Spreuke

13 ’n Wyse seun aanvaar sy pa se dissipline,+

maar die spotter luister nie wanneer hy bestraf word nie.+

 2 Weens ’n man se woorde sal hy die goeie eet,+

maar dié wat bedrieglik is, smag na geweld.

 3 Die een wat ’n wag voor sy mond sit,* bewaar sy lewe,+

maar die een wat sy lippe wyd oopmaak, sal rampspoed ondervind.+

 4 Die luiaard wil baie dinge hê, tog het hy niks,+

maar die een wat hard werk, sal ’n oorvloed hê.+

 5 Die regverdige haat leuens,+

maar die dade van die goddelose bring skande en oneer.

 6 Regverdigheid beskerm die onskuldige,+

maar goddeloosheid lei tot die sondaar se ondergang.

 8 Rykdom is die losprys vir ’n ryk man se lewe,+

maar die arme word nie eers bedreig nie.*+

 9 Die lig van die regverdige skyn helder,+

maar die lamp van die goddeloses sal uitgedoof word.+

10 Vermetelheid* lei net tot onenigheid,+

maar wysheid behoort aan dié wat raad soek.*+

11 Rykdom wat vinnig verkry word, sal minder word,+

maar die rykdom van die een wat dit bietjie vir bietjie bymekaarmaak, sal meer word.

12 ’n Uitgestelde verwagting* maak die hart siek,+

maar ’n vervulde begeerte is ’n boom van die lewe.+

13 Die een wat onderrigting verwerp, sal die gevolge dra,+

maar die een wat die gebod respekteer, sal beloon word.+

15 Goeie insig wen die goedkeuring van ander,

maar die weg van dié wat bedrieglik is, sal moeilik wees.

16 ’n Verstandige persoon tree met kennis op,+

maar ’n dwaas openbaar sy dwaasheid.+

17 ’n Goddelose boodskapper beland in die moeilikheid,+

maar ’n betroubare boodskapper* bring genesing.+

18 Armoede en skande wag op enigiemand wat dissipline verwerp,

maar die een wat teregwysing aanvaar, sal eer ontvang.+

19 ’n Vervulde begeerte is vir ’n mens soet,+

maar die dwaas haat dit om weg te draai van wat sleg is.+

20 Die een wat met wyse persone assosieer, sal wys word,+

maar dit sal sleg gaan met die een wat met dwase te doen het.+

21 Sondaars word deur rampspoed agtervolg,+

maar die regverdiges word met voorspoed beloon.+

22 Iemand wat goed is, laat ’n erfenis na vir sy kleinkinders,

maar die sondaar se rykdom sal vir die regverdige bewaar word.+

23 Die geploegde grond van ’n arm man lewer baie kos op,

maar dit* kan deur ongeregtigheid weggevee word.

24 Die een wat sy seun nie dissiplineer nie,* haat hom,+

maar die een wat sy seun liefhet, dissiplineer hom wanneer dit nodig is.*+

25 Die regverdige eet en word versadig,+

maar die maag van die goddelose is leeg.+