NUMERI

1 UJehova wakhuluma noMose ehlane laseSinayi, + etendeni lokuhlangana, + ngosuku lokuqala lwenyanga yesibili, ngonyaka wesibili wokuphuma kwabo ezweni laseGibhithe. + Wathi: 2 “Balani + umuntu ngamunye* kuyo yonke inhlangano yama-Israyeli* ngokwemindeni yayo, ngokwezindlu zoyise, ngokwesibalo samagama abo bonke abesilisa. 3 Wena no-Aroni kufanele nibabhalise ngokwamaqembu* abo bonke abasukela eminyakeni engu-20 ubudala kuya phezulu + abangaya empini kwa-Israyeli.

4 “Thathani indoda eyodwa esizweni ngasinye; ngayinye izoba inhloko yendlu kayise. + 5 Yilawa amagama amadoda ayokuma nani: kwaRubeni, u-Elizuri + indodana kaShedewuri; 6 kwaSimeyoni, uShelumiyeli + indodana kaZurishadayi; 7 kwaJuda, uNaheshoni + indodana ka-Aminadaba; 8 kwa-Isakare, uNethaneli + indodana kaZuwari; 9 kwaZebhuloni, u-Eliyabe + indodana kaHeloni; 10 emadodaneni kaJosefa: kwa-Efrayimi, + u-Elishama indodana ka-Amihudi; kwaManase, uGamaliyeli indodana kaPhedazuri; 11 kwaBhenjamini, u-Abhidani + indodana kaGidiyoni; 12 kwaDani, u-Ahiyezeri + indodana ka-Amishadayi; 13 kwa-Asheri, uPhagiyeli + indodana ka-Okirani; 14 kwaGadi, u-Eliyasafa + indodana kaDehuweli; 15 kwaNafetali, u-Ahira + indodana ka-Enani. 16 Yilaba ababizwa enhlanganweni. Bayizikhulu + zezizwe zoyise, izinhloko zezinkulungwane zakwa-Israyeli.” +

17 Ngakho uMose no-Aroni bawathatha la madoda ayeshiwo ngamagama. 18 Baqoqa yonke inhlangano ngosuku lokuqala lwenyanga yesibili ukuze kubhaliswe umuntu ngamunye ngegama, ngokomndeni wakhe nangokwendlu kayise, kusukela kwabaneminyaka engu-20 ubudala kuya phezulu, + 19 njengoba nje uJehova ayemyalile uMose. Ngakho wababhalisa ehlane laseSinayi. +

20 Amadodana kaRubeni, uzalo lwezibulo lika-Israyeli, + abhaliswa ngamagama, ngokwemindeni yawo nangokwezindlu zoyise. Kwabalwa umuntu ngamunye kubo bonke abesilisa abaneminyaka esukela kwengu-20 ubudala kuya phezulu ababengaya empini, 21 inani lababhaliswa esizweni sakwaRubeni lalingu-46 500.

22 Uzalo lukaSimeyoni + lwabhaliswa ngamagama, ngokwemindeni yalo nangokwezindlu zoyise. Kwabalwa umuntu ngamunye kubo bonke abesilisa abaneminyaka esukela kwengu-20 ubudala kuya phezulu ababengaya empini, 23 inani lababhaliswa esizweni sakwaSimeyoni lalingu-59 300.

24 Uzalo lukaGadi + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 25 inani lababhaliswa esizweni sakwaGadi lalingu-45 650.

26 Uzalo lukaJuda + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 27 inani lababhaliswa esizweni sakwaJuda lalingu-74 600.

28 Uzalo luka-Isakare + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 29 inani lababhaliswa esizweni sakwa-Isakare lalingu-54 400.

30 Uzalo lukaZebhuloni + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 31 inani lababhaliswa esizweni sakwaZebhuloni lalingu-57 400.

32 Uzalo lukaJosefa ngo-Efrayimi + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 33 inani lababhaliswa esizweni sakwa-Efrayimi lalingu-40 500.

34 Uzalo lukaManase + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 35 inani lababhaliswa esizweni sakwaManase lalingu-32 200.

36 Uzalo lukaBhenjamini + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 37 inani lababhaliswa esizweni sakwaBhenjamini lalingu-35 400.

38 Uzalo lukaDani + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 39 inani lababhaliswa esizweni sakwaDani lalingu-62 700.

40 Uzalo luka-Asheri + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 41 inani lababhaliswa esizweni sakwa-Asheri lalingu-41 500.

42 Uzalo lukaNafetali + lwabhaliswa ngamagama, ngokwemindeni yalo nangokwezindlu zoyise. Kwabalwa bonke abesilisa abaneminyaka esukela kwengu-20 ubudala kuya phezulu ababengaya empini, 43 inani lababhaliswa esizweni sakwaNafetali lalingu-53 400.

44 Laba babhaliswa uMose no-Aroni kanye nezikhulu zakwa-Israyeli ezingu-12, ngasinye simelela indlu kayise. 45 Wonke ama-Israyeli asukela kwaneminyaka engu-20 ubudala kuya phezulu, ayengaya empini kwa-Israyeli, abhaliswa ngokwezindlu zoyise, 46 bonke ababhaliswa babengu-603 550. +

47 Kodwa amaLevi + awazange abhaliswe phakathi kwabo ngokwesizwe soyise. + 48 Ngakho uJehova wathi kuMose: 49 “Yisizwe sakwaLevi kuphela okungafanele usibhalise futhi inani laso akufanele ulihlanganise nelamanye ama-Israyeli. + 50 Kufanele ubeke amaLevi anakekele itabernakele lobuFakazi + nazo zonke izinto zalo nakho konke okungokwalo. + Ayothwala itabernakele nazo zonke izinto zalo, + akhonze kulo + futhi kumele amise amatende awo azungeze itabernakele. + 51 Noma nini lapho itabernakele kufanele lisuswe, amaLevi kufanele alehlise; + lapho itabernakele kufanele liphinde limiswe, amaLevi kufanele alimise; noma yimuphi umuntu ongagunyaziwe* osondela ngakulo kufanele abulawe. +

52 “UmIsrayeli ngamunye kufanele azigxumekele itende ekamu lakhe, indoda ngayinye ngokwesigaba sayo sezizwe ezintathu + ngamaqembu* awo. 53 AmaLevi kufanele agxumeke amatende awo azungeze itabernakele lobuFakazi, ukuze kungabi bikho ntukuthelo engase ivukele inhlangano yama-Israyeli; + amaLevi yiwo anesibopho sokunakekela* itabernakele lobuFakazi.” +

54 Ama-Israyeli akwenza konke uJehova ayekuyale uMose. Enza kanjalo nje.

2 Manje uJehova wakhuluma noMose no-Aroni, wathi: 2 “Ama-Israyeli kufanele amise amatende lapho kwabelwe khona izigaba zawo zezizwe ezintathu, + indoda ngayinye eduze kophawu lwendlu kayise. Kufanele amise amatende aqondane netende lokuhlangana, alizungeze.

3 “Labo abamise amatende abo ohlangothini olusempumalanga, kuyoba isigaba sezizwe ezintathu sekamu lakwaJuda ngokwamaqembu* aso; isikhulu sabantwana bakwaJuda uNaheshoni + indodana ka-Aminadaba. 4 Labo ababhaliswe ebuthweni lakhe bangu-74 600. + 5 Abayomisa amatende eceleni kwakhe kuyoba isizwe sakwa-Isakare; isikhulu sabantwana bakwa-Isakare uNethaneli + indodana kaZuwari. 6 Labo ababhaliswe ebuthweni lakhe bangu-54 400. + 7 Kolunye uhlangothi kunesizwe sakwaZebhuloni; isikhulu sabantwana bakwaZebhuloni u-Eliyabe + indodana kaHeloni. 8 Labo ababhaliswe ebuthweni lakhe bangu-57 400. +

9 “Bonke ababhaliswe emabuthweni ekamu lakwaJuda bangu-186 400. Kufanele basuke kuqala. +

10 “Isigaba sezizwe ezintathu sekamu lakwaRubeni + ngokwamaqembu* aso siyoba ngaseningizimu; isikhulu sabantwana bakwaRubeni u-Elizuri + indodana kaShedewuri. 11 Labo ababhaliswe ebuthweni lakhe bangu-46 500. + 12 Abayomisa amatende eceleni kwakhe kuyoba yisizwe sakwaSimeyoni; isikhulu sabantwana bakwaSimeyoni uShelumiyeli + indodana kaZurishadayi. 13 Labo ababhaliswe ebuthweni lakhe bangu-59 300. + 14 Ngakolunye uhlangothi kunesizwe sakwaGadi; isikhulu sabantwana bakwaGadi u-Eliyasafa + indodana kaRehuweli. 15 Labo ababhaliswe ebuthweni lakhe bangu-45 650. +

16 “Bonke ababhaliswe emabuthweni ekamu lakwaRubeni bangu-151 450, kufanele babe abesibili ukusuka. +

17 “Lapho itende lokuhlangana lisuswa, + ikamu lamaLevi kufanele libe phakathi kwamanye amakamu.

“Kufanele bahambe ngendlela efanayo nabamise ngayo amatende, + yilowo nalowo endaweni yakhe, ngokwezigaba zabo zezizwe ezintathu.

18 “Isigaba sezizwe ezintathu sekamu lakwa-Efrayimi ngokwamaqembu* aso siyoba ngasentshonalanga; isikhulu samadodana akwa-Efrayimi u-Elishama + indodana ka-Amihudi. 19 Labo ababhaliswe ebuthweni lakhe bangu-40 500. + 20 Eceleni kwakhe kuyoba yisizwe sakwaManase; + isikhulu sabantwana bakwaManase uGamaliyeli + indodana kaPhedazuri. 21 Labo ababhaliswe ebuthweni lakhe bangu-32 200. + 22 Ngakolunye uhlangothi kunesizwe sakwaBhenjamini; isikhulu sabantwana bakwaBhenjamini u-Abhidani + indodana kaGidiyoni. 23 Labo ababhaliswe ebuthweni lakhe bangu-35 400. +

24 “Bonke ababhaliswe emabuthweni ekamu lakwa-Efrayimi bangu-108 100, kufanele babe abesithathu ukusuka. +

25 “Isigaba sezizwe ezintathu sekamu lakwaDani ngokwamaqembu* aso siyoba ngasenyakatho; isikhulu sabantwana bakwaDani u-Ahiyezeri + indodana ka-Amishadayi. 26 Labo ababhaliswe ebuthweni lakhe bangu-62 700. + 27 Abayomisa amatende eceleni kwakhe kuyoba yisizwe sakwa-Asheri; isikhulu sabantwana bakwa-Asheri uPhagiyeli + indodana ka-Okirani. 28 Labo ababhaliswe ebuthweni lakhe bangu-41 500. + 29 Ngakolunye uhlangothi kunesizwe sakwaNafetali; isikhulu sabantwana bakwaNafetali u-Ahira + indodana ka-Enani. 30 Labo ababhaliswe ebuthweni lakhe bangu-53 400. +

31 “Bonke ababhaliswe ekamu lakwaDani bangu-157 600. Kufanele babe abokugcina ukusuka, + ngokwezigaba zabo zezizwe ezintathu.”

32 Lawa kwakungama-Israyeli ayebhaliswe ngokwezindlu zoyise; sebebonke ababebhaliselwe impi emakamu babengu-603 550. + 33 Kodwa amaLevi awazange abhaliswe + kanye namanye ama-Israyeli, + njengoba nje uJehova ayemyalile uMose. 34 Ama-Israyeli akwenza konke uJehova ayekuyale uMose. Yileyo ndlela amisa ngayo amatende ngokwezigaba zawo zezizwe ezintathu + futhi yileyo ndlela ayesuka ngayo, + yilowo nalowo ngokomndeni wakubo nangokwezindlu zoyise.

3 Lolu kwakuwuzalo* luka-Aroni noMose mhla uJehova ekhuluma noMose eNtabeni iSinayi. + 2 Yilawa amagama amadodana ka-Aroni: uNadabi izibulo, u-Abhihu, + u-Eleyazare + no-Itamari. + 3 Lawa kwakungamagama amadodana ka-Aroni, abapristi abagcotshiwe, ayebekwe ukuba akhonze njengabapristi. + 4 Nokho, uNadabi no-Abhihu bafa phambi kukaJehova lapho benikela ngomlilo ongagunyaziwe phambi kukaJehova + ehlane laseSinayi, futhi abazange babe namadodana. Kodwa u-Eleyazare + no-Itamari + baqhubeka bengabapristi kanye no-Aroni uyise.

5 UJehova wabe esethi kuMose: 6 “Sondeza isizwe sakwaLevi, + usimise phambi kuka-Aroni umpristi, simkhonze. + 7 Kufanele sigcine isibopho saso kuye nakuyo yonke inhlangano phambi kwetende lokuhlangana ngokwenza inkonzo yaso yasetabernakele. 8 Kufanele sinakekele zonke izinto + zetende lokuhlangana, sigcine nesibopho saso kuma-Israyeli ngokwenza inkonzo yasetabernakele. + 9 AmaLevi kufanele uwanike u-Aroni namadodana akhe. Anikwe yena njengezipho ezivela kuma-Israyeli. + 10 Kufanele umise u-Aroni namadodana akhe, kufanele benze imisebenzi yabo yobupristi + futhi noma imuphi umuntu ongagunyaziwe* osondelayo kufanele abulawe.” +

11 UJehova waqhubeka ekhuluma noMose, wathi: 12 “Kodwa mina, ngithatha amaLevi phakathi kwama-Israyeli esikhundleni sawo wonke amazibulo* ama-Israyeli, + amaLevi azoba ngawami. 13 Ngoba wonke amazibulo angawami. + Ngosuku engabulala ngalo wonke amazibulo ezweni laseGibhithe, + ngazingcwelisela wonke amazibulo akwa-Israyeli kusukela kumuntu kuya esilwaneni. + Kufanele abe ngawami. NginguJehova.”

14 UJehova waqhubeka ekhuluma noMose ehlane laseSinayi, + wathi: 15 “Bhalisa amadodana akwaLevi ngokwezindlu zoyise nangokwemindeni yawo. Kufanele ubhalise bonke abesilisa kusukela kwabanenyanga eyodwa ubudala kuya phezulu.” + 16 Ngakho uMose wawabhalisa ngokomyalo kaJehova, njengoba nje ayeyaliwe. 17 Lawa kwakungamagama amadodana kaLevi: uGereshoni, uKohati noMerari. +

18 Lawa kwakungamagama amadodana kaGereshoni ngokwemindeni yawo: uLibhini noShimeyi. +

19 Amadodana kaKohati ngokwemindeni yawo kwakungu-Amramu, u-Izihari, uHebroni no-Uziyeli. +

20 Amadodana kaMerari ngokwemindeni yawo kwakunguMaheli + noMushi. +

Lena kwakuyimindeni yamaLevi ngokwezindlu zoyise.

21 KuGereshoni kwavela umndeni wamaLibhini + nomndeni wamaShimeyi. Lena kwakuyimindeni yamaGereshoni. 22 Sebebonke abesilisa ababhalisiwe kubo ababenenyanga eyodwa ubudala kuya phezulu babengu-7 500. + 23 Imindeni yamaGereshoni yayimise amatende ngemva kwetabernakele + ngasentshonalanga. 24 Isikhulu sezindlu zoyise samaGereshoni kwakungu-Eliyasafa indodana kaLayeli. 25 Umsebenzi wamadodana kaGereshoni + etendeni lokuhlangana kwakuwukunakekela itabernakele netende, + isembozo salo, + ikhethini *+ lomnyango wetende lokuhlangana, 26 amakhethini alengayo + egceke, ikhethini *+ lesango legceke elizungeze itabernakele ne-altare, izintambo zalo zetende, nayo yonke inkonzo ehlobene nalezi zinto.

27 KuKohati kwavela umndeni wama-Amramu, umndeni wama-Izihari, umndeni wamaHebroni nomndeni wama-Uziyeli. Lena kwakuyimindeni yamaKohati. + 28 Sebebonke abesilisa abanenyanga eyodwa ubudala kuya phezulu babengu-8 600; umsebenzi wabo kwakuwukunakekela indawo engcwele. + 29 Imindeni yamadodana kaKohati yayimise amatende ohlangothini oluseningizimu lwetabernakele. + 30 Isikhulu sezindlu zoyise semindeni yamaKohati kwakungu-Elizafani indodana ka-Uziyeli. + 31 Imisebenzi yayo kwakuwukunakekela uMphongolo, + itafula, + uthi lwesibani, + ama-altare, + izinto + ezazisetshenziselwa ukukhonza endaweni engcwele, ikhethini *+ nayo yonke inkonzo ehlobene nalezi zinto. +

32 Isikhulu esiyinhloko samaLevi kwakungu-Eleyazare + indodana ka-Aroni umpristi, owayengamele labo ababenza imisebenzi yendawo engcwele.

33 KuMerari kwavela umndeni wamaMaheli nomndeni wamaMushi. Lena kwakuyimindeni kaMerari. + 34 Sebebonke abesilisa ababhalisiwe ababenenyanga eyodwa ubudala kuya phezulu babengu-6 200. + 35 Isikhulu sezindlu zoyise semindeni kaMerari kwakunguZuriyeli indodana ka-Abhihayili. Babemise amatende ohlangothini olungasenyakatho lwetabernakele. + 36 Umsebenzi wamadodana kaMerari kwakuwukwengamela izinhlaka zamapulangwe + zetabernakele, izingodo zalo, + izinsika zalo, + izisekelo zalo ezinezimbobo, zonke izinto zalo + nayo yonke inkonzo ehlobene nalezi zinto, + 37 kanye nezinsika ezazizungeze igceke, izisekelo zazo ezinezimbobo, + izikhonkwane zazo zetende nezintambo zazo zetende.

38 Labo ababemise amatende abo phambi kwetabernakele ngasempumalanga, phambi kwetende lokuhlangana ngalapho kuphuma khona ilanga, kwakunguMose no-Aroni namadodana akhe. Babenomthwalo wokunakekela indlu engcwele, njengesibopho ngenxa yama-Israyeli. Noma yimuphi umuntu ongagunyaziwe* osondelayo wayeyobulawa. +

39 Bonke abesilisa abangamaLevi abanenyanga eyodwa ubudala kuya phezulu, ababebhaliswe uMose no-Aroni ngokwemindeni yabo ngomyalo kaJehova babengu-22 000.

40 UJehova wabe esethi kuMose: “Bhalisa bonke abesilisa abangamazibulo kuma-Israyeli kusukela kwabanenyanga eyodwa ubudala kuya phezulu, + ubabale bese ubhala amagama abo. 41 Kumele ungithathele amaLevi—nginguJehova—esikhundleni sawo wonke amazibulo ama-Israyeli, + uthathe nezilwane ezifuywayo zamaLevi esikhundleni sawo wonke amazibulo ezilwane ezifuywayo zama-Israyeli.” + 42 UMose wawabhalisa wonke amazibulo aphakathi kwama-Israyeli, njengoba nje uJehova ayemyalile. 43 Sebebonke abesilisa abangamazibulo ababebhaliswe ngamagama kusukela kwabanenyanga eyodwa ubudala kuya phezulu babengu-22 273.

44 UJehova waqhubeka ekhuluma noMose, wathi: 45 “Thatha amaLevi esikhundleni sawo wonke amazibulo phakathi kwama-Israyeli, uthathe nezilwane ezifuywayo zamaLevi esikhundleni sezilwane zawo ezifuywayo, amaLevi kumele abe ngawami. NginguJehova. 46 Njengenani lesihlengo + labangu-273 emazibulweni ama-Israyeli, abedlula inani lamaLevi, + 47 kufanele uthathe amashekeli* amahlanu ngomuntu ngamunye, + ngokweshekeli elivamile lendawo engcwele.* Ishekeli lingamagera* angu-20. + 48 Le mali kufanele uyinike u-Aroni namadodana akhe njengenani lesihlengo lalabo abedlula inani lawo.” 49 Ngakho uMose wayithatha le mali yenani lesihlengo kulabo ababedlula inani lesihlengo lamaLevi. 50 Wayithatha le mali emazibulweni ama-Israyeli, amashekeli angu-1 365, ngokweshekeli elivamile lendawo engcwele. 51 Ngemva kwalokho uMose wayinika u-Aroni namadodana akhe le mali yenani lesihlengo ngokwezwi* likaJehova, njengoba nje uJehova ayemyalile uMose.

4 UJehova wakhuluma noMose no-Aroni, wathi: 2 “Kufanele kubalwe amadodana kaKohati + phakathi kwamadodana kaLevi, ngokwemindeni yawo nangokwezindlu zoyise, 3 wonke lawo aneminyaka engu-30 + kuya kwengu-50 ubudala + aseqenjini elabelwe ukusebenza etendeni lokuhlangana. +

4 “Lena inkonzo yamadodana kaKohati etendeni lokuhlangana. + Yinto engcwelengcwele: 5 Lapho ikamu lisuka, u-Aroni namadodana akhe kumele bangene behlise ikhethini + elilenga eduze komphongolo + wobuFakazi bawumboze ngalo. 6 Bayobeka isembozo sesikhumba semvu yamanzi phezu kwawo, bendlale indwangu eluhlaza okwesibhakabhaka phezu kwawo bafake nezinduku zawo zokuwuthwala. +

7 “Bayondlala nendwangu eluhlaza okwesibhakabhaka phezu kwetafula lesinkwa sokubukwa, + babeke phezu kwalo izindishi, izindebe, izitsha, nojeke bomnikelo ophuzwayo; + phezu kwalo kufanele kuhlale kunomnikelo wesinkwa + wasikhathi sonke. 8 Bayondlala indwangu ebomvu phezu kwako, balimboze ngesembozo sesikhumba semvu yamanzi bafake nezinduku zokulithwala. + 9 Bayobe sebethatha indwangu eluhlaza okwesibhakabhaka bamboze uthi lwesibani + sokukhanyisa kanye nezibani zalo, + izindlawu zalo zokucisha* ilangabi, imicengezi yalo yomlilo, + nazo zonke izitsha zalo zamafutha asetshenziselwa ukulunakekela. 10 Kumele balusonge nazo zonke izinto zalo ngesembozo sesikhumba semvu yamanzi bakubeke ogodweni lokukuthwala. 11 Phezu kwe-altare legolide + bayondlala indwangu eluhlaza okwesibhakabhaka, balimboze ngesembozo sesikhumba semvu yamanzi, bafake izinduku zokulithwala. + 12 Ngemva kwalokho bayothatha zonke izinto + zenkonzo abakhonza ngazo njalo endaweni engcwele, bazibeke endwangwini eluhlaza okwesibhakabhaka bese bezimboza ngesembozo sesikhumba semvu yamanzi bazibeke ogodweni lokuzithwala.

13 “Kufanele basuse umlotha* e-altare, + bendlale indwangu yoboya obuphephuli phezu kwalo. 14 Bayobeka phezu kwalo zonke izinto zalo abazisebenzisa lapho bekhonza e-altare: imicengezi yomlilo, izimfoloko, amahalavu, izitsha nazo zonke izinto ze-altare; + kufanele bendlale phezu kwalo isembozo sesikhumba semvu yamanzi, bafake izinduku zalo zokulithwala. +

15 “U-Aroni namadodana akhe kumele babe sebeqedile ukumboza indawo engcwele + nazo zonke izinto zendawo engcwele lapho ikamu lisuka. Ngemva kwalokho amadodana kaKohati ayongena ukuze akuthwale, + kodwa akumele athinte indawo engcwele ngoba ayokufa. + Lezi zinto ziwumsebenzi* wamadodana kaKohati ngokuqondene netende lokuhlangana.

16 “Umsebenzi ka-Eleyazare + indodana ka-Aroni umpristi ukwengamela amafutha ezibani, + impepho enamakha, + umnikelo wokudla okusanhlamvu owenziwa njalo namafutha okugcoba. + Wengamele lonke itabernakele nakho konke okukulo, okuhlanganisa nendawo engcwele nezinto zalo.”

17 UJehova waqhubeka ekhuluma noMose no-Aroni, wathi: 18 “Ningavumi ukuba isizwe semindeni yamaKohati + sife phakathi kwamaLevi. 19 Kodwa senzeleni lokhu ukuze siqhubeke siphila singafi ngenxa yokusondela ezintweni ezingcwelengcwele. + U-Aroni namadodana akhe bayongena babele umuntu ngamunye kuso umsebenzi wakhe nalokho azokuthwala. 20 Akumele singene sibone izinto ezingcwele ngisho nesikhashana nje, ngoba sizofa.” +

21 UJehova wabe esekhuluma noMose, wathi: 22 “Kufanele kubalwe amadodana kaGereshoni + ngokwezindlu zoyise nangokwemindeni yawo. 23 Kufanele ubhalise wonke aneminyaka engu-30 kuya kwengu-50 ubudala aseqenjini elabelwe ukukhonza etendeni lokuhlangana. 24 Nakhu imindeni yamaGereshoni eyabelwe ukuba ikwenze nokuba ikuthwale: + 25 Izothwala izindwangu zetende zetabernakele, + itende lokuhlangana, isembozo salo nesembozo sesikhumba semvu yamanzi esiphezu kwalo, + ikhethini* lomnyango wetende lokuhlangana, + 26 amakhethini alengayo egceke, + ikhethini* lesango legceke + elizungeza itabernakele ne-altare, izintambo zako zamatende nazo zonke izinto zako, nazo zonke izinto okwenziwa ngazo inkonzo yalo. Lesi isabelo sayo. 27 Yonke inkonzo nemithwalo yamaGereshoni + kufanele yenganyelwe u-Aroni namadodana akhe; niyowabela yonke le mithwalo njengomsebenzi wawo. 28 Lena inkonzo okumele yenziwe imindeni yamaGereshoni etendeni lokuhlangana, + futhi imisebenzi yawo iqondiswa u-Itamari + indodana ka-Aroni umpristi.

29 “Amadodana kaMerari + uyowabhalisa ngokwemindeni yawo nangokwezindlu zoyise. 30 Uyobhalisa aneminyaka engu-30 kuya kwengu-50 ubudala, wonke aseqenjini elabelwe ukukhonza etendeni lokuhlangana. 31 Nakhu anesibopho sokukuthwala + ngokuqondene nenkonzo yawo etendeni lokuhlangana: izinhlaka zamapulangwe + zetabernakele, izingodo zalo, + izinsika zalo, + izisekelo zalo ezinezimbobo; + 32 izinsika + ezizungeze igceke, izisekelo zazo ezinezimbobo, + izikhonkwane zazo zetende, + izintambo zazo zetende kanye nazo zonke izimpahla zazo nayo yonke inkonzo ehlobene nalezi zinto. Uyokwabela umuntu ngamunye lokho azokuthwala. 33 Lena indlela imindeni yamadodana kaMerari + okufanele ikhonze ngayo etendeni lokuhlangana, iqondiswa u-Itamari indodana ka-Aroni umpristi.” +

34 UMose no-Aroni nezikhulu + zenhlangano babe sebebhalisa amadodana amaKohati + ngokwemindeni yawo nangokwezindlu zoyise, 35 wonke aneminyaka engu-30 kuya kwengu-50 ubudala aseqenjini elabelwe ukukhonza etendeni lokuhlangana. + 36 Sebebonke ababhaliswa ngokwemindeni yabo babengu-2 750. + 37 Laba babhaliswa emindenini yamaKohati, bonke labo ababekhonza etendeni lokuhlangana. UMose no-Aroni bababhalisa ngokomyalo kaJehova ngoMose. +

38 Amadodana kaGereshoni + abhaliswa ngokwemindeni yawo nangokwezindlu zoyise, 39 wonke aneminyaka engu-30 kuya kwengu-50 ubudala aseqenjini elabelwe ukukhonza etendeni lokuhlangana. 40 Ingqikithi yalabo ababhaliswa ngokwemindeni yabo nangokwezindlu zoyise yayingu-2 630. + 41 Yilaba ababhaliswa emindenini yamadodana kaGereshoni, bonke labo ababekhonza etendeni lokuhlangana. UMose no-Aroni bababhalisa ngokomyalo kaJehova. +

42 Amadodana kaMerari abhaliswa ngokwemindeni yawo nangokwezindlu zoyise, 43 wonke aneminyaka engu-30 kuya kwengu-50 ubudala aseqenjini elabelwe ukukhonza etendeni lokuhlangana. + 44 Ingqikithi yalabo ababhaliswa kubo ngokwemindeni yabo yayingu-3 200. + 45 Yilaba ababhaliswa emindenini yamadodana akwaMerari, uMose no-Aroni abababhalisa ngokomyalo kaJehova ngoMose. +

46 UMose no-Aroni nezikhulu zakwa-Israyeli babhalisa wonke la maLevi ngokwemindeni yawo nangokwezindlu zoyise; 47 ayeneminyaka engu-30 kuya kwengu-50 ubudala, wonke ayabelwe ukukhonza nokuthwala imithwalo ngokuqondene netende lokuhlangana. + 48 Ingqikithi yalabo ababhaliswa yayingu-8 580. + 49 Babhaliswa ngokomyalo kaJehova ngoMose, yilowo nalowo ngokwenkonzo yakhe ayabelwe nomthwalo wakhe; babhaliswa njengoba nje uJehova ayemyalile uMose.

5 UJehova waqhubeka wathi kuMose: 2 “Yala ama-Israyeli ukuba akhiphele ngaphandle kwekamu wonke umuntu onochoko + nawo wonke umuntu ophuma ukungcola esithweni sangasese + nawo wonke umuntu ongcoliswe umuntu* oshonile. + 3 Kungakhathaliseki ukuthi owesilisa noma owesifazane, kufanele nibakhiphele ngaphandle. Kufanele nibakhiphele ngaphandle kwekamu, ukuze bangangcolisi + amakamu alabo engihlala phakathi kwabo.” *+ 4 Ngakho ama-Israyeli enza kanjalo, abakhiphela ngaphandle kwekamu. Njengoba nje uJehova ayemtshelile uMose, enza kanjalo nje ama-Israyeli.

5 UJehova waqhubeka wathi kuMose: 6 “Khuluma nama-Israyeli uthi, ‘Uma owesilisa noma owesifazane enza noma yisiphi isono kwezenziwa abantu futhi enza isenzo sokungathembeki kuJehova, lowo muntu usenecala. + 7 Kumele asivume *+ isono asenzile,* abuyisele inani eliphelele libe isinxephezelo secala lakhe bese enezela okwesihlanu kwalelo nani; + akunike lowo amonile. 8 Kodwa uma owoniwe engenaso isihlobo esiseduze esingamukela isinxephezelo, kufanele sibuyiselwe kuJehova sibe esompristi, ngaphandle kwenqama yokuhlawulelwa ayomenzela ngayo isihlawulelo. +

9 “‘Wonke umnikelo + ongcwele ovela kuma-Israyeli olethwa kumpristi kufanele kube owakhe. + 10 Izinto ezingcwele zomuntu ngamunye ziyohlala zingezakhe. Noma yini umuntu ayinika umpristi, leyo nto iyoba eyompristi.’”

11 UJehova waqhubeka wakhuluma noMose, wathi: 12 “Khuluma nama-Israyeli uthi kuwo, ‘Nakhu okufanele kwenziwe uma noma iyiphi inkosikazi yendoda iphambuka ingathembeki kuyo 13 futhi enye indoda ilala nayo, + kodwa umyeni wayo engazi futhi kuhlale kungaziwa, nokho owesifazane yena ezingcolisile kodwa kungekho fakazi, engazange abanjwe: 14 Kungakhathaliseki ukuthi umyeni unesikhwele nezinsolo ngokwethembeka komkakhe lapho ezingcolisile, noma unesikhwele nezinsolo ngokwethembeka komkakhe lapho engazingcolisanga, 15 leyo ndoda kumele ilethe umkayo kumpristi, ilethe nomnikelo womkayo, okweshumi kwe-efa* likafulawa webhali. Akumele ithele amafutha kuwo noma ifake inhlaka yempepho kuwo, ngoba kungumnikelo wokudla okusanhlamvu wesikhwele, umnikelo wokudla okusanhlamvu oyisikhumbuzo ngecala.

16 “‘Umpristi uyomsondeza phambili lona wesifazane, ammise phambi kukaJehova. + 17 Umpristi uyothatha amanzi angcwele ngesitsha sobumba, athathe uthuli phansi etabernakele alufake emanzini. 18 Umpristi uyomisa lona wesifazane phambi kukaJehova, asuse iduku lokushuqula ekhanda lowesifazane, abeke ezandleni zowesifazane umnikelo wokudla okusanhlamvu wesikhumbuzo, okuwukuthi, umnikelo wokudla okusanhlamvu wesikhwele, + futhi umpristi uyoba namanzi ababayo esiqalekiso esandleni sakhe. +

19 “‘Umpristi uyobe esemfungisa owesifazane, athi kuye: “Uma kungekho ndoda elale nawe njengoba ushade nomyeni wakho + futhi ungazange uphambuke wazingcolisa, kwangathi ungakhululeka emphumeleni wala manzi ababayo esiqalekiso. 20 Kodwa uma uphambukile njengoba ushade nomyeni wakho ngokuzingcolisa, futhi uye walala nenye indoda + engeyena umyeni wakho—” 21 Umpristi uyobe esefungisa lona wesifazane isifungo esinesiqalekiso, athi kowesifazane: “Kwangathi uJehova angenza ukuba igama lakho lisetshenziswe lapho kuqalekiswa nalapho kufungwa phakathi kwabantu bakini, njengoba uJehova enza ukuba ithanga* lakho liwe* nesisu sakho sikhukhumale. 22 La manzi esiqalekiso ayongena emathunjini akho ukuze enze isisu sakho sikhukhumale nethanga* lakho liwe.”* Owesifazane kufanele athi: “Amen! Amen!”*

23 “‘Umpristi kufanele azibhale encwadini lezi ziqalekiso, azesulele emanzini ababayo. 24 Uyobe esephuzisa lona wesifazane lawo manzi, angene ngaphakathi kuye ambangele ubuhlungu. 25 Umpristi kufanele athathe umnikelo wokudla okusanhlamvu wesikhwele + esandleni sowesifazane, awuzulise phambi kukaJehova futhi awusondeze e-altare. 26 Umpristi uyocaphuna umnikelo wokudla okusanhlamvu njengomelela wonke umnikelo, awushunqise phezu kwe-altare, + ngemva kwalokho aphuzise lona wesifazane la manzi. 27 Lapho emphuzisa la manzi, uma eye wazingcolisa futhi wenza isenzo sokungathembeki kumyeni wakhe, amanzi esiqalekiso ayongena ngaphakathi kuye ambangele ubuhlungu, isisu sakhe siyokhukhumala, ithanga* lakhe liwe,* lona wesifazane kumele abe isiqalekiso phakathi kwabantu bakubo. 28 Nokho, uma owesifazane engazange azingcolise futhi ehlanzekile, uyobe esekhululeka esijezisweni esinjalo, uyokwazi ukukhulelwa abe nabantwana.

29 “‘Nawu umthetho ophathelene nesikhwele, + lapho owesifazane engase aphambuke njengoba eshade nomyeni wakhe, 30 noma lapho indoda iba nesikhwele nezinsolo zokuthi umkayo akathembekile kuyo; kufanele imise umkayo phambi kukaJehova, umpristi kumele enze wonke lo mthetho kuye. 31 Indoda ngeke ibe necala, kodwa umkayo uyophendula ngenxa yecala lakhe.’”

6 UJehova waqhubeka wathi kuMose: 2 “Khuluma nama-Israyeli uthi kuwo, ‘Uma owesilisa noma owesifazane enza isifungo esikhethekile sokuphila njengomNaziri *+ kuJehova, 3 kufanele adede ewayinini nakwezinye izinhlobo zotshwala. Akufanele aphuze uviniga wewayini noma uviniga wanoma yibuphi utshwala. + Akufanele aphuze noma yiluphi uketshezi olwenziwe ngamagilebhisi, noma adle amagilebhisi, kungakhathaliseki ukuthi masha noma omisiwe. 4 Zonke izinsuku zobuNaziri bakhe kufanele angadli lutho olwenziwe ngamagilebhisi, kusukela kwangavuthiwe kuze kube semakhasini.

5 “‘Zonke izinsuku zesifungo sobuNaziri bakhe akufanele ikhanda lakhe liphucwe. + Kufanele abe ngcwele ngokuyeka izinwele zekhanda lakhe zikhule kuze kuphele izinsuku ahlukaniselwe uJehova ngazo. 6 Akufanele asondele kumuntu* ofile phakathi nazo zonke izinsuku ahlukaniselwe uJehova ngazo. 7 Ngisho noma kungashona uyise noma unina noma umfowabo noma udadewabo, akufanele azingcolise + ngoba uphawu lobuNaziri bakhe kuNkulunkulu wakhe lusekhanda lakhe.

8 “‘Zonke izinsuku zobuNaziri bakhe ungcwele kuJehova. 9 Kodwa uma kungenzeka othile afe ngokuzumayo eceleni kwakhe + angcolise izinwele eziwuphawu lokuhlukaniselwa kwakhe uNkulunkulu,* kumele aphuce ikhanda lakhe + ngosuku ahlanzwa ngalo. Kufanele aliphuce ngosuku lwesikhombisa. 10 Ngosuku luka-8 kufanele alethe amahobhe amabili noma amaphuphu amabili amajuba kumpristi emnyango wetende lokuhlangana. 11 Umpristi uyolungisa elinye libe umnikelo wesono nelinye libe umnikelo oshiswayo, amenzele isihlawulelo ngenxa yesono sakhe + ngokuqondene nomuntu ofile. Ngemva kwalokho kumele angcwelise ikhanda lakhe ngalolo suku. 12 Kumele aphinde azihlukanisele uJehova ngezinsuku zobuNaziri bakhe, futhi uyoletha iwundlu leduna elingakawuqedi unyaka libe umnikelo wecala. Nokho, izinsuku zangaphambili ngeke zibalwe ngoba wabungcolisa ubuNaziri bakhe.

13 “‘Nawu umthetho ophathelene nomNaziri: Lapho kuphela izinsuku zobuNaziri bakhe, + uyolethwa emnyango wetende lokuhlangana. 14 Kumele awulethe lapho umnikelo wakhe kuJehova: iwundlu leduna eliphile kahle elingakawuqedi unyaka lizoba umnikelo oshiswayo, + iwundlu elilodwa lensikazi eliphile kahle elingakawuqedi unyaka lizoba umnikelo wesono, + inqama eyodwa ephile kahle izoba umhlatshelo ohlanganyelwayo, + 15 ubhasikidi wolofu bezinkwa ezingenamvubelo abamise okwesongo abenziwe ngofulawa ocolekile oxutshwe namafutha, nezingcezwana ezingenamvubelo ezigcotshwe ngamafutha, nomnikelo wako wokudla okusanhlamvu + neminikelo yako ephuzwayo. + 16 Umpristi uyokuletha phambi kukaJehova anikele umnikelo wakhe wesono nomnikelo wakhe oshiswayo. 17 Uyonikela kuJehova ngenqama ibe umhlatshelo ohlanganyelwayo kanye nobhasikidi wolofu bezinkwa ezingenamvubelo, umpristi uyoletha umnikelo wayo wokudla okusanhlamvu + nomnikelo wayo ophuzwayo.

18 “‘Ngemva kwalokho, umNaziri kumele aphuce ikhanda lakhe *+ emnyango wetende lokuhlangana, athathe izinwele zekhanda ezikhule ngesikhathi sobuNaziri bakhe azifake emlilweni ongaphansi komhlatshelo ohlanganyelwayo. 19 Umpristi kumele athathe isiphanga esibilisiwe + senqama, ulofu wesinkwa esingenamvubelo esimise okwesongo kubhasikidi nocezwana olulodwa lwesinkwa esingenamvubelo, akubeke ezandleni zomNaziri ngemva kokuba esephuce uphawu lobuNaziri bakhe. 20 Umpristi kumele akuzulise njengomnikelo ozuliswayo phambi kukaJehova. + Kuyinto engcwele yompristi, kanye nesifuba somnikelo ozuliswayo nomlenze womnikelo. + Ngemva kwalokho, umNaziri angaliphuza iwayini.

21 “‘Nawu umthetho ngomNaziri + owenza isifungo: Uma enza isifungo futhi enawo amandla okwenza umnikelo kuJehova ongaphezu kwalokho okufuneka kumaNaziri, kumele afeze isifungo sakhe ngenxa yomthetho wobuNaziri bakhe.’”

22 UJehova wabe esethi kuMose: 23 “Khuluma no-Aroni namadodana akhe, uthi, ‘Nansi indlela okufanele nibusise + ngayo abantu bakwa-Israyeli. Nithi kubo:

24 “Kwangathi uJehova angakubusisa + futhi akulonde.

25 Kwangathi uJehova angenza ubuso bakhe bukhanye kuwe + futhi kwangathi angaba nomusa kuwe.

26 Kwangathi uJehova angaphakamisela ubuso bakhe kuwe, akunike ukuthula.”’ +

27 Kumele babeke igama lami phezu kwabantu bakwa-Israyeli + ukuze ngibabusise.” +

7 Ngosuku uMose aqeda ngalo ukumisa itabernakele, + waligcoba + walingcwelisa kanye nayo yonke impahla yalo, i-altare nazo zonke izinto zalo. + Lapho esezigcobile futhi wazingcwelisa lezi zinto, + 2 izikhulu zakwa-Israyeli, + izinhloko zezindlu zoyise, zenza umnikelo. Lezi zikhulu zezizwe ezazengamele ukubhaliswa, 3 zaletha phambi kukaJehova umnikelo wazo wezinqola eziyisithupha ezivalekile nezinkabi ezingu-12, inqola eyodwa ezikhulwini ezimbili nenkunzi* eyodwa yesikhulu ngasinye; zakuletha phambi kwetabernakele. 4 UJehova wathi kuMose: 5 “Yamukela lezi zinto kuzo, njengoba zizosetshenziswa ekwenzeni inkonzo yetende lokuhlangana, kufanele uzinike amaLevi, ngamunye ngokwalokho akudinga emsebenzini wakhe.”

6 Ngakho uMose wazamukela izinqola nezinkomo, wazinika amaLevi. 7 Izinqola ezimbili nezinkomo ezine wazinika amadodana kaGereshoni ngokwalokho okwakudingeka emisebenzini yawo; + 8 izinqola ezine nezinkomo ezingu-8 wazinika amadodana kaMerari ngokwalokho okwakudingeka emisebenzini yawo, eqondiswa u-Itamari indodana ka-Aroni umpristi. + 9 Kodwa amadodana kaKohati akawanikanga lutho ngoba imisebenzi yawo yayihilela inkonzo yendawo engcwele, + futhi ayethwala izinto ezingcwele emahlombe awo. +

10 Manje izikhulu zaletha umnikelo wazo ekuvulweni *+ kwe-altare ngosuku elagcotshwa ngalo. Lapho izikhulu ziletha umnikelo wazo phambi kwe-altare, 11 uJehova wathi kuMose: “Ngezinsuku ezilandelanayo, isikhulu ngasinye ngosuku ngalunye sizoletha umnikelo waso wokuvulwa kwe-altare.”

12 Owaletha umnikelo wakhe ngosuku lokuqala kwaba uNaheshoni + indodana ka-Aminadaba wesizwe sakwaJuda. 13 Umnikelo wakhe kwakuyindishi eyodwa yesiliva enesisindo esingamashekeli* angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, *+ kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 14 indebe* eyodwa yegolide enesisindo esingamashekeli ayishumi, igcwele impepho; 15 ithole elilodwa leduna, inqama eyodwa newundlu elilodwa leduna elingakawuqedi unyaka komnikelo oshiswayo; + 16 izinyane elilodwa lembuzi lomnikelo wesono; + 17 okomhlatshelo ohlanganyelwayo, + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo kaNaheshoni indodana ka-Aminadaba. +

18 Ngosuku lwesibili uNethaneli + indodana kaZuwari, isikhulu sakwa-Isakare, waletha umnikelo. 19 Waletha umnikelo wakhe oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 20 indebe eyodwa yegolide enesisindo esingamashekeli ayishumi, igcwele impepho; 21 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 22 izinyane elilodwa lembuzi lomnikelo wesono; + 23 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo kaNethaneli indodana kaZuwari.

24 Ngosuku lwesithathu, isikhulu samadodana akwaZebhuloni, u-Eliyabe + indodana kaHeloni, 25 saletha umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 26 indebe eyodwa yegolide enesisindo esingamashekeli ayishumi, igcwele impepho; 27 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 28 izinyane elilodwa lembuzi lomnikelo wesono; + 29 okomhlatshelo ohlanganyelwayo + yizinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Eliyabe + indodana kaHeloni.

30 Ngosuku lwesine, isikhulu samadodana akwaRubeni, u-Elizuri + indodana kaShedewuri, 31 saletha umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 32 indebe eyodwa yegolide enesisindo esingamashekeli ayishumi, igcwele impepho; 33 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 34 izinyane elilodwa lembuzi lomnikelo wesono; + 35 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Elizuri + indodana kaShedewuri.

36 Ngosuku lwesihlanu isikhulu samadodana akwaSimeyoni, uShelumiyeli + indodana kaZurishadayi, 37 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 38 indebe eyodwa yegolide enesisindo esingamashekeli ayishumi, igcwele impepho; 39 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 40 izinyane elilodwa lembuzi lomnikelo wesono; + 41 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo kaShelumiyeli + indodana kaZurishadayi.

42 Ngosuku lwesithupha, isikhulu samadodana akwaGadi, u-Eliyasafa + indodana kaDehuweli, 43 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 44 indebe eyodwa yegolide enesisindo esingamashekeli ayishumi, igcwele impepho; 45 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 46 izinyane elilodwa lembuzi lomnikelo wesono; + 47 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Eliyasafa + indodana kaDehuweli.

48 Ngosuku lwesikhombisa isikhulu samadodana akwa-Efrayimi, u-Elishama + indodana ka-Amihudi, 49 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 50 indebe eyodwa yegolide enesisindo esingamashekeli ayishumi, igcwele impepho; 51 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 52 izinyane elilodwa lembuzi lomnikelo wesono; + 53 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Elishama + indodana ka-Amihudi.

54 Ngosuku luka-8 isikhulu samadodana akwaManase, uGamaliyeli + indodana kaPhedazuri, 55 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 56 indebe eyodwa yegolide enesisindo esingamashekeli ayishumi, igcwele impepho; 57 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 58 izinyane elilodwa lembuzi lomnikelo wesono; + 59 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo kaGamaliyeli + indodana kaPhedazuri.

60 Ngosuku luka-9 isikhulu + samadodana akwaBhenjamini, u-Abhidani + indodana kaGidiyoni, 61 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 62 indebe eyodwa yegolide enesisindo esingamashekeli ayishumi, igcwele impepho; 63 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 64 izinyane elilodwa lembuzi lomnikelo wesono; + 65 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Abhidani + indodana kaGidiyoni.

66 Ngosuku lweshumi isikhulu samadodana akwaDani, u-Ahiyezeri + indodana ka-Amishadayi, 67 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 68 indebe eyodwa yegolide enesisindo esingamashekeli ayishumi, igcwele impepho; 69 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 70 izinyane elilodwa lembuzi lomnikelo wesono; + 71 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Ahiyezeri + indodana ka-Amishadayi.

72 Ngosuku luka-11 isikhulu samadodana akwa-Asheri, uPhagiyeli + indodana ka-Okirani, 73 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 74 indebe eyodwa yegolide enesisindo esingamashekeli ayishumi, igcwele impepho; 75 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 76 izinyane elilodwa lembuzi lomnikelo wesono; + 77 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo kaPhagiyeli + indodana ka-Okirani.

78 Ngosuku luka-12 isikhulu samadodana akwaNafetali, u-Ahira + indodana ka-Enani, 79 senza umnikelo waso oyindishi eyodwa yesiliva enesisindo esingamashekeli angu-130, isitsha esisodwa sesiliva esinesisindo esingamashekeli angu-70 ngokweshekeli elivamile lendawo engcwele, + kokubili kugcwele ufulawa ocolekile oxutshwe namafutha, womnikelo wokudla okusanhlamvu; + 80 indebe eyodwa yegolide enesisindo esingamashekeli ayishumi, igcwele impepho; 81 ithole elilodwa leduna, inqama eyodwa newundlu elilodwa leduna elingakawuqedi unyaka, komnikelo oshiswayo; + 82 izinyane elilodwa lembuzi lomnikelo wesono; + 83 okomhlatshelo ohlanganyelwayo + izinkomo ezimbili, izinqama ezinhlanu, izimpongo ezinhlanu namawundlu amahlanu angamaduna, ngalinye linonyaka owodwa ubudala. Lokhu kwakuwumnikelo ka-Ahira + indodana ka-Enani.

84 Lona kwakuwumnikelo wokuvulwa + kwe-altare wezikhulu zakwa-Israyeli ngesikhathi ligcotshwa: izindishi ezingu-12 zesiliva, izitsha ezingu-12 zesiliva, izindebe ezingu-12 zegolide; + 85 indishi ngayinye yesiliva inesisindo esingamashekeli angu-130, isitsha ngasinye sinesisindo esingamashekeli angu-70, lonke isiliva lezitsha lingamashekeli angu-2 400 ngokweshekeli elivamile lendawo engcwele; + 86 izindebe ezingu-12 zegolide ezigcwele impepho, ngayinye inesisindo esingamashekeli ayishumi ngokweshekeli elivamile lendawo engcwele, lonke igolide lezindebe lingamashekeli angu-120. 87 Zonke izinkomo zomnikelo oshiswayo zaziyizinkunzi ezingu-12, izinqama ezingu-12, amawundlu angamaduna angu-12, ngalinye linonyaka owodwa ubudala neminikelo yako yokudla okusanhlamvu, namazinyane ezimbuzi angu-12 omnikelo wesono; 88 zonke izinkomo zomhlatshelo ohlanganyelwayo zaziyizinkunzi ezingu-24, izinqama ezingu-60, izimpongo ezingu-60 namawundlu angamaduna angu-60, ngalinye linonyaka owodwa ubudala. Lokhu kwakuwumnikelo wokuvulwa + kwe-altare ngemva kokugcotshwa kwalo. +

89 Noma nini lapho uMose engena etendeni lokuhlangana eyokhuluma noNkulunkulu, + wayezwa izwi likhuluma naye livela phezu kwesembozo + somphongolo wobuFakazi, livela phakathi kwamakherubi amabili; + uNkulunkulu wayekhuluma naye.

8 UJehova wakhuluma noMose, wathi: 2 “Khuluma no-Aroni uthi kuye, ‘Lapho ukhanyisa izibani, izibani eziyisikhombisa kufanele zikhanyise indawo ephambi kothi lwesibani.’” + 3 Ngakho u-Aroni wenza lokhu: Wakhanyisa izibani zalo ukuze zikhanyise indawo ephambi kothi lwesibani, + njengoba nje uJehova ayemyalile uMose. 4 Nansi indlela okwakwenziwe ngayo uthi lwesibani: Lwalwenziwe ngegolide kusetshenziswa isando; kusukela esiqwini salo kuya ezimbalini zalo lalenziwe ngesando. + Uthi lwesibani lwalwenziwe ngokuvumelana nombono + uJehova ayewubonise uMose.

5 UJehova waphinde wakhuluma noMose, wathi: 6 “Thatha amaLevi kuma-Israyeli, uwahlanze. + 7 Nansi indlela okufanele uwahlanze ngayo: Fafaza amanzi ahlanza isono phezu kwawo, kumele aphuce wonke umzimba, awashe izingubo zawo azihlanze nawo. + 8 Ngemva kwalokho azothatha ithole leduna + nomnikelo walo wokudla okusanhlamvu + kafulawa ocolekile oxutshwe namafutha, uzobe usuthatha elinye ithole leduna libe elomnikelo wesono. + 9 Kufanele ulethe amaLevi phambi kwetende lokuhlangana, uqoqele ndawonye yonke inhlangano yama-Israyeli. + 10 Lapho uletha amaLevi phambi kukaJehova, ama-Israyeli kufanele abeke izandla zawo phezu kwamaLevi. + 11 U-Aroni kumele anikele* amaLevi phambi kukaJehova njengomnikelo ozuliswayo + ovela kuma-Israyeli, futhi wona kumele enze inkonzo kaJehova. +

12 “AmaLevi ayobe esebeka izandla zawo phezu kwamakhanda ezinkunzi. + Ngemva kwalokho, anikele enye ibe umnikelo wesono nenye ibe umnikelo oshiswayo kuJehova ukuze wenzele amaLevi isihlawulelo. + 13 Uyomisa amaLevi phambi kuka-Aroni namadodana akhe, uwanikele* njengomnikelo ozuliswayo kuJehova. 14 Kumele uhlukanise amaLevi kuma-Israyeli, amaLevi abe ngawami. + 15 Ngemva kwalokho, amaLevi ayongena ayokhonza etendeni lokuhlangana. Yile ndlela okufanele uwahlanze ngayo nozowanikela* ngayo abe umnikelo ozuliswayo. 16 Anikwe mina njengezipho ezivela kuma-Israyeli. Ngizozithathela wona esikhundleni sabo bonke labo abangamazibulo* ama-Israyeli. + 17 Ngoba wonke amazibulo phakathi kwama-Israyeli angawami, kokubili abantu nezilwane. + Ngazingcwelisela wona ngosuku engabulala ngalo wonke amazibulo ezweni laseGibhithe. + 18 Ngizothatha amaLevi esikhundleni sawo wonke amazibulo aphakathi kwama-Israyeli. 19 U-Aroni namadodana akhe ngiyobanika amaLevi njengezipho ezivela kuma-Israyeli, ukuze enzele ama-Israyeli inkonzo etendeni lokuhlangana + futhi awenzele nesihlawulelo, ukuze kungabi bikho nhlupho eyehlela ama-Israyeli + ngenxa yokuthi asondela endaweni engcwele.”

20 UMose no-Aroni nayo yonke inhlangano yama-Israyeli bakwenza lokhu kumaLevi. Ngokuvumelana nakho konke uJehova ayemyale ngakho uMose ngokuphathelene namaLevi, yilokho ama-Israyeli akwenza kuwo. 21 Ngakho amaLevi azihlanza awasha nezingubo zawo, + ngemva kwalokho u-Aroni wawanikela* njengomnikelo ozuliswayo phambi kukaJehova. + U-Aroni wabe esewenzela isihlawulelo ukuze awahlanze. + 22 Ngemva kwalokho, amaLevi angena ukuze enze inkonzo yawo etendeni lokuhlangana phambi kuka-Aroni namadodana akhe. Njengoba nje uJehova ayemyalile uMose ngokuqondene namaLevi, benza kanjalo kuwo.

23 UJehova wakhuluma noMose, wathi: 24 “Yilokhu okusebenza kumaLevi: Owesilisa oneminyaka engu-25 kuya phezulu, uyongena eqenjini lalabo abasenkonzweni yetende lokuhlangana. 25 Kodwa uma esedlulile eminyakeni engu-50 ubudala, uyothatha umhlalaphansi eqenjini lenkonzo angabe esakhonza. 26 Angabakhonza abafowabo abenza imisebenzi etendeni lokuhlangana, kodwa akumele yena enze inkonzo khona. Yilokho okumele ukwenze ngokuphathelene namaLevi nezibopho zawo.” +

9 UJehova wakhuluma noMose ehlane laseSinayi ngenyanga yokuqala + yonyaka wesibili ngemva kokuba bephume ezweni laseGibhithe, wathi: 2 “Ama-Israyeli kufanele alungise umhlatshelo wePhasika + ngesikhathi sawo esimisiwe. + 3 Ngosuku luka-14 lwale nyanga lapho sekuhwalele* kufanele niwulungise ngesikhathi sawo esimisiwe. Kufanele niwulungise ngokuvumelana nayo yonke imithetho yawo nazo zonke izinqubo zawo ezibekiwe.” +

4 Ngakho uMose watshela ama-Israyeli ukuba alungise umhlatshelo wePhasika. 5 Ngakho alungisa umhlatshelo wePhasika ngenyanga yokuqala, ngosuku luka-14 lwenyanga lapho sekuhwalele,* ehlane laseSinayi. Ama-Israyeli enza ngokuvumelana nakho konke uJehova ayemyale ngakho uMose.

6 Manje kwakunabantu ababengcoliswe ukuthinta isidumbu somuntu, *+ okwabenza bangakwazi ukulungisa umhlatshelo wePhasika ngalolo suku. Ngakho labo bantu baziletha phambi kukaMose no-Aroni ngalolo suku + 7 bathi kuMose: “Singcolile ngenxa yokuthinta isidumbu somuntu.* Kungani kufanele sivinjelwe ukuletha umnikelo kuJehova ngesikhathi sawo esimisiwe phakathi kwama-Israyeli?” + 8 UMose wathi kubo: “Yimani lapho, ngizwe ukuthi yini uJehova azoyiyala ngokuqondene nani.” +

9 UJehova wabe esethi kuMose: 10 “Khuluma nama-Israyeli, uthi kuwo, ‘Nakuba kungase kwenzeke ukuba noma yimuphi umuntu kini noma ezizukulwaneni zenu angcoliswe ukuthinta isidumbu somuntu + noma angabi bikho ngenxa yohambo olude, naye kusamelwe awulungise umhlatshelo wePhasika oya kuJehova. 11 Kufanele bawulungise ngenyanga yesibili, + ngosuku luka-14 lapho sekuhwalele.* Kufanele bawudle kanye nesinkwa esingenamvubelo nemifino ebabayo. + 12 Akumele bavumele noma yini kuwo isale kuze kube sekuseni + futhi kufanele bangaphuli thambo kuwo. + Kufanele bawulungise ngokuvumelana nayo yonke imithetho yePhasika. 13 Kodwa uma umuntu ebehlanzekile noma kungekhona ukuthi ubesohambweni kodwa wakudebeselela ukulungisa umhlatshelo wePhasika, lowo muntu kumele abulawe *+ ngoba akazange alethe umnikelo kaJehova ngesikhathi sawo esimisiwe. Lowo muntu uyophendula ngesono sakhe.

14 “‘Uma kukhona isihambi esihlala nani, naso kufanele siwulungise umhlatshelo wePhasika oya kuJehova. + Kufanele senze ngokuvumelana nemithetho yePhasika nenqubo yalo ebekiwe. + Kufanele kube nomthetho owodwa kini, koyisifiki nakowokuzalwa ezweni.’” +

15 Ngosuku okwamiswa ngalo itabernakele + ifu lamboza itabernakele, itende lobuFakazi, kodwa kusihlwa, okwakubonakala kuwumlilo kwaqhubeka kuphezu kwetabernakele kwaze kwaba sekuseni. + 16 Yilokho okwaqhubeka kwenzeka: Ifu lalilimboza emini, ebusuku kube okwakubonakala kuwumlilo. + 17 Noma nini lapho ifu linyuka phezu kwetende, ama-Israyeli ayesuka ngokushesha, + endaweni lapho ifu lima khona yilapho ama-Israyeli ayemisa khona amatende. + 18 Ama-Israyeli ayesuka ngomyalo kaJehova, amise amatende ngomyalo kaJehova. + Uma nje ifu lalisamile phezu kwetabernakele, ayeqhubeka emise amatende. 19 Lapho ifu lihlala izinsuku eziningi phezu kwetabernakele, ama-Israyeli ayelalela uJehova angasuki. + 20 Ngezinye izikhathi ifu lalima izinsuku ezimbalwa phezu kwetabernakele. Ayeqhubeka emise amatende ngomyalo kaJehova, asuke ngomyalo kaJehova. 21 Ngezinye izikhathi ifu lalihlala kusukela kusihlwa kuze kube sekuseni kuphela, futhi lapho ifu likhuphuka ekuseni, ayesuka. Kungakhathaliseki ukuthi ifu lalikhuphuka emini noma ebusuku, ayesuka. + 22 Kungakhathaliseki ukuthi kwakuyizinsuku ezimbili, inyanga noma ngaphezulu, uma nje ifu lalisahleli phezu kwetabernakele, ama-Israyeli ayeqhubeka emise amatende, angasuki. Kodwa lapho likhuphuka, ayesuka. 23 Ayemisa amatende ngomyalo kaJehova, asuke ngomyalo kaJehova. Agcina isibopho sawo kuJehova ngomyalo kaJehova ngoMose.

10 Ngemva kwalokho uJehova wakhuluma noMose, wathi: 2 “Zenzele amacilongo + amabili; uwenze ngesiliva usebenzisa isando, uwasebenzisele ukubiza inhlangano nokubonisa abantu ukuthi sekuyahanjwa. 3 Lapho eshaywa womabili, yonke inhlangano kumele ize kuwe emnyango wetende lokuhlangana. + 4 Uma kushaywa elilodwa kuphela, yizikhulu zodwa, izinhloko zezinkulungwane zika-Israyeli, ezizoza kuwe. +

5 “Lapho nenza umsindo wecilongo oshintshashintshayo, amakamu alabo abasempumalanga + kufanele asuke. 6 Lapho nenza umsindo wecilongo oshintshashintshayo okwesibili, amakamu alabo abaseningizimu + kufanele asuke. Kufanele bawenze ngale ndlela umsindo wecilongo isikhathi ngasinye lapho elinye lawo lisuka.

7 “Lapho nibizela ibandla ndawonye, kufanele nishaye amacilongo, + kodwa akumele nenze umsindo oshintshashintshayo. 8 Amadodana ka-Aroni, abapristi, kufanele ashaye amacilongo, + ukusetshenziswa kwawo kuyosebenza njengomthetho waphakade kini kuzo zonke izizukulwane zenu.

9 “Uma kufanele niye empini ezweni lakini niyokulwa nomuntu onicindezelayo onihluphayo, kufanele nihlabe umkhosi wempi ngala macilongo, + uJehova uNkulunkulu wenu uyonikhumbula nisindiswe ezitheni zenu.

10 “Ngisho nangezinkathi zenu zenjabulo +—emikhosini yenu + nasekuqaleni kwezinyanga zenu—kufanele nishaye amacilongo nishayele iminikelo yenu eshiswayo + nemihlatshelo yenu ehlanganyelwayo; + ayosebenza njengesikhumbuzo kini phambi kukaNkulunkulu wenu. NginguJehova uNkulunkulu wenu.” +

11 Ngonyaka wesibili, ngenyanga yesibili, ngosuku luka-20 enyangeni, + ifu lakhuphuka phezu kwetabernakele + lobuFakazi. 12 Ngakho ama-Israyeli aqala ukusuka ehlane laseSinayi ngokwendlela okwakufanele asuke ngayo, + ifu lahlala ehlane lasePharanu. + 13 Kwakungokokuqala ngqa esuka, elandela umyalo kaJehova ngoMose. +

14 Ngakho isigaba sezizwe ezintathu sekamu labantwana bakwaJuda sasuka kuqala ngokwamaqembu* aso, uNaheshoni + indodana ka-Aminadaba wayengamele iqembu laso. 15 Owayengamele iqembu lesizwe sabantwana bakwa-Isakare kwakunguNethaneli + indodana kaZuwari. 16 Owayengamele iqembu lesizwe sabantwana bakwaZebhuloni kwakungu-Eliyabe + indodana kaHeloni.

17 Lapho itabernakele lehliswa, + amadodana kaGereshoni + namadodana kaMerari, + ayethwala itabernakele, asuka.

18 Isigaba sezizwe ezintathu sekamu likaRubeni sasuka ngokwamaqembu* aso, u-Elizuri + indodana kaShedewuri wayengamele iqembu laso. 19 Owayengamele iqembu lesizwe sabantwana bakwaSimeyoni kwakunguShelumiyeli + indodana kaZurishadayi. 20 Owayengamele iqembu lesizwe sabantwana bakwaGadi kwakungu-Eliyasafa + indodana kaDehuweli.

21 Kwabe sekusuka amaKohati, okuyiwona ayethwala izinto zendlu engcwele. + Itabernakele kwakufanele limiswe ngesikhathi afika ngaso.

22 Isigaba sezizwe ezintathu sekamu labantwana bakwa-Efrayimi sasuka ngokwamaqembu* aso, u-Elishama + indodana ka-Amihudi engamele iqembu laso. 23 Owayengamele iqembu lesizwe sabantwana bakwaManase kwakunguGamaliyeli + indodana kaPhedazuri. 24 Owayengamele iqembu lesizwe sabantwana bakwaBhenjamini kwakungu-Abhidani + indodana kaGidiyoni.

25 Ngemva kwalokho isigaba sezizwe ezintathu sekamu labantwana bakwaDani sasuka ngokwamaqembu* aso, sakha ibutho labaqaphi elisemuva lawo wonke amakamu, u-Ahiyezeri + indodana ka-Amishadayi wayengamele iqembu laso. 26 Owayengamele iqembu lesizwe sabantwana bakwa-Asheri kwakunguPhagiyeli + indodana ka-Okirani. 27 Owayengamele iqembu lesizwe sabantwana bakwaNafetali kwakungu-Ahira + indodana ka-Enani. 28 Lena kwakuyindlela ama-Israyeli ayehamba ngayo neyayilandelwa amaqembu* awo lapho esuka. +

29 UMose wathi kuHobabi indodana kaRehuweli *+ umMidiyani, umukhwe kaMose: “Siyasuka siya endaweni uJehova athi ngayo, ‘Ngiyoninika yona.’ + Woza sihambe nawe, + sizokuphatha kahle, ngoba uJehova umthembise izinto ezinhle u-Israyeli.” + 30 Kodwa wathi kuye: “Ngeke ngihambe. Ngizobuyela ezweni lakithi nasezihlotsheni zami.” 31 UMose wathi kuye: “Sicela ungasishiyi, ngoba nguwe owazi lapho kufanele simise khona amatende ehlane, ungakwazi ukuba umqondisi* wethu. 32 Uma uhamba nathi, + noma yikuphi okuhle uJehova ayokwenza kithi, nakanjani siyokwenza nakuwe.”

33 Ngakho bahamba uhambo lwezinsuku ezintathu besuka entabeni kaJehova, + umphongolo + wesivumelwano sikaJehova wawuhamba phambi kwabo kulolu hambo lwezinsuku ezintathu ukuze ubafunele indawo yokuphumula. + 34 Ifu likaJehova + laliphezu kwabo emini lapho besuka endaweni ababemise amatende kuyo.

35 Noma nini lapho uMphongolo usuka, uMose wayethi: “O Jehova, vuka, + mazihlakazeke izitha zakho, mababaleke phambi kwakho labo abakuzondayo.” 36 Kwakuthi lapho uhlala, athi: “O Jehova, buyela ezinkulungwaneni ezingenakubalwa* zakwa-Israyeli.” +

11 Manje abantu baqala ukukhononda phambi kukaJehova. Lapho uJehova ekuzwa lokho, intukuthelo yakhe yavutha, umlilo kaJehova wabavuthela, waqothula abanye emaphethelweni ekamu. 2 Lapho abantu bekhala kuMose, wabanxusela kuJehova, + umlilo wacisha. 3 Ngakho leyo ndawo yabizwa ngokuthi iThabehera* ngoba umlilo ovela kuJehova wawubavuthele. +

4 Isixuku esiyingxubevange *+ esasiphakathi kwabo sabe sesiveza izifiso zaso zobugovu, + ama-Israyeli nawo aphinde akhala futhi athi: “Ubani ozosinika inyama esizoyidla? + 5 Yeka ukuthi sizikhumbula kanjani izinhlanzi esasizidla eGibhithe mahhala, okhukhamba, amakhabe, amalikhi, u-anyanisi nogalikhi! + 6 Kodwa manje sibuthakathaka. Asiboni lutho nhlobo ngaphandle kwaleli mana.” +

7 Imana + lalinjengembewu yekoriyanderi, + libukeka njengenomfi yebhedola. 8 Abantu babethi chithi saka balibuthe, baligaye ematsheni okugaya noma baligqule esigqulweni. Ngemva kwalokho babelibilisa emabhodweni okupheka noma benze ngalo izinkwa eziyizindilinga, + lalinambitheka njengekhekhe elinoshukela namafutha. 9 Lapho amazolo ehlela ekamu ebusuku, imana nalo lalehlela kulo. +

10 UMose wezwa abantu bekhala, umndeni nomndeni, umuntu ngamunye emnyango wetende lakhe. UJehova wathukuthela kakhulu, + uMose naye wacasuka kakhulu. 11 UMose wathi kuJehova: “Uyihlupheleni inceku yakho? Kungani ngingazange ngithole umusa kuwe, wabeka umthwalo waso sonke lesi sizwe phezu kwami? + 12 Ingabe yimi owakhulelwa sonke lesi sizwe? Yimi yini osizele, ukuba uthi kimi, ‘Sithwale esifubeni sakho, njengoba nje inceku* iphatha umntwana osancela,’ usiyise ezweni owafunga ukulinika okhokho baso? + 13 Ngizoyithathaphi inyama engizoyinika sonke lesi sizwe? Ngoba silokhu singikhalela, sithi, ‘Sinike inyama, sidle!’ 14 Angikwazi ukusithwala ngedwa sonke lesi sizwe; siyangisinda kakhulu. + 15 Uma kuyile ndlela ozongiphatha ngayo, ngicela ungibulale khona manje. + Uma ngithole umusa kuwe, ungangenzi ngibone enye inhlekelele.”

16 UJehova waphendula uMose wathi: “Ngiqoqele amadoda angu-70 emadodeni amadala akwa-Israyeli, amadoda owaqaphelayo* ukuthi angamadoda amadala nezikhulu zabantu, + uwayise etendeni lokuhlangana, ame lapho kanye nawe. 17 Ngizokwehla + ngikhulume nawe lapho, + ngithathe omunye umoya + okuwe ngiwubeke kuwo, azokusiza ekuthwaleni umthwalo wabantu ukuze ungawuthwali wedwa. + 18 Kufanele uthi kubantu, ‘Zingcweliseleni usuku lwakusasa + ngoba nakanjani nizodla inyama, ngoba niye nakhala ezindlebeni zikaJehova, + nathi: “Ubani ozosinika inyama esizoyidla? Kwakungcono kithi eGibhithe.” + Nakanjani uJehova uzoninika inyama futhi nizoyidla. + 19 Nizoyidla, hhayi usuku olulodwa noma izinsuku ezimbili noma izinsuku ezinhlanu noma izinsuku eziyishumi noma izinsuku ezingu-20, 20 kodwa nizoyidla inyanga yonke, ize iphume ngamakhala futhi ibe yinto enyanyekayo kini, + ngoba nimlahlile uJehova ophakathi kwenu futhi benikhala phambi kwakhe nithi: “Siphumeleni eGibhithe?”’” +

21 UMose wayesethi: “Abantu engiphakathi kwabo bangamadoda angu-600 000 + ahamba ngezinyawo, kodwa wena uthe, ‘Ngizobanika inyama, bazoyidla badele inyanga yonke’! 22 Uma bekungahlatshwa imihlambi yezimvu neyezinkomo, ibizobanela yini? Noma uma bekungadotshwa zonke izinhlanzi ezisolwandle, bezizobanela yini?”

23 UJehova wabe esethi kuMose: “Sifushane yini isandla sikaJehova? + Manje uzobona ukuthi engikushoyo kuzokwehlela yini noma cha.”

24 Ngakho uMose waphuma wakhuluma nabantu amazwi kaJehova. Waqoqela ndawonye amadoda angu-70 emadodeni amadala esizwe wawamisa azungeza itende. + 25 UJehova wehla ngefu + wakhuluma naye, + wathatha omunye umoya + owawukuye wawubeka endodeni endala ngayinye kwangu-70. Ngokushesha nje lapho umoya uhlala kuwo, aqala ukwenza njengabaprofethi, *+ kodwa kwagcina ngaleso sikhathi.

26 Amabili kula madoda ayesele ekamu. Igama lenye kwakungu-Elidadi, enye kunguMedadi. Umoya waqala ukuhlala kuwo njengoba ayephakathi kwalawo amagama awo ayebhalwe phansi, kodwa wona engaphumanga ukuya etendeni. Ngakho aqala ukwenza njengabaprofethi ekamu. 27 Insizwa ethile yagijima yabikela uMose yathi: “U-Elidadi noMedadi benza njengabaprofethi ekamu!” 28 UJoshuwa + indodana kaNuni, isikhonzi sikaMose kusukela ebusheni bakhe, waphendula wathi: “Nkosi yami Mose, banqande!” + 29 Kodwa uMose wathi kuye: “Ingabe unesikhwele ngami? Ungabi nesikhwele, ngifisa ngabe bonke abantu bakaJehova bebengabaprofethi nokuba uJehova abeke umoya wakhe kubo!” 30 Kamuva uMose waphindela ekamu kanye namadoda amadala akwa-Israyeli.

31 Ngemva kwalokho kwaba nomoya ovela kuJehova, waqhuba izagwaca* zivela olwandle wazehlisela ekamu zagcwala nhlangothi zonke zekamu, + wawungahamba usuku lonke unqamula endaweni ezazikuyo, futhi zazindizela phansi ebangeni elingaba izingalo* ezimbili ngaphezu komhlabathi. 32 Ngakho abantu abalalanga lonke lolo suku nabo bonke lobo busuku nangosuku olulandelayo bebutha izagwaca. Akekho owabutha ezingaphansi kwamahomere* ayishumi, futhi baqhubeka bezinekela zona nhlangothi zonke zekamu. 33 Kodwa ngesikhathi inyama isesemazinyweni abo, ingakahlafunwa, intukuthelo kaJehova yabavuthela abantu, uJehova wabashaya ngenhlupho kwafa abaningi kakhulu. +

34 Ngakho leyo ndawo bayiqamba ngokuthi iKibiroti-hathawa *+ ngoba yilapho bangcwaba khona abantu ababonisa isifiso sobugovu. + 35 Abantu basuka eKibiroti-hathawa baya eHazeroti, baqhubeka behleli eHazeroti. +

12 UMiriyamu no-Aroni bakhuluma kabi ngoMose ngenxa yomfazi ongumKushe ayemshadile, ngoba wayethathe umfazi ongumKushe. + 2 Babethi: “Ingabe uJehova ukhulume ngoMose kuphela? Akakhulumanga yini nangathi?” + UJehova wayelalele. + 3 UMose wayemnene ukubedlula kude bonke abantu *+ emhlabeni.

4 Kungazelelwe uJehova wathi kuMose no-Aroni noMiriyamu: “Phumani nobathathu niye etendeni lokuhlangana.” Ngakho baphuma bobathathu. 5 UJehova wehla ngensika yefu + wama emnyango wetende wayesebiza u-Aroni noMiriyamu. Bobabili baya ngaphambili. 6 Wabe esethi: “Ngicela nizwe amazwi ami. Ukube bekunomprofethi kaJehova phakathi kwenu, bengizozazisa kuye embonweni, + ngikhulume naye ngephupho. + 7 Kodwa akunjalo ngenceku yami uMose! Uphathiswe yonke indlu yami. *+ 8 Ngikhuluma naye ubuso nobuso + ngokukhululekile, hhayi ngamazwi adidayo; futhi ubona ukubonakala kukaJehova. Pho kungani nina ningesabanga ukukhuluma kabi ngenceku yami, ukukhuluma kabi ngoMose?”

9 Ngakho intukuthelo kaJehova yabavuthela, wabashiya. 10 Ifu lasuka phezu kwetende, futhi uMiriyamu wayeshaywe ngochoko olumhlophe njengeqhwa. + U-Aroni waphendukela kuMiriyamu, wabona ukuthi wayeshaywe ngochoko. + 11 Ngokushesha u-Aroni wathi kuMose: “Ngiyakuncenga nkosi yami! Sicela ungasibaleli kithi lesi sono! Senze ngobuwula. 12 Siza, ungamyeki aqhubeke enjengofileyo, onyama yakhe idlekile lapho ezalwa!” 13 UMose waqala ukukhala kuJehova, wathi: “O Nkulunkulu, sicela umphulukise! Siyacela!” +

14 UJehova wamphendula uMose: “Ukube uyise ubengamkhafulela ebusweni ngokuqondile, ubengeke yini alulazeke izinsuku eziyisikhombisa? Makahlaliswe yedwa izinsuku eziyisikhombisa ngaphandle kwekamu, + ngemva kwalokho angangeniswa.” 15 Ngakho uMiriyamu wahlaliswa yedwa ngaphandle kwekamu izinsuku eziyisikhombisa, + abantu abazange basuke ekamu kwaze kwaba yilapho uMiriyamu engeniswa khona. 16 Ngemva kwalokho abantu basuka eHazeroti + bamisa amatende ehlane lasePharanu. +

13 Manje uJehova wakhuluma noMose, wathi: 2 “Thuma amadoda ayohlola izwe laseKhanani engilinika ama-Israyeli. Kufanele uthume indoda eyodwa esizweni ngasinye sokhokho bayo, ngayinye eyisikhulu + phakathi kwaso.” +

3 Ngakho uMose wawathuma esuka ehlane lasePharanu + ngomyalo kaJehova. Wonke lawo madoda ayeyizinhloko zama-Israyeli. 4 Yilawa amagama awo: esizweni sakwaRubeni, uShamuwa indodana kaZakuri; 5 esizweni sakwaSimeyoni, uShafati indodana kaHori; 6 esizweni sakwaJuda, uKalebi + indodana kaJefune; 7 esizweni sakwa-Isakare, u-Igali indodana kaJosefa; 8 esizweni sakwa-Efrayimi, uHosheya + indodana kaNuni; 9 esizweni sakwaBhenjamini, uPhaliti indodana kaRafu; 10 esizweni sakwaZebhuloni, uGadiyeli indodana kaSodi; 11 esizweni sakwaJosefa, + wesizwe sakwaManase, + uGadidi indodana kaSusi; 12 esizweni sakwaDani, u-Amiyeli indodana kaGemali; 13 esizweni sakwa-Asheri, uSethuru indodana kaMikayeli; 14 esizweni sakwaNafetali, uNahibi indodana kaVofisi; 15 esizweni sakwaGadi, uGewuweli indodana kaMaki. 16 Lawa amagama amadoda uMose awathuma ukuba ayohlola izwe. UMose waqamba uHosheya indodana kaNuni ngokuthi uJoshuwa. *+

17 Lapho uMose ewathuma ukuba ayohlola izwe laseKhanani, wathi kuwo: “Khuphukani niye eNegebhi, bese nikhuphukela ezintabeni. + 18 Kumele nibone ukuthi izwe abahlala kulo linjani + nokuthi abantu abahlala kulo banamandla noma babuthakathaka, bambalwa noma baningi, 19 nokuthi izwe abahlala kulo lihle noma libi, nokuthi amadolobha abahlala kuwo angamakamu noma anezivikelo eziqinile. 20 Nibheke nokuthi izwe licebile* noma limpofu *+ kanye nokuthi linezihlahla noma cha. Kumele nibe nesibindi, + nithathe ezinye zezithelo zezwe.” Kwakuyinkathi yamagilebhisi okuqala avuthiwe. +

21 Ngakho akhuphuka, ahlola izwe kusukela ehlane laseZini + kuye eRehobe, + eduze kweLebo-hamati. *+ 22 Lapho ekhuphukela eNegebhi, abe esefika eHebroni, + lapho kwakuhlala khona u-Ahimani, uSheshayi noTalimayi, + abangama-Anaki. + IHebroni lalakhiwe eminyakeni eyisikhombisa ngaphambi kweZowani laseGibhithe. 23 Lapho efika eSigodini* Sase-Eshikoli, + afike anqamula igatsha elalinehlukuzo elilodwa lamagilebhisi, okwadingeka ukuba amadoda amabili alitshathe ngogodo, kanye namanye amahalananda* namakhiwane. + 24 Abiza leyo ndawo ngokuthi iSigodi* Sase-Eshikoli, *+ ngenxa yehlukuzo ama-Israyeli alinqamula lapho.

25 Ekupheleni kwezinsuku ezingu-40 + abuya ekuhloleni izwe. 26 Abuyela kuMose no-Aroni nakuyo yonke inhlangano yama-Israyeli ehlane lasePharanu, eKadeshi. + Abuyisa umbiko kuyo yonke inhlangano, ababonisa nezithelo zezwe. 27 Yilokhu akubikela uMose: “Singenile ezweni osithume kulo, ngempela ligeleza ubisi noju, + nazi izithelo zalo. + 28 Noma kunjalo, abantu abahlala kuleliya zwe banamandla, namadolobha anezivikelo eziqinile makhulu kakhulu. Sibone nama-Anaki lapho. + 29 Ama-Amaleki + ahlala ezweni laseNegebhi, + amaHeti, amaJebusi + nama-Amori + ahlala ezintabeni, amaKhanani + ahlala ngasolwandle + naseceleni kweJordani.”

30 UKalebi wazama ukubehlisa umoya abantu njengoba bemi phambi kukaMose wathi: “Masikhuphukeni khona manje, nakanjani sizolithatha libe elethu ngoba ngokuqinisekile singalinqoba.” + 31 Kodwa amadoda ayekhuphuke naye athi: “Asikwazi ukukhuphuka siyomelana nalabo bantu ngoba banamandla kunathi.” + 32 Aqhubeka eletha umbiko omubi + kuma-Israyeli ngezwe ayelihlolile, ethi: “Izwe esiye salidabula silihlola liyizwe elishwabadela abantu abakhe kulo futhi bonke abantu esibabone kulo bade ngokungavamile. + 33 Sibone namaNefili lapho, amadodana ka-Anaki, + avela* kumaNefili, uma siqhathaniswa nawo saba njengezintethe, kithi kanye nakuwo.”

14 Ngemva kwalokho yonke inhlangano yaphakamisa izwi layo, abantu baqhubeka bekhala bonke lobo busuku. + 2 Wonke ama-Israyeli aqala ukububula ngoMose nango-Aroni, + yonke inhlangano yakhuluma kabi ngabo yathi: “Ukube savele safela ezweni laseGibhithe noma safela kuleli hlane! 3 Kungani uJehova esiletha kuleli zwe ukuze siwe ngenkemba? + Omkethu nezingane zethu bazoba impango. + Akungcono yini ukuba sibuyele eGibhithe?” + 4 Babeze bathi komunye nomunye: “Masibeke umholi omusha, sibuyele eGibhithe!” +

5 UMose no-Aroni bakhothama phambi kwalo lonke ibandla lenhlangano yama-Israyeli. 6 UJoshuwa + indodana kaNuni noKalebi + indodana kaJefune, ababephakathi kwalabo abahlola izwe, baklebhula izingubo zabo, 7 babe sebethi kuyo yonke inhlangano yama-Israyeli: “Izwe esalidabula silihlola liyizwe elihle kakhulu impela. + 8 Uma uJehova ejabule ngathi, nakanjani uyosingenisa kuleli zwe futhi asinike lona, izwe eligeleza ubisi noju. + 9 Kodwa akumele nidlubulunde kuJehova futhi akumele nesabe abantu bezwe + ngoba sizobashwabadela.* Abasenaso isivikelo futhi uJehova unathi. + Ningabesabi.”

10 Nokho, yonke inhlangano yakhuluma ngokubashaya ngamatshe. + Kodwa inkazimulo kaJehova yabonakala etendeni lokuhlangana kuwo wonke ama-Israyeli. +

11 UJehova wabe esethi kuMose: “Kuyoze kube nini laba bantu bengangihloniphi, + kuyoze kube nini bengenalo ukholo kimi naphezu kwazo zonke izibonakaliso engizenzile phakathi kwabo? + 12 Ngiyeke ngibashaye ngesifo esiwumshayabhuqe futhi ngibaxoshe, ngenze wena ube isizwe esikhulu nesinamandla kunabo.” +

13 Kodwa uMose wathi kuJehova: “AbaseGibhithe, owakhipha lesi sizwe phakathi kwabo ngamandla akho, bayokuzwa, + 14 baxoxe ngakho kubantu abakhe kuleli zwe. Nabo bazwile ukuthi wena Jehova uphakathi kwalesi sizwe, + uye wabonakala kuso ubuso nobuso. + UnguJehova, ifu lakho limi phezu kwaso, uhamba phambi kwaso usensikeni yefu emini nasensikeni yomlilo ebusuku. + 15 Uma usibulala sonke lesi sizwe ngesikhathi esisodwa,* izizwe ezizwile ngodumo lwakho ziyothi: 16 ‘UJehova uhlulekile ukungenisa lesi sizwe ezweni afunga ukulinika sona, ngakho wasibulala ehlane.’ + 17 Manje ngiyacela Jehova, mawabe makhulu amandla akho, njengoba wathembisa lapho uthi: 18 ‘UJehova, owephuza ukuthukuthela, onothando oluqotho *+ oluchichimayo, oxolela amaphutha neziphambeko, kodwa ongasoze angamjezisi onecala, oletha isijeziso sesiphambeko soyise phezu kwabantwana, phezu kwesizukulwane sesithathu naphezu kwesizukulwane sesine.’ + 19 Ngicela uthethelele isiphambeko salesi sizwe ngokuvumelana nobukhulu bothando lwakho oluqotho, njengoba nje uye wasixolela lesi sizwe kusukela eGibhithe kuze kube manje.” +

20 UJehova wabe esethi: “Ngiyasithethelela ngokuvumelana nezwi lakho. + 21 Kodwa ngakolunye uhlangothi, ngiyafunga ngithi, wonke umhlaba uyogcwala inkazimulo kaJehova. + 22 Nokho, akukho noyedwa emadodeni abone inkazimulo yami nezibonakaliso zami + engizenze eGibhithe nasehlane kodwa nokho waqhubeka engivivinya + lezi zikhathi eziyishumi, wangalilalela izwi lami, + 23 oyobona izwe engafunga ngalo koyise. Cha, akukho noyedwa kulabo abangangihloniphi oyolibona. + 24 Kodwa ngenxa yokuthi inceku yami uKalebi, + ibe nomoya ohlukile yaqhubeka ingilandela ngenhliziyo yayo yonke, nakanjani ngiyoyingenisa ezweni eyaya kulo futhi inzalo yayo iyodla ifa lalo. + 25 Njengoba ama-Amaleki namaKhanani + ehlala esigodini,* kufanele nibuye kusasa, nisuke niye ehlane ngendlela yasoLwandle Olubomvu.” +

26 UJehova wabe esethi kuMose naku-Aroni: 27 “Kuyoze kube nini le nhlangano embi ilokhu ibubula ngami? + Ngikuzwile ukububula kwama-Israyeli ngami. + 28 Yithi kuwo, ‘“Ngiyafunga,” kusho uJehova, “ngiyokwenza kini lokho kanye engizwe nikukhuluma! + 29 Izidumbu zenu ziyokuwa kuleli hlane, + yebo, bonke ababebhalisiwe kini kusukela kwabaneminyaka engu-20 kuya phezulu, nabo bonke kini abaye babubula ngami. + 30 Akekho kini oyongena ezweni engafunga* ukuthi niyohlala kulo, + ngaphandle kukaKalebi indodana kaJefune noJoshuwa indodana kaNuni. +

31 “‘“Ngiyoletha izingane zenu enanithe zizoba impango, + ziyolazi izwe enilalile. + 32 Kodwa izidumbu zenu ziyokuwa kuleli hlane. 33 Amadodana enu ayoba abelusi ehlane iminyaka engu-40, + kuyomelwe aphendule ngenxa yezenzo zenu zokungathembeki* kuze kube yilapho kuwa isidumbu senu sokugcina. + 34 Niyophendula ngamaphutha enu iminyaka engu-40, + ngokwesibalo sezinsuku enahlola ngazo izwe, izinsuku ezingu-40, + zonke izinsuku onyakeni, ngoba niyokwazi ukuthi kusho ukuthini ukumelana nami.*

35 “‘“Mina Jehova ngikhulumile. Yilokhu engizokwenza kuyo yonke le nhlangano embi, leyo eye yabuthana ndawonye ngokumelene nami: Izophelela kuleli hlane futhi izofela lapha. + 36 Amadoda uMose awathuma ukuba ayohlola izwe nabangela ukuba yonke inhlangano ibubule ngaye lapho eletha umbiko omubi ngezwe, + 37 yebo, lawo madoda aletha umbiko omubi ngezwe, ayoshaywa afe phambi kukaJehova. + 38 Kodwa uJoshuwa indodana kaNuni noKalebi indodana kaJefune ababephakathi kwalabo abahamba bayohlola izwe, nakanjani bayoqhubeka bephila.”’” +

39 Lapho uMose ekhuluma la mazwi kuwo wonke ama-Israyeli, abantu balila kakhulu. 40 Ngaphezu kwalokho, bavuka ekuseni kakhulu bazama ukukhuphukela esiqongweni sentaba, bathi: “Yithi laba, sikulungele ukukhuphukela endaweni uJehova akhulume ngayo ngoba sonile.” + 41 Kodwa uMose wathi: “Kungani neqa umyalo kaJehova? Lokhu ngeke kuphumelele. 42 Ningakhuphuki ngoba uJehova akekho ngakini; izitha zenu zizoninqoba. + 43 Ngoba ama-Amaleki namaKhanani alapho ukuze abhekane nani + futhi nizowa ngenkemba. Ngenxa yokuthi niyekile ukulandela uJehova, uJehova ngeke abe nani.” +

44 Nokho, bagabadela bakhuphukela esiqongweni sentaba, + kodwa uMose akazange asuke phakathi kwekamu kanye nomphongolo wesivumelwano sikaJehova. + 45 Kwabe sekwehla ama-Amaleki namaKhanani ayehlala kuleyo ntaba abashaya, abahlakaza kwaze kwaba seHorma. +

15 UJehova waqhubeka wathi kuMose: 2 “Khuluma nama-Israyeli, uthi kuwo, ‘Lapho ekugcineni nifika ezweni engininika lona ukuba nihlale kulo + 3 bese nenza umnikelo oya kuJehova oshiswa emlilweni, umnikelo ovela emhlanjini wezinkomo noma wezimvu nezimbuzi—kungakhathaliseki ukuthi umnikelo oshiswayo + noma umhlatshelo wokwenza isifungo esikhethekile noma umnikelo wokuzithandela + noma umnikelo phakathi nemikhosi yenu yezinkathi ezithile, + ukuze nenzele uJehova iphunga elimnandi *+— 4 lowo oletha umnikelo wakhe kumele futhi alethe kuJehova umhlatshelo wokudla okusanhlamvu kafulawa ocolekile, + okweshumi kwe-efa* okuxutshwe nokwesine kwehini* lamafutha. 5 Kufanele unikele nangewayini libe umnikelo ophuzwayo, okwesine kwehini, kanye nomnikelo oshiswayo + noma nomhlatshelo wewundlu ngalinye leduna. 6 Noma uma kuyinqama kufanele unikele umnikelo wokudla okusanhlamvu oyizingxenye ezimbili eshumini ze-efa likafulawa ocolekile oxutshwe nengxenye yesithathu yehini lamafutha. 7 Kufanele ulethe newayini libe umnikelo ophuzwayo, ingxenye yesithathu yehini, njengephunga elimnandi* kuJehova.

8 “‘Kodwa uma kwenzeka unikela ngeduna lomhlambi wezinkomo libe umnikelo oshiswayo + noma umhlatshelo wokwenza isifungo esikhethekile + noma imihlatshelo ehlanganyelwayo kuJehova, + 9 kufanele futhi ulethe kanye nalelo duna lomhlambi wezinkomo umnikelo wokudla okusanhlamvu + oyizingxenye ezintathu eshumini ze-efa likafulawa ocolekile oxutshwe nohhafu wehini lamafutha. 10 Kufanele ulethe newayini libe umnikelo ophuzwayo, + uhhafu wehini, kube umnikelo oshiswa emlilweni njengephunga elimnandi* kuJehova. 11 Yilokhu okufanele kwenziwe ngenkunzi ngayinye noma ngenqama ngayinye noma ngewundlu ngalinye eliyiduna noma ngezimbuzi. 12 Kungakhathaliseki ukuthi kungaki eninikela ngakho, kufanele ninikele ufulawa oxutshwe namafutha nomnikelo ophuzwayo kanye nalowo mnikelo. 13 Yile ndlela wonke umuntu ongowokuzalwa kwa-Israyeli okufanele alethe ngayo umnikelo oshiswa emlilweni, njengephunga elimnandi* kuJehova.

14 “‘Uma isifiki esihlala nani noma umuntu obelokhu ephakathi kwenu ezizukulwaneni zenu eziningi naye kufanele enze umnikelo oshiswa emlilweni, njengephunga elimnandi* kuJehova, kufanele enze njengani. + 15 Nina eningabebandla nesifiki esihlala nani niyoba nomthetho owodwa. Kuyoba umthetho waphakade kuzo zonke izizukulwane zenu. Isifiki kufanele sifane nani phambi kukaJehova. + 16 Kufanele kube nomthetho owodwa nesinqumo sokwahlulela esisodwa kini nakoyisifiki ohlala nani.’”

17 UJehova waqhubeka wathi kuMose: 18 “Khuluma nama-Israyeli, uthi kuwo, ‘Lapho nifika ezweni enginiyisa kulo 19 futhi nidla noma yisiphi isinkwa* sezwe, + kufanele nenze umnikelo kuJehova. 20 Kufanele nenze umnikelo wokudla kwenu kokuqala + okumahhadlahhadla ube olofu bezinkwa abamise okwesongo. Kufanele niwunikele ngendlela eninikela ngayo umnikelo wesibuya.* 21 Omunye ufulawa wenu wokuqala kufanele niwunikele ube umnikelo oya kuJehova kuzo zonke izizukulwane zenu.

22 “‘Manje uma nenza iphutha nihluleka ukugcina yonke le miyalo uJehova ayikhulume kuMose, 23 konke lokho uJehova aniyala ngakho ngoMose kusukela osukwini uJehova ayala ngalo kuqhubekele ezizukulwaneni zenu, 24 futhi uma kwenziwa ngephutha, inhlangano ingazi, yonke inhlangano kufanele inikele ngethole leduna libe umnikelo oshiswayo oyiphunga elimnandi* kuJehova, kanye nomnikelo walo wokudla okusanhlamvu nomnikelo walo ophuzwayo ngokwenqubo evamile, + nangezinyane elilodwa lembuzi libe umnikelo wesono. + 25 Umpristi uyokwenzela yonke inhlangano yama-Israyeli isihlawulelo, iyothethelelwa + ngoba kwakuyiphutha, futhi yaletha njengomnikelo wayo umnikelo oshiswa emlilweni oya kuJehova nomnikelo wayo wesono phambi kukaJehova ngenxa yephutha layo. 26 Iyothethelelwa yonke inhlangano yama-Israyeli nesifiki esihlala phakathi kwayo ngoba kwaba iphutha labo bonke abantu.

27 “‘Uma kuba khona umuntu* owona ngephutha, kumele alethe imbuzi yensikazi engakawuqedi unyaka ibe umnikelo wesono. + 28 Umpristi uyomenzela isihlawulelo umuntu owenze iphutha ngokwenza isono engahlosile phambi kukaJehova, ukuze amenzele isihlawulelo, athethelelwe. + 29 Ngokuphathelene nowokuzalwa phakathi kwama-Israyeli nesifiki esihlala phakathi kwawo, kufanele kube nomthetho owodwa kini ngokuqondene nokwenza okuthile ungahlosile. +

30 “‘Kodwa umuntu owenza okuthile ngamabomu, + kungakhathaliseki ukuthi ungowokuzalwa noma uyisifiki, lowo muntu uhlambalaza uJehova, kumele abulawe.* 31 Ngenxa yokuthi udelele izwi likaJehova wephula nomyalo wakhe, lowo muntu kufanele anqunywe nakanjani. + Isiphambeko sakhe siphezu kwakhe.’” +

32 Ngesikhathi ama-Israyeli esehlane, athola umuntu etheza ngosuku lweSabatha. + 33 Labo abamthola etheza bamletha kuMose no-Aroni nakuyo yonke inhlangano. 34 Bamvalela + ngoba kwakungakashiwo ukuthi yini okufanele yenziwe kuye.

35 UJehova wathi kuMose: “Lowo muntu kufanele abulawe nakanjani, + yonke inhlangano kufanele imshaye ngamatshe ngaphandle kwekamu.” + 36 Ngakho yonke inhlangano yamkhiphela ngaphandle kwekamu, yamshaya ngamatshe wafa, njengoba nje uJehova ayemyalile uMose.

37 UJehova waqhubeka esho lokhu kuMose: 38 “Khuluma nama-Israyeli, uwatshele ukuthi kumele azenzele insephe emiphethweni yezingubo zawo kuzo zonke izizukulwane zawo, futhi kufanele afake intambo eluhlaza okwesibhakabhaka phezu komphetho wengubo onensephe. + 39 ‘Kumele nibe nalo mphetho onensephe ukuze niwubone bese nikhumbula yonke imiyalo kaJehova futhi niyigcine. + Akumele nilandele izinhliziyo zenu namehlo enu, okuniholela ebufebeni obungokomoya. + 40 Lokhu kuyonisiza ukuba nikhumbule futhi niyoyigcina yonke imiyalo yami, nibe ngcwele kuNkulunkulu wenu. + 41 NginguJehova uNkulunkulu wenu, onikhiphe ezweni laseGibhithe ukuze ngibe uNkulunkulu wenu. + NginguJehova uNkulunkulu wenu.’” +

16 Ngemva kwalokho uKhora + indodana ka-Izihari, + indodana kaKohati, + indodana kaLevi, + wasukuma, yena noDathani no-Abhiramu amadodana ka-Eliyabe, + no-Oni indodana kaPheleti, amadodana kaRubeni. + 2 Basukuma bamelana noMose, bona kanye namadoda angu-250 angama-Israyeli, izikhulu zenhlangano, abakhethiwe bebandla, amadoda avelele. 3 Ngakho baqoqana ndawonye bamelana + noMose no-Aroni bathi kubo: “Sesikhathele yini! Yonke inhlangano ingcwele, + yonke ngothi lwayo, futhi uJehova uphakathi kwayo. + Pho kungani nina kufanele niziphakamise ngaphezu kwebandla likaJehova?”

4 Lapho uMose ezwa lokhu wakhothama phansi emhlabathini ngaso leso sikhathi. 5 Wabe esethi kuKhora nakubo bonke abamsekelayo: “Ekuseni uJehova uzokwenza kwaziwe ukuthi ubani ongowakhe + nokuthi ubani ongcwele nokuthi ubani okufanele asondele kuye, + noma ubani azomkhetha + uzosondela kuye. 6 Yenzani lokhu: Thathani imicengezi yomlilo, + wena Khora nabo bonke abakusekelayo, + 7 nifake umlilo kuyo, nibeke impepho phezu kwayo phambi kukaJehova kusasa, futhi kuzothi umuntu uJehova azomkhetha, + kube nguye ongcwele. Kwanele lokhu esenikwenzile nina madodana kaLevi!” +

8 UMose wabe esethi kuKhora: “Ngicela nilalele, madodana kaLevi. 9 Ingabe kubonakala kuyinto encane kangako kini ukuthi uNkulunkulu ka-Israyeli unihlukanisile phakathi kwenhlangano ka-Israyeli, + wanivumela ukuba nisondele kuye ukuze nenze inkonzo yetabernakele likaJehova nokuba nime phambi kwenhlangano ukuze niyikhonze, + 10 nokuba anisondeze kuye nina nabo bonke abafowenu, amadodana kaLevi? Ingabe kumele nizame nokuthola ubupristi? + 11 Ngenxa yalesi sizathu, wena nabo bonke abakusekelayo abaqoqana ndawonye, nimelana noJehova. Ngokuqondene no-Aroni, ungubani ukuba nize nibubule ngaye?” +

12 Kamuva uMose wathumela wabiza uDathani no-Abhiramu, + amadodana ka-Eliyabe, kodwa bathi: “Ngeke size! 13 Ingabe kuyinto encane kangako ukuthi usikhiphe ezweni eligeleza ubisi noju ukuze uzosibulala ehlane? + Ingabe manje sewufuna nokusibusa ngokuphelele?* 14 Kumanje nje, akukho zwe eligeleza ubisi noju + osilethe kulo futhi akukho masimu nazivini zamagilebhisi osinike kona njengefa. Ingabe ufuna labo bantu bakulandele njengezimpumputhe?* Ngeke size!”

15 Ngakho uMose wathukuthela kakhulu, wathi kuJehova: “Ungaphenduki ukuba ubheke umnikelo wabo wokudla okusanhlamvu. Angithathanga ngisho neyodwa imbongolo kubo futhi angizange ngilimaze ngisho noyedwa kubo.” +

16 UMose wabe esethi kuKhora: “Woza phambi kukaJehova kusasa, wena nabo bonke abakusekelayo, wena nabo no-Aroni. 17 Ngamunye kufanele athathe umcengezi wakhe womlilo, abeke impepho phezu kwawo, ngamunye alethe umcengezi wakhe womlilo phambi kukaJehova, imicengezi yomlilo engu-250, kanye nawe no-Aroni, ngamunye kini alethe umcengezi wakhe womlilo.” 18 Ngakho ngamunye kubo wathatha umcengezi wakhe womlilo, babeka umlilo nempepho phezu kwayo base bema emnyango wetende lokuhlangana kanye noMose no-Aroni. 19 Lapho uKhora eseqoqele ndawonye abamsekelayo, + bamelana nabo emnyango wetende lokuhlangana, inkazimulo kaJehova yabonakala kuyo yonke inhlangano. +

20 Manje uJehova wakhuluma noMose no-Aroni, wathi: 21 “Zihlukaniseni naleli qembu ukuze ngiliqothule ngomzuzwana.” + 22 Lapho bezwa lokhu bakhothama phansi emhlabathini bathi: “O Nkulunkulu, Nkulunkulu wemimoya yabo bonke abantu, + ingabe isono somuntu oyedwa siyokwenza uthukuthelele yonke inhlangano?” +

23 UJehova wathi kuMose: 24 “Khuluma nenhlangano, uthi kuyo, ‘Sukani eduze kwamatende kaKhora noDathani no-Abhiramu!’” +

25 Ngemva kwalokho uMose wasuka waya kuDathani no-Abhiramu, amadoda amadala + akwa-Israyeli ahamba naye. 26 Wakhuluma nenhlangano, wathi: “Ngicela nisuke ematendeni alaba bantu ababi, ningathinti lutho olungolwabo ukuze ningakhukhulwa ngenxa yesono sabo.” 27 Basuka masinyane ematendeni kaKhora, uDathani no-Abhiramu, nhlangothi zonke, futhi uDathani no-Abhiramu baphuma, bama emnyango wamatende abo kanye nomkabo, amadodana abo nezingane zabo ezincane.

28 UMose wathi: “Nizokwazi ngalokhu ukuthi uJehova ungithume ukuba ngenze zonke lezi zinto, ukuthi akuveli enhliziyweni yami:* 29 Uma laba bantu befa njengabo bonke abantu futhi uma isijeziso sabo sifana nesabo bonke abantu, kusho ukuthi uJehova akangithumanga. + 30 Kodwa uma uJehova enza into engavamile kubo, kuvuleke umhlabathi ubagwinye bona nakho konke okungokwabo, behlele eThuneni* bephila, nakanjani nizokwazi ukuthi la madoda adelele uJehova.”

31 Ngokushesha nje lapho eqeda ukusho wonke la mazwi, umhlabathi owawungaphansi kwabo waqhekezeka. + 32 Umhlaba wavuleka wabagwinya kanye nemindeni yabo nabo bonke abantu ababengabakaKhora + nazo zonke izimpahla zabo. 33 Ngakho bona nabo bonke ababengababo behlela eThuneni* bephila, umhlaba wabamboza, bashabalala phakathi kwebandla. + 34 Wonke ama-Israyeli ayebazungezile abaleka lapho ezwa umsindo wokuklabalasa kwabo, ngoba athi: “Siyesaba ukuthi umhlaba ungase usigwinye!” 35 Kwabe sekuphuma umlilo uvela kuJehova + wawaqothula lawo madoda angu-250 ayenikela impepho. +

36 Ngemva kwalokho uJehova wathi kuMose: 37 “Tshela u-Eleyazare indodana ka-Aroni umpristi ukuba akhiphe imicengezi yomlilo + emlilweni ngoba ingcwele. Umtshele nokuthi asakaze umlilo laphaya. 38 Imicengezi yomlilo yala madoda afe ngenxa yokona kwawo kufanele yenziwe ibe izingcwecwe zensimbi ezilula ezinanyekwe phezu kwe-altare, + ngoba ayiletha phambi kukaJehova, yaba ngcwele. Kufanele ibe uphawu kuma-Israyeli.’” + 39 Ngakho u-Eleyazare umpristi wathatha le micengezi yomlilo yethusi eyayilethwe yilabo ababeshisiwe, yacangcathwa kwananyekwa ngayo i-altare, 40 njengoba nje uJehova ayekhulumile kuye ngoMose. Kwakuyisikhumbuzo kuma-Israyeli sokuthi akukho muntu ongagunyaziwe* ongeyena owenzalo ka-Aroni okufanele asondele ayoshunqisa impepho phambi kukaJehova, + nokuthi akukho muntu okufanele afane noKhora nalabo abamsekelayo. +

41 Kwathi nje ngosuku olulandelayo, yonke inhlangano yama-Israyeli yaqala ukububula ngoMose no-Aroni, + yathi: “Nina nobabili nibulale abantu bakaJehova.” 42 Lapho inhlangano isiqoqene ndawonye ngokumelene noMose no-Aroni, yabe isiphendukela ngasetendeni lokuhlangana, ifu lalimboza, inkazimulo kaJehova yaqala ukubonakala. +

43 UMose no-Aroni baya phambi kwetende lokuhlangana, + 44 uJehova wathi kuMose: 45 “Sukani nina phakathi kwale nhlangano ukuze ngiyiqothule ngomzuzwana.” + Lapho bezwa lokho bakhothama phansi emhlabathini. + 46 UMose wayesethi ku-Aroni: “Thatha umcengezi womlilo ubeke kuwo umlilo wase-altare, + ufake nempepho uphuthume uye enhlanganweni uyoyenzela isihlawulelo, + ngoba intukuthelo kaJehova iyavutha. Inhlupho isiqalile!” 47 U-Aroni wawuthatha ngaso leso sikhathi, njengoba nje uMose ayeshilo, wagijima waya phakathi kwebandla, bheka! inhlupho yayisiqalile phakathi kwabantu. Ngakho wabeka impepho emcengezini womlilo waqala ukwenzela abantu isihlawulelo. 48 Waqhubeka emi phakathi kwabafileyo nabaphilayo, ekugcineni isishayo sanqamuka. 49 Abafa kuleso sishayo babengu-14 700, ngaphandle kwalabo abafa ngenxa kaKhora. 50 Lapho ekugcineni u-Aroni ebuyela kuMose emnyango wetende lokuhlangana, isishayo sase sinqamukile.

17 Manje uJehova wathi kuMose: 2 “Khuluma nama-Israyeli futhi uthathe kuwo induku eyodwa yendlu yoyise ngayinye, esikhulwini sendlu yoyise ngayinye, + izinduku ezingu-12 sezizonke. Ubhale igama lesikhulu ngasinye endukwini yaso. 3 Kufanele ubhale igama lika-Aroni endukwini kaLevi ngoba kunenduku eyodwa yenhloko yendlu yoyise ngayinye. 4 Kufanele ubeke izinduku etendeni lokuhlangana phambi koMphongolo wobuFakazi, + lapho ngivame ukuzibonakalisa khona kini. + 5 Induku yendoda engizoyikhetha + iyohluma futhi ngiyokuqeda nya ukububula kwama-Israyeli, + abubula ngami nangani.” +

6 Ngakho uMose wakhuluma nama-Israyeli, zonke izikhulu zawo zamnika izinduku—induku yesikhulu ngasinye sendlu yoyise, izinduku ezingu-12—induku ka-Aroni yayiphakathi kwezinduku zazo. 7 Ngemva kwalokho uMose wabeka lezi zinduku phambi kukaJehova etendeni lobuFakazi.

8 Ngosuku olulandelayo, lapho uMose engena etendeni lobuFakazi, induku ka-Aroni yendlu kaLevi yayihlumile futhi iqhakaza izimbali ithela nama-alimondi avuthiwe. 9 UMose wabe esekhipha zonke izinduku phambi kukaJehova wazikhiphela bonke abantu bakwa-Israyeli. Bazibheka, yileyo naleyo ndoda yathatha induku yayo.

10 UJehova wathi kuMose: “Buyisela induku ka-Aroni + phambi koMphongolo WobuFakazi njengento okumele igcinwe ibe uphawu + kubantwana abadlubulundayo, + ukuze kuphele ukububula kwabo ngami futhi bangafi.” 11 Ngokushesha uMose wenza njengoba nje uJehova ayemyalile. Wenza kanjalo nje.

12 Ngemva kwalokho ama-Israyeli athi kuMose: “Manje sizofa, nakanjani sizoshabalala, sonke sizoshabalala! 13 Noma ubani ozoke asondele etabernakele likaJehova uzofa! + Ingabe kumele sigcine sife ngaleyo ndlela?” +

18 UJehova wabe esethi ku-Aroni: “Wena namadodana akho nendlu kayihlo niyophendula nganoma yisiphi isiphambeko sokona le ndlu engcwele, + futhi wena namadodana akho niyophendula nganoma yisiphi isiphambeko sokona ubupristi benu. + 2 Usondeze nabafowenu besizwe sakwaLevi, isizwe sokhokho bakho, ukuze babe nawe bakukhonze, + wena namadodana akho, phambi kwetende lobuFakazi. + 3 Kufanele bagcine isibopho sabo kuwe nakulo lonke itende. + Nokho, akumele basondele ezintweni zendawo engcwele nase-altare, ukuze kungafi muntu kini noma kubo. + 4 Bazoba nawe, benze nemisebenzi yabo ngokuphathelene netende lokuhlangana nayo yonke inkonzo yetende, futhi akukho muntu ongagunyaziwe* ongasondela kini. + 5 Kumele nenze umsebenzi wenu endaweni engcwele + nase-altare + ukuze intukuthelo yami + ingabe isabehlela abantu bakwa-Israyeli. 6 Mina ngokwami ngithathe abafowenu, amaLevi, phakathi kwama-Israyeli baba isipho kini. + Banikwe uJehova ukuze benze inkonzo yetende lokuhlangana. + 7 Wena namadodana akho ninesibopho sokwenza imisebenzi yenu yobupristi ephathelene ne-altare nalokho okungaphakathi kwekhethini, + yinina okufanele nenze le nkonzo. + Ngininike inkonzo yobupristi yaba isipho kini, noma yimuphi umuntu ongagunyaziwe* osondelayo kufanele abulawe.” +

8 UJehova waqhubeka ekhuluma no-Aroni ethi: “Mina ngokwami ngikubeke ukuba ugcine iminikelo eyenzelwa mina. + Nginike wena namadodana akho ingxenye yazo zonke izinto ezingcwele ezinikelwe ama-Israyeli njengesabelo saphakade. + 9 Lokhu kuyoba okwakho eminikelweni engcwelengcwele eshiswa emlilweni: yonke iminikelo ayenzayo, kuhlanganise neminikelo yawo yokudla okusanhlamvu + neminikelo yawo yesono + neminikelo yawo yecala + ayiletha kimi. Kuyinto engcwelengcwele kuwe nasemadodaneni akho. 10 Kufanele ukudlele endaweni engcwelengcwele. + Wonke umuntu wesilisa angakudla. Kuyoba yinto engcwele kuwe. + 11 Nalokhu kungokwakho: izipho abazinikela + kanye nayo yonke iminikelo ezuliswayo + yama-Israyeli. Ngikunike wena namadodana akho namadodakazi akho njengesabelo saphakade. + Wonke umuntu ohlanzekile endlini yakho angakudla. +

12 “Konke okuhle kunakho konke kwamafutha nakho konke okuhle kunakho konke kwewayini elisha nokudla okusanhlamvu, okokuqala kulezi zinto, + akunika uJehova, ngikunika wena. + 13 Izithelo zokuqala ezivuthiwe zakho konke okusezweni lawo, ayoziletha kuJehova, ziyoba ezakho. + Wonke umuntu ohlanzekile endlini yakho angazidla.

14 “Yonke into enikelwe* kwa-Israyeli kufanele ibe ngeyakho. +

15 “Wonke amazibulo ayo yonke into ephilayo + ayowaletha kuJehova, kungakhathaliseki ukuthi umuntu noma isilwane, kufanele abe ngawakho. Nokho, kufanele nakanjani uwahlenge amazibulo abantu, + namazibulo ezilwane ezingcolile kufanele uwahlenge. + 16 Kufanele uwahlenge ngenani lokuhlenga lapho esenenyanga eyodwa ubudala kuya phezulu, ngenani elilinganisiwe lamashekeli* amahlanu esiliva, + ngokweshekeli elivamile lendawo engcwele.* Lingamagera* angu-20. 17 Yizibulo lenkomo eyiduna noma izibulo lemvu eyiduna noma lembuzi kuphela okungafanele ulihlenge. + Ayinto engcwele. Kufanele ufafaze igazi lawo e-altare, + futhi amanoni awo kufanele uwashunqise njengomnikelo oshiswa emlilweni ube iphunga elimnandi* kuJehova. + 18 Inyama yawo kufanele ibe ngeyakho. Njengesifuba somnikelo ozuliswayo nanjengomlenze wesokudla, kufanele kube okwakho. + 19 Yonke iminikelo engcwele ama-Israyeli ayoyinikela kuJehova, + ngiyinike wena namadodana akho namadodakazi akho, njengesabelo saphakade. + Kuyisivumelwano sikasawoti* saphakade phambi kukaJehova kuwe nasenzalweni yakho.”

20 UJehova waqhubeka wathi ku-Aroni: “Ngeke ube nefa ezweni lawo, akukho ngxenye yezwe phakathi kwawo eyoba eyakho. + Yimi isabelo sakho nefa lakho phakathi kwama-Israyeli. +

21 “Manje bheka nginike amadodana kaLevi konke okweshumi + kwa-Israyeli njengefa kube imbuyiselo yenkonzo ayenzayo, inkonzo yetende lokuhlangana. 22 Abantu bakwa-Israyeli akusafanele baphinde basondele etendeni lokuhlangana, uma kungenjalo bayoba nesono bese befa. 23 AmaLevi ngokwawo kufanele enze inkonzo yetende lokuhlangana futhi yiwo ayophendula ngesiphambeko sawo. + Kuwumthetho waphakade kuzo zonke izizukulwane zenu ukuthi akufanele athathe ifa phakathi kwama-Israyeli. + 24 Ngoba nginike amaLevi okweshumi okunikelwe ama-Israyeli njengefa, ayokunikela kuJehova. Yingakho ngithe kuwo, ‘Phakathi kwama-Israyeli akufanele athathe ifa.’” +

25 UJehova wabe esethi kuMose: 26 “Kufanele usho lokhu kumaLevi, ‘Nizokwamukela kuma-Israyeli okweshumi engininike kona kuvela kuwo njengefa lenu, + futhi kukho kufanele ninikele okweshumi kwalokho kweshumi kube umnikelo oya kuJehova. + 27 Kuzobhekwa njengomnikelo wenu, njengokungathi ukudla okusanhlamvu kwesibuya + noma umkhiqizo ogcwele wesikhamo sewayini noma samafutha. 28 Ngale ndlela nani niyonikela umnikelo oya kuJehova ovela kukho konke okweshumi enikwamukela kuma-Israyeli, futhi kukho kufanele ninike u-Aroni umpristi umnikelo oya kuJehova. 29 Niyonikela kuJehova zonke izinhlobo zomnikelo, kuzo zonke izipho ezinhle kunazo zonke eninikwe zona, + zibe into engcwele.’

30 “Kumele uthi kuwo, ‘Lapho ninikela ngokuhle kunakho konke kwawo, kumaLevi kuyobhekwa njengomkhiqizo wesibuya nanjengomkhiqizo wesikhamo sewayini noma samafutha. 31 Nina nabendlu yenu ningawudlela nomaphi ngoba kuyinkokhelo yenu njengembuyiselo yenkonzo yenu etendeni lokuhlangana. + 32 Ngeke nibe nesono ngenxa yawo uma nje ninikela ngokuhle kunakho konke kwawo, futhi akumele ningcolise izinto ezingcwele zama-Israyeli ukuze ningafi.’” +

19 UJehova waphinde wakhuluma noMose no-Aroni, wathi: 2 “Nawu umthetho uJehova awushilo, ‘Tshela ama-Israyeli ukuthi kufanele akuthathele inkomazi ephile kahle, ebomvu, engenasici + nengakaze ithweswe ijoka. 3 Kufanele niyinike u-Eleyazare umpristi, ayiholele ngaphandle kwekamu, ihlatshwe phambi kwakhe. 4 U-Eleyazare umpristi uyogcobhoza umunwe wakhe egazini layo alifafaze kasikhombisa aliqondise ngqo phambi kwetende lokuhlangana. + 5 Inkomazi iyoshiswa phambi kwakhe. Isikhumba sayo nenyama yayo negazi layo kanye nomswani wayo kuyoshiswa. + 6 Umpristi uyothatha ukhuni lomsedari, ihisopi + nendwangu ebomvu akuphonse emlilweni lapho kushiselwa khona inkomazi. 7 Umpristi uyowasha izingubo zakhe ageze ngamanzi, ngemva kwalokho angangena ekamu; kodwa uyoba ongcolile kuze kube kusihlwa.

8 “‘Lowo oshise inkomazi uyowasha izingubo zakhe emanzini, ageze ngamanzi, abe ongcolile kuze kube kusihlwa.

9 “‘Umuntu ohlanzekile uyobutha umlotha wenkomazi + awubeke ngaphandle kwekamu endaweni ehlanzekile, kufanele ugcinwe yinhlangano yama-Israyeli iwusebenzise emanzini okuhlanza. + Kungumnikelo wesono. 10 Lowo obutha umlotha wenkomazi uyowasha izingubo zakhe abe ongcolile kuze kube kusihlwa.

“‘Lokhu kuyoba umthetho waphakade kuma-Israyeli nesifiki esihlala phakathi kwawo. + 11 Noma ubani othinta isidumbu sanoma yimuphi umuntu uyoba ongcolile izinsuku eziyisikhombisa. + 12 Lowo muntu kufanele azihlanze ngamanzi ngosuku lwesithathu, ngosuku lwesikhombisa uyoba ohlanzekile. Kodwa uma engazihlanzi ngosuku lwesithathu, ngosuku lwesikhombisa ngeke abe ohlanzekile. 13 Wonke umuntu othinta isidumbu sanoma yimuphi umuntu kodwa angazihlanzi, ungcolise itabernakele likaJehova, + lowo muntu kumele abulawe* kwa-Israyeli. + Ngenxa yokuthi akazange afafazwe ngamanzi okuhlanza, + uyaqhubeka engcolile. Usalokhu engcolile.

14 “‘Lona umthetho osebenza lapho umuntu efela etendeni: Wonke umuntu ongena kulelo tende nawo wonke umuntu obekade ekulelo tende, uyoba ongcolile izinsuku eziyisikhombisa. 15 Zonke izitsha ezivulekile okungaboshelwanga zivalo kuzo, zingcolile. + 16 Wonke umuntu osendle othinta umuntu obulawe ngenkemba noma isidumbu noma ithambo lomuntu noma ithuna uyoba ongcolile izinsuku eziyisikhombisa. + 17 Kufanele bathathele umuntu ongcolile umlotha womnikelo wesono owashiswa, bathele amanzi agelezayo phezu kwawo esitsheni. 18 Umuntu ohlanzekile + uyothatha ihisopi + aligcobhoze kulawo manzi awafafaze phezu kwetende naphezu kwazo zonke izitsha nakubantu* abebelapho nakulowo othinte ithambo noma obulewe noma isidumbu noma ithuna. 19 Umuntu ohlanzekile uyowafafaza kulowo ongcolile ngosuku lwesithathu nangosuku lwesikhombisa, amhlanze esonweni ngosuku lwesikhombisa; + ngemva kwalokho kufanele awashe izingubo zakhe ageze ngamanzi, uyoba ohlanzekile kusihlwa.

20 “‘Kodwa umuntu ongcolile futhi ongeke azihlanze, lowo muntu kumele abulawe* phakathi kwebandla + ngoba ungcolise indlu engcwele kaJehova. Akazange afafazwe ngamanzi okuhlanza, ngakho ungcolile.

21 “‘Lokhu kuyoba umthetho waphakade kuwo: Lowo ofafaza amanzi okuhlanza + kufanele awashe izingubo zakhe, futhi lowo othinta amanzi okuhlanza uyoba ongcolile kuze kube kusihlwa. 22 Noma yini ethintwa yilowo ongcolile iyoba engcolile, nomuntu* oyithintayo uyoba ongcolile kuze kube kusihlwa.’” +

20 Ngenyanga yokuqala, yonke inhlangano yama-Israyeli yafika ehlane laseZini, abantu baqala ukuhlala eKadeshi. + Yilapho uMiriyamu + afela khona wangcwatshelwa khona.

2 Manje kwakungekho manzi ayengasetshenziswa inhlangano, + ngakho yaqoqana ndawonye yamelana noMose no-Aroni. 3 Abantu babexabana noMose + bethi: “Ukube safa ngesikhathi kufa abafowethu phambi kukaJehova! 4 Nililetheleni ibandla likaJehova kuleli hlane ukuba sifele lapha thina nemfuyo yethu? + 5 Nisiholeleni nasikhipha eGibhithe ukuze nisilethe kule ndawo embi? + Akuyona indawo yembewu namakhiwane nemivini namahalananda, awekho namanzi okuphuza.” + 6 UMose no-Aroni baphuma phambi kwebandla baya emnyango wetende lokuhlangana bakhothama phansi emhlabathini, inkazimulo kaJehova yaqala ukubonakala kubo. +

7 UJehova wathi kuMose: 8 “Thatha induku ubizele inhlangano ndawonye, wena no-Aroni umfowenu, nikhulume nedwala phambi kwayo ukuba likhiphe amanzi alo, uzobakhiphela amanzi edwaleni uphuzise + inhlangano nemfuyo yayo.”

9 Ngakho uMose wayithatha induku phambi kukaJehova, + njengoba nje ayemyalile. 10 Ngemva kwalokho uMose no-Aroni babizela ibandla ndawonye phambi kwedwala, wayesethi kulo: “Lalelani lana nina zidlubulundi! Ingabe kumele sinikhiphele amanzi kuleli dwala?” + 11 UMose wabe esephakamisa isandla sakhe washaya idwala kabili ngenduku yakhe, kwaqala ukuphuma amanzi amaningi, inhlangano yaphuza + kanye nemfuyo yayo.

12 Kamuva uJehova wathi kuMose no-Aroni: “Ngenxa yokuthi anizange nibonise ukholo kimi ningingcwelise phambi kwabantu bakwa-Israyeli, ngeke nilingenise leli bandla ezweni engiyolinika lona.” + 13 Lawa amanzi aseMeriba, *+ lapho ama-Israyeli axabana khona noJehova, wangcweliswa phakathi kwawo.

14 Ngemva kwalokho uMose wathuma izithunywa beseKadeshi ukuba ziye enkosini yakwa-Edomi, + wathi: “Yilokhu okushiwo umfowenu u-Israyeli, + ‘Ubazi kahle bonke ubunzima esidlule kubo. 15 Obaba baya eGibhithe, + sahlala eGibhithe iminyaka* eminingi, + abaseGibhithe basiphatha kabi thina nobaba. + 16 Ekugcineni sakhala kuJehova, + wasizwa, wathumela ingelosi + wasikhipha eGibhithe, manje silapha eKadeshi, idolobha elisemngceleni wendawo yakho. 17 Sicela usivumele sinqamule ezweni lakho. Ngeke sinqamule kunoma iyiphi insimu noma isivini, futhi ngeke siwaphuze amanzi kunoma yimuphi umthombo. Sizohamba ngoMgwaqo Wenkosi singaphambukeli kwesokudla noma kwesobunxele, size sidlule endaweni yakho.’” +

18 Nokho, u-Edomi wathi kuye: “Unganqamuli endaweni yethu. Uma unqamula, ngizophuma ngikuhlangabeze ngenkemba.” 19 Ama-Israyeli wona athi kuye: “Sizonyuka ngomgwaqo omkhulu, uma thina nemfuyo yethu siphuza amanzi akho, sizowakhokhela. + Asifuni lutho ngaphandle kokunqamula ngezinyawo zethu.” + 20 Noma kunjalo wathi: “Unganqamuli.” + U-Edomi waphuma nabantu abaningi nebutho* elinamandla ukuze ayolwa naye. 21 U-Edomi wenqaba ukuvumela u-Israyeli ukuba anqamule endaweni yakhe; ngakho u-Israyeli wasuka kuye. +

22 Abantu bakwa-Israyeli, yonke inhlangano, basuka eKadeshi bafika eNtabeni iHori. + 23 UJehova wathi kuMose no-Aroni eNtabeni iHori ngasemngceleni wezwe lakwa-Edomi: 24 “U-Aroni uzofa angcwatshwe njengoba kwangcwatshwa abantu bakubo. *+ Ngeke angene ezweni engizolinika ama-Israyeli ngoba nobabili nadlubulunda emyalweni wami ophathelene namanzi aseMeriba. + 25 Thatha u-Aroni nendodana yakhe u-Eleyazare ukhuphukele nabo eNtabeni iHori. 26 Khumula u-Aroni izingubo zakhe, + uzigqokise u-Eleyazare + indodana yakhe, u-Aroni uzofela lapho.”*

27 Ngakho uMose wenza njengoba nje uJehova ayemyalile, bakhuphuka iNtaba iHori phambi kwayo yonke inhlangano. 28 UMose wabe esekhumula u-Aroni izingubo zakhe wazigqokisa u-Eleyazare indodana yakhe. Ngemva kwalokho u-Aroni wafela lapho esiqongweni sentaba. + UMose no-Eleyazare behla entabeni. 29 Lapho yonke inhlangano ibona ukuthi u-Aroni wayesefile, yonke indlu ka-Israyeli yamlilela u-Aroni izinsuku ezingu-30. +

21 Lapho inkosi yase-Aradi + engumKhanani, eyayihlala eNegebhi, izwa ukuthi u-Israyeli wayeze ngendlela yase-Atarimi, yahlasela u-Israyeli yathumba abanye kubo. 2 Ngakho u-Israyeli wenza lesi sifungo kuJehova: “Uma unikela lesi sizwe esandleni sami, nakanjani nami ngizowabhubhisa amadolobha aso.” 3 Ngakho uJehova walilalela izwi lika-Israyeli wawanikela amaKhanani kuye, ama-Israyeli awabhubhisa wona namadolobha awo. Ngakho aqamba leyo ndawo ngokuthi iHorma. *+

4 Njengoba babeqhubeka nohambo lwabo olusuka eNtabeni iHori + ngendlela yasoLwandle Olubomvu ukuze bazungeze izwe lakwa-Edomi, + abantu bakhathala ngenxa yendlela. 5 Abantu babelokhu bekhuluma kabi ngoNkulunkulu nangoMose, + bethi: “Nisikhipheleni eGibhithe ukuze sizofela ehlane? Akukho kudla namanzi + futhi thina sesiyasizonda* lesi sinkwa esidelelekile.” + 6 Ngakho uJehova wathumela izinyoka ezinesihlungu* phakathi kwabantu, futhi zazilokhu zibaluma, kangangokuba ama-Israyeli amaningi afa. +

7 Ngakho abantu beza kuMose bathi: “Sonile ngokukhuluma kabi ngoJehova nangawe. + Sincengele kuJehova ukuze asuse lezi zinyoka kithi.” UMose wabancengela abantu. + 8 Ngakho uJehova wathi kuMose: “Yenza umfanekiso wenyoka enesihlungu* uwubeke esigxotsheni. Kuyothi lapho noma ubani elunyiwe, kudingeke awubuke ukuze aqhubeke ephila.” 9 Khona manjalo uMose wenza inyoka yethusi + wayibeka esigxotsheni, + noma nini lapho inyoka ilume umuntu bese ebuka inyoka yethusi, wayesinda. +

10 Ngemva kwalokho ama-Israyeli asuka amisa amatende e-Oboti. + 11 Abe esesuka e-Oboti amisa amatende e-Iye-abarimi, + ehlane elibheke kuMowabi, ngasempumalanga. 12 Asuka lapho amisa amatende ngaseSigodini* SaseZeredi. + 13 Asuka lapho amisa amatende esifundeni sase-Arinoni, + esisehlane elisukela emngceleni wama-Amori, ngoba i-Arinoni liwumngcele kaMowabi, phakathi kukaMowabi nama-Amori. 14 Yingakho incwadi yeziMpi ZikaJehova ikhuluma “ngeVahebi eseSufa nangezigodi* zase-Arinoni, 15 nangendawo eyehlelayo* yezigodi,* eze iyofika endaweni yase-Ari futhi encikene nomngcele kaMowabi.”

16 Ngokulandelayo baya eBheri. Lona umthombo uJehova akhuluma ngawo kuMose wathi: “Qoqa abantu, ngibanike amanzi.”

17 Ngaleso sikhathi u-Israyeli wacula le ngoma:

“O mthombo, phethuka!—Sabelani* kuwo!

Abe esesuka ehlane aqhubekela eMathana, 19 asuka eMathana aqhubekela eNahaliyeli, asuka eNahaliyeli aqhubekela eBhamoti. + 20 Asuka eBhamoti aqhubekela esigodini esisendaweni* yakwaMowabi, + esiqongweni sePhisiga, + esibheke eJeshimoni. *+

21 U-Israyeli wathumela izithunywa kuSihoni, inkosi yama-Amori, wathi: + 22 “Sivumele sidabule ezweni lakho. Ngeke siphambukele ensimini noma esivinini. Akukho mthombo esizophuza kuwo amanzi. Sizohamba ngoMgwaqo Wenkosi size sidlule endaweni yakho.” + 23 Kodwa uSihoni akamvumelanga u-Israyeli ukuba adabule endaweni yakhe. Kunalokho waqoqa bonke abantu bakhe waphuma wayomelana no-Israyeli ehlane, wafika eJahazi waqala ukulwa no-Israyeli. + 24 Kodwa u-Israyeli wamnqoba ngenkemba + walidla izwe lakhe + kusukela e-Arinoni + kwaze kwaba seJabhoki, + eduze kwama-Amoni, ngoba iJazeri + liwumngcele wendawo yama-Amoni. +

25 Ngakho u-Israyeli wawathatha wonke la madolobha, waqala ukuhlala kuwo wonke amadolobha ama-Amori + eHeshibhoni nakuzo zonke izindawo ezingaphansi kwalo.* 26 Ngoba iHeshibhoni kwakuyidolobha likaSihoni, inkosi yama-Amori, owalwa nenkosi yakwaMowabi wathatha lonke izwe layo kuyo kuze kufike e-Arinoni. 27 Yilokho okwenza kwaba khona isaga sokwedelela esithi:

“Woza eHeshibhoni.

Idolobha likaSihoni malakhiwe futhi limiswe liqine.

28 Ngoba kuphume umlilo eHeshibhoni, ilangabi edolobhaneni likaSihoni.

Udle i-Ari lakwaMowabi, amakhosi ezindawo eziphakeme zase-Arinoni.

29 Maye kuwe, Mowabi! Niyoqothulwa, bantu bakaKemoshi! +

Wenza amadodana akhe abe ababaleki namadodakazi akhe abe izithunjwa zikaSihoni, inkosi yama-Amori.

31 Ngakho u-Israyeli waqala ukuhlala ezweni lama-Amori. 32 UMose wabe esethumela amadoda athile ukuba ayohlola iJazeri. + Athumba izindawo ezingaphansi kwalo* axosha ama-Amori ayelapho. 33 Ngemva kwalokho baphenduka bakhuphuka ngeNdlela YaseBhashani. U-Ogi, + inkosi yaseBhashani, waphuma nabo bonke abantu bakhe waya kubo empini e-Edireyi. + 34 UJehova wathi kuMose: “Ungamesabi, + ngoba ngizomnikela kuwe yena nabo bonke abantu bakhe nezwe lakhe, + wenze kuye njengoba nje wenzile kuSihoni, inkosi yama-Amori, owayehlala eHeshibhoni.” + 35 Ngakho babelokhu bebabulala yena namadodana akhe nabo bonke abantu bakhe, kwaze kwangasala ngisho noyedwa kubantu bakhe, + balidla izwe lakhe. +

22 Ngemva kwalokho ama-Israyeli asuka amisa amatende emathafeni awugwadule akwaMowabi ngaphesheya kweJordani uma usuka eJeriko. + 2 UBhalaki + indodana kaZipori wakubona konke lokho u-Israyeli ayekwenzile kuma-Amori, 3 laba bantu bamethusa kakhulu uMowabi ngoba babebaningi kakhulu; ngempela uMowabi wesaba kakhulu ngenxa yama-Israyeli. + 4 Ngakho uMowabi wathi emadodeni amadala akwaMidiyani: + “Manje leli bandla lizozishwabadela zonke izindawo ezisizungezile njengoba nje inkunzi ishwabadela utshani edlelweni.”

UBhalaki indodana kaZipori wayeyinkosi yakwaMowabi ngaleso sikhathi. 5 Wathumela izithunywa kuBhalami indodana kaBheyori ePethori, + elingaseMfuleni* osezweni lakubo. Wamyala ukuba eze kuye wathi: “Bheka! Kuphume isizwe eGibhithe. Simboze umhlaba *+ futhi sihlala khona la phambi kwami. 6 Manje ngicela uze uzongiqalekisela lesi sizwe + ngoba sinamandla kunami. Mhlawumbe ngingasinqoba ngisixoshe ezweni ngoba ngazi kahle ukuthi lowo ombusisayo ubusisiwe, nalowo omqalekisayo uqalekisiwe.”

7 Ngakho amadoda amadala akwaMowabi namadoda amadala akwaMidiyani ahamba ephethe inkokhelo yokubhula ezandleni zawo aya kuBhalami + adlulisa umyalezo kaBhalaki. 8 Yena wathi kuwo: “Lalani lapha namuhla, ngizobuya ngizonazisa noma yini eshiwo uJehova kimi.” Ngakho izikhulu zakwaMowabi zahlala noBhalami.

9 UNkulunkulu wafika kuBhalami wathi: + “Angobani la madoda akanye nawe?” 10 UBhalami wathi kuNkulunkulu weqiniso: “UBhalaki indodana kaZipori, inkosi yakwaMowabi, ungithumelele umyalezo wathi, 11 ‘Bheka! Isizwe esiphuma eGibhithe simboza umhlaba.* Manje woza ungiqalekisele sona. + Mhlawumbe ngingase ngikwazi ukulwa naso ngisixoshe.’” 12 Kodwa uNkulunkulu wathi kuBhalami: “Akumele uhambe nawo. Akumele usiqalekise lesi sizwe ngoba sibusisiwe.” +

13 UBhalami wavuka ekuseni wathi ezikhulwini zikaBhalaki: “Hambani niye ezweni lakini ngoba uJehova wenqabile ukungidedela ukuba ngihambe nani.” 14 Ngakho izikhulu zakwaMowabi zahamba zabuyela kuBhalaki zathi: “UBhalami wenqabile ukuza nathi.”

15 Nokho, uBhalaki waphinde wathumela izikhulu eziningi kakhulu nezihlonishwa kakhulu kunezokuqala. 16 Zafika kuBhalami zathi kuye: “Yilokhu uBhalaki indodana kaZipori akushilo, ‘Ngicela ungavumeli lutho lukuvimbe ukuba uze kimi, 17 ngoba ngizokuphakamisa kakhulu futhi ngizokwenza noma yini ongitshela ukuba ngiyenze. Ngakho ngicela uze ungiqalekisele lesi sizwe.’” 18 Kodwa uBhalami waphendula izinceku zikaBhalaki wathi: “Noma kungathiwa uBhalaki unginika indlu yakhe igcwele isiliva negolide, bengingeke ngenze lutho olungale komyalo kaJehova uNkulunkulu wami, kungakhathaliseki ukuthi kuncane noma kukhulu. + 19 Kodwa nani ngicela nihlale lapha namuhla ebusuku ukuze ngazi ukuthi yikuphi okunye uJehova azongitshela khona.” +

20 UNkulunkulu wafika kuBhalami ebusuku wathi kuye: “Uma la madoda ezele ukuzokubiza, hamba nawo. Kodwa uzokhuluma kuphela amazwi engikutshela wona.” + 21 Ngakho uBhalami wavuka ekuseni wabophela imbongolo* yakhe wahamba nezikhulu zakwaMowabi. +

22 Kodwa intukuthelo kaNkulunkulu yavutha ngenxa yokuthi wayehamba, ingelosi kaJehova yama endleleni ukuze imelane naye. UBhalami wayegibele imbongolo yakhe, ekanye nezikhonzi zakhe ezimbili. 23 Lapho imbongolo ibona ingelosi kaJehova imi endleleni iphethe inkemba esandleni sayo iyihoshile, yazama ukuphambuka endleleni ukuze ishone esigangeni. Kodwa uBhalami waqala ukuyishaya imbongolo ukuze ayiphindisele endleleni. 24 Ingelosi kaJehova yabe isima endleleni ewumngcingo phakathi kwamasimu amagilebhisi amabili, kukhona izindonga zamatshe ngapha nangapha. 25 Lapho imbongolo ibona ingelosi kaJehova, yaqala ukuzimpintsha odongeni yacindezela nonyawo lukaBhalami odongeni, uBhalami waqala ukuyishaya futhi.

26 Manje ingelosi kaJehova yaphinde yadlula ngakubo yama endaweni ewumngcingo, lapho kwakungekho ndlela yokuphambukela kwesokudla noma kwesobunxele. 27 Lapho le mbongolo ibona ingelosi kaJehova, yalala phansi uBhalami eyigibele, ngakho uBhalami wathukuthela waqhubeka eshaya imbongolo ngenduku yakhe. 28 Ekugcineni uJehova wenza ukuba imbongolo ikhulume, + yathi kuBhalami: “Ngenzeni kuwe uze ungishaye kathathu?” + 29 UBhalami wathi embongolweni: “Kungenxa yokuthi ungenze isilima. Ukube nje bengiphethe inkemba, bengizokubulala!” 30 Imbongolo yathi kuBhalami: “Angiyona yini imbongolo yakho obulokhu uyigibela konke ukuphila kwakho kuze kube namhlanje? Ngake ngakuphatha yini ngale ndlela?” Wathi: “Cha!” 31 Ngemva kwalokho uJehova wavula amehlo kaBhalami, + wabona ingelosi kaJehova imi endleleni iphethe inkemba esandleni sayo iyihoshile. Ngaso leso sikhathi waguqa wayesekhothama.

32 Ingelosi kaJehova yabe isithi kuye: “Uyishayeleni imbongolo yakho kathathu? Bheka! Mina ngiphumele ukumelana nawe ngoba indlela yakho imelene nentando yami. + 33 Imbongolo ingibonile yazama ukuphambuka kimi kathathu. + Ake sithi ayiphambukanga kimi! Ngabe manje sengikubulele, ngayilonda imbongolo.” 34 UBhalami wathi engelosini kaJehova: “Ngonile ngoba bengingazi ukuthi nguwe omi endleleni ukuba ungihlangabeze. Manje uma kukubi emehlweni akho, ngizophindela emuva.” 35 Kodwa ingelosi kaJehova yathi kuBhalami: “Hamba nawo la madoda, kodwa ungakhuluma kuphela amazwi engikutshela wona.” Ngakho uBhalami waqhubeka ehamba nezikhulu zikaBhalaki.

36 Lapho uBhalaki ezwa ukuthi uBhalami usefikile, ngokushesha waphuma wayomhlangabeza edolobheni lakwaMowabi, elingasosebeni lwe-Arinoni, emngceleni wendawo. 37 UBhalaki wathi kuBhalami: “Angizange yini ngithumele ukuba ubizwe? Kungani ungezanga kimi? Ubucabanga ukuthi ngeke ngikwazi ukukuphakamisa kakhulu?” + 38 UBhalami waphendula uBhalaki wathi: “Nakhu ngizile kuwe manje. Kodwa ngizovunyelwa yini ukusho noma yini? Ngingakhuluma amazwi uNkulunkulu angitshela wona kuphela.” +

39 Ngakho uBhalami wahamba noBhalaki bafika eKiriyati-huzoti. 40 UBhalaki wenza umhlatshelo ngezinkomo nezimvu, wathumela okunye kuBhalami nasezikhulwini ezazikanye naye. 41 Ekuseni uBhalaki wathatha uBhalami wamletha eBhamoti-bhali; elapho wayekwazi ukubona sonke isizwe sakwa-Israyeli. +

23 UBhalami wathi kuBhalaki: “Ngakhele ama-altare ayisikhombisa kule ndawo, + ungilungisele izinkunzi eziyisikhombisa nezinqama eziyisikhombisa.” 2 Ngokushesha uBhalaki wenza njengoba nje uBhalami ayeshilo. UBhalaki noBhalami banikela ngenkunzi nangenqama e-altare ngalinye. + 3 UBhalami wabe esethi kuBhalaki: “Hlala lapha ngasemnikelweni wakho oshiswayo, mina ngizohamba. Mhlawumbe uJehova uzongithinta. Noma yini ayembula kimi ngizokutshela yona.” Ngakho waya egqumeni elingenalutho.

4 Ngemva kwalokho uNkulunkulu wathintana noBhalami, + owathi kuYe: “Ngihlele ama-altare ayisikhombisa ngezinhlu, nganikela ngenkunzi nangenqama e-altare ngalinye.” 5 UJehova waqondisa lokho uBhalami okufanele akusho, wathi: + “Buyela kuBhalaki, futhi nakhu ozokusho.” 6 Ngakho wabuyela, wabona ukuthi uBhalaki nazo zonke izikhulu zakwaMowabi babemi ngasemnikelweni wakhe oshiswayo. 7 Wabe esesho lesi saga: +

‘Woza ungiqalekisele uJakobe.

Yebo, woza, ulahle u-Israyeli.’ +

 8 Ngingabaqalekisa kanjani labo uNkulunkulu angabaqalekisanga?

Ngingabalahla kanjani labo uJehova angabalahlanga? +

Bayisizwe esihlezi sodwa lapho; +

11 UBhalaki wabe esethi kuBhalami: “Yini le ongenze yona? Ngikulethe lapha ukuba uzoqalekisa izitha zami, kodwa okwenzile nje ukuzibusisa.” + 12 Waphendula wathi: “Akumele yini ngikhulume noma yikuphi uJehova akufaka emlonyeni wami?” +

13 UBhalaki wathi kuye: “Ngicela uhambe nami siye kwenye indawo ozokwazi ukubabona ukuyo. Uzobona ingxenye yabo kuphela; ngeke ubabone bonke. Ungiqalekisele bona ulapho.” + 14 Ngakho wamthatha wamyisa ensimini kaZofimu, esiqongweni sePhisiga, + wabe esemakhela ama-altare ayisikhombisa, wanikela ngenkunzi nenqama e-altare ngalinye. + 15 Ngakho uBhalami wathi kuBhalaki: “Hlala lapha ngasemnikelweni wakho oshiswayo, ngesikhathi mina ngithintana naYe laphaya.” 16 UJehova wathintana noBhalami wafaka leli zwi emlonyeni wakhe: + “Buyela kuBhalaki futhi yilokhu okufanele ukusho.” 17 Ngakho wafika kuye wabona ukuthi wayelinde ngasemnikelweni wakhe oshiswayo, izikhulu zakwaMowabi zikanye naye. UBhalaki wambuza: “Utheni uJehova?” 18 Wabe esesho lesi saga: +

“Vuka, Bhalaki, ulalele.

Ngilalele, O ndodana kaZipori.

Lapho esho okuthile, ngeke yini akwenze?

Lapho ekhuluma, ngeke yini akufeze akushoyo? +

22 UNkulunkulu ubakhipha eGibhithe. +

Ufana nezimpondo zenkunzi yasendle kubo. +

Ngalesi sikhathi kungashiwo ngoJakobe nango-Israyeli ukuthi:

‘Bheka lokho uNkulunkulu akwenzile!’

25 UBhalaki wathi kuBhalami: “Uma kuwukuthi awukwazi ukumqalekisa, khona-ke akufanele umbusise.” 26 UBhalami waphendula uBhalaki wathi: “Angishongo yini kuwe ukuthi, ‘Ngizokwenza konke uJehova akushoyo’?” +

27 UBhalaki wathi kuBhalami: “Ngicela uze ngikuyise kwenye indawo. Mhlawumbe kuzoba kuhle emehlweni kaNkulunkulu weqiniso ukuba ungiqalekisele yena ulapho.” + 28 Ngakho uBhalaki wathatha uBhalami wamyisa esiqongweni sePheyori, esibheke eJeshimoni. *+ 29 UBhalami wathi kuBhalaki: “Ngakhele ama-altare ayisikhombisa kule ndawo, ungilungisele izinkunzi eziyisikhombisa nezinqama eziyisikhombisa.” + 30 Ngakho uBhalaki wenza njengoba nje uBhalami ayeshilo, wanikela ngenkunzi nangenqama e-altare ngalinye.

24 Lapho uBhalami ebona ukuthi kwakumjabulisa uJehova* ukubusisa u-Israyeli, akabange esasuka ukuze ayofuna amabika okubi, + kodwa ubuso bakhe wabubhekisa ehlane. 2 Lapho uBhalami ephakamisa amehlo futhi ebona u-Israyeli emise amatende ngokwezizwe zakhe, + umoya kaNkulunkulu waba phezu kwakhe. + 3 Wabe esesho lesi saga: +

10 UBhalaki wamthukuthelela uBhalami. Washaya izandla ngokwedelela wathi kuBhalami: “Ngikubizele ukuba uqalekise izitha zami, + kodwa okwenzile nje ukuzibusisa kathathu. 11 Ngakho buyela ekhaya* khona manje. Bengihlose ukukuphakamisa kakhulu, + kodwa uJehova akavumanga ukuba ngikuphakamise.”

12 UBhalami waphendula uBhalaki wathi: “Angishongo yini ezithunyweni owazithuma ukuthi, 13 ‘Noma kungathiwa uBhalaki unginika indlu yakhe igcwele isiliva negolide, bengingeke ngenze lutho ngokuthanda kwami* olungale komyalo kaJehova, kungakhathaliseki ukuthi kuhle noma kubi. Ngizokhuluma kuphela lokho uJehova azongitshela khona’? + 14 Manje ngiyahamba ngiya kubantu bakithi. Woza ngikutshele lokho lesi sizwe esiyokwenza kubantu bakho esikhathini esizayo.”* 15 Ngakho washo lesi saga: +

20 Lapho ebona u-Amaleki, waqhubeka nesaga sakhe wathi:

21 Lapho ebona amaKheni, + waqhubeka nesaga sakhe wathi:

“Ilondekile indawo yakho yokuhlala, imiswe emadwaleni indlu yakho.

22 Kodwa kukhona ozoshisa iKhayine.

Kuzoba isikhathi esingakanani ngaphambi kokuba i-Asiriya likuthumbe?”

23 Waqhubeka nesaga sakhe wathi:

“Maye! Ubani oyosinda lapho uNkulunkulu enza lokhu?

Kodwa naye uyophela nya.”

25 Ngemva kwalokho uBhalami + wasukuma wahamba wabuyela endaweni yakhe. UBhalaki naye wahamba indlela yakhe.

25 Ngesikhathi u-Israyeli ehlala eShithimi, + abantu baqala ukuziphatha kabi ngokuya ocansini namadodakazi akwaMowabi. + 2 Laba besifazane bamemela abantu emihlatshelweni yonkulunkulu babo, + abantu baqala ukudla nokukhothamela onkulunkulu babo. + 3 Ngakho u-Israyeli naye wakhonza nabo uBhali* wasePheyori, + uJehova wamthukuthelela kakhulu u-Israyeli. 4 UJehova wathi kuMose: “Thatha bonke abaholi* balaba bantu kuthi uma sebebulewe, ulengise izidumbu zabo phambi kukaJehova emini bebade,* ukuze uJehova angabe esamthukuthelela u-Israyeli.” 5 UMose wabe esethi kubahluleli bakwa-Israyeli: + “Ngamunye kini kufanele abulale abantu bakubo abakhonza uBhali* wasePheyori.” +

6 Kwathi kusenjalo nje, kwafika umuntu ongumIsrayeli, elethe ekamu owesifazane wakwaMidiyani + phambi kwamehlo kaMose nawayo yonke inhlangano yama-Israyeli, ngesikhathi inhlangano ikhala emnyango wetende lokuhlangana. 7 Lapho uFinehasi + indodana ka-Eleyazare indodana ka-Aroni umpristi ebona lokhu, wasukuma ngokushesha phakathi kwenhlangano wathatha umkhonto.* 8 Wayilandela le ndoda yakwa-Israyeli wangena etendeni, wababhokoda ngomkhonto bobabili, umkhonto waphumela ngale, wabhokoda le ndoda yakwa-Israyeli nowesifazane ezithweni zakhe zangasese. Ngemva kwalokho isishayo sanqamuka + kuma-Israyeli. 9 Abafa kulesi sishayo baba ngu-24 000. +

10 UJehova wabe esethi kuMose: 11 “UFinehasi + indodana ka-Eleyazare indodana ka-Aroni umpristi ulunqandile ulaka lwami kubantu bakwa-Israyeli ngoba akakubekezelelanga nhlobo ukuba khona kwembangi yami phakathi kwabo. + Ngakho angiwaqothulanga ama-Israyeli ngenxa yokuphikelela kwami ukufuna abantu bazinikele kimi kuphela. + 12 Ngakho yithi, ‘Ngimnika isivumelwano sami sokuthula. 13 Siyoba isivumelwano sobupristi baphakade kuye nasenzalweni yakhe, + ngoba akakubekezelelanga ukuba khona kwembangi kaNkulunkulu wakhe + futhi wabenzela isihlawulelo abantu bakwa-Israyeli.’”

14 Igama lendoda yakwa-Israyeli eyabulawa kanye nowesifazane wakwaMidiyani kwakunguZimri indodana kaSalu, isikhulu sendlu kayise yabakwaSimeyoni. 15 Igama lowesifazane wakwaMidiyani owabulawa kwakunguKozibi indodakazi kaZuri + owayengumholi wemindeni yendlu kayise kwaMidiyani. +

16 Kamuva uJehova wathi kuMose: 17 “Hlasela abakwaMidiyani, ubashaye, + 18 ngoba bebelokhu benikhathaza ngezenzo zabo zobuqili abazenze kini endabeni yasePheyori + nasendabeni kaKozibi indodakazi yesikhulu sakwaMidiyani, owabulawa + ngosuku lwesishayo ngenxa yendaba yasePheyori.” +

26 Ngemva kwaleso sishayo, + uJehova wathi kuMose naku-Eleyazare indodana ka-Aroni umpristi: 2 “Balani yonke inhlangano yama-Israyeli kusukela kwabaneminyaka engu-20 ubudala kuya phezulu, ngokwezindlu zoyise, nibale bonke abangaya empini kwa-Israyeli.” + 3 Ngakho uMose no-Eleyazare + umpristi bakhuluma nayo emathafeni awugwadule akwaMowabi + ngaseJordani eJeriko, + bathi: 4 “Babaleni kusukela kwabaneminyaka engu-20 ubudala kuya phezulu, njengoba nje uJehova emyalile uMose.” +

Abantwana bakwa-Israyeli abaphuma ezweni laseGibhithe kwakuyilaba: 5 URubeni, + izibulo lika-Israyeli; amadodana kaRubeni + kwakuyilawa: kuHanoki, umndeni wakwaHanoki; kuPhalu, umndeni wakwaPhalu; 6 kuHezironi, umndeni wakwaHezironi; kuKarmi, umndeni wakwaKarmi. 7 Lena kwakuyimindeni yabakwaRubeni, ababhaliswa kuyo baba ngu-43 730. +

8 Indodana kaPhalu kwakungu-Eliyabe. 9 Amadodana ka-Eliyabe kwakunguNemuweli, uDathani no-Abhiramu. Lo Dathani no-Abhiramu babengabakhethiwe benhlangano, abalwa noMose + no-Aroni bekanye neqembu likaKhora, + ngesikhathi belwa noJehova. +

10 Umhlaba wavuleka wabagwinya. UKhora yena wafa nababemsekela ngesikhathi umlilo uqothula amadoda angu-250. + Baba yisixwayiso kwabanye. + 11 Nokho, amadodana kaKhora awazange afe. +

12 Amadodana kaSimeyoni + ngemindeni yawo kwakuyilawa: kuNemuweli, umndeni wakwaNemuweli; kuJamini, umndeni wakwaJamini; kuJakini, umndeni wakwaJakini; 13 kuZera, umndeni wakwaZera; kuShawule, umndeni wakwaShawule. 14 Lena kwakuyimindeni yabakwaSimeyoni: babengu-22 200. +

15 Amadodana kaGadi + ngemindeni yawo kwakuyilawa: kuZefoni, umndeni wakwaZefoni; kuHagi, umndeni wakwaHagi; kuShuni, umndeni wakwaShuni; 16 ku-Ozini, umndeni wakwa-Ozini; ku-Erayi, umndeni wakwa-Erayi; 17 ku-Arodi, umndeni wakwa-Arodi; ku-Areli, umndeni wakwa-Areli. 18 Lena kwakuyimindeni yamadodana kaGadi, ababebhalisiwe kuyo babengu-40 500. +

19 Amadodana kaJuda + kwakungu-Eri no-Onani. + Nokho, u-Eri no-Onani bafela ezweni laseKhanani. + 20 Amadodana kaJuda ngemindeni yawo kwakuyilawa: kuShela, + umndeni wakwaShela; kuPherezi, + umndeni wakwaPherezi; kuZera, + umndeni wakwaZera. 21 Amadodana kaPherezi kwakuyilawa: kuHezironi, + umndeni wakwaHezironi; kuHamule, + umndeni wakwaHamule. 22 Lena kwakuyimindeni yakwaJuda, ababhaliswa kuyo babengu-76 500. +

23 Amadodana ka-Isakare + ngemindeni yawo kwakuyilawa: kuThola, + umndeni wakwaThola; kuPhuva, umndeni wakwaPhuni; 24 kuJashubi, umndeni wakwaJashubi; kuShimroni, umndeni wakwaShimroni. 25 Lena kwakuyimindeni yakwa-Isakare, ababhaliswa kuyo babengu-64 300. +

26 Amadodana kaZebhuloni + ngemindeni yawo kwakuyilawa: kuSeredi, umndeni wakwaSeredi; ku-Eloni, umndeni wakwa-Eloni; kuJahaliyeli, umndeni wakwaJahaliyeli. 27 Lena kwakuyimindeni yabakwaZebhuloni, ababhaliswa kuyo babengu-60 500. +

28 Amadodana kaJosefa + ngemindeni yawo kwakunguManase no-Efrayimi. + 29 Amadodana kaManase + kwakuyilawa: kuMakiri, + umndeni wakwaMakiri; uMakiri waba uyise kaGileyadi; + kuGileyadi, umndeni wakwaGileyadi. 30 Yilawa amadodana kaGileyadi: ku-Iyezeri, umndeni wakwa-Iyezeri; kuHeleki, umndeni wakwaHeleki; 31 ku-Asiriyeli, umndeni wakwa-Asiriyeli; kuShekemi, umndeni wakwaShekemi; 32 kuShemida, umndeni wakwaShemida; kuHeferi, umndeni wakwaHeferi. 33 UZelofehadi indodana kaHeferi wayengenawo amadodana, enamadodakazi kuphela, + amagama amadodakazi kaZelofehadi + kwakunguMahila, uNowa, uHogila, uMilka noTiriza. 34 Lena kwakuyimindeni yakwaManase, ababhaliswa kuyo babengu-52 700. +

35 Lawa kwakungamadodana ka-Efrayimi + ngemindeni yawo: kuShuthela, + umndeni wakwaShuthela; kuBekeri, umndeni wakwaBekeri; kuThahani, umndeni wakwaThahani. 36 Lawa kwakungamadodana kaShuthela: ku-Eranu, umndeni wakwa-Eranu. 37 Lena kwakuyimindeni yamadodana ka-Efrayimi, ababhaliswa kuyo babengu-32 500. + Lawa kwakungamadodana kaJosefa ngemindeni yawo.

38 Amadodana kaBhenjamini + ngemindeni yawo kwakuyilawa: kuBhela, + umndeni wakwaBhela; ku-Ashibheli, umndeni wakwa-Ashibheli; ku-Ahiramu, umndeni wakwa-Ahiramu; 39 kuShefufamu, umndeni wakwaShufamu; kuHufamu, umndeni wakwaHufamu. 40 Amadodana kaBhela kwakungu-Arida noNahamani: + ku-Arida, umndeni wakwa-Arida; kuNahamani, umndeni wakwaNahamani. 41 Lawa kwakungamadodana kaBhenjamini ngemindeni yawo, ababhaliswa kuwo babengu-45 600. +

42 Lawa kwakungamadodana kaDani + ngemindeni yawo: kuShuhamu, umndeni wakwaShuhamu. Lena kwakuyimindeni yakwaDani ngemindeni yawo. 43 Ababhaliswa kuyo yonke imindeni yamaShuhamu babengu-64 400. +

44 Amadodana ka-Asheri + ngemindeni yawo kwakuyilawa: ku-Imna, umndeni wakwa-Imna; ku-Ishivi, umndeni wakwa-Ishivi; kuBheriya, umndeni wakwaBheriya; 45 emadodaneni kaBheriya: kuHebhere, umndeni wakwaHebhere; kuMalikhiyeli, umndeni wakwaMalikhiyeli. 46 Igama lendodakazi ka-Asheri kwakunguSera. 47 Lena kwakuyimindeni yamadodana ka-Asheri, ababhaliswa kuyo babengu-53 400. +

48 Amadodana kaNafetali + ngemindeni yawo kwakuyilawa: kuJahaziyeli, umndeni wakwaJahaziyeli; kuGuni, umndeni wakwaGuni; 49 kuJezeri, umndeni wakwaJezeri; kuShilemi, umndeni wakwaShilemi. 50 Lena kwakuyimindeni kaNafetali ngemindeni yayo, ababhaliswa kuyo babengu-45 400. +

51 Lena ingqikithi yalabo ababhaliswa kuma-Israyeli: babengu-601 730. +

52 Ngemva kwalokho uJehova wathi kuMose: 53 “Yilaba okufanele bahlukaniselwe izwe libe yifa ngokohlu lwamagama. *+ 54 Amaqembu amakhulu kufanele uwandisele ifa, amaqembu amancane kufanele uwanciphisele ifa. + Iqembu ngalinye kufanele linikezwe ifa lalo ngokulingana nesibalo sababhalisiwe. 55 Nokho izwe kufanele lihlukaniswe ngenkatho. + Kufanele bathole ifa labo ngokwamagama ezizwe zoyise. 56 Ifa ngalinye liyonqunywa ngenkatho, lihlukaniswe phakathi kwamaqembu amakhulu namancane.”

57 Manje yilaba ababebhalisiwe kumaLevi + ngemindeni yawo: kuGereshoni, umndeni wakwaGereshoni; kuKohati, + umndeni wakwaKohati; kuMerari, umndeni wakwaMerari. 58 Yilena imindeni yamaLevi: umndeni wakwaLibini, + umndeni wakwaHebroni, + umndeni wakwaMaheli, + umndeni wakwaMushi, + umndeni wakwaKhora. +

UKohati wazala u-Amramu. + 59 Igama lomka-Amramu kwakunguJokebedi, + indodakazi kaLevi, eyazalelwa uLevi eGibhithe. UJokebedi wazalela u-Amramu u-Aroni noMose nodadewabo uMiriyamu. + 60 U-Aroni wazalelwa uNadabi, u-Abhihu, u-Eleyazare no-Itamari. + 61 Kodwa oNadabi no-Abhihu bafa ngenxa yokuletha umlilo ongagunyaziwe phambi kukaJehova. +

62 Ingqikithi yalabo ababhaliswa yayingu-23 000, bonke abesilisa kusukela kwabanenyanga eyodwa ubudala kuya phezulu. + Ababhaliswanga phakathi kwama-Israyeli + ngoba alikho ifa okwakufanele banikezwe lona phakathi kwama-Israyeli. +

63 Yilaba ababhaliswa uMose no-Eleyazare umpristi lapho bebhalisa ama-Israyeli emathafeni awugwadule akwaMowabi ngaseJordani eJeriko. 64 Kodwa phakathi kwabo kwakungekho noyedwa kulabo ababhaliswa uMose no-Aroni umpristi lapho kubalwa ama-Israyeli ehlane laseSinayi. + 65 Ngoba uJehova wayethe ngabo: “Nakanjani bayofela ehlane.” + Ngakho kwakungasalanga muntu kubo ngaphandle kukaKalebi indodana kaJefune noJoshuwa indodana kaNuni. +

27 Ngemva kwalokho amadodakazi kaZelofehadi, + indodana kaHeferi, indodana kaGileyadi, indodana kaMakiri, indodana kaManase, wemindeni yakwaManase indodana kaJosefa, asondela. Amagama amadodakazi akhe kwakunguMahila, uNowa, uHogila, uMilka noTiriza. 2 Ama phambi kukaMose, u-Eleyazare umpristi, izikhulu + nayo yonke inhlangano emnyango wetende lokuhlangana, athi: 3 “Ubaba ufele ehlane, kodwa wayengekho phakathi kweqembu elahlangana ukuze limelane noJehova, abasekeli bakaKhora, + kodwa ufele isono sakhe futhi wayengenawo amadodana. 4 Kungani igama likababa kufanele lisuswe emndenini wakubo ngenxa yokuthi wayengenandodana? Sicela nisinike ifa phakathi kwabafowabo bakababa.” 5 Ngakho uMose wethula udaba lwawo phambi kukaJehova. +

6 UJehova wabe esethi kuMose: 7 “Amadodakazi kaZelofehadi aqinisile. Kufanele nakanjani uwanike ifa phakathi kwabafowabo bakayise libe ngelawo, udlulisele ifa likayise kuwo. + 8 Ukhulume nama-Israyeli, uthi: ‘Uma kwenzeka umuntu efa engenandodana, kumele nidlulisele ifa lakhe endodakazini yakhe. 9 Uma engenayo indodakazi, ifa lakhe niyolinika abafowabo. 10 Uma engenabo abafowabo, ifa lakhe niyolinika abafowabo bakayise. 11 Uma uyise engenabo abafowabo, ifa lakhe niyolinika isihlobo sakhe segazi esiseduze kakhulu emndenini wakubo, libe elaso. Lesi sinqumo sokwahlulela siyoba umthetho kuma-Israyeli, njengoba nje uJehova emyalile uMose.’”

12 Ngemva kwalokho uJehova wathi kuMose: “Khuphukela kule ntaba yase-Abharimi, + ubuke izwe engizolinika ama-Israyeli. + 13 Lapho usulibonile, uyofa, + njengoba nje no-Aroni umfowenu afa, + 14 ngenxa yokuthi lapho inhlangano ixabana nami ehlane laseZini, nadlubulunda emyalweni wami wokungingcwelisa ngamanzi phambi kwayo. + Lawa amanzi aseMeriba + eKadeshi + ehlane laseZini.” +

15 UMose wabe esethi kuJehova: 16 “UJehova, uNkulunkulu onika bonke abantu ukuphila, makamise indoda phezu kwenhlangano 17 ezophuma iphinde ingene phambi kwayo nezoyihola iyikhiphe iphinde iyingenise, ukuze inhlangano kaJehova ingabi njengezimvu ezingenamalusi.” 18 Ngakho uJehova wathi kuMose: “Thatha uJoshuwa indodana kaNuni, indoda enomoya, ubeke isandla sakho kuye. + 19 Ngemva kwalokho ummise phambi kuka-Eleyazare umpristi naphambi kwayo yonke inhlangano, umbeke njengomholi phambi kwamehlo ayo. + 20 Kumele umnike elinye igunya* lakho, + ukuze yonke inhlangano yama-Israyeli imlalele. + 21 UJoshuwa uyoma phambi kuka-Eleyazare umpristi, oyombuzela ngesahlulelo se-Urimi + phambi kukaJehova. Bayophuma ngomyalo wakhe bangene ngomyalo wakhe, yena nawo wonke ama-Israyeli akanye naye nayo yonke inhlangano.”

22 Ngakho uMose wenza njengoba nje uJehova ayemyalile. Wathatha uJoshuwa wammisa phambi kuka-Eleyazare umpristi naphambi kwayo yonke inhlangano, 23 wabeka izandla zakhe kuye wambeka njengomholi, + njengoba nje uJehova ayekhulumile ngoMose. +

28 UJehova wabe esethi kuMose: 2 “Yala ama-Israyeli, uthi kuwo, ‘Kufanele niqikelele ukuba ningilethele umnikelo wami, isinkwa sami. Iminikelo yami eshiswa emlilweni ukuba ibe iphunga elimnandi* kimi kumele yenziwe ngezikhathi zayo ezimisiwe.’ +

3 “Uyothi kuwo, ‘Lona umnikelo oshiswa emlilweni eniyowuletha kuJehova: amawundlu amabili angamaduna aphile kahle anonyaka owodwa ubudala, usuku ngalunye, abe umnikelo oshiswayo njalo. + 4 Elinye iwundlu leduna uyolinikela ekuseni, elinye ulinikele uma sekuhwalele, *+ 5 kanye nokweshumi kwe-efa* likafulawa ocolekile kube umnikelo wokudla okusanhlamvu oxutshwe nokwesine kwehini* lamafutha aphehliwe, kube umnikelo wokudla okusanhlamvu. + 6 Kuwumnikelo oshiswayo owenziwa njalo, + owaqala ukunikelwa eNtabeni iSinayi njengephunga elimnandi,* umnikelo oya kuJehova oshiswa emlilweni, 7 kanye nomnikelo wawo ophuzwayo, okwesine kwehini, ohambisana newundlu ngalinye leduna. + Thululela endaweni engcwele utshwala bube umnikelo ophuzwayo oya kuJehova. 8 Elinye iwundlu leduna uyolinikela uma sekuhwalele.* Uyolinikela nomnikelo wokudla okusanhlamvu ofanayo nowenziwe ekuseni nomnikelo walo ophuzwayo ofanayo, uyolinikela libe umnikelo oshiswa emlilweni ube iphunga elimnandi* kuJehova. +

9 “‘Nokho, ngosuku lweSabatha + kufanele kunikelwe ngamawundlu amabili eduna aphile kahle anonyaka owodwa ubudala nezingxenye ezimbili eshumini ze-efa likafulawa ocolekile oxutshwe namafutha kube umnikelo wokudla okusanhlamvu kanye nomnikelo wawo ophuzwayo. 10 Lona umnikelo oshiswayo wangeSabatha kanye nomnikelo oshiswayo owenziwa njalo nomnikelo wawo ophuzwayo. +

11 “‘Ekuqaleni kwenyanga ngayinye* niyoletha kuJehova amathole amabili eduna, inqama eyodwa namawundlu ayisikhombisa angamaduna aphile kahle, ngalinye elinonyaka owodwa ubudala, kube umnikelo oshiswayo, + 12 nezilinganiso ezintathu eshumini zikafulawa ocolekile oxutshwe namafutha kube umnikelo wokudla okusanhlamvu + ngeduna ngalinye lenkomo, nezilinganiso ezimbili eshumini zikafulawa ocolekile oxutshwe namafutha kube umnikelo wokudla okusanhlamvu waleyo nqama eyodwa, + 13 nesilinganiso sokweshumi sikafulawa ocolekile oxutshwe namafutha kube umnikelo wokudla okusanhlamvu ngewundlu ngalinye leduna, kube umnikelo oshiswayo, iphunga elimnandi, *+ umnikelo oshiswa emlilweni oya kuJehova. 14 Iminikelo yayo ephuzwayo kufanele kube uhhafu wehini lewayini ngenkunzi + nengxenye yesithathu yehini ngenqama + nengxenye yesine yehini ngewundlu leduna. + Lona umnikelo oshiswayo okufanele ulethwe inyanga nenyanga onyakeni. 15 Kufanele kunikelwe nangezinyane elilodwa lembuzi libe umnikelo wesono oya kuJehova ngaphezu komnikelo oshiswayo owenziwa njalo kanye nomnikelo wawo ophuzwayo.

16 “‘Ngenyanga yokuqala, ngosuku luka-14 lwenyanga, kuyoba iPhasika likaJehova. + 17 Ngosuku luka-15 lwale nyanga kuyoba nomkhosi. Izinsuku eziyisikhombisa kuyodliwa isinkwa esingenamvubelo. + 18 Ngosuku lokuqala kuyoba nomhlangano ongcwele. Akumele nenze umsebenzi okhandlayo. 19 Kumele nilethe kuJehova amathole amabili eduna, inqama eyodwa namawundlu ayisikhombisa angamaduna ngalinye elinonyaka owodwa ubudala kube umnikelo oshiswayo, oshiswa emlilweni. Kufanele ninikele ngezilwane eziphile kahle. + 20 Kufanele nikunikele neminikelo yako yokudla okusanhlamvu kafulawa ocolekile oxutshwe namafutha, + izilinganiso ezintathu eshumini ngenkunzi nezilinganiso ezimbili eshumini ngenqama. 21 Niyonikela ngesilinganiso sokweshumi ngokufanayo ngewundlu ngalinye leduna kula mawundlu angamaduna ayisikhombisa, 22 kanye nembuzi eyodwa ibe umnikelo wesono ukuze inenzele isihlawulelo. 23 Ngaphandle komnikelo oshiswayo wasekuseni, ongowomnikelo oshiswayo owenziwa njalo, nizonikela nalokhu. 24 Niyonikela ngalokhu ngendlela efanayo usuku ngalunye izinsuku eziyisikhombisa njengokudla,* umnikelo oshiswa emlilweni ube iphunga elimnandi* kuJehova. Kufanele unikelwe kanye nomnikelo oshiswayo owenziwa njalo, kanye nomnikelo wawo ophuzwayo. 25 Ngosuku lwesikhombisa kufanele nibe nomhlangano ongcwele. + Akumele nenze umsebenzi okhandlayo. +

26 “‘Ngosuku lwezithelo zokuqala ezivuthiwe, + lapho niletha umnikelo omusha wokudla okusanhlamvu kuJehova, + kufanele nibe nomhlangano ongcwele ngomkhosi wesivuno. + Akumele nenze umsebenzi okhandlayo. + 27 Niyoletha amathole amabili eduna, inqama eyodwa namawundlu ayisikhombisa angamaduna, ngalinye elinonyaka owodwa ubudala, kube umnikelo oshiswayo oyiphunga elimnandi* kuJehova, + 28 nanjengomnikelo wako wokudla okusanhlamvu kafulawa ocolekile oxutshwe namafutha, izilinganiso ezintathu eshumini ngenkunzi ngayinye, izilinganiso ezimbili eshumini ngenqama eyodwa, 29 isilinganiso esisodwa sokweshumi ngokufanayo ngewundlu ngalinye leduna kula mawundlu ayisikhombisa angamaduna, 30 kanye nezinyane elilodwa lembuzi ukuze linenzele isihlawulelo. + 31 Niyowunikela ngaphandle komnikelo oshiswayo owenziwa njalo nomnikelo wawo wokudla okusanhlamvu. Kufanele kube izilwane eziphile kahle + kanye neminikelo yako ephuzwayo.

29 “‘Ngenyanga yesikhombisa, ngosuku lokuqala lwenyanga, kufanele nibe nomhlangano ongcwele. Akumele nenze umsebenzi okhandlayo. + Kuwusuku okufanele nishaye ngalo icilongo. + 2 Niyonikela ngethole elilodwa leduna, inqama eyodwa namawundlu angamaduna ayisikhombisa, ngalinye elinonyaka owodwa ubudala, konke kube okuphile kahle, kube umnikelo oshiswayo oyiphunga elimnandi* kuJehova, 3 nomnikelo wako wokudla okusanhlamvu kafulawa ocolekile oxutshwe namafutha, izilinganiso ezintathu eshumini ze-efa ezihambisana nenkunzi, izilinganiso ezimbili eshumini ezihambisana nenqama, 4 nesilinganiso esisodwa eshumini ngewundlu leduna ngalinye emawundlwini angamaduna ayisikhombisa, 5 nezinyane lembuzi leduna elilodwa libe umnikelo wesono wokunenzela isihlawulelo. 6 Niyonikela ngalokhu ngaphandle komnikelo oshiswayo wanyanga zonke nomnikelo wawo wokudla okusanhlamvu + nomnikelo oshiswayo owenziwa njalo nomnikelo wawo wokudla okusanhlamvu, + kanye neminikelo yako ephuzwayo, + ngokwenqubo yayo evamile, njengephunga elimnandi,* umnikelo oshiswa emlilweni oya kuJehova.

7 “‘Ngosuku lweshumi lwale nyanga yesikhombisa kufanele nibe nomhlangano ongcwele, + futhi kumele nidabuke.* Akumele nenze noma yimuphi umsebenzi. + 8 Niyonikela ngethole elilodwa leduna, inqama eyodwa namawundlu angamaduna ayisikhombisa, ngalinye elinonyaka owodwa ubudala, kube umnikelo oshiswayo oya kuJehova, iphunga elimnandi,* konke kube okuphile kahle. + 9 Umnikelo wawo wokudla okusanhlamvu kafulawa ocolekile oxutshwe namafutha yizilinganiso ezintathu eshumini ngeduna, izilinganiso ezimbili eshumini ngenqama eyodwa, 10 isilinganiso esisodwa sokweshumi ngokufanayo ngewundlu leduna ngalinye emawundlwini angamaduna ayisikhombisa, 11 kanye nezinyane lembuzi elilodwa libe umnikelo wesono, ngaphandle komnikelo wesono wesihlawulelo + nomnikelo oshiswayo owenziwa njalo nomnikelo wawo wokudla okusanhlamvu, kanye neminikelo yako ephuzwayo.

12 “‘Ngosuku luka-15 lwenyanga yesikhombisa kufanele nibe nomhlangano ongcwele. Akumele nenze umsebenzi okhandlayo futhi kumele nigubhele uJehova umkhosi izinsuku eziyisikhombisa. + 13 Kumele ninikele ngamathole eduna angu-13, izinqama ezimbili namawundlu angamaduna angu-14, ngalinye elinonyaka owodwa ubudala, kube umnikelo oshiswayo, + umnikelo oshiswa emlilweni oyiphunga elimnandi* kuJehova, konke kube okuphile kahle. + 14 Umnikelo wawo wokudla okusanhlamvu kafulawa ocolekile oxutshwe namafutha uyizilinganiso ezintathu eshumini ngenkunzi ngayinye kulezi zinkunzi ezingu-13, izilinganiso ezimbili eshumini ngenqama ngayinye ezinqameni ezimbili, 15 nesilinganiso esisodwa sokweshumi ngewundlu ngalinye leduna kula mawundlu angamaduna angu-14, 16 kanye nezinyane lembuzi elilodwa libe umnikelo wesono, ngaphandle komnikelo oshiswayo owenziwa njalo, umnikelo wawo wokudla okusanhlamvu nomnikelo wawo ophuzwayo. +

17 “‘Ngosuku lwesibili amathole eduna angu-12, izinqama ezimbili namawundlu angamaduna angu-14, ngalinye elinonyaka owodwa ubudala, konke kube okuphile kahle, + 18 nomnikelo wako wokudla okusanhlamvu neminikelo yako ephuzwayo ehambisana nezinkunzi, izinqama namawundlu angamaduna ngokwesibalo sako ngokwenqubo evamile, 19 kanye nezinyane lembuzi elilodwa libe umnikelo wesono, ngaphandle komnikelo oshiswayo owenziwa njalo nomnikelo wawo wokudla okusanhlamvu, kanye neminikelo yayo ephuzwayo. +

20 “‘Ngosuku lwesithathu izinkunzi ezingu-11, izinqama ezimbili namawundlu angamaduna angu-14 ngalinye elinonyaka owodwa ubudala, konke kube okuphile kahle, + 21 nomnikelo wako wokudla okusanhlamvu neminikelo yako ephuzwayo ehambisana nezinkunzi, izinqama namawundlu angamaduna ngokwesibalo sako ngokwenqubo evamile, 22 kanye nembuzi eyodwa ibe umnikelo wesono, ngaphandle komnikelo oshiswayo owenziwa njalo nomnikelo wawo wokudla okusanhlamvu nomnikelo wawo ophuzwayo. +

23 “‘Ngosuku lwesine izinkunzi eziyishumi, izinqama ezimbili namawundlu angamaduna angu-14 ngalinye elinonyaka owodwa ubudala, konke kube okuphile kahle, + 24 umnikelo wako wokudla okusanhlamvu neminikelo yako ephuzwayo ehambisana nezinkunzi, izinqama namawundlu angamaduna ngokwesibalo sako ngokwenqubo evamile, 25 kanye nezinyane lembuzi elilodwa libe umnikelo wesono, ngaphandle komnikelo oshiswayo owenziwa njalo, umnikelo wawo wokudla okusanhlamvu nomnikelo wawo ophuzwayo. +

26 “‘Ngosuku lwesihlanu izinkunzi ezingu-9, izinqama ezimbili, amawundlu angamaduna angu-14 ngalinye elinonyaka owodwa ubudala, konke kube okuphile kahle, + 27 nomnikelo wako wokudla okusanhlamvu neminikelo yako ehambisana nezinkunzi, izinqama namawundlu angamaduna ngokwesibalo sako ngokwenqubo evamile, 28 kanye nembuzi eyodwa ibe umnikelo wesono, ngaphandle komnikelo oshiswayo owenziwa njalo nomnikelo wawo wokudla okusanhlamvu nomnikelo wawo ophuzwayo. +

29 “‘Ngosuku lwesithupha izinkunzi ezingu-8, izinqama ezimbili, amawundlu angamaduna angu-14, ngalinye elinonyaka owodwa ubudala, konke kube okuphile kahle, + 30 nomnikelo wako wokudla okusanhlamvu neminikelo yako ephuzwayo ehambisana nezinkunzi, izinqama namawundlu angamaduna ngokwesibalo sako ngokwenqubo evamile, 31 kanye nembuzi eyodwa ibe umnikelo wesono, ngaphandle komnikelo oshiswayo owenziwa njalo, umnikelo wawo wokudla okusanhlamvu, neminikelo yawo ephuzwayo. +

32 “‘Ngosuku lwesikhombisa izinkunzi eziyisikhombisa, izinqama ezimbili, amawundlu angamaduna angu-14 ngalinye elinonyaka owodwa ubudala, konke kube okuphile kahle, + 33 nomnikelo wako wokudla okusanhlamvu neminikelo yako ephuzwayo ehambisana nezinkunzi, izinqama namawundlu angamaduna ngokwesibalo sako ngokwenqubo evamile ngako, 34 kanye nembuzi eyodwa ibe umnikelo wesono, ngaphandle komnikelo oshiswayo owenziwa njalo, umnikelo wawo wokudla okusanhlamvu nomnikelo wawo ophuzwayo. +

35 “‘Ngosuku luka-8 kufanele nibe nomhlangano onesizotha. Akufanele nenze umsebenzi okhandlayo. + 36 Niyonikela ngenkunzi eyodwa, inqama eyodwa, amawundlu angamaduna ayisikhombisa ngalinye elinonyaka owodwa ubudala, kube umnikelo oshiswayo, umnikelo oshiswa emlilweni oyiphunga elimnandi* kuJehova, konke kube okuphile kahle, + 37 nomnikelo wako wokudla okusanhlamvu neminikelo yako ephuzwayo ehambisana nenkunzi, inqama namawundlu angamaduna ngokwesibalo sako ngokwenqubo evamile, 38 kanye nembuzi eyodwa ibe umnikelo wesono, ngaphandle komnikelo oshiswayo owenziwa njalo nomnikelo wawo wokudla okusanhlamvu nomnikelo wawo ophuzwayo. +

39 “‘Lena niyoyinikela kuJehova emikhosini yenu yangezinkathi ezithile, + ngaphandle kweminikelo yenu ethenjiswe ngesifungo + neminikelo yenu yokuzithandela + ibe iminikelo yenu eshiswayo + neminikelo yenu yokudla okusanhlamvu + neminikelo yenu ephuzwayo + nemihlatshelo yenu ehlanganyelwayo.’” + 40 UMose watshela ama-Israyeli konke uJehova ayemyale ngakho.

30 Ngemva kwalokho uMose wakhuluma nezinhloko + zezizwe zakwa-Israyeli, wathi: “Nakhu uJehova akuyalile: 2 Uma umuntu enza isithembiso + kuJehova noma enza isifungo + sokuzila into ethile, kumele alifeze izwi lakhe. + Kufanele akwenze konke akuthembisile. +

3 “Uma owesifazane enza isithembiso kuJehova noma enza isithembiso sokuzila into ethile lapho esemusha futhi ehlala endlini kayise, 4 bese uyise esizwa isithembiso sakhe noma isithembiso sakhe sokuzila into ethile asenzile, kodwa uyise angasiphikisi, zonke izithembiso zakhe ziyombopha futhi zonke izithembiso zakhe zokuzila okuthile azenzile ziyombopha. 5 Kodwa uma uyise emnqabela lapho ezwa ukuthi wenze izithembiso noma izithembiso zokuzila into ethile, ngeke zimbophe. UJehova uyomthethelela ngoba uyise umenqabele. +

6 “Nokho, uma kwenzeka eshada esengaphansi kwesithembiso sakhe noma isithembiso asenze ngokuphamazela 7 bese umyeni wakhe ezwa ngaso kodwa angasiphikisi ngosuku asizwa ngalo, izithembiso zakhe noma izithembiso zakhe azenzile zokuzila into ethile ziyombopha. 8 Kodwa uma umyeni wakhe emenqabela ngosuku asizwa ngalo, angase asenze sibe yize leso sithembiso noma isithembiso asenze ngokuphamazela + futhi uJehova uyomthethelela.

9 “Kodwa uma umfelokazi noma owesifazane odivosile enza isithembiso, zonke izithembiso azenzile ziyombopha.

10 “Nokho, uma owesifazane enza isithembiso noma isithembiso sokuzila into ethile 11 futhi umyeni wakhe esizwile kodwa wangasiphikisa noma wangamenqabela, zonke izithembiso zakhe ziyombopha, nanoma yisiphi isithembiso sokuzila into ethile asenzile siyombopha. 12 Kodwa uma umyeni wakhe ezenze zaba yize ngokuphelele ngosuku ezwa ngalo noma yiziphi izithembiso zakhe noma isithembiso sokuzila into ethile afunge ukuthi uzosenza, ngeke zimbophe. + Umyeni wakhe uzenze zaba yize futhi uJehova uyomthethelela. 13 Mayelana nanoma yisiphi isithembiso nanoma yisiphi isifungo esihlanganisa isithembiso sokuzila into ethile ngenjongo yokuzincisha, umyeni wakhe kufanele anqume ukuthi uzosifeza yini isithembiso sakhe noma kufanele asenze sibe yize. 14 Kodwa uma umyeni wakhe engasiphikisi nhlobo usuku nosuku, usemvumele ukuba afeze zonke izithembiso zakhe noma zonke izithembiso zakhe zokuzila into ethile eziphezu kwakhe futhi kufanele azifeze. Umvumele ukuba enze lokhu ngoba akaziphikisanga ngosuku amuzwa ngalo ezenza. 15 Kodwa uma kamuva ezenza zibe yize, ngemva kwesikhathi esithile kudlule usuku azizwa ngalo, umyeni wakhe uyothwala imiphumela yecala lomkakhe. +

16 “Lezi yiziqondiso uJehova ayala ngazo uMose eziphathelene nendoda nomkayo, neziphathelene nobaba nendodakazi yakhe eseyintsha ehlala endlini yakhe.”

31 UJehova wabe esethi kuMose: 2 “Phindiselela + ama-Israyeli kwabakwaMidiyani. + Ngemva kwalokho uyokufa.” *+

3 Ngakho uMose wakhuluma nabantu, wathi: “Hlomisani amadoda phakathi kwenu ukuze aye empini* ayokulwa noMidiyani akhiphe nempindiselo kaJehova kuMidiyani. 4 Kufanele nithumele empini abantu abangu-1 000 besizwe ngasinye kuzo zonke izizwe zakwa-Israyeli.” 5 Ngakho ezinkulungwaneni zakwa-Israyeli, + kwathathwa* abangu-1 000 esizweni ngasinye, abantu abangu-12 000 abalungele impi.*

6 Ngemva kwalokho uMose wabathumela empini, abangu-1 000 besizwe ngasinye, behamba noFinehasi + indodana ka-Eleyazare umpristi, owayephethe izinto ezingcwele namacilongo okuhlaba umkhosi. + 7 Balwa noMidiyani, njengoba nje uJehova ayemyalile uMose, babulala bonke abesilisa. 8 Ngaphandle kwalaba ababulawa, babulala namakhosi akwaMidiyani, u-Evi, uRekemi, uZuri, uHure noRebha, amakhosi amahlanu akwaMidiyani. Babulala noBhalami + indodana kaBheyori ngenkemba. 9 Kodwa ama-Israyeli athumba abesifazane nezingane bakwaMidiyani. Aphanga nazo zonke izilwane zabo ezifuywayo, yonke imfuyo yabo nayo yonke impahla yabo. 10 Ashisa ngomlilo wonke amadolobha abo ababehlala kuwo nazo zonke izindawo ababemise kuzo amatende.* 11 Athatha yonke impango nayo yonke impahla edliwe, abantu nezilwane. 12 Abe eseletha izithunjwa, impahla edliwe nempango kuMose naku-Eleyazare umpristi nasenhlanganweni yama-Israyeli, ekamu elisemathafeni awugwadule akwaMowabi, + ngaseJordani eJeriko.

13 UMose no-Eleyazare umpristi nazo zonke izikhulu zenhlangano baphuma bawahlangabeza ngaphandle kwekamu. 14 Kodwa uMose wawathukuthelela amadoda amisiwe ayehola amabutho alwayo, izinduna zamadoda ayizinkulungwane nezinduna zamadoda angamakhulu, ayevela empini. 15 UMose wathi kuwo: “Ingabe nibasindise bonke abesifazane? 16 Phela yibona okwathi ngezwi likaBhalami, babangela ukuba ama-Israyeli angathembeki + kuJehova ngokuphathelene nendaba yasePheyori, + kangangokuba inhlangano kaJehova yehlelwa isishayo. + 17 Manje kufanele nibulale zonke izingane zesilisa, nibulale nabo bonke abesifazane abaye balala nomuntu wesilisa. 18 Kodwa ningawasindisa wonke amantombazane angakaze alale nomuntu wesilisa. + 19 Kufanele nimise amatende ngaphandle kwekamu izinsuku eziyisikhombisa. Wonke umuntu obulele umuntu nawo wonke umuntu oye wathinta umuntu obulewe, + kufanele azihlanze + ngosuku lwesithathu nangosuku lwesikhombisa, nina nezithunjwa zenu. 20 Zonke izingubo, zonke izinto zesikhumba, konke okwenziwe ngoboya bembuzi nazo zonke izinto zokhuni kufanele nikuhlanze esonweni.”

21 U-Eleyazare umpristi wabe esethi ebuthweni elaliye empini: “Yilona umthetho uJehova ayala ngawo uMose, 22 ‘Kuphela yigolide, isiliva, ithusi, insimbi, ithini nomthofu, 23 konke okungashi uma kufakwa emlilweni, okufanele nikushise emlilweni, kuyobe sekuhlanzeka. Nokho, kufanele kuhlanzwe nangamanzi okuhlanza. + Konke okushayo uma kufakwa emlilweni, kufanele nikudlulise emanzini. 24 Kufanele niwashe izingubo zenu ngosuku lwesikhombisa nihlanzeke, ngemva kwalokho ningangena ekamu.’” +

25 UJehova wathi kuMose: 26 “Bala impahla edliwe, ubale izithunjwa kokubili ezabantu nezezilwane; lokhu kwenze no-Eleyazare umpristi nezinhloko zoyise benhlangano. 27 Impahla edliwe yihlukanise kabili uyihlukanisele labo abalwe empini nayo yonke inhlangano. + 28 Kufanele uthathe emasosheni aye empini umphefumulo* owodwa kwengu-500, kubantu, emhlanjini wezinkomo, ezimbongolweni nasemhlanjini wezimvu nezimbuzi, kube intela kuJehova. 29 Kufanele niyithathe engxenyeni yabo uyinike u-Eleyazare umpristi njengomnikelo kaJehova. + 30 Engxenyeni enikwe ama-Israyeli, kufanele uthathe okukodwa kokungu-50, kubantu, emhlanjini wezinkomo, ezimbongolweni, emhlanjini wezimvu nezimbuzi, nakuzo zonke izinhlobo zezilwane ezifuywayo, ukunike amaLevi + enza imisebenzi ephathelene netabernakele likaJehova.” +

31 Ngakho uMose no-Eleyazare umpristi benza njengoba nje uJehova ayemyalile uMose. 32 Impahla edliwe, yonke impango abantu ababeye empini ababeyithathile, yaba umhlambi wezimvu nezimbuzi ongu-675 000, 33 umhlambi wezinkomo ongu-72 000, 34 nezimbongolo ezingu-61 000. 35 Abesifazane ababengakaze balale nowesilisa + babengu-32 000. 36 Ingxenye eyayiyisabelo salabo abaya empini yayingumhlambi wezimvu nezimbuzi ongu-337 500. 37 Intela kaJehova evela emhlanjini wezimvu nezimbuzi yaba ngu-675. 38 Emhlanjini wezinkomo kwakukhona ezingu-36 000, kuzo intela kaJehova yaba ezingu-72. 39 Izimbongolo zazingu-30 500, kuzo intela kaJehova yaba ezingu-61. 40 Kwakunabantu abangu-16 000, kubo intela kaJehova yayingabantu abangu-32. 41 Ngakho uMose wayinika u-Eleyazare umpristi le ntela yaba umnikelo kaJehova, + njengoba nje uJehova ayemyalile uMose.

42 Engxenyeni eyayingeyama-Israyeli, uMose ayeyihlukanise kuleyo engeyamadoda ayelwe empini, 43 leyo ngxenye yomhlambi wezimvu nezimbuzi yaba ngu-337 500, 44 umhlambi wezinkomo wawungu-36 000, 45 izimbongolo zazingu-30 500, 46 abantu babengu-16 000. 47 Engxenyeni engeyama-Israyeli uMose wathatha okukodwa kokungu-50, kubantu nasezilwaneni, wakunika amaLevi, + ayenza imisebenzi ephathelene netabernakele likaJehova, + njengoba nje uJehova ayemyalile uMose.

48 Amadoda amisiwe ayehola amadoda empi ayizinkulungwane, + izinduna zamadoda ayizinkulungwane nezinduna zamadoda angamakhulu, aya kuMose, 49 athi kuMose: “Izinceku zakho zibale amadoda empi esiwaphathisiwe, akukho neyodwa okubikwe ukuthi ayikho phakathi kwethu. + 50 Ngakho sivumele ukuba ngamunye wethu alethe lokho akutholile ukuze kube umnikelo kaJehova, izinto zegolide, okokuhloba kwasemaqakaleni, amabhengela, izindandatho ezinophawu, amacici, nezinye izinto zokuhloba, ukuze sizenzele* isihlawulelo phambi kukaJehova.”

51 Ngakho uMose no-Eleyazare umpristi bamukela igolide kuwo, zonke izinto zokuhloba. 52 Lonke igolide lomnikelo abalinikela kuJehova laba amashekeli* angu-16 750, livela ezinduneni zamadoda ayizinkulungwane nasezinduneni zamadoda angamakhulu. 53 Indoda yempi ngayinye yayizithathele impango. 54 UMose no-Eleyazare umpristi balamukela igolide ezinduneni zamadoda ayizinkulungwane nezamadoda angamakhulu baliletha etendeni lokuhlangana njengesikhumbuzo kubantu bakwa-Israyeli phambi kukaJehova.

32 Manje abantwana bakwaRubeni + nabantwana bakwaGadi + babenemfuyo eningi kakhulu, babona ukuthi izwe laseJazeri + nelakwaGileyadi ayeyindawo ekahle yokufuya. 2 Ngakho abantwana bakwaGadi nabantwana bakwaRubeni baya kuMose, u-Eleyazare umpristi nasezikhulwini zenhlangano bafike bathi: 3 “I-Atharoti, iDiboni, iJazeri, iNimra, iHeshibhoni, + i-Eliyale, iSebamu, iNebo + neBheyoni, + 4 izindawo uJehova azinqoba phambi kwenhlangano yakwa-Israyeli, + ziyizindawo ezikahle zemfuyo futhi izinceku zakho zinemfuyo eningi.” + 5 Baqhubeka bathi: “Uma sithole umusa kuwe, le ndawo mayinikwe izinceku zakho njengefa. Ungasiwelisi iJordani.”

6 UMose wathi kubantwana bakwaGadi nakubantwana bakwaRubeni: “Ingabe abafowenu bazoya empini nina nibe niqhubeka nihleli lapha? 7 Kungani kufanele nibaqede amandla abantu bakwa-Israyeli ukuba bangaweleli ezweni uJehova azobanika lona nakanjani? 8 Yilokho oyihlo abakwenza lapho ngibathuma ukuba bayobona izwe besuka eKadeshi-barineya. + 9 Lapho benyukela eSigodini* Sase-Eshikoli + futhi bebona izwe, babaqeda amandla abantu bakwa-Israyeli ukuze bangangeni ezweni uJehova ayezobanika lona. + 10 Ngalolo suku intukuthelo kaJehova yavutha waze wafunga, + wathi: 11 ‘Amadoda akhuphuka ephuma eGibhithe asukela eminyakeni engu-20 ubudala kuya phezulu ngeke alibone izwe + engafunga ukulinika u-Abrahama, u-Isaka noJakobe, + ngoba awazange angilandele ngenhliziyo ephelele⁠— 12 ngaphandle kukaKalebi + indodana kaJefune umKhenizi noJoshuwa + indodana kaNuni, ngoba baye balandela uJehova ngenhliziyo ephelele.’ + 13 Ngakho intukuthelo kaJehova yamvuthela u-Israyeli wamenza wazulazula ehlane iminyaka engu-40, + saze saphela sonke isizukulwane esasenza okubi emehlweni kaJehova. + 14 Manje senenza lokhu okwakwenziwa oyihlo njengenzalo yabantu abanesono abandisa intukuthelo kaJehova evuthayo ngokumelene no-Israyeli. 15 Uma niyeka ukumlandela, naye uzophinde abashiye nakanjani ehlane futhi niyobangela incithakalo kuso sonke lesi sizwe.”

16 Kamuva basondela kuye bathi: “Sivumele sakhe lapha izibaya zamatshe zemfuyo yethu namadolobha ezingane zethu. 17 Kodwa sizoqhubeka silungele impi + futhi sizohamba phambi kwama-Israyeli kuze kube yilapho sesiwafikise endaweni yawo, izingane zethu zona zizobe zihleli emadolobheni anezivikelo eziqinile, zivikelekile kwabakhe ezweni. 18 Ngeke sibuyele ezindlini zethu kuze kube yilapho umIsrayeli ngamunye esethole indawo yakhe njengefa. + 19 Ngoba ngeke sithole ifa kanye nawo ngaphesheya kweJordani nangale kwalo, ngoba silitholile ifa lethu empumalanga yeJordani.” +

20 UMose wabaphendula: “Uma nizokwenza lokhu: Thathani izikhali zempi phambi kukaJehova; + 21 futhi uma wonke umuntu kini ethatha izikhali awele iJordani phambi kukaJehova ngesikhathi exosha izitha zakhe phambi kwakhe + 22 kuze kube yilapho izwe linqotshwa phambi kukaJehova, + ningabuya + ningabi nacala phambi kukaJehova no-Israyeli. Leli zwe liyobe seliba yifa lenu phambi kukaJehova. + 23 Kodwa uma ningakwenzi lokhu, niyobe nonile kuJehova. Kufanele nazi ukuthi isono senu sizonifica. 24 Ngakho ningazakhela izingane zenu amadolobha nemihlambi yenu izibaya, + kodwa kumele nikwenze enikuthembisile.”

25 Abantwana bakwaGadi nabantwana bakwaRubeni basho lokhu kuMose: “Izinceku zakho zizokwenza njengoba nje inkosi yami iyala. 26 Izingane zethu, omkethu, imfuyo yethu nazo zonke izilwane zethu ezifuywayo kuzohlala lapho emadolobheni aseGileyadi, + 27 kodwa izinceku zakho zizowelela ngaphesheya, yonke indoda ehlomele impi phambi kukaJehova, + njengoba nje inkosi yami ikhuluma.”

28 Ngakho uMose wakhipha umyalo ngokuqondene nabo ku-Eleyazare umpristi, kuJoshuwa indodana kaNuni nasezinhlokweni zezindlu zoyise bezizwe zama-Israyeli. 29 UMose wathi kubo: “Uma abantwana bakwaGadi nabantwana bakwaRubeni bewela iJordani kanye nani, wonke amadoda ahlomele impi phambi kukaJehova, futhi izwe linqotshwa phambi kwenu, khona-ke niyobanika izwe lakwaGileyadi njengefa. + 30 Kodwa uma bengazithathi izikhali bawele kanye nani, bayohlala phakathi kwenu ezweni laseKhanani.”

31 Abantwana bakwaGadi nabantwana bakwaRubeni baphendula, bathi: “Sizokwenza lokho uJehova akukhulumile ezincekwini zakho. 32 Sizothatha izikhali siwele phambi kukaJehova siye ezweni laseKhanani, + kodwa ifa lethu lizoba sempumalanga yeJordani.” 33 Ngakho uMose wabanika—abantwana bakwaGadi, abantwana bakwaRubeni + nohhafu wesizwe sakwaManase + indodana kaJosefa—umbuso kaSihoni + inkosi yama-Amori nombuso ka-Ogi + inkosi yaseBhashani, izwe namadolobha alo ezindaweni zakhona, namadolobha ezwe elizungezile.

34 Abantwana bakwaGadi bakha* iDiboni, + i-Atharoti, + i-Aroweri, + 35 i-Athiroti-shofani, iJazeri, + iJogibeha, + 36 iBheti-nimra + neBheti-harana, + amadolobha anezivikelo eziqinile, bakha nezibaya zamatshe zemihlambi. 37 Abantwana bakwaRubeni bakha amadolobha iHeshibhoni, + i-Eliyale, + iKiriyatayimi, + 38 iNebo + neBhali-mehoni +—njengoba amagama awo ashintshwa⁠—​neSibhima; baqala ukuqamba amagama amadolobha abawakha kabusha.

39 Abantwana bakwaMakiri + indodana kaManase bahamba bayohlasela iGileyadi balithumba, baxosha ama-Amori ayekulo. 40 Ngakho uMose walinika uMakiri indodana kaManase iGileyadi, wahlala kulo. + 41 UJayire indodana kaManase wahamba wayolihlasela wathumba amadolobhana alo, wawaqamba ngokuthi iHavoti-jayire. *+ 42 UNoba wahamba wayohlasela iKhenati, walithumba namadolobha angaphansi kwalo,* waliqamba ngegama lakhe elithi Noba.

33 Lolu kwakuwuhambo lwabantu bakwa-Israyeli lapho bephuma ezweni laseGibhithe + ngokwamaqembu* abo + beqondiswa uMose no-Aroni. + 2 UMose wayelokhu egcina umbhalo wezindawo abasuka kuzo ohambweni lwabo ngokomyalo kaJehova, futhi yilolu uhambo lwabo ukusuka kwenye indawo kuya kwenye: + 3 Basuka eRamesesi + ngenyanga yokuqala, ngosuku luka-15 lwaleyo nyanga. + Ngalo kanye usuku lwangemva kwePhasika, + ama-Israyeli aphuma ngeqholo phambi kwamehlo abo bonke abaseGibhithe. 4 Phakathi naleso sikhathi abaseGibhithe babengcwaba wonke amazibulo uJehova ayewabulele phakathi kwabo, + ngoba uJehova wayekhiphe izahlulelo konkulunkulu babo. +

5 Ngakho ama-Israyeli asuka eRamesesi amisa amatende eSukoti. + 6 Asuka eSukoti amisa amatende e-Ethamu, + elisemaphethelweni ehlane. 7 Asuka e-Ethamu abuyela emuva ngasePhihahiroti, eliphambi kweBhali-zefoni, + amisa amatende phambi kweMigidoli. + 8 Asuka ePhihahiroti adabula phakathi kolwandle + aya ehlane, + aqhubeka ehamba uhambo lwezinsuku ezintathu ehlane lase-Ethamu + amisa amatende eMara. +

9 Ngemva kwalokho asuka eMara aya e-Elimi. E-Elimi kwakukhona iziphethu zamanzi ezingu-12 nezihlahla zesundu ezingu-70, ngakho amisa amatende lapho. + 10 Asuka e-Elimi amisa amatende ngasoLwandle Olubomvu. 11 Asuka oLwandle Olubomvu amisa amatende ehlane laseSini. + 12 Asuka ehlane laseSini amisa amatende eDofika. 13 Asuka eDofika amisa amatende e-Alushi. 14 Asuka e-Alushi amisa amatende eRefidimi, + lapho kwakungekho manzi abantu ababengawaphuza. 15 Asuka eRefidimi amisa amatende ehlane laseSinayi. +

16 Kamuva asuka ehlane laseSinayi amisa amatende eKibiroti-hathawa. + 17 Asuka eKibiroti-hathawa amisa amatende eHazeroti. + 18 Asuka eHazeroti amisa amatende eRitima. 19 Asuka eRitima amisa amatende eRimoni-pherezi. 20 Asuka eRimoni-pherezi amisa amatende eLibhina. 21 Asuka eLibhina amisa amatende eRisa. 22 Asuka eRisa amisa amatende eKehelatha. 23 Asuka eKehelatha amisa amatende eNtabeni iSheferi.

24 Ngemva kwalokho asuka eNtabeni iSheferi amisa amatende eHarada. 25 Asuka eHarada amisa amatende eMakheloti. 26 Asuka + eMakheloti amisa amatende eThahati. 27 Asuka eThahati amisa amatende eThera. 28 Asuka eThera amisa amatende eMitika. 29 Asuka eMitika amisa amatende eHashimona. 30 Asuka eHashimona amisa amatende eMoseroti. 31 Asuka eMoseroti amisa amatende eBhene-jahakani. + 32 Asuka eBhene-jahakani amisa amatende eHori-hagidigadi. 33 Asuka eHori-hagidigadi amisa amatende eJotibatha. + 34 Asuka eJotibatha amisa amatende e-Abrona. 35 Asuka e-Abrona amisa amatende e-Eziyoni-gebheri. + 36 Asuka e-Eziyoni-gebheri amisa amatende ehlane laseZini, + eKadeshi.

37 Kamuva asuka eKadeshi amisa amatende eNtabeni iHori, + emngceleni wezwe lakwa-Edomi. 38 U-Aroni umpristi wenyukela eNtabeni iHori njengoba ayeyalwe uJehova, wafela khona ngonyaka ka-40 ngemva kokuphuma kwama-Israyeli ezweni laseGibhithe, ngenyanga yesihlanu, ngosuku lokuqala lwenyanga. + 39 U-Aroni wayeneminyaka engu-123 ubudala lapho efa eNtabeni iHori.

40 Manje inkosi yase-Aradi, + umKhanani owayehlala eNegebhi ezweni laseKhanani, wezwa ngokuza kwama-Israyeli.

41 Ngokuhamba kwesikhathi asuka eNtabeni iHori + amisa amatende eZalimona. 42 Asuka eZalimona amisa amatende ePhunoni. 43 Asuka ePhunoni amisa amatende e-Oboti. + 44 Asuka e-Oboti amisa amatende e-Iye-abarimi emngceleni wakwaMowabi. + 45 Asuka e-Iyimi amisa amatende eDiboni-gadi. + 46 Asuka eDiboni-gadi amisa amatende e-Alimoni-dibilatayimi. 47 Asuka e-Alimoni-dibilatayimi amisa amatende ezintabeni zase-Abharimi + phambi kweNebo. + 48 Ekugcineni asuka ezintabeni zase-Abharimi amisa amatende emathafeni awugwadule akwaMowabi ngaseJordani eJeriko. + 49 Aqhubeka emise amatende ngaseJordani, kusukela eBheti-jeshimoti kuze kuyofika e-Abela-shithimi, + emathafeni awugwadule akwaMowabi.

50 UJehova wakhuluma noMose emathafeni awugwadule akwaMowabi ngaseJordani eJeriko, wathi: 51 “Khuluma nama-Israyeli uthi kuwo, ‘Niwela iJordani niya ezweni laseKhanani. + 52 Kumele nibaxoshe bonke abakhe ezweni phambi kwenu, nibhubhise yonke imifanekiso yabo yamatshe + nazo zonke izithombe zabo zensimbi, *+ kufanele nibhidlize zonke izindawo zabo eziphakeme ezingcwele. + 53 Niyolidla izwe nihlale kulo ngoba nakanjani ngiyoninika leli zwe libe ifa lenu. + 54 Kumele nihlukanise izwe ngenkatho + njengefa phakathi kwemindeni yenu. Eqenjini elikhulu kufanele nandise ifa lalo, eqenjini elincane kufanele ninciphise ifa lalo. + Ifa lawo wonke umuntu liyoba yindawo ayithole ngenkatho. Niyothola indawo eyifa lenu ngokwezizwe zoyihlo. +

55 “‘Nokho, uma ningabaxoshi abakhe ezweni phambi kwenu, + labo eningabaxoshi bayoba njengezinto ezihlabayo emehlweni enu nanjengameva ezinhlangothini zenu, bayonihlupha ezweni eniyohlala kulo. + 56 Ngiyokwenza kini lokho engangihlose ukukwenza kubo.’” +

34 UJehova waqhubeka wathi kuMose: 2 “Yithi kuma-Israyeli: ‘Lapho ningena ezweni laseKhanani, + lelo yizwe eniyonikwa lona libe yifa lenu, izwe laseKhanani ngokwemingcele yalo. +

3 “‘Umngcele wenu ongaseningizimu uyosuka ehlane laseZini eceleni kuka-Edomi, umngcele wenu ongaseningizimu ngasempumalanga uyoqala emaphethelweni oLwandle Lukasawoti. *+ 4 Umngcele wenu uyojika udlule eningizimu yomqansa wase-Akarabimi + uqhubeke uze uyofika eZini, uphelele eningizimu yeKadeshi-barineya. + Uyobe usudlulela eHazari-adari + uze uyofika e-Azimoni. 5 Umngcele uyojika e-Azimoni uye eMhosheni* WaseGibhithe, uphelele oLwandle. *+

6 “‘Umngcele wenu ongasentshonalanga uyoba uLwandle Olukhulu* nezwe elisogwini. Lona kuyoba umngcele wenu ongasentshonalanga. +

7 “‘Lona kuyoba umngcele wenu ongasenyakatho: Umngcele wenu niyowususa oLwandle Olukhulu uye eNtabeni iHori. + 8 Ukusuka eNtabeni iHori umngcele niyowususa eLebo-hamati *+ uphelele eZedadi. + 9 Umngcele uyoze ufike eZifroni, uphelele eHazari-enani. + Lona kuyoba umngcele wenu ongasenyakatho.

10 “‘Umngcele wenu ongasempumalanga kufanele niwususe eHazari-enani uye eShefamu. 11 Umngcele uyosuka eShefamu uye eRibila empumalanga ye-Ayini, wehlele ngasempumalanga yoLwandle LwaseKhinereti. *+ 12 Umngcele uyoze ufike eJordani, uphelele oLwandle Lukasawoti. + Leli kuyoba yizwe lenu + nemingcele yalo.’”

13 Ngakho uMose wayala ama-Israyeli, wathi: “Yileli izwe enizohlukaniselana lona njengefa ngenkatho, + njengoba nje uJehova eyale ukuba linikezwe izizwe ezingu-9 nohhafu. 14 Ngoba isizwe sakwaRubeni ngokwezindlu zoyise, isizwe sakwaGadi ngokwezindlu zoyise kanye nohhafu wesizwe sakwaManase sezilithathile kakade ifa lazo. + 15 Lezi zizwe ezimbili nohhafu kakade sezilithathile ifa lazo empumalanga yesifunda saseJordani ngaseJeriko, lapho kuphuma khona ilanga.” +

16 UJehova waqhubeka wathi kuMose: 17 “Yilawa amagama amadoda azonihlukanisela izwe elizoba yifa lenu: u-Eleyazare + umpristi noJoshuwa + indodana kaNuni. 18 Nizothatha isikhulu esisodwa esizweni ngasinye ukuba sihlukanise izwe njengefa lenu. + 19 Yilawa amagama alawo madoda: esizweni sakwaJuda, + uKalebi + indodana kaJefune; 20 esizweni sabantwana bakwaSimeyoni, + uShemuweli indodana ka-Amihudi; 21 esizweni sakwaBhenjamini, + u-Elidadi indodana kaKisiloni; 22 esizweni sabantwana bakwaDani, + isikhulu, uBhuki indodana kaJogili; 23 kubantwana bakwaJosefa, + esizweni sabantwana bakwaManase, + isikhulu, uHaniyeli indodana ka-Efodi; 24 esizweni sabantwana bakwa-Efrayimi, + isikhulu, uKhemuweli indodana kaShifetani; 25 esizweni sabantwana bakwaZebhuloni, + isikhulu, u-Elizafani indodana kaPharinaki; 26 esizweni sabantwana bakwa-Isakare, + isikhulu, uPhalitiyeli indodana ka-Azani; 27 esizweni sabantwana bakwa-Asheri, + isikhulu, u-Ahihudi indodana kaShelomi; 28 esizweni sabantwana bakwaNafetali, + isikhulu, uPedaheli indodana ka-Amihudi.” 29 Yibo laba uJehova abayala ukuba babele ama-Israyeli izwe ezweni laseKhanani. +

35 UJehova waqhubeka wakhuluma noMose emathafeni awugwadule akwaMowabi ngaseJordani + eJeriko, wathi: 2 “Tshela ama-Israyeli ukuthi kufanele anike amaLevi amadolobha azohlala kuwo emafeni azowathola, + futhi kufanele anike amaLevi amadlelo nxazonke zalawo madolobha. + 3 Ayohlala kulawo madolobha, amadlelo abe awemfuyo yawo, awezimpahla zawo nazo zonke ezinye izilwane zawo. 4 Amadlelo amadolobha eniyowanika amaLevi ayoba izingalo* ezingu-1 000 ukusuka odongeni kuzungeze idolobha. 5 Kufanele nikale izingalo ezingu-2 000 ngaphandle kwedolobha ohlangothini olusempumalanga, izingalo ezingu-2 000 ohlangothini oluseningizimu, izingalo ezingu-2 000 ohlangothini olusentshonalanga nezingalo ezingu-2 000 ohlangothini olusenyakatho, idolobha libe maphakathi. Lawo kuyoba amadlelo amadolobha awo.

6 “AmaLevi niyowanika amadolobha esiphephelo ayisithupha, + eniyowanika wona ukuze umbulali abalekele kuwo, + kanye namanye amadolobha angu-42. 7 Esewonke amadolobha eniyowanika amaLevi ayoba ngu-48, kanye namadlelo awo. + 8 Amadolobha eniyowanika wona ayovela efeni lama-Israyeli. + Eqenjini elikhulu niyothatha amadolobha amaningi, eqenjini elincane niyothatha ambalwa. + Iqembu ngalinye liyonikeza amaLevi amanye amadolobha alo kuye ngefa elilitholayo.”

9 UJehova waqhubeka wathi kuMose: 10 “Khuluma nama-Israyeli, uthi kuwo, ‘Niwela iJordani niya ezweni laseKhanani. + 11 Kufanele nikhethe amadolobha ayonilungela ayoba amadolobha esiphephelo, okuyobalekela kuwo umbulali obulale othile* engahlosile. + 12 La madolobha ayoba isiphephelo kini kumuntu ophindiselela umufi + ukuze umbulali angafi kuze kube yilapho kuqulwa icala lakhe phambi kwenhlangano. + 13 Amadolobha ayisithupha eniyowanika wona ayofeza leyo njongo. 14 Niyowanika amadolobha amathathu nganeno kweJordani, + namadolobha amathathu ezweni laseKhanani + ukuze abe amadolobha esiphephelo. 15 La madolobha ayisithupha ayoba isiphephelo kuma-Israyeli, kumuntu oyisifiki + nowakwelinye izwe ohlala phakathi kwawo, ukuze noma ubani obulala othile engahlosile abalekele kuwo. +

16 “‘Kodwa uma emshaye ngento eyinsimbi wafa, ungumbulali. Lo mbulali kufanele nakanjani abulawe. + 17 Uma emshaye ngetshe elingase limbulale wabe esefa, ungumbulali. Lo mbulali kufanele nakanjani abulawe. 18 Uma emshaye ngento eyenziwe ngokhuni engase imbulale wabe esefa, ungumbulali. Lo mbulali kufanele nakanjani abulawe.

19 “‘Umuntu ophindiselela umufi nguye oyobulala umbulali. Lapho ehlangana naye, uyombulala. 20 Uma efe ngoba emsunduze ngenxa yokuthi ubemzonda noma emjikijele ngento ethile ehlose okubi, *+ 21 noma emshaye ngesandla ngenxa yenzondo wabe esefa, lowo omshayile uyobulawa nakanjani. Ungumbulali. Umuntu ophindiselela umufi uyombulala umbulali lapho ehlangana naye.

22 “‘Kodwa uma emsunduze kungalindelekile futhi engamzondi noma ephonse into ethile kuye engahlose bubi, *+ 23 noma uma engambonanga futhi wawisela itshe phezu kwakhe ebe engesona isitha sakhe futhi engahlose kumlimaza, wabe esefa, 24 inhlangano kufanele yahlulele phakathi komuntu omshayile nomuntu ophindiselela umufi ngokuvumelana nalezi zahlulelo. + 25 Ngemva kwalokho inhlangano kufanele imsindise lowo mbulali kumuntu ophindiselela umufi, imbuyisele edolobheni lesiphephelo ayebalekele kulo, ahlale kulo kuze kufe umpristi ophakeme owagcotshwa ngamafutha angcwele. +

26 “‘Kodwa uma lowo mbulali ephumela ngaphandle komngcele wedolobha lesiphephelo ayebalekele kulo, 27 umuntu ophindiselela umufi amthole engaphandle komngcele wedolobha lesiphephelo, bese embulala lo mbulali, akanalo icala legazi. 28 Ngoba kufanele ahlale edolobheni lesiphephelo kuze kufe umpristi ophakeme. Kodwa ngemva kokufa kompristi ophakeme, umbulali angabuyela endaweni yakhe. + 29 Lezi zinto ziyoba umthetho wokwahlulela kini kuzo zonke izizukulwane zenu kuzo zonke izindawo enihlala kuzo.

30 “‘Noma ubani obulala umuntu kufanele abulawe njengombulali + ngobufakazi* bofakazi abaningi; + kodwa akekho umuntu oyobulawa ngobufakazi bomuntu oyedwa. 31 Akumele nithathe isihlengo ngokuphila kombulali ofanelwe ukufa ngoba kufanele nakanjani abulawe. + 32 Akumele nithathe isihlengo somuntu obalekele edolobheni lakhe lesiphephelo, ukuze aphinde ahlale endaweni yakhe ngaphambi kokufa kompristi ophakeme.

33 “‘Akumele ningcolise izwe enihlala kulo ngoba igazi liyalingcolisa izwe, + futhi ngeke kube khona ukuhlawulelwa ngegazi eliye lachithwa ezweni ngaphandle kokuba kuhlawulelwe ngegazi lalowo olichithile. + 34 Akumele ningcolise izwe enihlala kulo, engihlala kulo nami; ngoba mina Jehova ngihlala phakathi kwabantu bakwa-Israyeli.’” +

36 Izinhloko zemindeni yabantwana bakwaGileyadi indodana kaMakiri + indodana kaManase wemindeni yabantwana bakwaJosefa zasondela zakhuluma phambi kukaMose nezikhulu, izinhloko zemindeni yama-Israyeli. 2 Zathi: “UJehova wayala inkosi yami ukuba yabele ama-Israyeli izwe ngenkatho; + futhi inkosi yami yayalwa uJehova ukuba ifa likamfowethu uZelofehadi ilinike amadodakazi akhe. + 3 Uma eshada amadoda akwesinye isizwe sakwa-Israyeli, ifa lalaba besifazane liyokhishwa efeni lobaba linezelwe efeni lesizwe abayokuba ngabaso, liyokhishwa efeni lethu elalabiwe ngenkatho. 4 Manje ngesikhathi abantu bakwa-Israyeli beba neJubili, + ifa lalaba besifazane liyokwenezelwa efeni lesizwe abayobe sebengabaso, ifa labo liyokhishwa efeni lesizwe soyise.”

5 UMose wayala ama-Israyeli ngomyalo kaJehova, wathi: “Lokhu okushiwo isizwe sabantwana bakwaJosefa kuyiqiniso. 6 Nanti izwi uJehova aliyalile ngamadodakazi kaZelofehadi: ‘Angashada nanoma ubani amthandayo. Nokho, kufanele ashade nomuntu osemndenini wesizwe soyise. 7 Alikho ifa lama-Israyeli okufanele lisuke kwesinye isizwe liye kwesinye, ngoba ama-Israyeli kufanele aligcine ifa lesizwe sokhokho bawo. 8 Wonke amadodakazi anefa phakathi kwezizwe zakwa-Israyeli kufanele ashadele esizweni soyise, + ukuze ama-Israyeli agcine ifa lokhokho bawo. 9 Alikho ifa okufanele lisuke kwesinye isizwe liye kwesinye ngoba izizwe zakwa-Israyeli kufanele zigcine ifa lazo.’”

10 Amadodakazi kaZelofehadi enza njengoba nje uJehova ayemyalile uMose. + 11 Ngakho uMahila, uTiriza, uHogila, uMilka noNowa, amadodakazi kaZelofehadi, + bashada namadodana abafowabo bakayise. 12 Baba abafazi bamadoda emindeni yakwaManase indodana kaJosefa, ukuze ifa labo liqhubeke lisesizweni somndeni kayise.

13 Leyo imiyalo nezinqumo zokwahlulela uJehova azinika ama-Israyeli ngoMose emathafeni awugwadule akwaMowabi ngaseJordani eJeriko. +