Jesaja
9 Maar die donkerte sal nie wees soos in vroeër tye toe daar swaarkry in die land was nie, toe die land van Seʹbulon en die land van Nafʹtali verneder is nie.+ Maar later sal Hy sorg dat daardie land – die pad by die see, die Jordaanstreek, Galileʹa van die nasies – geëer word.
2 Die volk wat in duisternis gelewe het,
het ’n groot lig gesien.
Op die inwoners van die land van diep skaduwee,
het lig geskyn.+
3 U het die nasie baie groot laat word.
U het hulle groot blydskap gegee.
Hulle is vreugdevol voor u
soos mense vreugdevol is in die oestyd,
soos mense wat vreugdevol die buit verdeel.
4 Want u het die juk wat op hulle druk, stukkend gebreek,
die stok op hulle skouers, die staf van die taakgewers,
soos die dag toe Miʹdian verslaan is.+
5 Elke soldatestewel wat die aarde laat dreun
en elke kleed wat vol bloed is,
sal deur die vuur verbrand word.
Hy sal genoem word: Wonderlike Raadgewer,+ Magtige God,+ Ewige Vader, Prins van Vrede.*
Hy sal op die troon van Dawid+ sit en oor sy koninkryk regeer.
Hy sal dit stewig vestig+ en versterk
deur middel van geregtigheid+ en regverdigheid,+
van nou af en tot in alle ewigheid.
Die ywer van Jehovah van die leërmagte sal dit doen.
9 En die hele volk sal dit weet,
Eʹfraim en die inwoners van Samariʹa,
wat trots en sonder skaamte sê:
Wildevyebome is afgekap,
maar ons sal hulle met sederbome vervang.”
11 Jehovah sal Resin se teenstanders teen hom laat kom
en sy vyande teen hom laat optree.
12 Sirië sal uit die ooste kom, en die Filistyne uit die weste.+
Hulle sal hulle mond oopmaak en Israel verslind.+
Weens alles wat hulle gedoen het, het sy woede nie bedaar nie,
maar sy hand is nog steeds uitgesteek om hulle te straf.+
13 Want die volk het nie teruggekeer na die Een wat hulle straf nie.
Hulle het nie Jehovah van die leërmagte gesoek nie.+
15 Die ouerman en die gerespekteerde persoon is die kop,
en die profeet wat valse onderrigting gee, is die stert.+
16 Die leiers van hierdie volk bring hulle op ’n dwaalspoor,
en dié wat gelei word, is verward.
17 Daarom sal Jehovah nie bly wees oor hulle jong manne nie,
en hy sal geen genade toon aan hulle weeskinders* en hulle weduwees nie,
want hulle is almal afvallig en doen wat sleg is,+
en almal praat onsin.
Weens alles wat hulle gedoen het, het sy woede nie bedaar nie,
maar sy hand is nog steeds uitgesteek om hulle te straf.+
18 Want goddeloosheid brand soos ’n vuur
en verteer doringbosse en onkruid.
Dit sal die digte bosse in die woud aan die brand steek,
en dit sal in rook opgaan.
19 Deur die woede van Jehovah van die leërmagte
is die land aan die brand gesteek,
en die volk sal deur die vuur verteer word.
Niemand sal selfs sy broer spaar nie.
20 Die een sal iets afsny aan die regterkant,
maar nog steeds honger wees,
en die ander sal iets aan die linkerkant eet,
maar nie versadig word nie.
Elkeen sal die vlees van sy eie arm eet.
21 Manasʹse sal Eʹfraim verslind,
en Eʹfraim vir Manasʹse.
Saam sal hulle teen Juda wees.+
Weens alles wat hulle gedoen het, het sy woede nie bedaar nie,
maar sy hand is nog steeds uitgesteek om hulle te straf.+