻa e tangata-lea ʻAsīlia ko Lapisaké ke fakavaivaiʻi ʻa e tui ʻa e kau ʻIsilelí? (2 Tuʻi 18:19, 21; ʻEki. 5:2; Sāme 64:3)

   2. (e) ʻI he feangai mo e kau fakafepakí, ʻoku anga-fēfē ʻa e tokanga ʻa e Kau Fakamoʻoni ʻa Sihová ki he faʻifaʻitakiʻanga ʻa Hesekaiá? (2 Tuʻi 18:36; Sāme 39:1; Pal. 26:4; 2 Tīm. 2:24)

2. Lau ʻa e 2 Tuʻi 19:1-37.

   1. (a) ʻOku anga-fēfē ʻa e faʻifaʻitaki ʻa e kakai ʻa Sihova he ʻaho ní kia Hesekaia ʻi he taimi ʻo e faingataʻá? (2 Tuʻi 19:1, 2; Pal. 3:5, 6; Hep. 10:24, 25; Sēm. 5:14, 15)

   2. (e) Ko e hā ʻa e foʻi tuʻo tolu naʻe hokosia ʻe Tuʻi Senakalipé, pea ko hai ʻokú ne fakatātaaʻi fakaekikité? (2 Tuʻi 19:32, 35, 37; Fkh. 20:2, 3)

3. Lau ʻa e 2 Tuʻi 21:1-6, 16.

   Ko e hā ʻoku lava ai ke pehē ko Manase ko e taha ia ʻo e ngaahi tuʻi fulikivanu taha naʻe pule ʻi Selusalemá? (2 Kal. 33:4-6, 9)

Talanoa 73

1. Naʻe taʻu fiha ʻa Siosaia ʻi heʻene hoko ko e tuʻí, pea ko e hā naʻá ne kamata fai ʻi heʻene tuʻi ʻi he taʻu ʻe fitú?

2. Ko e hā ʻokú ke sio ʻoku fai ʻe Siosaia ʻi he ʻuluaki fakatātaá?

3. Ko e hā naʻe maʻu ʻe he taulaʻeiki lahí ʻi he taimi naʻe monomono ai ʻe he kau tangatá ʻa e temipalé?

4. Ko e hā naʻe hae ai ʻe Siosaia ʻa hono kofú?

5. Ko e hā ʻa e pōpoaki meia Sihova naʻe ʻoange ʻe he palōfita fefine ko Hūlitá kia Siosaiá?

Ngaahi fehuʻi fakalahi:

1. Lau ʻa e 2 Kalonikali 34:1-28.

   1. (a) Ko e hā ʻa e faʻifaʻitakiʻanga ʻoku ʻomai ʻe Siosaia ki he faʻahinga kuo pau nai ke nau kātekina ha tuʻunga faingataʻa ʻi he kei siʻí? (2 Kal. 33:21-25; 34:1, 2; Sāme 27:10)

   2. (e) Ko e hā ʻa e ngaahi sitepu mahuʻinga naʻe fou ai ʻa Siosaia ke laka ki muʻa ʻa e lotu moʻoní lolotonga ʻa e taʻu hono 8, 12 mo hono 18 ʻo ʻene pulé? (2 Kal. 34:3, 8)

   3. (f) Ko e hā ʻa e ngaahi lēsoni ʻi hono tauhi maʻu hotau ngaahi feituʻu faiʻanga lotú ʻe lava ke tau ako mei he ngaahi faʻifaʻitakiʻanga naʻe fokotuʻu ʻe Tuʻi Siosaia mo e Taulaʻeiki Lahi ko Hilikaiá? (2 Kal. 34:9-13; Pal. 11:14; 1 Kol. 10:31)

Talanoa 74

1. Ko hai ʻa e talavou ʻi he fakatātaá?

2. Ko e hā naʻe fakakaukau ki ai ʻa Selemaia fekauʻaki mo ʻene hoko ko ha palōfitá, ka ko e hā naʻe tala ange ʻe Sihova kiate iá?

3. Ko e hā ʻa e pōpoaki naʻe tala maʻu pē ʻe Selemaia ki he kakaí?

4. Naʻe anga-fēfē ʻa e feinga ʻa e kau taulaʻeikí ke taʻofi ʻa Selemaiá, ka naʻe anga-fēfē ʻene fakahaaʻi ʻoku ʻikai ke ne ilifiá?

5. Ko e hā naʻe hoko ʻi he ʻikai ke liliu ʻe he kau ʻIsilelí ʻenau ngaahi founga koví?

Ngaahi fehuʻi fakalahi:

1. Lau ʻa e Selemaia 1:1-8.

   1. (a) Hangē ko ia naʻe fakahāhā ʻi he faʻifaʻitakiʻanga ʻa Selemaiá, ko e hā ʻokú ne ʻai ha taha ke taau ki he ngāue ʻa Sihová? (2 Kol. 3:5, 6)

   2. (e) Ko e hā ʻa e fakalototoʻa ʻoku ʻomai ʻi he faʻifaʻitakiʻanga ʻa Selemaiá ki he kau talavou Kalisitiane he ʻaho ní? (Koh. 12:2 [12:1, PM]; 1 Tīm. 4:12)

2. Lau ʻa e Selemaia 10:1-5.

   Ko e hā ʻa e talanoa fakatātā mālohi naʻe ngāueʻaki ʻe Selemaia ke fakahaaʻi ʻa e taʻeʻaonga ʻo e falala ki he ngaahi ʻaitolí? (Sel. 10:5; ʻAi. 46:7; Hap. 2:19)

3. Lau ʻa e Selemaia 26:1-16.

   1. (a) ʻI hono fakaongo atu ʻa e pōpoaki fakatokanga he ʻaho ní, kuo anga-fēfē ʻa e tokanga ʻa e toenga ʻo e kau paní ki he fekau ʻa Sihova kia Selemaia ke ‘ʻoua te ne liʻaki ha foʻi leá’? (Sel. 26:2; Teu. 4:2; Ng. 20:27)

   2. (e) Ko e hā ʻa e faʻifaʻitakiʻanga lelei naʻe ʻomai ʻe Selemaia ki he Kau Fakamoʻoni ʻa Sihova he ʻaho ní ʻi hono talaki ʻa e fakatokanga ʻa Sihová ki he ngaahi puleʻangá? (Sel. 26:8, 12, 14, 15; 2 Tīm. 4:1-5)

4. Lau ʻa e 2 Tuʻi 24:1-17.

   Ko e hā ʻa e ngaahi nunuʻa fakamamahi naʻe hoko ʻi he taʻeangatonu ʻa Siuta kia Sihová? (2 Tuʻi 24:2-4, 14)

Talanoa 75

1. Ko hai ʻa e tamaiki tangata ʻe toko fā ʻi he fakatātaá, pea ko e hā naʻa nau ʻi Pāpilone aí?

2. Ko e hā ʻa e ngaahi faʻufaʻu naʻe fai ʻe Nepukanesa ki he tamaiki tangata ʻe toko faá, pea ko e hā ʻa e ngaahi fekau naʻá ne ʻoange ki heʻene kau sevānití?

3. Ko e hā ʻa e kole naʻe fai ʻe Tāniela fekauʻaki mo e meʻakai mo e vai maʻana mo hono kaungāmeʻa ʻe toko tolú?

4. Hili ʻenau kai vesitapolo ʻi he ʻaho ʻe hongofulú, naʻe fēfē ʻa Tāniela mo hono kaungāmeʻa ʻe toko tolú ʻi hono fakahoa ki he kau talavou kehé?

5. Naʻe anga-fēfē ʻa e hoko ʻa Tāniela mo hono kaungāmeʻa ʻe toko tolú ʻo ʻi he palasi ʻo e tuʻí, pea ʻi he founga fē naʻa nau lelei ange ai ʻi he kau taulaʻeikí mo e kau tangata potó?

Ngaahi fehuʻi fakalahi:

1. Lau ʻa e Tāniela 1:1-21.

   1. (a) Ko e hā ʻa e faʻahinga feinga ʻoku fiemaʻú kapau ʻoku tau ʻamanaki ke talitekeʻi ʻa e ngaahi ʻahiʻahí pea ikuʻi ʻa e ngaahi vaivaiʻangá? (Tān. 1:8; Sēn. 39:7, 10; Kal. 6:9)

   2. (e) ʻI he ngaahi founga fē ʻe ʻahiʻahiʻi nai ai ʻa e kau talavou he ʻaho ní pe tenge ke nau kau ʻi he meʻa ʻe vakai ki ai ʻa e niʻihi ko e “meʻakai ifo”? (Tān. 1:8, NW; Pal. 20:1; 2 Kol. 6:17–7:1)

   3. (f) Ko e hā ʻoku tokoniʻi kitautolu ʻe he fakamatala Tohitapu ki he kau talavou Hepelū ʻe toko faá ke tau ʻiloʻi fekauʻaki mo hono maʻu ʻa e ʻilo fakaemāmaní? (Tān. 1:20; ʻAi. 54:13; 1 Kol. 3:18-20)

Talanoa 76

1. Ko e hā naʻe hoko ki Selusalema pea ki he kau ʻIsilelí ʻoku fakahaaʻi ʻi he fakatātaá?

2. Ko hai ʻa ʻIsikeli, pea ko e hā ʻa e ngaahi meʻa fakalilifu naʻe fakahaaʻi ʻe Sihova kiate iá?

3. Koeʻuhi naʻe ʻikai ha fakaʻapaʻapa ʻa e kau ʻIsilelí kia Sihova, ko e hā naʻá ne palōmesí?

4. Ko e hā naʻe fai ʻe Tuʻi Nepukanesa hili ʻa e angatuʻu ʻa e kau ʻIsilelí kiate iá?

5. Ko e hā naʻe tuku ai ʻe Sihova ke hoko ʻa e fakaʻauha fakalilifu ko ʻení ki he kau ʻIsilelí?

6. Naʻe anga-fēfē hono liʻaki ʻa e fonua ko ʻIsilelí ʻo ʻikai toe ʻi ai ha kakaí, pea ko e hā hono fuoloá?

Ngaahi fehuʻi fakalahi:

1. Lau ʻa e 2 Tuʻi 25:1-26.

   1. (a) Ko hai ʻa Setekaia, ko e hā naʻe hoko kiate iá, pea naʻe anga-fēfē ʻa e fakahoko ʻi he meʻá ni ʻa e kikite ʻa e Tohi Tapú? (2 Tuʻi 25:5-7; ʻIsi. 12:13-15)

   2. (e) Ko hai naʻe tukuakiʻi ʻe Sihova ki he kotoa ʻo e taʻeangatonu naʻe fai ʻe ʻIsilelí? (2 Tuʻi 25:9, 11, 12, 18, 19; 2 Kal. 36:14, 17)

2. Lau ʻa e ʻIsikeli 8:1-18.

   Kuo anga-fēfē ʻa e faʻifaʻitaki ʻa e Puleʻanga-Haʻa-Kalisitiané ki he kau ʻIsileli tafoki mei he moʻoní ʻo lotu ki he laʻaá? (ʻIsi. 8:16; ʻAi. 5:20, 21; Sione 3:19-21; 2 Tīm. 4:3)

Talanoa 77

1. Ko e hā ʻa e fekau naʻe ʻoange ʻe Nepukanesa, ko e tuʻi Pāpiloné, ki he kakaí?

2. Ko e hā naʻe ʻikai ke punou ai ʻa e kaungāmeʻa ʻe toko tolu ʻo Tānielá ki he ʻīmisi koulá?

3. ʻI hono ʻoange ʻe Nepukanesa ki he kau Hepelū ʻe toko tolú ha toe faingamālie ke nau punou aí, naʻe anga-fēfē ʻenau fakahāhā ʻenau falala kia Sihová?

4. Ko e hā naʻe ʻai ʻe Nepukanesa ke fai ʻe heʻene kau tangatá kia Setaleki, Mēsake mo ʻApitenikoó?

5. Ko e hā naʻe mamata ki ai ʻa Nepukanesa ʻi heʻene sio atu ki he fōnisé?

6. Ko e hā naʻe fakamālōʻia ai ʻe he tuʻí ʻa e ʻOtua ʻo Setaleki, Mēsake mo ʻApitenikoó, pea ko e hā ʻa e faʻifaʻitakiʻanga ʻoku nau ʻomai kiate kitautolú?

Ongo fehuʻi fakalahi:

1. Lau ʻa e Tāniela 3:1-30.

   1. (a) Ko e hā ʻa e fakakaukau naʻe fakahāhā ʻe he kau talavou Hepulū ʻe toko tolú ʻoku totonu ke faʻifaʻitaki ki ai ʻa e kau sevāniti kotoa ʻa e ʻOtuá ʻi heʻenau fehangahangai mo e ngaahi ʻahiʻahi ʻo e angatonú? (Tān. 3:17, 18; Mt. 10:28; Loma 14:7, 8)

   2. (e) Ko e hā ʻa e lēsoni mahuʻinga naʻe akoʻi ʻe Sihova ko e ʻOtuá kia Nepukanesá? (Tān. 3:28, 29; 4:34, 35)

Talanoa 78

1. Ko e hā naʻe hoko ʻi he fuʻu kātoanga ʻa e tuʻi Pāpiloné pea ngāueʻaki ai ʻa e ngaahi ipu mo e ngaahi poulu naʻe ʻomai mei he temipale ʻo Sihova ʻi Selusalemá?

2. Ko e hā naʻe leaʻaki ʻe Pelisasa ki heʻene kau tangata potó, ka ko e hā naʻe ʻikai lava ke nau faí?

3. Ko e hā naʻe tala ange ʻe he faʻē ʻa e tuʻí kiate ia ke ne faí?

4. Fakatatau ki he meʻa naʻe tala ʻe Tāniela ki he tuʻí, ko e hā naʻe fekau mai ai ʻe he ʻOtuá ʻa e nimá ke tohi ʻi he holisí?

5. Naʻe anga-fēfē hono fakamatalaʻi ʻe Tāniela ʻa e ʻuhinga ʻo e ngaahi lea ʻi he holisí?

6. Ko e hā naʻe hoko ʻi he lolotonga ʻa e kei lea ʻa Tānielá?

Ngaahi fehuʻi fakalahi:

1. Lau ʻa e Tāniela 5:1-31.

   1. (a) Fakafaikehekeheʻi ʻa e manavahē fakaʻotuá mo e manavahē naʻe ongoʻi ʻe Pelisasa ʻi heʻene sio ki he tohi ʻi he holisí. (Tān. 5:6, 7; Sāme 19:9; Loma 8:35-39)

   2. (e) Naʻe anga-fēfē hono fakahaaʻi ʻe Tāniela ʻa e loto-toʻa lahi ʻi heʻene lea kia Pelisasa mo ʻene kau māʻolungá? (Tān. 5:17, 18, 22, 26-28; Ng. 4:29)

   3. (f) ʻI he founga fē ʻoku fakamamafaʻi ai ʻi he Tāniela vahe 5 ʻa e tuʻunga-hau fakaleveleva ʻo Sihová? (Tān. 4:17, 25; 5:21)

Talanoa 79

1. Ko hai ʻa Talaiasi, pea naʻe anga-fēfē ʻene vakai kia Tānielá?

2. Ko e hā naʻe ʻai ʻe he kau tangata meheká ke fai ʻe Talaiasí?

3. Ko e hā naʻe fai ʻe Tānielá ʻi heʻene ʻilo fekauʻaki mo e lao foʻoú?

4. Ko e hā naʻe fuʻu loto-mamahi ʻaupito ai ʻa Talaiasi ʻo ʻikai malava ke ne mohé, pea ko e hā naʻá ne fai he pongipongi hono hokó?

5. Naʻe anga-fēfē ʻa e tali ʻa Tāniela kia Talaiasí?

6. Ko e hā naʻe hoko ki he kau tangata kovi naʻa nau feinga ke tāmateʻi ʻa Tānielá, pea ko e hā naʻe tohi ʻe Talaiasi ki he kakai kotoa ʻi hono puleʻangá?

Ngaahi fehuʻi fakalahi:

1. Lau ʻa e Tāniela 6:1-28.

   1. (a) ʻOku anga-fēfē hono fakamanatu mai kiate kitautolu ʻe he faʻufaʻufono kia Tānielá ʻa e meʻa kuo fai ʻe he kau fakafepakí ʻi he feinga ke lōmia ʻa e ngāue ʻa e Kau Fakamoʻoni ʻa Sihova ʻi onopōní? (Tān. 6:7; Sāme 94:20; ʻAi. 10:1; Loma 8:31)

   2. (e) ʻE lava fēfē ke faʻifaʻitaki ʻa e kau sevāniti ʻa e ʻOtuá he ʻaho ní kia Tāniela ʻi he anganofo ai pē ki he “ngaahi pule ʻoku maʻolunga”? (Tān. 6:5, 10; Loma 13:1; Ng. 5:29)

   3. (f) ʻE lava fēfē ke tau faʻifaʻitaki ki he faʻifaʻitakiʻanga ʻa Tānielá ʻi he tauhi kia Sihova “taʻetukua”? (Tān. 6:17, 20 [Tān. 6:16, 20, PM]; Fili. 3:16; Fkh. 7:15)

Talanoa 80

1. Hangē ko ia ʻoku fakatātaaʻi ʻi he fakatātaá, ko e hā ʻoku fai ʻe he kau ʻIsilelí?

2. Naʻe anga-fēfē hono fakahoko ʻe Kōlesi ʻa e kikite ʻa Sihova fakafou ʻia ʻAiseá?

3. Ko e hā naʻe tala ʻe Kōlesi ki he kau ʻIsileli ʻa ia naʻe ʻikai lava ke nau foki ki Selusalemá?

4. Ko e hā naʻe ʻoange ʻe Kōlesi ki he kakaí ke nau foki mo ia ki Selusalemá?

5. Ko e hā ʻa e lōloa ʻo e foki ʻa e kau ʻIsilelí ki Selusalemá?

6. Ko e taʻu ʻe fiha naʻe maliu atu talu mei hono liʻaki fakaʻaufuli ʻa e fonuá ʻo ʻikai ha kakaí?

Ngaahi fehuʻi fakalahi:

1. Lau ʻa eʻAisea 44:28 mo e 45:1-4.

   1. (a) Naʻe anga-fēfē hono fakamamafaʻi ʻe Sihova ʻa e pau ʻo hono fakahoko ʻo e kikite fekauʻaki mo Kōlesí? (ʻAi. 55:10, 11; Loma 4:17)

   2. (e) Ko e hā ʻoku fakahaaʻi ʻi he kikite ʻa ʻAisea fekauʻaki mo Kōlesí ʻo kau ki he malava ʻa Sihova ko e ʻOtuá ke tomuʻa tala ʻa e kahaʻú? (ʻAi. 42:9; 45:21; 46:10, 11; 2 Pita 1:20)

2. Lau ʻa e ʻĒsela 1:1-11.

   ʻI he muimui ki he faʻifaʻitakiʻanga ʻa e faʻahinga naʻe ʻikai malava ke nau foki ki Selusalemá, ʻe lava fēfē ke tau ‘poupouʻi’ he ʻahó ni ʻa e faʻahinga ʻoku nau malava ke kau ki he ngāue taimi-kakató? (ʻĒsela 1:4, 6; Loma 12:13; Kol. 4:12)

Talanoa 81

1. Ko e kakai ʻe toko fiha naʻa nau fononga lōloa mei Pāpilone ki Selusalemá, ka ko e hā naʻa nau ʻilo ʻi heʻenau aʻu ki aí?

2. Ko e hā naʻe kamata ke langa ʻe he kau ʻIsilelí hili ʻenau aʻu ki aí, ka ko e hā naʻe fai ʻe honau ngaahi filí?

3. Ko hai ʻa Hākeai mo Sākalaia, pea ko e hā naʻá na tala ki he kakaí?

4. Ko e hā naʻe ʻave ai ʻe Tatenai ha tohi ki Pāpiloné, pea ko e hā ʻa e tali naʻá ne maʻú?

5. Ko e hā naʻe fai ʻe ʻĒsela ʻi heʻene ʻilo fekauʻaki mo e fiemaʻu ke fakaleleiʻi ʻa e temipale ʻo e ʻOtuá?

6. Ko e hā naʻe lotu ki ai ʻa ʻĒsela ʻi he fakatātaá, naʻe anga-fēfē hono tali ʻa ʻene lotú, pea ko e hā ʻoku akoʻi mai ʻe he meʻá ni kiate kitautolú?

Ngaahi fehuʻi fakalahi:

1. Lau ʻa e ʻĒsela 3:1-13.

   Kapau ʻe faifai ange pea tau ʻi ha feituʻu ʻoku ʻikai ha fakatahaʻanga ʻa e kakai ʻa e ʻOtuá, ko e hā ʻoku totonu ke tau hokohoko atu hono faí? (ʻĒsela 3:3, 6; Ng. 17:16, 17; Hep. 13:15)

2. Lau ʻa e ʻĒsela 4:1-7.

   Ko e hā ʻa e faʻifaʻitakiʻanga naʻe fokotuʻu ʻe Seluipēpeli ki he kakai ʻa Sihová fekauʻaki mo e lotu tuifió? (ʻEki. 34:12; 1 Kol. 15:33; 2 Kol. 6:14-17)

3. Lau ʻa eʻĒsela 5:1-5, 17 mo e 6:1-22.

   1. (a) Ko e hā naʻe ʻikai malava ai ʻa e kau fakafepakí ke taʻofi ʻa e ngāue langa ʻo e temipalé? (ʻĒsela 5:5; ʻAi. 54:17)

   2. (e) ʻOku anga-fēfē hono fakalototoʻaʻi ʻe he tōʻonga ʻa e kau tangata taʻumotuʻa Siú ʻa e kau mātuʻa Kalisitiané ke nau kumi ki he tataki ʻa Sihová ʻi he fehangahangai mo e kau fakafepakí? (ʻĒsela 6:14; Sāme 32:8; Loma 8:31; Sēm. 1:5)

4. Lau ʻa e ʻĒsela 8:21-23, 28-36.

   Ki muʻa ke tau kamata ʻi ha ʻalunga pau ʻo ha ngāué, ko e hā ʻa e faʻifaʻitakiʻanga ʻa ʻĒsela ʻe lelei ke tau faʻifaʻitaki ki aí? (ʻĒsela 8:23; Sāme 127:1; Pal. 10:22; Sēm. 4:13-15)

Talanoa 82

1. Ko hai ʻa Motekiai mo ʻĒseta?

2. Ko e hā naʻe fiemaʻu ai ʻe Tuʻi ʻAhasivelo ha uaifi foʻoú, pea ko hai naʻá ne filí?

3. Ko hai ʻa Hāmani, pea ko e hā naʻá ne ʻai ia ke ne ʻita lahi ʻaupitó?

4. Ko e hā ʻa e lao naʻe faʻú, pea ko e hā naʻe fai ʻe ʻĒseta hili ʻene maʻu ʻa e pōpoaki meia Motekiaí?

5. Ko e hā naʻe hoko kia Hāmaní, pea ko e hā naʻe hoko kia Motekiaí?

6. Naʻe anga-fēfē hono fakahaofi ʻa e kau ʻIsilelí mei honau ngaahi filí?

Ngaahi fehuʻi fakalahi:

1. Lau ʻa e ʻĒseta 2:12-18.

   Naʻe anga-fēfē hono fakahāhā ʻe ʻĒseta ʻa e mahuʻinga ʻo hono fakatupulekina ha “angava[i]vai mo e angamalū”? (ʻĒseta 2:15; 1 Pita 3:1-5)

2. Lau ʻa e ʻĒseta 4:1-17.

   Hangē pē ko hono ʻoange kia ʻĒseta ʻa e faingamālie ke ngāue ai maʻá e lotu moʻoní, ko e hā ʻa e faingamālie ʻoku ʻomai kiate kitautolu he ʻahó ni ke fakahāhā ai ʻetau līʻoa mo e mateaki kia Sihová? (ʻĒseta 4:13, 14; Mt. 5:14-16; 24:14)

3. Lau ʻa e ʻĒseta 7:1-6.

   Kuo anga-fēfē ʻa e tuku meimei tatau ʻe he tokolahi ʻo e kakai ʻa e ʻOtuá he ʻaho ní ke nau ʻi ha tuʻunga fakatuʻutāmaki ʻo e fakatangá, ʻo hangē ko ia naʻe fai ʻe ʻĒsetá? (ʻĒseta 7:4; Mt. 10:16-22; 1 Pita 2:12)

Talanoa 83

1. Naʻe anga-fēfē ʻa e ongoʻi ʻa e kau ʻIsilelí fekauʻaki mo e ʻikai ha ngaahi ʻā takatakai ʻi honau kolo ko Selusalemá?

2. Ko hai ʻa Nehemaia?

3. Ko e hā ʻa e ngāue ʻa Nehemaiá, pea ko e hā naʻe mahuʻinga aí?

4. Ko e hā ʻa e ongoongo naʻá ne ʻai ʻa Nehemaia ke loto-mamahí, pea ko e hā naʻá ne faí?

5. Naʻe anga-fēfē hono fakahāhā ʻe Tuʻi ʻAtasease ʻa e anga-lelei kia Nehemaiá?

6. Naʻe anga-fēfē hono fokotuʻutuʻu ʻe Nehemaia ʻa e ngāue langá ʻo ʻikai lava ai ke taʻofi ia ʻe he ngaahi fili ʻo ʻIsilelí?

Ngaahi fehuʻi fakalahi:

1. Lau ʻa e Nehemaia 1:4-6 mo e 2:1-20.

   Naʻe anga-fēfē ʻa e kumi ʻa Nehemaia ki he tataki ʻa Sihová? (Nehe. 2:4, 5; Loma 12:12; 1 Pita 4:7)

2. Lau ʻa e Nehemaia 3:3-5.

   Ko e hā ʻe lava ke ako ʻe he kau mātuʻá mo e kau sevāniti fakafaifekaú mei he faikehekehe ʻi he vahaʻa ʻo e kau Tēkoá mo ʻenau kau “houʻeiki”? (Nehe. 3:5, 27; 2 Tes. 3:7-10; 1 Pita 5:5)

3. Lau ʻa e Nehemaia 4:1-23.

   1. (a) Ko e hā naʻá ne ueʻi ʻa e kau ʻIsilelí ke nau hokohoko atu ʻa e langá neongo ʻa e fakafepaki kakahá? (Nehe. 4:6, 8, 9; Sāme 50:15; ʻAi. 65:13, 14)

   2. (e) ʻI he founga fē ʻoku fakalototoʻaʻi ai ʻe he faʻifaʻitakiʻanga ʻa e kau ʻIsilelí ʻa kitautolu he ʻaho ní?

4. Lau ʻa e Nehemaia 6:15.

   Ko e hā ʻoku fakahāhā fekauʻaki mo e mālohi ʻo e tuí ʻe he moʻoniʻi meʻa ko ia ʻo e ʻosi ʻa e ngaahi ʻā ʻo Selusalemá ʻi he māhina pē ʻe uá? (Sāme 56:3, 4; Mt. 17:20; 19:26)

Talanoa 84

1. Ko hai ʻa e fefine ʻi he fakatātaá?

2. Ko e hā naʻe tala ʻe Kepaleli kia Melé?

3. Naʻe anga-fēfē ʻa e fakamatala ʻa Kepaleli kia Mele te ne maʻu ha pēpē neongo naʻe ʻikai te ne nofo mo ha tangatá?

4. Ko e hā naʻe hoko ʻi he ʻaʻahi ʻa Mele ki hono kāinga ko ʻIlisapesí?

5. Ko e hā naʻe fakakaukau ki ai ʻa Siosefa ʻi heʻene ʻiloʻi ʻe maʻu ʻe Mele ha pēpeé, ka ko e hā naʻe liliu ai ʻene fakakaukaú?

Ngaahi fehuʻi fakalahi:

1. Lau ʻa e Luke 1:26-56.

   1. (a) Ko e hā ʻoku fakahaaʻi ʻi he Luke 1:35 fekauʻaki mo ha taʻehaohaoa pē tupu meia ʻĀtama ʻi he manava ʻo Melé ʻi he taimi naʻe hiki hifo ai ʻa e moʻui ʻa e ʻAlo ʻo e ʻOtuá mei he nofoʻanga laumālié? (Hak. 2:11-13; Sione 6:69; Hep. 7:26; 10:5)

   2. (e) Naʻe anga-fēfē hono maʻu ʻe Sīsū ʻa e lāngilangi naʻa mo e ki muʻa ʻi hono fāʻeleʻí? (Luke 1:41-43)

   3. (f) Ko e hā ʻa e faʻifaʻitakiʻanga lelei naʻe ʻomai ʻe Mele ki he kau Kalisitiane he ʻahó ni ʻa ia ʻoku nau maʻu ʻa e ngaahi monū makehe ʻo e ngāué? (Luke 1:38, 46-49; 17:10; Pal. 11:2)

2. Lau ʻa e Mātiu 1:18-25.

   Neongo naʻe ʻikai ke ʻoange kia Sīsū ʻa e hingoa fakafoʻituitui ko e ʻImanuelá, naʻe anga-fēfē hono fakahoko ʻe hono ngafa ko ha tangatá ʻa hono ʻuhingá? (Mt. 1:22, 23; Sione 14:8-10; Hep. 1:1-3)

Talanoa 85

1. Ko hai ʻa e kiʻi pēpē ʻi he fakatātaá, pea ʻoku fakatokoto ia ʻe Mele ʻi he hā?

2. Ko e hā naʻe fāʻeleʻi ai ʻa Sīsū ʻi ha fale ki he fanga manú fakataha mo e fanga manú?

3. ʻI he fakatātaá, ko hai ʻa e kau tangata ʻoku nau hū ki he fale ʻo e fanga manú, pea ko e hā naʻe tala ange ʻe ha ʻāngelo kiate kinautolú?

4. Ko e hā naʻe makehe ai ʻa Sīsuú?

5. Ko e hā naʻe lava ai ke ui ʻa Sīsū ko e ʻAlo ʻo e ʻOtuá?

Ngaahi fehuʻi fakalahi:

1. Lau ʻa e Luke 2:1-20.

   1. (a) Ko e hā ʻa e tafaʻaki naʻe fakahoko ʻe Sisa ʻAkosito ʻi hono fakahoko ʻo e kikite fekauʻaki mo e fāʻeleʻi ʻo Sīsuú? (Luke 2:1-4; Mai. 5:2)

   2. (e) ʻE anga-fēfē ʻa e hoko ha tokotaha ʻo fakakau ʻi he haʻohaʻonga ʻo e faʻahinga naʻe lave ki ai ko e “kakai kuo hoifua ki ai”? (Luke 2:14; Mt. 16:24; Sione 17:3; Ng. 3:19; Hep. 11:6)

   3. (f) Kapau naʻe maʻu ʻe he kau tauhi-sipi māʻulalo Siutea ko iá ha ʻuhinga ke nau fiefia ai ʻi hono fāʻeleʻi ʻa e Fakamoʻuí, ko e hā ʻa e ʻuhinga lahi ange ki he fiefiá ʻoku maʻu ʻe he kau sevāniti ʻa e ʻOtuá he ʻaho ní? (Luke 2:10, 11; ʻEf. 3:8, 9; Fkh. 11:15; 14:6)

Talanoa 86

1. Ko hai ʻa e kau tangata ʻi he fakatātaá, pea ko e hā ʻoku tuhu ai ʻa e tokotaha ʻo kinautolu ki ha fetuʻu ngingilá?

2. Ko e hā naʻe hoko ai ʻo loto-mamahi ʻa Tuʻi Hēlotá, pea ko e hā naʻá ne faí?

3. Ko fē naʻe taki ki ai ʻe he fetuʻu ngingilá ʻa e kau tangatá, ka ko e hā naʻa nau foki ai ki honau fonuá ʻi ha hala kehé?

4. Ko e hā ʻa e tuʻutuʻuni naʻe fai ʻe Hēlotá pea ko e hā hono ʻuhingá?

5. Ko e hā naʻe tala ʻe Sihova kia Siosefa ke ne faí?

6. Ko hai naʻá ne ʻai ʻa e fetuʻu foʻoú ke ngingilá, pea ko e hā hono ʻuhingá?

Fehuʻi fakalahi:

1. Lau ʻa e Mātiu 2:1-23.

   Naʻe taʻu fiha ʻa Sīsū pea naʻá ne nofo ʻi fē ʻi he ʻaʻahi kiate ia ʻa e kau makí? (Mt. 2:1, 11, 16)

Talanoa 87

1. Naʻe taʻu fiha ʻa Sīsū ʻi he fakatātaá, pea naʻá ne ʻi fē?

2. Ko e hā naʻe fai ʻe Siosefa mo hono fāmilí ʻi he taʻu taki taha?

3. Hili ʻa e ʻaho ʻe taha ʻi he fononga ʻo foki ki ʻapí, ko e hā naʻe toe foki ai ʻa Siosefa mo Mele ki Selusalemá?

4. Ko fē naʻe ʻiloʻi ai ʻe Siosefa mo Mele ʻa Sīsuú, pea ko e hā naʻe ofo ai ʻa e kakai ʻi aí?

5. Ko e hā naʻe tala ange ʻe Sīsū ki heʻene faʻē ko Melé?

6. ʻE lava fēfē ke tau hangē ko Sīsuú ʻi he ako fekauʻaki mo e ʻOtuá?

Ngaahi fehuʻi fakalahi:

1. Lau ʻa e Luke 2:41-52.

   1. (a) Neongo naʻe fiemaʻu ʻi he Laó ko e kakai tangatá pē ke nau maʻu ʻa e ngaahi kātoanga fakataʻú, ko e hā ʻa e faʻifaʻitakiʻanga lelei naʻe ʻomai ʻe Siosefa mo Mele ki he ngaahi mātuʻa he ʻaho ní? (Luke 2:41; Teu. 16:16; 31:12; Pal. 22:6)

   2. (e) Naʻe anga-fēfē hono fokotuʻu ʻe Sīsū ha faʻifaʻitakiʻanga lelei ki he fānau he ʻaho ní ke nau fakamoʻulaloa ki heʻenau ngaahi mātuʻá? (Luke 2:51; Teu. 5:16; Pal. 23:22; Kol. 3:20)

2. Lau ʻa e Mātiu 13:53-56.

   Ko hai ʻa e ngaahi tokoua fakakakano ʻe toko fā ʻo Sīsū ʻoku ʻomai honau hingoá he Tohitapú, pea naʻe anga-fēfē hono ngāueʻaki ʻa e toko ua ʻo kinautolu ki mui ange ʻi he fakatahaʻanga Kalisitiané? (Mt. 13:55; Ng. 12:17; 15:6, 13; 21:18; Kal. 1:19; Sēm. 1:1; Siu. 1)

Talanoa 88

1. Ko hai ʻa e ongo tangata ʻi he fakatātaá?

2. ʻOku anga-fēfē hono papitaiso ʻo ha tokotaha?

3. Ko hai naʻe papitaiso anga-maheni ʻe Sioné?

4. Ko e hā ʻa e ʻuhinga makehe naʻe kole ai ʻe Sīsū kia Sione ke ne papitaiso iá?

5. Naʻe anga-fēfē hono fakahāhā ʻe he ʻOtuá naʻá Ne hōifua ʻi he papitaiso ʻo Sīsuú?

6. Ko e hā naʻe hoko ʻi he ʻalu ʻa Sīsū ki ha feituʻu naʻe ʻikai ke ʻi ai ha kakai ʻi he ʻaho ʻe 40?

7. Ko hai ʻa e niʻihi ʻo e ʻuluaki kau muimui, pe kau ākonga ʻa Sīsuú, pea ko e hā ʻa ʻene ʻuluaki maná?

Ngaahi fehuʻi fakalahi:

1. Lau ʻa e Mātiu 3:13-17.

   Ko e hā ʻa e sīpinga naʻe fokotuʻu ʻe Sīsū ki he papitaiso ʻo ʻene kau ākongá? (Sāme 40:7, 8; Mt. 28:19, 20; Luke 3:21, 22)

2. Lau ʻa e Mātiu 4:1-11.

   ʻOku anga-fēfē hono fakalototoʻaʻi kitautolu ʻe he ngāue pōtoʻi ʻaki ʻe Sīsū ʻa e Tohi Tapú ke tau ako tuʻumaʻu ai ʻa e Tohi Tapú? (Mt. 4:5-7; 2 Pita 3:17, 18; 1 Sione 4:1)

3. Lau ʻa e Sione 1:29-51.

   Ko hai naʻe tataki ki ai ʻe Sione Papitaiso ʻa ʻene kau ākongá, pea ʻe lava fēfē ke tau faʻifaʻitaki kiate ia he ʻahó ni? (Sione 1:29, 35, 36; 3:30; Mt. 23:10)

4. Lau ʻa e Sione 2:1-12.

   Naʻe anga-fēfē hono fakahaaʻi ʻi he ʻuluaki mana ʻa Sīsuú ʻoku ʻikai ke taʻofi ʻe Sihova ha meʻa lelei mei Heʻene kau sevānití? (Sione 2:9, 10; Sāme 84:11; Sēm. 1:17)

Talanoa 89

1. Ko e hā naʻe fakatau atu ai ʻa e fanga manú ʻi he temipalé?

2. Ko e hā naʻá ne ʻai ke ʻita ʻa Sīsuú?

3. Hangē ko ia ʻoku lava ke ke sio ki ai ʻi he fakatātaá, ko e hā ʻoku fai ʻe Sīsuú, pea ko e hā ʻa e tuʻutuʻuni naʻá ne fai ki he kau tangata fakatau lupé?

4. ʻI he taimi naʻe sio ai ʻa e kau muimui ʻo Sīsuú ki he meʻa naʻá ne faí, ko e hā naʻe fakamanatu ai kiate kinautolú?

5. Ko fē ʻa e vahefonua naʻe fononga atu ai ʻa Sīsū ʻi heʻene foki ki Kālelí?

Fehuʻi fakalahi:

1. Lau ʻa e Sione 2:13-25.

   ʻI he fakakaukau atu ki he ʻita ʻa Sīsū ki he kau fetongi paʻanga ʻi he temipalé, ko e hā ʻa e vakai totonu ki he ngaahi ngāue fakakomēsiale ʻi he Fale Fakatahaʻanga? (Sione 2:15, 16; 1 Kol. 10:24, 31-33)

Talanoa 90

1. Ko e hā naʻe nofo hifo ai ʻa Sīsū ʻi ha veʻe vaikeli ʻi Samēliá, pea ko e hā naʻá ne leaʻaki ai ki ha fefine?

2. Ko e hā naʻe ʻohovale ai ʻa e fefiné, ko e hā naʻe leaʻaki ʻe Sīsū kiate iá, pea ko e hā hono ʻuhingá?

3. Ko e faʻahinga vai fēfē naʻe fakakaukau ʻa e fefiné ko e talanoa ʻa Sīsū ki aí, ka ko e hā ʻa e vai naʻá ne ʻuhinga moʻoni ki aí?

4. Ko e hā naʻe ofo ai ʻa e fefiné ʻi he meʻa naʻe ʻilo ʻe Sīsū fekauʻaki mo iá, pea naʻe anga-fēfē ʻene maʻu ʻa e fakamatalá ni?

5. Ko e hā ʻa e ngaahi lēsoni ʻe lava ke tau ako mei he talanoa ki he fefine ʻi he veʻe vaikelí?

Ngaahi fehuʻi fakalahi:

1. Lau ʻa e Sione 4:5-43.

   1. (a) ʻI he muimui ki he faʻifaʻitakiʻanga ʻa Sīsuú, ko e hā ʻa e fakakaukau ʻoku totonu ke tau fakahāhā ki he kakai ʻo ha matakali pe ʻātakai fakasōsiale kehe? (Sione 4:9; 1 Kol. 9:22; 1 Tīm. 2:3, 4; Tai. 2:11)

   2. (e) Ko e hā ʻa e ngaahi ʻaonga fakalaumālie ʻoku hoko mai ki ha tokotaha ʻoku hoko ko ha ākonga ʻa Sīsū? (Sione 4:14; ʻAi. 58:11; 2 Kol. 4:16)

   3. (f) ʻE lava fēfē ke tau fakahaaʻi ʻa e houngaʻia hangē ko ia ko e fefine Samēliá, ʻa ia naʻá ne vēkeveke ke vahevahe atu ʻa e meʻa naʻá ne ʻiló? (Sione 4:7, 28; Mt. 6:33; Luke 10:40-42)

Talanoa 91

1. ʻI he fakatātaá, ko fē ʻoku faiako ai ʻa Sīsuú pea ko hai ʻa e faʻahinga ʻoku tangutu ofi kiate iá?

2. Ko hai ʻa e hingoa ʻo e kau ʻapositolo ʻe toko 12?

3. Ko e hā ʻa e Puleʻanga ʻoku malanga ʻa Sīsū fekauʻaki mo iá?

4. Ko e hā naʻe akoʻi ʻe Sīsū ʻa e kakaí ke nau lotu ki aí?

5. Ko e hā naʻe leaʻaki ʻe Sīsū fekauʻaki mo e anga ʻoku totonu ke fefaiʻaki ʻe he kakaí?

Ngaahi fehuʻi fakalahi:

1. Lau ʻa e Mātiu 5:1-12.

   ʻI he ngaahi founga fē ʻe lava ke tau fakahaaʻi ai ʻoku tau lāuʻilo ki heʻetau fiemaʻu fakalaumālié? (Mt. 5:3; Loma 10:13-15; 1 Tīm. 4:13, 15, 16)

2. Lau ʻa e Mātiu 5:21-26.

   ʻOku anga-fēfē hono fakamamafaʻi ʻi he Mātiu 5:23, 24 ko hotau vahaʻangatae mo hotau ngaahi tokouá ʻoku kaunga ia ki hotau vahaʻangatae mo Sihová? (Mt. 6:14, 15; Sāme 133:1; Kol. 3:13; 1 Sione 4:20)

3. Lau ʻa e Mātiu 6:1-8.

   Ko e hā ʻa e faʻahinga founga ʻo e māʻoniʻoni fakaekitá ʻoku totonu ke fakaʻehiʻehi mei ai ʻa e kau Kalisitiané? (Luke 18:11, 12; 1 Kol. 4:6, 7; 2 Kol. 9:7)

4. Lau ʻa e Mātiu 6:25-34.

   Ko e hā naʻe akoʻi ʻe Sīsū fekauʻaki mo e fiemaʻu ke falala kia Sihova ki heʻetau ngaahi tokonaki fakamatelié? (ʻEki. 16:4; Sāme 37:25; Fili. 4:6)

5. Lau ʻa e Mātiu 7:1-11.

   Ko e hā ʻoku akoʻi mai kiate kitautolu ʻe he fakatātā mahino ʻoku maʻu ʻi he Mātiu 7:5? (Pal. 26:12; Loma 2:1; 14:10; Sēm. 4:11, 12)

Talanoa 92

1. Ko hai ʻa e tamai ʻa e taʻahine ʻi he fakatātaá, pea ko e hā naʻá ne hohaʻa ʻaupito ai mo hono uaifí?

2. Ko e hā naʻe fai ʻe Siailosi ʻi heʻene ʻilo ʻa Sīsuú?

3. Ko e hā naʻe hoko ʻi he ʻalu ʻa Sīsū ki he ʻapi ʻo Siailosí, pea ko e hā ʻa e pōpoaki naʻe maʻu ʻe Siailosi ʻi heʻene fonongá?

4. Ko e hā naʻe kataʻi ai ʻa Sīsū ʻe he kakai ʻi he fale ʻo Siailosí?

5. Hili hono ʻave ʻa e toko tolu ʻo e kau ʻapositoló mo e tamai pea mo e faʻē ʻa e taʻahiné ki he loki ʻo e taʻahiné, ko e hā naʻe fai ʻe Sīsuú?

6. Ko hai naʻe toe fokotuʻu ʻe Sīsū mei he maté, pea ko e hā ʻoku fakahaaʻi ʻe he meʻá ni?

Ngaahi fehuʻi fakalahi:

1. Lau ʻa e Luke 8:40-56.

   Naʻe anga-fēfē hono fakahāhā ʻe Sīsū ʻa e manavaʻofa mo e fakaʻatuʻi ki he fefine naʻe ʻau totó, pea ko e hā ʻe lava ke ako ʻe he kau mātuʻa Kalisitiane he ʻaho ní mei he meʻá ni? (Luke 8:43, 44, 47, 48; Liv. 15:25-27; Mt. 9:12, 13; Kol. 3:12-14)

2. Lau ʻa e Luke 7:11-17.

   Ko e hā ʻe lava ai ʻe he faʻahinga kuo mole ʻa e faʻahinga naʻa nau ʻofa aí ʻi he maté ke nau maʻu ʻa e fiemālie lahi ʻi he anga ʻo e tali ʻa Sīsū ki he uitou mei Neiní? (Luke 7:13; 2 Kol. 1:3, 4; Hep. 4:15)

3. Lau ʻa e Sione 11:17-44.

   Naʻe anga-fēfē ʻa e fakahāhā ʻe Sīsū ʻoku fakanatula pē ke mamahi ʻi he mate ʻa ha taha ʻofeiná? (Sione 11:33-36, 38; 2 Sām. 18:33; 19:1-4)

Talanoa 93

1. Ko e hā ʻa e meʻa fakalilifu naʻe hoko kia Sione Papitaisó, pea naʻe ʻai ai ʻa Sīsū ke ne ongoʻi fēfē?

2. Naʻe anga-fēfē hono fafanga ʻe Sīsū ʻa e fuʻu kakai naʻe muimui kiate iá, pea ko e hā ʻa e lahi ʻo e meʻakai naʻe toé?

3. Ko e hā naʻe ilifia ai ʻa e kau ākongá lolotonga ʻa e poó pea ko e hā naʻe hoko kia Pitá?

4. Naʻe anga-fēfē hono fafanga tuʻo ua ʻe Sīsū ʻa e kakai ʻe laui afé?

5. Ko e hā ʻe fakaofo ai ʻa e taimi ʻe pule ai ʻa Sīsū ʻi he māmaní he tuʻunga ko e Tuʻi ʻa e ʻOtuá?

Ngaahi fehuʻi fakalahi:

1. Lau ʻa e Mātiu 14:1-32.

   1. (a) Ko e fakamatala ʻi he Mātiu 14:23-32 ʻoku ʻomai ai ʻa e fakamaama ko e hā ki he angaʻitangata ʻo Pitá?

   2. (e) ʻOku anga-fēfē hono fakahaaʻi ʻe he lēkooti Fakatohitapú naʻe matuʻotuʻa ʻa Pita peá ne ikuʻi ʻa ʻene tōʻonga loto-ʻohó? (Mt. 14:27-30; Sione 18:10; 21:7; Ng. 2:14, 37-40; 1 Pita 5:6, 10)

2. Lau ʻa e Mātiu 15:29-38.

   Naʻe anga-fēfē hono fakahaaʻi ʻe Sīsū ʻa e tokanga ki he ngaahi tokonaki fakamatelie mei heʻene Tamaí? (Mt. 15:37; Sione 6:12; Kol. 3:15)

3. Lau ʻa e Sione 6:1-21.

   ʻE lava fēfē ke muimui ʻa e kau Kalisitiane he ʻaho ní ʻi he faʻifaʻitakiʻanga ʻa Sīsū ʻi he fekauʻaki mo e founga-pulé? (Sione 6:15; Mt. 22:21; Loma 12:2; 13:1-4)

Talanoa 94

1. Ko e hā naʻe fekīhiaki ʻa e kau ʻapositoló ʻo kau ki ai ʻi heʻenau foki mei ha fononga mamaʻó?

2. Ko e hā naʻe ui ai ʻe Sīsū ha kiʻi tamasiʻi ʻo ne fokotuʻu ʻi he haʻohaʻonga ʻo e kau ʻapositoló?

3. ʻI he founga fē naʻe totonu ke ako ai ʻa e kau ʻapositoló ke hangē ko e fānaú?

4. ʻI he ngaahi māhina siʻi ki mui aí, naʻe anga-fēfē hono fakahaaʻi ʻe Sīsū ʻa ʻene ʻofaʻi ʻa e fānaú?

Ngaahi fehuʻi fakalahi:

1. Lau ʻa e Mātiu 18:1-4.

   Ko e hā naʻe ngāueʻaki ai ʻe Sīsū ʻa e ngaahi talanoa fakatātaá ʻi heʻene faiakó? (Mt. 13:34, 36; Mk. 4:33, 34)

2. Lau ʻa e Mātiu 19:13-15.

   Ko e hā ʻa e ngaahi ʻulungāanga ʻo e fānau iikí kuo pau ke tau faʻifaʻitaki ki ai kapau ʻoku tau loto ke kau ʻi he ngaahi tāpuaki ʻo e Puleʻangá? (Sāme 25:9; 138:6; 1 Kol. 14:20)

3. Lau ʻa e Maʻake 9:33-37.

   Ko e hā naʻe akoʻi ʻe Sīsū ki heʻene kau ākongá fekauʻaki mo e fiemaʻu ʻo e ngaahi tuʻunga tuʻu-ki-muʻá? (Mk. 9:35; Mt. 20:25, 26; Kal. 6:3; Fili. 2:5-8)

4. Lau ʻa e Maʻake 10:13-16.

   Naʻe fotungofua fēfē ʻa Sīsū, pea ko e hā ʻe lava ke ako ʻe he kau mātuʻa Kalisitiané mei heʻene faʻifaʻitakiʻangá? (Mk. 6:30-34; Fili. 2:1-4; 1 Tīm. 4:12)

Talanoa 95

1. Ko e hā ʻa e fehuʻi naʻe ʻeke ʻe ha tangata kia Sīsuú, pea ko e hā hono ʻuhingá?

2. Ko e hā naʻe ngāueʻaki ʻe Sīsū ʻi he taimi ʻe niʻihi ʻi he faiakó, pea ko e hā kuo tau ʻosi ʻiloʻi fekauʻaki mo e kau Siú pea mo e kau Samēliá?

3. ʻI he talanoa naʻe fai ʻe Sīsuú, ko e hā naʻe hoko ki ha tangata Siu naʻe fononga atu ʻi he hala ki Sielikoó?

4. Ko e hā naʻe hoko ʻi he taimi naʻe haʻu ai ʻi he halá ʻa e taulaʻeiki Siu mo ha Līvaí?

5. ʻI he fakatātaá, ko hai ʻokú ne tokoniʻi ʻa e tangata Siu naʻe laveá?

6. Hili hono fakaʻosi ʻe Sīsū ʻa e talanoá, ko e hā ʻa e fehuʻi naʻá ne ʻeké, pea naʻe anga-fēfē ʻa e tali ʻa e tangatá?

Ongo fehuʻi fakalahi:

1. Lau ʻa e Luke 10:25-37.

   1. (a) ʻI he ʻikai fai ha tali hangatonú, naʻe anga-fēfē hono tokoniʻi ʻe Sīsū ha tangata pōtoʻi ʻi he Laó ke ne fai ha fakaʻuhingá? (Luke 10:26; Mt. 16:13-16)

   2. (e) Naʻe anga-fēfē hono ngāueʻaki ʻe Sīsū ʻa e ngaahi talanoa fakatātaá ke ikuʻi ʻaki ʻa e tomuʻa fehiʻa ʻi he tafaʻaki ʻa ʻene kau fanongó? (Luke 10:36, 37; 18:9-14; Tai. 1:9)

Talanoa 96

1. Ko e hā naʻe fai ʻe Sīsū ʻi heʻene fononga atu he fonuá?

2. ʻI he taʻu nai ʻe tolu hili ʻa e papitaiso ʻa Sīsuú, ko e hā naʻá ne tala ki heʻene kau ʻapositoló?

3. Ko hai ʻa e kakai ʻi he fakatātaá, pea ko e hā naʻe fai ʻe Sīsū ki he fefiné?

4. Ko e hā naʻe ʻai ai ʻe he tali ʻa Sīsū ki he ngaahi fakafepaki ʻa e kau taki lotú ke nau maá?

5. ʻI he taimi naʻe ofi ai ʻa Sīsū mo ʻene kau ʻapositoló ki Sielikoó, ko e hā naʻe fai ʻe Sīsū ki he ongo tangata kui kolekolé?

6. Ko e hā naʻe fai ai ʻe Sīsū ʻa e ngaahi maná?

Ngaahi fehuʻi fakalahi:

1. Lau ʻa e Mātiu 15:30, 31.

   Ko e hā ʻa e fakahāhā fakaofo ʻo e mālohi ʻo Sihová ʻoku fakahaaʻi fakafou ʻia Sīsuú, pea ʻoku totonu ke fēfē ʻene kaunga ki heʻetau mahinoʻi ʻa e meʻa naʻe talaʻofa ʻe Sihova ki he māmani foʻoú? (Sāme 37:29; ʻAi. 33:24)

2. Lau ʻa e Luke 13:10-17.

   ʻOku anga-fēfē hono fakahaaʻi ʻe he moʻoniʻi meʻa ʻo hono fakahoko ʻe Sīsū ʻa e niʻihi ʻo ʻene ngaahi mana tuʻu-ki-muʻa taha ʻi he Sāpaté ʻa e faʻahinga fakafiemālie te ne ʻomai ki he faʻahinga ʻo e tangatá lolotonga ʻa ʻene Pule Taʻu ʻe Taha Afé? (Luke 13:10-13; Sāme 46:9; Mt. 12:8; Kol. 2:16, 17; Fkh. 21:1-4)

3. Lau ʻa e Mātiu 20:29-34.

   ʻOku anga-fēfē hono fakahaaʻi ʻi he fakamatala ko ení naʻe ʻikai ʻaupito fuʻu femoʻuekina ʻa Sīsū ke tokoniʻi ʻa e kakaí, pea ko e hā ʻe lava ke tau ako mei he meʻá ni? (Teu. 15:7; Sēm. 2:15, 16; 1 Sione 3:17)

Talanoa 97

1. ʻI he taimi naʻe aʻu mai ai ʻa Sīsū ki ha kiʻi kolo ofi ki Selusalemá, ko e hā naʻá ne tala ki heʻene kau ākongá ke nau faí?

2. ʻI he fakatātaá, ko e hā naʻe hoko ʻi he taimi naʻe hoko ai ʻa Sīsū ʻo ofi ki he kolo ko Selusalemá?

3. Ko e hā naʻe fai ʻe he fānau iikí ʻi heʻenau sio ki hono fakamoʻui ʻe Sīsū ʻa e kakai naʻe kui mo heké?

4. Ko e hā naʻe leaʻaki ʻe Sīsū ki he kau taulaʻeiki naʻe ʻitá?

5. ʻE lava fēfē ke tau hangē ko e fānau naʻa nau fakahīkihikiʻi ʻa Sīsuú?

6. Ko e hā naʻe fieʻilo ki ai ʻa e kau ākongá?

Ngaahi fehuʻi fakalahi:

1. Lau ʻa e Mātiu 21:1-17.

   1. (a) Naʻe anga-fēfē ʻa e kehekehe ʻa e hū ʻa Sīsū ki Selusalema ʻi he tuʻunga ko e Tuʻí pea mo e kau seniale ikuna ʻi he taimi ʻo Lomá? (Mt. 21:4, 5; Sak. 9:9; Fili. 2:5-8; Kol. 2:15)

   2. (e) Ko e hā ʻa e lēsoni ʻe lava ke ako ʻe he fānaú mei he tamaiki tangata ʻIsileli naʻe lave ki ai ʻi he Sāme 118 ʻi he hū ʻa Sīsū ki he temipalé? (Mt. 21:9, 15; Sāme 118:25, 26; 2 Tīm. 3:15; 2 Pita 3:18)

2. Lau ʻa e Sione 12:12-16.

   Ko e hā ʻoku fakatātaaʻi ʻe hono ngāueʻaki ʻa e ngaahi vaʻa paame ʻe he kakai naʻa nau fakahīkihikiʻi ʻa Sīsuú? (Sione 12:13; Fili. 2:10; Fkh. 7:9, 10)

Talanoa 98

1. ʻI he fakatātaá, ko fē ʻa e tangata ko Sīsuú, pea ko hai mo ia?

2. Ko e hā naʻe feinga ʻa e kau taulaʻeikí ke fai kia Sīsū ʻi he temipalé, pea ko e hā naʻá ne leaʻaki kiate kinautolú?

3. Ko e hā naʻe ʻeke ʻe he kau ʻapositoló kia Sīsuú?

4. Ko e hā naʻe tala ai ʻe Sīsū ki heʻene kau ʻapositoló ʻa e niʻihi ʻo e ngaahi meʻa ʻe hoko ʻi he māmaní ʻi he taimi te ne pule ai ko e Tuʻi ʻi hēvaní?

5. Ko e hā naʻe pehē ʻe Sīsū ʻe hoko ki muʻa ke ne fakangata ʻa e kovi kotoa ʻi he māmaní?

Ngaahi fehuʻi fakalahi:

1. Lau ʻa e Mātiu 23:1-39.

   1. (a) Neongo naʻe fakahaaʻi ʻe he Tohi Tapú ʻe feʻungamālie nai ʻa hono ngāueʻaki ʻo e ngaahi hingoa fakalakanga fakamāmaní, ko e hā ʻoku fakahaaʻi ʻi he ngaahi lea ʻa Sīsū ʻi he Mātiu 23:8-11 fekauʻaki mo hono ngāueʻaki ʻa e ngaahi hingoa fakalakanga fakahekeheke ʻi he fakatahaʻanga Kalisitiané? (Ng. 26:25; Loma 13:7; 1 Pita 2:13, 14)

   2. (e) Ko e hā naʻe ngāueʻaki ʻe he kau Fālesí ʻi he feinga ke taʻofi ʻa e kakaí mei he hoko ko e kau Kalisitiané, pea kuo anga-fēfē hono ngāueʻaki ʻe he kau taki lotú ʻa e ngaahi founga meimei tatau ʻi onopōní? (Mt. 23:13; Luke 11:52; Sione 9:22; 12:42; 1 Tes. 2:16)

2. Lau ʻa e Mātiu 24:1-14.

   1. (a) ʻOku anga-fēfē hono fakamamafaʻi ʻa e mahuʻinga ʻo e kātakí ʻi he Mātiu 24:13?

   2. (e) Ko e hā ʻa e ʻuhinga ʻo e foʻi lea “ngataʻanga” ʻi he Mātiu 24:13? (Mt. 16:27; Loma 14:10-12; 2 Kol. 5:10)

3. Lau ʻa e Maʻake 13:3-10.

   Ko e hā ʻa e kupuʻi lea ʻi he Maʻake 13:10 ʻoku fakahaaʻi ai ʻa e fakavavevave ʻi hono malangaʻi ʻa e ongoongo leleí, pea ʻoku totonu ke fēfē ʻa e kaunga kiate kitautolu ʻa e ngaahi lea ʻa Sīsuú? (Loma 13:11, 12; 1 Kol. 7:29-31; 2 Tīm. 4:2)

Talanoa 99

1. Hangē ko ia ʻoku fakahaaʻi ʻi he fakatātaá, ko e hā ʻoku ʻi ha fuʻu loki ai ʻi ʻolunga ʻa Sīsū mo ʻene kau kau ʻapositolo ʻe toko 12?

2. Ko hai ʻa e tangata ʻoku ʻalu atú, pea ko e hā naʻá ne teu ke faí?

3. Ko e hā ʻa e kai makehe naʻe kamata ʻe Sīsū ʻi he ʻosi ʻa e kai ʻo e Lakaatú?

4. Ko e hā ʻa e meʻa naʻe fakamanatu ʻe he Lakaatú ki he kau ʻIsilelí, pea ko e hā naʻe fakamanatu ʻe he kai makehe ko ení ki he kau muimui ʻo Sīsuú?

5. Hili ʻa e Houa Kai Efiafi ʻa e ʻEikí, ko e hā naʻe tala ʻe Sīsū ki hono kau muimuí, pea ko e hā naʻa nau faí?

Ngaahi fehuʻi fakalahi:

1. Lau ʻa e Mātiu 26:14-30.

   1. (a) ʻOku anga-fēfē hono fakahaaʻi ʻi he Mātiu 26:15 ko e lavakiʻi ʻe Siutasi ʻa Sīsuú ko ha ngāue naʻe ʻosi fakakaukauʻi?

   2. (e) Ko e hā ʻa e taumuʻa lōua ʻoku fakahoko ʻe he toto ʻo Sīsū naʻe lilingí? (Mt. 26:27, 28; Sel. 31:31-33; ʻEf. 1:7; Hep. 9:19, 20)

2. Lau ʻa e Luke 22:1-39.

   ʻI he ʻuhinga fē naʻe hū ai ʻa Sētane ʻia Siutasí? (Luke 22:3; Sione 13:2; Ng. 1:24, 25)

3. Lau ʻa e Sione 13:1-20.

   1. (a) ʻI he fakakaukau ki he fakamatala ʻi he Sione 13:2, ʻe lava ke tukuakiʻi ʻa Siutasi ki he meʻa naʻá ne faí, pea ko e hā ʻa e lēsoni ʻe lava ke ako mei he meʻá ni ʻe he kau sevāniti ʻa e ʻOtuá? (Sēn. 4:7; 2 Kol. 2:11; Kal. 6:1; Sēm. 1:13, 14)

   2. (e) Ko e hā ʻa e lēsoni tefito mālohi naʻe ʻomai ʻe Sīsuú? (Sione 13:15; Mt. 23:11; 1 Pita 2:21)

4. Lau ʻa e Sione 17:1-26.

   ʻI he ʻuhinga fē naʻe lotu ai ʻa Sīsū maʻa hono kau muimuí ke nau “taha”? (Sione 17:11, 21-23; Loma 13:8; 14:19; Kol. 3:14)

Talanoa 100

1. Naʻe ʻalu ʻa Sīsū mo ʻene kau ʻapositoló ki fē ʻi he hili ʻenau mavahe mei he loki ʻi ʻolungá, pea ko e hā naʻá ne tala ange ke nau faí?

2. Ko e hā naʻe ʻiloʻi ʻe Sīsū ʻi heʻene foki mai ki he feituʻu naʻe ʻi ai ʻa e kau ʻapositoló, pea naʻe hoko tuʻo fiha ʻa e meʻá ni?

3. Ko hai naʻe haʻu ki he ngoué, pea ko e hā naʻe fai ʻe Siutasi ʻIsikalioté, hangē ko ia ʻoku fakahaaʻi ʻi he fakatātaá?

4. Ko e hā naʻe ʻuma ai ʻa Siutasi kia Sīsuú, pea ko e hā naʻe fai ʻe Pitá?

5. Ko e hā naʻe leaʻaki ʻe Sīsū kia Pitá, ka ko e hā naʻe ʻikai kole ai ʻa Sīsū ki he ʻOtuá ke fekau mai ha kau ʻāngeló?

Ngaahi fehuʻi fakalahi:

1. Lau ʻa e Mātiu 26:36-56.

   1. (a) ʻOku anga-fēfē ʻa e hoko ʻa e founga ʻo hono akonakiʻi ʻe Sīsū ʻa ʻene kau ākongá ko ha faʻifaʻitakiʻanga lelei ia ki he kau mātuʻa Kalisitiane he ʻaho ní? (Mt. 20:25-28; 26:40, 41; Kal. 5:17; ʻEf. 4:29, 31, 32)

   2. (e) Naʻe anga-fēfē ʻa e vakai ʻa Sīsū ki hono ngāueʻaki ʻa e ngaahi meʻatau moʻoní ki hoto kaungā faʻahinga ʻo e tangatá? (Mt. 26:52; Luke 6:27, 28; Sione 18:36)

2. Lau ʻa e Luke 22:39-53.

   ʻI he taimi naʻe hā ai ha ʻāngelo kia Sīsū ʻi he ngoue ko Ketisemaní ke fakaivimālohiʻi iá, naʻe fakahaaʻi ʻe he meʻá ni naʻe ʻikai tuʻumaʻu ʻa Sīsū ʻi heʻene tuí? Fakamatalaʻi. (Luke 22:41-43; ʻAi. 49:8; Mt. 4:10, 11; Hep. 5:7)

3. Lau ʻa e Sione 18:1-12.

   Naʻe anga-fēfē hono maluʻi ʻe Sīsū ʻa ʻene kau ākongá mei hono kau fakafepakí, pea ko e hā ʻe lava ke tau ako mei he faʻifaʻitakiʻanga ko ení? (Sione 10:11, 12; 18:1, 6-9; Hep. 13:6; Sēm. 2:25)

Talanoa 101

1. Ko hai naʻe tupu tefito mei ai ʻa e mate ʻa Sīsuú?

2. Ko e hā naʻe fai ʻe he kau ʻapositoló ʻi hono ʻave ʻa Sīsū ʻe he kau taki lotú?

3. Ko e hā naʻe hoko ʻi he fale ʻo Kaiafasi ko e taulaʻeiki lahí

4. Ko e hā naʻe ʻalu ai ʻa Pita ʻo tangí?

5. Hili hono fakafoki ʻo Sīsū kia Pailató, ko e hā ʻa e kaila ʻa e houʻeiki taulaʻeikí?

6. Ko e hā naʻe hoko kia Sīsū ʻi he hoʻatā efiafi Falaité, pea ko e hā ʻa e talaʻofa naʻá ne fai ki ha faihia ʻa ia naʻe tautau ʻi ha ʻakau ʻi hono tafaʻakí?

7. ʻE tuʻu ʻi fē ʻa e Palataisi naʻe lea ʻa Sīsū ʻo fekauʻaki mo iá?

Ngaahi fehuʻi fakalahi:

1. Lau ʻa e Mātiu 26:57-75.

   ʻI he founga fē naʻe fakahaaʻi ai ʻe he kau mēmipa ʻo e fakamaauʻanga māʻolunga faka-Siú naʻe fulikivanu ʻa honau lotó? (Mt. 26:59, 67, 68)

2. Lau ʻa e Mātiu 27:1-50.

   Ko e hā ʻe lava ai ke tau pehē ko e fakatomala naʻe ongoʻi ʻe Siutasí naʻe ʻikai ke moʻoni? (Mt. 27:3, 4; Mk. 3:29; 14:21; 2 Kol. 7:10, 11)

3. Lau ʻa e Luke 22:54-71.

   Ko e hā ʻa e lēsoni ʻe lava ke tau ako mei hono fakafisingaʻi ʻe Pita ʻa Sīsū ʻi he pō ʻo hono lavakiʻí mo hono puké? (Luke 22:60-62; Mt. 26:31-35; 1 Kol. 10:12)

4. Lau ʻa e Luke 23:1-49.

   Naʻe fēfē ʻa e tali ʻa Sīsū ki he fakamaau taʻetotonu naʻe fai kiate iá, pea ko e hā ʻa e lēsoni ʻe lava ke tau ako mei he meʻá ni? (Luke 23:33, 34; Loma 12:17-19; 1 Pita 2:23)

5. Lau ʻa e Sione 18:12-40.

   Ko e hā ʻoku fakahaaʻi ʻe he moʻoniʻi meʻa ko ia neongo naʻe fakavaivaiʻi fakataimi ʻa Pita ʻe he manavahē tangatá, naʻá ne toe foki ʻo hoko ko ha ʻapositolo tuʻu-ki-muʻa? (Sione 18:25-27; 1 Kol. 4:2; 1 Pita 3:14, 15; 5:8, 9)

6. Lau ʻa e Sione 19:1-30.

   1. (a) Ko e hā ʻa e vakai mafamafatatau ki he ngaahi meʻa fakamatelié naʻe maʻu ʻe Sīsuú? (Sione 2:1, 2, 9, 10; 19:23, 24; Mt. 6:31, 32; 8:20)

   2. (e) Naʻe anga-fēfē ʻa e hoko ʻa e ngaahi lea tuku ʻa Sīsuú ko ha talaki fiefia ia naʻá ne pouaki ʻa e tuʻunga-hau ʻo Sihová? (Sione 16:33; 19:30; 2 Pita 3:14; 1 Sione 5:4)

Talanoa 102

1. Ko hai ʻa e fefine ʻi he fakatātaá, ko hai ʻa e ongo tangatá, pea naʻa nau ʻi fē?

2. Ko e hā naʻe tala ai ʻe Pailato ki he kau taulaʻeikí ke fekau ha kau sōtia ke nau leʻohi ʻa e fonualoto ʻo Sīsuú?

3. Ko e hā naʻe fai pongipongia ʻe ha ʻāngelo ʻi he ʻaho hono tolu hili ʻa e mate ʻa Sīsuú, ka ko e hā naʻe fai ʻe he kau taulaʻeikí?

4. Ko e hā naʻe ofo ai ha kau fefine ʻi heʻenau ʻaʻahi ki he fonualoto ʻo Sīsuú?

5. Ko e hā naʻe lele ai ʻa Pita mo Sione ki he fonualoto ʻo Sīsuú, pea ko e hā naʻá na ʻilo aí?

6. Ko e hā naʻe hoko ki he sino ʻo Sīsuú, ka ko e hā naʻá ne fai ke fakahaaʻi ki he kau ākongá kuó ne toe moʻuí?

Ngaahi fehuʻi fakalahi:

1. Lau ʻa e Mātiu 27:62-66 mo e 28:1-15.

   ʻI he taimi ʻo e toetuʻu ʻa Sīsuú, naʻe anga-fēfē ʻa e angahala ki he laumālie māʻoniʻoní ʻa e kau houʻeiki taulaʻeikí, kau Fālesí pea mo e kau mātuʻá? (Mt. 12:24, 31, 32; 28:11-15)

2. Lau ʻa e Luke 24:1-12.

   ʻOku anga-fēfē hono fakahaaʻi ʻi he fakamatala ki he toetuʻu ʻa Sīsuú ʻoku vakai mai ʻa Sihova ki he kakai fefiné ko ha kau fakamoʻoni alafalalaʻangá? (Luke 24:4, 9, 10; Mt. 28:1-7)

3. Lau ʻa e Sione 20:1-12.

   ʻOku anga-fēfē hono tokoniʻi kitautolu ʻe he Sione 20:8, 9 ke sio ki he fiemaʻu ke kātaki kapau ʻoku ʻikai ke tau mahinoʻi kakato ʻa e fakahoko ʻo ha kikite Fakatohitapu? (Pal. 4:18; Mt. 17:22, 23; Luke 24:5-8; Sione 16:12)

Talanoa 103

1. Ko e hā naʻe leaʻaki ʻe Mele ki ha tangata naʻá ne fakakaukau ko e tauhi-ngoué, ka ko e hā naʻá ne ʻai ia ke ne ʻilo ko Sīsū moʻoni iá?

2. Ko e hā naʻe hoko ki he ongo ākonga ʻa ia naʻá na fononga ki he kolo ko ʻEmeasí?

3. Ko e hā ʻa e meʻa fakaofo naʻe hoko ʻi he tala ange ʻe he ongo ākongá ki he kau ʻapositoló naʻá na sio kia Sīsuú?

4. Naʻe hā tuʻo fiha ʻa Sīsū ki hono kau muimuí?

5. Ko e hā naʻe leaʻaki ʻe Tōmasi ʻi heʻene fanongo kuo mamata ʻa e kau ākongá ki he ʻEikí, ka ko e hā naʻe hoko ʻi he ʻaho ʻe valu ki mui aí?

Ongo fehuʻi fakalahi:

1. Lau ʻa e Sione 20:11-29.

   Naʻe pehē ʻe Sīsū ʻi he Sione 20:23 ʻoku fakamafaiʻi ʻa e tangatá ke nau fakamolemoleʻi ʻa e angahalá? Fakamatalaʻi. (Sāme 49:2, 7; ʻAi. 55:7; 1 Tīm. 2:5, 6; 1 Sione 2:1, 2)

2. Lau ʻa e Luke 24:13-43.

   ʻE lava fēfē ke tau teuʻi hotau lotó koeʻuhi ke ongongofua ki he ngaahi moʻoni Fakatohitapú? (Luke 24:32, 33; ʻĒsela 7:10; Mt. 5:3; Ng. 16:14; Hep. 5:11-14)

Talanoa 104

1. Ko e kau ākonga ʻe toko fiha naʻa nau mamata kia Sīsū ʻi he taimi ʻe taha, pea ko e hā naʻá ne fakamatala kiate kinautolú?

2. Ko e hā ʻa e Puleʻanga ʻo e ʻOtuá, pea ʻe fēfē ʻa e moʻui ʻi he māmaní ʻi he taimi ʻe pule ai ʻa Sīsū ko e Tuʻi ʻi he taʻu ʻe taha afé?

3. Naʻe ʻaho ʻe fiha ʻa e hā ʻa Sīsū ki heʻene kau ākongá, ka ko e hā naʻe taimi kiate ia ke ne faí?

4. Ki muʻa pē ʻi heʻene mavahe mei heʻene kau ākongá, ko e hā naʻe tala ange ʻe Sīsū ke nau faí?

5. Ko e hā naʻe hoko ʻi he fakatātaá, pea naʻe anga-fēfē ʻa e pulia ʻa Sīsuú?

Ongo fehuʻi fakalahi:

1. Lau ʻa e 1 Kolinitō 15:3-8.

   Ko e hā naʻe lava ai ke lea mātuʻaki tuipau ʻa e ʻapositolo ko Paulá fekauʻaki mo e toetuʻu ʻa Sīsuú, pea ko e hā ʻa e ngaahi meʻa ʻe lava ke lea ʻaki ʻi he tuipau ʻe he kau Kalisitiane ʻi he ʻaho ní? (1 Kol. 15:4, 7, 8; ʻAi. 2:2, 3; Mt. 24:14; 2 Tīm. 3:1-5)

2. Lau ʻa e Ngāue 1:1-11.

   Naʻe mafolalahia fēfē ʻa e ngāue fakamalangá, hangē ko ia naʻe tomuʻa tala ʻi he Ngāue 1:8? (Ng. 6:7; 9:31; 11:19-21; Kol. 1:23)

Talanoa 105

1. Hangē ko ia ʻoku fakahaaʻi ʻi he fakatātaá, ko e hā naʻe hoko ki he kau muimui ʻo Sīsū ʻa ia naʻa nau tatali ʻi Selusalemá?

2. Ko e hā ʻa e meʻa fakaʻohovale naʻe hoko ki he kau ʻaʻahi ki Selusalemá?

3. Ko e hā naʻe fakamatalaʻi ʻe Pita ki he kakaí?

4. Naʻe ongoʻi fēfē ʻa e kakaí hili ʻenau fanongo kia Pitá, pea ko e hā naʻá ne tala ange ke nau faí?

5. Ko e kakai ʻe toko fiha naʻe papitaiso ʻi he ʻaho ʻo e Penitekosi, 33 T.S.?

Ngaahi fehuʻi fakalahi:

1. Lau ʻa e Ngāue 2:1-47.

   1. (a) Naʻe anga-fēfē hono fakahaaʻi ʻe he lea ʻa Pita ʻoku maʻu ʻi he Ngāue 2:23, 36 naʻe kau ʻa e puleʻanga Siú kotoa ʻi he fakatupunga ʻo e mate ʻa Sīsuú? (1 Tes. 2:14, 15)

   2. (e) Naʻe anga-fēfē hono fokotuʻu ʻe Pita ha faʻifaʻitakiʻanga lelei ʻi he fakaʻuhinga mei he Tohi Tapú? (Ng. 2:16, 17, 29, 31, 36, 39; Kol. 4:6)

   3. (f) Naʻe anga-fēfē hono ngāueʻaki ʻe Pita ʻa e ʻuluaki “kī ʻo e Puleʻanga ʻo Hevani,” ʻa ia naʻe talaʻofa ʻe Sīsū ʻe ʻoange kiate iá? (Ng. 2:14, 22-24, 37, 38; Mt. 16:19)

Talanoa 106

1. Ko e hā naʻe hoko kia Pita mo Sione ʻi he efiafi ʻe taha ʻi heʻena ʻalu ki he temipalé?

2. Ko e hā naʻe leaʻaki ʻe Pita ki ha tangata heké, pea ko e hā naʻe ʻoange ʻe Pita kiate ia ʻa ia naʻe mahuʻinga ange ia ʻi he paʻangá?

3. Ko e hā naʻe ʻita ai ʻa e kau taki lotú, pea ko e hā naʻa nau fai kia Pita mo Sioné?

4. Ko e hā naʻe leaʻaki ʻe Pita ki he kau taki lotú, pea ko e hā ʻa e fakatokanga naʻe maʻu ʻe he ongo ʻapositoló?

5. Ko e hā naʻe meheka ai ʻa e kau taki lotú, ka ko e hā naʻe hoko ʻi he taimi naʻe tuku pilīsone tuʻo ua ai ʻa e kau ʻapositoló?

6. Naʻe anga-fēfē ʻa e tali ʻa e kau ʻapositoló ʻi hono ʻave kinautolu ki he fale fakataha ko e Sanitalimí?

Ngaahi fehuʻi fakalahi:

1. Lau ʻa e Ngāue 3:1-10.

   Neongo ʻoku ʻikai fakamafeia kitautolu ke fakahoko ha ngaahi mana he ʻahó ni, ʻoku anga-fēfē hono tokoniʻi kitautolu ʻe he ngaahi lea ʻa Pita ʻoku lēkooti ʻi he Ngāue 3:6 ke ʻiloʻi ʻa e mahuʻinga ʻo e pōpoaki ʻo e Puleʻangá? (Sione 17:3; 2 Kol. 5:18-20; Fili. 3:8)

2. Lau ʻa e Ngāue 4:1-31.

   ʻI heʻetau fehangahangai mo e fakafepaki ʻi he ngāue fakafaifekaú, ʻi he founga fē ʻoku totonu ai ke tau faʻifaʻitaki ki hotau ngaahi tokoua Kalisitiane he ʻuluaki senitulí? (Ng. 4:29, 31; ʻEf. 6:18-20; 1 Tes. 2:2)

3. Lau ʻa e Ngāue 5:17-42.

   Kuo anga-fēfē hono fakahaaʻi ʻe he faʻahinga ʻikai ko e Kau Fakamoʻoni ʻi he kuohilí mo e lolotongá fakatouʻosi, ʻa e fakaʻatuʻi fekauʻaki mo e ngāue fakamalangá? (Ng. 5:34-39)

Talanoa 107

1. Ko hai ʻa Sitīveni, pea ko e hā naʻe tokoniʻi ia ʻe he ʻOtuá ke ne faí?

2. Ko e hā naʻe leaʻaki ʻe Sitīveni naʻá ne ʻai ʻa e kau taki lotú ke nau ʻita lahí?

3. ʻI hono toho ʻe he kau tangatá ʻa Sitīveni ki he tuʻa koló, ko e hā naʻa nau fai kiate iá?

4. ʻI he fakatātaá, ko hai ʻa e tangata kei talavou ʻoku tuʻu ʻi he veʻe koté?

5. Ki muʻa ke ne maté, ko e hā ʻa e lotu ʻa Sitīveni kia Sihová?

6. ʻI he faʻifaʻitaki kia Sitīvení, ko e hā ʻoku totonu ke tau fai ʻi he taimi ʻoku fai mai ai ʻe ha taha ha meʻa ʻoku kovi kiate kitautolú?

Ngaahi fehuʻi fakalahi:

1. Lau ʻa e Ngāue 6:8-15.

   Ko e hā ʻa e ngaahi tōʻonga kākā kuo ngāueʻaki ʻe he kau taki lotú ʻi he feinga ke taʻofi ʻa e ngāue fakamalanga ʻa e Kau Fakamoʻoni ʻa Sihová? (Ng. 6:9, 11, 13)

2. Lau ʻa e Ngāue 7:1-60.

   1. (a) Ko e hā naʻá ne tokoniʻi ʻa Sitīveni ke hoko ai ʻo ola lelei ʻi hono taukapoʻi ʻa e ongoongo leleí ʻi he ʻao ʻo e Sanitalimí, pea ko e hā ʻe lava ke tau ako mei heʻene faʻifaʻitakiʻangá? (Ng. 7:51-53; Loma 15:4; 2 Tīm. 3:14-17; 1 Pita 3:15)

   2. (e) Ko e hā ʻa e fakakaukau ʻoku totonu ke tau fakatupulekina ki he kau fakafepaki ki heʻetau ngāué? (Ng. 7:58-60; Mt. 5:44; Luke 23:33, 34)

Talanoa 108

1. Ko e hā naʻe fai ʻe Saula ʻi he ʻosi hono tāmateʻi ʻo Sitīvení?

2. ʻI he fononga ʻa Saula ki Tāmasikusí, ko e hā ʻa e meʻa fakaofo naʻe hoko aí?

3. Ko e hā naʻe tala ʻe Sīsū kia Saula ke ne faí?

4. Ko e hā ʻa e ngaahi fakahinohino naʻe fai ʻe Sīsū kia ʻĀnanaiá, pea naʻe malava fēfē ke toe sio ʻa Saulá?

5. Ko e hā ʻa e hingoa naʻe hoko ʻo ʻiloa ʻaki ʻa Saulá, pea naʻe anga-fēfē ʻene ngāueʻaki iá?

Ngaahi fehuʻi fakalahi:

1. Lau ʻa e Ngāue 8:1-4.

   Naʻe anga-fēfē ʻa e hoko ʻa e lahi ʻo e fakatanga naʻá ne taaʻi ʻa e fakatahaʻanga Kalisitiane toki fokotuʻu foʻoú ʻo ne fakamafola ʻa e tui faka-Kalisitiané, pea ko e hā ʻa e meʻa meimei tatau kuo hoko ʻi onopōní? (Ng. 8:4; ʻAi. 54:17)

2. Lau ʻa e Ngāue 9:1-20.

   Ko e hā ʻa e fekau ʻe tolu naʻe fakahaaʻi ʻe Sīsū naʻá ne fakakaukauʻi kia Saulá? (Ng. 9:15; 13:5; 26:1; 27:24; Loma 11:13)

3. Lau ʻa e Ngāue 22:6-16.

   ʻE lava fēfē ke tau hangē ko ʻĀnanaiá, pea ko e hā ʻoku mahuʻinga ai iá? (Ng. 22:12; 1 Tīm. 3:7; 1 Pita 1:14-16; 2:12)

4. Lau ʻa e Ngāue 26:8-20.

   ʻOku anga-fēfē ʻa e hoko ʻa e tafoki ʻa Saula ki he lotu faka-Kalisitiané ko ha fakalototoʻa ia ki he faʻahinga ʻoku ʻi ai honau hoa taʻetui he ʻaho ní? (Ng. 26:11; 1 Tīm. 1:14-16; 2 Tīm. 4:2; 1 Pita 3:1-3)

Talanoa 109

1. Ko hai ʻa e tangata ʻoku punou ʻi he fakatātaá?

2. Ko e hā naʻe leaʻaki ʻe ha ʻāngelo kia Koliniusí?

3. Ko e hā naʻe ʻai ʻe he ʻOtuá ke sio ki ai ʻa Pita ʻi heʻene ʻi he ʻato ʻo e fale ʻo Saimone ʻi Siopá?

4. Ko e hā naʻe tala ai ʻe Pita kia Koliniusi ʻoku ʻikai totonu ke ne punou ʻo lotu ange kiate iá?

5. Ko e hā naʻe ofo ai ʻa e kau ākonga Siu naʻe omi mo Pitá?

6. Ko e hā ʻa e lēsoni mahuʻinga ʻoku totonu ke tau ako mei he ʻaʻahi ʻa Pita kia Koliniusí?

Ongo fehuʻi fakalahi:

1. Lau ʻa e Ngāue 10:1-48.

   Ko e hā ʻoku fakahaaʻi ʻi he ngaahi lea ʻa Paula ʻoku maʻu ʻi he Ngāue 10:42 fekauʻaki mo e ngāue ko hono malangaʻi ʻo e ongoongo lelei ʻo e Puleʻangá? (Mt. 28:19; Mk. 13:10; Ng. 1:8)

2. Lau ʻa e Ngāue 11:1-18.

   Ko e hā ʻa e fakakaukau naʻe fakahāhā ʻe Pita ʻi he taimi naʻe hoko ai ʻo hā mahino ʻa e tataki ʻa Sihova fekauʻaki mo e kau Senitailé, pea ʻe lava fēfē ke tau faʻifaʻitaki ki heʻene faʻifaʻitakiʻangá? (Ng. 11:17, 18; 2 Kol. 10:5; ʻEf. 5:17)

Talanoa 110

1. Ko hai ʻa e tangata talavou ʻi he fakatātaá, naʻá ne nofó ʻi fē, pea ko hai ʻa e hingoa ʻo ʻene faʻeé mo ʻene kui fefiné?

2. Ko e hā ʻa e lea ʻa Tīmoté ʻi hono ʻeke ange ʻe Paula pe ʻe fie kau fakataha mo Sailosi mo ia ʻi he malanga ki he kakai ʻi he ngaahi feituʻu mamaʻó?

3. Ko fē naʻe ʻuluaki ui ai ʻa e kau muimui ʻo Sīsuú ko e kau Kalisitiané?

4. Ko fē ʻa e ngaahi kolo ʻe niʻihi naʻe ʻaʻahi ki ai ʻa Paula, Sailosi mo Tīmote hili pē ʻenau mavahe mei Līsitá?

5. Naʻe anga-fēfē ʻa e tokoni ʻa Tīmote kia Paulá, pea ko e hā ʻa e fehuʻi ʻoku totonu ke ʻeke hifo ʻe he fānaú kiate kinautolú?

Ngaahi fehuʻi fakalahi:

1. Lau ʻa e Ngāue 9:19-30.

   Naʻe anga-fēfē hono fakahaaʻi ʻe he ʻapositolo ko Paulá ʻa e fakapotopoto ʻi heʻene fehangahangai mo e fakafepaki ki he ongoongo leleí? (Ng. 9:22-25, 29, 30; Mt. 10:16)

2. Lau ʻa e Ngāue 11:19-26.

   ʻOku anga-fēfē hono fakahaaʻi ʻe he fakamatala ʻoku lēkooti ʻi he Ngāue 11:19-21, 26 ʻoku tataki mo fakahinohino ʻe he laumālie ʻo Sihová ʻa e ngāue fakamalangá?

3. Lau ʻa e Ngāue 13:13-16, 42-52.

   ʻOku anga-fēfē hono fakahaaʻi ʻe he Ngāue 13:51, 52 naʻe ʻikai ke fakaʻatā ʻe he kau ākongá ʻa e fakafepakí ke ne ʻai ke nau loto-siʻi? (Mt. 10:14; Ng. 18:6; 1 Pita 4:14)

4. Lau ʻa e Ngāue 14:1-6, 19-28.

   ʻOku anga-fēfē ʻa e tokoni ʻa e kupuʻi lea “ʻo na toki tuku kinautolu ki he ʻEiki” ke fakafiemālieʻi kitautolu mei ha loto-moʻua taʻetotonu pē ʻi heʻetau tokoniʻi ʻa e faʻahinga foʻoú? (Ng. 14:21-23; 20:32; Sione 6:44)

5. Lau ʻa e Ngāue 16:1-5.

   ʻOku anga-fēfē hono fakamamafaʻi ʻe he loto-lelei ʻa Tīmote ke fakamoʻulaloa ki he kamú ʻa e mahuʻinga ʻo hono fai “[ʻa e meʻa kotoa pē] koeʻuhi ko e Kosipeli”? (Ng. 16:3; 1 Kol. 9:23; 1 Tes. 2:8)

6. Lau ʻa e Ngāue 18:1-11, 18-22.

   Ko e hā ʻoku fakahaaʻi ʻe he Ngāue 18:9, 10 fekauʻaki mo e kau fakafoʻituitui ʻa Sīsū ʻi hono tataki ʻa e ngāue fakamalangá, pea ko e hā ʻa e tuipau ʻoku ʻomai ʻe he meʻa ko iá kiate kitautolu he ʻaho ní? (Mt. 28:20)

Talanoa 111

1. ʻI he fakatātaá, ko hai ʻa e tamasiʻi ʻoku tokoto ʻi he kelekelé, pea ko e hā naʻe hoko kiate iá?

2. Ko e hā naʻe fai ʻe Paula ʻi heʻene sio ʻoku mate ʻa e tamasiʻí?

3. Naʻe ʻalu ki fē ʻa Paula, Tīmote mo e faʻahinga naʻe fononga mo kinauá, pea ko e hā naʻe hoko ʻi heʻenau afe ʻi Miletó?

4. Ko e hā ʻa e fakatokanga naʻe fai ʻe he palōfita ko ʻAkapusí kia Paulá, pea naʻe anga-fēfē ʻa e hoko ʻo hangē tofu pē ko e meʻa naʻe leaʻaki ʻe he palōfitá?

Ngaahi fehuʻi fakalahi:

1. Lau ʻa e Ngāue 20:7-38.

   1. (a) ʻE lava fēfē ke tau hanganaki ‘maa mei he toto oe kakai kotoabe,’ fakatatau ki he ngaahi lea ʻa Paula ʻoku lēkooti ʻi he Ngāue 20:26, 27 (PM)? (ʻIsi. 33:8; Ng. 18:6, 7)

   2. (e) Ko e hā ʻoku totonu ai ki he kau mātuʻá ke nau “buke ke mau ae lea mooni” ʻi he taimi faiakó? (Ng. 20:17, 29, 30; Tai. 1:7-9, PM; 2 Tīm. 1:13)

2. Lau ʻa e Ngāue 26:24-32.

   Naʻe anga-fēfē hono ngāueʻaki ʻe Paula ʻa ʻene tangataʻifonua Lomá ʻi hono fakahoko ʻa e ngāue fakamalanga naʻá ne maʻu meia Sīsuú? (Ng. 9:15; 16:37, 38; 25:11, 12; 26:32; Luke 21:12, 13)

Talanoa 112

1. Ko e hā naʻe hoko ki he vaka naʻe ʻi ai ʻa Paulá ʻi heʻene ʻalu atu ʻo ofi ki he motu ko Kelití?

2. Ko e hā naʻe leaʻaki ʻe Paula ki he faʻahinga ʻi he vaká?

3. Naʻe anga-fēfē ʻa e hoko ʻo movete kongokonga ʻa e vaká?

4. Ko e hā ʻa e ngaahi fakahinohino naʻe fai ʻe he ʻōfisa pule fakakautaú, pea ko e kakai ʻe toko fiha naʻe hao ki ʻutá?

5. Ko e hā ʻa e hingoa ʻo e motu naʻa nau tūʻuta ki aí, pea ko e hā naʻe hoko kia Paula ʻi he lelei ange ʻa e ʻeá?

Ongo fehuʻi fakalahi:

1. Lau ʻa e Ngāue 27:1-44.

   ʻOku anga-fēfe hono fakaivimālohiʻi ʻetau tuipau ki he tonu matematē ʻa e lēkooti Fakatohitapú ʻi heʻetau lau ʻa e fakamatala ki he folau ʻa Paula ki Lomá? (Ng. 27:16-19, 27-32; Luke 1:3; 2 Tīm. 3:16, 17)

2. Lau ʻa e Ngāue 28:1-14.

   Kapau naʻe ueʻi ʻa e kau nofo pangani ʻi Melitá ke nau tōʻongafai ki he ʻapositolo ko Paulá mo hono kaungā tūkia ʻi he vaká ʻaki ʻa e ‘anga-lelei kehe atu,’ ʻoku totonu ke ueʻi ʻa e kau Kalisitiané ke nau fakahaaʻi ʻa e hā pea tautefito ʻi he founga fē? (Ng. 28:1, 2; Hep. 13:1, 2; 1 Pita 4:9)

Talanoa 113

1. Ko hai naʻe malanga ki ai ʻa Paula lolotonga ʻene hoko ko ha pōpula ʻi Lomá?

2. ʻI he fakatātaá, ko hai ʻa e tokotaha ʻaʻahi ʻi he tēpilé, pea ko e hā naʻá ne fai maʻa Paulá?

3. Ko hai ʻa ʻEpafalotaito, pea ko e hā naʻá ne ʻalu mo ia ʻi heʻene foki ki Filipaí?

4. Ko e hā naʻe faitohi ai ʻa Paula ki hono kaungāmeʻa ofi ko Filimoné?

5. Ko e hā naʻe fai ʻe Paula ʻi hono tuku ange iá, pea ko e hā naʻe hoko kiate ia ki mui aí?

6. Ko hai naʻe ngāueʻaki ʻe Sihova ke ne tohi ʻa e ngaahi tohi fakaʻosi ʻi he Tohi Tapú, pea ko e hā ʻoku fakamatala ʻa e tohi Fakahaá ʻo fekauʻaki mo iá?

Ngaahi fehuʻi fakalahi:

1. Lau ʻa e Ngāue 28:16-31 mo e Filipai 1:13.

   Naʻe anga-fēfē hono ngāueʻaki ʻe Paula ʻa hono taimí lolotonga hono tuku pōpula ʻi Lomá, pea ko e hā ʻa e ola ʻo ʻene tui taʻengaué ki he fakatahaʻanga Kalisitiané? (Ng. 28:23, 30; Fili. 1:14)

2. Lau ʻa e Filipai 2:19-30.

   Ko e hā ʻa e ngaahi fakamatala ʻo e houngaʻia naʻe fai ʻe Paula fekauʻaki mo Tīmote pea mo ʻEpafalotaitó, pea ʻe lava fēfē ke tau faʻifaʻitaki ki he faʻifaʻitakiʻanga ʻa Paulá?(Fili. 2:20, 22, 25, 29, 30; 1 Kol. 16:18; 1 Tes. 5:12, 13)

3. Lau ʻa e Filimone 1-25.

   1. (a) Ko e hā ʻa e makatuʻunga naʻe fakaʻaiʻai ai ʻe Paula ʻa Filimone ke ne fai ʻa e meʻa naʻe totonú, pea ʻoku anga-fēfē ʻa e hoko eni ko ha tataki ki he kau mātuʻa he ʻaho ní? (Filim. 9; 2 Kol. 8:8; Kal. 5:13)

   2. (e) ʻOku anga-fēfē hono fakahaaʻi ʻi he fakamatala ʻa Paula ʻoku maʻu ʻi he Filimone 13, 14 naʻá ne tokaʻi ʻa e konisēnisi ʻo e niʻihi kehe ʻi he fakatahaʻangá? (1 Kol. 8:7, 13; 10:31-33)

4. Lau ʻa e 2 Tīmote 4:7-9.

   ʻI he hangē ko e ʻapositolo ko Paulá, ʻe lava fēfē ke tau maʻu ʻa e tuipau ʻe fakapaleʻi kitautolu ʻe Sihova kapau te tau hanganaki anga-tonu ke aʻu ki he ngataʻangá? (Mt. 24:13; Hep. 6:10)

Talanoa 114

1. Ko e hā ʻoku lāulea ai ʻa e Tohi Tapú ki ha fanga hoosi ʻi hēvaní?

2. Ko e hā ʻa e hingoa ʻo e tau ʻa e ʻOtuá mo e kakai kovi ʻi he māmaní, pea ko e hā ʻa e taumuʻa ʻo e tau ko ʻení?

3. Mei he fakatātaá, ko hai ʻa e Tokotaha ʻa ia ʻe taki ʻi he taú, ko e hā ʻokú ne ʻai ai ha kalauní, pea ko e hā ʻa e ʻuhinga ʻo ʻene heletaá?

4. ʻI he toe sio ki he Talanoa 10, 15 mo e 33, ko e hā ʻoku totonu ai ke ʻoua te tau ʻohovale ʻi hano fakaʻauha ʻe he ʻOtuá ʻa e kakai koví?

5. ʻOku anga-fēfē hono fakahaaʻi kiate kitautolu ʻe he Talanoa 33 mo e 76 ʻe fakaʻauha ʻe he ʻOtuá ʻa e kakai koví neongo ai pē kapau ʻoku nau taukaveʻi ʻoku nau lotu kiate ia?

Ngaahi fehuʻi fakalahi:

1. Lau ʻa e Fakahā 19:11-16.

   1. (a) ʻOku anga-fēfē hono ʻai ʻe he Tohi Tapú ke mahino ko Sīsū Kalaisi ʻa e tokotaha heka ʻi he hoosi hinehiná? (Fkh. 1:5; 3:14; 19:11; ʻAi. 11:4)

   2. (e) ʻOku anga-fēfē hono fakapapauʻi ʻe he pani toto ʻa e kofu tuʻa ʻo Sīsuú ko ʻene ikuná ʻoku fakapapauʻi pea ʻe kakato? (Fkh. 14:18-20; 19:13)

   3. (f) Ko hai ʻoku ngalingali ʻe fakakau ʻi he kau tau ʻoku muimui ʻia Sīsū ʻi heʻene hoosi hinehiná? (Fkh. 12:7; 19:14; Mt. 25:31, 32)

Talanoa 115

1. Ko e hā ʻa e ngaahi tuʻunga ʻoku fakahaaʻi ʻi he Tohi Tapú te tau maʻu ʻi he Palataisi fakamāmaní?

2. Ko e hā ʻa e talaʻofa ʻa e Tohi Tapú ki he faʻahinga ʻoku nofo ʻi he Palataisí?

3. Ko fē ʻa e taimi ʻe fakapapauʻi ai ʻe Sīsū ke hoko ʻa e liliu fakaʻofoʻofa ko ení?

4. ʻI he taimi naʻe ʻi māmani ai ʻa Sīsuú, ko e hā naʻá ne fai ke fakahaaʻi ʻa e meʻa te ne fai ʻi he tuʻunga ko e Tuʻi ʻo e Puleʻanga ʻo e ʻOtuá?

5. Ko e hā ʻe fakapapauʻi ʻe Sīsū mo hono kaungāpule ʻi hēvaní ʻi he taimi te nau pule mai ai ki he māmaní mei hēvaní?

Ongo fehuʻi fakalahi:

1. Lau ʻa e Fakahā 5:9, 10.

   Ko e hā ʻe lava ai ke tau tuipau ko e faʻahinga ʻe pule mai ki he māmaní he lolotonga ʻa e Pule Taʻu ʻe Taha Afé te nau hoko ko e ngaahi tuʻi mo e kau taulaʻeiki kaungāongoʻi mo faimēsí? (ʻEf. 4:20-24; 1 Pita 1:7; 3:8; 5:6-10)

2. Lau ʻa e Fakahā 14:1-3.

   Ko e hā ʻoku fakaʻilongaʻi ʻe he moʻoniʻi meʻa ko ia ko e hingoa ʻo e Tamaí mo e hingoa ʻo e Lamí ʻoku tohi ʻi he foʻi laʻe ʻo e toko 144,000? (1 Kol. 3:23; 2 Tīm. 2:19; Fkh. 3:12)

Talanoa 116

1. Ko e hā ʻoku fiemaʻu ke tau ʻiloʻi kae malava ke tau moʻui taʻengatá?

2. ʻE lava fēfē ke tau ako fekauʻaki mo Sihova ko e ʻOtuá pea mo Sīsū, hangē ko ia ʻoku fakahaaʻi ʻe he kiʻi taʻahiné mo hono ongo kaungāmeʻa ʻi he fakatātaá?

3. Ko e hā ʻa e tohi ʻe taha ʻokú ke sio ki ai ʻi he fakatātaá, pea ko e hā ʻoku totonu ai ke tau lau maʻu pē iá?

4. Tuku kehe ʻa e ako fekauʻaki mo Sihova mo Sīsuú, ko e hā ʻa e meʻa kehe ʻoku fiemaʻu ke maʻu ai ʻa e moʻui taʻengatá?

5. Ko e hā ʻa e lēsoni ʻoku tau ako mei he Talanoa 69?

6. Ko e hā ʻoku fakahaaʻi ʻe he faʻifaʻitakiʻanga lelei ʻa kiʻi Sāmiuela ʻi he Talanoa 55?

7. ʻE lava fēfē ke tau muimui ʻi he faʻifaʻitakiʻanga ʻa Sīsū Kalaisí, pea kapau te tau fai ia, ko e hā te tau malava ke fai ʻi he kahaʻú?

Ngaahi fehuʻi fakalahi:

1. Lau ʻa e Sione 17:3.

   ʻOku anga-fēfē hono fakahaaʻi ʻe he Tohi Tapú ko hono maʻu ʻa e ʻilo kia Sihova ko e ʻOtuá mo Sīsū Kalaisí ʻoku ʻuhinga ia ki he meʻa lahi ange ʻi hono ako maʻuloto pē ʻa e ngaahi foʻi moʻoní? (Mt. 7:21; Sēm. 2:18-20; 1 Sione 2:17)

2. Lau ʻa e Sāme 145:1-21.

   1. (a) Ko e hā ʻa e niʻihi ʻo e ngaahi ʻuhinga lahi ʻoku tau maʻu ki hono fakahīkihikiʻi ʻo Sihová? (Sāme 145:8-11; Fkh. 4:11)

   2. (e) ʻOku anga-fēfē ʻa e hoko ʻa Sihova ʻo ‘lelei ki he meʻa kotoa pe,’ pea ʻoku totonu ke fēfē hono tohoakiʻi kitautolu ʻe he meʻá ni ke tau ofi ange ai pē kiate iá? (Sāme 145:9; Mt. 5:43-45)

   3. (f) Kapau ʻoku mahuʻinga ʻa Sihova ki hotau lotó, ʻe ueʻi ai kitautolu ke tau fai ʻa e hā? (Sāme 119:171, 172, 175; 145:11, 12, 21)