1 රාජාවලිය

8 ඉන්පසු සලමොන් රජ,+ ඊශ්‍රායෙල්හි සියලුම වැඩිමහල්ලන්වද+ ගෝත්‍රවල ප්‍රධානීන්වද+ ඊශ්‍රායෙල්වරුන්ගේ පෙළපත්වල අධිපතීන්වද+ යෙරුසලමට එක් රැස් කළේය.+ එසේ කළේ දාවිත්ගේ නුවර+ වන සියොන්හි+ තිබූ යෙහෝවා දෙවිගේ ගිවිසුම් පෙට්ටිය+ දේවමාලිගාවට ගෙන ඒමේ අවස්ථාවට සහභාගි වීම සඳහාය. 2 ඊශ්‍රායෙල්හි සිටි ඒ සියලු පුරුෂයෝ හත්වන මාසය+ වන ඒතානිම් මාසයේදී සලමොන් රජු ළඟට පැමිණියෝය. ඔවුන් එසේ රැස් වූයේ ඒතානිම් මාසයේ උත්සවය පවත්වන කාලයේදීය.+ 3 ඊශ්‍රායෙල්හි වැඩිමහල්ලන් සියලුදෙනාම එහි පැමිණි අතර පූජකයෝ+ ගිවිසුම් පෙට්ටිය උසුලාගෙන+ ආවෝය. 4 පූජකයෝ සහ ලෙවීවරු+ යෙහෝවා දෙවිගේ ගිවිසුම් පෙට්ටියද සම්මුඛ වීමේ කූඩාරමද+ කූඩාරමේ තිබුණු සියලු ශුද්ධ උපකරණද ගෙනාවෝය.+ 5 සලමොන් රජද ඔහු සමඟ එක් රැස්ව සිටි මුළු ඊශ්‍රායෙල් සෙනඟද ගිවිසුම් පෙට්ටිය ඉදිරියේ සිට, ගණන් කළ නොහැකි තරම් විශාල බැටළුවන් සහ ගවයන් ප්‍රමාණයක්+ පූජා කළෝය.+

6 පූජකයෝ යෙහෝවා දෙවිගේ ගිවිසුම් පෙට්ටිය+ එහි නියමිත ස්ථානය+ වූ ගෘහයේ අතිශුද්ධස්ථානයට ගෙනැවිත් කෙරුබ්වරුන්ගේ පියාපත් යට තැබුවෝය.+

7 කෙරුබ්වරු තම පියාපත් ගිවිසුම් පෙට්ටියට ඉහළින් විහිදුවාගෙන සිටියෝය. ඔවුන්ගේ පියාපත් ගිවිසුම් පෙට්ටියට හා එහි පොලුවලට ඉහළින් වියනක් සේ+ පෙනෙන්න තිබිණ. 8 ගිවිසුම් පෙට්ටියේ පොලු+ දිගට සාදා තිබූ නිසා පොලුවල අගිස් අතිශුද්ධස්ථානයට ඉදිරියෙන් තිබූ ශුද්ධස්ථානයට පෙනුණේය. නමුත් ඒ පොලු පිටතට පෙනුණේ නැත. ඒවා අද දක්වාම එලෙසම පවතියි.+ 9 හොරෙබ් කන්ද අසලදී මෝසෙස් විසින් තබන ලද+ ගල් පුවරු දෙක+ හැර ගිවිසුම් පෙට්ටියේ වෙන කිසිවක් තිබුණේ නැත. එම ගල් පුවරු දෙක ඔහුට දෙනු ලැබුවේ ඊශ්‍රායෙල්වරුන් ඊජිප්තුවෙන් පිටතට ආ පසු+ යෙහෝවා දෙවි ඔවුන් සමඟ ගිවිසුමක් ඇති කරගත් අවස්ථාවේදීය.+

10 පූජකයන් ශුද්ධස්ථානයෙන් පිටතට පැමිණි විට යෙහෝවා දෙවිගේ ගෘහය වලාකුළකින් වැසී ගියේය.+ 11 එම වලාකුළ නිසා පූජකයන්ට+ තමන් සේවය කරමින් සිටි ස්ථානයෙන් ඉවත්ව යෑමට සිදු විය.+ මන්ද යෙහෝවා දෙවිගේ තේජසින්+ යෙහෝවා දෙවිගේ ගෘහය පිරී ගියේය.+ 12 සලමොන් රජ එම වලාකුළ දැක මෙසේ කීවේය. “යෙහෝවා දෙවියනි, ඔබ ගන වලාකුළක වාසය කරන බව ඔබම කීවෙහිය.+ 13 එබැවින් ඔබට වාසය කිරීමට සුදුසු තේජාන්විත ගෘහයක් මා සෑදූ බව මට දැන් ස්ථිරය.+ ඔබට සැමදා වාසය කිරීමට+ ස්ථිර වාසස්ථානයක්+ මම ගොඩනැඟුවෙමි.”

14 ඉන්පසු රජ රැස්ව සිටි ඊශ්‍රායෙල් සෙනඟ වෙත හැරී ඔවුන්ට ආශීර්වාද+ කළේය. ඒ අවස්ථාවේදී මුළු සෙනඟ සිටගෙන සිටියෝය. 15 ඔහු මෙසේ කීවේය. “ඊශ්‍රායෙල් සෙනඟගේ දෙවි වන යෙහෝවාට ප්‍රශංසා වේවා!+ ඔහු මගේ පියා වූ දාවිත්ට පැවසූ දේ+ තමාගේම හස්තයෙන් ඉටු කළේය.+ 16 ‘මාගේ සෙනඟ වන ඊශ්‍රායෙල්වරුන්ව ඊජිප්තුවෙන් පිටතට ගෙනා දවසේ සිට මේ දක්වා මාගේ නාමය ගෞරවයට පත් කරන පිණිස+ ගෘහයක් ගොඩනැඟීමට+ ඊශ්‍රායෙල්හි ගෝත්‍රවලට අයිති එක නුවරක්වත් මම තෝරා නොගත්තෙමි.+ නමුත් මාගේ සෙනඟ වන ඊශ්‍රායෙල්වරුන්ව පාලනය කිරීමට මම දාවිත්ව තෝරාගන්නෙමි’+ කියා දෙවි දාවිත් රජුට පැවසුවේය. 17 ඊශ්‍රායෙල්හි දෙවි වන යෙහෝවාගේ නාමයට ගෞරවය ගෙනෙන පිණිස ගෘහයක් ගොඩනැඟීමට මගේ පියා වන දාවිත්ගේ සිතෙහි මහත් ආශාවක් තිබිණ.+ 18 නමුත් යෙහෝවා දෙවි මගේ පියා වන දාවිත්ට මෙසේ කීවේය. ‘මාගේ නාමයට ගෞරවය ගෙනෙන පිණිස ගෘහයක් ගොඩනඟන්න ඔබ මහත් ආශාවකින් සිටින බව මම දන්නෙමි. ඔබේ සිතෙහි තිබෙන ඒ ආශාව මම බොහෝ සෙයින් අගය කරන්නෙමි.+ 19 නමුත් මාගේ නාමය ගෞරවයට පත් කරන පිණිස එම ගෘහය ගොඩනඟන්නේ ඔබ නොව, ඔබේ පුත්‍රයාය.’+ 20 තමා පැවසූ දේ යෙහෝවා දෙවි ඉටු කළේය.+ යෙහෝවා දෙවි පොරොන්දු වූ ලෙසම මගේ පියා වූ දාවිත්ට පසුව ඊශ්‍රායෙල් රාජ්‍යය මගේ අතට පත් විය.+ ඊශ්‍රායෙල්හි දෙවි වන යෙහෝවාගේ නාමයට ගෞරවය ගෙනෙන පිණිස මම ගෘහයක් ගොඩනැඟුවෙමි.+ 21 ඒ ගෘහය තුළ ගිවිසුම් පෙට්ටිය සඳහා ස්ථානයක්ද මම සූදානම් කළෙමි. යෙහෝවා දෙවි අපේ මුතුන්මිත්තන්ව ඊජිප්තු දේශයෙන් පිටතට ගෙනා පසු ඔවුන් සමඟ ඇති කරගත් ගිවිසුම+ ඇතුළත් ගල් පුවරු දෙක තබා තිබෙන්නේ එම පෙට්ටිය තුළය.”

22 රැස්ව සිටි ඊශ්‍රායෙල් සෙනඟ බලා සිටියදී සලමොන් රජ, යෙහෝවා දෙවිගේ පූජාසනය ඉදිරියට+ ගොස් දෑත් ඔසවා+ 23 මෙසේ යාච්ඤා කළේය. “යෙහෝවා, ඊශ්‍රායෙල්හි දෙවියනි,+ ඉහළ අහසේවත් පහත පොළොවේවත් ඔබට සමාන වෙන කිසි දෙවි කෙනෙක් නැත.+ මන්ද මුළු හදවතින්ම ඔබට විශ්වාසවන්තව සේවය කරන+ ඔබේ සේවකයන්ට+ ඔබ දිගටම ප්‍රේමය* පෙන්වන්නෙහිය. ඔවුන් සමඟ ඔබ ඇති කරගත් ගිවිසුම කිසිවිටක කඩ නොකරන්නෙහිය.+ 24 ඔබේ සේවකයා වන මගේ පියා වූ දාවිත්ට පොරොන්දු වූ සියල්ල ඔබ ඉටු කළෙහිය. ඔහුට පොරොන්දු වූ දේ ඔබ අද දින ඔබේම හස්තයෙන් ඉටු කළෙහිය.+ 25 යෙහෝවා, ඊශ්‍රායෙල්හි දෙවියනි, ඔබේ සේවකයා වන මගේ පියා වූ දාවිත්ට ඔබ මෙසේ පොරොන්දු විය. ‘ඔබ මට විශ්වාසවන්තව සේවය කළාක් මෙන් ඔබේ පුත්‍රයන්ද මට විශ්වාසවන්තව සේවය කළොත් ඊශ්‍රායෙල්හි රජකම කවදාවත් ඔබේ පෙළපතින් පිට කෙනෙකු අතට පත් නොවන්නේය.’+ ඔබ දුන් ඒ පොරොන්දුව එලෙසම ඉටු කරන්න. 26 අනේ, ඊශ්‍රායෙල්හි දෙවියනි, ඔබේ සේවකයා වන මගේ පියා වූ දාවිත්ට ඔබ දුන් පොරොන්දුව ඉටු වේවා!+

27 “දෙවි සැබවින්ම මේ පොළොවේ වාසය කරන්නේද?+ ඔබට වාසය කිරීමට මුළු මහත් විශ්වයම+ ප්‍රමාණවත් නැත.+ එසේනම් මා ගොඩනැඟූ මේ ගෘහය+ ඔබට ප්‍රමාණවත් වේද? 28 අනේ යෙහෝවා, මාගේ දෙවියනි, ඔබේ සේවකයා වන මගේ යාච්ඤාවටත්+ දයාව පෙන්වන්න කියා මා කරන ඉල්ලීමටත් ඇහුම්කන් දෙන්න.+ ඔබේ සේවකයා අද ඔබ ඉදිරියේ කරන කන්නලව්වට සවන් දෙන්න.+ 29 ‘මාගේ නාමය මෙහි පවතිනු ඇත’+ කියා ඔබ පැවසූ මේ ගෘහය දෙසට දිවා රෑ දෙකෙහිම ඔබේ දෙනෙත් යොමු කර,+ ඔබේ සේවකයා මේ ගෘහය දෙසට හැරී කරන යාච්ඤාවට සවන් දෙන්න.+ 30 ඔබේ සේවකයාද ඔබේ සෙනඟ වන ඊශ්‍රායෙල්වරුන්ද මේ ගෘහය දෙසට හැරී ඔබේ කරුණාව ඉල්ලා කරන යාච්ඤාවලට සවන් දෙන මෙන් ඉල්ලමි.+ ඔබේ වාසස්ථානය වන ස්වර්ගයේ+ සිට සවන් දී ඔවුන්ගේ වැරදිවලට සමාව දෙන්න.+

31 “තමාට විරුද්ධව වරදක් කර ඇතැයි කියා යමෙකුට චෝදනා කළ විට+ එම තැනැත්තා තමා නිර්දෝෂයයි ප්‍රකාශ කිරීමට ඉඩ තිබේ. නමුත් චෝදනාව ගෙනා තැනැත්තාට ඔහුගෙන් දිවුරුමක්*+ ගත හැකියි. එවැනි දිවුරුමකට යටත්ව සිටින තැනැත්තෙකු මේ ගෘහයේ තිබෙන ඔබේ පූජාසනය ඉදිරියට පැමිණියොත් 32 ඔබ ස්වර්ගයේ සිට ඔහු කියන දේ අසා ඔබේ සේවකයන් දෙදෙනාවම විනිශ්චය කරන මෙන් ඉල්ලා සිටිමි. ඔවුන් එක් එක් කෙනාගේ ක්‍රියාවලට අනුව සුදුසු ප්‍රතිඵල දී,+ දුෂ්ටයා කවුද කියාත්+ ධර්මිෂ්ඨයා කවුද කියාත්+ පෙන්වා දෙන්න.

33 “ඔබට විරුද්ධව දිගටම පව් කිරීම නිසා+ ඔබේ සෙනඟ වන ඊශ්‍රායෙල්වරුන් තම සතුරන් අතින් පරාජයට පත් විය හැකියි.+ නමුත් ඔවුන් නැවතත් ඔබ වෙතට හැරී+ මේ ගෘහයේදී+ ඔබේ නාමයට ප්‍රශංසා කරමින්+ ඔබේ කරුණාව අයැදිමින් ඔබට යාච්ඤා කළොත්+ 34 ඔබ ස්වර්ගයේ සිට ඔවුන්ට සවන් දෙන මෙන්ද ඔබේ සෙනඟ වන ඊශ්‍රායෙල්වරුන් කළ පාපයට සමාව දී+ ඔබ ඔවුන්ගේ මුතුන්මිත්තන්ට+ දුන් දේශයට ඔවුන්ව නැවත ගෙනෙන මෙන්ද+ ඔබෙන් අයැදිමි.

35 “ඔවුන් ඔබට විරුද්ධව දිගටම වැරදි ක්‍රියාවල නිරත වුණොත්+ ඔබ ඔවුන්ට දඬුවම් කර,+ වර්ෂාව නොලැබෙන සේ අහසේ කවුළු වසා+ දමන බව නිසැකයි. නමුත් ඔවුන් කළ වැරදි ක්‍රියා අත්හැර මේ ස්ථානය වෙතට හැරී යාච්ඤා කරමින්+ ඔබේ නාමයට නැවත ප්‍රශංසා කළොත් 36 ඔබ ස්වර්ගයේ සිට ඔවුන්ට සවන් දී ඔබේ සේවකයන් එනම්, ඔබේ සෙනඟ වන ඊශ්‍රායෙල්වරුන් කළ පාපයට සමාව දෙන්න. මන්ද ඔවුන් යා යුතු නිවැරදි මාර්ගය+ උගන්වන්නේ ඔබය.+ ඔබේ සෙනඟට ඔබ උරුමයක් වශයෙන් දුන් මේ දේශයට එතැන් පටන් වර්ෂාව ලබා දෙන මෙන්+ ඔබෙන් ඉල්ලා සිටිමි.

37 “මේ දේශයේ වැසියන් සාගතයකින්+ හෝ වසංගතයකින්+ පීඩා වින්දොත් නැත්නම් වියළි සුළඟකින් හෝ දිලීර රෝගයකින්+ හෝ පළඟැටියන්+ හා කැරපොත්තන්+ නිසා හෝ ඔවුන්ගේ අස්වැන්න විනාශ වුණොත් එසේත් නැත්නම් ඔවුන්ගේ නුවරවල් සතුරු ආක්‍රමණවලට ලක් වුණොත් එසේත් නැත්නම් වෙන ඕනෑම වසංගතයක් හෝ රෝගයක් හෝ ඔවුන් පිටට පැමිණියොත් 38 ඔබේ කරුණාව ඉල්ලා+ ඔවුන් කරන ඕනෑම අයැදීමකට+ සවන් දෙන්න. මුළු ඊශ්‍රායෙල් සෙනඟ එකතු වී කරන යාච්ඤාවකට හෝ වේවා ඔවුන් එක් එක් කෙනා තනිව කරන යාච්ඤාවකට හෝ වේවා+ සවන් දෙන මෙන් ඉල්ලමි. ඒ එක් එක් කෙනා මේ ගෘහය දෙසට තම දෑත් ඔසවා+ තම තමාගේ සිතේ ඇති වේදනාව+ ගැන යාච්ඤා කරන විට 39 දෙවියනි, ඔබේ ස්ථිර වාසස්ථානය+ වන ස්වර්ගයේ+ සිට ඔවුන්ට සවන් දෙන්න. ඔවුන්ගේ වැරදිවලට ඔවුන්ට සමාව දෙන්න.+ ඔවුන් එක් එක් කෙනාගේ සිතේ තිබෙන දේ ඔබ හොඳින් දන්නා නිසා+ ඔවුන්ට සුදුසු ප්‍රතිඵල ලබා දෙන්න.+ 40 එවිට ඔබ අපේ මුතුන්මිත්තන්ට දුන් දේශයේ ඔවුහු ජීවත්ව සිටින තාක් කල්+ ඔබ කෙරෙහි ගරුබිය ඇතුව ජීවත් වනු ඇත.+

41 “ඔබේ සෙනඟ වන ඊශ්‍රායෙල් ජාතියට අයත් නොවන විදේශිකයෙකු+ ඔබේ නාමය ගැන අසා ඈත පළාතක සිට පැමිණ,+ 42 මේ ගෘහය දෙසට හැරී යාච්ඤා කළොත් එසේය, ඔබේ ශ්‍රේෂ්ඨ නාමය+ ගැනත් ඔබේ මහත් බලය+ ගැනත් ඔබ දෑත් විදහා කරන උපකාර ගැනත් අසා ඔහු මේ ගෘහයට පැමිණ යාච්ඤා කළොත්+ 43 ඔබේ ස්ථිර වාසස්ථානය වන ස්වර්ගයේ සිට+ ඔහුට සවන් දී ඔබෙන් ඉල්ලන සියල්ල ඉටු කර දෙන මෙන් ඉල්ලමි.+ එවිට පොළොවේ සියලු වැසියන් ඔබේ නාමය දැනගෙන,+ ඔබේ සෙනඟ වන ඊශ්‍රායෙල්වරුන් මෙන් ඔවුහුද ඔබ කෙරෙහි ගරුබිය ඇතුව ජීවත් වනු ඇත. එමෙන්ම මා ගොඩනැඟූ මේ ගෘහයෙන් ඔබේ නාමය ගෞරවයට පත් කරන බවද ඔවුහු දැනගනු ඇත.+

44 “ඔබේ මඟ පෙන්වීමට අනුව+ ඔබේ සෙනඟ තම සතුරන්ට විරුද්ධව යුද්ධ කිරීමට යන විට+ ඔබ තෝරාගත් නුවර දෙසටත්+ ඔබේ නාමය ගෞරවයට පත් කරන පිණිස මා ගොඩනැඟූ මේ ගෘහය දෙසටත්+ හැරී ඔවුන් යෙහෝවා දෙවි වන ඔබට යාච්ඤා කළොත්+ 45 ඔබ ස්වර්ගයේ සිට ඔවුන්ගේ යාච්ඤාවටත් කරුණාව පෙන්වන්න කියා ඔවුන් ඔබට කරන ඉල්ලීමටත් සවන් දී, ඔවුන් වෙනුවෙන් යුක්තිය ඉටු කර දෙන්න.+

46 “ඔවුන්ද ඔබට විරුද්ධව පව් කිරීමට ඉඩ ඇත.+ (මන්ද පව් නොකරන කිසි මනුෂ්‍යයෙක් නැත.)+ එවැනි අවස්ථාවක ඔබට ඔවුන් කෙරෙහි දැඩි කෝපයක් ඇති වී ඔවුන්ව දුර හෝ ළඟ හෝ තිබෙන සතුරු දේශයකට ගෙන යෑමට ඔවුන්ගේ සතුරන්ට ඔබ ඉඩ දිය හැක.+ 47 නමුත් ඔවුන් සතුරන්ගේ දේශයේ සිටියදී+ තමන් කළ වැරැද්ද තේරුම්ගෙන+ ඔබ වෙතට හැරී,+ ‘අපි ඔබට විරුද්ධව+ පව් කළෙමු.+ අපි දුෂ්ට ලෙස ක්‍රියා කළෙමු’+ යයි කියමින් කරුණාව පෙන්වන ලෙස ඔබට අයැදිය+ හැක. 48 ඒ දේශයේදීම ඔවුන් නැවත වරක් මුළු හදවතින්ම ඔබව පිළිගෙන,+ ඔබ ඔවුන්ගේ මුතුන්මිත්තන්ට දුන් දේශය වෙතටත් ඔබ තෝරාගත් නුවර වෙතටත් ඔබේ නාමය ගෞරවයට පත් කරන පිණිස මා ගොඩනැඟූ ගෘහය වෙතටත් හැරී+ ඔබට යාච්ඤා කළොත් 49 ඔබේ ස්ථිර වාසස්ථානය වන ස්වර්ගයේ සිට+ ඔවුන්ට සවන් දෙන්න. ඔවුන්ගේ යාච්ඤාවත් කරුණාව පෙන්වන්න කියා ඔවුන් කරන ඉල්ලීමත් අසා ඔවුන්ට යුක්තිය ඉටු කර දෙන්න.+ 50 එමෙන්ම ඔබේ සෙනඟ ඔබට විරුද්ධව කළ පව්වලටද+ ඔවුන් කළ සියලු වැරදිවලටද+ සමාව දෙන්න.+ ඔවුන්ට අනුකම්පාවෙන් යුතුව සැලකීමට+ ඔවුන්ව වහල්භාවයට රැගෙන යන අයගේ සිත් පොලඹවන්න. 51 මන්ද යකඩ ගිනි උදුනක්+ වැනි වූ ඊජිප්තුවෙන්+ ඔබ පිටතට ගෙනා ඔවුන් ඔබේ සෙනඟ හා ඔබේ උරුමය+ බව අමතක නොකරන්න. 52 ඔබේ සේවකයාද ඔබේ සෙනඟ වන ඊශ්‍රායෙල්වරුන්ද කරුණාව පෙන්වන්න කියා ඔබට කරන ඉල්ලීම් දෙසට ඔබේ දෙනෙත් යොමා,+ ඔවුන් ඔබෙන් ඇයැදින සියල්ලට සවන් දෙන්න.+ 53 විශ්වයේ පාලකයාණන් වන යෙහෝවා දෙවියනි, ඔබ අපේ මුතුන්මිත්තන්ව ඊජිප්තුවෙන් පිටතට ගෙනෙන විට ඔබේ සේවක මෝසෙස් මාර්ගයෙන් පැවසූ ලෙසම,+ ඔබ ඔවුන්ව පොළොවේ සියලු ජාතීන්ගෙන් වෙන් කර ඔබේ උරුමය ලෙස තෝරාගත්තෙහිය.”+

54 සලමොන් රජ තම යාච්ඤාවත් කරුණාව පෙන්වන්න කියා යෙහෝවා දෙවිට කළ ඉල්ලීමත් නිම කළේය. ඉන්පසු යෙහෝවා දෙවිගේ පූජාසනය ඉදිරියේ දණ ගසා+ ස්වර්ගය දෙසට දෑත් ඔසවාගෙන+ සිටි ස්ථානයෙන් ඔහු නැඟිට, 55 රැස්ව සිටි මුළු ඊශ්‍රායෙල් සෙනඟට ආශීර්වාද කරමින්+ මහත් හඬින් මෙසේ කීවේය. 56 “යෙහෝවා දෙවිට ප්‍රශංසා වේවා!+ මන්ද දෙවි පොරොන්දු වූ ලෙස+ තම සෙනඟ වන ඊශ්‍රායෙල්වරුන්ට කරදරයක් නැතුව සමාදානයෙන් ජීවත් වීමට සලස්වා ඇත. ඔහු තම සේවකයා වූ මෝසෙස් මාර්ගයෙන්+ දුන් එක් පොරොන්දුවක්වත් කඩ නොකර සියල්ල ඒ අයුරින්ම ඉටු කළේය.+ 57 අපේ දෙවි යෙහෝවා අපේ මුතුන්මිත්තන් සමඟ සිටියාක් මෙන්+ අප සමඟද සිටීවා!+ ඔහු කිසි දවසක අපව තනි නොකරාවා! කෙදිනකවත් අපව අත් නොහරීවා!+ 58 ඔහු අපේ මුතුන්මිත්තන්ට දුන් ආඥාද+ නියෝගද+ තීන්දුද+ පිළිපැදීමටත් ඔහුගේ සියලු මාර්ගවල ගමන් කිරීමටත්+ අපට හැකි වන පිණිස අපේ සිත් හැමදාමත් ඔහු වෙතට යොමු වී තිබේවා!+ 59 කරුණාව පෙන්වන්න කියා මා යෙහෝවා දෙවිට කළ මේ අයැදීම රෑ දාවල් දෙකෙහිම අපේ දෙවි යෙහෝවාගේ මතකයේ තිබේවා!+ ඔහු තම සේවකයා වෙනුවෙන්ද තම සෙනඟ වන ඊශ්‍රායෙල්වරුන් වෙනුවෙන්ද දිනපතාම+ යුක්තිය ඉටු කරාවා! 60 එවිට පොළොවේ සියලු ජනයා යෙහෝවා සැබෑ දෙවි බව+ දැනගනු ඇත.+ ඔහු හැර වෙන දෙවි කෙනෙක් නැත.+ 61 ඔබ අද කරන්නාක් මෙන් දිගටම අපේ දෙවි වන යෙහෝවාගේ නියෝගවලට අනුව ජීවත් වෙන්න. ඔහුගේ ආඥා පවත්වමින් මුළු හදවතින්ම+ ඔහුට විශ්වාසවන්තව සිටින්න.”

62 ඉන්පසු රජද මුළු ඊශ්‍රායෙල් සෙනඟද එක්ව යෙහෝවා දෙවිට විශාල පූජාවක් ඔප්පු කළෝය.+ 63 ඒ අවස්ථාවේදී යෙහෝවා දෙවිට ඔප්පු කිරීමට නියමිතව තිබුණු හවුල් පූජා+ සලමොන් රජ ඔප්පු කළේය. ඔහු ගවයන් විසිදෙදහසකුත් බැටළුවන් එක්ලක්ෂ විසිදහසකුත් ඔප්පු කළේය.+ එලෙස රජද සියලු ඊශ්‍රායෙල් සෙනඟද යෙහෝවා දෙවිගේ ගෘහය සැබෑ නමස්කාර වෙනුවෙන් වෙන් කළෝය.+ 64 එදින දවන පූජා, ධාන්‍ය පූජා හා හවුල් පූජාවල තෙල් කොටස්+ සියල්ල ඔප්පු කිරීමට යෙහෝවා දෙවි ඉදිරියේ තිබුණු තඹ පූජාසනය+ ප්‍රමණාවත් නොවීය. එබැවින් සලමොන් රජ එම පූජා ඔප්පු කිරීම සඳහා යෙහෝවා දෙවිගේ ගෘහය ඉදිරිපිට තිබූ මළුවේ මැද කොටස පරිශුද්ධ ස්ථානයක් ලෙස වෙන් කළේය.+ 65 පසුව සලමොන් රජද මුළු ඊශ්‍රායෙල් සෙනඟද එකතු වී+ විශාල උත්සවයක්+ පැවැත්වූහ. ඔවුහු යෙහෝවා දෙවි ඉදිරියේ දවස් හතක්ද ඉන්පසු තව දවස් හතක්ද+ එනම්, දවස් දාහහතරක් පුරාම සතුටු වූහ. ඒ සඳහා හමාත්හි+ දේශ සීමාවේ සිට ඊජිප්තු නිම්නය+ දක්වා තිබූ සියලු පළාත්වලින් විශාල පිරිසක් පැමිණියෝය. 66 අටවන දවසේදී ඔහු සෙනඟ විසුරුවාහැරියේය.+ ඔවුහු රජුට ආශීර්වාද කර, යෙහෝවා දෙවි තම සේවක දාවිත් වෙනුවෙන්ද ඔහුගේ සෙනඟ වන ඊශ්‍රායෙල් ජාතිය වෙනුවෙන්ද කළ සෑම යහපත් දෙයක් ගැනම+ බොහෝ සෙයින් සන්තෝෂ වී+ සතුටු සිතින්+ තම තමන්ගේ නිවෙස් බලා පිටත්ව ගියෝය.