Jesaja
28 Dit sal sleg gaan met die trotse kroon* van die dronkaards van Eʹfraim+
en met die pragtige versiering wat verlep soos ’n blom
en wat rus op die bopunt van die vrugbare vallei van dié wat bedwelm is deur die wyn!
2 Kyk! Jehovah stuur iemand wat sterk en magtig is.
Soos ’n donderende haelstorm, ’n vernietigende windstorm,
soos ’n donderstorm wat alles wegspoel,
sal hy dit met geweld op die grond neergooi.
4 En die pragtige versiering wat verlep soos ’n blom
en wat rus op die bopunt van die vrugbare vallei,
sal word soos die vroeë vy voor die somer.
Wanneer iemand dit sien, pluk hy dit en eet hy dit dadelik op.
5 In daardie dag sal Jehovah van die leërmagte ’n glorieryke kroon en ’n pragtige krans word vir dié van sy volk wat oorgebly het.+ 6 En hy sal ’n gees van geregtigheid gee aan die een wat oordeel en ’n bron van krag word vir dié wat die poort teen die vyand se aanval verdedig.+
7 Selfs hulle dwaal af weens wyn.
Die drank laat hulle slinger.
Priester en profeet dwaal af weens drank.
Die wyn maak hulle verward,
en die drank laat hulle slinger.
Hulle visioen laat hulle afdwaal,
en hulle is nie in staat om die regte besluite te neem nie.+
8 Want hulle tafels is vol walglike uitbraaksel
– dit is oral.
9 Aan wie sal kennis gegee word,
en aan wie sal die boodskap verduidelik word?
Aan dié wat nou net opgehou het om moedersmelk te drink,
dié wat so pas van die borste weggeneem is?
10 Want dit is “gebod op gebod, gebod op gebod,
reël op reël, reël op reël,+
hier ’n bietjie, daar ’n bietjie”.
11 Daarom sal hy met hierdie volk praat deur middel van dié wat hakkel en dié wat ’n vreemde taal praat.+ 12 Hy het eenkeer vir hulle gesê: “Dit is die rusplek. Laat die een wat moeg is, rus. En dit is die plek om asem te skep,” maar hulle wou nie luister nie.+ 13 Daarom sal Jehovah vir hulle sê:
sodat hulle sal struikel en agteroor sal val
wanneer hulle loop.
Hulle sal gewond en verstrik en gevang word.+
14 Hoor nou wat Jehovah sê, julle grootpraters,
julle heersers van hierdie volk in Jerusalem:
15 Want julle sê:
Wanneer die oorstromende stortvloed kom,
sal dit ons nie bereik nie,
want ons het ’n leuen ons skuilplek gemaak,
en ons het agter bedrog weggekruip.”+
16 Daarom sê die Soewereine Heer Jehovah:
“Kyk! Ek lê as fondament in Sion ’n beproefde steen,+
Niemand wat geloof beoefen, sal paniekerig raak nie.+
Die hael sal die skuilplek van leuens wegvee,
en die water sal die wegkruipplek wegspoel.
18 Julle verbond met die Dood sal verbreek word,
Wanneer die oorstromende stortvloed kom,
sal julle daardeur vernietig word.
19 Elke keer as dit kom,
sal dit julle wegspoel,+
want dit sal oggend ná oggend kom,
in die dag en in die nag.
Net vrees sal hulle laat verstaan wat hulle gehoor het.”*
20 Want die bed is te kort om jou daarop uit te strek,
en die geweefde laken is te smal om jou daarin toe te draai.
21 Want Jehovah sal opstaan soos by die berg Peʹrasim.
Hy sal optree soos hy in die vallei naby Giʹbeon gedoen het+
om sy daad te verrig – sy vreemde daad –
en om sy werk te doen – sy buitengewone werk.+
sodat die kettings om julle nie stywer getrek word nie,
want ek het by die Soewereine Heer, Jehovah van die leërmagte, gehoor
23 Luister goed na my stem.
Skenk aandag en luister na wat ek sê.
24 Hou ’n boer aan om te ploeg as hy saad wil saai?
Hou hy aan om die grond los te maak en dit voor te berei?+
25 Nee, nadat hy dit gelykgemaak het,
saai hy komyn en strooi hy swartkomyn,
en hy saai koring, giers en gars in hulle plek
en spelt+ aan die kante.
26 Want Hy leer* hom op die regte manier.
Sy God onderrig hom.+
Swartkomyn word eerder met ’n stok uitgeslaan,
en komyn met ’n staf.
28 Word graan op die dorsvloer fyngemaal?
Nee, dit word nie aanhoudend gedors nie.+
En wanneer perde ’n wa met rollers daaroor trek,
word dit nie fyngemaal nie.+
29 Dit kom ook van Jehovah van die leërmagte.