א [Alef]
119 Gelukkig is dié wie se weg rein is,
wat die wet van Jehovah volg.+
2 Gelukkig is dié wat aandag skenk aan sy herinneringe,+
wat hom met hulle hele hart soek.+
3 Hulle beoefen nie onregverdigheid nie.
Hulle volg sy weë.+
4 U het die opdrag gegee
dat u bevele streng gehoorsaam moet word.+
5 As ek maar net standvastig kon bly,+
sodat ek u wetsvoorskrifte kon gehoorsaam!
6 Dan sal ek nie verneder word+
wanneer ek aan al u gebooie aandag skenk nie.
7 Ek sal u met ’n opregte hart prys
wanneer ek van u regverdige oordele leer.
8 Ek sal u wetsvoorskrifte gehoorsaam.
Mag u my nooit heeltemal verlaat nie.
ב [Bet]
9 Hoe kan ’n jong man sy pad rein hou?
Deur volgens u woord te lewe.+
10 Ek wil u met my hele hart dien.
Moenie my van u gebooie laat afdwaal nie.+
11 In my hart bewaar ek u woord as ’n skat,+
sodat ek nie teen u sal sondig nie.+
12 Mag u geloof word, o Jehovah.
Leer my u wetsvoorskrifte.
13 Met my lippe verkondig ek
al u oordele.
14 Ek vind meer vreugde in u herinneringe+
as in alle ander waardevolle dinge.+
15 Ek sal oor u bevele nadink+
en my oë op u paaie gerig hou.+
16 Ek is lief vir u wetsbepalings.
Ek sal u woord nie vergeet nie.+
ג [Gimel]
17 Wees genadig teenoor u kneg,
sodat ek kan lewe en u woord kan gehoorsaam.+
18 Maak my oë oop sodat ek duidelik kan sien
hoe wonderlik u wet is.
19 Ek is maar net ’n uitlander in die land.+
Moenie u gebooie vir my wegsteek nie.
20 Ek word verteer
omdat ek so baie na u oordele verlang.
21 U bestraf die vermeteles,
die vervloektes wat van u gebooie afdwaal.+
22 Moenie toelaat dat hulle my bespot of sonder respek behandel nie,
want ek het aandag geskenk aan u herinneringe.
23 Selfs wanneer magtiges bymekaar sit en teen my praat,
dink u kneg na oor u wetsvoorskrifte.
24 Ek is lief vir u herinneringe.+
Hulle is my raadgewers.+
ד [Dalet]
25 Ek lê in die stof.+
Bewaar my lewe, soos u belowe het.+
26 Ek het u van my weë vertel, en u het my geantwoord.
Leer my u wetsvoorskrifte.+
27 Laat my die betekenis van u bevele verstaan,
sodat ek oor u wonderlike werke kan nadink.+
28 Ek kon nie slaap nie as gevolg van droefheid.
Versterk my, soos u belowe het.
29 Hou my ver weg van die pad van bedrieglikheid,+
en wees goed vir my deur my u wet te leer.
30 Ek het die weg van getrouheid gekies.+
Ek weet dat u oordele reg is.
31 Ek hou vas aan u herinneringe.+
O Jehovah, moenie toelaat dat ek teleurgestel word nie.+
32 Ek sal die weg van u gebooie gretig volg,
want u maak plek daarvoor in my hart.
ה [He]
33 O Jehovah, leer my+ die weg van u wetsvoorskrifte,
dan sal ek dit tot die einde toe volg.+
34 Gee my insig,
sodat ek u wet kan gehoorsaam
en dit met my hele hart kan gehoorsaam.
35 Lei my op die pad van u gebooie,+
want ek vind vreugde daarin.
36 Beweeg my hart om lief te wees vir u herinneringe,
en nie vir selfsugtige wins nie.+
37 Help my om nie na waardelose dinge te kyk nie.+
Hou my op u weg sodat ek kan bly lewe.
38 Kom u belofte aan u kneg na,
sodat u gevrees kan word.
39 Hou die skande wat ek vrees, ver van my af,
want u oordele is goed.+
40 Kyk hoe ek na u bevele verlang.
Bewaar my lewe, want u is regverdig.
ו [Waw]
41 Mag ek u lojale liefde ondervind, o Jehovah,+
u redding, soos u belowe het.+
42 Dan sal ek die een antwoord wat my uittart,
want ek vertrou op u woord.
43 Moet nooit die woord van waarheid uit my mond wegneem nie,
want ek het op u oordeel gehoop.
44 Ek sal altyd volgens u wet lewe,
vir ewig en altyd.+
45 Ek sal in ’n plek van veiligheid rondloop,+
want ek soek na u bevele.
46 Ek sal voor konings oor u herinneringe praat,
en ek sal nie skaam wees nie.+
47 Ek vind vreugde in u gebooie,
ja, ek is lief vir hulle.+
48 Ek sal my hande oplig na u gebooie, waarvoor ek lief is,+
en ek sal nadink oor u wetsvoorskrifte.+
ז [Zajin]
49 Dink aan u belofte aan u kneg,
waardeur u my hoop gee.
50 Dit vertroos my wanneer ek swaarkry,+
want u woord het my lewe bewaar.
51 Die vermeteles spot my verskriklik,
maar ek dwaal nie van u wet af nie.+
52 Ek dink aan u oordele van lank gelede,+ o Jehovah,
en ek vind vertroosting daarin.+
53 Ek is baie kwaad as gevolg van die goddeloses
wat u wet verlaat.+
54 U wetsvoorskrifte is liedere vir my
waar ek ook al woon.
55 Gedurende die nag dink ek aan u naam, o Jehovah,+
sodat ek u wet kan gehoorsaam.
56 Dit was nog altyd my gewoonte
omdat ek u bevele gehoorsaam het.
ח [Get]
57 Jehovah is my deel.+
Ek het belowe om u woorde te gehoorsaam.+
58 Ek smeek u met my hele hart:+
wees genadig teenoor my,+ soos u belowe het.
59 Ek het my weë ondersoek
sodat my voete weer u herinneringe kan volg.+
60 Ek tree vinnig op en huiwer nie
om u gebooie te gehoorsaam nie.+
61 Die toue van die goddeloses was om my,
maar ek vergeet nie u wet nie.+
62 Om middernag staan ek op om u te dank+
vir u regverdige oordele.
63 Ek is ’n vriend van almal wat u vrees
en van dié wat u bevele gehoorsaam.+
64 U lojale liefde vul die aarde, o Jehovah.+
Leer my u wetsvoorskrifte.
ט [Tet]
65 U was goed vir u kneg,
o Jehovah, soos u belowe het.
66 Gee my goeie oordeel en kennis,+
want ek het op u gebooie vertrou.
67 Voordat ek swaargekry het, het ek soms afgedwaal,
maar nou is ek gehoorsaam aan u woord.+
68 U is goed,+ en u werke is goed.
Leer my u wetsvoorskrifte.+
69 Die vermeteles versprei leuens oor my,
maar ek gehoorsaam u bevele met my hele hart.
70 Hulle hart is ongevoelig,+
maar ek is lief vir u wet.+
71 Dit is goed dat ek swaargekry het,+
want so kon ek u wetsvoorskrifte leer.
72 Die wet van u mond is goed vir my,+
beter as duisende stukke goud en silwer.+
י [Jod]
73 U hande het my gemaak en gevorm.
Gee my insig,
sodat ek u gebooie kan leer.+
74 Dié wat u vrees, sien my en word bly,
want u woord is my hoop.+
75 O Jehovah, ek weet dat u oordele regverdig is+
en dat u my gedissiplineer het omdat u getrou is.+
76 Vertroos my asseblief met u lojale liefde,+
soos u vir u kneg belowe het.
77 Betoon genade aan my, sodat ek kan bly lewe,+
want ek is lief vir u wet.+
78 Laat die vermeteles verneder word,
want hulle behandel my onregverdig sonder rede.
Maar ek sal oor u bevele nadink.+
79 Laat dié wat u vrees, na my toe terugkeer,
dié wat u herinneringe ken.
80 Mag ek u wetsvoorskrifte met my hele hart volg,+
sodat ek nie verneder word nie.+
כ [Kaf]
81 Ek smag na u redding,+
want u woord is my hoop.
82 My oë smag na u woord+
terwyl ek vra: “Wanneer sal u my vertroos?”+
83 Want ek is soos ’n leersak wat in die rook uitgedroog het,
maar ek vergeet nie u wetsvoorskrifte nie.+
84 Hoeveel dae moet u kneg wag?
Wanneer sal u my vervolgers oordeel en straf?+
85 Die vermeteles grawe putte vir my,
dié wat teen u wet is.
86 Al u gebooie is betroubaar.
Mense vervolg my sonder rede – help my!+
87 Hulle het my amper van die aarde af uitgewis,
maar ek het nie u bevele verlaat nie.
88 Bewaar my lewe as gevolg van u lojale liefde,
sodat ek kan aandag skenk aan die herinneringe uit u mond.
ל [Lamed]
89 O Jehovah, u woord bestaan vir ewig,
so lank as wat die hemel sal bestaan.+
90 U getrouheid is van geslag tot geslag.+
U het die aarde stewig gevestig, sodat dit kan bly staan.+
91 Danksy u oordele bestaan hulle vandag nog,
want hulle almal is u knegte.
92 As ek nie lief was vir u wet nie,
sou ek in my ellende gesterf het.+
93 Ek sal u bevele nooit vergeet nie,
want daardeur het u my lewe bewaar.+
94 Ek behoort aan u – red my,+
want ek het na u bevele gesoek.+
95 Die goddeloses lê en wag om my dood te maak,
maar ek skenk noukeurig aandag aan u herinneringe.
96 Ek het gesien dat alle volmaaktheid perke het,
maar u gebod het geen perke nie.
מ [Mem]
97 Hoe lief is ek tog vir u wet!+
Die hele dag lank dink ek daaroor na.+
98 U gebod maak my wyser as my vyande+
omdat dit altyd by my is.
99 Ek het meer insig as al my onderrigters+
omdat ek oor u herinneringe nadink.
100 Ek tree verstandiger op as ouer mans
omdat ek u bevele gehoorsaam.
101 Ek weier om op enige slegte pad te loop,+
sodat ek u woord kan gehoorsaam.
102 Ek dwaal nie van u oordele af nie,
want u het my onderrig.
103 Hoe soet is u woorde vir my verhemelte,
soeter as heuning vir my mond!+
104 Danksy u bevele tree ek verstandig op.+
Daarom haat ek elke valse pad.+
נ [Noen]
105 U woord is ’n lamp vir my voet
en ’n lig vir my pad.+
106 Ek het ’n eed gesweer – en ek sal dit nakom –
om u regverdige oordele te gehoorsaam.
107 Ek het baie swaargekry.+
O Jehovah, bewaar my lewe, soos u belowe het.+
108 Aanvaar asseblief my vrywillige lofoffers,+ o Jehovah,
en leer my u oordele.+
109 My lewe is heeltyd in gevaar,
maar ek het nie u wet vergeet nie.+
110 Die goddeloses het vir my ’n strik gestel,
maar ek het nie van u bevele afgedwaal nie.+
111 Ek neem u herinneringe as my permanente besitting,
want hulle is die vreugde van my hart.+
112 Ek is vasbeslote om u wetsvoorskrifte te gehoorsaam,
te alle tye, tot die einde toe.
ס [Samek]
113 Ek haat halfhartige mense,+
maar ek is lief vir u wet.+
114 U is my skuilplek en my skild,+
want u woord is my hoop.+
115 Bly weg van my af, julle goddeloses,+
sodat ek die gebooie van my God kan gehoorsaam.
116 Ondersteun my, soos u belowe het,+
sodat ek kan bly lewe.
Moenie toelaat dat my hoop in teleurstelling verander nie.+
117 Ondersteun my sodat ek gered kan word,+
en dan sal ek altyd my aandag vestig op u wetsvoorskrifte.+
118 U verwerp almal wat van u wetsvoorskrifte afdwaal,+
want hulle is vals en bedrieglik.
119 U verwerp al die goddeloses van die aarde asof hulle waardelose skuim is.+
Daarom is ek lief vir u herinneringe.
120 Die vrees vir u laat my liggaam bewe.
Ek vrees u oordele.
ע [Ajin]
121 Ek het gedoen wat reg en regverdig is.
Moet my nie oorlewer aan my onderdrukkers nie!
122 Waarborg dat dit goed sal gaan met u kneg.
Moenie toelaat dat die vermeteles my onderdruk nie.
123 My oë het swak geword terwyl ek wag vir u redding+
en vir u regverdige belofte.+
124 Betoon u lojale liefde aan u kneg,+
en leer my u wetsvoorskrifte.+
125 Ek is u kneg. Gee my insig,+
sodat ek u herinneringe kan ken.
126 Die tyd het aangebreek vir Jehovah om op te tree,+
want hulle het u wet verbreek.
127 Daarom het ek u gebooie meer lief
as goud, selfs suiwer goud.+
128 Daarom beskou ek elke instruksie van u af as reg,+
en ek haat elke valse pad.+
פ [Pe]
129 U herinneringe is wonderlik.
Daarom gehoorsaam ek hulle.
130 Wanneer u woorde openbaar word, bring dit lig,+
en dit gee insig aan die onervarenes.+
131 Ek maak my mond oop en sug,
want ek verlang na u gebooie.+
132 Skenk aandag aan my en gee my u goedkeuring,+
soos u besluit het in verband met dié wat u naam liefhet.+
133 Rig my voetstappe in veiligheid deur middel van u woord.
Laat niks wat sleg is my oorheers nie.+
134 Red my van mense wat my wil onderdruk,
en ek sal u bevele gehoorsaam.
135 Betoon goedheid aan u kneg,+
en leer my u wetsvoorskrifte.
136 Trane stroom by my oë uit
omdat mense nie u wet gehoorsaam nie.+
צ [Tsade]
137 U is regverdig, o Jehovah,+
en u oordele is reg.+
138 Die herinneringe wat u gee, is regverdig
en heeltemal betroubaar.
139 My ywer verteer my+
omdat my vyande u woorde vergeet het.
140 U woord is deeglik gesuiwer,+
en u kneg is lief daarvoor.+
141 Ek is onbelangrik, en daar word op my neergesien,+
maar ek het nie u bevele vergeet nie.
142 U regverdigheid is ’n ewige regverdigheid,+
en u wet is waarheid.+
143 Al kry ek swaar en al ondervind ek moeilike tye,
bly ek lief vir u gebooie.
144 U herinneringe is vir ewig regverdig.
Gee my insig,+ sodat ek kan bly lewe.
ק [Kof]
145 Ek roep met my hele hart. Antwoord my, o Jehovah.
Ek sal u wetsvoorskrifte gehoorsaam.
146 Ek roep tot u – red my!
Ek sal aandag skenk aan u herinneringe.
147 Ek is voor dagbreek wakker sodat ek om hulp kan roep,+
want u woorde is my hoop.
148 Ek maak my oë oop in die middel van die nag,
sodat ek oor u woord kan nadink.+
149 Luister tog na my stem as gevolg van u lojale liefde.+
O Jehovah, bewaar my lewe, want u is regverdig.
150 Dié wat hulle aan skandelike gedrag skuldig maak, kom nader.
Hulle is ver van u wet af.
151 U is naby, o Jehovah,+
en al u gebooie is waarheid.+
152 Lank gelede het ek van u herinneringe geleer,
dat u hulle ingestel het om vir ewig te duur.+
ר [Resj]
153 Kyk tog hoe swaar kry ek, en red my,+
want ek het u wet nie vergeet nie.
154 Verdedig my en red my.+
Bewaar my lewe, soos u belowe het.
155 Redding is ver van die goddeloses af,
want hulle het nie u wetsvoorskrifte gesoek nie.+
156 U genade is groot, o Jehovah.+
Bewaar my lewe, want u is regverdig.
157 Ek het baie vervolgers en vyande,+
maar ek het nie van u herinneringe afgedwaal nie.
158 Die bedrieglikes is vir my walglik,
want hulle gehoorsaam nie u woord nie.+
159 Kyk hoe lief is ek vir u bevele!
O Jehovah, bewaar my lewe as gevolg van u lojale liefde.+
160 Die hele inhoud van u woord is waarheid,+
en al u regverdige oordele duur vir ewig.
ש [Sin of Sjin]
161 Magtiges vervolg my+ sonder rede,
maar my hart is vol ontsag vir u woorde.+
162 Ek vind vreugde in u woord,+
soos iemand wat ’n groot skat vind.
163 Ek haat leuens – dit is vir my walglik+ –
ek is lief vir u wet.+
164 Sewe keer per dag loof ek u
as gevolg van u regverdige oordele.
165 Oorvloedige vrede behoort aan dié wat u wet liefhet.+
Niks kan hulle laat struikel nie.
166 Ek vestig my hoop op u reddingsdade, o Jehovah,
en ek gehoorsaam u gebooie.
167 Ek skenk aandag aan u herinneringe,
en ek is baie lief vir hulle.+
168 Ek skenk aandag aan u bevele en u herinneringe,
want u is bewus van alles wat ek doen.+
ת [Taw]
169 Laat my hulpgeroep u bereik, o Jehovah.+
Laat my verstaan deur middel van u woord.+
170 Luister na my smeekgebed.
Red my, soos u belowe het.
171 Laat my lippe oorloop van lof vir u,+
want u leer my u wetsvoorskrifte.
172 Laat my tong van u woord sing,+
want al u gebooie is regverdig.
173 Mag u hand gereed wees om my te help,+
want ek kies om u bevele te gehoorsaam.+
174 Ek verlang na u redding, o Jehovah,
en ek is lief vir u wet.+
175 Laat my lewe sodat ek u kan loof.+
Mag u oordele my help.
176 Ek het soos ’n verlore skaap afgedwaal.+ Soek na u kneg,
want ek het nie u gebooie vergeet nie.+