Klaagliedere

א [ʼAʹlef]

3 Ek is die man wat ellende gesien het+ weens die staf van sy grimmigheid.

 2 My het hy gelei en laat hy wandel in duisternis en nie in lig nie.+

 3 Ja, teen my draai hy herhaaldelik sy hand die hele dag deur.+

ב [Bet]

 4 Hy het my vlees en my vel laat wegteer.+ Hy het my gebeente verbreek.+

 5 Hy het teen my gebou, sodat hy my met gifplant+ en teëspoed kan omring.+

 6 In donker plekke+ het hy my laat sit soos mense wat lankal dood is.+

ג [Giʹmel]

 7 Hy het my afgesluit soos met ’n klipmuur, sodat ek nie kan uitgaan nie.+ Hy het my koperboeie+ swaar gemaak.

 8 Ook wanneer ek om hulp roep en skreeu, verhinder hy my gebed.+

 9 Hy het my weë met gekapte klip versper.+ My paaie het hy verdraai.+

ד [Daʹlet]

10 Hy is vir my soos ’n beer wat op die loer lê,+ soos ’n leeu in skuilplekke.+

11 My weë het hy in die war gestuur, en hy laat my braak lê. Hy het my verlate gemaak.+

12 Hy het sy boog getrap,+ en hy stel my op as die teiken vir die pyl.+

ה [Heʼ]

13 Hy het die kinders van sy pylkoker in my niere laat indring.+

14 Ek het ’n voorwerp van gelag geword+ vir al die mense wat teen my is, die tema van hulle lied die hele dag deur.+

15 Hy het my genoeg bitter dinge gegee.+ Hy het my met als gevul.+

ו [Wau]

16 En op gruis laat hy my tande breek.+ Hy het my in die as laat kruip.+

17 Ook verstoot u, sodat daar geen vrede vir my siel is nie. Ek het vergeet wat goed is.+

18 En ek bly sê: “My voortreflikheid het vergaan, en my verwagting wat op Jehovah gerig was.”+

ז [Saʹjin]

19 Dink aan my ellende en my daklose toestand,+ aan die als en die gifplant.+

20 Vir seker sal u siel aan my dink en hom oor my neerbuig.+

21 Dit sal ek ter harte neem.+ Daarom sal ek ’n wagtende houding inneem.+

ח [Get]

22 Dit is die dade van liefderyke goedhartigheid+ van Jehovah dat ons nie aan ons einde gekom het nie,+ want sy barmhartighede sal beslis nie tot ’n einde kom nie.+

23 Hulle is elke oggend nuut.+ U getrouheid is oorvloedig.+

24 “Jehovah is my deel”,+ het my siel gesê, “daarom sal ek ’n wagtende houding teenoor hom inneem.”+

ט [Tet]

25 Jehovah is goed vir die een wat op hom hoop,+ vir die siel wat hom bly soek.+

26 Dit is goed dat ’n mens wag,+ ja, in stilte,+ op die redding van Jehovah.+

27 Dit is goed vir ’n man dat hy die juk in sy jeug dra.+

י [Jod]

28 Laat hy eensaam sit en stilbly,+ omdat hy hom iets opgelê het.+

29 Laat hy sy mond in die stof steek.+ Miskien is daar hoop.+

30 Laat hy sy wang gee vir die een wat hom slaan.+ Laat hy genoeg kry van smaad.+

כ [Kaf]

31 Want Jehovah sal nie tot onbepaalde tyd bly verstoot nie.+

32 Want hoewel hy droefheid veroorsaak het,+ sal hy ook beslis barmhartigheid bewys ooreenkomstig die oorvloed van sy liefderyke goedhartigheid.+

33 Want nie uit sy eie hart het hy die mensekinders geteister of bedroef hy hulle nie.+

ל [Laʹmed]

מ [Mem]

37 Wie het nou gesê dat iets moet gebeur as Jehovah dit nie beveel het nie?+

38 Uit die mond van die Allerhoogste gaan daar nie slegte en goeie dinge nie.+

39 Hoe kan ’n lewende mens hom aan klagtes oorgee,+ ’n man weens sy sonde?+

נ [Noen]

40 Laat ons tog ons weë deursoek en navors,+ en laat ons tog tot Jehovah terugkeer.+

41 Laat ons ons hart saam met ons palms tot God in die hemel ophef:+

42 “Ons het oortree en ons het ons opstandig gedra.+ U het nie vergewe nie.+

ס [Saʹmek]

43 U het toegang met toorn versper,+ en u bly ons agtervolg.+ U het doodgemaak; u het geen medelye betoon nie.+

44 U het toegang tot u met ’n wolkmassa versper,+ sodat gebed nie kan deurdring nie.+

45 U maak ons die afskraapsel en die skuim onder die volke.”+

פ [Peʼ]

46 Teen ons het al ons vyande hulle mond oopgemaak.+

47 Angs en die kuil het ons deel geword,+ verlatenheid en verbreking.+

48 Strome water bly uit my oog vloei weens die verbreking van die dogter van my volk.+

ע [ʽAʹjin]

51 My oog het streng teen my siel opgetree,+ weens al die dogters van my stad.+

צ [Sa·deʹ]

52 My vyande het gewis op my jag gemaak soos op ’n voël,+ sonder oorsaak.+

53 Hulle het my lewe in die kuil tot swye gebring,+ en hulle het my met klippe bly gooi.

54 Waters het oor my kop gevloei.+ Ek het gesê: “Ek sal beslis uitgeroei word!”+

ק [Kof]

55 Ek het u naam uitgeroep, o Jehovah, uit die onderste kuil.+

56 U moet my stem hoor.+ Moenie u oor verberg vir my verligting, vir my hulpgeroep nie.+

57 U het nader gekom op die dag dat ek u bly aanroep het.+ U het gesê: “Moenie bang wees nie.”+

ר [Resj]

58 U, o Jehovah, het die regsake van my siel verdedig.+ U het my lewe teruggekoop.+

59 U, o Jehovah, het die onreg gesien wat my aangedoen is.+ Voer tog die regsaak vir my.+

60 U het al hulle wraak gesien, al hulle gedagtes teen my.+

ש [Sin] of [Sjin]

63 Aanskou tog hulle sit en hulle opstaan.+ Ek is die onderwerp van hulle lied.+

ת [Tau]

64 U sal hulle hulle handelswyse vergeld, o Jehovah, volgens die werk van hulle hande.+

65 U sal hulle vermetelheid van hart gee,+ u vloek oor hulle.+

66 U sal in toorn agtervolg en hulle onder die hemel van Jehovah+ uit verdelg.+