Zvirevo

11 Chikero chinobiridzira chinosemesa Jehovha,

Asi chiyero chakarurama* chinomufadza.+

 2 Kana kuzvikudza kukavapo, kunyadziswa kunobva kwatevera,+

Asi vane mwero ndivo vane uchenjeri.+

 3 Vakarurama vanotungamirirwa nekurarama vasina chavanopomerwa,+

Asi kunyengera kwevasina kutendeka kuchavaparadza.+

 4 Pfuma haizobatsiri* pazuva rehasha,+

Asi kururama ndiko kuchanunura parufu.+

 5 Kururama kwemunhu asina chaanopomerwa kuchaita kuti gwara rake ritwasuke,

Asi munhu akaipa achawa nemhaka yeuipi hwake.+

 6 Kururama kwevakarurama kuchavanunura,+

Asi vanyengeri vachakanganiswa nezvido zvavo pachavo.+

 7 Munhu akaipa paanofa, tariro yake inoparara;

Uye zvaaitarisira pamusana pesimba rake zvinopararawo.+

 8 Munhu akarurama anonunurwa pamatambudziko,

Uye munhu akaipa anotora nzvimbo yake.+

 9 Nemuromo wake, munhu akatsauka pakutenda* anoparadza muvakidzani wake,

Asi neruzivo, vakarurama vanonunurwa.+

10 Kunaka kwevakarurama kunoita kuti guta rifare,

Uye vakaipa pavanoparara, panova nekupembera.+

11 Nekuda kwechikomborero chevakarurama guta rinokwidziridzwa,+

Asi miromo yevakaipa inorikoromora.+

12 Munhu wese anozvidza* muvakidzani wake haana pfungwa,*

Asi munhu anonyatsonzwisisa anoramba akanyarara.+

13 Munhu anotaura zvinosvibisa zita remumwe anofamba achifumura nyaya dzemumwe wake,+

Asi munhu akavimbika* anochengeta mashoko aanoziva.*

14 Kana pasina kutungamirira kweunyanzvi,* vanhu vanowa,

Asi panova nekubudirira* kana vanopa mazano vakawanda.+

15 Munhu wese anoita kuti munhu waasingazivi atore chikwereti muzita rake zvichamuipira,+

Asi munhu wese anoramba* kupinda muchibvumirano chekubatana maoko anenge akachengeteka.

16 Mukadzi ane unhu* anowana rukudzo,+

Asi varume vane utsinye, vanopamba pfuma.

17 Murume ane mutsa* anoita zvinomubatsira,*+

Asi munhu ane utsinye anozviunzira dambudziko.*+

18 Munhu akaipa anowana mubayiro wekunyengera,+

Asi uya anodyara kururama anowana mubayiro wechokwadi.+

19 Munhu anotsigira kururama zvakasimba achawana upenyu,+

Asi uya anodzingirirana nezvakaipa achawana rufu.

20 Vaya vane mwoyo isina kururama vanosemesa Jehovha,+

Asi vaya vasina chavanopomerwa munzira dzavo vanomufadza.+

21 Iva nechokwadi neizvi: Munhu akaipa haazoregi kurangwa,+

Asi vana vevakarurama vachapukunyuka.

22 Sezvakaita rin’i yegoridhe iri pamhino yenguruve,

Ndizvo zvakaita mukadzi ane runako asi asina kuchenjera.

23 Chido chemunhu akarurama chinoguma mune zvakanaka,+

Asi zvinotarisirwa nevakaipa zvinoguma nekuratidzwa hasha.

24 Mumwe anopa zvakawanda* asi anoguma ava nezvakawanda;+

Mumwe anonyima zvaanofanira kupa, asi anopedzisira ava murombo.+

25 Munhu akasununguka kupa vamwe achabudirira,*+

Uye munhu wese anozorodza vamwe* achazorodzwawo.+

26 Vanhu vachatuka munhu anonyima zviyo,

Asi vachakomborera munhu anozvitengesa.

27 Uya anoshingaira kuita zvakanaka anenge achitsvaga kufarirwa,+

Asi uya ari kutsvaga zvakaipa, izvozvo hazvimbotadzi kuuya paari.+

28 Anovimba nepfuma yake achawa,+

Asi vakarurama vachabudirira semashizha akasvibirira.+

29 Munhu wese anounzira mhuri yake dambudziko,* achagara nhaka yemhepo,+

Uye benzi richava muranda wemunhu ane mwoyo wakachenjera.

30 Zvibereko zvemunhu akarurama muti weupenyu,+

Uye uya anowana vanhu* akachenjera.+

31 Kana munhu akarurama panyika achipiwa mubayiro,

Ko kuzoti munhu akaipa uye mutadzi!+