Psalms

89 Jehovah se blyke van liefderyke goedhartigheid sal ek tot onbepaalde tyd besing.+

Van geslag tot geslag sal ek u getrouheid met my mond bekend maak.+

 2 Want ek het gesê: “Liefderyke goedhartigheid sal tot onbepaalde tyd gebou bly;+

Wat die hemele betref, daarin hou u u getrouheid stewig gevestig.”+

 3 “Ek het ’n verbond met my uitverkorene gesluit;+

Ek het vir my kneg Dawid gesweer:+

 4 ‘Ja, tot onbepaalde tyd sal ek jou saad stewig vestig,+

En ek sal jou troon+ van geslag tot geslag bou.’” Sela.

 5 En die hemele sal u wonderdaad prys, o Jehovah,+

Ja, u getrouheid in die gemeente van die heiliges.

 6 Want wie in die hemelruim kan met Jehovah vergelyk word?+

Wie is soos Jehovah onder die seuns van God?+

 7 Vir God moet ontsag getoon word onder die intieme groep van heiliges;+

Hy is groot en vreesinboesemend bo almal wat rondom hom is.+

 8 O Jehovah, God van die leërs,+

Wie is kragtig soos u, o Jah?+

En u getrouheid is rondom u.+

 9 U heers oor die styging van die see;+

Wanneer hy sy golwe verhef, bring u hulle tot bedaring.+

10 U het Ragab verbrysel,+ net soos iemand wat verslaan is.+

Deur die arm van u sterkte het u u vyande verstrooi.+

11 Die hemel behoort aan u,+ ook die aarde behoort aan u;+

Die vrugbare land en alles wat dit vul+—u het dit gegrondves.+

12 Die noorde en die suide—u het dit geskep;+

Tabor+ en Hermon+—in u naam roep hulle met vreugde uit.+

13 ’n Arm met mag behoort aan u,+

U hand is sterk,+

U regterhand is verhewe.+

14 Regverdigheid en reg is die vaste plek van u troon;+

Liefderyke goedhartigheid en waaragtigheid kom voor u aangesig.+

15 Gelukkig is die volk wat die gejuig ken.+

O Jehovah, in die lig van u aangesig bly hulle wandel.+

16 In u naam is hulle die hele dag bly+

En in u regverdigheid word hulle verhef.+

17 Want u is die prag van hulle sterkte;+

En deur u welwillendheid word ons horing verhef.+

18 Want ons skild behoort aan Jehovah,+

En ons koning behoort aan die Heilige van Israel.+

19 In dié tyd het u in ’n visioen met u lojales gepraat,+

En u het gesê:

Ek het aan ’n sterke hulp verleen;+

Ek het ’n uitverkorene uit die volk verhef.+

20 Ek het my kneg Dawid gevind;+

Met my heilige olie het ek hom gesalf,+

21 Met wie my hand bestendig sal wees,+

Wat my arm ook sal versterk.+

22 Geen vyand sal buitensporige eise aan hom oplê nie,+

Ook sal geen kind van onregverdigheid hom teister nie.+

23 En ek het sy teenstanders voor hom weg verbrysel,+

En dié wat hom intens haat, het ek slae bly toedien.+

24 En my getrouheid en my liefderyke goedhartigheid is met hom,+

En in my naam word sy horing verhef.+

25 En op die see het ek sy hand gelê+

En op die riviere sy regterhand.+

26 Hy roep tot my: ‘U is my Vader,+

My God+ en die Rots van my redding.’+

27 Ook sal ek hom as eersgeborene stel,+

Die hoogste van die konings van die aarde.+

28 Tot onbepaalde tyd sal ek my liefderyke goedhartigheid teenoor hom bewaar,+

En my verbond sal getrou wees teenoor hom.+

29 En ek sal beslis sy saad tot in ewigheid bevestig+

En sy troon soos die dae van die hemel.+

30 As sy kinders my wet verlaat+

En in my regterlike beslissings nie wandel nie,+

31 As hulle my insettinge ontheilig

En my gebooie nie onderhou nie,

32 Dan sal ek my aandag met ’n roede op hulle oortreding rig+

En met slae op hulle ongeregtigheid.+

33 Maar my liefderyke goedhartigheid sal ek nie van hom wegneem nie,+

Ook sal ek nie my getrouheid verloën nie.+

34 Ek sal my verbond nie ontheilig nie,+

En die woorde van my lippe sal ek nie verander nie.+

35 Een keer het ek in my heiligheid gesweer,+

Vir Dawid sal ek nie leuens vertel nie.+

36 Sy saad sal tot onbepaalde tyd wees,+

En sy troon soos die son voor my.+

37 Soos die maan sal dit tot onbepaalde tyd stewig gevestig wees,

En soos ’n getroue getuie in die hemelruim.” Sela.

38 Maar u—u het verstoot en u bly verag;+

U het grimmig geword teen u gesalfde.+

39 U het die verbond van u kneg minagtend verwerp;

U het sy kroon teen die grond ontheilig.+

40 U het al sy klipkrale afgebreek;+

U het sy verskansings in puin gelê.+

41 Almal wat met die pad verbygaan, het hom geplunder;+

Hy het ’n smaad vir sy bure geword.+

42 U het die regterhand van sy teenstanders verhef;+

U het al sy vyande bly gemaak.+

43 Ook behandel u sy swaard weer soos ’n vyand,+

En u het hom in die geveg geen veld laat wen nie.+

44 U het sy glans laat verdwyn,+

En sy troon het u teen die grond neergewerp.+

45 U het die dae van sy jeug verkort;

U het hom met skaamte omhul.+ Sela.

46 Hoe lank, o Jehovah, sal u u verborge hou? Vir altyd?+

Sal u woede aanhou brand net soos ’n vuur?+

47 Dink tog aan wat my lewensduur is.+

Het u al die mensekinders heeltemal tevergeefs geskep?+

48 Watter man lewe daar wat die dood nie sal sien nie?+

Kan hy aan sy siel ontkoming verskaf uit die hand van Sjeool?+ Sela.

49 Waar is u vroeëre dade van liefderyke goedhartigheid, o Jehovah,

Wat u in u getrouheid aan Dawid met ’n eed beloof het?+

50 Dink, o Jehovah, aan die smaad van u knegte,+

Hoe ek in my boesem die smaad van al die baie volke dra,+

51 Hoe u vyande gesmaad het, o Jehovah,+

Hoe hulle die voetspore van u gesalfde gesmaad het.+