Jesaja
41 “Wees stil en luister na my,* o eilande.
Laat die nasies weer krag kry.
Laat hulle nader kom en laat hulle dan praat.+
Laat ons bymekaarkom vir die regsaak.
Wie lewer nasies aan hom oor
en laat hom konings onderwerp?+
Wie het hulle soos stof voor sy swaard gemaak,
soos grasstoppels in die wind voor sy boog?
3 Hy agtervolg hulle. Hy trek sonder dat iemand hom hinder
op paaie waarop hy nog nie gereis het nie.
4 Wie het opgetree en dit gedoen?
Wie het die geslagte van die begin af geroep?
5 Die eilande het dit gesien en het bang geword.
Die eindes van die aarde het begin bewe.
Hulle kom bymekaar en beweeg vorentoe.
6 Die een help die ander
en sê vir sy broer: “Wees sterk.”
7 So moedig die ambagsman die metaalwerker aan.+
Die een wat die metaal met die hamer uitklop,
moedig die een aan wat op die aambeeld slaan.
Hy sê van die soldeerwerk: “Dit is goed.”
Dan word die afgod met spykers vasgeslaan sodat dit nie omval nie.
8 “Maar jy, o Israel, is my kneg,+
jy, o Jakob, wat ek uitgekies het,+
die nageslag* van my vriend Abraham,+
9 jy, wat ek van die eindes van die aarde af geneem het,+
en jy, wat ek van die mees afgeleë dele daarvan geroep het.
Ek het vir jou gesê: ‘Jy is my kneg.+
Ek het jou uitgekies. Ek het jou nie verwerp nie.+
10 Moenie bang wees nie, want ek is met jou.+
Moenie angstig wees nie, want ek is jou God.+
Ek sal jou versterk, ja, ek sal jou help.+
Ek sal jou stewig vashou met my regterhand van regverdigheid.’
11 Almal wat vir jou woedend word, sal skaam kry en verneder word.+
Dié wat met jou baklei, sal aan hulle einde kom en verdwyn.+
12 Jy sal soek na die manne wat teen jou veg, maar jy sal hulle nie vind nie.
Die manne wat teen jou oorlog voer, sal word soos niks, soos iets wat glad nie bestaan nie.+
13 Want ek, Jehovah jou God, gryp jou regterhand vas.
Ek is die Een wat vir jou sê: ‘Moenie bang wees nie. Ek sal jou help.’+
14 Moenie bang wees nie, Jakob, al is jy net ’n wurmpie.*+
Manne van Israel, ek sal julle help,” sê Jehovah, julle Terugkoper,+ die Heilige van Israel.
Jy sal die berge vertrap en hulle fynmaal
en die heuwels soos kaf maak.
16 Jy sal hulle in die lug opgooi,
en die wind sal hulle wegwaai.
’n Windstorm sal hulle verstrooi.
Jy sal vreugdevol wees weens Jehovah.+
Jy sal met trots praat oor die Heilige van Israel.”+
17 “Die hulpeloses en die armes soek water, maar daar is nie.
Hulle tong is droog van die dors.+
Ek, Jehovah, sal hulle antwoord.+
Ek, die God van Israel, sal hulle nie verlaat nie.+
Ek sal die wildernis in ’n poel vol riete verander,
en die waterlose land in waterfonteine.+
In die woestynvlakte sal ek die jenewerboom
sowel as die es en die sipres plant,+
20 sodat almal kan sien en weet
en erken en besef
dat die hand van Jehovah dit gedoen het
en dat die Heilige van Israel dit geskep het.”+
21 “Stel julle saak,” sê Jehovah.
“Lê julle argumente voor,” sê die Koning van Jakob.
22 “Gee bewyse en vertel ons wat gaan gebeur.
Vertel ons wat vroeër gebeur het,
sodat ons daaroor kan nadink en kan weet hoe dinge sal afloop.
Of sê vir ons wat nog gaan gebeur.+
Ja, doen iets, goed of sleg,
sodat ons verstom kan wees wanneer ons dit sien.+
Enigiemand wat julle kies, is afskuwelik.+
26 Wie het dit van die begin af voorspel, sodat ons dit kan weet,
of dit lank gelede voorspel, sodat ons kan sê: ‘Hy is reg’?+
Niemand het dit aangekondig nie!
Niemand het dit bekend gemaak nie!
Niemand het enigiets by julle gehoor nie!”+
27 Ek was die eerste wat vir Sion gesê het: “Kyk! Hier is hulle!”+
En ek sal ’n boodskapper met goeie nuus na Jerusalem stuur.+
28 Maar ek het bly kyk, en daar was niemand nie.
Nie een van hulle kon raad gee nie.
En ek het hulle bly vra om te antwoord.
29 Kyk! Hulle is almal nutteloos.
Hulle kan niks doen nie.
Hulle metaalbeelde is wind en beteken niks nie.+