2 “Uti kuvanakomana vaIsraeri, ‘Munhu wose pavanakomana vaIsraeri, uye mutorwa wose anogara pakati paIsraeri, anopa Moreki+ mumwe wevana vake, chokwadi anofanira kuurayiwa. Vanhu vomunyika yacho vanofanira kumutema nematombo kusvikira afa.

10 Pakati pako hapafaniri kuwanikwa munhu anopinza mwanakomana wake kana mwanasikana wake mumoto,+ munhu anoshopera,+ anoita zvemashiripiti+ kana munhu anotenda mashura+ kana muroyi,+

10 Akaita kuti Tofeti+ ive isina kukodzera kunamatira, iri mumupata wevanakomana vaHinomu,+ kuti parege kuva nomunhu anopinza mwanakomana wake kana mwanasikana wake mumoto+ nokuda kwaMoreki.+

3 Akakwidza utsi hwezvibayiro+ mumupata womwanakomana waHinomu,+ akapisa vanakomana vake+ mumoto, maererano nezvinhu zvinosemesa+ zvemarudzi akanga adzingwa naJehovha pamberi pevanakomana vaIsraeri.+

6 Akapinza vanakomana vake mumoto+ mumupata womwanakomana waHinomu,+ akaita zvemashiripiti,+ akashopera,+ akaita zvouroyi,+ akagadza masvikiro+ nevafemberi.+ Akaita zvakaipa zvizhinji pamberi paJehovha, kuti amugumbure.+

5 vaya vari kumutsa kuchiva pakati pemiti mikuru,+ pasi pemiti yose yakasvibirira,+ vachiurayira vana mumipata ine hova pasi pemikaha yemabwe?+

31 Vakavaka nzvimbo dzakakwirira dzeTofeti,+ iri mumupata womwanakomana waHinomu,+ kuti vapise vanakomana vavo nevanasikana vavo mumoto,+ chinhu chandakanga ndisina kuvarayira uye chakanga chisina kuuya mumwoyo mangu.’+

20 “Waitora vanakomana vako nevanasikana vako vawakanga wandiberekera,+ uye waivabayira kwairi kuti vaparadzwe+—ko mabasa ako oupfambi chinhu chiduku here?

37 Nokuti vakaita upombwe,+ maoko avo ane ropa,+ uye vakaita upombwe nezvidhori zvavo zvinosemesa sendove.+ Uyewo, vanakomana vavo vavakanga vandiberekera vakaita kuti vapinde mumoto kuti vave zvokudya zvazvo.+