1 Johannes

2 My kindertjies, ek skryf hierdie dinge aan julle sodat julle nie ’n sonde begaan nie.+ En tog, as iemand ’n sonde begaan, het ons ’n helper+ by die Vader, Jesus Christus, ’n regverdige.+ 2 En hy is ’n soenoffer+ vir ons sondes,+ en tog nie net vir ons s’n nie,+ maar ook vir dié van die hele wêreld.+ 3 En hieraan weet ons dat ons hom leer ken het, naamlik as ons sy gebooie bly bewaar.+ 4 Hy wat sê: “Ek het hom leer ken”,+ en tog nie sy gebooie bewaar nie,+ is ’n leuenaar, en die waarheid is nie in hom nie.+ 5 Maar elkeen wat sy woord bewaar,+ waarlik, in hom is die liefde vir God tot volmaaktheid gebring.+ Hieraan weet ons dat ons in eenheid met hom is.+ 6 Hy wat sê dat hy in eenheid met hom bly,+ staan onder verpligting om self ook te bly wandel net soos hy gewandel het.+

7 Geliefdes, ek skryf nie aan julle ’n nuwe gebod nie, maar ’n ou gebod+ wat julle van die begin af gehad het.+ Hierdie ou gebod is die woord wat julle gehoor het. 8 Dan weer skryf ek aan julle ’n nuwe gebod, ’n feit wat in sy geval en in julle s’n waar is, want die duisternis+ gaan verby en die ware lig+ skyn reeds.

9 Hy wat sê dat hy in die lig is en tog sy broer haat,+ is tot nou toe in die duisternis.+ 10 Hy wat sy broer liefhet, bly in die lig,+ en daar is geen rede tot struikeling in sy geval nie.+ 11 Maar hy wat sy broer haat, is in die duisternis en wandel in die duisternis,+ en hy weet nie waarheen hy gaan nie,+ want die duisternis het sy oë verblind.

12 Ek skryf aan julle, kindertjies, omdat julle sondes ter wille van sy naam vergewe is.+ 13 Ek skryf aan julle, vaders, omdat julle hom leer ken het wat van die begin af is.+ Ek skryf aan julle, jong manne,+ omdat julle die bose oorwin het.+ Ek skryf aan julle, jong kinders,+ omdat julle die Vader leer ken het.+ 14 Ek skryf aan julle, vaders,+ omdat julle hom leer ken het wat van die begin af is.+ Ek skryf aan julle, jong manne, omdat julle sterk is+ en die woord van God in julle bly+ en julle die bose oorwin het.+

15 Moenie die wêreld of die dinge in die wêreld liefhê nie.+ As iemand die wêreld liefhet, is die liefde vir die Vader nie in hom nie;+ 16 want alles wat in die wêreld is+—die begeerte van die vlees+ en die begeerte van die oë+ en die spoggerige vertoon van ’n mens se lewensmiddele+—het nie hulle oorsprong by die Vader nie, maar het hulle oorsprong by die wêreld.+ 17 Wat meer is, die wêreld gaan verby en so ook sy begeerte,+ maar hy wat die wil+ van God doen, bly vir ewig.+

18 Jong kinders, dit is die laaste uur,+ en net soos julle gehoor het dat die antichris kom,+ het daar nou reeds baie antichriste opgestaan;+ waaruit ons te wete kom dat dit die laaste uur is. 19 Hulle het van ons uitgegaan, maar hulle was nie van ons soort nie;+ want as hulle van ons soort was, sou hulle by ons gebly het.+ Maar hulle het uitgegaan sodat dit aan die lig kon kom dat nie almal van ons soort is nie.+ 20 En julle het ’n salwing van die heilige;+ julle het almal kennis.+ 21 Ek skryf aan julle, nie omdat julle die waarheid nie ken nie,+ maar omdat julle dit ken,+ en omdat geen leuen sy oorsprong by die waarheid het nie.+

22 Wie is die leuenaar anders as die een wat ontken dat Jesus die Christus is?+ Dít is die antichris,+ die een wat die Vader en die Seun loën.+ 23 Elkeen wat die Seun loën, het ook nie die Vader nie.+ Hy wat die Seun bely,+ het ook die Vader.+ 24 Wat julle betref, laat wat julle van die begin af gehoor het, in julle bly.+ As wat julle van die begin af gehoor het, in julle bly, sal julle ook in eenheid+ met die Seun en in eenheid met die Vader bly.+ 25 En dít is die belofte wat hy self aan ons beloof het: die ewige lewe.+

26 Hierdie dinge skryf ek aan julle oor dié wat probeer om julle te mislei.+ 27 En wat julle betref, die salwing+ wat julle van hom ontvang het, bly in julle, en julle het nie nodig dat iemand julle leer nie;+ maar, soos die salwing wat van hom kom, julle van alles leer,+ en waaragtig is+ en geen leuen is nie, en net soos dit julle geleer het, moet julle in eenheid+ met hom bly. 28 Daarom, kindertjies,+ bly nou in eenheid+ met hom, sodat ons vrymoedigheid van spraak kan hê+ wanneer hy openbaar gemaak word+ en nie by sy teenwoordigheid+ beskaamd van hom hoef weg te gaan nie. 29 As julle weet dat hy regverdig is,+ kom julle te wete dat elkeen wat regverdigheid beoefen, uit hom gebore is.+