Imibuzo yokufunda yebhuku elithi IBhuku Lami Lezindaba ZeBhayibhili

INdaba 1

1. Zonke izinto ezinhle zavela ngaphi njalo unganika yini isibonelo?

2. Yiphi into yokuqala eyadalwa nguNkulunkulu?

3. Kungani ingilosi yokuqala yayiqakathekile?

4. Chaza ukuthi umhlaba wawunjani ekuqaliseni. (Khangela umfanekiso.)

5. UNkulunkulu waqalisa njani ukulungisa umhlaba ukuthi uhlale abantu lezinyamazana?

Eminye imibuzo:

1. Bala uJeremiya 10:12.

   Yibuphi ubuntu bukaNkulunkulu obukhanya endalweni yakhe? (Isa. 40:26; Roma. 11:33)

2. Bala uKholose 1:15-17.

   UJesu waba lengxenye yiphi ekudaleni izinto njalo lokhu kumele kusenze simkhangele njani? (Kol. 1:15-17)

3. Bala uGenesisi 1:1-10

   1. Umhlaba wavela ngaphi? (Gen. 1:1)

   2. Kwenzakalani ngelanga lokuqala lokudalwa kwezinto? (Gen. 1:3-5)

   3. Chaza ukuthi kwenzakalani ngelanga lesibili lokudalwa kwezinto. (Gen. 1:7, 8)

INdaba 2

1. UNkulunkulu wawulungisa njani umhlaba ukuthi ube likhaya lethu?

2.   Chaza imihlobo yezinyamazana etshiyeneyo eyadalwa nguNkulunkulu. (Khangela umfanekiso.)

3.   Kungani isivande se-Edeni sasiqakathekile?

4.   UNkulunkulu wayefuna ukuthi umhlaba wonke ube njani?

Eminye imibuzo:

1. Bala uGenesisi 1:11-25.

   1. UNkulunkulu wadalani ngelanga lesithathu lokudala? (Gen. 1:12)

   2. Kwenzakalani ngelanga lesine lokudala? (Gen. 1:16)

   3. Yimiphi imihlobo yezinyamazana eyadalwa nguNkulunkulu ngelanga lesihlanu lelesithupha? (Gen. 1:20, 21, 25)

2.   Bala uGenesisi 2:8, 9.

   Yiziphi izihlahla ezimbili eziqakathekileyo ezafakwa nguNkulunkulu esivandeni, njalo zazimelelani?

INdaba 3

1. Umfanekiso oseNdabeni 3 uhlukene njani loseNdabeni 2?

2. Ngubani owadala indoda yokuqala, njalo kwakungubani ibizo layo?

3. UNkulunkulu wanika u-Adamu wuphi umsebenzi?

4. Kungani uNkulunkulu wenza ukuthi u-Adamu alale ubuthongo obukhulu?

5. U-Adamu lo-Eva babezaphila isikhathi esinganani njalo uJehova wayefuna benze wuphi umsebenzi?

Eminye imibuzo:

1. Bala iHubo 83:18.

   Ibizo likaNkulunkulu lingubani njalo ulasiphi isikhundla esingafanani lesabantu emhlabeni? (Jer. 16:21; Dan. 4:17)

2. Bala uGenesisi 1:26-31.

   1. Ngelanga lesithupha uNkulunkulu wacina ngokudalani njalo kwakutshiyene njani lezinyamazana? (Gen. 1:26)

   2. Kuyini uJehova akunika izinyamazana labantu? (Gen. 1:30)

3. Bala uGenesisi 2:7-25.

   1. U-Adamu kwakumele azinike njani izinyamazana amabizo? (Gen. 2:19)

   2. UGenesisi 2:24 usinceda njani ukuthi sizwisise umbono kaJehova ngomtshado, ngokuhlukana lokuchitha umtshado? (Mat. 19:4-6, 9)

INdaba 4

1. Emfanekisweni, kwenzakalani ku-Adamu lo-Eva?

2. Kungani uJehova wabajezisa?

3. Inyoka yatshelani u-Eva?

4. Ngubani owenza inyoka yakhuluma lo-Eva?

5. Kungani u-Adamu lo-Eva balahlekelwa likhaya labo elilipharadayisi?

Eminye imibuzo:

1. Bala uGenesisi 2:16, 17 lo 3:1-13, 24.

   1. Umbuzo uSathane awubuza u-Eva, wayenza njani ukuthi kukhanye angani uJehova mubi? (Gen. 3:1-5; 1 Joha. 5:3)

   2. Isibonelo sika-Eva sisixwayisa ngayiphi indlela? (Flp. 4:8; Jak. 1:14, 15; 1 Joha. 2:16)

   3. U-Adamu lo-Eva behluleka njani ukuvuma ababekwenzile? (Gen. 3:12, 13)

   4. Amakherubhi ayefakwe empumalanga kwesivande sase-Edeni, asekela njani ubukhosi bukaJehova? (Gen. 3:24)

2. Bala uSambulo 12:9

   USathane uphumelele kangakanani ekuphambukiseni abantu ukuthi bangabuswa nguNkulunkulu? (1 Joha. 5:19)

INdaba 5

1. Yayinjani impilo ka-Adamu lo-Eva sebephandle kwesivande sase-Edeni?

2. Kuyini okwaqalisa ukwenzakala ku-Adamu lo-Eva njalo kungani kwenzakala?

3. Kungani kwakuzamele abantwana baka-Adamu lo-Eva baguge njalo bafe?

4. Alubana u-Adamu lo-Eva babelalele uJehova impilo yabo labantwana babo yayizaba njani?

5. Ukungalaleli kuka-Eva kwambangela njani ubuhlungu?

6. Amabizo amadodana amabili ka-Adamu lo-Eva kwakungubani?

7. Ngobani abanye abantwana abasemfanekisweni?

Eminye imibuzo:

1. Bala uGenesisi 3:16-23 lo 4:1, 2.

   1. Ukuthukwa komhlabathi kwenza impilo ka-Adamu yaba njani? (Gen. 3:17-19; Roma. 8:20, 22)

   2. Ibizo lesiHebheru elithi Eva litsho ukuthi “Ophilayo.” Kungani ibizo leli lalifanele? (Gen. 3:20)

   3. UJehova watshengisa njani ukuthi ulendaba lo-Adamu lo-Eva lanxa basebewonile? (Gen. 3:7, 21)

2. Bala uSambulo 21:3, 4.

   Yiziphi ‘izinto ezindala’ olindele ukuzibona ziqedwa?

INdaba 6

1. UKhayini lo-Abela benza yiphi imisebenzi?

2. U-Abela loKhayini baletha izipho ezinjani kuJehova?

3. Kungani uJehova ethokoza ngesipho sika-Abela njalo kungani engathokozi ngesipho sikaKhayini?

4. UKhayini ungumuntu onjani njalo uJehova uzama njani ukumqondisa?

5. Kuyini uKhayini akwenzayo eseyedwa lomnewabo egangeni?

6. Chaza ukuthi kuyini okwenzakalayo kuKhayini esebulele umnewabo.

Eminye imibuzo:

1. Bala uGenesisi 4:2-26.

   1. UJehova wachaza njani okubi uKhayini ayefuna ukukwenza? (Gen. 4:7)

   2. UKhayini waveza njani okusenhliziyweni yakhe? (Gen. 4:9)

   3. Uyini umbono kaJehova ngokuchitha igazi lomuntu ongela cala? (Gen. 4:10; Isa. 26:21)

2. Bala u-1 Johane 3:11, 12.

   1. Kungani uKhayini wavuka ngolaka njalo lokhu kusixwayisa ngayiphi indlela? (Gen. 4:4, 5; Zaga. 14:30; 28:22)

   2. IBhayibhili litshengisa njani ukuthi lanxa izihlobo zethu zonke ziphikisa uJehova, singaqhubeka sithembekile? (Hubo. 27:10; Mat. 10:21, 22)

3. Bala uJohane 11:25.

   UJehova uthembisani bonke abafa ngenxa yokulunga? (Joha. 5:24)

INdaba 7

1. U-Enoki wayetshiyane njani labanye abantu?

2. Kungani abantu benza izinto ezinengi ezimbi ngesikhathi sika-Enoki?

3. Yiziphi izinto ezimbi ezazisenziwa ngabantu? (Khangela umfanekiso.)

4. Kungani kwakumele u-Enoki abe lesibindi?

5. Abantu babephila isikhathi esinganani ngalesosikhathi kodwa u-Enoki waphila isikhathi esinganani?

6. Kuyini okwenzakala u-Enoki esefile?

Eminye imibuzo:

1. Bala uGenesisi 5:21-24, 27.

   1. U-Enoki wayelobuhlobo obunjani loJehova? (Gen. 5:24)

   2. EBhayibhilini, ngubani owaphila iminyaka eminengi ukudlula abanye njalo wafa eseleminyaka emingaki? (Gen. 5:27)

2. Bala uGenesisi 6:5.

   U-Enoki esefile izinto zantshintsha zaba zimbi okunganani njalo lokhu kufanana njani lesikhathi sethu lamuhla? (2 Tim. 3:13)

3. Bala uHebheru 11:5.

   Yibuphi ubuntu buka-Enoki “obathandwa nguNkulunkulu,” njalo kwaphetha ngani? (Gen. 5:22)

4. Bala uJuda 14, 15.

   AmaKhristu angalingisela njani isibindi sika-Enoki nxa bexwayisa abantu ngempi ebuyayo eye-Amagedoni? (2 Tim. 4:2; Heb. 13:6)

INdaba 8

1. Kwenzakalani lapho ezinye izingilosi zikaNkulunkulu zilalela uSathane?

2. Kungani ezinye ingilosi zayekela umsebenzi wazo ezulwini zabuya emhlabeni?

3. Kungani kwakukubi ukuthi izingilosi zibuye phansi emhlabeni zizenzele imizimba yabantu?

4. Abantwana bezingilosi babehlukene ngaphi labanye abantwana?

5. Njengoba ubona emfanekisweni, abantwana bezingilosi benzani lapho besiba yiziqhwaga?

6. Ngemva kuka-Enoki, yiphi indoda elungileyo eyaphila emhlabeni njalo kungani uNkulunkulu wayithanda?

Eminye imibuzo:

1. Bala uGenesisi 6:1-8.

   UGenesisi 6:6 utshengisa njani ukuthi ukuziphatha kwethu kumphatha ngayiphi indlela uJehova? (Hubo. 78:40, 41; Zaga. 27:11)

2. Bala uJuda 6.

   Isibonelo sezingilosi ‘ezingagcinanga izikhundla zazo’ ngesikhathi sikaNowa sisixwayisa njani lamuhla? (1 Kor. 3:5-9; 2 Pet. 2:9, 10)

INdaba 9

1. Babebangaki ababesemulini kaNowa njalo ayengobani amabizo amadodana akhe amathathu?

2. Yiphi into engajayelakanga uNkulunkulu acela ukuthi uNowa ayenze, njalo kungani amcela khonalokhu?

3. Omakhelwane bakaNowa basabela njani lapho ebatshela ngomkhumbi?

4. UNkulunkulu watshela uNowa ukuthi enzeni ngezinyamazana?

5. UNowa lemuli yakhe kwakumele benzeni uNkulunkulu esevale umnyango womkhumbi?

Eminye imibuzo:

1. Bala uGenesisi 6:9-22.

   1. Kuyini okwenza uNowa waba yisikhonzi esimangalisayo sikaNkulunkulu weqiniso? (Gen. 6:9, 22)

   2. UJehova uzizwa njani ngodlakela njalo lokhu kumele kusenze sikhethe njani esizilibazisa ngakho? (Gen. 6:11, 12; Hubo. 11:5)

   3. Singalingisela njani uNowa nxa sithola ukuqondiswa okuvela enhlanganisweni kaJehova? (Gen. 6:22; 1 Joha. 5:3)

2. Bala uGenesisi 7:1-9.

   Kumele kusikhuthaze njani lamuhla ukuthi uJehova wabona uNowa elungile lanxa uNowa wayelesono? (Gen. 7:1; Zaga. 10:16; Isa. 26:7)

INdaba 10

1. Kungani kwakungela muntu owayengangena emkhunjini uzamcolo eseqalisile?

2. UJehova wenza izulu lana amalanga amangaki lobusuku obungaki njalo amanzi atshona aze abangakanani?

3. Kuyini okwenzakala ngomkhumbi amanzi eseqalisa ukusibekela umhlaba?

4. Iziqhwaga zenelisa yini ukusinda kuzamcolo njalo kuyini okwenzakala kubobaba beziqhwaga?

5. Kwenzakalani ngomkhumbi ngemva kwezinyanga ezinhlanu?

6. Kungani uNowa wakhupha iwabayi emkhunjini?

7. UNowa wakwazi njani ukuthi amanzi ayesebohlile?

8. UNkulunkulu wathini kuNowa lemuli yakhe sebehlale emkhunjini okwesikhathi esidlula umnyaka?

Eminye imibuzo:

1. Bala uGenesisi 7:10-24.

   1. Kwatshabalaliswa yonke into ephilayo yini? (Gen. 7:23)

   2. Kwathatha isikhathi esinganani ukuthi amanzi kaZamcolo abohle? (Gen. 7:24)

2. Bala uGenesisi 8:1-17.

   UGenesisi 8:17 utshengisa njani ukuthi injongo kaJehova yokuqala ngomhlaba ayizange intshintshe? (Gen. 1:22)

3. Bala u-1 Phetro 3:19, 20.

   1. Izingilosi ezahlamukayo zathola siphi isahlulelo sezibuyele ezulwini? (Juda 6)

   2. Indaba kaNowa lemuli yakhe iqinisa njani ithemba esilalo lokuthi uJehova uyenelisa ukukhulula abantu bakhe? (2 Pet. 2:9)

INdaba 11

1. Njengoba kutshengisiwe emfanekisweni, uNowa waqala ngokwenzani esephumile emkhunjini?

2. UNkulunkulu wanika uNowa lemuli yakhe wuphi umlayo ngemva kukaZamcolo?

3. UNkulunkulu wathembisani?

4. Kumele sikhumbuleni nxa sibona umchilowamakhosikazi?

Eminye imibuzo:

1. Bala uGenesisi 8:18-22.

   1. Singanika njani uJehova “uqhatshi olumnandi” lamuhla? (Gen. 8:21; Heb. 13:15, 16)

   2. UJehova wananzelelani ngesimo senhliziyo yomuntu njalo lokhu kumele kusenze sinanzeleleni? (Gen. 8:21; Mat. 15:18, 19)

2. Bala uGenesisi 9:9-17.

   1. Yisiphi isivumelwano uJehova asenzayo lezidalwa zonke ezisemhlabeni? (Gen. 9:10, 11)

   2. Isivumelwano somchilowamakhosikazi sizahlala sisebenza okwesikhathi esinganani? (Gen. 9:16)

INdaba 12

1. UNimrodi wayengubani njalo uNkulunkulu wayezizwa njani ngaye?

2. Emfanekisweni, kungani abantu babesenza izitina?

3. Kungani uJehova wayengathabanga ngomsebenzi wokwakha?

4. UNkulunkulu wawumisa njani umsebenzi wokwakha umphongolo?

5. Idolobho lakhona lalibizwa lithiweni njalo ibizo lelo lalisitshoni?

6. Kwenzakalani ebantwini uNkulunkulu esephambanise izindimi zabo?

Eminye imibuzo:

1. Bala uZaga 3:31.

   Yibuphi ubuntu uNimrodi abutshengisayo njalo kusinika siphi isixwayiso thina? (Hubo. 11:5)

2. Bala uGenesisi 11:1-9.

   Yayiyini injongo yokwakha umphongolo njalo kungani uhlelo lolu lwalungasoze luphumelele? (Gen. 11:4; Zaga. 16:18; Joha. 5:44)

INdaba 13

1. Edolobheni lase-Uri kwakuhlala abantu abanjani?

2. Ingubani indoda esemfanekisweni, yazalwa nini njalo yayihlala ngaphi?

3. UNkulunkulu watshela u-Abhrahama ukuthi enzeni?

4. Kungani u-Abhrahama wayethiwa ngumngane kaNkulunkulu?

5. Ngobani abahamba lo-Abhrahama ekusukeni kwakhe e-Uri?

6. UNkulunkulu wamtshelani u-Abhrahama esefikile elizweni laseKhenani?

7. U-Abhrahama eseleminyaka engu-99, uNkulunkulu wamthembisani?

Eminye imibuzo:

1. Bala uGenesisi 11:27-32.

   1. ULothi wayeyini ka-Abhrahama? (Gen. 11:27)

   2. Lanxa kunguThera owenza ukuthi imuli yakhe ithuthele eKhenani, sikwazi njani ukuthi u-Abhrahama nguye owayebuye lecebo lelo njalo kungani wenza njalo? (Gen. 11:31; ImiSeb. 7:2-4)

2. Bala uGenesisi 12:1-7.

   UJehova wasithuthukisa njani isivumelwano ayesenze lo-Abhrahama, u-Abhrahama esefikile elizweni laseKhenani? (Gen. 12:7)

3. Bala uGenesisi 17:1-8, 15-17.

   1. Lantshintsha njani ibizo lika-Abhrama eseleminyaka engu-99 njalo kungani lantshintsha? (Gen. 17:5)

   2. UJehova wathembisa uSara ziphi izibusiso? (Gen. 17:15, 16)

4. Bala uGenesisi 18:9-19.

   1. KuGenesisi 18:19, yiphi imisebenzi ephiwa obaba? (Dute. 6:6, 7; Efe. 6:4)

   2. Yikuphi okwenziwa nguSara okutshengisa ukuthi ngeke simfihlele lutho uJehova? (Gen. 18:12, 15; Hubo. 44:21)

INdaba 14

1. UNkulunkulu wamthembisani u-Abhrahama njalo uNkulunkulu wasigcina njani isithembiso sakhe?

2. Njengoba kutshengiswe emfanekisweni, uNkulunkulu wavivinya njani ukholo luka-Abhrahama?

3. U-Abhrahama wenzani lanxa wayengazwisisi umlayo ayewunikwe nguNkulunkulu?

4. Kwenzakalani u-Abhrahama esekhiphe ingqamu ukuthi abulale indodana yakhe?

5. Lwaluqine kangakanani ukholo luka-Abhrahama kuNkulunkulu?

6. Kuyini uNkulunkulu akunika u-Abhrahama ukuthi enze ngakho umhlatshelo njalo wamnika njani khonalokhu?

Eminye imibuzo:

1. Bala uGenesisi 21:1-7.

   Kungani u-Abhrahama wasoka indodana yakhe ngelanga lesitshiyagalombili? (Gen. 17:10-12; 21:4)

2. Bala uGenesisi 22:1-18.

   U-Isaka watshengisa njani ukuthi uyazithoba kuyise u-Abhrahama njalo lokho kwakufanekisela senzakalo bani esiqakathekileyo esasizakwenzakala emhlabeni? (Gen. 22:7-9; 1 Kor. 5:7; Flp. 2:8, 9)

INdaba 15

1. Kungani u-Abhrahama loLothi behlukana?

2. Kungani uLothi wakhetha ukuhlala eSodoma?

3. Babenjani abantu beSodoma?

4. Izingilosi ezimbili zanika uLothi siphi isixwayiso?

5. Kungani umkaLothi waba yisiduli setswayi?

6. Singafundani endabeni yomkaLothi?

Eminye imibuzo:

1. Bala uGenesisi 13:5-13.

   Singafundani ku-Abhrahama endabeni yokuxazulula ukungazwanani phakathi kwabantu? (Gen. 13:8, 9; Roma. 12:10; Flp. 2:3, 4)

2. Bala uGenesisi 18:20-33.

   Ukusebenzelana kukaJehova lo-Abhrahama kusinika njani ithemba lokuthi uJehova loJesu bazakwahlulela ngendlela elungileyo (Gen. 18:25, 26; Mat. 25:31-33)

3. Bala uGenesisi 19:1-29.

   1. Indaba le yeBhayibhili itshengisani ngombono kaNkulunkulu ngamadoda alala lamadoda? (Gen. 19:5, 13; Levi. 20:13)

   2. Yiwuphi umahluko esiwutholayo endleleni uLothi lo-Abhrahama abenza ngayo ngesikhathi uNkulunkulu ebaqondisa njalo kuyini esingakufunda khonapho? (Gen. 19:15, 16, 19, 20; 22:3)

4. Bala uLukha 17:28-32.

   UmkaLothi wayelombono onjani ngezinto zenyama njalo kusinika siphi isixwayiso thina lamuhla? (Lukha 12:15; 17:31, 32; Mat. 6:19-21, 25)

5. Bala u-2 Phetro 2:6-8.

   Silandela isibonelo sikaLothi, kumele sibe lombono onjani ngomhlaba esiphila kuwo olabantu abangathandi uNkulunkulu? (Hez. 9:4; 1 Joha. 2:15-17)

INdaba 16

1. Indoda lomfazi abasemfanekisweni bangobani?

2. Kuyini u-Abhrahama akwenzayo ukuze atholele indodana yakhe umfazi, njalo wakwenzelani lokhu?

3. Umthandazo wenceku ka-Abhrahama waphendulwa njani?

4. URabheka waphendula njani lapho ebuzwa ukuthi uyafuna yini ukuthathwa ngu-Isaka?

5. Kuyini okwenza u-Isaka waba lentokozo futhi?

Eminye imibuzo:

1. Bala uGenesisi 24:1-67.

   1. Yibuphi ubuntu obuhle obatshengiswa nguRabheka lapho ehlangana lenceku ka-Abhrahama emthonjeni? (Gen. 24:17-20; Zaga. 31:17, 31)

   2. Okwahlelwa ngu-Abhrahama ehlelela u-Isaka kunika amaKhristu siphi isibonelo lamuhla? (Gen. 24:37, 38; 1 Kor. 7:39; 2 Kor. 6:14)

   3. Kungani kumele sibe lesikhathi sokunakana njengo-Isaka? (Gen. 24:63; Hubo. 77:12; Flp. 4:8)

INdaba 17

1. U-Esawu loJakhobe babengobani njalo babengafanani ngayiphi indlela?

2. U-Esawu loJakhobe babeleminyaka emingaki lapho ukhulu wabo u-Abhrahama esifa?

3. Kuyini okwenziwa ngu-Esawu okwadanisa ubaba lomama wakhe?

4. Kungani u-Esawu wamzondela kakhulu umnewabo uJakhobe?

5. U-Isaka watshela indodana yakhe uJakhobe ukuthi yenzeni?

Eminye imibuzo:

1. Bala uGenesisi 25:5-11, 20-34.

   1. UJehova waphrofethani ngamadodana amabili kaRabheka? (Gen. 25:23)

   2. Yiwuphi umehluko owawukhona phakathi kukaJakhobe lo-Esawu endleleni ababeqakathekisa ngayo ubuzibulo? (Gen. 25:31-34)

2. Bala uGenesisi 26:34, 35; 27:1-46; lo 28:1-5.

   1. U-Esawu watshengisa njani ukuthi wayengaqakathekisi izinto ezingokomoya? (Gen. 26:34, 35; 27:46)

   2. Ukuze uJakhobe athole isibusiso sikaNkulunkulu, u-Isaka wamtshela ukuthi enzeni? (Gen. 28:1-4)

3. Bala uHebheru 12:16, 17.

   Okwenzakala ku-Esawu kutshengisa njani umphumela walabo abayeyisa izinto ezingcwele?

INdaba 18

1. Ungubani owesifazana osakhulayo osemfanekisweni njalo uJakhobe wamenzelani?

2. UJakhobe wayezimisele ukwenzani ukuze athathe uRakheli?

3. ULabani wenzani lapho kufika isikhathi sokuthi uJakhobe athathe uRakheli?

4. UJakhobe wavuma ukwenzani ukuze enelise ukuthatha uRakheli ukuthi abe ngumfazi wakhe?

Eminye imibuzo:

1. Bala uGenesisi 29:1-30.

   1. Lanxa uLabani wamqila, uJakhobe watshengisa njani ukuzithoba njalo singafundani kulokhu? (Gen. 25:27; 29:26-28; Mat. 5:37)

   2. Isibonelo sikaJakhobe sitshengisa njani uthando lweqiniso? (Gen. 29:18, 20, 30; Ngoma. 8:6)

   3. Yibaphi abesifazana ababa yingxenye yemuli kaJakhobe basebemzalela amadodana? (Gen. 29:23, 24, 28, 29)

INdaba 19

1. Qamba amabizo amadodana ayisithupha kaJakhobe aba lawo lomfazi wakhe wokuqala okuthiwa nguLeya.

2. Yiwaphi amadodana azalwa nguZilipha incekukazi kaLeya, ezalela uJakhobe?

3. Ayengobani amadodana azalwa yincekukazi kaRakheli uBhiliha, ezalela uJakhobe?

4. Yiwaphi amadodana amabili azalwa nguRakheli, kodwa kwenzakalani lapho kuzalwa indodana yesibili?

5. Njengoba ubona emfanekisweni, uJakhobe wayelamadodana amangaki njalo kuyini okwavela kubo?

Eminye imibuzo:

1. Bala uGenesisi 29:32-35; 30:1-26; lo 35:16-19.

   Ngezikhathi zakudala abafana abangamaHebheru babenikwa njani amabizo nxa sikhangele isibonelo samadodana kaJakhobe angu-12?

2. Bala uGenesisi 37:35.

   Lanxa kunguDina yedwa oqanjiweyo eBhayibhilini, sikwazi njani ukuthi uJakhobe kazange abe lendodakazi eyodwa kuphela? (Gen. 37:34, 35)

INdaba 20

1. Kungani u-Abhrahama lo-Isaka babengafuni ukuthi abantwana babo bathathe abafazi baseKhenani?

2. UJakhobe wayefuna yini ukuthi indodakazi yakhe ibe lobungane lamankazana aseKhenani?

3. Indoda ekhangele uDina emfanekisweni ingubani njalo yiphi into embi ayiyenzayo?

4. Abanewabo bakaDina, uSimeyoni loLevi benzani lapho besizwa okwakwenzakale?

5. UJakhobe wavumelana lakho yini okwakwenziwe nguSimeyoni loLevi?

6. Uhlupho lwemuli lwaqalisa njani?

Eminye imibuzo:

1. Bala uGenesisi 34:1-31.

   1. Ubudlelwano bukaDina lamadodakazi aseKhenani kwakuyisenzakalo esenzeka kanye kuphela yini? Chasisa. (Gen. 34:1, NW: UDina indodakazi kaLeya owamzalela uJakhobe wayejayele ukuyabona amadodakazi elizwe.)

   2. Kungani uDina laye wayelomlandu wokukhipha ubuntombi bakhe? (Gal. 6:7)

   3. Abasakhulayo lamuhla bangatshengisa njani ukuthi bafundile endabeni kaDina? (Zaga. 13:20; 1 Kor. 15:33; 1 Joha. 5:19)

INdaba 21

1. Kungani abanewabo bakaJosefa babelomhawu ngaye, njalo benzani?

2. Abanewabo bakaJosefa bafuna ukumenzani kodwa uRubheni uthini kubo?

3. Kwenzakalani lapho kufika abathengisi abangama-Ishmayeli?

4. Abanewabo bakaJosefa benzani ukuze ubaba wabo acabange ukuthi uJosefa ufile?

Eminye imibuzo:

1. Bala uGenesisi 37:1-35.

   1. AmaKhristu angalingisela njani isibonelo sikaJosefa ngokubika okubi okwenzakalayo ebandleni? (Gen. 37:2; Levi. 5:1; 1 Kor. 1:11)

   2. Kuyini okwenza ukuthi abanewabo bakaJosefa bamphathe kubi? (Gen. 37:11, 18; Zaga. 27:4; Jak. 3:14-16)

   3. Kuyini okwenziwa nguJakhobe okuyingxenye ejayelekileyo yokutshengisa ukuthi umuntu uzwa ubuhlungu? (Gen. 37:35)

INdaba 22

1. UJosefa uhanjiswa eGibhithe eseleminyaka emingaki njalo kwenzakalani esefikile khonangale?

2. Kuyini okwenza uJosefa ecine esejele?

3. UJosefa esejele unikwa siphi isikhundla?

4. UJosefa wenzelani umphathinkezo lompheki wezinkwa kaFaro esejele?

5. Kwenzakalani kumphathinkezo esekhitshiwe ejele?

Eminye imibuzo:

1. Bala uGenesisi 39:1-23.

   Kuyini okwenza ukuthi uJosefa abalekele umkaPhothifa njengoba kwakungela mthetho kaNkulunkulu ngensuku zikaJosefa owawungavumeli ukuphinga? (Gen. 2:24; 20:3; 39:9)

2. Bala uGenesisi 40:1-23.

   1. Chasisa ngamafitshane iphupho lomphathinkezo lengcazelo uJehova ayinika uJosefa. (Gen. 40:9-13)

   2. Umpheki wezinkwa waba laliphi iphupho njalo lalisitshoni? (Gen. 40:16-19)

   3. Inceku ethembekileyo lehlakaniphileyo lamuhla ilingisela njani ukucabanga kukaJakhobe? (Gen. 40:8; Hubo. 36:9; Joha. 17:17; ImiSeb. 17:2, 3)

   4. UGenesisi 40:20 ukhanyisani ngendlela amaKhristu okumele akhangele ngayo insuku zokuzalwa? (Tshu. 7:1; Mark. 6:21-28)

INdaba 23

1. Kuyini okwenzakala kuFaro ngobunye ubusuku?

2. Kungani umphathinkezo ecina ekhumbula uJosefa?

3. Njengoba kutshengisiwe emfanekisweni, uFaro uba lawaphi amaphupho amabili?

4. UJosefa uthi amaphupho la atshoni?

5. UJosefa uba njani ngumuntu oqakatheke ukudlula bonke eGibhithe ongaphansi kukaFaro?

6. Kungani abanewabo bakaJosefa besiya eGibhithe njalo kungani bengamnanzeleli?

7. Yiliphi iphupho elikhunjulwa nguJosefa, njalo limnceda ukuthi azwisiseni?

Eminye imibuzo:

1. Bala uGenesisi 41:1-57.

   1. UJosefa wanika njani uJehova udumo njalo amaKhristu lamuhla angalingisela njani isibonelo sakhe? (Gen. 41:16, 25, 28; Mat. 5:16; 1 Pet. 2:12)

   2. Iminyaka yenala eGibhithe eyalandelwa yiminyaka yendlala itshengisa njani ngendlela ecacileyo umehluko okhona phakathi kwesimo esingokomoya sabantu bakaJehova lesimo seLobukholwa lamuhla? (Gen. 41:29, 30; Amos. 8:11, 12)

2. Bala uGenesisi 42:1-8 lo 50:20.

   Kubi yini ukuthi izikhonzi zikaJehova zikhothame phambi komuntu zimhlonipha ngenxa yesikhundla sakhe nxa kungumkhuba welizwe? (Gen. 42:6)

INdaba 24

1. Kungani uJosefa esithi abanewabo bayizinhloli?

2. Kungani uJakhobe evumela ukuthi uBhenjamini indodana yakhe encane iye eGibhithe?

3. Inkomitsho kaJosefa eyesiliva ingena njani esakeni likaBhenjamini?

4. UJuda ucela ukwenzani ukuze uBhenjamini akhululwe?

5. Abafowabo bakaJosefa sebentshintshe njani?

Eminye imibuzo:

1. Bala uGenesisi 42:9-38.

   Okwakhulunywa nguJosefa kuGenesisi 42:18 kuyisikhumbuzo esihle ngayiphi indlela kulabo abakhokhelayo enhlanganisweni kaJehova lamuhla? (Neh. 5:15; 2 Kor. 7:1, 2)

2. Bala uGenesisi 43:1-34.

   1. Lanxa uRubheni wayeyizibulo kukhanya njani ukuthi uJuda waba ngumkhulumeli wabanewabo? (Gen. 43:3, 8, 9; 44:14, 18; 1 ImiLan. 5:2)

   2. UJosefa walinga njani abanewabo njalo kungani wenza njalo? (Gen. 43:33, 34)

3. Bala uGenesisi 44:1-34.

   1. UJosefa uzithi ungubani esebenzisa icebo lokuzifihla kubanewabo? (Gen. 44:5, 15; Levi 19:26)

   2. Abanewabo bakaJosefa batshengisa njani ukuthi umhawu ababelawo ngomfowabo wawusuphelile? (Gen. 44:13, 33, 34)

INdaba 25

1. Kwenzakalani lapho uJosefa etshela abafowabo ukuthi ungubani?

2. UJosefa uchasiselani ngomusa abafowabo?

3. UFaro uthini lapho esizwa ngabanewabo bakaJosefa?

4. Yayinkulu okunganani imuli kaJakhobe lapho ethuthela eGibhithe?

5. Imuli kaJakhobe yacina isibizwa isithiwani, njalo ngani?

Eminye imibuzo:

1. Bala uGenesisi 45:1-28.

   Indaba yeBhayibhili kaJosefa itshengisa njani ukuthi uJehova engantshintsha okubi okujonge ukulimaza inceku zakhe kube ngokuhle? (Gen. 45:5-8; Isa. 8:10; Flp. 1:12-14)

2. Bala uGenesisi 46:1-27.

   UJehova wamqinisa njani uJakhobe esesiya eGibhithe? (Gen. 46:1-4)

INdaba 26

1. UJobe wayengubani?

2. USathane wazama ukwenzani, kodwa waphumelela yini?

3. UJehova wavumela uSathane ukuthi enzeni njalo kungani enza njalo?

4. Kungani umkaJobe wathi kuye “mthuke uNkulunkulu uzifele”? (Khangela umfanekiso.)

5. Njengoba ubona emfanekisweni wesibili, uJehova wabusisa njani uJobe njalo kungani enza njalo?

6. Singathembeka kuJehova njengoJobe sizathola izibusiso ziphi?

Eminye imibuzo:

1. Bala uJobe 1:1-22.

   AmaKhristu angalingisela njani uJobe lamuhla? (Jobe 1:1; Flp. 2:15; 2 Pet. 3:14)

2. Bala uJobe 2:1-13.

   Yiziphi izinto ezimbili ezingafananiyo ezenziwa nguJobe lomfazi wakhe lapho behlukuluzwa nguSathane? (Jobe 2:9, 10; Zaga. 19:3; Mika. 7:7; Mal. 3:14)

3. Bala uJobe 42:10-17.

   1. Imivuzo eyatholwa nguJobe lemivuzo eyatholwa nguJesu ngenxa yokuthembeka ifanana ngayiphi indlela? (Jobe 42:12; Flp. 2:9-11)

   2. Izibusiso ezatholwa nguJobe ngenxa yokuthembeka kuNkulunkulu zisikhuthaza njani? (Jobe 42:10, 12; Heb. 6:10; Jak. 1:2-4, 12; 5:11)

INdaba 27

1. Ingubani indoda elemvubu emfanekisweni njalo itshaya bani?

2. Kwenzakalani kuma-Israyeli uJosefa esefile?

3. Kungani amaGibhithe aqalisa ukwesaba ama-Israyeli?

4. UFaro wanika wuphi umlayo ebafazini ababencedisa abafazi abangama-Israyeli ukuthi babelethe?

Eminye imibuzo:

1. Bala u-Eksodusi 1:6-22.

   1. UJehova waqalisa njani ukugcwalisa isithembiso sakhe ku-Abhrahama? (Eks. 1:7; Gen. 12:2; ImiSeb. 7:17)

   2. Abafazi ababelethisayo abangamaHebheru batshengisa njani ukuhlonipha ubungcwele bempilo? (Eks. 1:17; Gen. 9:6)

   3. Abafazi ababelethisayo baphiwa wuphi umvuzo ngenxa yokuthembeka kuJehova? (Eks. 1:20, 21; Zaga. 19:17)

   4. USathane wazama njani ukubhidliza injongo kaJehova ephathelane lenzalo ka-Abhrahama? (Eks. 1:22; Mat. 2:16)

INdaba 28

1. Ungubani umntwana osemfanekisweni njalo ubambe umunwe kabani?

2. Umama kaMosi wenzani ukuze uMosi engabulawa?

3. Inkazana esemfanekisweni ingubani njalo yenzani?

4. UMiriyamu wathini ngesikhathi indodakazi kaFaro ithola uMosi?

5. Inkosazana yathini kumama kaMosi?

Eminye imibuzo:

1. Bala u-Eksodusi 2:1-10.

   Yiliphi ithuba umama kaMosi ayelalo lokuthi afundise uMosi esesemncane njalo lokhu kunika abazali siphi isibonelo lamuhla? (Eks. 2:9, 10; Dute. 6:6-9; Zaga. 22:6; Efe. 6:4; 2 Tim. 3:15)

INdaba 29

1. UMosi wakhulela ngaphi kodwa kuyini ayekwazi ngabazali bakhe?

2. UMosi wenzani eseleminyaka engu-40?

3. UMosi wathini endodeni engumIsrayeli eyayisilwa njalo indoda le yaphendula isithini?

4. Kungani uMosi wabaleka eGibhithe?

5. UMosi wabaleka waya ngaphi njalo wahlangana lobani khonangale?

6. UMosi wenzani eminyakeni engu-40 esebalekile eGibhithe?

Eminye imibuzo:

1. Bala u-Eksodusi 2:11-25.

   UMosi watshengisa njani ukuthi wayethembekile kuJehova lasebantwini bakaJehova lanxa wayefunde iminyaka eminengi ngolwazi lwamaGibhithe? (Eks. 2:11, 12; Heb. 11:24)

2. Bala ImiSebenzi 7:22-29.

   Singafunda siphi isifundo kuMosi lapho ezama ukukhulula ama-Israyeli eGibhithe eyedwa? (ImiSeb. 7:23-25; 1 Pet. 5:6, 10)

INdaba 30

1. Ibizo lentaba esemfanekisweni lithiwani?

2. Chaza into engajayelekanga eyabonwa nguMosi esiya entabeni lezimvu zakhe.

3. Lathini ilizwi elavela esihlahleni esivutha umlilo njalo kwakulilizwi likabani?

4. UMosi waphendula esithini ngesikhathi uNkulunkulu emtshela ukuthi wayezakhokhela abantu bakaNkulunkulu ukuthi baphume eGibhithe?

5. UNkulunkulu watshela uMosi ukuthi athini ebantwini nxa bengabuza ukuthi ngubani omthumileyo?

6. UMosi wayezatshengisa njani ukuthi wayethunywe nguNkulunkulu?

Eminye imibuzo:

1. Bala u-Eksodusi 3:1-22.

   Okwenzakala kuMosi kusinika njani ithemba lokuthi uJehova uzasiphathisa lanxa sizizwa singafaneli ukuthi senze umsebenzi othize kaNkulunkulu? (Eks. 3:11, 13; 2 Kor. 3:5, 6)

2. Bala u-Eksodusi 4:1-20.

   1. Ukucabanga kukaMosi kwantshintsha njani eseleminyaka engu-40 eMidiyani njalo yisifundo bani esingatholwa yilabo abafisa ukuba lomsebenzi ebandleni? (Eks. 2:11, 12; 4:10, 13; Mika. 6:8; 1 Tim. 3:1, 6, 10)

   2. Lanxa singalaywa nguJehova esebenzisa inhlanganiso yakhe, isibonelo sikaMosi singasinika njani ithemba? (Eks. 4:12-14; Hubo. 103:14; Heb. 12:4-11)

INdaba 31

1. Izimangaliso ezenziwa nguMosi lo-Aroni zawathinta njani ama-Israyeli?

2. UMosi lo-Aroni batshelani uFaro njalo uFaro wabaphendula njani?

3. Njengoba kutshengiswe emfanekisweni, kwenzakalani lapho u-Aroni ephosela phansi induku yakhe?

4. UJehova wamfundisa njani uFaro isifundo njalo uFaro wenzani?

5. Kwenzakalani ngemva kohlupho lwesi-10?

Eminye imibuzo:

1. Bala u-Eksodusi 4:27-31 lo 5:1-23.

   UFaro wayesitshoni lapho esithi: “Mina kangimazi uJehova”? (Eks. 5:2; 1 Sam. 2:12; Roma. 1:21)

2. Bala u-Eksodusi 6:1-13, 26-30.

   1. Kungani uJehova athi ‘kangizange ngizibonakalise kubo’ lapho ekhuluma ngo-Abhrahama, u-Isaka loJakhobe? (Eks. 3:13, 14; 6:3; Gen. 12:8)

   2. Kusenza sizwe njani ukwazi ukuthi uJehova wasebenzisa uMosi lanxa uMosi wayebona angani ngeke enelise ukwenza ayekuthunywe nguJehova? (Eks. 6:12, 30; Luka. 21:13-15)

3. Bala u-Eksodusi 7:1-13.

   1. Ngokutshela uFaro izahlulelo zikaJehova ngesibindi, uMosi lo-Aroni babeka sibonelo bani okumele silandelwe yizinceku zikaNkulunkulu lamuhla? (Eks. 7:2, 3, 6; ImiSeb. 4:29-31)

   2. UJehova watshengisa njani ukuthi ulamandla ukudlula onkulunkulu baseGibhithe? (Eks. 7:12; 1 ImiLan. 29:12)

INdaba 32

1. Usebenzisa imifanekiso etshengiswe lapha, chaza izinhlupho zakuqala ezintathu uJehova aziletha eGibhithe.

2. Izinhlupho zakuqala ezintathu zazehlukene njani lezinye izinhlupho?

3. Lwaluyini uhlupho lwesine, olwesihlanu lolwesithupha?

4. Chaza uhlupho lwesi-7, olwesi-8 lolwesi-9.

5. UJehova watshela ama-Israyeli ukuthi enzeni kungakabi lohlupho lwesi-10?

6. Lwaluyini uhlupho lwesi-10 njalo kwenzakalani ngemva kwalo?

Eminye imibuzo:

1. Bala u-Eksodusi 7:19–8:23.

   1. Lanxa izanuse zaseGibhithe zenelisa ukulingisela uhlupho lwakuqala lolwesibili olwalulethwe nguJehova, kuyini abacina bekuvuma ngemva kohlupho lwesithathu? (Eks. 8:18, 19; Mat. 12:24-28)

   2. Uhlupho lwesine lwatshengisa njani ukuthi uJehova uyenelisa ukuvikela abantu bakhe njalo ukwazi lokhu kwenza abantu bakaNkulunkulu bazwe njani njengoba ‘ukuhlupheka okukhulu’ kusiza? (Eks. 8:22, 23; ISam. 7:13, 14; 2 ImiLan. 16:9)

2. Bala u-Eksodusi 8:24; 9:3, 6, 10, 11, 14, 16, 23-25; lo 10:13-15, 21-23.

   1. UFaro ‘lezanuse’ ezazingabaphristi benkolo bahlutshwa yizinhlupho ezingu-10. Yiwaphi amaqembu amabili lamuhla afanana labo njalo lokhu kwenza sibabone njani? (Eks. 8:10, 18, 19; 9:14)

   2. U-Eksodusi 9:16 usinceda njani ukuthi sizwisise ukuthi kungani uJehova evumele ukuthi uSathane abe khona kuze kube khathesi? (Roma. 9:21, 22)

3. Bala u-Eksodusi 12:21-32.

   IPhasika lenza njani ukuthi abanengi benelise ukusindiswa njalo iPhasika lalitshengiselani? (Eks. 12:21-23; Joha. 1:29; Roma. 5:18, 19, 21; 1 Kor. 5:7)

INdaba 33

1. Kwasuka amadoda angama-Israyeli amangaki eGibhithe, kugoqele labafazi labantwana njalo ngobani abasuka labo?

2. UFaro wezwa njani eseyekele ama-Israyeli ahamba njalo wenzani?

3. UJehova wenzani ukuze amaGibhithe angahlaseli abantu bakhe?

4. Kwenzakalani lapho uMosi eselulela induku yakhe phezu koLwandle Olubomvu njalo ama-Israyeli enzani?

5. Kwenzakalani lapho amaGibhithe engena olwandle ukuze alandele ama-Israyeli?

6. Ama-Israyeli atshengisa njani ukuthi ayethokoza njalo ebonga ukuthi uJehova wayebasindisile?

Eminye imibuzo:

1. Bala u-Eksodusi 12:33-36.

   UJehova wenza njani ukuze abantu bakhe babhadalwe ngeminyaka yonke ababeyizigqili ngayo kumaGibhithe? (Eks. 3:21, 22; 12:35, 36)

2. Bala u-Eksodusi 14:1-31.

   Amazwi kaMosi aku-Eksodusi 14:13, 14 aziqinisa njani izinceku zikaJehova lamuhla njengoba impi ye-Amagedoni isiza (2 ImiLan. 20:17; Hubo. 91:8)

3. Bala u-Eksodusi 15:1-8, 20, 21.

   1. Kungani kumele izinceku zikaJehova zimhlabelele izingoma zokumdumisa? (Eks. 15:1, 2; Hubo. 105:2, 3; ISam. 15:3, 4)

   2. UMiriyamu labanye abafazi Olwandle Olubomvu babeka njani isibonelo okumele abafazi abangamaKhristu basilandele ekudumiseni uJehova lamuhla? (Eks. 15:20, 21; Hubo. 68:11)

INdaba 34

1. Emfanekisweni, abantu badobhani phansi njalo kuthiwa yikuyini?

2. UMosi utshela abantu ukuthi bayidobhe njani imana?

3. UJehova utshela abantu ukuthi benzeni ngelanga lesithupha njalo kungani esithi benzenjalo?

4. UJehova wenza siphi isimangaliso lapho imana igcinwa kuze kube yilanga lesikhombisa?

5. UJehova unika abantu imana okwesikhathi esinganani?

Eminye imibuzo:

1. Bala u-Eksodusi 16:1-36 lo-AmaNani 11:7-9.

   1. U-Eksodusi 16:8 utshengisani ngokuthi sihloniphe abantu ababekiweyo ebandleni lobuKhristu? (Heb. 13:17)

   2. Egangeni, ama-Israyeli ayekhunjuzwa njani nsukuzonke ukuthi athembele kuJehova? (Eks. 16:14-16, 35; Dute. 8:2, 3)

   3. UJesu wathi imana lalifanekiselani njalo thina sisinceda ngani ‘isinkwa lesi esivela ezulwini’? (Joha. 6:31-35, 40)

2. Bala uJoshuwa 5:10-12.

   Ama-Israyeli adla imana okweminyaka emingaki futhi lokhu kwawavivinya njani njalo thina sifundani kulokhu? (Eks. 16:35; Nani. 11:4-6; 1 Kor. 10:10, 11)

INdaba 35

1. Ngemva kwezinyanga ezimbili ama-Israyeli esuke eGibhithe ahlala ngaphi?

2. UJehova uthi ufuna ukuthi abantu benzeni njalo abantu baphendula njani?

3. Kungani uJehova esipha uMosi amatshe amabili?

4. UJehova wanika ama-Israyeli yiphi imithetho ngaphandle kweMithetho Elitshumi?

5. Yimiphi imithetho emibili uJesu athi mikhulu ukudlula yonke?

Eminye imibuzo:

1. Bala u-Eksodusi 19:1-25; 20:1-21; 24:12-18; lo 31:18.

   Amazwi aku-Eksodusi 19:8 asinceda njani ukuthi sizwisise ukuthi ukuzinikela komKhristu kugoqelani? (Mat. 16:24; 1 Pet. 4:1-3)

2. Bala uDutheronomi 6:4-6; Levi 19:18; lo Mathewu 22:36-40.

   AmaKhristu atshengisa njani ukuthi ayamthanda uNkulunkulu labomakhelwana babo (Mark. 6:34; ImiSeb. 4:20; Roma. 15:2)

INdaba 36

1. Emfanekisweni, abantu benzani njalo kungani besenza njalo?

2. Kungani uJehova ezondile njalo uMosi wenzani lapho ebona okwenziwa ngabantu?

3. UMosi utshela amanye amadoda ukuthi enzeni?

4. Indaba le kumele isifundiseni?

Eminye imibuzo:

1. Bala u-Eksodusi 32:1-35.

   1. Indaba le itshengisa njani ukuthi uJehova akathandi ukuthi sihlanganise inkolo yamanga lokukhonza kweqiniso? (Eks. 32:4-6, 10; 1 Kor. 10:7, 11)

   2. AmaKhristu kumele ananzeleleni nxa ekhetha okokuzilibazisa okunjengokuhlabela lokugida? (Eks. 32:18, 19; Efe. 5:15, 16; 1 Joha. 2:15-17)

   3. Isizwe samaLevi sabeka njani isibonelo sokumela okulungileyo? (Eks. 32:25-28; Hubo. 18:25)

INdaba 37

1. Isakhiwo esisemfanekisweni kuthiwa yikuyini njalo sisetshenziselwa ukwenzani?

2. Kungani uJehova atshela uMosi ukuthi enze ithente elihlukaniswa lula?

3. Liyini ibhokisi elisendlini encane ekucineni kwethente njalo lilani phakathi?

4. UJehova ukhetha bani ukuthi abe ngumphristi omkhulu njalo uyini umsebenzi womphristi omkhulu?

5. Qamba izinto ezintathu ezisekamelweni elikhulu lethente.

6. Yiziphi izinto ezimbili ezisegumeni lethabanikeli njalo zisetshenziswani?

Eminye imibuzo:

1. Bala u-Eksodusi 25:8-40; 26:1-37; 27:1-8; lo 28:1.

   Amakherubhi ‘asebhokisini lobufakazi’ amelelani? (Eks. 25:20, 22; Nani. 7:89; 2 AmaKho. 19:15)

2. Bala u-Eksodusi 30:1-10, 17-21; 34:1, 2; lo Hebheru 9:1-5.

   1. Kungani uJehova agcizelela ukuqakatheka kokuthi abaphristi abakhonza ethabanikeli bahlale behlanzekile emzimbeni njalo lokhu kumele kusithinte njani lamuhla? (Eks. 30:18-21; 40:30, 31; Heb. 10:22)

   2. Umphostoli uPhawuli utshengisa njani ukuthi ithabanikeli loMthetho wesivumelwano kwakungasasebenzi ngesikhathi ebhala incwadi yakhe eya kumaKhristu aseHebheru? (Heb. 9:1, 9; 10:1)

INdaba 38

1. Kuyini okunanzelelayo ngamagilebisi asemfanekisweni njalo avela ngaphi?

2. Kungani uMosi ethuma izinhloli ezingu-12 eKhenani?

3. Izinhloli ezingu-10 zithini lapho zizotshela uMosi ngezikubonileyo?

4. Izinhloli ezimbili zitshengisa njani ukuthi ziyamethemba uJehova njalo amabizo azo ngobani?

5. Kungani uJehova ezondile njalo utshelani uMosi?

Eminye imibuzo:

1. Bala AmaNani 13:1-33.

   1. Ngobani ababekhethwe ukuthi bayehlola ilizwe njalo babelethuba elihle lokwenzani? (Nani. 13:2, 3, 18-20)

   2. Kungani umbono kaJoshuwa lokaKhalebi wawutshiyene lowezinye izinhloli njalo lokhu kusifundisani? (Nani. 13:28-30; Mat. 17:20; 2 Kor. 5:7)

2. Bala AmaNani 14:1-38.

   1. Yisiphi isixwayiso esimayelana lokukhonona ngabameleli bakaJehova abasemhlabeni okumele sisilalele? (Nani. 14:2, 3, 27; Mat. 25:40, 45; 1 Kor. 10:10)

   2. Umbhalo ka-AmaNani 14:24 utshengisa njani ukuthi uJehova ulendaba lenceku yakhe ngayinye esemhlabeni? (1 AmaKho. 19:18; Zaga. 15:3)

INdaba 39

1. Ngubani ohlamuka ekukhokhelweni nguMosi lo-Aroni njalo bathini kuMosi?

2. UMosi utshela uKhora labalandeli bakhe abangu-250 ukuthi benzeni?

3. Kuyini uMosi akutshela abantu njalo kwenzakalani esanda kuqeda ukukhuluma?

4. Kwenzakalani kuKhora labalandeli bakhe abangu-250?

5. Indodana ka-Aroni, u-Eliyazari, yenzani ngeziphathelo zempepha zamadoda afileyo njalo kungani isenza njalo?

6. Kungani uJehova esenza ukuthi induku ka-Aroni imile amaluba? (Bona umfanekiso)

Eminye imibuzo:

1. Bala AmaNani 16:1-49.

   1. UKhora labalandeli bakhe benzani njalo kungani lokho kwakuyikuhlamukela uJehova? (Nani. 16:9, 10, 18; Levi 10:1, 2; Zaga. 11:2)

   2. UKhora ‘labakhokheli benkundla’ abangu-250 baba lombono wuphi ongayisiwo? (Nani. 16:1-3; Zaga. 15:33; Isa. 49:7)

2. Bala AmaNani 17:1-11 lo 26:10.

   1. Ukuhluma kwenduku ka-Aroni kwakutshengisani, njalo kungani uJehova athi kumele igcinwe ebhokisini lobufakazi? (Nani. 17:5, 8, 10)

   2. Kuyini okuqakathekileyo esingakufunda kokwenzakala endukwini ka-Aroni? (Nani. 17:10; ImiSeb. 20:28; Flp. 2:14; Heb. 13:17)

INdaba 40

1. UJehova uwanakekela njani ama-Israyeli ngesikhathi esegangeni?

2. Ama-Israyeli akhonona ngani lapho esehlala eKhadeshi?

3. UJehova ubanika njani amanzi abantu bakhe kugoqele lezifuyo zabo?

4. Emfanekisweni, ingubani indoda le ezikhombeleyo njalo kungani isenza njalo?

5. Kungani uJehova ezondele uMosi lo-Aroni njalo bajeziswa njani?

6. Kwenzakalani eNtabeni iHori njalo ngubani oba ngumphristi omkhulu wama-Israyeli?

Eminye imibuzo:

1. Bala AmaNani 20:1-13, 22-29 lo Dutheronomi 29:5.

   1. Sifundani endleleni uJehova anakekela ngayo ama-Israyeli egangeni? (Dute. 29:5; Mat. 6:31; Heb. 13:5; Jak. 1:17)

   2. UJehova wakubona njani ukwehluleka kukaMosi lo-Aroni ukumngcwelisa phambi kwama-Israyeli? (Nani. 20:12; 1 Kor. 10:12; ISam. 4:11)

   3. Sifundani endleleni uMosi enza ngayo lapho uJehova emlaya? (Nani. 12:3; 20:12, 27, 28; Dute. 32:4; Heb. 12:7-11)

INdaba 41

1. Emfanekisweni, kuyini lokho okuthandele isigodo njalo kungani uJehova atshela uMosi ukuthi akufake khonapho?

2. Abantu batshengisa njani ukungabongi ngalokho uNkulunkulu abenzele khona?

3. Abantu bacela ukuthi uMosi enzeni ngemva kokuthi uJehova ebajezise ngothumela inyoka ezilumayo?

4. Kungani uJehova etshela uMosi ukuthi enze inyoka yethusi?

5. Indaba le isifundisani?

Eminye imibuzo:

1. Bala AmaNani 21:4-9.

   1. Yisiphi isixwayiso esisitholayo ngokukhonona kwama-Israyeli ngalokho uJehova ayebaphe khona? (Nani. 21:5, 6; Roma. 2:4)

   2. Emakhulwini eminyaka eyalandelayo, ama-Israyeli ayisebenzisa njani inyoka yethusi njalo iNkosi uHezekhiya yenzani? (Nani. 21:9; 2 AmaKho. 18:1-4)

2. Bala uJohane 3:14, 15.

   Ukufakwa kwenyoka yethusi esigodweni kwafanekisela njani ukubethelwa kukaJesu Khristu? (Gal. 3:13; 1 Pet. 2:24)

INdaba 42

1. Ungubani uBhalaki njalo kungani ethuma abantu ukuthi babize uBhalamu?

2. Kungani idonki kaBhalamu ilala phansi endleleni?

3. UBhalamu uzwa idonki isithini?

4. Ingilosi ithini kuBhalamu?

5. Kwenzakalani lapho uBhalamu ezama ukuqalekisa ama-Israyeli?

Eminye imibuzo:

1. Bala AmaNani 21:21-35.

   Kungani ama-Israyeli anqoba iNkosi yama-Amori uSihoni, leNkosi u-Ogi yaseBhashani? (Nani. 21:21, 23, 33, 34)

2. Bala AmaNani 22:1-40.

   UBhalamu wayejongeni ngokuzama ukuqalekisa ama-Israyeli njalo sifundani ngalokhu? (Nani. 22:16, 17; Zaga. 6:16, 18; 2 Pet. 2:15; Juda 11)

3. Bala AmaNani 23:1-30.

   Lanxa uBhalamu akhuluma angathi uyisikhonzi sikaJehova, izenzo zakhe zatshengisa njani ukuthi kwakungayisikho? (Nani. 23:3, 11-14; 1 Sam. 15:22)

4. Bala AmaNani 24:1-25.

   Indaba le yeBhayibhili iluqinisa njani ukholo lwethu ekugcwalisekeni kwenjongo kaJehova? (Nani. 24:10; Isa. 54:17)

INdaba 43

1. Emfanekisweni, ngobani amadoda ame loMosi?

2. UJehova utshelani uJoshuwa?

3. Kungani uJehova ekhwela eNtabeni iNebho njalo uJehova uthini kuye?

4. UMosi ufa eleminyaka emingaki?

5. Kungani abantu bedanile kodwa yisiphi isizathu abalaso sokuthokoza?

Eminye imibuzo:

1. Bala AmaNani 27:12-23.

   UJehova upha uJoshuwa wuphi umsebenzi onzima njalo uJehova utshengisa njani ukuthi ulendaba labantu bakhe lamuhla? (Nani. 27:15-19; ImiSeb. 20:28; Heb. 13:7)

2. Bala uDutheronomi 3:23-29.

   Kungani uJehova engavumelanga ukuthi uMosi lo-Aroni bangene elizweni lesithembiso njalo sifundani kulokhu? (Dute. 3:25-27; Nani. 20:12, 13)

3. Bala uDutheronomi 31:1-8, 14-23.

   Amazwi kaMosi okuvalelisa ama-Israyeli atshengisa njani ukuthi wamukela ngokuthobeka ukulaya kukaJehova? (Dute. 31:6-8, 23)

4. Bala uDutheronomi 32:45-52.

   ILizwi likaNkulunkulu kumele lithinte njani impilo zethu? (Dute. 32:47; Levi. 18:5; Heb. 4:12)

5. Bala uDutheronomi 34:1-12.

   Lanxa uMosi engazange abone ubuso bukaJehova ngokoqobo, uDutheronomi 34:10 usitshengisani ngobuhlobo ayelabo loJehova? (Eks. 33:11, 20; Nani. 12:8)

INdaba 44

1. URahabi uhlala ngaphi?

2. Ngobani amadoda amabili asemfanekisweni njalo kungani eseJerikho?

3. Inkosi yaseJerikho itshela uRahabi ukuthi enzeni njalo uRahabi uphendula esithini?

4. URahabi uwanceda njani amadoda amabili njalo uRahabi uwacela ukuthi amenzeleni?

5. Izinhloli ezimbili zimthembisani uRahabi?

Eminye imibuzo:

1. Bala uJoshuwa 2:1-24.

   Isithembiso sikaJehova esiku-Eksodusi 23:27 sagcwaliseka njani lapho ama-Israyeli ezokulwa leJerikho? (Josh. 2:9-11)

2. Bala uHebheru 11:31.

   Isibonelo sikaRahabi sitshengisa njani ukuqakatheka kokuba lokholo? (Roma. 1:17; Heb. 10:39; Jak. 2:25)

INdaba 45

1. UJehova wenza isimangaliso siphi ukuze ama-Israyeli enelise ukuchapha uMfula uJodani?

2. Ama-Israyeli kumele enze siphi isenzo esitshengisa ukuthi alokholo ukuze achaphe uMfula uJodani?

3. Kungani uJehova etshela uJoshuwa ukuthi athathe amatshe amakhulu angu-12 phakathi komfula?

4. Kwenzakalani lapho abaphristi besanda kuphuma eJodani?

Eminye imibuzo:

1. Bala uJoshuwa 3:1-17.

   1. Njengoba indaba le itshengisa, kuyini okumelwe sikwenze ukuze uJehova asincede njalo asibusise? (Josh. 3:13, 15; Zaga. 3:5; Jak. 2:22, 26)

   2. Wawunjani uMfula uJodani ngesikhathi ama-Israyeli ewuchapha esiya eLizweni leSithembiso njalo lokho kwadumisa njani ibizo likaJehova? (Josh. 3:15; 4:18; Hubo. 66:5-7)

2. Bala uJoshuwa 4:1-18.

   Ayengawani amatshe angu-12 athathwa eMfuleni uJodani abekwa eGiligali? (Josh. 4:4-7)

INdaba 46

1. UJehova utshela abaphristi lamadoda alwayo ukuthi enzeni okwamalanga ayisithupha?

2. Kumele amadoda enzeni ngelanga lesikhombisa?

3. Njengoba ubona emfanekisweni, kwenzakalani emidulini yeJerikho?

4. Kungani kulentambo ebomvu elenga ewindini?

5. UJoshuwa utshela amadoda alwayo ukuthi enzeni ngabantu ledolobho laseJerikho, kodwa uthi isiliva, igolide, ithusi lensimbi kwenziweni?

6. Izinhloli ezimbili zitshelwa ukuthi zenzeni?

Eminye imibuzo:

1. Bala uJoshuwa 6:1-25.

   1. Ukubhoda kwama-Israyeli idolobho laseJerikho ngelanga lesikhombisa kufanana njani lomsebenzi waboFakazi bakaJehova wokutshumayela esikhathini lesi sokucina? (Josh. 6:15, 16; Isa. 60:22; Mat. 24:14; 1 Kor. 9:16)

   2. Isiphrofetho esikuJoshuwa 6:26 sagcwaliseka njani ngemva kweminyaka engu-500 njalo lokhu kusifundisani ngelizwi likaJehova? (1 AmaKho. 16:34; Isa. 55:11)

INdaba 47

1. Emfanekisweni, ingubani indoda egqibela izinto ezithethe eJerikho njalo ngobani abayincedisayo?

2. Kungani okwenziwa ngu-Akhani lemuli yakhe kuyinto embi kakhulu?

3. UJehova uthini lapho uJoshuwa ebuza ukuthi kungani ama-Israyeli ayenqotshiwe empini yase-Ayi?

4. Kwenzakalani ku-Akhani lemuli yakhe lapho belethwa kuJoshuwa?

5. Ukwahlulelwa kuka-Akhani kusifundisa siphi isifundo esiqakathekileyo?

Eminye imibuzo:

1. Bala uJoshuwa 7:1-26.

   1. Imithandazo kaJoshuwa yayitshengisani ngobuhlobo bakhe loMdali wakhe? (Josh. 7:7-9; Hubo. 119:145; 1 Joha. 5:14)

   2. Isibonelo sika-Akhani sitshengisani njalo kungani lokhu kuyisixwayiso kithi? (Josh. 7:11, 14, 15; Zaga. 15:3; 1 Tim. 5:24; Heb. 4:13)

2. Bala uJoshuwa 8:1-29.

   Nxa singabona omunye umKhristu esenza okubi kumele ngamunye wethu enzeni? (Josh. 7:13; Levi 5:1; Zaga. 28:13)

INdaba 48

1. Abantu baseGibheyoni bahlukene njani lamaKhenani asemadolobheni aseduze?

2. Njengoba kutshengiswe emfanekisweni, amaGibheyoni enzani njalo kungani esenzanjalo?

3. UJoshuwa labakhokheli bama-Israyeli bawathembisani amaGibheyoni kodwa bazwani ngemva kwamalanga amathathu?

4. Kwenzakalani lapho amakhosi akwamanye amadolobho esizwa ukuthi amaGibheyoni enze isivumelwano sokuthula lama-Israyeli?

Eminye imibuzo:

1. Bala uJoshuwa 9:1-27.

   1. Njengoba uJehova ayetshele isizwe sako-Israyeli ukuthi ‘sitshabalalise bonke abakhe elizweni lelo,’ ukungabhubhisi kwakhe amaGibheyoni kwatshengisa buphi ubuntu bakhe? (Josh. 9:22, 24; Mat. 9:13; ImiSeb. 10:34, 35; 2 Pet. 3:9)

   2. UJoshuwa wawabekela siphi isibonelo amaKhristu lamuhla ngokungephuli isivumelwano ayesenze lamaGibheyoni? (Josh. 9:18, 19; Mat. 5:37; Efe. 4:25)

2. Bala uJoshuwa 10:1-5.

   Ixuku elikhulu lamuhla lilingisela njani amaGibheyoni njalo lokhu kubenza babe sengozini yani? (Josh. 10:4; Zek. 8:23; Mat. 25:35-40; ISam. 12:17)

INdaba 49

1. Emfanekisweni, uJoshuwa uthini njalo kungani esitsho njalo?

2. UJehova umnceda njani uJoshuwa lamadoda akhe empi?

3. UJoshuwa unqoba amakhosi amangaki njalo kuthatha isikhathi esinganani ukuthi enze njalo?

4. Kungani uJoshuwa esehlukanisa ilizwe laseKhenani?

5. UJoshuwa ufa eleminyaka emingaki njalo kwenzakalani ebantwini esefile?

Eminye imibuzo:

1. Bala uJoshuwa 10:6-15.

   Ukwazi ukuthi uJehova wenza ukuthi ilanga lenyanga kume, esenzela ama-Israyeli kwenza sibe leqiniso lani? (Josh. 10:8, 10, 12, 13; Hubo. 18:3; Zaga. 18:10)

2. Bala uJoshuwa 12:7-24.

   Ngubani ngeqiniso owehlula amakhosi angu-31 eKhenani njalo kungani lokhu kuqakathekile kithi lamuhla? (Josh. 12:7; 24:11-13; Dute. 31:8; Luka. 21:9, 25-28)

3. Bala uJoshuwa 14:1-5.

   Ilizwe lahlukaniswa njani phakathi kwezizwana zako-Israyeli njalo lokhu kutshengisani ngendlela esizahlala ngayo ePharadayisi? (Josh. 14:2; Isa. 65:21; Hez. 47:21-23; 1 Kor. 14:33)

4. Bala ABahluleli 2:8-13.

   NjengoJoshuwa ko-Israyeli, ngubani lamuhla ovimbela imisebenzi yezihlubuki? (ABahl. 2:8, 10, 11; Mat. 24:45-47; 2 Tes. 2:3-6; Tit. 1:7-9; ISam. 1:1; 2:1, 2)

INdaba 50

1. Ngobani abahluleli njalo angobani amabizo abanye babo?

2. UDibhora ulasiphi isikhundla njalo lokhu kuhlanganisani?

3. Lapho ama-Israyeli esongelwa yiNkosi uJabhini lomlawuli webutho lakhe uSisera, uDibhora unika uMahluleli uBharakhi wuphi umlayezo ovela kuJehova njalo uthi ngubani ozathola udumo?

4. UJayeli utshengisa njani ukuthi ungowesifazana olesibindi?

5. Kwenzakalani iNkosi uJabhini isifile?

Eminye imibuzo:

1. Bala ABahluleli 2:14-22.

   Ama-Israyeli azilethela njani inzondo kaNkulunkulu phezu kwawo njalo sifundani kulokhu? (ABahl. 2:20; Zaga. 3:1, 2; Hez. 18:21-23)

2. Bala ABahluleli 4:1-24.

   Abesifazana abangamaKhristu bangafundani ngokholo lesibindi sikaDibhora loJayeli? (ABahl. 4:4, 8, 9, 14, 21, 22; Zaga. 31:30; 1 Kor. 16:13)

3. Bala ABahluleli 5:1-31.

   Ingoma yokunqoba kaBharakhi loDibhora ingasetshenziswa njani njengomkhuleko empini ye-Amagedoni ezayo? (ABahl. 5:3, 31; 1 ImiLan. 16:8-10; ISam. 7:9, 10; 16:16; 19:19-21)

INdaba 51

1. UNawomi ufika njani elizweni lakoMowabhi?

2. Ngubani uRuthe lo-Opha?

3. URuthe lo-Opha benzani nxa uNawomi ebatshela ukuthi babuyele ebantwini bakibo?

4. Ungubani uBhowazi njalo unceda njani uRuthe loNawomi?

5. Ibizo lomntwana kaBhowazi loRuthe ngubani njalo kungani kumele simkhumbule?

Eminye imibuzo:

1. Bala uRuthe 1:1-17.

   1. Yiwaphi amazwi amnandi akhulunywa nguRuthe atshengisa uthando olulokuthembeka? (Ruthe 1:16, 17)

   2. Indlela uRuthe acabanga ngayo itshengisa njani ngokucacileyo indlela “ezinye izimvu” ezibona ngayo abagcotshiweyo abasemhlabeni lamuhla? (Joha. 10:16; Zek. 8:23)

2. Bala uRuthe 2:1-23.

   Yisiphi isibonelo esihle ngoRuthe okumele silandelwe ngabesifazana lamuhla? (Ruthe 2:17, 18; Zaga. 23:22; 31:15)

3. Bala uRuthe 3:5-13.

   1. UBhowazi wazizwa njani ebona uRuthe ezimisele ukutshada laye kulokuthi atshade lendoda encane?

   2. Indlela uRuthe ayecabanga ngayo isifundisani ngothando olulokuthembeka? (Ruthe 3:10; 1 Kor. 13:4, 5)

4. Bala uRuthe 4:7-17.

   Amadoda angamaKhristu lamuhla angamlingisela njani uBhowazi? (Ruthe 4:9, 10; 1 Tim. 3:1, 12, 13; 5:8)

INdaba 52

1. Kungani ama-Israyeli elohlupho olukhulu kangaka njalo lokhu kwenzakala njani?

2. Kungani uJehova etshela uGidiyoni ukuthi ibutho lakhe lilamadoda amanengi kakhulu?

3. UGidiyoni esetshele amadoda ayesabayo ukuthi abuyele ngekhaya kusala amadoda amangaki?

4. Ukhangele umfanekiso, chasisa ukuthi uJehova ulehlisa njani inani lebutho likaGidiyoni lize lisale lilamadoda angu-300.

5. UGidiyoni uwaqoqa njani amadoda akhe angu-300 njalo ama-Israyeli anqoba njani empini le?

Eminye imibuzo:

1. Bala ABahluleli 6:36-40.

   1. UGidiyoni wenza njani ukuze abe leqiniso lokuthi akwenzayo kuyintando kaJehova?

   2. Thina lamuhla siyazi njani intando kaJehova? (Zaga. 2:3-6; Mat. 7:7-11; 2 Tim. 3:16, 17)

2. Bala ABahluleli 7:1-25.

   1. Sifundani kwabayi-300 abahlala beqaphile ngokungafanani lalabo abatshengisa ukunganaki? (ABahl. 7:3, 6; Roma. 13:11, 12; Efe. 5:15-17)

   2. Njengoba abayi-300 bafunda ngokukhangela uGidiyoni, lathi sifunda njani ngokukhangela uGidiyoni oMkhulu uJesu Khristu? (ABahl. 7:17; Mat. 11:29, 30; 28:19, 20; 1 Pet. 2:21)

   3. Umbhalo ka-Abahluleli 7:21 usinceda njani ukuthi sisuthiseke ngemisebenzi esiyiphiwayo enhlanganisweni kaJehova? (1 Kor. 4:2; 12:14-18; Jak. 4:10)

3. Bala ABahluleli 8:1-3.

   Indlela uGidiyoni axazulula ngayo uhlupho ayelalo labako-Efrayimi isifundisani ngokumele sikwenze nxa sihluphane lomfowethu kumbe lodadewethu? (Zaga. 15:1; Mat. 5:23, 24; Luka. 9:48)

INdaba 53

1. Ngubani uJefitha njalo waphila kusiphi isikhathi?

2. UJefitha umthembisani uJehova?

3. Kungani uJefitha edana ekuphendukeni kwakhe ngekhaya esevela nqoba ama-Amoni?

4. Indodakazi kaJefitha ithini isizwe ngesithembiso sikababa wayo?

5. Kungani abantu bethanda indodakazi kaJefitha?

Eminye imibuzo:

1. Bala ABahluleli 10:6-18.

   Yisiphi isixwayiso okumele sisilalele ngokungathembeki kwama-Israyeli kuJehova? (ABahl. 10:6, 15, 16; Roma. 15:4; ISam. 2:10)

2. Bala ABahluleli 11:1-11, 29-40.

   1. Sikwazi njani ukuthi ukupha kukaJefitha indodakazi yakhe ‘njengomhlatshelo wokutshiswa’ kwakungatsho ukuthi umnikela emlilweni njengomhlatshelo womuntu? (ABahl. 11:31; Levi 16:24; Dute. 18:10, 12)

   2. UJefitha wanikela ngendodakazi yakhe njengomhlatshelo ngayiphi indlela?

   3. Sifundani endleleni uJefitha abona ngayo isithembiso ayesenze kuJehova? (ABahl. 11:35, 39; Tshu. 5:4, 5; Mat. 16:24)

   4. AmaKhristu asakhulayo afuna ukwenza umsebenzi wesikhathi esigcweleyo angalandela njani isibonelo esihle sendodakazi kaJefitha? (ABahl. 11:36; Mat. 6: 33; Flp. 3:8)

INdaba 54

1. Ingubani indoda elamandla amakhulu eyake yaphila emhlabeni njalo ngubani owayeyinika amandla?

2. Ngelinye ilanga, uSamsoni wenzani isilwane esikhulu njengoba ubona emfanekisweni?

3. Emfanekisweni, uSamsoni utshela uDelila yiphi imfihlo njalo lokhu kwenza njani ukuthi amaFilisti ambambe?

4. Ngelanga uSamsoni esifa, wenza njani ukuthi afe lezitha ezingamaFilisti ezingu-3 000?

Eminye imibuzo:

1. Bala ABahluleli 13:1-14.

   UManowa lomkakhe babekela abazali siphi isibonelo esihle ekukhuliseni abantwana? (ABahl. 13:8; Hubo. 127:3; Efe. 6:4)

2. Bala ABahluleli 14:5-9 lo 15:9-16.

   1. Ukubulala isilwane kukaSamsoni, ukuqamula kwakhe intambo ezintsha ayebotshwe ngazo, lokubulala kwakhe amadoda angu-1 000 ngethambo lomhlathi wedonki kutshengisani ngokusebenza komoya ongcwele kaJehova?

   2. Umoya ongcwele usinceda njani lamuhla? (ABahl. 14:6; 15:​14; Zek. 4:6; ImiSeb. 4:31)

3. Bala ABahluleli 16:18-31.

   Kwenzakalani kuSamsoni ngenxa yabangane ababi njalo singafundani kulokhu? (ABahl. 16:18, 19; 1 Kor. 15:33)

INdaba 55

1. Ibizo lomfana omncane osemfanekisweni ngubani njalo abanye abakhonapho ngobani?

2. Ngelinye ilanga uHana evakatshele ethabanikeli likaJehova, ukhuleka esithini njalo uJehova umphendula njani?

3. USamuyeli uhanjiswa ethenteni likaJehova eleminyaka emingaki, njalo umama wakhe umenzelani umnyaka ngamunye?

4. Angobani amabizo amadodana ka-Eli njalo angamadoda anjani?

5. UJehova umbiza njani uSamuyeli njalo umnika mlayezo bani?

6. USamuyeli uba yini esekhulile njalo kwenzakalani esekhulile?

Eminye imibuzo:

1. Bala u-1 Samuyeli 1:1-28.

   1. U-Elikhana ubekela inhloko zemuli siphi isibonelo esokukhokhela ekukhonzeni kweqiniso? (1 Sam. 1:3, 21; Mat. 6:33; Flp. 1:10)

   2. Indlela uHana axazulula ngayo okwakumkhathaza kakhulu isifundisani? (1 Sam. 1:10, 11; Hubo. 55:22; Roma. 12:12)

2. Bala u-1 Samuyeli 2:11-36.

   U-Eli watshengisa njani ukuthi uhlonipha amadodana akhe kuloJehova, njalo lokhu kusixwayisa ngani? (1 Sam. 2:22-24, 27, 29; Dute. 21:18-21; Mat. 10:36, 37)

3. Bala u-1 Samuyeli 4:16-18.

   Yiziphi izinto ezine ezidanisayo ezivela empini njalo zimphatha njani u-Eli?

4. Bala u-1 Samuyeli 8:4-9.

   Ama-Israyeli amzondisa njani kakhulu uJehova njalo singawusekela njani uMbuso wakhe lamuhla? (1 Sam. 8:5, 7; Joha. 17:16; Jak. 4:4)

INdaba 56

1. Emfanekisweni, uSamuyeli wenzani njalo kungani esenzanjalo?

2. Kungani uJehova ethanda uSawuli, njalo uSawuli uyindoda enjani?

3. Ibizo lendodana kaSawuli ngubani, njalo yenzani?

4. Kungani uSawuli enikela umhlatshelo kulokuthi amelele uSamuyeli anikele?

5. Yiziphi izifundo esingazifunda endabeni kaSawuli?

Eminye imibuzo:

1. Bala u-1 Samuyeli 9:15-21 lo 10:17-27.

   Ukuthobeka kukaSawuli kwamnceda njani ukuthi angenzi into azaphinda azisole ngayo ngesikhathi amanye amadoda ekhuluma ngaye etshengisa ukungamhloniphi? (1 Sam. 9:21; 10:21, 22, 27; Zaga. 17:27)

2. Bala u-1 Samuyeli 13:5-14.

   Yisiphi isono esenziwa nguSawuli eGiligali? (1 Sam. 10:8; 13:8, 9, 13)

3. Bala u-1 Samuyeli 15:1-35.

   1. Yisiphi isono esikhulu esenziwa nguSawuli mayelana lenkosi yama-Amaleki u-Agagi? (1 Sam. 15:2, 3, 8, 9, 22)

   2. USawuli wazama njani ukuvala ukuthi uphambanisile lokuzigeza? (1 Sam. 15:24)

   3. Yisiphi isixwayiso okumele sisilalele lamuhla nxa siphiwa iseluleko? (1 Sam. 15:19-21; Hubo. 141:5; Zaga. 9:8, 9; 11:2)

INdaba 57

1. Ibizo lomfana lo osemfanekisweni ngubani njalo sikwazi njani ukuthi ulesibindi?

2. UDavida uhlala ngaphi njalo ubaba wakhe lokhulu wakhe kuthiwa ngobani?

3. Kungani uJehova etshela uSamuyeli ukuthi ahambe endlini kaJese eBhethilehema?

4. Kwenzakalani lapho uJese eletha amadodana akhe ayisikhombisa kuSamuyeli?

5. UDavida eselethiwe, uJehova utshelani uSamuyeli?

Eminye imibuzo:

1. Bala u-1 Samuyeli 17:34, 35.

   Izenzakalo lezi zisitshengisa njani ukuthi uDavida ulesibindi lokuthi uthembela kuJehova? (1 Sam. 17:37)

2. Bala u-1 Samuyeli 16:1-14.

   1. Amazwi kaJehova aku-1 Samuyeli 16:7 asinceda njani ukuthi singabi ngabakhethayo kumbe ababandlulula ngengaphandle yomuntu? (ImiSeb. 10:34, 35; 1 Tim. 2: 4)

   2. Isibonelo sikaSawuli sitshengisa njani ukuthi uJehova angakhipha umoya wakhe ongcwele emuntwini, isikhala sakhona singagcwaliswa ngumoya omubi kumbe isifiso esikhulu sokufuna ukwenza okubi? (1 Sam. 16:14; Mat. 12:43-45; Gal. 5:16)

INdaba 58

1. UGoliyathi uthini ebuthweni lama-Israyeli?

2. UGoliyathi ulomzimba ongakanani njalo iNkosi uSawuli uyithembisani indoda ezabulala uGoliyathi?

3. UDavida uthini nxa uSawuli emtshela ukuthi kangeke alwe loGoliyathi ngenxa yokuthi yena uDavida mncane?

4. UDavida utshengisa njani ukuthi uthemba uJehova ekuphenduleni kwakhe uGoliyathi?

5. Njengoba ubona emfanekisweni, uDavida umbulala ngani uGoliyathi njalo kwenzakalani kumaFilisti ngemva kwalokhu?

Eminye imibuzo:

1. Bala u-1 Samuyeli 17:1-54.

   1. Kuyini okwakusenza uDavida angayesabi njalo singakulingisela njani ukuba lesibindi kwakhe? (1 Sam. 17:37, 45; Efe. 6:10, 11)

   2. Kungani amaKhristu kungamelanga abe lomoya wokuncintisana onjengokaGoliyathi nxa edlala imidlalo kumbe ezilibazisa? (1 Sam. 17:⁠8; Gal. 5:26; 1 Tim. 4:8)

   4. Indaba le itshengisa njani ukuthi ukulwisana lokhu kwakungasikho kwamabutho amabili alwisanayo kuphela kodwa kwakuyimpi phakathi kwabonkulunkulu bamanga loNkulunkulu weqiniso uJehova? (1 Sam. 17:43, 46, 47)

   5. AmaKhristu agcotshiweyo aseleyo alingisela njani isibonelo sikaDavida sokuthemba uJehova? (1 Sam. 17:37; Jer. 1:​17-19; ISam. 12:17)

INdaba 59

1. Kungani uSawuli elomhawu ngoDavida njalo indodana kaSawuli, uJonathani ihlukane njani lobaba wayo?

2. Kwenzakalani ngelinye ilanga, lapho uDavida etshayela uSawuli ichacho?

3. USawuli uthi uDavida kumele aqale enzeni engakathathi indodakazi yakhe uMikhali ukuthi ibe ngumfazi wakhe, njalo kungani uSawuli esitshonjalo?

4. Njengoba umfanekiso utshengisa, kwenzakalani okwesithathu lapho uDavida etshayela uSawuli ichacho?

5. UMikhali uncedisa njani uDavida ukuze uDavida asindise ukuphila kwakhe, njalo uDavida sekumele enzeni okweminyaka eyisikhombisa?

Eminye imibuzo:

1. Bala u-1 Samuyeli 18:1-30.

   1. Uthando olungapheliyo phakathi kukaJonathani loDavida lwafanekisela njani uthando oluqinileyo phakathi ‘kwezinye izimvu’ ‘lomhlambi omncane’? (1 Sam. 18:1; Joha. 10:16; Luka. 12:32; Zek. 8:23)

   2. U-1 Samuyeli 18:4 utshengisa njani ukuthi uJonathani wayelokuzithoba okumangalisayo kulowo owayekhethwe ukuthi abe yinkosi njengoba uJonathani kwakunguye okwakumele abe yindlalifa kaSawuli?

   3. Isibonelo sikaSawuli sitshengisa njani ukuthi umhawu ungenza umuntu enze isono esikhulu, njalo lokhu kusinika siphi isixwayiso? (1 Sam. 18:7-9, 25; Jak. 3:14-16)

2. Bala u-1 Samuyeli 19:1-17.

   UJonathani wafaka njani ukuphila kwakhe engozini lapho ekhuluma amazwi aku-1 Samuyeli 19:4, 5? (1 Sam. 19:1, 6)

INdaba 60

1. Owesifazana ohlangabeza uDavida emfanekisweni ngubani njalo ungumuntu onjani?

2. UNabhali ngubani?

3. Kungani uDavida ethuma amadoda akhe ukuthi ayecela uncedo kuNabhali?

4. UNabhali uthini emadodeni kaDavida njalo uDavida wenzani ngalokho?

5. U-Abhigeli utshengisa njani ukuthi ungowesifazane ohlakaniphileyo?

Eminye imibuzo:

1. Bala u-1 Samuyeli 22:1-4.

   Imuli kaDavida isibekela siphi isibonelo esihle sokusekelana njengabazalwane abangamaKhristu? (Zaga. 17:17; 1 Tes. 5:14)

2. Bala u-1 Samuyeli 25:1-43.

   1. Kungani uNabhali echazwa njengomuntu omubi kangaka? (1 Sam. 25:2-5, 10, 14, 21, 25)

   2. Abafazi abangamaKhristu lamuhla bangafundani ku-Abhigeli? (1 Sam. 25:32, 33; Zaga. 31:26; Efe. 5:24)

   3. U-Abhigeli wavimbela uDavida ukuthi engenzi ziphi izinto ezimbili ezimbi? (1 Sam. 25:31, 33; Roma. 12:19; Efe. 4:26)

   4. Indlela uDavida asabela ngayo emazwini ka-Abhigeli iwanceda njani amadoda lamuhla ukuthi abe lombono kaJehova ngabesifazana? (ImiSeb. 21:8, 9; Roma. 2:11; 1 Pet. 3:7)

INdaba 61

1. UDavida lo-Abishayi benzani uSawuli esalele esihonqweni sakhe?

2. UDavida umbuzani uSawuli?

3. UDavida uyangaphi esesukile kuSawuli?

4. Kuyini okwenza uDavida adane kakhulu aze abhale ingoma emnandi?

5. UDavida uba yinkosi eHebhroni eleminyaka emingaki njalo angobani amabizo amanye amadodana akhe?

6. Kungaphi njalo lapho uDavida abusa khona njengenkosi?

Eminye imibuzo:

1. Bala u-1 Samuyeli 26:1-25.

   1. Amazwi kaDavida aku-1 Samuyeli 26:11 atshengisa ukuthi kumele sizizwe njani ngohlelo lukaJehova? (Hubo. 37:7; Roma. 13:2)

   2. Amazwi kaDavida aku-1 Samuyeli 26:23 asinceda njani ukuthi sihlale silombono oqondileyo ngabantu abanganakiyo nxa sizama ngamandla ukubatshengisa umusa wothando? (1 AmaKho. 8:32; Hubo. 18:20)

2. Bala u-2 Samuyeli 1:26.

   AmaKhristu lamuhla angaba njani ‘lothando olupheleleyo’ olunjengolukaDavida loJonathani? (1 Pet. 4:8; Kol. 3:14; 1 Joha. 4:12)

3. Bala u-2 Samuyeli 5:1-10.

   1. UDavida ubusa njengenkosi okweminyaka emingaki njalo iminyaka le ihlukaniswe njani? (2 Sam. 5:4, 5)

   2. Ubukhulu bukaDavida buvela ngaphi njalo lokhu kusikhumbuzani lamuhla? (2 Sam. 5:10; 1 Sam. 16:13; 1 Kor. 1:31; Flp. 4:13)

INdaba 62

1. Ekucineni, kwenzakalani elizweni laseKhenani ngosizo lukaJehova?

2. Ngelinye ilanga ebusuku, kwenzakalani uDavida esephahleni lwesigodlo sakhe?

3. Kungani uJehova emzondele kakhulu uDavida?

4. Emfanekisweni, uJehova uthuma bani ukuthi ayotshela uDavida ngezono zakhe njalo indoda leyo ithi kuzakwenzakalani kuDavida?

5. UDavida uba lohlupho lwani?

6. Ngubani olandela uDavida ekubeni yinkosi yama-Israyeli?

Eminye imibuzo:

1. Bala u-2 Samuyeli 11:1-27.

   1. Ukuhlala sikhuthele enkonzweni kaJehova kusivikela njani?

   2. UDavida wawela njani esonweni, njalo lokhu kunika isixwayiso siphi ezincekwini zikaJehova lamuhla? (2 Sam. 11:2; Mat. 5:27-29; 1 Kor. 10:12; Jak. 1:14, 15)

2. Bala u-2 Samuyeli 12:1-18.

   1. Abadala labazali bangafundani endleleni uNathani anika ngayo uDavida iseluleko? (2 Sam. 12:1-4; Zaga. 12:18; Mat. 13:34)

   2. Kungani uJehova enzela uDavida isihawu? (2 Sam. 12:13; Hubo. 32:5; 2 Kor. 7:9, 10)

INdaba 63

1. UJehova uthini kuSolomoni, njalo uJehova umphendula njani?

2. UJehova uthembisa ukumnikani uSolomoni njengoba ethokoziswe yilokho uSolomoni akucelileyo?

3. Abesifazana ababili babuya laluphi uhlupho olunzima kuSolomoni?

4. Njengoba ubona emfanekisweni, uSolomoni uluxazulula njani uhlupho lolu?

5. Ukubusa kukaSolomoni kunjani njalo kungani kunjalo?

Eminye imibuzo:

1. Bala u-1 AmaKhosi 3:3-28.

   1. Amadoda aphiwe imilandu enhlanganisweni kaNkulunkulu lamuhla angafundani emazwini kaSolomoni awakhuluma ngenhliziyo yonke atholakala ku-1 AmaKhosi 3:7? (Hubo. 119:105; Zaga. 3:5, 6)

   2. Okwacelwa nguSolomoni kusifundisani ngezinto ezinhle okumele sizikhulekele? (1 AmaKho. 3:9, 11, NW; Zaga. 30: 8, 9; 1 Joha. 5:14)

   3. Indlela uSolomoni axazulula ngayo uhlupho phakathi kwabafazi ababili iqinisa njani ithemba lethu ekubuseni kukaSolomoni oMkhulu uJesu Khristu, esikhathini esizayo? (1 AmaKho. 3:28; Isa. 9:6, 7; 11:2-4)

2. Bala u-1 AmaKhosi 4:29-34.

   1. UJehova wasiphendula njani isicelo sikaSolomoni senhliziyo elalelayo? (1 AmaKho. 4:29)

   2. Indlela esitaditsha ngayo iLizwi likaNkulunkulu kumele ibe njani nxa sikhangele imizamo eyayisenziwa ngabantu ukuze bazwe inhlakanipho kaSolomoni? (1 AmaKho. 4:29, 34; Joha. 17:3; 2 Tim. 3:16)

INdaba 64

1. Kuthatha isikhathi esingakanani ukuthi uSolomoni aqede ukwakha ithempeli likaJehova njalo kungani kudinga imali enengi kangaka?

2. Ethempelini kulezindlu ezingaki ezinkulu njalo kufakwani endlini yangaphakathi?

3. USolomoni uthandaza esithini ithempeli seliphelile ukwakhiwa?

4. UJehova utshengisa njani ukuthi uthokoziswe ngumthandazo kaSolomoni?

5. Abafazi bakaSolomoni benza ukuthi uSolomoni enzeni njalo kwenzakalani kuye?

6. Kungani uJehova ezondele uSolomoni njalo uJehova uthini kuye?

Eminye imibuzo:

1. Bala u-1 ImiLando 28:9, 10.

   Kumele senzeni ekuphileni kwethu kwansuku zonke njengoba kubhaliwe emazwini kaDavida aku-1 ImiLando 28:9, 10. (Hubo. 19:14; Flp. 4:8, 9)

2. Bala u-2 ImiLando 6:12-21, 32-42.

   1. USolomoni watshengisa njani ukuthi uNkulunkulu oPhezukonke kangeke ahlale endlini eyakhiwe ngumuntu? (2 ImiLan. 6:18; ImiSeb. 17:24, 25)

   2. Amazwi kaSolomoni aku-2 ImiLando 6:32, 33 asifundisani ngoJehova? (ImiSeb. 10:34, 35; Gal. 2:6)

3. Bala u-2 ImiLando 7:1-5.

   Njengoba amadodana ka-Israyeli adumisa uJehova khonapho nje ebona inkazimulo yakhe, thina kumele senzeni nxa sibona uJehova ebusisa abantu bakhe? (2 ImiLan. 7:3; Hubo. 22:22; 34:1; 96:2)

4. Bala u-1 AmaKhosi 11:9-13.

   Impilo kaSolomoni itshengisa njani ukuthi kuqakathekile ukuthi sithembeke kuze kufike ekucineni? (1 AmaKho. 11:4, 9; Mat. 10:22; Isam. 2:10)

INdaba 65

1. Ayini amadoda la amabili asemfanekisweni njalo amabizo awo ngobani?

2. U-Ahija wenzani ngejazi aligqokileyo njalo akwenzayo kutshoni?

3. USolomoni uzama ukumenzani uJerobhowami?

4. Kungani abantu besenza ukuthi uJerobhowami abe yinkosi yezizwe ezilitshumi?

5. Kungani uJerobhowami esenza amathole egolide amabili njalo kwenzakalani elizweni ngemva kwalokho?

6. Kwenzakalani embusweni wezizwe ezimbili kanye lasethempelini likaJehova eJerusalema?

Eminye imibuzo:

1. Bala u-1 AmaKhosi 11:26-43.

   UJerobhowami wayengumuntu onjani njalo uJehova wamthembisani nxa wayengalandela imithetho yakhe? (1 AmaKho. 11:28, 38)

2. Bala u-1 AmaKhosi 12:1-33.

   1.  Esibonelweni esibi sikaRehobhowami, abazali labadala bangafundani ngokusebenzisa kubi amandla? (1 AmaKho. 12:13; Tshu. 7:7; 1 Pet. 5:2, 3)

   2. Abasakhulayo kumele badinge kubani isiqondiso esizabanceda nxa besenza izinqumo eziqakathekileyo empilweni? (1 AmaKho. 12:6, 7; Zaga. 1:8, 9; 2 Tim. 3:16, 17; Heb. 13:7)

   3. Kuyini okwenza uJerobhowami wenza izindawo ezimbili zokukhonza ithole njalo lokhu kwatshengisa njani ukungabi lokholo kuJehova? (1 AmaKho. 11:37; 12:26-28)

   4. Ngubani owakhokhela abantu bombuso wezizwe ezingu-10 ekuhlamukeleni ukukhonza kweqiniso? (1 AmaKho. 12:32, 33)

INdaba 66

1. Ungubani uJezebeli?

2. Kungani iNkosi u-Ahabi idanile ngelinye ilanga?

3. UJezebeli wenzani ukuze azuzele umkakhe u-Ahabi isivini sikaNabothi?

4. UJehova uthuma bani ukuthi ayejezisa uJezebeli?

5. Njengoba ubona emfanekisweni, kwenzakalani lapho uJehu efika esigodlweni sikaJezebeli?

Eminye imibuzo:

1. Bala u-1 AmaKhosi 16:​29-33 lo 18:​3, 4.

   Ngesikhathi seNkosi u-Ahabi, izimo zazizimbi kangakanani ko-Israyeli? (1 AmaKho. 16:⁠33)

2. Bala u-1 AmaKhosi 21:​1-⁠16.

   1. UNabothi watshengisa njani ukuthi ulesibindi lokuthi uqotho kuJehova? (1 AmaKho. 21:​1-⁠3; Levi 25:​23-​28)

   2. Isibonelo sika-Ahabi sisifundisani ngalokho okumele singakwenzi nxa sidanile? (1 AmaKho. 21:⁠4; Roma. 5:​3-⁠5)

3. Bala u-2 AmaKhosi 9:​30-⁠37.

   Singafundani ngokutshiseka kukaJehu ekwenzeni intando kaJehova? (2 AmaKho. 9:​4-​10; 2 Kor. 9:​1, 2; 2 Tim. 4:⁠2)

INdaba 67

1. Ungubani uJehoshafathi njalo uphila ngasiphi isikhathi?

2. Kungani ama-Israyeli esesaba njalo abanengi babo benzani?

3. UJehova uwuphendula njani umthandazo kaJehoshafathi?

4. UJehova wenza kwenzakaleni impi ingakaqalisi?

5. Singafundani kuJehoshafathi?

Eminye imibuzo:

1. Bala u-2 ImiLando 20:​1-⁠30.

   1. UJehoshafathi watshengisa njani lokho okumele kwenziwe yizinceku zikaNkulunkulu ezithembekileyo nxa zisengozini? (2 ImiLan. 20:​12; Hubo. 25:​15; 62:⁠1)

   2. Njengoba kusukela kudala uJehova ube lendlela yokukhuluma labantu bakhe, lamuhla usebenzisa yiphi indlela? (2 ImiLan. 20:​14, 15; Mat. 24:​45-​47; Joha. 15:⁠15)

   3. Isimo sethu siyabe sesifanana njani lesikaJehoshafathi nxa uNkulunkulu eseletha ‘impi yosuku olukhulu lukaNkulunkulu uSomandla?’ (2 ImiLan. 20:​15, 17; 32:⁠8; ISam. 16:​14, 16)

   4. Belingisela amaLevi, amaphayona labanali bazinikela njani emsebenzini owenziwa emhlabeni wonke wokutshumayela lamuhla? (2 ImiLan. 20:​19; Roma. 10:​13-​15; 2 Tim. 4:⁠2)

INdaba 68

1. Ngobani abantu abathathu abasemfanekisweni njalo kwenzakalani emfaneni omncane?

2. U-Elija ukhuleka esithini ngomfana lo njalo kwenzakalani ngemva kwalokho?

3. Ngubani ibizo lalowo oncedisa u-Elija?

4. Kungani u-Elisha ebizwa endlini yomfazi waseShunemi?

5. U-Elisha wenzani njalo kwenzakalani kumntwana ofileyo?

6. UJehova ulamandla okwenzani njengoba kutshengiswe ngokwenziwa ngu-Elija lo-Elisha?

Eminye imibuzo:

1. Bala u-1 AmaKhosi 17:​8-⁠24.

   1. Ukholo luka-Elija lokulalela kwakhe kwavivinywa njani? (1 AmaKho. 17:⁠9; 19:​1-​4, 10)

   2. Kungani ukholo lomfelokazi waseZarefathi lwalumangalisa? (1 AmaKho. 17:​12-​16; Luka. 4:​25, 26)

   3. Okwenzakala kumfelokazi waseZarefathi kutshengisa njani ukuba liqiniso kwamazwi kaJesu akuMathewu 10:​41, 42? (1 AmaKho. 17:​10-​12, 17, 23, 24)

2. Bala u-2 AmaKhosi 4:​8-⁠37.

   1. Owesifazana waseShunemi usifundisani ngokumema abanye ezindlini zethu? (2 AmaKho. 4:⁠8; Luka. 6:​38; Roma. 12:​13; 1 Joha. 3:⁠17)

   2. Singatshengisa njani izenzo zothando ezincekwini zikaNkulunkulu lamuhla? (ImiSeb. 20:​35; 28:​1, 2; Gal. 6:​9, 10; Heb. 6:⁠10)

INdaba 69

1. Emfanekisweni, inkazana encane itshelani umfazi lo?

2. Ungubani umfazi osemfanekisweni njalo inkazana le encane idingani endlini yomfazi lo?

3. U-Elisha uthuma inceku yakhe ukuthi itsheleni uNamani njalo kungani uNamani ezonda?

4. Kwenzakalani lapho uNamani elalela izinceku zakhe?

5. Kungani u-Elisha esiyala isipho sikaNamani kodwa uGehazi wenzani?

6. Kwenzakalani kuGehazi njalo sifundani kulokhu?

Eminye imibuzo:

1. Bala u-2 AmaKhosi 5:​1-⁠27.

   1. Isibonelo esabekwa yintombazana encane engum-Israyeli singabakhuthaza njani abantwana abancane? (2 AmaKho. 5:⁠3; Hubo. 8:⁠2; 148:​12, 13)

   2. Kungani kukuhle ukuthi sihlale sikhumbula isibonelo sikaNamani lapho siselulekwa ngeMibhalo? (2 AmaKho. 5:​15; Heb. 12:​5, 6; Jak. 4:⁠6)

   3. Sifundani ngoqathanisa isibonelo sika-Elisha lesikaGehazi? (2 AmaKho. 5:​9, 10, 14-​16, 20; Mat. 10:⁠8; ImiSeb. 5:​1-⁠5; 2 Kor. 2:⁠17)

INdaba 70

1. Ungubani uJona njalo uJehova umtshelani?

2. Ngenxa yokuthi akafuni ukuya lapho uJehova amthume khona, uJona wenzani?

3. UJona utshela abasemkhunjini ukuthi benzeni ukuze isiphepho sime?

4. Njengoba ubona emfanekisweni, kwenzakalani lapho uJona ecwila emanzini?

5. UJona uhlala esiswini senhlanzi enkulu okwesikhathi esinganani njalo wenzani elapho?

6. UJona uyangaphi esephume enhlanzini enkulu njalo lokhu kusifundisani?

Eminye imibuzo:

1. Bala uJona 1:​1-⁠17.

   Ikhanya njani indlela uJona ayezizwa ngayo ngomsebenzi ayewuphiwe wokuyatshumayela eNineve? (Jona 1:​2, 3; Zaga. 3:⁠7; Tshu. 8:⁠12)

2. Bala uJona 2:​1, 2, 10.

   Okwenzakala kuJona kusenza njani sibe leqiniso lokuthi uJehova uzaphendula imithandazo yethu? (Hubo. 22:​24; 34:⁠6; 1 Joha. 5:⁠14)

3. Bala uJona 3:​1-⁠10.

   1. Kusikhuthaza njani ukwazi ukuthi uJehova waqhubeka esebenzisa uJona lakuba ekuqaliseni wayeke wehluleka ukwenza ayekuthunywe nguNkulunkulu? (Hubo. 103:​14; 1 Pet. 5:⁠10)

   2. Okwenzakala kuJona lamaNineve kusifundisani ngokwahlulela abantu ensimini yethu? (Jona 3:​6-⁠9; Tshu. 11:⁠6; ImiSeb. 13:⁠48)

INdaba 71

1. Wayengubani u-Isaya, waphila nini njalo uJehova wamtshengisani?

2. Ibala elithi “ipharadayisi” litshoni njalo likukhumbuzani?

3. UJehova watshela u-Isaya ukuthi abhaleni ngePharadayisi elitsha?

4. Kungani u-Adamu lo-Eva bacina bengaselalo ikhaya labo elihle?

5. UJehova ubathembisani labo abamthandayo?

Eminye imibuzo:

1. Bala u-Isaya 11:​6-9.

   1. ILizwi likaNkulunkulu likutshengisa njani ukuthula okuzaba khona phakathi kwabantu lezinyamazana emhlabeni omutsha? (Hubo. 148:​10, 13; Isa. 65:​25; Hez. 34:⁠25)

   2. Amazwi ka-Isaya agcwaliseka njani ngokomoya ebantwini bakaJehova lamuhla? (Roma. 12:⁠2; Efe. 4:​23, 24)

   3. Ngubani okumele anikwe udumo ngokuntshintsha kobuntu babantu lamuhla lasemhlabeni omutsha? (Isa. 48:​17, 18; Gal. 5:​22, 23; Flp. 4:⁠7)

2. Bala ISambulo 21:​3, 4.

   1. IMibhalo itshengisa njani ukuthi ukuhlala kukaNkulunkulu labantu kutsho ukuthi ukhona emhlabeni ngendlela engokomfanekiso hatshi ngokoqobo? (Levi 26:​11, 12; 2 ImiLan. 6:​18; Isa. 66:⁠1; ISam. 21:​2, 3, 22-​24)

   2. Kuzakhitshwa izinyembezi ezinjani lobuhlungu obunjani? (Luka. 8:​49-​52; Roma. 8:​21, 22; ISam. 21:⁠4)

INdaba 72

1. Ingubani indoda esemfanekisweni njalo kungani isengozini?

2. Ngezani izincwadi uHezekhiya azifake phambi kukaNkulunkulu njalo uHezekhiya ukhuleka esithini?

3. UHezekhiya uyinkosi enjani njalo uJehova uthuma umphrofethi u-Isaya ukuthi amtsheleni?

4. Njengoba kutshengiswe emfanekisweni, kuyini ingilosi kaJehova ekwenza kuma-Asiriya?

5. Lanxa umbuso wezizwana ezimbili usiba lokuthula okwesikhatshana, kwenzakalani uHezekhiya esefile?

Eminye imibuzo:

1. Bala u-2 AmaKhosi 18:​1-⁠36.

   1. Umkhulumeli wama-Asiriya uRabishakhi wenzani ukuze enze ama-Israyeli angabi lokholo oluqinileyo? (2 AmaKho. 18:​19, 21; Eks. 5:⁠2; Hubo. 64:⁠3)

   2. OFakazi bakaJehova balandela njani isibonelo sikaHezekhiya nxa bephikiswa? (2 AmaKho. 18:​36; Hubo. 39:⁠1; Zaga. 26:⁠4; 2 Tim. 2:⁠24)

2. Bala u-2 AmaKhosi 19:​1-⁠37.

   1. Abantu bakaJehova lamuhla basilandela njani isibonelo sikaHezekhiya ngezikhathi ezinzima? (2 AmaKho. 19:​1, 2; Zaga. 3:​5, 6; Heb. 10:​24, 25; Jak. 5:​14, 15)

   2. INkosi uSenakheribhi yanqotshwa njani izikhathi ezintathu njalo ifanekisela bani okwaphrofethwa ngaye? (2 AmaKho. 19:​32, 35, 37; ISam. 20:​2, 3)

3. Bala u-2 AmaKhosi 21:​1-​6, 16.

   Kungani kungathiwa uManase wayengenye inkosi embi ukudlula zonke ezake zabusa iJerusalema? (2 ImiLan. 33:​4-​6, 9)

INdaba 73

1. UJosiya waqalisa ukubusa eleminyaka emingaki njalo uqalisa ukwenzani lapho esebuse okweminyaka eyisikhombisa?

2. Emfanekisweni wakuqala, ubona uJosiya esenzani?

3. Umphristi omkhulu utholani ngesikhathi amadoda elungisa ithempeli?

4. Kungani uJosiya edabula izigqoko zakhe?

5. Umphrofethikazi uHulida unika uJosiya wuphi umlayezo ovela kuJehova?

Eminye imibuzo:

1. Bala u-2 ImiLando 34:​1-⁠28.

   1. Yisiphi isibonelo uJosiya asibekela labo abakhula nzima? (2 ImiLan. 33:​21-​25; 34:​1, 2; Hubo. 27:⁠10)

   2. UJosiya wathatha waphi amanyathelo okuthuthukisa ukukhonza kweqiniso ekubuseni kwakhe komnyaka wesi-⁠8, wesi-12 lowesi-18? (2 ImiLan. 34:​3, 8)

   3. Yiziphi izifundo zokugcina izindawo zethu zokukhonzela zizinhle esizithola eNkosini uJosiya laseMphristini oMkhulu uHilikhiya? (2 ImiLan. 34:​9-​13; Zaga. 11:​14; 1 Kor. 10:⁠31)

INdaba 74

1. Ingubani indoda esakhulayo esemfanekisweni?

2. UJeremiya ucabangani ngokuthi yena abe ngumphrofethi kodwa uJehova umtshelani?

3. UJeremiya uqhubeka etshelani abantu?

4. Abaphristi bazama njani ukumisa uJeremiya kodwa uJeremiya utshengisa njani ukuthi kesabi?

5. Kwenzakalani lapho ama-Israyeli engantshintshi indlela zawo ezimbi?

Eminye imibuzo:

1. Bala uJeremiya 1:​1-8.

   1. Njengoba isibonelo sikaJeremiya sitshengisa, kuyini okwenza umuntu enelise ukwenza inkonzo kaJehova? (2 Kor. 3:​5, 6)

   2. Isibonelo sikaJeremiya siwakhuthaza njani amaKhristu asakhulayo lamuhla? (Tshu. 12:⁠1; 1 Tim. 4:⁠12)

2. Bala uJeremiya 10:​1-5.

   UJeremiya usebenzisa wuphi umfanekiso olamandla ukuze atshengise ukuthi ukuthembela ezithombeni akuncedi? (Jer. 10:⁠5; Isa. 46:⁠7; Hab. 2:⁠19)

3. Bala uJeremiya 26:​1-⁠16.

   1. Lapho bexwayisa abantu lamuhla, abagcotshiweyo abasele emhlabeni bawulandela njani umlayo kaJehova awunika uJeremiya owokuthi “kungabi lelizwi olitshiyayo”? (Jer. 26:⁠2; Dute. 4:⁠2; ImiSeb. 20:⁠27)

   2. Yisiphi isibonelo uJeremiya asibekela oFakazi bakaJehova ekumemezeleni isixwayiso sikaJehova ezizweni? (Jer. 26:​8, 12, 14, 15; 2 Tim. 4:​1-⁠5)

4. Bala u-2 AmaKhosi 24:​1-⁠17.

   Ukungathembeki kwamaJuda kuJehova kwenza baba kusiphi isimo esidanisayo? (2 AmaKho. 24:​2-​4, 14)

INdaba 75

1. Ngobani abafana abane abasemfanekisweni njalo kungani beseBhabhiloni?

2. UNebhukhadinezari ufuna ukwenzani ngabafana laba abane njalo utshela izinceku zakhe ukuthi zenzeni?

3. UDanyeli ucela ukuthi yena labangane bakhe abathathu baphiwe ukudla okunjani lokunathwayo okunjani?

4. Ngemva kokudla imibhida okwamalanga alitshumi, uDanyeli labangane bakhe abathathu bakhangeleka njani nxa beqathaniswa lamanye amajaha?

5. Kwenzakala njani ukuthi uDanyeli labangane bakhe abathathu babe sesigodlweni senkosi njalo bangcono kulabaphristi lamadoda ahlakaniphileyo ngayiphi indlela?

Eminye imibuzo:

1. Bala uDanyeli 1:​1-⁠21.

   1. Kudingeka sizame ukwenzani ukuze senelise ukubalekela izilingo lokunqoba ubuthakathaka? (Dan. 1:⁠8; Gen. 39:​7, 10; Gal. 6:⁠9)

   2. Abasakhulayo lamuhla bengalingeka njani kumbe bangacindezelwa njani ukuthi benze lokho abanye abakuthi ‘ngokwesikhosini’? (Dan. 1:⁠8; Zaga. 20:⁠1; 2 Kor. 6:17–7:⁠1)

   3. Indaba yeBhayibhili yamaHebheru amane asakhulayo isinceda ukuthi sizwisiseni ngolwazi lomhlaba? (Dan. 1:​20; Isa. 54:​13; 1 Kor. 3:​18-​20)

INdaba 76

1. Emfanekisweni, kwenzakalani ngeJerusalema lakuma-Israyeli?

2. Ngubani uHezekheli njalo uJehova umtshengisa ziphi izinto ezethusayo?

3. Ngenxa yokuthi ama-Israyeli awamhloniphi uJehova, uJehova uthembisani?

4. INkosi uNebhukhadinezari uyenzani ngemva kokuba ama-Israyeli esemhlamukele?

5. Kungani uJehova evumela ukuthi ukubhidlizwa okubuhlungu kangaka kwenzakale kuma-Israyeli?

6. Ilizwe lama-Israyeli latshiywa njani lingelabantu njalo okwesikhathi esinganani?

Eminye imibuzo:

1. Bala u-2 AmaKhosi 25:​1-⁠26.

   1. Ngubani uZedekhiya, kwenzakalani kuye njalo lokhu kwasigcwalisa njani isiphrofetho seBhayibhili? (2 AmaKho. 25:​5-⁠7; Hez. 12:​13-​15)

   2. UJehova wasola bani ngokungathembeki konke okwenziwa ngama-Israyeli? (2 AmaKho. 25:​9, 11, 12, 18, 19; 2 ImiLan. 36:​14, 17)

2. Bala uHezekheli 8:​1-⁠18.

   ELobukholwa lilingisela njani izihlubuki ezingama-Israyeli ezazikhonza ilanga? (Hez. 8:​16; Isa. 5:​20, 21; Joha. 3:​19-​21; 2 Tim. 4:⁠3)

INdaba 77

1. Inkosi yaseBhabhiloni uNebhukhadinezari inika abantu wuphi umlayo?

2. Kungani abangane bakaDanyeli abathathu bengakhothameli isithombe segolide?

3. AmaHebheru amathathu atshengisa njani ukuthembela kwawo kuJehova lapho uNebhukhadinezari ewapha elinye ithuba lokuthi akhothamele isithombe?

4. UNebhukhadinezari ulaya amadoda akhe ukuthi enzeni ku-Shadreki, uMeshaki lo-Abhediniko?

5. UNebhukhadinezari ubonani lapho ekhangela emlilweni?

6. Kungani inkosi idumisa uNkulunkulu kaShadreki, uMeshaki lo-Abhediniko njalo basibekela siphi isibonelo?

Eminye imibuzo:

1. Bala uDanyeli 3:​1-⁠30.

   1. Yikuphi okwenziwa ngamaHebheru amathathu okumele izinceku zikaNkulunkulu zikulingisele lapho zihlangana lezimo ezilinga ubuqotho bazo? (Dan. 3:​17, 18; Mat. 10:​28; Roma. 14:​7, 8)

   2. Yisiphi isifundo esiqakathekileyo uJehova uNkulunkulu asifundisa uNebhukhadinezari? (Dan. 3:​28, 29; 4:​34, 35)

INdaba 78

1. Kwenzakalani lapho inkosi yaseBhabhiloni isebenzisa amankomitsho lemiganu ethethwe ethempelini likaJehova eJerusalema ngesikhathi iledili elikhulu?

2. UBhelishazari uthini emadodeni ahlakaniphileyo kodwa kuyini abangenelisi ukukwenza?

3. Umama wenkosi uyitshela ukuthi yenzeni?

4. Ngokwalokho uDanyeli akutshela inkosi, kungani uNkulunkulu ethume isandla ukuthi sibhale emdulini?

5. UDanyeli uchasisa njani lokho okutshiwo ngamazwi asemdulini?

6. Kwenzakalani uDanyeli esakhuluma?

Eminye imibuzo:

1. Bala uDanyeli 5:​1-⁠31.

   1. Chaza umehluko okhona phakathi kokwesaba uNkulunkulu lokwesaba uBhelishazari aba lakho lapho ebona umbhalo emdulini. (Dan. 5:​6, 7; Hubo. 19:⁠9; Roma. 8:​35-​39)

   2. UDanyeli watshengisa njani isibindi esikhulu lapho ekhuluma loBhelishazari lezikhulu zakhe? (Dan. 5:​17, 18, 22, 26-​28; ImiSeb. 4:⁠29)

   3. UDanyeli isahluko 5 ukhanyisa njani ubukhosi bukaJehova bendawo yonke? (Dan. 4:​17, 25; 5:⁠21)

INdaba 79

1. Ngubani uDariyu njalo uDariyu ubona uDanyeli engumuntu onjani?

2. Amanye amadoda alomhawu enza ukuthi uDariyu enzeni?

3. UDanyeli wenzani lapho esizwa ngomthetho omutsha?

4. Kungani uDariyu edane kangaka aze ehluleke ukulala njalo uyenzani ngelanga elilandelayo ekuseni?

5. UDanyeli umphendula njani uDariyu?

6. Kwenzakalani emadodeni amabi azama ukubulala uDanyeli njalo kuyini uDariyu akubhalela abantu bonke embusweni wakhe?

Eminye imibuzo:

1. Bala uDanyeli 6:​1-⁠28.

   1. Okwenzakala kuDanyeli kusikhumbuzani ngalokho okwenziwe ngabaphikisi ukuze bamise umsebenzi waboFakazi bakaJehova lamuhla? (Dan. 6:⁠7; Hubo. 94:​20; Isa. 10:⁠1; Roma. 8:⁠31)

   2. Izinceku zikaNkulunkulu lamuhla zingalingisela njani uDanyeli ekuthini zihlale zizithoba ‘kwababusayo’? (Dan. 6:​5, 10; Roma. 13:⁠1; ImiSeb. 5:⁠29)

   3. Singasilingisela njani isibonelo sikaDanyeli sokukhonza uJehova “njalo njalo”? (Dan. 6:​16, 20; Flp. 3:​16; ISam. 7:⁠15)

INdaba 80

1. Njengoba kutshengiswe emfanekisweni, ama-Israyeli enzani?

2. UKhurosi wasigcwalisa njani isiphrofetho sikaJehova ngo-Isaya?

3. UKhurosi uwatshelani ama-Israyeli angenelisi ukubuyela eJerusalema?

4. UKhurosi ubanikani abantu ukuze bahambe lakho eJerusalema?

5. Ama-Israyeli athatha isikhathi esingakanani ukuze afike eJerusalema?

6. Sekudlule iminyaka emingaka ilizwe litshiywe lingelabantu?

Eminye imibuzo:

1. Bala u-Isaya 44:​28 lo 45:​1-4.

   1. UJehova wakugcizelela njani ukuthi isiphrofetho esiphathelane loKhurosi sasizagcwaliseka sibili? (Isa. 55:​10, 11; Roma. 4:⁠17)

   2. Isiphrofetho sika-Isaya esiphathelane loKhurosi sitshengisa njani ukuthi uJehova uNkulunkulu uyenelisa ukubikezela okuzakwenzakala esikhathini esizayo? (Isa. 42:⁠9; 45:​21; 46:​10, 11; 2 Pet. 1:⁠20)

2. Bala u-Ezra 1:​1-⁠11.

   Silandela isibonelo salabo abengenelisanga ukubuyela eJerusalema, lamuhla ‘singancedisa njani’ labo abenelisa ukuba yizikhonzi zesikhathi esigcweleyo? (Ezra 1:​4, 6; Roma. 12:​13; Kol. 4:⁠12)

INdaba 81

1. Bangaki abantu abathatha uhambo olude lokusuka eBhabhiloni besiya eJerusalema kodwa batholani lapho befika?

2. Ama-Israyeli aqalisa ngokwakhani esefikile kodwa izitha zawo zenzani?

3. UZekhariya loHagayi ngobani njalo batshelani abantu?

4. Kungani uThathenayi ethumeza incwadi eBhabhiloni njalo uthola yiphi impendulo?

5. U-Ezra wenzani lapho esizwa ngesidingo sokulungisa ithempeli likaNkulunkulu?

6. Emfanekisweni, u-Ezra ukhulekelani, umthandazo wakhe uphendulwa njani njalo lokhu kusifundisani?

Eminye imibuzo:

1. Bala u-Ezra 3:​1-⁠13.

   Kumele siqhubeke sisenzani nxa singaba sendaweni engelabandla labantu bakaNkulunkulu? (Ezra 3:​3, 6; ImiSeb. 17:​16, 17; Heb. 13:⁠15)

2. Bala u-Ezra 4:​1-7.

   Kuyini okuhle okwenziwa nguZerubhabheli okumele abantu bakaJehova bakulandele okuphathelane lokungahlanganisi inkolo yamanga leyeqiniso? (Eks. 34:​12; 1 Kor. 15:​33; 2 Kor. 6:​14-​17)

3. Bala u-Ezra 5:​1-​5, 17 lo 6:​1-⁠22.

   1. Kungani abaphikisi behluleka ukumisa umsebenzi wokwakha ithempeli? (Ezra 5:⁠5; Isa. 54:⁠17)

   2. Okwenziwa ngamadoda amadala angamaJuda kubakhuthaza njani abadala abangamaKhristu ukuthi badinge isiqondiso sikaJehova nxa bephikiswa? (Ezra 6:​14; Hubo. 32:⁠8; Roma. 8:​31; Jak. 1:⁠5)

4. Bala u-Ezra 8:​21-​23, 28-⁠36.

   Singakathathi inyathelo elithile, yisiphi isibonelo sika-Ezra okumele sisilandele? (Ezra 8:​23; Hubo. 127:⁠1; Zaga. 10:​22; Jak. 4:​13-​15)

INdaba 82

1. UModekhayi lo-Esta ngobani?

2. Kungani iNkosi u-Ahasuweru ifuna umfazi omutsha njalo ikhetha bani ukuthi abe ngumfazi wayo?

3. UHamani ngubani njalo kuyini okumenza azonde?

4. Yiwuphi umthetho owenziwayo njalo u-Esta wenzani ngemva kokuthola umlayezo ovela kuModekhayi?

5. Kwenzakalani kuHamani njalo kwenzakalani kuModekhayi?

6. Ama-Israyeli asindiswa njani ezitheni zawo?

Eminye imibuzo:

1. Bala u-Esta 2:​12-⁠18.

   U-Esta watshengisa njani ukuqakatheka kokuba ‘lomoya omnene lothuleyo’? (Esta 2:​15; 1 Pet. 3:​1-⁠5)

2. Bala u-Esta 4:​1-⁠17.

   Njengoba u-Esta waphiwa ithuba lokulwela ukukhonza kweqiniso, lathi silaliphi ithuba lamuhla lokutshengisa ukuzinikela kwethu kuJehova lokuthembeka kwethu kuye? (Esta 4:​13, 14; Mat. 5:​14-​16; 24:⁠14)

3. Bala u-Esta 7:​1-6

   Abantu bakaNkulunkulu abanengi lamuhla balingisela njani isibonelo sika-Esta sokuzimisela ukuhlukuluzwa? (Esta 7:⁠4; Mat. 10:​16-​22; 1 Pet. 2:⁠12)

INdaba 83

1. Ama-Israyeli azizwa njani ngokubona idolobho labo laseJerusalema lingela miduli?

2. Ungubani uNehemiya?

3. Yiwuphi umsebenzi kaNehemiya njalo kungani uqakathekile?

4. Yiphi indaba enza uNehemiya adane njalo uyenzani?

5. INkosi u-Athakisekisi itshengisa njani uNehemiya umusa?

6. UNehemiya uwuhlela njani umsebenzi wokwakha ukwenzela ukuthi izitha zama-Israyeli zingenelisi ukuwumisa?

Eminye imibuzo:

1. Bala uNehemiya 1:​4-6 lo 2:​1-⁠20.

   UNehemiya wasidinga njani isiqondiso sikaJehova? (Neh. 2:​4, 5; Roma. 12:​12; 1 Pet. 4:⁠7)

2. Bala uNehemiya 3:​3-5.

   Abadala lezinceku ezikhonzayo bafundani kumehluko owawukhona phakathi kwamaThekhowa ‘lezikhulu zakhona’? (Neh. 3:​5, 27; 2 Tes. 3:​7-​10; 1 Pet. 5:⁠5)

3. Bala uNehemiya 4:​1-⁠23.

   1. Kuyini okwakhuthaza ama-Israyeli ukuthi aqhubeke esakha lanxa ayephikiswa kakhulu? (Neh. 4:​6, 8, 9; Hubo. 50:​15; Isa. 65:​13, 14)

   2. Isibonelo sama-Israyeli sisikhuthaza njani lamuhla?

4. Bala uNehemiya 6:⁠15.

   Ukuqedwa kwemiduli yaseJerusalema ngenyanga ezimbili kutshengisani ngamandla okholo? (Hubo. 56:​3, 4; Mat. 17:​20; 19:⁠26)

INdaba 84

1. Ngubani umfazi osemfanekisweni?

2. UGabhariyeli utshelani uMariya?

3. UGabhariyeli uchasisa njani ukuthi uMariya uzaba lomntwana lanxa engakaze ahlale lendoda?

4. Kwenzakalani lapho uMariya evakatshela isihlobo sakhe u-Elizabethi?

5. UJosefa ucabangani lapho esizwa ukuthi uMariya uzaba lomntwana kodwa kuyini okumenza antshintshe ingqondo?

Eminye imibuzo:

1. Bala uLukha 1:​26-⁠56.

   1. ULukha 1:​35 utshengisani ngokuphathelane lokuba lesono sika-Adamu esibelethweni sikaMariya lapho ukuphila kweNdodana kaNkulunkulu kususwa ezulwini? (Hag. 2:​11-​13; Joha. 6:​69; Heb. 7:​26; 10:⁠5)

   2. UJesu waluthola njani udumo engakazalwa? (Luka. 1:​41-​43)

   3. Yisiphi isibonelo uMariya asibekela amaKhristu aphiwa imisebenzi eqakathekileyo yenkonzo lamuhla? (Luka. 1:​38, 46-​49; 17:​10; Zaga. 11:⁠2)

2. Bala uMathewu 1:​18-⁠25.

   Lanxa uJesu engaphiwanga ibizo elithi Imanuweli, lokho akwenzayo engumuntu kwagcwalisa njani okutshiwo libizo lelo? (Mat. 1:​22, 23; Joha 14:​8-​10; Heb. 1:​1-⁠3)

INdaba 85

1. Ngubani umntwana osemfanekisweni njalo uMariya umlalise ngaphi?

2. Kungani uJesu azalelwa esitebeleni lezinyamazana?

3. Emfanekisweni, ngobani amadoda angena esitebeleni njalo ingilosi yabatshelani?

4. Kungani uJesu eqakathekile?

5. Kungani uJesu engabizwa ngokuthi yiNdodana kaNkulunkulu?

Eminye imibuzo:

1. Bala uLukha 2:​1-⁠20.

   1. UKhesari Agastu waba layiphi ingxenye ekugcwalisekeni kwesiphrofetho sokuzalwa kukaJesu? (Luka. 2:​1-⁠4; Mika. 5:⁠2)

   2. Umuntu angaba njani phakathi kwalabo ababizwa ngokuthi ‘ngabathokozelwa nguNkulunkulu’? (Luka. 2:​14; Mat. 16:​24; Joha. 17:⁠3; ImiSeb. 3:​19; Heb. 11:⁠6)

   3. Nxa abelusi abangamaJuda ababethobekile baba lesizatho sokuthokoza ngokuzalwa koMsindisi, izinceku zikaNkulunkulu lamuhla zilasiphi isizatho esikhulu sokuthokoza? (Luka. 2:​10, 11; Efe. 3:​8, 9; ISam. 11:​15; 14:⁠6)

INdaba 86

1. Angobani amadoda asemfanekisweni njalo kungani enye yawo ikhombele enkanyezini ekhanyayo?

2. Kungani iNkosi uHerodi izonda njalo yenzani?

3. Inkanyezi ekhanyayo iwakhokhela iwaqondisa ngaphi amadoda la kodwa kungani ebuyela elizweni lawo ngenye indlela?

4. UHerodi unika wuphi umlayo njalo kungani esenzenjalo?

5. UJehova utshela uJosefa ukuthi enzeni?

6. Ngubani owenza inkanyezi entsha yakhanya njalo kungani wenza njalo?

Eminye imibuzo:

1. Bala uMathewu 2:​1-⁠23.

   Wayenganani uJesu lapho izazi zenkanyezi zimvakatshela njalo wayehlala ngaphi? (Mat. 2:​1, 11, 16)

INdaba 87

1. UJesu uleminyaka emingaki emfanekisweni njalo ungaphi?

2. UJosefa wenzani lemuli yakhe minyaka yonke?

3. Ngemva kwelanga elilodwa besendleleni bebuyela ngekhaya, kungani uJosefa loMariya sebecabange ukubuyela eJerusalema?

4. UJosefa loMariya bamthola ngaphi uJesu, njalo kungani abantu khonale bemangale?

5. UJesu umtshelani umama wakhe uMariya?

6. Singaba njani njengoJesu nxa sifunda ngoNkulunkulu?

Eminye imibuzo:

1. Bala uLukha 2:​41-⁠52.

   1. Lanxa uMthetho wawusithi amadoda yiwo kuphela okwakumele aye emkhosini waminyaka yonke, uJosefa loMariya babekela abazali siphi isibonelo lamuhla? (Luka. 2:​41; Dute. 16:​16; 31:​12; Zaga. 22:⁠6)

   2. UJesu wabekela njani abasakhulayo isibonelo sokuthobela abazali babo lamuhla? (Luka. 2:​51; Dute. 5:​16; Zaga. 23:​22; Kol. 3:⁠20)

2. Bala uMathewu 13:​53-⁠56.

   Yibaphi abafowabo bakaJesu azalwa labo abaqanjiweyo eBhayibhilini, njalo ababili bakhona basetshenziswa njani ebandleni lobuKhristu? (Mat. 13:​55; ImiSeb. 12:​17; 15:​6, 13; 21:​18; Gal. 1:​19; Jak. 1:⁠1; Juda 1)

INdaba 88

1. Angobani amadoda amabili asemfanekisweni?

2. Umuntu ubhaphathizwa njani?

3. UJohane ujayele ukubhaphathiza obani?

4. Yisiphi isizatho esiqakathekileyo esenza uJesu acele uJohane ukuthi ambhaphathize?

5. UNkulunkulu utshengisa njani ukuthi uyathokoza ngokuthi uJesu usebhaphathiziwe?

6. Kwenzakalani lapho uJesu esiya endaweni engelabantu okwamalanga angu-40?

7. Bangobani abanye abalandeli noma abafundi bakaJesu bakuqala njalo yisiphi isimangaliso sakhe sokuqala?

Eminye imibuzo:

1. Bala uMathewu 3:​13-⁠17.

   UJesu wabekela abafundi bakhe siphi isibonelo endabeni yobhaphathizo? (Hubo. 40:​7, 8; Mat. 28:​19, 20; Luka. 3:​21, 22)

2. Bala uMathewu 4:​1-⁠11.

   Indlela enhle uJesu asebenzisa ngayo iMibhalo isikhuthaza njani ukuthi sifunde iBhayibhili nsukuzonke? (Mat. 4:​5-⁠7; 2 Pet. 3:​17, 18; 1 Joha. 4:⁠1)

3. Bala uJohane 1:​29-⁠51.

   UJohane umBhaphathizi wabaqondisa kubani abalandeli bakhe njalo singamlingisela njani thina lamuhla? (Joha. 1:​29, 35, 36; 3:​30; Mat. 23:⁠10)

4. Bala uJohane 2:​1-⁠12.

   Isimangaliso sikaJesu sokuqala sitshengisa njani ukuthi uJehova kayekeli ukunika izinceku zakhe okuhle? (Joha. 2:​9, 10; Hubo. 84:​11; Jak. 1:⁠17)

INdaba 89

1. Kungani izinyamazana zithengiswa ethempelini?

2. Kuyini okwenza uJesu azonde?

3. Njengoba ubona emfanekisweni, uJesu wenzani njalo ulaya abantu abathengisa amajuba ukuthi benzeni?

4. Lapho abalandeli bakaJesu bebona lokho akwenzayo, bakhumbulani?

5. UJesu esebuyela eGalile udlula esigabeni siphi?

Eminye imibuzo:

1. Bala uJohane 2:​13-⁠25.

   Sikhangele indlela uJesu azondela ngayo abantu ababentshintsha imali ethempelini, kumele sikukhangele njani ukwenza ibhizimusi eWolu loMbuso? (Joha. 2:​15, 16; 1 Kor. 10:​24, 31-​33)

INdaba 90

1. Kungani uJesu efike wama emthonjeni oseSamariya njalo uthini kowesifazana okhonapho?

2. Kungani owesifazana emangele, uJesu uthini kuye njalo kungani esitshonjalo?

3. Owesifazana ucabanga ukuthi uJesu ukhuluma ngamanzi anjani, kodwa uJesu utsho waphi amanzi?

4. Kungani owesifazana emangaliswe yilokho uJesu akwaziyo ngaye njalo uJesu wakwazi njani lokhu?

5. Singafundani endabeni yowesifazana osemthonjeni?

Eminye imibuzo:

1. Bala uJohane 4:​5-⁠43.

   1. Kumele sibaphathe njani abantu bemihlobo etshiyeneyo labavela emphakathini etshiyeneyo nxa silandela isibonelo sikaJesu? (Joha. 4:⁠9; 1 Kor. 9:​22; 1 Tim. 2:​3, 4; Tit. 2:⁠11)

   2. Yiziphi izibusiso ezingokomoya ezitholwa ngumuntu oba ngumlandeli kaJesu? (Joha. 4:​14; Isa. 58:​11; 2 Kor. 4:⁠16)

   3. Singatshengisa njani ukubonga njengowesifazana ongumSamariya owayezimisele ukutshela abanye ayekufundile? (Joha. 4:​7, 28; Mat. 6:​33; Luka. 10:​40-​42)

INdaba 91

1. Emfanekisweni, uJesu ufundisa engaphi njalo ngobani abahlezi eduze kwakhe?

2. Ngobani amabizo abaphostoli abangu-12?

3. Uyini uMbuso uJesu atshumayela ngawo?

4. UJesu ufundisa abantu ukuthi bathandazeleni?

5. UJesu uthini ngendlela abantu okumele baphathane ngayo?

Eminye imibuzo:

1. Bala uMathewu 5:​1-⁠12.

   Singatshengisa njani ukuthi siyasiqaphela isidingo sethu esingokomoya? (Mat. 5:⁠3, NW; Roma. 10:​13-​15; 1 Tim. 4:​13, 15, 16)

2. Bala uMathewu 5:​21-⁠26.

   UMathewu 5:​23, 24 ugcizelela njani ukuthi ubuhlobo bethu labazalwane bethu buthinta ubuhlobo bethu loJehova? (Mat. 6:​14, 15; Hubo. 133:⁠1; Kol. 3:​13; 1 Joha. 4:⁠20)

3. Bala uMathewu 6:​1-8.

   Yiziphi ezinye indlela zokuzibona ulungile okumele amaKhristu azibalekele? (Luka. 18:​11, 12; 1 Kor. 4:​6, 7; 2 Kor. 9:⁠7)

4. Bala uMathewu 6:​25-⁠34.

   UJesu wafundisani ngokuthembela kuJehova ukuze sithole izinto zokuphila esizifunayo? (Eks. 16:⁠4; Hubo. 37:​25; Flp. 4:⁠6)

5. Bala uMathewu 7:​1-⁠11.

   Isibonelo esicacileyo esikuMathewu 7:⁠5 sisifundisani? (Zaga. 26:​12; Roma. 2:⁠1; 14:​10; Jak. 4:​11, 12)

INdaba 92

1. Ngubani ubaba wenkazana esemfanekisweni njalo kungani yena lomkakhe bebekhathazekile?

2. UJayirosi wenzani lapho ethola uJesu?

3. Kwenzakalani lapho uJesu esiya endlini kaJayirosi njalo uJayirosi uthola wuphi umbiko esendleleni?

4. Kungani abantu abasemzini kaJayirosi behleka uJesu?

5. UJesu wenzani lapho esethethe abaphostoli abathathu lobaba lomama womntwana bangena endlini lapho okulomntwana khona?

6. Ngubani omunye uJesu amvusayo ekufeni njalo lokhu kutshengisani?

Eminye imibuzo:

1. Bala uLukha 8:​40-⁠56.

   UJesu watshengisa njani uzwelo lokuzwisisa emfazini owayesopha njalo abadala abangamaKhristu bangafundani kulokhu? (Luka. 8:​43, 44, 47, 48; Levi 15:​25-​27; Mat. 9:​12, 13; Kol. 3:​12-​14)

2. Bala uLukha 7:​11-⁠17.

   Indlela uJesu aphendula ngayo umfelokazi waseNayini ingabaduduza njani labo abafelwa yizihlobo zabo? (Luka. 7:​13; 2 Kor. 1:​3, 4; Heb. 4:⁠15)

3. Bala uJohane 11:​17-⁠44.

   UJesu watshengisa njani ukuthi kuyimvelo ukuthi umuntu akhale nxa efelwe ngumuntu amthandayo? (Joha. 11:​33-​36, 38; 2 Sam. 18:​33; 19:​1-⁠4)

INdaba 93

1. Yiphi into embi eyenzakale kuJohane umBhaphathizi njalo lokhu kwenza uJesu azwe njani?

2. UJesu wenzani ukuze anike amaxuku abantu abalaye ukudla njalo kusala ukudla okunganani?

3. Kungani abafundi besesaba ebusuku njalo kwenzakalani kuPhethro?

4. Okwesibili uJesu wenzani ukuze anike izinkulungwane zabantu ukudla?

5. Kungani kuzaba kuhle nxa uJesu esebusa umhlaba njengeNkosi kaNkulunkulu?

Eminye imibuzo:

1. Bala uMathewu 14:​1-⁠32.

   1. Okubhalwe kuMathewu 14:​23-32 kusenza sizwisiseni ngobuntu bukaPhethro?

   2. IMibhalo itshengisa njani ukuthi uPhethro wakhula wasenqoba ukuba lamawala? (Mat. 14:​27-​30; Joha. 18:​10; 21:⁠7; ImiSeb. 2:​14, 37-​40; 1 Pet. 5:​6, 10)

2. Bala uMathewu 15:​29-⁠38.

   UJesu watshengisa njani ukuthi wayeqakathekisa izinto ezazivela kuBaba wakhe? (Mat. 15:​37; Joha. 6:​12; Kol. 3:⁠15)

3. Bala uJohane 6:​1-⁠21.

   AmaKhristu lamuhla angalandela njani isibonelo sikaJesu endabeni eziphathelane lohulumende? (Joha. 6:​15; Mat. 22:​21; Roma. 12:⁠2; 13:​1-⁠4)

INdaba 94

1. Abaphostoli baphikisana ngani bevela ohambweni olude?

2. Kungani uJesu ebiza umntwana omncane ammise phakathi kwabaphostoli bakhe?

3. Abaphostoli kumele bafundeni ebantwaneni?

4. Ngemva kwezinyanga ezilutshwana, uJesu utshengisa njani ukuthi uthanda abantwana?

Eminye imibuzo:

1. Bala uMathewu 18:​1-4.

   Kungani uJesu afundisa esebenzisa imifanekiso? (Mat. 13:​34, 36; Mark. 4:​33, 34)

2. Bala uMathewu 19:​13-⁠15.

   Ukuze sithole izibusiso zoMbuso yibuphi ubuntu babantwana okumele sibulungisele? (Hubo. 25:⁠9; 138:⁠6; 1 Kor. 14:⁠20)

3. Bala uMakho 9:​33-⁠37.

   Kuyini uJesu akufundisa abafundi bakhe okuphathelane lokufuna izikhundla eziphezulu? (Mark. 9:​35; Mat. 20:​25, 26; Gal. 6:⁠3; Flp. 2:​5-⁠8)

4. Bala uMakho 10:​13-⁠16.

   Kwakulula yini ukuthi abantu bakhulume loJesu, njalo abadala abangamaKhristu bangafundani esibonelweni sakhe? (Mark. 6:​30-​34; Flp. 2:​1-⁠4; 1 Tim. 4:⁠12)

INdaba 95

1. Enye indoda imbuzani uJesu njalo kungani imbuza?

2. UJesu usebenzisani ngezinye izikhathi ukuze afundise njalo kuyini esesikufundile ngamaJuda lamaSamariya?

3. Endabeni uJesu ayikhulumayo, kwenzakalani kumJuda ohamba endleleni eya eJerikho?

4. Kwenzakalani nxa kufika umphristi ongumJuda lomLevi behamba endleleni leyo?

5. Emfanekisweni, ngubani onceda umJuda olimeleyo?

6. UJesu eseqede ukuxoxa indaba le, ubuza wuphi umbuzo njalo indoda axoxa layo iphendula njani?

Eminye imibuzo:

1. Bala uLukha 10:​25-⁠37.

   1. UJesu wancedisa njani indoda eyayisazi uMthetho ukuthi icabangisise ngendaba ethile kulokuthi ayinike impendulo? (Luka. 10:​26; Mat. 16:​13-​16)

   2. UJesu wasebenzisa njani imifanekiso ukuze aqede ubandlululo ezilalelini zakhe? (Luka. 10:​36, 37; 18:​9-​14; Tit. 1:⁠9)

INdaba 96

1. UJesu wenzani njengoba ehamba elizweni?

2. Ngemva kweminyaka emithathu uJesu ebhaphathiziwe, utshelani abaphostoli bakhe?

3. Bangobani abantu abasemfanekisweni njalo uJesu umenzelani owesifazana?

4. Kungani indlela uJesu aphendula ngayo abakhokheli benkolo ibenza babe lenhloni?

5. UJesu labaphostoli bakhe sebeseduze leJerikho, kuyini uJesu akwenzela iziphofu ezimbili ezicela uncedo?

6. Kungani uJesu esenza izimangaliso?

Eminye imibuzo:

1. Bala uMathewu 15:​30, 31.

   Lokho uJesu akwenzayo kutshengisa njani amandla kaJehova amangalisayo njalo lokho kumele kusenze sizwisiseni ngalokho uJehova akuthembisileyo emhlabeni omutsha? (Hubo. 37:​29; Isa. 33:⁠24)

2. Bala uLukha 13:​10-⁠17.

   Ukwenza kukaJesu izimangaliso ezinkulu ngelanga leSabatha kutshengisani ngalokho azakwenzela abantu ngokubusa kwakhe kweminyaka eyiNkulungwane? (Luka. 13:​10-​13; Hubo. 46:⁠9; Mat. 12:⁠8; Kol. 2:​16, 17; ISam. 21:​1-⁠4)

3. Bala uMathewu 20:​29-⁠34.

   Indaba le itshengisa njani ukuthi uJesu wayengasweli isikhathi sokunceda abantu njalo singafundani kulokhu? (Dute. 15:⁠7; Jak. 2:​15, 16; 1 Joha. 3:⁠17)

INdaba 97

1. UJesu utshela abafundi bakhe ukuthi benzeni esefike emzini omncane oseduze leJerusalema?

2. Emfanekisweni, kwenzakalani uJesu eseseduze ledolobho leJerusalema?

3. Abantwana abancane benzani nxa bebona uJesu esilisa abantu abangaboniyo labagogekileyo?

4. UJesu uthini kubaphristi abazondileyo?

5. Thina singaba njani njengabantwana abadumisa uJesu?

6. Abafundi bafuna ukwazi ngani?

Eminye imibuzo:

1. Bala uMathewu 21:​1-⁠17.

   1. Indlela uJesu angena ngayo eJerusalema njengeNkosi ihlukana njani labalawuli bamabutho ababenqoba ngezikhathi zamaRoma? (Mat. 21:​4, 5; Zek. 9:⁠9; Flp. 2:​5-⁠8; Kol. 2:⁠15)

   2. Abasakhulayo bangafundani ebafaneni abangama-Israyeli abacaphuna kumaHubo 118 uJesu engena ethempelini? (Mat. 21:​9, 15; Hubo. 118:​25, 26; 2 Tim. 3:​15; 2 Pet. 3:⁠18)

2. Bala uJohane 12:​12-⁠16.

   Ukusetshenziswa kwamagatsha elala ngabantu ababedumisa uJesu kumelelani? (Joha. 12:​13; Flp. 2:​10; ISam. 7:​9, 10)

INdaba 98

1. Emfanekisweni, yiphi indoda enguJesu, njalo ngobani abalaye?

2. Abaphristi bazama ukumenzani uJesu ethempelini njalo uJesu wathini kubo?

3. Abaphostoli bambuzani uJesu?

4. Kungani uJesu etshela abaphostoli bakhe ezinye izinto eziyabe zisenzakala emhlabeni esebusa njengeNkosi ezulwini?

5. UJesu uthi kuzakwenzakalani engakaqedi bonke ububi obusemhlabeni?

Eminye imibuzo:

1. Bala uMathewu 23:​1-⁠39.

   1. Lanxa iMibhalo itshengisa ukuthi akukubi ukusebenzisa amabizo okuhlonipha, amazwi kaJesu akuMathewu 23:​8-11 atshengisani ngokusebenzisa amabizo okukhukhumeza abantu ebandleni lobuKhristu? (ImiSeb. 26:​25; Roma. 13:⁠7; 1 Pet. 2:​13, 14)

   2. AbaFarisi basebenzisani ukuze bazame ukuvalela abantu ukuthi bangabi ngamaKhristu njalo abakhokheli benkolo basebenzise njani izindlela ezifananayo lamuhla? (Mat. 23:​13; Luka. 11:​52; Joha. 9:​22; 12:​42; 1 Tes. 2:⁠16)

2. Bala uMathewu 24:​1-⁠14.

   1. UMathewu 24:​13 ugcizelela njani ukuqakatheka kokuqinisela?

   2. Amazwi athi ‘ekupheleni’ akuMathewu 24:​13 atshoni? (Mat. 16:​27; Roma. 14:​10-​12; 2 Kor. 5:⁠10)

3. Bala uMakho 13:​3-⁠10.

   Yiwaphi amazwi akuMakho 13:​10 atshengisa ukuthi sekusele isikhathi esincane sokutshumayela izindaba ezinhle njalo amazwi kaJesu kumele asithinte njani? (Roma. 13:​11, 12; 1 Kor. 7:​29-​31; 2 Tim. 4:⁠2)

INdaba 99

1. Njengoba kutshengisiwe emfanekisweni, kungani uJesu labaphostoli bakhe abangu-12 besendlini enkulu ephezulu?

2. Ingubani indoda esisuka njalo iyakwenzani?

3. Yisiphi isidlo esiqakathekileyo esiqaliswa nguJesu ngemva kwesidlo sePhasika?

4. IPhasika lalikhumbuza ama-Israyeli siphi isenzakalo njalo isidlo lesi esiqakathekileyo sikhumbuzani abalandeli bakaJesu?

5. UJesu ubatshelani abalandeli bakhe ngemva kweSidlo Senkosi Santambama njalo benzani bona?

Eminye imibuzo:

1. Bala uMathewu 26:​14-⁠30.

   1. UMathewu 26:​15 utshengisa njani ukuthi isenzo sikaJudasi sokunikela uJesu sasingesamabomo?

   2. Igazi likaJesu lalilemisebenzi yiphi emibili? (Mat. 26:​27, 28; Jer. 31:​31-​33; Efe. 1:⁠7; Heb. 9:​19, 20)

2. Bala uLukha 22:​1-⁠39.

   USathane wangena njani kuJuda? (Luka. 22:⁠3; Joha. 13:⁠2; ImiSeb. 1:​24, 25)

3. Bala uJohane 13:​1-⁠20.

   1. Nxa sikhangele okubhalwe kuJohane 13:​2, uJudasi angasolwa yini ngecala alenzayo njalo yisiphi isifundo esingafundwa yizinceku zikaNkulunkulu kulokhu? (Gen. 4:⁠7; 2 Kor. 2:​11; Gal. 6:⁠1; Jak. 1:​13, 14)

   2. Yisiphi isifundo esilamandla esanikwa nguJesu? (Joha. 13:​15; Mat. 23:​11; 1 Pet. 2:⁠21)

4. Bala uJohane 17:​1-⁠26.

   UJesu wayesitshoni ngesikhathi ethandazela abalandeli bakhe ukuthi “babe munye”? (Joha. 17:​11, 21-​23; Roma. 13:⁠8; 14:​19; Kol. 3:⁠14)

INdaba 100

1. UJesu labaphostoli bakhe baya ngaphi sebesuke endlini ephezulu njalo ubatshela ukuthi benzeni?

2. Ngesikhathi uJesu ephenduka kubaphostoli bakhe uthola benzeni, njalo lokho kwenzakala kangaki?

3. Ngubani ongena esivandeni njalo uJudasi Isikariyothi wenzani njengoba kutshengisiwe emfanekisweni?

4. Kungani uJudasi eqabuja uJesu njalo uPhethro wenzani?

5. UJesu uthini kuPhethro, kodwa kungani uJesu engaceli uNkulunkulu ukuthi athume izingilosi?

Eminye imibuzo:

1. Bala uMathewu 26:​36-⁠56.

   1. Kungani indlela uJesu axwayisa ngayo abafundi bakhe iyisibonelo esihle kubadala abangamaKhristu lamuhla? (Mat. 20:​25-​28; 26:​40, 41; Gal. 5:​17; Efe. 4:​29, 31, 32)

   2. UJesu wakubona kuyinto enjani ukusebenzisa izikhali kwabanye abantu? (Mat. 26:​52; Luka. 6:​27, 28; Joha. 18:⁠36)

2. Bala uLukha 22:​39-⁠53.

   Ngesikhathi kufika ingilosi ukuthi izoqinisa uJesu esivandeni saseGetsemane, kwakutshengisa yini ukuthi ukholo lukaJesu lwasoluxega? Chasisa. (Luka. 22:​41-​43; Isa. 49:⁠8; Mat. 4:​10, 11; Heb. 5:⁠7)

3. Bala uJohane 18:​1-⁠12.

   UJesu wavikela njani abafundi bakhe ebantwini ababemphikisa njalo singafundani esibonelweni sakhe? (Joha. 10:​11, 12; 18:​1, 6-⁠9; Heb. 13:⁠6; Jak. 2:⁠25)

INdaba 101

1. Ngubani sibili olecala lokubulala uJesu?

2. Abaphostoli benzani ngesikhathi uJesu esethathwa ngabakhokheli benkolo?

3. Kwenzakalani endlini kaKhayifasi umphristi omkhulu?

4. Kungani uPhethro esuka esiyakhala?

5. UJesu esebuyiselwe kuPhilathu, abaphristi abakhulu bamemeza besithini?

6. Kwenzakalani kuJesu ngoLwesihlanu emini njalo uthembisani umuntu owayesenza okubi oseceleni kwakhe?

7. IPharadayisi uJesu akhuluma ngalo lizabe lingaphi?

Eminye imibuzo:

1. Bala uMathewu 26:​57-⁠75.

   Amalunga omthethwandaba wamaJuda ophezulu atshengisa njani ukuthi inhliziyo zawo zazizimbi? (Mat. 26:​59, 67, 68)

2. Bala uMathewu 27:​1-⁠50.

   Kungani singathi ukuzisola uJudasi akwenzayo kwakungayisikho okweqiniso? (Mat. 27:​3, 4; Mark. 3:​29; 14:​21; 2 Kor. 7:​10, 11)

3. Bala uLukha 22:​54-⁠71.

   Singafundani ngesenzo sikaPhethro sokuphika uJesu ngobusuku uJesu anikelwa wabotshwa ngabo? (Luka. 22:​60-​62; Mat. 26:​31-​35; 1 Kor. 10:⁠12)

4. Bala uLukha 23:​1-⁠49.

   UJesu wenzani ngesikhathi abantu bemphatha kubi njalo thina singafundani khonapho? (Luka. 23:​33, 34; Roma. 12:​17-​19; 1 Pet. 2:⁠23)

5. Bala uJohane 18:​12-⁠40.

   Ukuntshintsha kukaPhethro esiba ngumphostoli omangalisayo lanxa waphanjaniswa yikwesaba abantu okwesikhatshana kutshengisani? (Joha. 18:​25-​27; 1 Kor. 4:⁠2; 1 Pet. 3:​14, 15; 5:​8, 9)

6. Bala uJohane 19:​1-⁠30.

   1. UJesu watshengisa njani ukuthi wayengazithandi izinto zomhlaba? (Joha. 2:​1, 2, 9, 10; 19:​23, 24; Mat. 6:​31, 32; 8:⁠20)

   2. Kungani amazwi kaJesu awatsho esesifa engamazwi okunqoba atshengisela ukuthi wayesekele ubukhosi bukaJehova? (Joha. 16:​33; 19:​30; 2 Pet. 3:​14; 1 Joha. 5:⁠4)

INdaba 102

1. Ngubani owesifazana osemfanekisweni, angobani amadoda amabili njalo angaphi?

2. Kungani uPhilathu etshela abaphristi ukuthi bathume amasotsha ukuthi ayelinda ingcwaba likaJesu?

3. Ingilosi yenzani ngelanga lesithathu ekuseni uJesu efile kodwa abaphristi benzani?

4. Kungani abanye abesifazana bemangele ngesikhathi bezobona ingcwaba likaJesu?

5. Kungani uPhethro loJohane begijimela engcwabeni likaJesu njalo batholani?

6. Kwenzakaleni kusidumbu sikaJesu kodwa wenzani ukuze atshengise abafundi bakhe ukuthi uyaphila?

Eminye imibuzo:

1. Bala uMathewu 27:​62-66 lo 28:​1-⁠15.

   Ngesikhathi sokuvuswa kukaJesu, abaphristi abakhulu, labaFarisi lamadoda amadala bawonela njani umoya ongcwele? (Mat. 12:​24, 31, 32; 28:​11-​15)

2. Bala uLukha 24:​1-⁠12.

   Indaba yokuvuswa kukaJesu itshengisa njani ukuthi uJehova ubona abesifazana bengofakazi abathembekileyo? (Luka. 24:​4, 9, 10; Mat. 28:​1-⁠7)

3. Bala uJohane 20:​1-⁠12.

   UJohane 20:​8, 9 usinceda njani ukuthi sibone isidingo sokubekezela nxa singazwisisi kuhle ukugcwaliseka kwesiphrofetho seBhayibhili? (Zaga. 4:​18; Mat. 17:​22, 23; Luka. 24:​5-⁠8; Joha. 16:⁠12)

INdaba 103

1. UMariya uthini endodeni acabanga ukuthi ingumphathi wensimu kodwa kuyini okwenza ananzelele ukuthi nguJesu sibili?

2. Kwenzakalani kubafundi ababili abaya emzini wase-Emawusi?

3. Kuyini okumangalisayo okwenzakalayo ngesikhathi abafundi ababili betshela abaphostoli ukuthi babone uJesu?

4. UJesu ubonakale kangaki kubafundi bakhe?

5. UTomasi uthini ngesikhathi esizwa ukuthi abafundi sebebone iNkosi kodwa kwenzakalani ngemva kwezinsuku ezingu-8?

Eminye imibuzo:

1. Bala uJohane 20:​11-⁠29.

   KuJohane 20:​23 uJesu wayesitsho yini ukuthi abantu balamandla okuthethelela izono? Chaza. (Hubo. 49:​2, 7; Isa. 55:⁠7; 1 Tim. 2:​5, 6; 1 Joha. 2:​1, 2)

2. Bala uLukha 24:​13-⁠43.

   Singazilungisisa njani inhliziyo zethu ukuze zamukele iqiniso leBhayibhili? (Luka. 24:​32, 33; Ezra 7:​10; Mat. 5:⁠3 NW; ImiSeb. 16:​14; Heb. 5:​11-​14)

INdaba 104

1. Bangaki abafundi ababona uJesu ngelinye ilanga njalo ukhulumani labo?

2. Uyini uMbuso kaNkulunkulu, njalo ukuphila emhlabeni kuzabe kunjani ngesikhathi uJesu esebusa njengeNkosi okweminyaka eyinkulungwane?

3. UJesu usebonakale kangaki kubafundi bakhe kodwa khathesi yisikhathi sokuthi enzeni?

4. UJesu utshela abafundi bakhe ukuthi benzeni engakabatshiyi?

5. Kwenzakalani emfanekisweni njalo uJesu unyamalala njani kubo?

Eminye imibuzo:

1. Bala u-1 Khorinte 15:​3-8.

   Kungani umphostoli uPhawuli wayengakhuluma eleqiniso ngokuvuswa kukaJesu njalo yiziphi izinto amaKhristu angakhuluma eleqiniso ngazo? (1 Kor. 15:​4, 7, 8; Isa. 2:​2, 3; Mat. 24:​14; 2 Tim. 3:​1-⁠5)

2. Bala ImiSebenzi 1:​1-⁠11.

   Njengoba kwakubikezelwe ku-ImiSebenzi 1:​8, umsebenzi wokutshumayela wasabalala wafika ngaphi? (ImiSeb. 6:⁠7; 9:​31; 11:​19-​21; Kol. 1:⁠23)

INdaba 105

1. Njengoba umfanekiso utshengisa, kwenzakalani kubafundi bakaJesu abakade bemelele eJerusalema?

2. Yisiphi isimanga esitholwa yilabo abavakatshele eJerusalema?

3. UPhethro uchasiselani abantu?

4. Abantu bazizwa njani ngemva kokulalela uPhethro njalo ubatshela ukuthi benzeni?

5. Kubhaphathizwa abantu abangaki ngePhentekhosti lika-33 C.E.?

Eminye imibuzo:

1. Bala ImiSebenzi 2:​1-⁠47.

   1. Amazwi kaPhethro aku-ImiSebenzi 2:​23, 36 atshengisa njani ukuthi isizwe sonke sakoJuda sasilecala lokubulala uJesu? (1 Tes. 2:​14, 15)

   2. UPhethro wabeka njani isibonelo esihle sokubonisana labantu ngeMibhalo? (ImiSeb. 2:​16, 17, 29, 31, 36, 39; Kol. 4:⁠6)

   3. UPhethro wasebenzisa njani “amakhiye ombuso wasezulwini” uJesu ayewathembise ukumnika wona? (ImiSeb. 2:​14, 22-​24, 37, 38; Mat. 16:⁠19)

INdaba 106

1. Ngelinye ilanga emini kwenzakalani kuPhethro loJohane besiya ethempelini?

2. UPhethro uthini endodeni egogekileyo njalo uPhethro uyinikani okuqakatheke kakhulu ukudlula imali?

3. Kungani abakhokheli benkolo bezondile njalo benzani kuPhethro loJohane?

4. UPhethro uthini kubakhokheli benkolo njalo yisiphi isixwayiso esitholwa ngabaphostoli?

5. Kungani abakhokheli benkolo belomhawu njalo kwenzakalani abaphostoli sebefakwe ejele okwesibili?

6. Abaphostoli baphendula njani ngesikhathi belethwa ewolu yeSanihedrini?

Eminye imibuzo:

1. Bala ImiSebenzi 3:​1-⁠10.

   Amazwi kaPhethro abhalwe ku-ImiSebenzi 3:⁠6 asinceda njani ukuthi siqakathekise amazwi oMbuso lanxa singelamandla okwenza izimangaliso? (Joha. 17:⁠3; 2 Kor. 5:​18-​20; Flp. 3:⁠8)

2. Bala ImiSebenzi 4:​1-⁠31.

   Kumele sibalingisele njani abafowethu abangamaKhristu abekhulu lokuqala nxa siphikiswa enkonzweni? (ImiSeb. 4:​29, 31; Efe. 6:​18-​20; 1 Tes. 2:⁠2)

3. Bala ImiSebenzi 5:​17-⁠42.

   Ezikhathini zakudala lezalamuhla abantu abangasibo oFakazi batshengise njani ukuzwisisa endabeni yomsebenzi wokutshumayela? (ImiSeb. 5:​34-​39)

INdaba 107

1. Ungubani uStefane njalo uNkulunkulu ubemncedisa ukuthi enzeni?

2. UStefane uthini okwenza abakhokheli benkolo bazonde kakhulu?

3. Amadoda adonsa uStefane amkhuphele phandle kwedolobho, afika amenzeni?

4. Emfanekisweni, ngubani indoda esakhulayo eme eceleni kwamajazi?

5. UStefane uthandazelani kuJehova engakafi?

6. Nxa silingisela uStefane, kumele senzeni nxa omunye umuntu engasenzela okubi?

Eminye imibuzo:

1. Bala ImiSebenzi 6:​8-⁠15.

   Abakhokheli benkolo basebenzise ziphi indlela zobuqili bezama ukumisa umsebenzi wokutshumayela waboFakazi bakaJehova? (ImiSeb. 6:​9, 11, 13)

2. Bala ImiSebenzi 7:​1-⁠60.

   1. Kuyini okwanceda uStefane ukuthi enelise ukukhuluma evikela izindaba ezinhle ephambi kweSanihedrini njalo singafundani esibonelweni sakhe? (ImiSeb. 7:​51-​53; Roma. 15:⁠4; 2 Tim. 3:​14-​17; 1 Pet. 3:⁠15)

   2. Kumele sizizwe njani ngabantu abaphikisa umsebenzi wethu? (ImiSeb. 7:​58-​60; Mat. 5:​44; Luka. 23:​33, 34)

INdaba 108

1. USawuli wenzani uStefane esebulewe?

2. Kwenzakalani okumangalisayo ngesikhathi uSawuli esendleleni esiya eDamaseko?

3. UJesu utshela uSawuli ukuthi enzeni?

4. UJesu unika u-Ananiya yiphi imilayezo njalo uSawuli wenelisa njani ukuthi abone futhi?

5. USawuli uqalisa ukubizwa ngaliphi ibizo njalo usetshenziswa njani?

Eminye imibuzo:

1. Bala ImiSebenzi 8:​1-4.

   Ukuhlukuluzwa kwebandla lobuKhristu elalisanda kubunjwa kwanceda njani ukuthi ukholo lobuKhristu lusabalale njalo kwenzeke yiphi into efananayo ezikhathini zalamuhla? (ImiSeb. 8:⁠4; Isa. 54:⁠17)

2. Bala ImiSebenzi 9:​1-⁠20.

   UJesu waveza yiphi imisebenzi emithathu ayefuna ukuthi uSawuli ayiyenze? (ImiSeb. 9:​15; 13:⁠5; 26:⁠1; 27:​24; Roma. 11:⁠13)

3. Bala ImiSebenzi 22:​6-⁠16.

   Singaba njani njengo-Ananiya njalo kungani lokho kuqakathekile? (ImiSeb. 22:​12; 1 Tim. 3:⁠7; 1 Pet. 1:​14-​16; 2:⁠12)

4. Bala ImiSebenzi 26:​8-⁠20.

   Ukuphenduka kukaSawuli esiba ngumKhristu kukhuthaza njani labo abalabomkabo abangakhonziyo? (ImiSeb. 26:​11; 1 Tim. 1:​14-​16; 2 Tim. 4:⁠2; 1 Pet. 3:​1-⁠3)

INdaba 109

1. Indoda eguqileyo emfanekisweni ingubani?

2. Ingilosi ithini kuKhoneliya?

3. UNkulunkulu wenza uPhethro aboneni ephezu kophahla lwendlu lukaSimoni eJopha?

4. Kungani uPhethro etshela uKhoneliya ukuthi engamkhothameli njalo engamkhonzi?

5. Kungani abafundi abangamaJuda abaloPhethro bemangele?

6. Yisiphi isifundo esiqakathekileyo okumele sisifunde ngokuhamba kukaPhethro esiya kuKhoneliya?

Eminye imibuzo:

1. Bala ImiSebenzi 10:​1-⁠48.

   Amazwi kaPhethro atholakala ku-ImiSebenzi 10:​42 atshengisani ngomsebenzi wokutshumayela izindaba ezinhle zoMbuso? (Mat. 28:​19; Mark. 13:​10; ImiSeb. 1:⁠8)

2. Bala ImiSebenzi 11:​1-⁠18.

   UPhethro wenzani ngesikhathi isiqondiso sikaJehova esiphathelane labantu abangasiwo maJuda sisiba sobala njalo singamlingisela njani? (ImiSeb. 11:​17, 18; 2 Kor. 10:⁠5; Efe. 5:⁠17)

INdaba 110

1. Lingubani ijaha elisemfanekisweni, lihlala ngaphi njalo angobani amabizo kamama walo logogo walo?

2. UThimothi uphendula esithini ngesikhathi uPhawuli embuza ukuthi uyafuna yini ukuyatshumayela loPhawuli loSila ebantwini abakhatshana?

3. Kungaphi lapho abalandeli bakaJesu abaqalisa ukubizwa khona ngokuthi ngamaKhristu?

4. UPhawuli loBhanaba bavakatshela waphi amanye amadolobho sebesukile e-Antiyokhi?

5. Yiwuphi umbuzo uPhawuli awubuza uThimothi njalo yiwuphi umbuzo abasakhulayo okumele bazibuze wona?

Eminye imibuzo:

1. Bala ImiSebenzi 9:​19-⁠30.

   Umphostoli uPhawuli watshengisa njani ukuhlakanipha ngesikhathi ephikiswa ekutshumayeleni izindaba ezinhle? (ImiSeb. 9:​22-​25, 29, 30; Mat. 10:⁠16)

2. Bala ImiSebenzi 11:​19-⁠26.

   Indaba eku-ImiSebenzi 11:​19-​21, 26 itshengisa njani ukuthi umoya kaJehova uqondisa umsebenzi wokutshumayela?

3. Bala ImiSebenzi 13:​13-​16, 42-⁠52.

   ImiSebenzi 13:​51, 52 itshengisa njani ukuthi abafundi abazange bavumele ukuthi ukuphikiswa kubabisele emuva? (Mat. 10:​14; ImiSeb. 18:⁠6; 1 Pet. 4:⁠14)

4. Bala ImiSebenzi 14:​1-​6, 19-⁠28.

   Umutsho othi “babanikela kuJehova” usinceda njani ukuthi singakhathazeki kungela sizatho nxa sincedisa abantu abatsha? (ImiSeb. 14:​21-​23; 20:​32; Joha. 6:⁠44)

5. Bala ImiSebenzi 16:​1-5.

   Ukuvuma kukaThimothi ukusokwa kugcizelela njani ukuqakatheka kokwenza ‘konke ngenxa yevangeli’? (ImiSeb. 16:⁠3; 1 Kor. 9:​23; 1 Tes. 2:⁠8)

6. Bala ImiSebenzi 18:​1-​11, 18-⁠22.

   ImiSebenzi 18:​9, 10 itshengisani okuphathelane lokuhlanganyela kukaJesu emsebenzini wokutshumayela njalo kusinika siphi isibindi thina lamuhla? (Mat. 28:⁠20)

INdaba 111

1. Emfanekisweni, ngubani umfana olele phansi njalo kuyini okwenzakale kuye?

2. UPhawuli wenzani esebone ukuthi umfana usefile?

3. UPhawuli loThimothi lalabo abahamba labo baya ngaphi njalo kwenzakalani lapho besima eMilethu?

4. Umphrofethi u-Agabhu umxwayisa ngani uPhawuli njalo kwenzakalani njengoba umphrofethi ebikezele?

Eminye imibuzo:

1. Bala ImiSebenzi 20:​7-⁠38.

   1. Singaqhubeka njani ‘singelacala ngegazi labantu bonke,’ njengokutsho kwamazwi kaPhawuli aku-ImiSebenzi 20:​26, 27? (Hez. 33:⁠8; ImiSeb. 18:​6, 7)

   2. Kungani abadala kumele ‘babambelele elizwini eliqotho’ nxa befundisa? (ImiSeb. 20:​17, 29, 30; Tit. 1:​7-⁠9; 2 Tim. 1:⁠13)

2. Bala ImiSebenzi 26:​24-⁠32.

   UPhawuli wasebenzisa njani ubuzalwane bakhe bobuRoma ukuthi agcwalise umlayo ayewunikwe nguJesu? (ImiSeb. 9:​15; 16:​37, 38; 25:​11, 12; 26:​32; Luka. 21:​12, 13)

INdaba 112

1. Kwenzakalani emkhunjini ogadwe nguPhawuli njengoba udlula esihlengeni seKhrethe?

2. UPhawuli uthini ebantwini abasemkhunjini?

3. Umkhumbi ubhidlika njani?

4. Umkhulu webutho unika yiphi imilayezo njalo ngabantu abangaki abafika kuhle emhlabathini owomileyo?

5. Yiliphi ibizo lesihlenge abafika kuso njalo kwenzakalani kuPhawuli ngesikhathi umkhathi usiba ngcono?

Eminye imibuzo:

1. Bala ImiSebenzi 27:​1-⁠44.

   Ukuthemba kwethu iBhayibhili kuqina njani nxa sibala indaba yohambo lukaPhawuli esiya eRoma? (ImiSeb. 27:​16-​19, 27-​32; Luka. 1:⁠3; 2 Tim. 3:​16, 17)

2. Bala ImiSebenzi 28:​1-⁠14.

   Nxa abantu ababehlala eMalitha benzela umphostoli uPhawuli labanye bakhe ababefelwe ngumkhumbi “umusa ongajayelekanga,” amaKhristu kumele lawo atshengiseni njalo ikakhulu ngayiphi indlela? (ImiSeb. 28:​1, 2; Heb. 13:​1, 2; 1 Pet. 4:⁠9)

INdaba 113

1. UPhawuli utshumayeza bani ebotshiwe eRoma?

2. Emfanekisweni, singubani isethekeli esisetafuleni njalo simenzelani uPhawuli?

3. Ngubani u-Ephafrodithu njalo uthathani nxa esebuyela eFiliphi?

4. Kungani uPhawuli ebhalela umngane wakhe amthandayo uFilimoni?

5. UPhawuli wenzani esekhululiwe njalo kwenzakalani kuye ngemva kwesikhathi?

6. UJehova usebenzisa bani ukuthi kubhalwe amabhuku okucina eBhayibhili njalo incwadi yeSambulo isitshela ngani?

Eminye imibuzo:

1. Bala ImiSebenzi 28:​16-31 lo Filiphi 1:⁠13.

   UPhawuli wasebenzisa njani isikhathi sakhe esejele eRoma njalo ukholo lwakhe oluqinileyo lwathinta njani ibandla lobuKhristu? (ImiSeb. 28:​23, 30; Flp. 1:⁠14)

2. Bala uFiliphi 2:​19-⁠30.

   Yiwaphi amazwi okuncoma lokubonga uPhawuli awatsho kuThimothi lo-Ephafrodithu njalo singakulingisela njani okwenziwa nguPhawuli? (Flp. 2:​20, 22, 25, 29, 30; 1 Kor. 16:​18; 1 Tes. 5:​12, 13)

3. Bala uFilimoni 1-⁠25.

   1. Kuyini okwenza uPhawuli wakhuthaza uFilimoni ukuthi enze okuqondileyo njalo abadala bafundani kulokhu lamuhla? (Filem. 9; 2 Kor. 8:⁠8; Gal. 5:⁠13)

   2. Amazwi kaPhawuli akuFilimoni 13, 14 atshengisa njani ukuthi wayehlonipha umzwangedwa wabanye ebandleni? (1 Kor. 8:​7, 13; 10:​31-​33)

4. Bala u-2 Thimothi 4:​7-9.

   Njengomphostoli uPhawuli, singaba njani leqiniso lokuthi uJehova uzasinika umvuzo singahlala sithembekile kuze kube sekupheleni? (Mat. 24:​13; Heb. 6:⁠10)

INdaba 114

1. Kungani iBhayibhili likhuluma ngamabhiza asezulwini?

2. Liyini ibizo lempi kaNkulunkulu azabalayo esilwa labantu ababi abasemhlabeni njalo iyini injongo yempi le?

3. Emfanekisweni, ngubani ozakhokhela ekulweni, kungani egqoke umqhele njalo inkemba yakhe itshoni?

4. Nxa sikhangela emuva kuNdaba 10 lo-​15, kungani kungamelanga simangale ukuthi uNkulunkulu uzabhubhisa abantu ababi?

5. INdaba 33, 36 lo-76 zitshengisa njani ukuthi uNkulunkulu uzabhubhisa abantu ababi lanxa besithi bayamkhonza?

Eminye imibuzo:

1. Bala uSambulo 19:​11-⁠16.

   1. IMibhalo icacisa njani ukuthi uJesu Khristu nguye ogade ibhiza elimhlophe? (ISam. 1:⁠5; 3:​14; 19:​11; Isa. 11:⁠4)

   2. Isambatho sikaJesu esigxanyuzwe egazini sifakazela njani ukuthi uzanqoba abhuqe? (ISam. 14:​18-​20; 19:​13; Isa. 63:​1-⁠6)

   3. Ngobani abagoqelwayo emabuthweni alandela uJesu egade ibhiza elimhlophe? (Isam. 12:⁠7; 19:​14; Mat. 25:​31, 32)

INdaba 115

1. IBhayibhili litshengisa ukuthi yiziphi izimo esizazikholisa emhlabeni oyiPharadayisi?

2. IBhayibhili lithembisani ebantwini abazahlala ePharadayisi?

3. Kunini lapho uJesu azakwenza ukuthi untshintsho lolu olumangalisayo lube khona?

4. UJesu esemhlabeni wenzani ukuthi atshengise ayezakwenza eseyiNkosi yoMbuso kaNkulunkulu?

5. UJesu labantu azabusa labo ezulwini bazakwenzani sebebusa umhlaba besezulwini?

Eminye imibuzo:

1. Bala uSambulo 5:​9, 10.

   Kungani singaba lethemba lokuthi labo abazabusa umhlaba ngesikhathi seMinyaka eyiNkulungwane bazaba ngamakhosi labaphristi abalozwelo lesihawu? (Efe. 4:​20-​24; 1 Pet. 1:⁠7; 3:⁠8; 5:​6-​10)

2. Bala uSambulo 14:​1-3.

   Kumelelani ukulotshwa kwebizo likaBaba leleWundlu emabunzini abangu-144 000? (1 Kor. 3:​23; 2 Tim. 2:​19; ISam. 3:⁠12)

INdaba 116

1. Kuyini okumele sikwazi ukuze sithole ukuphila okungapheliyo?

2. Singafunda njani ngoJehova uNkulunkulu loJesu, njengoba sibona emfanekisweni wenkazana encane labangane bayo?

3. Yiliphi elinye ibhuku olibona emfanekisweni njalo kungani kumele silibale zikhathi zonke?

4. Ngaphandle kokufunda ngoJehova loJesu, kuyini okunye okudingekayo ukuze sithole ukuphila okungapheliyo?

5. Yisiphi isifundo esisithola eNdabeni 69?

6. Isibonelo esihle sikaSamuweli esiseNdabeni 55 sitshengisani?

7. Singasilandela njani isibonelo sikaJesu Khristu njalo singenzanjalo sizenelisa ukwenzani esikhathini esizayo?

Eminye imibuzo:

1. Bala uJohane 17:⁠3.

   IMibhalo itshengisa njani ukuthi ukuba lolwazi ngoJehova uNkulunkulu loJesu Khristu akutsho ukubamba ngekhanda esikubalayo? (Mat. 7:​21; Jak. 2:​18-​20; 1 Joha. 2:⁠17)

2. Bala iHubo 145:​1-⁠21.

   1. Yiziphi ezinye izizatho ezinengi esilazo zokuthi sidumise uJehova? (Hubo. 145:​8-​11; ISam. 4:⁠11)

   2. UJehova “ulungile kubo bonke” ngayiphi indlela njalo lokhu kumele kusisondeze njani kuye? (Hubo. 145:⁠9; Mat. 5:​43-​45)

   3. Sizakwenzani nxa sithanda uJehova ngenhliziyo yonke? (Hubo. 119:​171, 172, 175; 145:​11, 12, 21)