2 Timoteus

1 Paulus, ’n apostel van Christus Jesus deur God se wil+ volgens die belofte van die lewe+ wat in eenheid met Christus Jesus is,+ 2 aan Timoʹteus, ’n geliefde kind:+

Mag daar onverdiende goedhartigheid, barmhartigheid, vrede wees van God die Vader en Christus Jesus, ons Here.+

3 Ek is dankbaar teenoor God, aan wie ek net soos my voorvaders+ en met ’n skoon gewete+ heilige diens verrig,+ dat ek nooit ophou om in my smekinge aan jou te dink nie,+ terwyl ek nag en dag 4 verlang om jou te sien+ wanneer ek aan jou trane dink, sodat ek met vreugde vervul kan word. 5 Want ek herinner my die geloof+ wat sonder enige huigelary in jou is,+ en wat eers in jou grootmoeder Loʹïs en jou moeder Euniʹce gewoon het, maar waarvan ek die vaste vertroue het dat dit ook in jou is.

6 Juis om hierdie rede herinner ek jou daaraan om die gawe+ van God wat deur die oplegging van my hande in jou is,+ soos ’n vuur aan te wakker.+ 7 Want God het ons nie ’n gees van lafhartigheid gegee nie,+ maar van krag+ en van liefde en van gesonde verstand.+ 8 Moet jou dus nie skaam vir die getuienis aangaande ons Here nie,+ en ook nie vir my, ’n gevangene ter wille van hom nie,+ maar dra jou deel in die lyding+ van kwaad vir die goeie nuus ooreenkomstig die krag van God.+ 9 Hy het ons gered+ en ons geroep met ’n heilige roeping,+ nie op grond van ons werke nie,+ maar op grond van sy eie voorneme en onverdiende goedhartigheid. Ons is dit lank gelede in verband met Christus Jesus gegee,+ 10 maar nou is dit duidelik sigbaar gemaak deur die openbaarwording+ van ons Redder, Christus Jesus, wat die dood tot niet gemaak het+ maar lig+ op lewe+ en onverderflikheid+ gewerp het deur die goeie nuus,+ 11 waarvoor ek as ’n prediker en apostel en onderrigter aangestel is.+

12 Juis om hierdie rede ly+ ek ook hierdie dinge, maar ek skaam my nie.+ Want ek ken die een in wie ek geglo het, en ek het die vaste vertroue dat hy die pand wat ek aan hom toevertrou het, tot daardie dag+ toe kan bewaar.+ 13 Hou voortdurend vas aan die patroon van gesonde+ woorde wat jy van my gehoor het, met die geloof en liefde wat in verband met Christus Jesus is.+ 14 Bewaar hierdie goeie pand+ deur die heilige gees wat in ons woon.+

15 Dít weet jy, dat al die manne in die landstreek Asië+ hulle van my afgekeer het.+ Figeʹlus en Hermoʹgenes tel onder hulle. 16 Mag die Here barmhartigheid aan die huis van Onesiʹforus+ skenk, want hy het dikwels aan my verkwikking verskaf,+ en hy het hom nie vir my kettings geskaam nie.+ 17 Inteendeel, toe hy in Rome was, het hy naarstig na my gesoek en my gevind.+ 18 Mag die Here aan hom gee dat hy in dié dag+ barmhartigheid+ by Jehovah sal vind. En jy weet goed watter dienste hy alles in Eʹfese verrig het.