1 Bathesalonika

5 Joale ha e le ka linako le mehla,+ barab’eso, ha le hloke hore le ngolloe letho. 2 Etsoe le tseba hantle hore letsatsi+ la Jehova le tla hantle feela joaloka lesholu bosiu.+ 3 Neng kapa neng ha ba+ re: “Khotso+ le tšireletseho!” joale timetso ea tšohanyetso+ e tla ba holim ’a bona hang-hang feela joaloka bohloko ba mahlomola ho mosali oa moimana;+ ’me ho hang ba ke ke ba phonyoha.+ 4 Empa lōna, barab’eso, ha le lefifing,+ hoo letsatsi leo le ka le fihlelang joalokaha le ne le tla fihlela masholu,+ 5 kaha kaofela le bara ba leseli+ le bara ba motšehare.+ Ha re ba bosiu kapa ba lefifi.+

6 Kahoo, joale, a re se keng ra tsoela pele ho robala+ joalokaha ba bang kaofela ba tsoela pele ho robala,+ empa a re luleng re falimehile+ ’me re lule re hlaphohetsoe likelellong.+ 7 Etsoe ba robalang+ ba tloaetse ho robala bosiu,+ ’me ba tahoang ka tloaelo ba tahoa bosiu. 8 Empa ha e le rōna ba motšehare, a re luleng re hlaphohetsoe likelellong ’me re apare tšireletso ea sefuba+ ea tumelo+ le lerato ’me re roale tšepo ea poloko+ e le helmete;+ 9 hobane Molimo ha aa ka a re abela khalefo,+ empa o re abetse ho fumana poloko+ ka Morena oa rōna Jesu Kreste.+ 10 O ile a re shoela,+ e le hore, ebang re lula re falimehile kapa re robetse, re phele hammoho le eena.+ 11 Ka hona le ’ne le tšelisane le ho hahana,+ feela joalokaha le etsa.+

12 Joale rea le kōpa, barab’eso, hore le hlomphe ba sebetsang ka thata har’a lōna le ba le okametseng+ Moreneng le ba le eletsang; 13 le ba ele hloko haholo ka lerato ho feta kamoo ho tloaelehileng ka lebaka la mosebetsi oa bona.+ E mong a be le khotso le e mong.+ 14 Ka lehlakoreng le leng, rea le eletsa, barab’eso, le eletse ba sa laoleheng,+ le bue ka mokhoa o tšelisang le meea e tepeletseng maikutlo,+ le tšehetse ba fokolang, le be le tiisetso+ ho bohle. 15 Tiisang hore ho se ke ha e-ba le ea busetsang bobe ka bobe ho mang kapa mang,+ empa kamehla e mong a phehelle se molemo ho e mong le ho ba bang kaofela.+

16 Thabang kamehla.+ 17 Rapelang le sa phetse.+ 18 Mabapi le ntho e ’ngoe le e ’ngoe le lebohe.+ Etsoe sena ke thato ea Molimo bonngoeng le Kreste Jesu mabapi le lōna. 19 Le se ke la tima mollo oa moea.+ 20 Le se ke la eisa boprofeta.+ 21 Nepisisang lintho tsohle;+ le tšoarelle ka tieo ho se setle.+ 22 Le ile bokhopo ba mofuta o mong le o mong.+

23 E se eka Molimo oa khotso+ a ka le halaletsa ka ho feletseng.+ E se eka boikutlo le moea le ’mele ea lōna barab’eso li ka bolokoa li phethahetse ka litsela tsohle ka mokhoa o sa tšoauoeng phoso ho beng teng ha Morena oa rōna Jesu Kreste.+ 24 Ea le bitsang oa tšepahala, hape o tla ho etsa.

25 Barab’eso, le tsoele pele ho re rapella.+

26 Lumelisang barab’abo rōna kaofela ka kako+ e halalelang.

27 Ke le tlama ka tlamo e tiileng ka Morena hore lengolo lena le balloe barab’abo rōna kaofela.+

28 Mosa o sa tšoanelang+ oa Morena oa rōna Jesu Kreste o be le lōna.