Muparidzi
3 Chinhu chimwe nechimwe chine nguva yacho,
Nguva inoitika chinhu chese pasi pedenga:
2 Nguva yekuberekwa nenguva yekufa;
Nguva yekudyara nenguva yekudzura zvakadyarwa;
3 Nguva yekuuraya nenguva yekuporesa;
Nguva yekukoromora nenguva yekuvaka;
4 Nguva yekuchema nenguva yekuseka;
Nguva yekuridza mhere nenguva yekutamba;*
5 Nguva yekurasa matombo nenguva yekuunganidza matombo;
Nguva yekumbundira nenguva yekurega kumbundira;
6 Nguva yekutsvaga nenguva yekurega kutsvaga uchiti hazvichawaniki;
Nguva yekuchengeta nenguva yekurasa;
7 Nguva yekubvarura+ nenguva yekusona;
Nguva yekunyarara+ nenguva yekutaura;+
8 Nguva yekuda nenguva yekuvenga;+
Nguva yehondo nenguva yerugare.
9 Mushandi anowaneiko pabasa rake rese?+ 10 Ndakaona basa rakapiwa vanakomana vevanhu naMwari kuti vagare vakabatikana. 11 Iye akaita zvinhu zvese zvakanaka* panguva yazvo.+ Akatoisa nguva isingagumi mumwoyo mavo; kunyange zvakadaro, vanhu havafi vakanzwisisa basa rakaitwa naMwari wechokwadi kubvira pakutanga kusvikira pakupedzisira.
12 Ndakaona kuti hapana chinhu chiri nani kwavari kupfuura kuti vafare uye kuti vaite zvakanaka muupenyu hwavo,+ 13 uyewo kuti munhu wese adye nekunwa uye afadzwe nezvinhu zvakanaka pakushanda kwake nesimba. Icho chipo chaMwari.+
14 Ndava kuziva kuti zvinhu zvese zvinoitwa naMwari wechokwadi zvichagara nekusingaperi. Hapana chekuwedzera kana kutapudza pazviri. Mwari wechokwadi akazviita zvakadaro, kuti vanhu vamutye.+
15 Zvese zvinoitika zvakatomboitika, uye zvichauya zvakagara zviripo;+ asi Mwari wechokwadi anotsvaga zvanga zvichiedza kuitwa.*
16 Ndakaonawo izvi pasi pezuva: Panzvimbo pekutonga zvakarurama paiva neuipi, uye panzvimbo pekururama paiva neuipi.+ 17 Saka ndakati nechemumwoyo: “Mwari wechokwadi achatonga vese, vakarurama nevakaipa,+ nekuti zvinhu zvese nemabasa ese zvine nguva yazvo.”
18 Ndakataurawo nechemumwoyo kuti Mwari wechokwadi achaedza vanakomana vevanhu ovaratidza kuti vakafanana nemhuka, 19 nekuti kune magumo evanhu nemagumo emhuka; zvese zvinoguma zvakafanana.+ Kufa kunoita chimwe, ndiko kufa kunoita chimwe chacho; zvese zvine simba reupenyu rimwe chete.+ Saka munhu hapana paanopfuura mhuka, nekuti zvese hazvina zvazvinobatsira. 20 Zvese zvinoenda kunzvimbo imwe chete.+ Zvese zvinobva kuguruva,+ uye zvese zvinodzokera kuguruva.+ 21 Ndiani anonyatsoziva kana simba reupenyu revanhu richikwira kudenga, uye kana simba reupenyu remhuka richidzika panyika?+ 22 Uye ndakaona kuti hapana chinhu chiri nani pane kuti munhu afadzwe nebasa rake,+ nekuti ndiwo mubayiro* wake; nekuti ndiani angamuita kuti aone zvichaitika kana iye aenda?+