යූද්
1 මෙම ලිපිය ලියන්නේ යේසුස් ක්‍රිස්තුස්ගේ දාසයෙකු හා යාකොබ්ගේ සහෝදරයෙකු+ වන යූද්ය. මෙය ලියනු ලබන්නේ පියාණන්+ වන දෙවි සමඟ එකට බැඳී සිටින අය ලෙස ඔහුගේ ප්‍රේමය ලබන යේසුස් ක්‍රිස්තුස් සමඟ එකට බැඳී සිටීම සඳහා ආරක්ෂා වී ඇති+ දෙවි විසින් කැඳවනු ලැබූ අය වෙතටය.+
2 ඔබට දයාවත්+ සමාදානයත්+ ප්‍රේමයත්+ වැඩි වැඩියෙන් ලැබේවා!+
3 ප්‍රේමණීය සහෝදරයෙනි,+ මාගේ මහත් ආශාව වූයේ අප සියලුදෙනාටම පොදුවේ ලැබෙන ගැලවීම ගැන ඔබට ලිවීමය.+ නමුත් ඔබ විශ්වාස කරන සියල්ලට ඇලී සිටීම සඳහා මහත් සටනක නිරත විය යුතුයි+ කියා ඔබව උනන්දු කිරීමට අවශ්‍ය බව මට පෙනී ගියේය. ඔබ විශ්වාස කරන සියල්ල ශුද්ධ තැනැත්තන්ට එකවරම එළිදරව් කරන ලදි.+ එළිදරව් කිරීමට තවත් දෙයක් නැත. මා දැන් ඔබට ලියන්නේ ඔබ කළ යුතු ඒ සටන ගැනය. 4 මන්ද අප අතරට යම් පිරිසක් රහසින් මෙන් ඇවිත් සිටිති.+ ඔවුහු දෙවිට කිසි ගෞරවයක් නොදක්වන මිනිස්සුය.+ ඔවුන් පවසන්නේ අපගේ දෙවිගෙන් ලැබී තිබෙන මහත් කරුණාව කෙනෙකුට නින්දිත ක්‍රියාවල නිරත වීම සඳහා නිදහසට හේතුවක් කරගත හැකි බවය.+ අපගේ එකම අයිතිකරු+ සහ ස්වාමීන්+ වන යේසුස් ක්‍රිස්තුස්ට ඔවුහු ද්‍රෝහි වෙති.+ එහෙයින් බොහෝ කලකට පෙර ශුද්ධ ලියවිල්ලේ සඳහන් වී ඇති ආකාරයට+ ඔවුන් විනිශ්චයට ලක් විය යුතුයි.+
5 ඔබ සෑම දෙයක් ගැනම දැන සිටින බව මම දනිමි.+ නමුත් යෙහෝවා දෙවි ඊජිප්තු දේශයෙන් සෙනඟක් ගලවාගත් පසුව+ පවා විශ්වාසයක් නොදැක්වූ අයව විනාශ කළ ආකාරය ගැන ඔබට නැවත සිහිගන්වන්න කැමැත්තෙමි.+ 6 එලෙසම තමන්ට පවරා තිබූ සේවා ප්‍රස්තාව රැකගන්නවා වෙනුවට තමන්ට නියමිත වාසස්ථානය+ අත්හැර ගිය දේවදූතයන්ට සිදු වූ දේද සිහිගන්වන්න කැමැත්තෙමි. මහත් දවසේදී විනිශ්චය ලබන තුරු+ ඔවුන්ව සදාකාලික බැඳුම්වලින්+ ඝනාන්ධකාරයෙහි බැඳ තබා ඇත. 7 සොදොම් සහ ගොමෝරාවේද ඒ අවට පිහිටි නුවරවල සිටින අයද+ කලින් සඳහන් කළ අය මෙන් ඉවක්බවක් නොමැතිව වේශ්‍යාකම්* කරමින් අස්වාභාවික ලිංගික සම්බන්ධකම්වල නිරත වූහ.+ ඔවුන්ට දෙවිගෙන් දඬුවම් ලැබුණු අතර ඔවුන්ට හිමි වූයේ සදාකාලික විනාශය නමැති ගින්නය.+ ඔවුන්ට සිදු වූ දේ අපට අනතුරු ඇඟවීමකි.+
8 එසේවුවත් රහසින් ඇවිත් සිටින ඒ මිනිස්සු විකාර දේවල් දකිමින්+ තමන්වත් අනුන්වත් අපවිත්‍ර කරති. තමන්ට ඉහළින් සිටින අයව නොසලකාහරින ඔවුහු,+ යම් තේජසක් හිමි වී ඇති අය ගැන නින්දාසහගතව කතා කරති.+ 9 නමුත් මෝසෙස්ගේ මළ සිරුර+ ගැන අග්‍රදේවදූත+ මිකායෙල්+ සහ යක්ෂයා අතර මතභේදයක්+ ඇති වූ විට ඔහු යක්ෂයාට විරුද්ධව දැඩි විනිශ්චයක් දීමට එඩිතර වූයේ නැත.+ ඒ වෙනුවට, “ඔබට යෙහෝවා දෙවිගෙන් නියමිත විනිශ්චය ලැබෙයි”+ කියා ඔහු පැවසුවේය. 10 නමුත් ඒ මිනිස්සු තමන්ට කිසි අවබෝධයක් නැති සෑම දෙයක් ගැනම නින්දාසහගතව කතා කරති.+ තිරිසනුන් හා සමානව ඔවුහු+ තමන්ගේ සිතට හරියයි දැනෙන සෑම දෙයකම නිරත වෙමින් තමන්වම අපවිත්‍ර කරගනිති.+
11 එවැනි අයට මොන තරම් දරුණු විපතක් අත් වෙයිද! මන්ද ඔවුහු කායින්ගේ ක්‍රියාකලාපය+ අනුගමනය කරන අතර යම් ගෙවීමක් බලාපොරොත්තුවෙන් වැරදි මාර්ගයෙහි ගිය බාලාම් මෙන් කිසි ඉවක්බවක් නැතුව කටයුතු කරති.+ එලෙසම ඔවුහු කෝරා+ මෙන් තමන්ට ඉහළින් යම් අධිකාරියක් හොබවන අයට විරුද්ධව කතා කර ඇත.+ ඔවුන් විනාශ වී ඇත්තේ ඒ නිසාය. 12 ඔබේ ප්‍රිය සාදයන්වලට+ පැමිණ ඔබ සමඟ කමින් බොමින් සිටින ඔවුන්, දිය යට සැඟවී තිබෙන ගල්පර හා සමානය. ඔවුහු තම මඩිය තර කරගැනීමට බිය නොවන එඬේරුය.+ ඔවුන් සුළඟට+ එහෙ මෙහෙ ගසාගෙන යන හිස් වලාකුළු හා සමානය.+ එමෙන්ම නිසි කලට පල නොදරන සහමුලින්ම* මිය ගොස් ඇති උගුලා දමන ලද ගස් හා සමානය.+ 13 ඔවුන් කැලඹුණු මුහුදක පෙණ දමන රළ පහර මෙනි. මන්ද ඔවුහු ප්‍රසිද්ධියේම නින්දාසහගත දේවල් කරති.+ ඔවුන් නියමිත ගමන් මාර්ගයක් නැති තාරකා හා සමානය. ඔවුන්ව සදහටම හෙළාදමනු ලබන්නේ ඝනාන්ධකාරයටය.+
14 ආදම්ගේ පෙළපතින් පැමිණි හත්වෙනියා වූ ඒනොක්,+ ඔවුන් ගැනත් අනාවැකි කියමින් මෙසේ පැවසුවේය. “මෙන්න, යෙහෝවා දෙවි තම දසදහස් ගණන් ශුද්ධ දූතයන් පිරිවරාගෙන පැමිණියේය.+ 15 ඔහු පැමිණියේ සියලුදෙනාට විරුද්ධව තම විනිශ්චය ඉටු කිරීමටය.+ මන්ද ඔහුට කිසි ගෞරවයක් නොදක්වන අය ඔහු ගැන නොතකමින් බොහෝ දුෂ්ට ක්‍රියාවල නිරත වූ අතර ඔහුට කිසි ගෞරවයක් නොදැක්වූ පව්කාරයෝ ඔහුට විරුද්ධව ඉතාමත් තැතිගන්වනසුලු දේවල් පැවසුවෝය.”+
16 ඒ මිනිසුන් පුරුදු වී සිටින්නේ මැසිවිලි නැඟීමටය.+ තම ජීවිතය ගැන සෑහීමට පත් නොවී ඔවුහු නිතරම කොඳුරමින් සිටිති. ඔවුන් කටයුතු කරන්නේ තම පව්කාර ආශාවන් තෘප්තිමත් කරගැනීමටය.+ ඔවුහු පුරසාරම් දොඩමින් සිටින අතර+ තමාට යම් වාසි ප්‍රයෝජන ලබාගැනීමේ අදහසින් ඇතැම් පුද්ගලයන්ව වර්ණනා කරති.+
17 නමුත් ප්‍රේමණීය සහෝදරයෙනි, අපගේ ස්වාමීන් වන යේසුස් ක්‍රිස්තුස්ගේ නියෝජිතයන්* මීට පෙර පවසා ඇති දේවල් සිහියට නඟන්න.+ 18 ඔවුහු මෙසේ පැවසුවෝය. “අවසාන කාලයේදී සමච්චල් කරන්නෝ සිටින්නෝය. ඔවුන් උත්සාහ කරන්නේ දෙවිට අගෞරවයක් ගෙන දෙන ඔවුන්ගේ ආශාවන් තෘප්තිමත් කරගැනීමටය.”+ 19 භේද ඇති කරන්නෙත්+ තිරිසනුන් මෙන් හැසිරෙන්නෙත් ඔවුන්ය.+ ඔවුන් තුළ දෙවිගේ බලය ක්‍රියා කරන්නේ නැත.+ 20 නමුත් ප්‍රේමණීය සහෝදරයෙනි, ශුද්ධ වූ සත්‍ය ඉගැන්වීම් නමැති අත්තිවාරම මත+ ඔබේ විශ්වාසය ගොඩනඟාගන්න.+ දෙවිගේ බලයෙන් ලැබෙන මඟ පෙන්වීම්වලට එකඟව යාච්ඤා කරන්න.+ 21 එසේ කරමින් දිගටම දෙවිගේ ප්‍රේමය ලබාගැනීමට උත්සාහ දරන්න.+ ඒ අතරතුර ඔබට සදාකාල ජීවනය ලබාගැනීමට මඟ පාදන+ අපගේ ස්වාමීන් වන යේසුස් ක්‍රිස්තුස්ගේ දයාව ගැන අපේක්ෂාවෙන් සිටින්න.+ 22 එලෙසම සැකයෙන් සිටින අයට+ දිගටම දයාව පෙන්වන්න.+ 23 ඔවුන්ව විනාශය නමැති ගින්නෙන් ඉවතට ඇද+ ගලවාගන්න.+ අනික් අයටද නොකඩවා දයාව පෙන්වන්න. මන්ද ඔවුහු පව්කාර ක්‍රියාවල නිරත වීමෙන් තම වස්ත්‍ර අපවිත්‍ර කරගෙන ඇත. නමුත් ඔබ ඔවුන්ට දයාව පෙන්වන විට ඔවුන්ගේ අපවිත්‍ර වූ වස්ත්‍රවලින් ඈත්ව සිටීමට වගබලා ගත යුතුයි.+
24 එහෙයින් පව් කිරීමෙන්* ඔබව ආරක්ෂා කළ හැකි,+ තම තේජස ඉදිරියේ මහත් ප්‍රීතියක් ඇතුව නිකැළැල් කෙනෙකු ලෙස+ පෙනී සිටීමට ඔබට උපකාර කළ හැකි තැනැත්තාද වන, 25 අපට ගැලවීම සලසා දෙන+ දෙවිට, අපගේ ස්වාමීන් වන යේසුස් ක්‍රිස්තුස් මාර්ගයෙන්+ සියලු තේජසද+ ගෞරවයද ශ්‍රේෂ්ඨත්වයද+ බලයද+ පෙර මෙන්+ දැනුත් සදහටත් ලැබේවා!+ ආමෙන්.*+